雖然這篇正負數練習題鄉民發文沒有被收入到精華區:在正負數練習題這個話題中,我們另外找到其它相關的精選爆讚文章
在 正負數練習題產品中有15篇Facebook貼文,粉絲數超過23萬的網紅龔成,也在其Facebook貼文中提到, 【龔成問答信箱】(Q21201-Q21220) Q21201: 你好龔Sir , 上完你堂就計一計吉利(175)既估值,麻煩睇下我做成點呀 因汽車界近來有著革命性的改變, 所以只用近5年的數據 主要競爭公司 2016-2020年PE raio (因比亞迪完全是一間電動車公司而且市盈率太極端...
同時也有1部Youtube影片,追蹤數超過40萬的網紅我要做富翁,也在其Youtube影片中提到,直播全部重點 + 活動報名: ✓ 施傅「銀盤啷口」環球Online課程分享會(萬人報名加開最後一場)▶️▶️ https://money-tab.info/mts-trial-ol?y2s=e0605 ✓ 茶敘46 香港(Online)▶️▶️ https://edu.money-tab.com/t...
正負數練習題 在 Francesca Ng Instagram 的最佳貼文
2020-05-08 22:09:50
(瑜伽老師真心話🧘🏻♀️教學為賺錢?) 某天5am 起床練習,跟親愛的TT mates 食早餐,談談教學心得,有很多的感慨啊! 我現在是有正職+freelance 教班的,有不少朋友以為我「搵好多」,更有朋友說以為我已經quit job 教瑜伽了~我每次也笑說:教班真的賺不了多少🙈 大家也會很驚訝...
正負數練習題 在 ?賭Sir|數學考試專家 Instagram 的最佳解答
2020-05-03 06:10:51
等差/等比數列(A.S./G.S.)除咗喺卷一作為13分Killer題嘅時候,神憎鬼厭之外,喺卷二MC都好鬼濕陰。 . 害人之心不可有,防人之心不可無。做好學生,更加要識曳,否則畀呢啲陰濕曳仔題跣一鑊嘅時候,失分就好唔抵。 . 💡你係咪好似以下咁做法? . 首先屈公式,無限項GS相加,等如第一個數(...
-
正負數練習題 在 我要做富翁 Youtube 的精選貼文
2020-06-07 00:59:21直播全部重點 + 活動報名:
✓ 施傅「銀盤啷口」環球Online課程分享會(萬人報名加開最後一場)▶️▶️ https://money-tab.info/mts-trial-ol?y2s=e0605
✓ 茶敘46 香港(Online)▶️▶️ https://edu.money-tab.com/tt46?y2s=e0605
***你我有共同敵人!以下百分百數據分析,為人為己,聽晒先講!***
Part 1: 定義
- 對你來說乜嘢係牛熊市,解答到啲咩問題?
練習: 於SPX及HSI圖表標簽你"牛熊市"的定義
1. 甚麼是經濟牛熊?
- GDP兩季負數
- 好處:多於兩成上落,捕捉指數跌五六成/升兩三倍
- 好處:資產配置、注碼分配、槓桿
- 好處:篩選長線倍升名單,計算估值模型 (hd, 700, etc)
- 好處:長揸慳時間=被動收入
- 壞處: 多看經濟數據、學多一樣
2. 甚麼是技術牛熊?
- +/-20%為技術牛熊
- 炒圖表+/-20%才知道趨勢的話...都算好失敗了...
Part 2: 以領先指標偷步,以同步指標確認(附PPT教學)
- 失業率向上調整?淡友開心到甩牙
- 領先指標vs同步指標使用方法
- 準繩100%,83年為什麼無人提及?
- 1.不懂分析指標已見頂 2.股市滯後見頂...懷疑人生
- 盲點練習:1987年股災
Part 3: 結論與聲明
- 股市再上:懷疑人生?牛市煙花?最遲xxxx經濟都要報仇!
- 熊市都有反彈!記得!
- 熊市繼續投資嗎?牛熊都要full-load,load不同資產!
五大聲明:
1. cash is trash!牛熊都要full-load (不是full-load股票)
2. 我絕對反對牛熊證,眾所周知!
