【龔成問答信箱】（Q21761-Q21780）

Q21761：

老師你好，我上堂見你有教Benjamin 選股方法，其中一個係計流動資產淨值的3分2

以港鐵#66為例

流動資產=43,495 M
流動負債=41,651 M
流動資產淨值 = 43,495 M - 41,651 M = 1,844 M
流動資產淨值x2/3 = 1,844 M * 2/3 = 1,229 M

25/6/2021 的總市值 = 2,649.53 B
已發行股本(股) = 6,183,275,373
25/6/2021 的收市價 = $42.85

1,229M 除以 6,183,275,373 = $0.19
根據Benjamin 選股方法, 港鐵股價要跌到$0.19 先算便宜

想請問以上計法正確嗎?

龔成老師︰

對，你的計算是正確，但要留意，這只是一個「以資產角度計，貪平的方法」，即是說，我地估值有好多方法，而這個方法，就是假設「就算企業業務再差都好，流動負債點都值錢的」，以爛船都有三斤釘的角度出發。

佢這個方法，只係其中一個估值方法。佢以流動資產淨值，去計算一個有安全邊際的估值。

但由於佢這個方法，只係著重於資產價值上，而港鐵(0066)係一間有潛力企業，未必能有效反映實際情況。

所以，我課堂經常會講，我地最好用多個不同估值方法，去得出一個較立體的估值結果，這個答案，才會較有參考價值。

------------------------------------------------

Q21762：

因為我和家人都有貨(完美健康1830)，但其實不多，大約1-2手，我和家人都不太認識「買賣單位降」和改名會有什麼影響，但我們擔心不知會否影響現時我們持有貨的價錢，

例如現在1手是8蚊，即32000元，但之後改名改股變成8蚊1000股的話，是不是即變成我們持有1手貨由32000變成8000蚊？那麼我們要不要在調整之前賣出，然後降股後買回？

我家人有點擔心

龔成老師︰

其實無分別，只是方便買賣，不用擔心。

我地是否投資一隻股票，重點係佢企業本身架質素。佢改名，其實唔重要，只要佢本身業務和質素係無變，咁就無問題。

完美健康(1830)於7月15日會進行拆細，每一手由以往4000股1手，轉變為1000股1手。從而，令每手買入成本少左。

但作為現有投資者，你係唔會有影響。

以你現時持有一手為例，你有4000股(即1手)，現價假設係$10，你持貨總值就係$10 X 4000股 = $40000

拆細後，你依然都係會持有個4000股，但就會變成4手(因為現時係1000股1手)。我假設現價不變，都係$10。

拆細後持貨總值︰$10 X 4000股 = $40000。

你會見到，其實拆細這個動作，對你手上的持貨價值，係全無影響。因此你唔需要因為拆細，而賣出持貨。

但留意，此股現價略貴。現貨可持有，就暫時不宜再加注。

------------------------------------------------

Q21763：

老師您好！我係您既學生，而家睇緊您本千萬富翁(一路睇放唔低)。

我想創業自己做生意，但一向呢方面既知識唔多，雖然之前返果份工都係做sales...

但覺得自己相比起其他人business sense方面唔太好..想請問有無咩方法改善？老師有無睇過啲好既書本可以推介？

另外，我都明白要認識多啲人加強人際網絡，但係我個人有啲內向型，一諗起呢啲就聯想到要去一啲function自我介紹咁識人，想問下有無咩方法會自然啲？謝謝！

龔成老師：

坦白講，創業最好的學習，就是去創業，你得到的將會比你睇書多好多。

我建議你試下一些低成本的小生意先，例如網上創業等，這是一個很好的進步機會。

你最重要是不斷試不斷試，想，是無用的，試，才可有得著。你可以寫低所有你認為有商機的生意，然後睇下那些較小本，而你又做到，就可以開始。好多時有無市場有無發展，並不是想出來，而是試出來的。

另外，有D生意要真你有較強人際網絡，但有D生意則無要求，所以唔好比這些因素限死左自己。你可以參加一些商會活動，或早餐會之類活動，去結多D人。

至於自然唔自然，其實好主觀的，你去得多就得，所有野都是熟能生巧，做，是最重要的，唔好得得想字。

------------------------------------------------

Q21764：

老師好，有5百萬cash (前幾年買賣樓賺+儲蓄）, 應該買股票好定買樓好？

背景：3字頭，同屋企人住，而家住嘅地方有d遠

人工扣除家用開支，應該儲到1萬左右，有基本嘅醫療、危疾、年金

另外有30幾萬股票：
0002 - 2500股 $73.1
1928 - 2000股 $28.43
9988 - 200股 $225
2018 - 1000股 $41.6
1038 - 500股 $47.3

如果今次再買樓，應該唔會咁輕易賣出，除非好動蕩，最多係用黎自住（近返市區方便d返工同出街）或收租。因為有自住嘅可能，都會揀d高質素少少嘅樓買，咁就會用哂d cash

樓價高，如果只係用黎收租，其實回報唔多，計埋供樓利息可以話冇，不過可以博樓市會升，而家唔買之後可能更貴。但長遠8-10年後，

我唔係太睇好香港前景，覺得會俾大灣區/其他內地城市慢慢取代，所以都驚長遠會跌20-30%

但係另一方面，我又唔敢用幾百萬黎買股票...我就係普通人心態，擁有又驚失去...咁就更加唔上唔落

如果真係唔買樓，而買股票/基金，請問有咩建議？

超長遠目標：返part time、建立1至2個可以一直玩到老嘅興趣，可能要用時間、金錢黎鑽研、再老d或者會移民

唔好意思，寫得好長

仲有一個問題，就係可謂小注？唔同資金下，小注嘅定義會唔會唔同？謝謝

龔成老師︰

香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

我地再睇翻眼前而一刻，由於你自住唔算有大問題，那這筆資金，我地應較集中從投資角度，去做考慮。

現時租金回報率唔算好高，投資在優質股，值博率相對較高。

你3X歲，建議你用「平穏增長股」 + 「潛力股」的組合。現在你每月先用5成儲蓄，即$5000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

現時大市只是合理區，你現有500萬資金可以先投入多50-100萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

