很多四眼佬出席正式場合（或者去蒲）時，都會棄鏡取con，感覺上好似smart少少。但誰說戴眼鏡不可以smart？看看《Kingsman》，揀得好的眼鏡，没有Nerd味之餘，反而十分紳士。

為何有的黑框戴起像小丑、有的像四眼毒撚，有的卻能戴得入型入格？箇中關鍵，還是不離男裝穿搭的golden rule：fitting。

最基本的規則，是眼鏡的闊度要與面型闊度相約。戴眼鏡不是做gym，不需要掙扎，太窄的眼鏡，看起來會有點小滑稽；至於太闊的眼鏡，則好像戴了Safety goggles一樣，會有點geek味。

明白了道理後，其實也可反其道而行，像Bob林盛斌，就會刻意戴偏小的圓型眼鏡，營造滑稽搞笑的感覺；有些女生則會戴特大的眼鏡，看起來會有種反差的可愛。

除此之外，眼鏡的眉框應該盡量貼近眼眉。有時鏡框没有鼻托，又或者本身鼻梁不夠高的，可以考慮加一個防滑鼻托貼，好似push-up bra一樣，將眼鏡谷在合適的位置。

還要知道自己的臉型。基本上，方臉的就選圓角的，又或者上方下圓的眼鏡；圓臉則相反，可以選擇偏方型的鏡框。長臉就選窄長的方框，在視覺上拉闊臉型；闊臉則選擇幼一點的框，不要再加重比例。

不過最緊要的，還是要時刻保持警剔，擦乾淨鏡片。充滿手指模及油漬的眼鏡，無論幾適合，也只會功虧一簣。

全文在patreon

F.

「這個人十分毒。」

自從「毒撚」一詞面世，「無毒不丈夫」或「最毒婦人心」之類的形容就報廢了。當形容一個人很毒，聽者第一念往往想到腐毒，而不是歹毒。

英文少了這種歧義問題，基本上有三個字形容：Toxic、Poisonous和Venomous。Toxic泛指毒害性，例如你跟一個渣男一起，這段關係對你來說就是Toxic Relationship了。

Poisonous和Venomous的分別則與毒害的途徑有關。毒箭蛙和眼鏡蛇都是「有毒」，但途徑不同，毒箭蛙是你咬牠中毒，眼鏡蛇是牠咬你中毒。前者的毒素累積在皮膚之中，誤食者攝入方會中毒；後者則是獠牙毒腺製造，需刺穿注射入血方會中毒。一種屬保護性，一種屬攻擊性，單單是「有毒」一詞便描繪不到這種分別。

所以，毒撚是Poisonous還是Venomous呢？

從此可以推論出起碼有兩種毒撚。Poisonous也有先天和後天之分，內向型人格或許會影響到他們在與人相處時呈現毒性，但後天的生活習慣可能影響更深，像河豚毒素，河豚攝食來自海洋環境的有毒藻類，才令到它的肉質帶有癱瘓神經的毒性，但換着是人工養殖的環境，由於畢生接觸不到這種藻類，牠們便會變成無毒了。人也是一樣道理，你是一個怎樣的人，跟你暴露有一個怎樣的環境、經常攝入甚麼息息相關。脫毒的第一步，最起碼要變換這兩樣東西。

換句話說，Poisonous毒撚基本上是人畜無害，他們只是困在自己的細胞裡面累積毒素，只要不直接接觸、不主動咬他的話，你便不會受到毒氣所傷。「其實毒撚一個更開心」，這句話何其善良？因為他們寧願一個也不願毒到身邊的人造成不快。

不過，Venomous毒撚就不同了，他們會自己製造毒液，像眼鏡蛇般收縮上顎的肌肉噴射毒液，射程可以超過一米。攻擊姿態就是他們的防衛姿態，無時無刻都在尋找可以噬咬的獵物，把自己的毒注入對方體內，講求快速癱瘓對方，再慢慢吞滅。

被咬到會很麻煩，因為他們見到你還未癱瘓的話，往往會追咬下去，一條不夠就十條來咬，就等你氣絕為止。理論上找一個封上皮膜的玻璃瓶，捉住上顎擠出毒牙咬下去，就可以收集毒液用來提煉血清，但人是否也可以這樣呢？Venomous的言語或許有血清的成分，但只能拿來救人，不足以令蛇變成無毒。

最奧妙的地方是甚麼？是Poisonous會轉化成Venomous，即把環境所積累下來的毒素轉化為毒液，到處射來咬去，營造一個對他們生存有利的Toxic Habitat。這就難對付了。更難對付的是甚麼？以執行正義為原料所製造出來的毒液。初時或者有以毒攻毒的效果，日子一久卻可能連自己也中毒了。很多時一個人很毒，但他本人並不知道，就是這樣的原因。人跟政府有一個共通點，就是永遠看不見自己的腐敗，而有變本加厲的勢態。為甚麼會這樣？