3. 我絕對反對熊市靠short/淨負倉/naked short賺錢!我不是這樣起家,我的學員亦不會!
4. 未來可能突然逃走股市!
5. 未來可能突然轉入牛市mode,只要領先指標叫我,我就回應!(無論標普於甚麼位置4000點或400點)
正負數練習題 在 龔成 Facebook 的最讚貼文
【龔成問答信箱】(Q21201-Q21220)
Q21201:
你好龔Sir , 上完你堂就計一計吉利(175)既估值,麻煩睇下我做成點呀
因汽車界近來有著革命性的改變, 所以只用近5年的數據
主要競爭公司 2016-2020年PE raio
(因比亞迪完全是一間電動車公司而且市盈率太極端所以不用來比較)
以下數據按大小排
吉利(175)8.551 12.58 13.87 14.41 26.97
長城(2333)6.676 7.178 8.777 8.812 11.11
廣汽(2238) 4.22 6.802 8.584 9.454 10.19
北京汽車(1958) 6.236 7.766 8.495 9.402 12.14
(因2018年一次性PE大升,其後回復正常, 所以不用2018年改用2015年)
用你課堂教的調整,再綜合分析,推算行業平均市盈率 : 8.5815 - 10.5195
吉利(175)市值大, 業務規模比其他同業大, 值得調整,大約調整50%。經調整後吉利合理市盈率 : 12.87 - 15.78
吉利5年平均每股盈利 : (0.64 + 1.4 + 1.58 + 1 + 0.61)/5 = 1.046
大行預期2021年每股盈利為 : 0.94
因吉利積極發展電動車品牌及推出新車, 但同樣銷量亦受疫情及芯片短缺帶來一點拖累
所以先假設每股代表盈利是5年的平均數1.046
所以吉利的合理估值為 : 13.46 - 16.51
請問咁計同你計出黎既差得遠嗎? 你計出黎又係幾多呢? 謝謝
龔成老師︰
首先,北京汽車(1958)2018年市盈率大升,並唔係一些會計因素,純粹係當年不少汽車股被炒起。
因為價格大升,所以市盈率就被大幅抽高。將來都有機會出現這種情況,故你都應把這年,計算在內。
吉利(0175)本身的質素不差,擁有一定的銷售網絡及品牌,不錯的市場策略及定位。
佢早前杭州灣新工廠正式發布純電動新品牌新車「極氪(ZEEKR)001」,宣布吉利進軍高端電動車。
這些因素,都值得給予吉利較高評價。加上佢近年加大新能車部份發展,預期會令增長力增加,故市盈率可以比以往,再調升少少,大約17-22倍。
合理估計,你可再上調多D,會較為合理。
其實,你已掌握了估值的方向,你最重要在計算後,明白這計算背後的基礎,當中是考慮了那些環境情況。
有時我在估值時,會同時計幾個情境,例如好景時的EPS會怎樣,如果差的情況估值又會怎樣,去得到更立體的答案。
另外,你要多做練習,為不同企業進行估值,這樣才會更掌握當中的技巧。
------------------------------------------------
Q21202:
龔老師您好,想問下中國鐵建,長遠和短期投資可以嗎,現時pe2-3,點解佢賺到錢,又有股息,但係格價咁低?