但你要注意一點，我地財富組合除左要有增長力和質素外，平衡性都好重要。你長線都要找機會加入物業類，以免成個組合過於偏重股票類。

因此，若你在此期間，發現一些租金回報率唔錯，又有質素的樓盤，你都可以出手。

至於我成日講架「小注」，如果我係講個別股票「質素或風險度」，只宜小注。代表你只宜用總資金的5%左右，投資在這隻股票上。

若我係講緊「買入價」時，現價只宜小注。就是想指出，此股現價水平唔平，建議你只能用打算投入該股資金，其中一小部份去入少少，到有明顯回調，才加大注碼。

------------------------------------------------

Q21765：

你好，我想問如果我要將啲股票分類

公用: 3， 270
地產/房託: 12，66，823，778
賭業: 27，1928
銀行: 1398，2388，3988
平衡: 2800
新經濟: 388， 788，1177，1211，1810，9988

請問新經濟嗰部分可以點分，每個分類應佔組合幾多。
謝謝

龔成老師︰

我建議你可以簡單，從「行業」和「風險度」去進行分類。

「行業」你可以主要分成公用(0003,0270)、地產相關(0012, 0066算半隻, 0823, 0778)、博彩股(0027, 1928)、銀行股(1398, 2388, 3988)、科技股(0788, 1810, 9988)、新能車(1211)、醫藥股(1177)

至於港交所(0388)業務性質特別，你可以分開。

我地投資優質股時，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

另外，盈富(2800)係不受此限，因為它是一個包含55間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

就「風險度」，我地可以分成「潛力股」、「平穩增值股」和「收息股」。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」+「潛力股」。中年人士，可以較集中翻係"平穏增長股"。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。

「潛力股」- 0388, 0788, 1177, 1211, 1810, 9988
「平穩增值股」- 0003, 0270, 0012, 0066, 0823, 0027, 1928, 2388, 2800
「收息股」 - 0778, 1398, 3988

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

這個部份，基本上係因應你人生階段、投資經驗和風險承受力，去作出配置。

例如你係年青人，你就可以「潛力股」、「平穩增值股」各佔50%。若你尚有5-8年就退休，就應「平穩增值股」、「收息股」各50%。到退休，就100%「收息股」。

------------------------------------------------

Q21766：

龔生你好，本人想問你一些意見。我五年前因先生生意問題賣左層樓，已租樓五年，現在想買返樓，請問是否好時機？

我有現金大約三百萬，月入41000，先生沒有穩定收入，兩個仔女一至兩年後大學畢業，本人五十歲。現在租金18500。

我只擔心退休後無屋住，而且已50歲，所以想上返車, thx

龔成老師︰

現時香港樓市，算係合理區頂部，從投資角度，未算好吸引。

但由於你目標係自住，我地考慮重點，唔係現時樓市水平，而係物業符唔符合你需要，講緊係未來10年、20年，係唔係都適合你。

如果係合適，你就堅守住"供得起"這個大原則，就算現時置業都係可以的。

但最好，你可以係置業之餘，留有一定現金，去用優質股進行增值，咁就更理想。

------------------------------------------------

Q21767：

龔老師，您好，我朋友公紹而認識您，我朋友話你分析及推介的股票很準，我初看到閣下的Facebook, 建議買2800，如果大市跌是否會跟住跌，為何會推介2800,因為我股票不太認識。

