今年，會努力💪🏼希望大家多多支持❤️ @onecoolpictures 2021年【天下一電影】將製作及發行多部不同題材風格的電影 當中有： 《尋秦記》科幻古裝經典，相隔20年後以電影版再現，吳炫輝和黎震龍執導，原班人馬包括古天樂、林峯、宣萱、郭羨妮等人悉數回歸！而釋出的宣傳片亦張力十足，亦顯示出項少龍及嬴政這對師徒的恩怨情仇愈趨白熱化，勢成水火！ 《媽媽的神奇小子》由真人真事改編，故事講述香港殘疾運動員蘇樺偉和他媽媽「蘇媽」的奮鬥事蹟。本片由曾獲香港電影金像獎及台灣金馬獎影后殊榮的吳君如監製及領銜主演，曾執導《戀人絮語》、《指甲刀人魔》及《斷了片》，及憑短片《囍》獲得2000年法國普瓦泰國際學院電影節國際錄像大獎的香港新晉導演尹志文執導及編劇，聯同多位本地實力派演員張繼聰、梁仲恆、胡子彤、錢小豪、楊偉倫、吳肇軒、陸永、鍾雪瑩及麥沛東等真摯演出。 《馬達・蓮娜》由伍健雄、鄧維弼、黎青敏監製，陳雅莉執導及編劇，張繼聰及周秀娜領銜主演，電影為兩個於澳門浮沉，各有過去的陌生人相遇，相愛，相知的故事。 其他電影還包括吳炫輝執導，古天樂、劉青雲主演的特技科幻大作《明日戰記》；群星演出的《總是有愛在隔離》；新晉導演區焯文執導，吳肇軒及袁富華主演的《說笑之人》；古天樂主演，以救護員為題材的《送院途中》；張繼聰主演，以馬拉松為題材的《逆走人生》；古天樂、宣萱、姜皓文及張繼聰主演的《一線生機》；古天樂、林家棟主演的《惡行之外》；徐梓耀執導，姜皓文、廖子妤主演的《電影痴》及另一徐梓耀導演作品《YOLO》等等。 ➡️ Facebook : www.facebook.com/onecoolfilm ➡️ Instagram : www.instagram.com/onecoolpictures ➡️ Youtube : www.youtube.com/onecoolfilmproduction

* 談一些《以青春的名義》的觀後感 「相濡以沫 不如相忘於江湖」 （含劇透及一些超級個人解讀，慎讀） — 尋晚十一點幾睇完套戲，如果話《藍天白雲》同《以青春的名義》都係一個女人，咁《藍》就係一個素顏女，而《以》就係有粉底有胭脂打埋眼影鼻影搽埋頸嘅女人，不約而同嘅係，兩位都係靚女，三日之內可以連睇兩套出色嘅香港電影，風格各走極端，邊個仲夠膽講本土作品係垃圾？ — 恭維嘅說話唔多講，用咗唔少時間去睇其他大佬大姐嘅觀後感或影評，有啲講隱喻，有啲講玩鬼魅風格，有啲講男女主角做到好好等等等等。而電影比我一個好簡單嘅印象係，的確有住唔同經典作品嘅影子，最大嘅印記莫過於係王家衛嘅《花樣年華》，一段婚外情對倒出另外一段婚外情，男大女細，男細女大。由模仿到假戲真做，亦有啲似《男人四十》，講中年男女嘅迷失，家庭、婚姻、個人嘅危機（之前寫過呢兩套戲唔係亂嚟的），甚或不認張子行一場戲，亦有《幸運是我》錢小豪與陳家樂對手戲的味道。 — 藍藍藍藍藍藍藍藍藍藍藍藍藍。 — 上面果句嘢反而係我對套戲最大嘅感覺，但觀乎影評們無乜人講，唔知係我太敏感定係諗多咗。泳池固然係作品最重要嘅一個場景，但我想講，唔止係泳池，全套電影都充斥住一切有意無意「藍色」嘅物件或者設定，吳肇軒藍色嘅波褲、劉嘉玲藍色嘅裙、藍色嘅手機殼、藍色嘅欄杆、藍色嘅file、藍色嘅校園，總之藍，全部都係藍。 — 好多人講什麼鯨魚同高跟鞋嘅隱喻，但其實電影已經算係明喻，呢兩樣嘢嘅象徵極為清楚，你問你呀媽都解到比你聽。但我更在意嘅點解除咗泳池，導演仲要安排咁多藍。呢種顏色固然有佢一啲文化嘅意涵，可以代表憂鬱嘅都市，每人都經歷緊一段段「唔正常」嘅關係。但睇番《以青春的名義》故事本身，我覺得導演係想講成個都市自身就係一個更大嘅「海」。 — 「相濡以沫 不如相忘於江湖」，我離開戲院之後，第一時間諗起呢句嘢。句嘢出自莊子，「意思是泉水乾了，魚吐沫互相潤濕，何不各自到大江大湖裡去更自由。比喻一同在困難的處境裡，用微薄的力量互相幫助；有时不妨放棄執著以全新的自我迎接世界。」（百度解釋） — 而張子行同葉若美何嘗唔係於面臨泉乾時候相濡以沫嘅兩條魚？兩個人都有自己各自嘅羈絆，張子行成長於單親家庭（更準確講係無親家庭），在佻皮嘅面具下處事見成熟，一句「小學雞唔啱我」和纏繞嘅夢鄉已經表達出佢嘅戀母情意結，佢需要一個成熟帶有母性嘅人與佢同行；劉嘉玲經歷女人嘅中年危機，加上丈夫出軌，家庭關係亦未見好好，陷入咗一個迷失嘅狀況，需要有人指路。 — 喺一個偶然嘅機會之下，兩個人遇上咗，因而發展咗一段「關係」。關係或愛對你嚟講究竟係乜？係一見鍾情？係慢慢磨合然後苦心經營？