龔成老師:
中國鐵建(1186)業務以鐵路及交通相關工程為主,包括高原鐵路、高速鐵路、高速公路、橋樑、隧道和城市軌道交通工程設計及建設。
業務地區包括中國,以及中國以外地區,工程承包業務是這企業的核心業務,例如基礎設施建設,鐵路、公路等。
這企業的發展不過不失,但增長力及賺錢能力都比過往有所減少,從一些財務數據,例如資產回報率、股本回報率、EBITDA利潤率等,都見到這企業的長期財務數據有轉弱情況,反映企業現時每個項目的賺錢能力,不及過往年代,企業質素因而下跌,而市場估值都會因此而減少。
這股的整體質素算是中等,發展力比過往有所減弱,這類股不是不可投資,但就不值得投資太多資金。
至於市盈率較低,並不一定代表吸引的。
第一,每一間企業,每一個行業,都會有其合理的市盈率,雖然數字愈低一般代表愈便宜,但在實質操作時,先要了解每個行業及企業自身的情況。
第二,當一個行業、一間企業的發展前景不及過往年代,賺錢能力減弱,市場就有可能將其合理市盈率的估值調低,投資者要小心解讀數字背後的意思。
第三,近年一帶一路的發展力,並不及之前所預期,部分國家的工程都減少了,這企業的長遠生意都會因此受影響,同時每項工程的賺錢能力都有可能因此而受壓。
第四,當投資者分析企業時,要了解生意的持續性,例如一些從事零售行業、飲食行業,只要大環境無太大變化,生意往往會持續。但若然企業從事工程,投資者就要了解生意持續性的因素,若果一個國家該類建議最大規模發展的時期已過,企業生意可持續發展能力就會轉弱。
在中國鐵路最大規模建設時期已過,以及一帶一路國家對中國興建鐵路的需求,未必及預期的情況下,這企業自然受影響。
若投資者見到這企業長期的市盈率,經常都處於很低的水平,反映市場認為這企業面對上述因素,只是值這個市盈率,因此,並不代表特別便宜(情況與內銀股一樣,長期低市盈率背後是有原因的)。
------------------------------------------------
Q21203:
你好,想問下你有冇長線投資邊隻美股或者ETF?知道你長線投資1211,覺得你好有毅力,
想問下如果我長線投資arkk / arkf好吾好呢?另外你還睇好邊隻港股可以長期持有呢?thanks
龔成老師︰
其實你只要明白,真正最好架財富增值方法,就係長線持有優質股這個道理,你都可以做得到。
美股和ETF,我自已無投資,我都係自行選股,好似比亞迪(1211)、小米(1810)等。
美股我自已無特別研究,所以這些股票比唔倒太多具體建議比你。
但初步睇佢地都有質素和潛力,但你預佢地波動性會較大,緊記投資持要控制注碼。
而港股方面,都有不少優質股,值得長線持有。若你係年青至中年人士,以下股票都適合。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)
潛力股︰安碩恒生科技(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)。
但你要留意翻,部份潛力股已有輕微過熱情況。只有安碩恒生科技(3067)、GX中國電車基金(2845)、 阿里(9988)、中生製藥(1177)、福壽園(1448)勉強算在合理區頂部,可分注入貨,其餘要等等。
------------------------------------------------
Q21204:
龔sir,你好👋🏻本人30歲,是全職媽咪,現持有以下組合嘅股票:
1. 01093石藥 (平均價$9.56)持有12800股
2. 2342京信通信 (平均價$2.612),持有16000股,現價跌到兩蚊,請問應唔應該再購入?
3. 941中移動(平均價:44.85 ) ,持有1500股
4. 939建行(平均價$6.41 )持有4253股
請問這些股票是否都是有質素?除了建行外,其他另外三隻都打算長渣,是
否可行?謝謝你抽空解答
龔成老師︰
你以上持股,都係有質素,全部都係可以長線持有。
但選股組合上,京信通信(2342)質素未算好高,唔建議再加注。
現時你除左石藥(1093)外,其餘幾隻增長力都唔高。若果你個人投資取態係較保守,咁都可以。否則,你就你加入多少少有增長力股票,去提升財富增長速度。
另外,有一個較大問題,係你好偏重左係石藥(1093)身上,佔組合比重很高。任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於3成,而單一企業不要高過15%。
長期你需要建立一個更平衡架組合,唔好太集中係幾隻股票。
------------------------------------------------
Q21205:
你好,龔sir 小妹今年28歲,月儲一萬左右,想係30歲前有100-130萬,有可能嗎?現時持股如下
(坐艇中)!!!
匯豐2000股@70元
騰訊100股@662元
美團300股@330元
小米400股@32.7元
安碩恒生科技600股@20.58元
21世紀教育33000股@1.38元
易鑫集團500股(新股上市抽中的)
另外有大約價值6萬港幣的美股(哈,終於系正數😅唔洗負數負到懷疑人生)和30萬左右現金!
