[bfmurmur1618] 同女朋友中二識，中四一齊到而家6年幾，大家讀緊唔同U。初初同佢一齊時佢唔係啲好出眾好靚嘅女仔，我比佢嘅性格吸引住，同佢相處好舒服，後嚟去到中四就一齊左。一直都冇咩問題，直至前一兩年佢有個U嘅朋友叫我女朋友陪佢去Studio跳舞, 陪左幾次之後我女朋友發覺自己都有啲興趣，就開始自己上堂我覺得都唔出奇嘅，我女朋友細個有學芭蕾舞同體操。後嚟佢將跳舞融入起佢恆常生活入面，仲入埋danso，開始覺得跳舞呢樣野改變左佢好多。 第一，danso都幾chur下，加上佢覺得佢起步比其他人慢，每星期仲會抽幾日時間去studio跳舞，或者係上private class。每次問佢幾時得閒，佢都會答我嗰日想去跳舞。個問題係佢成日去左跳舞，少左好多時間一齊相處。以前佢成日都話想見我，但嗰時我好忙真係分唔到身拒絕左佢好多次，佢都有表達過覺得我成日都太忙。我而家可以抽多啲時間出嚟，可以見多啲嘅時候，佢成日都會話要跳舞同跳舞。我地而家都係keep住一至兩星期見一次，我有同佢提起過呢個問題，佢表示一至兩星期見一次係十分之正常，我都唔知仲可以點同佢講。 第二，佢接觸左跳舞之後就唔再好似以前咁重視我。以前佢未跳舞成日都會好多時間搵我傾下電話，係痴身嘅女朋友，你會感受到佢將你放係第一位。我認我衰，嗰陣中學好chur好忙（大家嘅學校都係名校，同時chur學業+學外活動）我成日都唔理佢，佢想我陪佢時我向佢講過好多好難聽嘅言語，又周不時冷落佢唔覆佢msg唔聽佢電話又唔打返比佢，因為我真係好忙我冇再多嘅時間放到係佢身上，通常事後氹一下佢就冇事。但係而家跳舞出現左係佢生活後，我好似比跳舞更加唔重要咁，佢唔再痴我唔再成日同我講想去邊，又唔搵我傾電話，叫我自己去打機搵朋友，而佢自己就淨係去跳舞。 第三，佢跳舞之後開始著重打扮，改變自己衣著風格。以前佢打扮得斯斯文文幾好睇，但係而家每次出街佢啲打扮好花，一係就好sexy, 著到好出眾咗。我有同佢講過想佢著返正正常常斯文啲，佢同我解釋，佢平時買衫都會揀啲方便去跳舞，咁就唔需要再額外花錢買衫分出街同跳舞著，而且嗰啲「跳舞」嘅衫都係出街衫，只不過轉左style, 佢自己著得開心就得。仲問我佢而家著得好唔正常咩？我心諗下，你淨係諗自己開心就得，有冇諗過我同佢出街唔係拖住手都冇人知係情侶，我就頹look毒撚打扮，佢就好精心打扮化曬妝著到好靚，我都唔知佢著咁靚做乜，話就話比自己睇，心情真係會開心啲？佢到底明唔明白我唔想佢比人望，怕佢會比人搶走先想佢著返正常少少。 第四，佢成日出街出到好夜。佢跳舞之後個人有自信左，變到好主動外向, 加上佢本身性格好好，客觀地講佢性格真係90%男人嘅理想對象嚟。身邊都多左好多朋友，仲有唔少追求者。我覺得佢嘅性格改變都冇問題，問題係佢而家多左朋友成日都約朋友出街，約朋友跳舞，出街出到半夜先一個人搭的士返屋企。我有同佢講過唔想佢咁夜自己一個返屋企。佢又係講返，啲男仔有話要送佢返去但係我唔比，佢叫我出嚟送佢返屋企，既然兩樣都唔可行咁佢唯有自己搭的士返屋企。而家個問題係佢出街出到好夜，唔係點樣返屋企。我講左好多次想佢早返去，我都係想佢好點解佢唔聽我講野。 我地就住呢啲問題已經傾過好幾次，佢每一次都會反駁我而唔係聽我講野，我覺得好心累唔知仲可以點溝通。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

[gfmurmur9548] 講返少少背景資料先 我22歲男朋友24歲 一齊咗4年，本人唔係外協 唔係因為外表而同佢一齊 而係日久生情。即使佢唔係靚仔 以前都會有吸引到我嘅一面，無論係髮型衣著行為或者係一個小動作 都有令我有一刻心動嘅時候，雖然佢唔靚仔 但作為異性 對我來講都有小小吸引力，會想親近佢，會想同佢有親密行為。 以前佢係偏向毒撚type 衣著簡單 髮型普通（我鍾意啲毒毒地 簡簡單單 唔好咁出眾嘅），最近佢開始轉style 想學人打扮，留長頭髮 衣著唔再係簡單T-shirt 加條普通款式嘅褲，而係偏向潮人/型嘅style。弊在個髮型根本唔啱佢 啲衫褲佢又carry唔到.....