又嚟一啲個人解讀，我認為故事嘅核心只係四個字，「互相需要」。劉嘉玲話果陣因為佢呀媽死咗，所以就同謝君豪一齊，不難理解喪母嘅時候需要一個男人嘅支持，而成「關係」；吳肇軒需要劉嘉玲，而劉嘉玲其實都需要吳肇軒，兩個人都需要對方和自己跳一支舞。不論係工具嘅性質，抑或係情感嘅性質，一個迷失嘅中女好需要有人幫佢下定決心，做到主。 — 睇完套戲嘅時候，我問同行友人覺得套戲點，佢話：「覺得個尾完得好突然，或者唔夠完滿，同想像中嘅有出入。」兩個人，一段關係入面，都會有「互相需要」同「互相不需要」嘅時候，當大家一千萬個期待兩個人「搞嘢」果陣，最後雖然[搞嘢不成],但點解劉嘉玲唔留低同吳肇軒繼續發展呢？劉嘉玲之所以需要吳肇軒，係因為佢陷入咗自己唔夠膽面對嘅婚姻危機入面。而最後肇軒喺衝動之下幫咗女方攤牌，其實劉嘉玲已經唔再陷入喺危機之中，所以佢恢復理智之後選擇離開，極之合理。 — 因為「互相需要」而促成關係，故事嘅第一幕戲已經係最大嘅隱喻。劉嘉玲是一艘從大海裡經歷過強烈風暴的船，終究因為泊岸而逃過一劫，風平浪靜就可再次揚帆出海。此刻吳肇軒是錨，成熟穩重，曾經讓飄泊的人泊岸。雖然張子行說會等葉若美一輩子，但我不太擔心他，大海裡的船還多得很，更何況不知道自己是瘋的瘋子，是幸福的。 — （如果你咁有心機睇到嚟呢度，一篇觀後感其實要寫嘅時間真係頗長同相當費心力的，正如呢篇野都過左千五字了。如果你覺得文章係寫得好嘅，我一個人嘅力量真係非常有限的，唔好吝嗇你嘅like同share吖，甚至幫手推薦比朋友知道原來睇戲之後係可以有反思的，一齊傾，一齊分享同感受。網絡的力量可以很少，一篇千文字可以只像一粒沙，但同時亦可以很鉅大的，依靠的就是你，你，和你，感激不盡！）

#Repost @fongemantvman (@get_repost) ・・・ [1230隔夜超短劇評] **歡迎留言討論但唔好劇透** **留言請明示你係講緊邊套劇** -------------------------------------------------- [ViuTV][瑪嘉烈與大衛系列 前度 第4集] [讚] 今集明顯好緊扣個主題。嗱，平淡唔係等於空洞就係咁喇，對於有觀眾話啲冇嚟關係嘅空鏡好好睇好好feel我一直都唔認同，好feel都要有內容先有得feel。另，點解趙學而喺呢輯同《綠豆》嘅角色個老公都有外遇呀……無陰公。又，估唔到Suzuki同Angela做同事又幾鬼夾喎。 [彈] 馬志威做乜嘢下下都chok到咁勁？我就嚟頂唔順。另，啲鏡頭畫面係咪想做返《綠豆》嗰種感覺？但做唔到，仲好東施效顰，愈扮愈肉酸，呢啲真係好考個人嘅美感。 我有一種好似睇緊《詭探》嘅感覺。星期一至三hea住做，星期四五做好啲博你星期一繼續睇嘅感覺……希望我get錯……係咪有林狗嘅讀白嗰集先係重點？ [演員表] 劉俊謙 飾 大衛 / 袁澧林 飾 瑪嘉烈 / 馬志威 飾 大輝 / 杜小喬 飾 美玉 / 廖碧兒 飾 維珍 / 趙學而 飾 吳太 / 陳國邦 飾 吳生 / 李建邦 Suzuki 飾 花店店員小豪 / 黃秋生 飾 沈在山 / 夏文汐 飾 淑華 -------------------------------------------------- [無綫][超時空男臣 第4集] [讚] John哥真係好正，冷面笑匠嚟，每個位都做到剛剛好，加返唔少分。之前喺《公公出宮》都已經好正。 [彈] 又嘔，係玩同一條橋都可以進化吓改良吓啩，真係唔好笑呀真係悶到嘔。已經抱住睇大台傳統鬧劇嘅心情去睇，唔使你突破，但水準都冇，想點？望吓，原來有成32集，頭幾集個節奏已經咁慢又冇嘢睇，後面點算好？ [演員表] 蕭正楠 飾 袁崇煥 / 曹永廉 飾 左光斗 / 何廣沛 飾 李進忠 / 王君馨 飾 太子妃 / 蝦頭 飾 霞姐 / 田蕊妮 飾 方惠芝 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 朱晨麗 飾 方惠玲 -------------------------------------------------- #1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #蝦頭 #楊詩敏 #田蕊妮 #韋家雄 #簡慕華 #蓋世寶 #姜大偉 #朱晨麗 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒 #趙學而 #陳國邦 #李建邦 #Suzuki #黃秋生 #夏文汐