龔sir,請問有機會達成目標嗎?有無邊d股票應增加或減持?希望你比小小意見我,多謝解答。
btw報左你股票班,因為你太神秘關係,好想揭開你的面紗!
龔成老師︰
其實你唔好太著重係股價上,帳面賺定蝕,從來都不是持有一隻股票與否的因素。
關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
假設回報10%計(連股息再投資),你每月投資$10000 + 現有資產約值65萬,2年內增值至100萬,計算上係可以。
但由於2年唔係一個長的時間,就算優質股也有機會出現波動,影響到你最終回報,你要明白有這個風險。
先講你現有持股,都有質素。
但匯控(0005)只係收息股,唔會有太高增長力,唔適合你。
易鑫集團(2858)、21世紀教育(1598)質素中等,而美團(3690)有質素,但不確定性較高,都不宜持有太多。
你現時28歲,較適合用"平穏增長股" + "潛力股"的組合。每月用5成儲蓄,去做月供,其餘先儲起,用一邊月供一邊儲蓄的策略。
現時大市只係合理水平,現金和股票最好各佔一半。餘下30萬和每月儲蓄,就等大跌市出現,才加大力度掃貨。
股票班見!
------------------------------------------------
Q21206:
Hello!請問龔sir你覺得比亞迪電子285 現價可以入嗎?其實我都有啲睇好佢,但知道佢,依家呢個價唔平,要落返去20-30蚊都幾難下!謝謝
同埋阿sir 我想問你依家手上有咩股票同平均咩價位入?
龔成老師︰
比亞迪電子(0285)質素不差的,有潛力。睇佢過往發展都正面,有技術,而前景都唔錯。
考慮到近期的增長,$40左右算係佢合理區頂部,現價略貴。要等回翻才好分注,或者可用月供去儲貨。
至於我的持貨,講其中幾隻啦,比亞迪(1211)、小米(1810)、中生(1177)。
現時比亞迪較貴,唔好考慮住,而小米同中生,算是合理區頂至略貴。相信這3隻股,都會好長線持有。
------------------------------------------------
Q21207:
龔sir,你好!本人45歲,已婚有2個子女讀中學,夫妻有穩定工作及收入共6萬元。
我上年12月在FB follow 你,除了睇完百萬富翁系列書籍,也買齊你的聖經及50系列的書,
真是獲益良多。
今年1月開始月供1萬股票,包括2800$3000, 1810$1500, 9988$1500, 66$1500, 823$1500
及1928$1000。
現手持有股票:
1手2382$175入, 1手9988$222入, 6手3067$17.15入, 1手981$24.5入, 1手2018$43入
1)有10萬資金想在跌市時再買入上述持有的股票,還是買入月供的股票,哪個會比較好?
2)以上股票分布會否太散太多?有否集中某類型?
3)2018及981仍可持有,還是賣出轉換1928或其他會比較好?
懇請龔sir指教分析,謝謝。
龔成老師︰
先多謝你支持,你可以先睇"80後百萬富翁"、"財務自由行"和"股票勝經",由淺入深,咁會較好。
1) 其實2者都可以,除了中芯(0981)較一般,唔建議加注之外。
同時間,你入市架時候,唔好太偏重新經濟股,都要加入部份舊經濟股,令組合更平衡。
2) 不算太散,但有少少偏重天係新經濟類別,會令組合波動性偏高。
3) 瑞聲科技(2018)不差的,本身有一定的規模與技術,長遠發展正面,不過,佢增長力不是好強,只能視為平穩增長類別,你可以長線持有。
中芯國際(0981)業務有增長力,但未必能稱為好優質的股。
睇翻佢過往的業務情況,雖然仍每年的生意都有增長,但盈利就有波動,反映雖然大環境的市場在增長中,但佢的成本與售價,就未必在佢掌握的範圍,最後造成盈利波動的結果。
雖然這股都有前景,但以佢面對的情況,但好難將佢定義為最優質的股票。加上之前熱炒過,股價大上大落,投資要注意風險。現貨1手可持有,但唔建議你再加注了。
------------------------------------------------
Q21208:
龔成老師你好,我今年32歲,其實我已經接觸股票超過十年,在最近開始留意你的fb才發現原來我一直都買錯哂/亂咁買,有一種一言驚醒夢中人的感覺
我已經買了股票勝經,希望重新開始真正學習如何買股票,非常感謝你無私的分享
我現時持有以下股票:
267 - 1000股 @15.48
388 - 100股 @297
745 - 12500股 @2
1733 - 60000股 @0.5
1776 - 1000股 @24.65
1816 - 5000股 @3.71
2382 - 100股 @176
6886 - 200股 @24.8
我知道大部分蟹貨應該賣出,其實我深知積存蟹貨的原因是我買股票後就好少留意股價,到想起來時先發現原來跌咗好多
加上我不知道應該幾時賣出才好,感覺過去十年的時間及金錢都浪費了。
看了老師你的分享後,我才知道月供股票,覺得頗適合我這種很少留意股價,但又想獲得合理投資回報的人,希望老師有時間的話可以對我的投資組合給予寶貴意見。
萬分感激龔成老師,謝謝!