我有持
1313,9.9元買15000股
914, 45.7買，1000股
1810, 25.15買5000股

最想請教老師我上年$2.9買3988,坐足一年，重貨，跌到約$2.3，利息都補唔番差價，下星期除淨，除淨前會升些嗎？

我想除淨前賺差價，不要息可以嗎？謝謝老師

龔成老師︰

你對派息運作，似乎有點誤解。

在「除淨日」前一天，依然持有股票，就會收到股息。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。

「除淨日」那天，股價就會扣除派息部份，例如原來股價$10，派息$1。那麼「除淨日」就會將股價，從$10下調至$9，以反映派息動作。

而「派息日」，就係這班合資格股東，正式收到股息的日子。

由於「除淨日」股價會下跌。而下跌比重同收到息係一樣，所以只係左手交右手動作，你唔會在除淨前沽出，而出現任何著數。

盈富（2800）佢係一隻追蹤恆生指數的ETF，所以恆指下跌，佢都會同一比例地下跌。

佢並不是最高回報的投資，但這是一個組合，當中有58隻質素不太差的股票，對本身不懂選股的投資者來說，是一個很好的選擇，加上有平衡組合風險的效果。

就算對無乜選股能力的投資者，提供一個穩健，收息及平穩增長的組合。所以，我經常都會推介佢比讀者，特別係經驗較淺的一群。

你上述4隻股票，都係有質素，若你係年青至中年人士，都適合。

但華潤水泥控股（1313）業務較波動，佢過往的盈利數據上落都大，因此股價的變大亦會較大。

長遠計，房屋、基建發展等因素，都會利好水泥股。但就要留意股價上落會較大，自己要注碼上控制，唔好佔你組合太高比重。

至於中行(3988)佢有質素，算係收息股類，增長力唔高，主要係收下息。若你較年青，就不要持有太多。

而且，我地投資會講求成個組合的平衡性，唔應該太集中單一企業或行業，佔比要維持分別15%和30%以下，才算穏當。

因此，你現時重貨的話，建議你沽出部份，去平衡風險，咁會較好。

------------------------------------------------

Q21768：

龔成老師，您好，我係一位32歲的全職媽媽，留意您的文章有一段時間，但3月才正式入市

270 2000股$24.1
1810 800股 $24.5
1177 2000股 $8
1448 2000股 $7.8

3067 200股$19
2388 1000股$28.5
3800 5000股$2.74
1972 600股$24.3

以上是我手頭上的股票，大部分算高位入市！特別270係咁跌！

1/我們抽中了白居二，可能會在一年內盡量買來一家四口自住，未知是否需要用到此十零萬資金，所以請問我是否需要放曬所有股票？定keep一兩只？目前配置合適嗎？

2/目前住荃灣，應該買唔起附近，以您專業的眼光，如果買樓，邊一區會是個潛力股？因為我今次未必可以買到三房，想以後仔女大左可以換大間！

期待您的解答，感謝

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

你現時股票，大部份都係有質素和適合你。而且除了粵海(0270)，其他都唔算好高位入，大致係合理區頂至略貴，你可以守。

雖然粵海(0270)帳面值虧損較大，但佢係有質素，你照長線持有，主要用來收息，再加上少少平穏增長。

但現回到你買入價，相信會要較長時間。

另外，保利協鑫能源(3800)現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

1) 我地成個財富組合，除左講質素外，平衡性都好重要。因此，我建議人在置業同時，必需留有一定優質股，作增值之用。

這樣才會避免到，所有資金完全側重晒係單一資產(物業)類別。

但若你生活上係有置業的迫切性，你盡用這些股票去買樓，都係可以。但緊記，你最低限度，要堅守"供得起"這個大原則，就可以入市。

之後，你再有新資金，才再慢慢累積優質股。

若你打算1年後置業，由於時間唔長。如果你確定係要動用股票部份去業，你現時就要開始，慢慢分批沽出持貨。唔好等到動用資金個一刻，才一次過去沽，以減低價格波動，對你回報造成之影響。

2) 較高升值潛力地區，除左鄰近商區地段，好似中環、東九、北大嶼(或有變數)外。你都可以留意一些潛力較高地區，好似堅尼地城、大圍、黃竹坑等。

雖然你長線有細屋換大屋打算，故新購物業(細屋)有升值潛力，對將來換大屋較有利。

但同時間，佢都係你自住樓，你都要從生活角度去考慮。2者要取得一個平衡，才算理想。

------------------------------------------------

Q21769：

龔成老師你好，我和太太均31歲，各月入$5萬，資產如下：

- 物業1，2017年買，自住，月供$15k，26年按揭
- 物業2，2020年買，收租，月供$13k，收租$11k，30年按揭
- 股票$150k，005 和 2628
- 現金$1M

每月扣除開支，儲$30k-35k，想50歲有$50k被動收入，資產應如何配置？感激！

龔成老師︰

若你想做到50歲後每月有5萬蚊現金流，以股息率6%計，你需要本金1000萬。

你現時財富組合，物業和股票都有，係理想。但比例上，明顯偏重左係物業類。因此，我地新資金應優先投放股票類，去令組合更平衡。

現時你持有股票，匯控(0005)主要收息，無乜增長力，唔適合持有太多。而中國人壽(2628)雖係增長股，但近年賺錢能力，明顯係弱左﹐不宜持有太多。

這2隻股票，建議你沽出部份，慢慢換至增長股，長線對你會較有利。

你31歲，應利用「平穏增長股」 + 「潛力股」這類增長股，去創建一個增長組合。現在你每月先用5成儲蓄，即$15000做月供。其餘先儲起，用一邊月供一邊儲蓄的策略。

大市現處於合理水平，那100萬資金，你可以再用多30-50萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

假設投資回報有10%（連股息再投資），你每月投資$30000 + 現有資產(15萬股票和100萬現金)，20年後大約會增值至2800萬，相信用以上計劃，很大機會達至你的財務目標。

------------------------------------------------

Q21770：

老師，我現年我33歲，兩公婆每月加埋收入得25000，有一物業供緊剩低50萬左右，但供樓及小朋友同家庭基本開支30000，户口現金剩30萬左右，

我想問下老師意見我仲適唔適合投資股票？

龔成老師︰

以你情況，由於每月係入不敷支，因此重點應先放在這財政問題上，要令你變回收支平衡之餘，也可以有一定資金作投資。

現在你要看看你自已的開支，有沒有一些部份可以調整來增加月供金額。如果無，你就要從開源著手，轉工(如SALES，一些多勞多得的工作)、找PARTTIME、網上生意等。

目標係令你可以應付生活開支同時，每月有資金空出，作投資之用。

當你可以做到這點，你就可以開始月供股票計劃，去為自己增值。

你33歲，可用「平穏增長股」 + 「潛力股」的組合。你每月可用5成儲蓄作月供，其餘先儲起，等大跌市時去掃貨。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

至於現有30萬資金，我建議先扣起半年生活支出，作應急之用。餘下部份，你可以先用一半，分注買入上述股票。

如果你唔係好認識這些股票，可以集中買盈富(2800)。餘下部份，都係同樣等大跌市機會出現，才出手入貨。

------------------------------------------------

Q21771：

老師，你可否給我一點建議？
我的情況：

現時37歲
每月收入：$20萬
每月開支：$17萬
現有3層樓，都要供，2層出租，一層自住
股票：$25萬（有2388、2800、3067、9888、6618、1208、941）
現金：$30萬

如果我想50歲財務自由，每月有$50000去用，我應該點做？

龔成老師︰

以你的情況，其實不難的，首先，你現時有兩層樓收租，當你50歲的時候，理論上已還了一定的借貸，加上租金在長遠會偏向上，因此，該物業能為你提供一定的正現金流。

若然到日後供款完成後，現金流將會更加明顯。

如果假設你50歲時，物業未供完，我再假設未有正現金流，你就可配合以下方向去參考。

50歲想每月有5萬蚊現金流去支援生活。我地以股息率6%去計，你就需要本金1000萬。

由於你現時已有不少物業，未來新資金應集中翻係股票類，以免財富組合過於偏重單一資產。

以你37歲，應以增值為主，可以選擇一些「平穩增值股」+「潛力股」作投資目標。

你現時持有股票，都係有質素和適合你。但百度(9888)、京東健康（6618）不確定較高，不宜持有太多。

五礦資源（1208）主要從事有色金屬經銷、製造及鋁、銅製品分銷。

過往有多年出現虧損，企業投資的價值不高，加上股價十分波動，炒作多過實際，這股不建議持有，你可以每有反彈，就慢慢沽出。

中國移動(0941)有質素，但只係收息股，增長力麻麻，同樣不要持有太多。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

潛力股：安碩恒生科技（3067）、阿里巴巴（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845），但就要明白波動性比上述會高左，同時風險大左，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，餘下30萬和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$30000 + 30現金 + 25萬持股，50歲時大約會增值至逾1000萬。

