如此平凡（中） . 畢業後，我再次返去邊境小城，加入緝毒大隊。 . 我嘅願望係，捉晒啲毒販，同埋突然有一日，父母手拖手咁返嚟我身邊，話我知佢哋已經成功戒毒。 . 所以，當上頭收到一條線索，話有個大毒梟嚟咗呢個城市， . 上頭下令要「不惜代價」去搵佢嘅罪證，就需要卧底，一個無露過面嘅卧底，我毫不猶豫地自告奮勇。 . ， 上頭借咗一部車同一身名牌畀我，我扮成販毒嘅大老闆，混入個大毒梟經常出入嘅窩點。 . 窩點裡極其混亂，吸毒、販毒、賣淫、賣槍應有盡有。 . 作為卧底，我自然要無視呢啲罪行，先同窩點中嘅人混熟。 . 一個流氓上下打量我，突然問：「你係卧底？」 . ， 「點會係呢？」我講咗兩句術語，又講埋上頭幫我準備嘅身份。 . 但係，窩點嘅流氓紛紛望向我，甚至有人開始將槍上膛。 . 「你入咗嚟咁耐，居然未......」流氓指一指桌上的吸毒紙管。 . 窩點所有人都係吸毒嘅，我自稱販毒，但偏偏唔吸毒，難免顯得格格不入。 . ， 望住流氓手中嘅槍，問題已經唔在於吸唔吸毒，而在於吸毒......抑或死。 . 我拎起裝住海洛英嘅紙管，對准鼻孔，用力吸入，一啲快感都無，只係身體暈暈地，但意識好清醒。 . 吸咗一次，就有第二次，連續吸咗一排，我終於獲得大家嘅信任，亦接近咗目標人物。 . ， 與此同時，我開始感受到吸毒嘅快感，我愉悅、我幸福，我覺得自己無所不能，做到所有夢寐以求嘅事，將所有毒販繩之於法...... . 醒番之後，我有一種莫名其妙嘅沮喪，全身無力而又好口渴，想食生果。 . 我知道我已經染上毒癮，但，我同自己講，我唔會好似阿爸咁，哪怕我被逼吸毒，我一定戒到。 . 我對毒品嘅仇恨，重於泰山。 . ， 我嘅努力終於得到回報，我得到大毒梟同人交易嘅準確情報，報畀上頭知，大毒梟被逮捕，我呢個卧底亦功成身退。 . 上頭知道我染毒癮嘅事，畀我放假，處理好自己嘅身體。 . 我好清楚我要面對乜嘢，我返咗外公外婆所在嘅鄉下，一個偏僻到無毒販嘅地方。 . 我出現戒斷反應，全身發冷發熱，好似有個波喺我體內撞嚟撞去，除咗嘔吐同呻吟，我咩都做唔到。 . ， 生理反應始終會完結，憑住堅敲嘅意志，我度過戒斷反應嘅痛苦，返去緝毒大隊。 . 因為之前捉大毒梟嘅貢獻，我被頒授勳章。 . 我拎住個勳章，出乎意料地，我一啲都唔開心，就係嗰種「我應該開心，而我唔開心」嘅感覺。 . ， 我知道原因，人腦有獎勵機制，假設你食到美食係5分開心，追到心愛嘅人係50分......咁吸毒嘅快感就係10000分。 . 呢種瞬間而龐大嘅快感，會摧毀大腦嘅獎勵機制，從此，需要更多分數先會令你感到同樣嘅開心。 . 即係話，只要唔吸毒，我唔會再快樂。 . ， 但係「知道原因」同「知道解決方法」係兩回事，我只可以忍受呢種感覺，希望戒毒後，我嘅大腦可以慢慢回復正常。 . 上司怕我毒癮未戒清，暫時將我投閒置散。 . 我有更多嘅時間，去搵戒毒嘅資料，我搵極都唔滿意，直到我睇到一個Post。 . 有個自稱戒毒成功嘅人，講述戒毒經歷，佢話一次過戒晒係太難，應該逐啲逐啲減少份量。 . ， 睇到呢個Post，我恍然大悟，好似搵到人生嘅真諦一樣。 . 或者講，好多時你認同一篇文，唔係因為嗰篇文啟發你，而係因為篇文講中咗你心底想講嘅嘢。 . 我應該吸毒嘅，份量逐漸減少囉，咁樣先健康㗎嘛...... . 我搵到我以前識嘅線人，買咗毒品，再吸番一口，好似所有快樂都返番嚟。 . ， 吸吓吸吓，一小包毒品消耗殆盡。 . 醒番之後，我好懊惱，明明要逐漸減少份量，我又唔記得咗。 . 我拎起紙管，本來想丟咗佢，但我望住仲有殘餘粉末嘅紙管，下一個念頭係：都係用錢買，唔好浪費......留番下次。 . 吸咗一次又一次，中間亦斷斷續續咁戒咗幾次，雖然有復吸，但我真係做到「愈吸愈少」，因為我嘅錢愈嚟愈少。 . ， 我好煩躁，嗰一丁點嘅毒品，已經無法令我快樂，只可以勉強令我無咁痛苦。 . 好多人以為，吸毒者戒毒後復吸，係我哋太貪心，太渴望快感。 . 其實，吸毒者嘅身體為咗自我保護，當身體意識到你要吸毒，佢會出現種種不適、空虛、焦慮，企圖阻止你。 . ， 然而，哪怕已經度過戒斷反應，只要你再遇到吸毒相關嘅人同事，甚至只係諗起吸毒，身體都會以為「你要吸啦」，產生不適嘅反應。 . 呢種不適，只有毒品嘅強烈刺激先可以將佢紓緩。 . 即係話，身體為咗令人唔吸毒，反而將人推向毒品嘅深淵，幾咁可笑嘅設定。 . ， 我好似機械人一樣，用晒所有錢、賣晒所有嘢去買毒品。 . 某一個緝毒大隊嘅戰友，搵機會搜出我身上嘅毒品，令我被判入戒毒所，強制戒毒。 . 我曾經好感激佢，亦曾經以為被困戒毒所，就會戒到毒。 . 但出番嚟之後，面對身邊人嘅歧視、質疑，仲有就業困難，令我嘅人生充滿壓力。 . 待續... . #小說 #tomatochan #陳美濤 #如此平凡 #短篇 #故事 #story #hongkong #drugs #love