還有一種毒叫代謝毒素，代謝反應失常或排泄失能所引起的細胞毒性反應。代謝太差，也可以令一個人很毒，尤其是他不願意代謝，長期便秘，腎功能失調，問題就會更嚴重。官僚主義便是代謝問題的其中一種。

作者

［墨斗先生］出醜記，全無公共性。

TLDR：信我，三千幾字全無公共性的，亦冇任何教訓。純係睇我出醜。「應該冇公共性下話？」

1. 是咁的，埃汾搬Office嘛。當然我Whatspp呀，Personal Facebook就咁貼相講new office，就有人以為返新工啦。都係我唔好。

2. 但在呢度有寫明唔係轉工唔係被炒，同一間公司同一個位，只係搬離上環（定中環？好似都係講中環勁啲），去到灣仔。

3. 其實星期五六開始大遷徒，星期六日可以返去試機。但我呢啲住大西北嘅，當然唔會星期六日返去啦。

4. 掉轉，今日（星期一）我選擇早啲返去，慎防有乜死人冧樓嘛。換著以前我會六七點返到去添，即係星期日晚唔訓（反正我星期六日訓到日落先起身）。但而家唔會了，歲月不饒人，以前睇通頂波再去考試又得，考A level 都得。後來？考CFA都試過—結果？我下半場在機場博覽館訓著咗。嗰次當然肥埋。

5. 真的，年紀大，呃唔到人，差不多人人都係咁。後生時夜蒲通頂，第朝依然好有精力返工。而家？都得，但訓少四個鐘，我之後要用返兩三倍嘅時間補。唔著數。

6. 言歸正傳，見到一切都大約順利。咁應該做乜？當然係食早餐。實情以前我差不多一定係食完先返公司—記住，呢個係伏線。

7. 灣仔嘛，好餐廳當然多。實情我以前都返過灣仔，唔止一次，今次已經第三次返灣仔。最初係菲林明道乜乜小學嗰邊，之後係駱克道近入境橋。而家？修頓後面。真係由灣仔嘅左岸，去到右岸，又去返左岸。彈出彈入—我甚至未計耆英年代，返太古廣場三期（https://bityl.co/3bQ2），八年。嗰個位叫咩區？視乎我對住咩人講。對的士佬，我就會講大佛口，所有四張幾以上嘅司機都明。對住女？我就會話我返金鐘（！）。但對住正常人，嗰度係「灣仔同金鐘中間」（當然地區塔利班可以堅持呢個世界冇金鐘區，我明）。而嗰時已經去咩蘭杜街呀之類食嘢，點會唔係灣仔？

8. 可惜，絶大多數嗰三份工食過，而好食嘅餐廳，都係執撚晒嘅。殺人放火金腰帶，修橋補路冇屍駭。但你話地產霸權？但至撚難食嘅，屹立多年不倒喎。例如檀島。證明係我嘅品味同其他人唔同。

9. 好啦，食早餐，行行重行行，諗嚟諗去諗唔到。行到去，軒尼詩冰廳（https://bityl.co/3bQC）。純係因為當年食過還好，雖然已經轉咗手（https://bityl.co/3bQD）。

10. 仲有，我去食，唔多唔少同我個妹有關—又係伏線。我個妹有一排返過灣仔，有時都會一齊食飯。我妹當時老細係一個意撚，成日都去呢間嘢（未轉手前），佢仲練好佢嘅廣東話，食完好撚型咁：「唔該埋單」。

11. 結果？個侍應望都唔望佢，只係同佢講「歐嘥歐嘥」

12. 無論如何，軒尼詩冰廳，轉咗手，故事嘅舞台。嘢食還好，個沙爹牛麵係咪福麵？明顯唔係一丁又唔係大光麵。奶茶就奶味太重又太甜，明明叫小甜。但嘢食係冇投訴的，呢篇文唔係投訴。雖則我應該唔會再去，因為有啲陰影。但全係我個人問題。