再加上你現有物業的租金收入，相信以上增值計劃，很大機會可以助你達成退休目標。

------------------------------------------------

Q21772：

龔sir 你好 ，我本人26歲。以前買過港股，有買過小米$15.x左右，賺左小小16.x就賣左。現在持貨：

-中國鐵塔$1.5
-3兩黃金平均$18600/兩
-小量美股

近年睇多左你既Page，都覺得價值投資既重要。同埋要建立一個投資組合非常重要。

未來計劃主要想投資美股：

長線投資：
-蘋果
-BRK 伯克希爾 B
-Tesla
-微軟
-台積電

中期：
-美航
-Pala Tech

短期：
-富途
-蔚來、bilbil

我想30歲前儲到100萬，我會儲月入大約55%既人工，目前月入24K，資產大約15萬。

希望老師俾小弟建議。

另外非常感謝你回覆網友問題，post其他網友既case，俾我地見到好多層面既人既經驗，非常值得借監，你既回覆亦值得學習。多謝你！加油

龔成老師︰

美股都有質素，你用來作增值組合，都係可以。

我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。所以，你唔好再用短炒這個策略，而係用長線角度，去選擇股票。

你上述股票，都係有質素。只要你係長線投資，再用平均價格或月供去儲貨，咁就無問題。

但留意，Palantir Technologies Inc (PLTR)和Bilibili Inc (BILI)都有投資價值，不過由於佢地至今都未有盈利，不確定性較高，不宜太大注。

另外，雖然疫情開始穏定，但始終存在不少變數。加上航空業賺錢能力，已經係弱左，American Airlines Group (AAL)這類企業，唔係太建議你投資。

而黃金是貴金屬，有「終極貨幣」之稱，主要作用是對沖黑天鵝事件。

不過，黃金沒有現金流，持有無法創造出經濟價值，持有過多，反而會拖慢成個組合的增值效果，我建議佔財富比例太多，大約3%以內好了。

至於投資部份，你每月可先用5成儲蓄去做月供，其餘先儲起，用一邊月供一邊儲蓄的策略。

餘下的另一半現金，我地就等機會，當大市出現較大回調，就加大力度掃貨，然後作長線投資。

除了可考慮月供上述美股外，我建議你加入Vanguard標普500指數ETF〈VOO〉，是追蹤標普500指數的ETF。佢係一籃子的優質美股，有助提升你組合平衡性。

我假設投資回報有10%（連股息再投資），你每月投資$12000 + 15萬資產，30歲時大約會增值至90萬。

所以，你想提高成事機會，最好再調高少少個月供金額，會較理想。

------------------------------------------------

Q21773：

Hi，有事想請教我收到另一間公司offer

其實我好迷惘 有2個offer 一間全球top 5 會計師樓 一間係中型既list co

Top 5 個間係高壓文化 must ot 會好辛苦 但學既野會多 有朋友話不少人捱五到一個月就走 for junior 位 捱到既senior 就做得耐

另一間中型既list co manager super nice 我覺得 但學既野五太多 佢話五洗ot 兩間既人工offer 一樣

我考慮既點 係要challenge 自己入去個間高壓文化做下 捱到 就會係有料既人。定舒舒服服入去中型list co 做 利申26 years old

講多少少 我自己係能力是ok 我最大問題是情緒問題 一五開心 一驚 表現先大打折扣 有自信信心 表現超好 所以五太岩高壓既環境

但屋企人勸我入個間高壓文化捱下 捱到你咪情高提高

龔成老師：

其實你個考慮點，應該都係放係長線因素，你要知道邊度架經驗、資歷、知識、甚至做事方法，會對你投入這個行業，以至長線發展，會係最有利。

你可以問下一些行內朋友，或者同學意見。再加上你以往在中型/中小型會計師樓經驗，去綜合一個結果比自己。

高壓文化、OT，這些唔係唔可以考慮。但這些相對你成個職業生涯，只係一些中短期因素，我唔建議你睇得太重。

------------------------------------------------

Q21774：

老師, 今次真的可以實名的叫龔老師, 因為我已經報讀老師的課堂.

對上一次請教您, 已是一年多前, 很多手上的爛股都去掉, 現時入的,都是看老師您回覆, 再加上自己預估的, 買了一些股, 老師可否幫忙, 看一看有冇入錯, 謝謝您.

我現年43, 月入50000, 積蓄有80萬, 想再入啲優質股, 保留30萬在手, 所以計劃想投資50萬左右,

現時手持,
1810 x 2000股
788 x 40000股
992 x 2000股,
1478 x 2000股,
2800 x 2000股

本人計劃想買700, 2269 or 1772, 2128, 1347，想請問老師有咩高見? 謝謝您.

另外, 我老豆有些股已經跌左25%, 想請教下, 可唔可以再守? 2188 同860.

感激老師.

龔成老師︰

你現時持有股票，都係有質素，照長線持有就可以，但中國鐵塔（0788）增長力減弱左，你不要加注。

至於你計劃買入的5隻股票，都係有質素，但有幾點要留意。

中國聯塑(2128)現價偏貴，最好等有明顯回調，才入貨。

贛鋒鋰業（1772）、藥明生物（2269）不確定性較高，不宜太大注。

你以上所講的股票，除了盈富(2800)、聯想（0992）算係平穏增長股外，其餘都係潛力股，佢地雖然有增長潛力，同時風險都較高。

以你年紀，不宜持有太多，大約佔3-5成(視乎你投資經驗和風險承受能力而定)，餘下應集中以下平穏增長股，否則會令你組合風險過高。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

現時大市只在合理區，你可再投資在30-50萬，餘下資金就等大跌市機會。

當然，你可以不用急，唔洗即刻走去再投資。你可以等上完堂，對整個投資概念有較完整理解，才出手都可以。

至於你父親的持股，力世紀（0860）其實好難分析，因為佢一直處於年年虧損的狀態，而我地對這類股好有戒心。

我地只可以對佢的前景作「想象」，無人知真正的價值有幾多，股價一定會大上大落。見佢之前有做個十合一之類動作，這類股票要小心。

整體而言，此股好難分析佢價值，投資風險唔細。

泰坦能源技術(2188)規模好細，而且近幾年都係出現虧損，投資價值不高，建議沽出。股票班見!