龔成老師︰
你想先更正你一個投資想法,蟹貨與否,唔係一個重點。我地投資最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,賺緊定蝕緊,都要賣。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你今年32歲,建議你先集中做好增值部份。現有持股中,舜宇光學(2382)和港交所(0388)係合適的。
中國國家文化產業(0745)見佢過往有20合一,而且多年出現虧損,好大機會係財技股,建議你盡快沽出。
易大宗(1733),如果有睇佢的企業年報,就會見到核數師,多年來都有「保留意見」或「不表示意見」,這已經賬目「有古怪」。這類股基本上無投資價值,賣出較好。
中信股份(0267)、廣發証券(1776)、中廣核電力(1816)、HTSC華泰證券(6886)質素一般,唔建議你持有太多。
至於月供適合較初學者原因,唔係因為唔洗成日睇住個價。而係佢可以透過拉平均左個買入成本,令你減少買貴貨架風險,從而長線得到較佳回報。
月供策略上,現在你每月用5成儲蓄,去做月供,其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
而何時賣出,基本上企業質素一直無變差,你係唔洗賣。除非個市去到好狂熱,如果你現階段無信心判斷大市平貴,你可以用"升一倍、沽一半"架策略。
先收回成本,餘下一半讓佢自行慢慢增值,咁就可以。
書本上,我建議你先睇埋我寫架"80後百萬富翁"、"財務自由行",咁會較理想。
------------------------------------------------
Q21209:
我爸爸岩岩過身
原本供緊層樓諗住比佢養老
我租左新樓 $12500
但依家舊樓就空左市值300萬左右
我諗緊賣唔賣好
層樓倍升左幾倍
岩岩我公司燉我冬菇
減左20%人工
股票我仲有
比亞迪
盈富
領展
小米
3033
全部小量
想睇下你會點睇
龔成老師︰
每個人都有自住需要,除非間屋已經明顯無乜增值潛力,咁你才考慮沽出。
否則,你可以考慮自已住,可利節省新樓租金,用來投資增值。又或者,放租比人,自己另租地方。大前題係,如果物業依然係有質素,就應留住這個物業。
你現時持有的股票,都係有增長力和質素,適合年青至中年人士。這些股票,你長線持有就可以。
若你將來會再投資恆生科技股ETF,建議你用安碩恒生科技(3067)。
相對南方恒生科技(3033),佢每年收費和追蹤誤差都較低。但由於幾隻恒生科技ETF都係初上市,追蹤誤差只能作參考。實際誤差未必一樣,你要知道這個風險。
------------------------------------------------
Q21210:
龔sir,你好,又要你幫手解答問題了,想問萬國數據值得持有嗎?我知道都有新意網,2隻長遠黎講邊個好?