13. 好啦，食完，起身啦，埋單啦，都係「歐嘥歐嘥」

14. 其實你睇今次篇文個題，或者睇到張相，都估到：仆街，我冇帶錢！！！

15. 我唔知你地啦，但呢啲嘢，我都唔係第一次啦，都唔使太驚。咪諗下點應變。但不如你都同時諗下。

16. 「用八達通啦！」—　Negative！首先間嘢唔收八達通。另外，我想講，我唔係銀包冇錢，而係冇帶銀包！！！！

17. 拿，咁就仆街啦。因為，你下一個選項，「去提款機」，都係冇用。都話冇銀包，哪來提款卡？

18. 咁你會點？

19. 返公司拎？唔係唔得。但落大雨，而我冇帶遮。唔止，我係根本冇帶遮返工。行返去公司，行返嚟軒尼詩冰廳，再行返公司。冇話唔得嘅，但，有冇更好方法？

20. 「叫同事打救我」—應該話，叫我啲o靚打救我。我估正常，你都唔會搵CEO架可？但，其實，一個正常人，都唔應該落大雨叫同事落嚟拎銀救你的。對不？

21. 好，你估到了，伏線。「叫阿妹嚟救」。好多人都係咁，亦係人之常情。對外人，對網友，甚至對街邊隻狗都大愛。但對屋企人就另一標準。正路地，其實叫我妹嚟救我，都係一個選擇。

22. 可惜，佢已經炒撚咗意撚魷魚（我戲稱為干炒意撚）（果條意撚真係好極品，極品過意粉，有機會講下），點救我？雖然我再後來（即係打呢篇文時）知道，佢剛剛又去咗灣仔返工。但灣仔都好大，佢在灣仔尾。咁一個正常嘅阿哥，唔應該叫個阿妹咁做嘅。

23. 好啦，by 二廉蚊喱唇，仲有乜選擇？

24. 我硬著頭皮同包皮，去同阿姐講，我冇帶錢。咁阿姐當然冇同我講「咁八達通」，因為唔收。阿姐好友善咁話我知，咁呀，微訊支付，Alipay啦。

25. 弊在我都係冇。同安唔安全中唔中國冇關，冇就係冇架啦。

26. 看官，仲有乜選擇呀？但我當然係諗到點做先去埋單啦，否則？我可能真係等到停雨再決定行返公司。

27. 蘋果呸？都話八達通都唔收咯，所以都唔使研究我有冇連張八達通落埃瘋。

28. 你估到呢，登登登登。就係，傳說中嘅，無卡提款！（發毒誓，唔係廣告，廣告文咁寫，個客應該屌到我上天花，或者當我係神）。

29. 冇銀包，冇提款卡啫，但有電話嘛！咁咪得。軒尼詩冰廳，行落地鐵好近啫。

30. 咁冇問題丫，咪同阿姐講，我去襟錢。

31. 真的，以前耐唔耐都有呢啲東西發生。咁如果係去開嘅舖頭，實冇問題，甚至有舖頭叫我第日先畀。熟客嘛。

32. 咁但，呢度我係生面口嘛。我同阿姐講我冇錢，又冇微訊支付，又冇Alipay，我話去襟錢。佢都有啲老撾，仲有啲緬甸。然後叫我…..

33. 「咁你…..留低」

34. 佢都未講完，我就主動搶答：「我放低個電話啦」

35. 你見到問題未？

36. 「仆街，我放低咗個電話，又點去無提款卡襟錢呢？！」—典型嘅catch 22．但我唔放低個電話，阿姐點信我？我身上仲有乜可以留低？留副眼鏡畀佢？我應該行唔到出去門口。

37. 幸好，作為一個不可信嘅男人，我係有兩部電話嘅！幾咁重要呢！！！！　（＊＊）。

38. 阿姐望咗望，雖則埃汾兩個字連四十二蚊都唔值。但，部電話，當垃圾賣都唔止四十二蚊嘛，就放咗我走。

39. 大團圓？未！Except one thing

40. 邊個話你知，我戶口係有錢架呢？

41. 哈哈，就在呢個關頭，我個戶口，係得返幾十蚊嘅！死未！做金融才俊（我幾時話我係呢？我又冇去酒樓聽楊千嬅唱梅艷芳）做得你咁頹！

42. 幸好，我自己知自己事。咪話我妹係伏線咯，我未去同阿姐講，已經睇咗戶口結餘，知出事，仲叫咗我妹payme 轉住一舊水嚟先啦。咁我妹當然二話不說就做，但都不忘問句，做乜係一舊水。咁人生嘅嘢，爭一舊水就係一舊水架啦！雖然「一舊水」而家都唔係一舊水（明嘅自然明）