------------------------------------------------

Q21775：

成老師，想你提供一些理財意見，現有狀況如下：
年齡： 43
職業： 企業銀行

1）現有資產共HK$16.94 Million

- 現金 ： HK$1.1 Million （remarks: 2%p.a. deposit rate for staff with deposit balance within HK$1 Million）
- Asian Currency Bond Fund : HK$0.1 Million
- 自住物業： HK$13.5 Million
- MPF : HK$1.4 Million

- Equities : HK$0.61 Million
>5 HSBC @ 3156 shares
>3988 @1,000
>1398 @1,000
>3968@650
>16@500
>700@200

>1@50012@1,000
>27@1,000
>9988@100
>1448@7,000
>3067@1,000

- 合資格年金累算權益：HK$0.105 Million （已繳兩年）
- 保單累算權益： HK$0.125 Million

2） 每月收支

- 每月收入: HK$90,000
- 每月合共開支：HK$70,000
（父母家用: HK$15,000）
（供樓：HK$39,000）
（日常開支：HK$14,500）
（MPF 供款: HK$1,500）
->每月平均盈餘 : HK$20,000

請問在50歲時能否做到每月有HK$30,000 被動現金流? 另外，如何能達成？謝謝！

另外，想補充一下, 本人現樓按結欠HK$6.9 Million, 尚餘16年期

龔成老師︰

你現時43歲，財富仍有一定增長能力，可以利用這7年時間，將財富增傳值，到了近50歲，就可轉翻一些現金流類別的資產。

如果你希望7年後每月有3萬蚊現金流，以股息率5%計，你需要本金720萬。

現時大市在合理區，現金和股票最好各佔一半，你現時持有現金水平係偏高。雖然你現金有2%員工利率收取，但這程度的增長力，唔算理想。

建議你用這筆現金和每月儲蓄，去增持一些有增長力股票，去累積這筆財富。

現時持股，大致上可以。但匯控（0005）、中行（3988）、工行（1398）都是收息股，增長力唔高，唔好持有太多。

策略上，你可以投資"平穏增長股" 和 "潛力股"。你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）、ＧＸ中國電車基金（2845）。但佢地波動性和風險會較高，你要自己平衡。

你現有110萬資金，可以再投入多20-30萬，用"分注"形式，慢慢買貨。餘下資金和每月儲蓄，就等大市出現一定程度的下跌，才大力度掃貨，然後長線投資。

以大市過去年平均回報10%計（連股息再投資），你每月投資$20000再加上你現有資金和持股（約170萬），7年後大約會增值至560萬。如果要達至你的財務目標，月供金額必需增大至$35000。

現在你要看看你自已的開支，有沒有一些部份可以調整來增加月供金額。如果無，你就要從開源著手，轉工（如SALES，一些多勞多得的工作）、找PARTTIME、網上生意等，令你每月可儲資金大幅提升，以助你達成目標。

------------------------------------------------

Q21776：

因為本人媽媽不擅於投資，我剛開始接觸股票，幫佢review股票組合發現大部分都係蝕錢，我應該幫佢止蝕定由得佢等落去呢？

0042 平均價2.14
1398 平均價5.72
0998 平均價5.68
1288 平均價3.94

3988 平均價3.5
1680 平均價2.98
2628 平均價26.22
2009 平均價3.86

2866 平均價 4.35
1766 平均價11.67
0390 平均價 8.52
0005 平均價78.69

有一部分已蝕一半已上、帳面合共虧損30萬左右，我可以點幫佢調整呢？因為佢年紀都十分大，亦唔適合過高風險投資。唔該曬龔sir。

龔成老師︰

我地先要睇翻隻股票有無質素，如果佢帳面虧損，但係有質素，我地都可以守住先。若無質素，就算帳面無蝕，我地都要考慮減持，甚至全部沽出。

東北電氣(0042)、澳門勵駿(1680)投資價值不高，建議有反彈，就慢慢沽出。

中國人壽(2628)、金隅集團（2009）、中遠海發（2866）、中國中車（1766）、中國中鐵(0390)有投資價值和增長力，但增長力唔會好強，質素算係中等。

若佢唔係佔組合太多，持有係可以。若較多，可以慢慢換碼至優質的收息股。

匯控(0005)、工行(1398)、中信銀行（0998）、農行(1288)、工行(3988)、有質素的收息股，主要提供現金流的股票，適合你媽媽。

由於你目標係收息，帳面賺蝕反而唔重要，除非佢本質出現問題，否則你長線持有收息，就可以了。

但你要留意，現時你媽媽組合中，有不少銀行股。個別行業，不要佔組合30%以上，否則會有過度集中性風險。

而且，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。所以，你都要幫她調整一下個比重。

以下是一些有質素的收息股，給你參考一下。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q21777：

咁佢哋都有能力成為10倍股？但似乎來講指數好難升到10倍股⋯⋯水桶一指最大潛力，有冇機會係10倍嘅選股？

阿sir，唔知道你有冇留意啲細價股，汛和（1595）會比京基借殼上市，咁1595值唔值得投資？將來等收成？

另外，我想問第一視頻（82）值唔值得長線投資？因為佢改名做瘋狂體育，未來幾年係體育年份，佢係唔係一隻潛力股？謝謝阿Sir


龔成老師︰

水桶1，係指增長潛力較高股票，通常都是處於行業快速增長階段初至中期，故相對其他股票，有較大增長潛力。

但要指數ETF(如3194、3067、3032、3033)增長10倍，係會較難。

由於佢唔係單一企業，要做到10倍增長，即係要絕大部ETF中股票，出現大幅爆升，因此要ETF成為10倍股，機會較微。除非你投資一個長時間，都有可能。

京基欲借殼汛和（1591）上市，暫時未落實，無人知發展成點。若言成事，我地才可以從新業務，可判斷此股有無投資價值，現時所有都係得個估字。

以現時集團質素計，投資價值不高，唔建議持有。

第一視頻（0082）從事互聯網業務，包括在中國經營體育彩票新零售業務、網絡視聽新媒體、其他互聯網相關的投資，以及阿聯酋杜拜的衛星電視台業務。

業務持續虧損，質素一般。除非你好確認佢之後的發展正面，就可小注博下。

記住，我地投資股票，就係投資緊一間企業，要分析係長線的企業投資價值。佢用乜野名，係唔會對佢業務有影響。

另外，唔係好估走勢或者估消息。我地要用實質理據，去做投資決定。

而且，就算再優質股票，都要時間去成長。唔好用賭博心態，諗住博某股票業務突然改變，從而令其股價爆升。

這個做法，只是投機，並不是投資。

------------------------------------------------

Q21778：

老師，原來我有好朋友關注你，同埋有一個上過你堂，佢依家做到財務自由，佢隻1211原來佢40元樓下買左萬幾股，依家都冇走貨，我問佢幾時走，佢話當你見到成街都係電動車就可能會走！