有時po相 啲朋友見到都問我男朋友做咩搞成咁 好柒。我都有同男朋友講過我意見 但佢仍然自我感覺良好 覺得自己好靚仔。我明白每個人嘅審美觀都唔一樣 但有自知之明好重要，10個人望完佢 9個都會心諗依個人咩事。有時出街 好多路人行過都會望下佢 (大家都知比人望得 一係就好靚 一係就好柒 所以....知咩料啦） 依家 佢對我來講 已經失去異性吸引力 直頭係零。我唔係想要靚仔 只係想要個正常人 但佢搞到自己愈來愈奇怪 以為自己係潮流教主，我望住佢 真係野都唔想扑，性衝動都無埋，有時連錫都唔想錫佢。依家先20幾歲 已經好似啲50歲老夫老妻咁 愈來愈少扑野，點搞好？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

你的打扮如何，你的日子必如何？👔 _ Hey 巴打, _ 你依家著衫係咪以『做返自己』嘅心態去著呢？ _ 咁耐以黎， _ 我聽到無數無咩style嘅男士同我講話唔太在乎自己嘅style， _ 因為佢哋想『做返自己』， _ 唔想成個女人咁打扮， _ 所以就會 "just dress comfortably like myself"。 _ 其實明嘅， _ 因為始終『改變形象』喺一個好明顯嘅變化， _ 身邊嘅人喺會即刻俾反應／說話你聽， _ 所以喺會令好多人都感覺『唔自然』。 _ 但係你知唔知點解『做返自己』係一個好危險嘅句子呢？ _ 原因係： _ Just Be Yourself 根本只係一個藉口， _ 去比一啲淆底嘅人唔去離開自己嘅舒適範圍， _ 只係一個『合理化借口／rationalization』唔去改變， _ 因為佢哋覺得改變喺太痛苦困難。 _ 我哋身邊嘅朋友／傳媒大眾都會建議你『做返自己』， _ 但係你諗下， _ 如果你『做返呢個版本嘅自己』喺溝唔到女嘅時侯， _ 你覺得『繼續維持現狀』又可唔可以無啦啦令條女想屌你愛你呢？ _ 白痴嘅都知道答案。 _ 咁點解咁多人都叫你『做返自己』呢？ _ 因為... _ #1 聽落喺好舒服，唔需要點take action；令人自我感覺良好，更加可以免除自己『溝唔到女』嘅責任。 _ #2 啲女或者其他仔叫你 just be yourself， _ 因為佢地根本乜撚都唔識，所以就求其鳩噏下啲好聽嘅嘢當幫助你。 _ 真相係：大部份人寧願被謊言保護，都唔願意聽到冷酷嘅真相。 _ 所以如果想任何地方成功嘅話， _ 我哋絕對需要搵一啲肯坦白講真相俾你聽嘅朋友／良師， _ 咁樣你先會知道有咩建議可以馬上運用。 _ 世界上最成功嘅人， _ 全部都係持續不斷地改變／演化／定義自己， _ they all keep changing who they are, _ 因為佢哋知道進步同擴大自己現時限制嘅重要性。 _ That's an irrefutable law of success. _ （亦都喺點解我舉辦咗MTFU Insider內部家庭嘅原因。） _ 如果你13歲開始就講話『做返自己』跟住停止演化自己， _ 你根本咁多年嚟都係依13歲嘅幼稚行為去做人， _ 你咁乸樣又點會溝到索女呢？ _ Keep growing, keep changing, keep evolving。 _ 無論係你嘅衣著品味， _ 你嘅溝女game或者世界觀， _ 定係你認為自己喺乜嘢人嘅identity！ _ - Manson _ P.S. 呢個月收到好多聽眾email關於對Insider嘅興趣， _ 所以請留意呢個星期尾嘅宣布， _ 我哋係會重開MTFU Insider幾日，讓有志者加入。 _ For now, 記住要keep住 level up自己喇！ _#manthefvckup #manupmanson #hkmen #hkdating #hkdryclub #dryclubhk #dryclub #溝女 #兩性關係 #愛情 #戀愛 #男女感情 #型男索女 #喜愛夜蒲 #性愛 #性知識 #蘭桂坊 #港男 #港女 #毒撚 #兩性關係 #拍拖 #自愛 #selflove #做返自己