43. 咁，結局啦掛。但又未完！你睇，睇我啲文，睇我襟錢，好撚似你去買土耳其雪糕咁，幾有黏性，死唔斷氣，次次你以為到手都走返！（＊＊＊）

44. 我歡天喜地咁逃出軒尼詩冰廳，落到灣仔地鐵，搵恒生櫃員機。哈哈哈，仲要冇乜人，爽。埋去，襟機，唔掂，出唔到。喂，我明明望咗戶口有一百幾十蚊架喎

45. 「此機只供應500元紙幣」

46. 仆你個街！有冇咁撚幽默呀！唔係拎埋張receipt讀者以為我吹水呀！

47. 所以，你咪見到第一張失敗嘅receipt！試多部，又係咁！所以咪有第二張

48. 幸好，天助自助者，我百折不撓嘅精神，卒之試到第三部就成功。The rest is history（留意receipt上嘅時間）

49. 你問：如果部部機都只係得500蚊紙，咁點算？咁我諗都係唯有叫我個妹轉多400蚊嚟。

50. 「如果佢連400都冇呢？」，仆街，有冇咁悲慘世界呀。「咁我估我會上呢度出post」

51. 好，最後講下。即係冇帶錢呢啲耐唔耐都發生，而好少搞到咁大件事。首先因為我成日去嚟去去都係嗰啲地方，多數都認得我，真係幾十蚊走你數咩。一般唔會叫我留低電話，甚至好多時叫我下次先—但我當然唔會咁做，唔好咁啦。唯獨係今次試新舖出事

52. 仲有，點解之前好少會咁出事？因為之前多數食要先畀錢嘅地方。冇錢根本買唔到嘢食。加上，之前我係食咗早餐先返公司嘛。咁我冇帶錢又點坐車呢？唔會的，除非黑到坐車跌咗銀包啦。

53. 拿，3600字，全無公共性。冇呃你。睇得過癮嘅，訂Patreon啦（https://bit.ly/31QmYj7）。講明先，Patreon唔寫呢啲，寫正經嘢，金融經濟。但都係我。冇Patreon，我又邊有動力寫咁多Playboy 麥路人　軒尼詩冰廳呢？某程度上係其他Patreon讀者補貼緊你地（情緒勒索來了！）。所以呢，如果可以的話，就做補貼人嗰個，唔好做被貼嗰個。聽講施比受更有福嘛（所以我做受嗰個，等你地有福）

（＊）忍唔住講多句，我最掛住嘅，係太古廣場三期個廁所。真的，有幾年係成日諗起。當然唔係我在入面做愛（雖然應該可以），我最癲都係在入面訓覺啫。但，個象徵意義好緊要。等於彭浩翔「春嬌與志明」個火爐。我嗰時每屙一次屎，都提返自己，拿，咁辛苦做到仆街為乜？就係為咗在呢啲廁所度屙屎—仲要你一路便秘一路公司都出緊糧畀你。打後好多年，我都冇坐過咁靚嘅廁所，可以在入面訓覺嘅廁所。百幾蚊尺呀朋友，當時仲係全新，你開大嗰度都坐住幾舊水呀。明啦？

（＊＊）呢個理論好多人話混帳，但我都係不停咁同人講，特別係後生女。我話：世侄女，阿叔教你啲做人嘅道理—有兩部電話嘅男人呢，係唔可信架！
然後往往世侄女會反駁，或者其他人會講—喂，好多男人都兩部電話喎，喂，「我都兩部電話喎」。喂，我老公都兩部電話喎—係丫，冇錯，好多男人都兩部電話—男人就係不可信架啦。咁埃汾，你呢？我梗係唔係有兩部電話嘅男人。我係有三部電話的。健力士，妙不可言。

（＊＊＊）我好似冇見過有人用　土耳其雪糕　比喻寫文。但，創作101，將啲唔啦更嘅嘢放埋一齊就有火花。例如「哥本哈根盧永仁」「MK活地亞倫」.但前題係，你要知道咩係土耳其雪糕，去過土耳其更佳，知道點解土耳其雪糕有得咁玩就更好。台上一分鐘台下十年功呀。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

極速短劇系列－毒拎季節

湯米拍拖了，但佢忘記左好朋友...

喊出黎自編自導自演之聖誕好兄弟！
（冇戴眼鏡，失焦了，sor)

我地好聽觀眾意見(好聽個啲)

Facebook:https://www.facebook.com/JUSTFORFUN.JFFT/

音樂：
周杰倫－園遊會
張國榮－當年情

「Audionautix」創作的「We Wish You A Merry Xmas」獲得「Creative Commons Attribution」的授權使用 (https://creativecommons.org/licenses/by/4.0/)
演出者：http://audionautix.com/

「Twin Musicom」創作的「We Wish You a Merry Christmas」獲得「Creative Commons Attribution」的授權使用 (https://creativecommons.org/licenses/by/4.0/)
演出者：http://www.twinmusicom.org/

特別鳴謝Cooper Production借出場地