我依家30歲開始學投資，算吾算遲，其實我五年前已經開始接觸股票，一直都係輸，有時可能贏小小就用晒，到最後本金都輸埋！又重新來過

我開始明白你經常講嘅一句，買股等於企業，企業慢慢去發展，企業既成長，等於我儲蓄！

我而家買入嘅股票我都唔會再輕易去走貨，因為佢係錢搵錢

我放假要再去買你一本書，你經常提我知識好重要，係邊本書係簡單容易明白

我第一本書就係睇你介紹嘅50隻優質股同埋10隻潛力股！

我想學知識，邊一本我比較容易明白
等待謝謝你的回覆

龔成老師︰

你可以睇我寫架"80後百萬富翁"、"財務自由行"和"股票勝經"，較適合初學者。

其實30歲，依然係一個財富增值的黃金時期，只要你認真學好正確的投資方法，一樣可以做到不錯的回報。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，建議你用「平穏增長股」 + 「潛力股」的組合。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

現在你每月先用5成儲蓄估月供，其餘先儲起，用一邊月供一邊儲蓄的策略。

而你朋友買的比亞迪(1211)，係好優質的潛力股，現時未算行業爆發時間，長線持有，待佢慢慢發展上去，回報會更理想。

但由於現價已經偏貴，要月供最好等佢回到$150才開始，會較穏當。

------------------------------------------------

Q21779：

老師，我應唔應該買樓？出面話公務員會減薪, 咁你覺得樓市之後係咪應該會下跌?

咁我係唔係應該要等多一陣先買?

龔成老師︰

若公務員會落實減薪，某程度上，都會影響到私人市場的薪酬變動。

但樓市之後會唔會下跌，係要好多因素，唔係單單睇薪酬變動咁簡單。而且，我地投資唔好太著眼1,2年架事，要諗長線少少。

香港樓長線都係供不應求，因此樓價長線都係睇升。

始終市場需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

但中短期係有機會出現波動，造就入市時機。但你唔好預佢大跌，若係自住樓，只要係合你需要，而且長線"供得起"，你就已經可以出手了。

至於你之前講的房屋政策，只係好初步，無人知會唔會成事。就算成事，又要等到幾時先可以立法執行。

因此，你在做決定時，要在現實情況和這些存在不確定的未來政策中，自己取個平衡。

------------------------------------------------

Q21780：

龔Sir，你好。想請教一下，手上有匯豐控股（00005），平均買入價$57.8；電能實業（00006），平均買入價$66.7。

早幾年買，錯過左高位賣出時機，而家帳面蝕錢，不過睇返多年收過股息算打平。而家係咪應該賣出，定等機會股價升返？（好似好難）

龔成老師：

首先，要睇翻你的年齡與投資目標，你上述持有的，並不是無質素的股票，這些都是收息股，不過，增長力就不強。

如果真的賣出，可以等過1、2年，經濟好轉，等佢地股價上翻D先賣。

如果你年輕，其實未必太適合持有，應該在適當的位置，轉其他。

如果你年長，又或風險承受能力較低，又或投資目標著重現金流，其實就可以持有的，因為這兩股都是不差的收息股，只是你買入價少少高，但如果以長期收息的角度來說，其實無問題的。

另外要留意，你不能持有同一隻股票太多，你應該建立一個組合，同一隻股票去到15%好了。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

《7/21-28 不敗教x WMF x王后之地》強強聯手「好鍋配好油」超優惠組合!!!
這裏買👉 https://reurl.cc/1YpoYX

廠商大方送 抽抽樂(3個名額)，遊戲規則請見留言處第一則！

這陣子大家居家防疫，很多人都在家練廚藝，正逢暑假小孩也都在家，要準備一家大小的三餐，實在要費一番功夫。其實陳老師當兵時待過一個月的廚房，可以一個人準備整艘軍艦官兵的飲食，對於廚藝烹調也是略知一二。更曉得「工欲善其事，必先利其器」，「好鍋配好油」才能吃得健康並增添風味。因此，不敗教的團購又來了，老師幫大家跟廠商洽談了非常優惠的組合。

WMF是知名的德國廚具品牌！一般WMF的鍋沒有3～5,000是買不到的，這次推薦的是平常最實用的WMF平底鍋/煎鍋/炒鍋/中深鍋（28cm），老師特別跟廠商凹了不敗教粉絲專屬的全台最優惠價1,980。除此之外，好鍋也要配好油，我找到在知名電商賣到缺貨的「Reginaterra王后之地」橄欖油，也跟廠商凹了不敗教粉絲專屬的全台最優惠價！「好鍋配好油」，強強聯手，優惠組合價更只需要2,580（免運），真的是太超值了，太迷人了！ 現在網路這麼發達，大家可以查詢看看原始價格是多少？

趁現在，全面升級鍋具與食用油的品質，讓全家吃得更健康！

這裏買👉 https://reurl.cc/1YpoYX

—————————————————————
產品簡介

WMF ProfiSelect平底鍋/煎鍋/炒鍋/中深鍋(28cm)
以卓越工藝聞名於世的德國餐廚精品WMF，起源於1853年，無論從品質或工藝角度而言，WMF廚房配件專業度都是全球首屈一指。隨著烹飪成為現代人的生活樂趣，人們對於烹飪設備有了更高的要求，料理除了選擇合適原料，同樣也要選擇合適鍋具，WMF提供品質上乘的優質鍋具，是增添生活情趣不可或缺的幫手。

⚡️德國原裝進口 WMF ProfiSelect 平底煎鍋28CM，採用鑄鋁材質，鋁跟不銹鋼相比要輕巧很多，方便操作，手感更好，而且導熱和保溫效果也好，節省能源。
⚡️使用Durit Select Pro特殊不粘塗層，就算煎炸低脂低油的食物也不會糊鍋，讓家人飲食更健康，而且耐劃防腐蝕，經久耐用，清潔容易。
⚡️阻燃手柄符合人體工學，鍋的邊緣比較高，所以做湯或者調味汁也可以的。
⚡️不支持洗碗機清洗，使用柔軟的海綿或刷子清洗後晾乾即可，不適用於電磁爐。
⚡️商品規格: 54.5 x 29.8 x 10.5 cm

「Reginaterra王后之地」冷壓初榨新鮮橄欖油(500ml)
喝一口就知道新鮮的特級初榨，來自義大利橄欖之鄉普利亞Puglia，種植逾六千萬棵橄欖樹，也是世界上最好的產區之一。聖塔麗磬每年與義大利普利亞當地農民契造生產進口產季採收新鮮壓榨並在24小時內完成裝瓶的「產地新鮮橄欖油」，並60天內船運到台灣。(產季11~12月；每年僅採1次)。

真正有營養價值的extra virgin(特級初榨)新鮮度是非常重要的，這會影響特級初榨橄欖油的香氣、品質、辣度及風味。新鮮無過濾的橄欖油非常新鮮且營養價格更高，拿來料理更能突顯食物的原有香氣。

⚡️義大利普利亞🇮🇹產地新鮮當季直送
⚡️單一農場、珍貴橄欖品種 #Coratina
⚡️新鮮壓榨「未過濾」即裝瓶，完整保留營養成分
⚡️可高溫料理，煎煮炸拌一瓶搞定
⚡️標示日期＝壓榨日期（它牌為裝瓶日非壓榨日）

《新加坡聯合早報》5/24

* 【未完全解密國防文件記錄： 58年台海危機美曾考慮動用核武】現年90歲的前軍事分析家艾斯柏格（Daniel Ellsberg），在網上披露當年台灣海峽危機文件的最機密部分，顯示美國軍方主張率先對中國大陸使用核武器，即便他們推斷前蘇聯也同樣會動用核武代中共進行報復，那將導致數以百萬計的中國大陸台灣民眾死亡。

* 【G20成員國與製藥商聯合承諾 為貧困國家提供疫苗及援助】二十國集團（G20）的國家領導人參與羅馬全球健康峰會後發出《羅馬宣言》，呼籲加強國際合作，共同抗擊冠病疫情和防止未來暴發新的流行病。這個呼籲獲得大國、國際組織及制藥商的熱烈響應。

國際貨幣基金組織（IMF）提出一項總值500億美元（約665.6億新元）的計劃，希望擴大全球疫苗接種計劃。中國承諾在未來三年內提供多30億美元國際援助，以支持發展中國家復蘇。美國、德國、法國和義大利也表明將分享更多疫苗或增加援助。

* 以色列衛生部星期天（23日）宣佈，鑒於以色列的冠病疫苗接種運動取得成果，新病例幾乎清零，決定終止境內所有防疫措施。

路透社：目前以色列大部分人口已接種輝瑞-BioNTech冠病疫苗，約92%的50歲或以上者經已完成接種或已經康復。經歷了三次封鎖的以色列正在逐漸重啓經濟活動。

以色列稱接種成功將終止防疫措施 https://www.zaobao.com/realtime/world/story20210524-1148999?utm_source=ZB_iPhone&utm_medium=share

* 莫德納抵達日本！日本東京和大阪老年人冠病疫苗接種中心週一（24日）啓動。

日本共同社報導這兩大接種中心將由日本自衛隊負責，從5月24日至8月為止的三個月內，將每周開放七天包括節假日在內。每天早上8時至晚上8時開放，使用的疫苗為厚生勞動部5月21日剛批准的美國莫德納疫苗。

東京大阪啓動老年人冠病疫苗接種運動 https://www.zaobao.com/realtime/world/story20210524-1149025?utm_source=ZB_iPhone&utm_medium=share

* 60秒呼吸測試檢測冠狀病毒，新加坡國立大學畢業生成立的起步公司Breathonix所研發的呼吸檢測，成為獲衛生科學局臨時授權使用的首個冠病呼吸檢測器。

公司Breathonix目前與衛生部合作，在本地一個陸地關卡進行部署試驗，讓入境的旅客進行這項名為「BreFence™Go COVID-19 Breath Test System」的呼吸檢測。

根據國大以及Breathonix今早發佈的聯合文告，這項呼吸檢測將會與目前強制性的抗原快速檢測（Antigen Rapid Test，簡稱ART）同時進行。

呼吸檢測易於使用，測試者只需對著與高精度呼吸採樣器相連的一次性吹口（mouthpiece）吹氣。之後，收集的氣體被送入一台先進的質譜分析器（mass spectrometer）進行測量。

機器學習軟件會對口氣中的揮發性有機化學物質（Volatile Organic Compounds）進行分析，不到一分鐘就能得出結果。

不過，若測試者的檢測結果呈陽，就必須接受聚合酶鏈式反應（PCR）檢測。

本地研發首個冠病呼吸檢測器 獲衛生科學局臨時授權使用 https://www.zaobao.com/realtime/singapore/story20210524-1149023?utm_source=ZB_iPhone&utm_medium=share

* 儘管新一輪冠病疫情暴發，越南第15屆國會和各級人民議會代表選舉昨天（5月23日）仍如期登場。

越南4月下旬出現新一波冠病疫情，迄今不到一個月的時間，就已經擴散至全國近一半的省份，累計約有2000多人染疫，導致許多省份進入封鎖狀態。

越南暴發新一輪疫情 國會及地方選舉如期舉行 https://www.zaobao.com/news/sea/story20210524-1148938?utm_source=ZB_iPhone&utm_medium=share

* 【病例雖減 死例居高 疫情反撲凶猛印度哀嚎】4月下旬，印度第二波冠病疫情海嘯式反撲，每日新增確診病例高達約40萬起，引起全球關注。

儘管目前新增病例有下降趨勢，但死亡病例仍居高不下，加上疫苗供應不足、醫療系統超負荷及變種病毒，疫情依舊危機四伏。

* 美國情報報告稱，在中國首名冠病患者發病前，中國科學院武漢病毒研究所三名研究人員曾發病，到了前年11月已經病到他們需要前往醫院接受治療。

據美國《華爾街日報》昨天（23日）報導外界早前指冠病與病毒從中國實驗室洩漏有關，而這份報告可能對外界在呼籲對此展開更廣泛調查方面提供支持。

中國已反駁實驗室外洩病毒的說法，世界衛生組織與中國專家聯合進行的冠病溯源調查報告也顯示，實驗室外洩病毒的可能性極低。

報導稱，中國外交部昨天引用世界衛生組織專家今年2月到訪武漢病毒研究所後所得出的結論，強調極不可能發生實驗室洩漏事件，並告訴該報：「美國繼續大肆宣揚實驗室洩漏說法，他們真正關心的是病毒溯源，還是試圖轉移注意力？」

在世衛國際專家組2月召開的記者會上，與國際專家組合作的中國專家組組長梁萬年曾指出，專家組在武漢發現的最早病例是2019年12月8日。

美情報稱武漢病毒研究所人員前年11月生病就醫 https://www.zaobao.com/realtime/china/story20210524-1149014?utm_source=ZB_iPhone&utm_medium=share

* 欺騙英國戴安娜王妃接受專訪的英國廣播公司（BBC）記者巴希爾，向戴妃的兩名兒子威廉和哈里道歉，但堅稱把自己的行為與戴妃的死聯繫起來他「不能接受」。

當年誘騙戴安娜王妃受訪 英廣記者巴希爾向戴妃兩兒子道歉 https://www.zaobao.com/news/world/story20210524-1148931?utm_source=ZB_iPhone&utm_medium=share

* 當地時間5月22日晚上，剛果東北部的尼拉貢戈火山噴發，大量炙熱的熔岩威脅距離只有18公里的戈馬市。到昨天，火紅的熔岩已經來到戈馬市郊區並燒毀多棟木制房屋。數千居民越過邊境，逃往鄰國盧旺達。尼拉貢戈火山曾於2002年大規模噴發，造成戈馬大部分地區被火山熔岩覆蓋，50多萬人逃離家園。（路透社）

剛果火山噴發 熔岩淹向民宅 https://www.zaobao.com/news/world/story20210524-1148933?utm_source=ZB_iPhone&utm_medium=share

* 芬蘭的一項新研究發現，如果溫室氣體排放量繼續以目前的速度上升，到了本世紀末全球三分之一的糧食生產將面臨威脅。

研究：氣候暖化將威脅 全球三分一糧食生產 https://www.zaobao.com/news/world/story20210524-1148935?utm_source=ZB_iPhone&utm_medium=share

* 印尼冠病疫情又出現新感染群，一組負責治療13名菲律賓船員的42名醫療人員確診。

負責治療13菲律賓船員 印尼42醫療人員形成新感染群 https://www.zaobao.com/news/sea/story20210524-1148940?utm_source=ZB_iPhone&utm_medium=share

* 緬甸新學年開學在即，當地卻有逾12萬5000名學校教師因參與反政變的運動，遭到軍方停職。

緬逾12萬教師參與反政變運動遭停職 https://www.zaobao.com/news/sea/story20210524-1148941?utm_source=ZB_iPhone&utm_medium=share

* 瑞典鄉區的傳統雜貨店近年來因為超級市場、連鎖便利店等崛起而逐漸凋零，冠病疫情更是令情況雪上加霜，但一種新型商店—貨櫃裝箱改裝的無人超市成了及時雨，為偏遠地區民眾帶來許多便利。

貨櫃改裝無人超市 瑞典鄉區生活及時雨 https://www.zaobao.com/news/world/story20210524-1148930?utm_source=ZB_iPhone&utm_medium=share

* 擔憂大宗商品價格過快上漲是中國高層重點關注內容。中國國家發改委、工信部等五部門周日召開會議，聯合約談鐵礦石、鋼材、銅、鋁等行業具有較強市場影響力的重點企業；會議明確下一步將密切跟蹤監測大宗商品價格走勢，嚴厲查處達成實施壟斷協議等行為。

中國約談鐵礦石和鋼材重點企業 將嚴查壟斷 https://www.zaobao.com/realtime/china/story20210524-1149022?utm_source=ZB_iPhone&utm_medium=share

* 伊朗議長卡利巴夫說，由於國際原子能機構（IAEA）和伊朗達成的三個月臨時技術協議已在5月22日（上週六）到期，國際原子能機構將無法獲得監控伊朗核設施的視頻資料。

伊朗：國際原子能機構將無法獲得伊核設施監控資料 https://www.zaobao.com/realtime/world/story20210524-1149019?utm_source=ZB_iPhone&utm_medium=share

* 立陶宛外長蘭斯伯格斯當地時間22日宣佈該國退出中國與中東歐國家的跨區域合作機制「17+1」。中國國際問題研究院歐洲所所長崔洪建認為，立陶宛的舉動雖然開了個「壞頭」，但「17+1」不會因為某些國家的退出就搞不下去了，「我們應該讓‘17+1’得到更多的合作成果，讓立陶宛這樣的國家退出後感到後悔」。

立陶宛退出中國中東歐「17+1」 中國嚴厲譴責 https://www.zaobao.com/realtime/china/story20210524-1149015?utm_source=ZB_iPhone&utm_medium=share

* 美國強烈譴責白羅斯強迫愛爾蘭瑞安航空公司客機更改航道並在白羅斯首都明斯克降落，以逮捕機上一名反對派媒體工作者的舉動，並呼籲國際民航組織迅速召開會議。

美國強烈譴責白羅斯迫降客機 吁ICAO召開緊急會議 https://www.zaobao.com/realtime/world/story20210524-1149011?utm_source=ZB_iPhone&utm_medium=share

* 馬來西亞反對黨指當局採購的疫苗跟不上接種速度，主管防疫事務的國防部高級部長依斯邁沙比里昨天否認這項說法，並指當局接下來三個月還將收到1040萬劑科興疫苗，這足以應付接種需求。

否認疫苗短缺 沙比里：未來三個月將收到1040萬劑科興疫苗 https://www.zaobao.com/news/sea/story20210524-1148937?utm_source=ZB_iPhone&utm_medium=share