新意網又持續上升,萬國數據就蝕錢,但又因為覺得中國發展潛力大
另外亦知道美股亦有呢隻股,那麼大家有什麼分別?見佢低過招股價 想入手,那麼我買美股定港股?唔清楚呢d範疇,謝謝。
龔成老師︰
我地持有邊一隻,唔好太著眼係中短期股價走勢,要用翻佢長線質素去做考量。
新意網集團(1686)主要提供數據中心、設施管理、網上應用及增值服務,系統之安裝及保養服務。
行業長遠發展正面,佢已經做到全港最大,加上行業的需求不斷增長,對佢長遠都有正面影響。佢過往生意與盈利保持增長,財務數據正面。
這股有投資價值,不過現價就唔算平,大約在合理區頂。如投資,小注分注都可。
萬國數據(9698)有質素的。
佢的業務為開發及營運數據中心,根據佢公司提供的資料,佢係全中國最大的運營商網絡中立數據中心服務提供商,市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務,包括創新和獨特的託管雲價值主張,機房面積為266,260平方米,有一定的規模。
見佢生意有一定的增長,行業前景正面,只是現價唔算平,投資價值都有,但就唔建議太大注。跌翻10%較合理。
2者都有長線投資價值,規模上,萬國數據(9698)會佔優。但此刻值博率,會係新意網集團(1686)較高。
至於,買港股定美股,其實分別唔大。
------------------------------------------------
Q21211:
龔SIR,我想講你知,我上過你股票班,跟咗你兩年之後,認同你套方法係得!
我今年28歲,成功說服家人賣了住了20年的兩房自住物業,目的一部分資金幫老人家做收息作生活費,還了另一物業的樓貸(因自住物業作抵押)
剩下部分讓我倆兄弟(弟弟22歲)投資增長股,目標是5~10年再運用借貸買兩個物業,一個值300多萬的細價樓,一個過千萬的三房物業。
目標投入潛力股的資金約340萬港元,目標組合:舊經濟股1177, 3319, 1830, 新經濟股 2382, 0636, 2845, 9988
340萬本金的組合,若選擇投資以上的股票,應選幾多隻好呢?建議比例如何?我會留意股價睇值博率
龔成老師︰
你所講的組合,都適合用來做財富增值。
但這個組合中有主要係潛力股,佢地雖然有增長潛力,但同時波動風險都唔細,唔建議全部資金盡用在這些股票身上。
我建議你加入一些平穏增長股,同你上述架潛力股,比例上各佔一半,咁會令到個組合更平衡。
大市現處於合理水平,那340萬資金,你可以先用一半,以"分注"形式慢慢入貨。餘下一半就等大跌市機會出現,才大力度掃貨。
由於你現處於"沽空樓市"狀態,股票增長和樓市增幅未必同步。所以,假若股票升幅跑輸樓市,反而會令你日後買樓成本上升。
你可以在投資組合中,加入多少少房產類股票,去盡量平衡翻這個風險。
至於老人家收息部份,就唔好用以上股票,應以一些優質收息股為主。策略上,都係先用一半資金,分注入市,餘下就等機會。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
------------------------------------------------
Q21212:
老師我想請教,其實我等緊2020居屋結果,搞珠號碼好後,本身以為冇機,但又收到信補料,之後仲收到二次急件要我補料,好似比咗個希望我。
現在有現金100 万,覺得而家係買樓時機,唔買冇機會,目標500万樓下,做9 成,其實冇咩實力。
聽講居屋5、6 月𢵧樓,如果到嗰時先知自己原來冇机先再睇返私樓巿場,會唔會太遲,我已經41,買舊樓驚做唔到長年期,500 樓下變得冇乜選擇,好心急,求意見
龔成老師:
你可以等埋居屋果邊先,我相信私樓未必會一下子上得太快,估計1年內上落都唔會太過多。
如果居屋果邊唔成功,到時就睇私樓(當然,現時你久不久睇下私樓先,都無壞的)。
要留意,你的「供款能力」是最重要的考慮因素,唔好太過勉強,如果這方面不足,就寧願調低目標樓價金額。
------------------------------------------------
Q21213:
你好龔老師 關於上次你既解答 我風險過高,除左買3067,如何可以提升組合平衡性? 現持有小米及雅迪,但不是月供
小米有1800股,雅迪4000股; 是否建議買短期股?想每個月都增加$4000以上收入,有可能嗎?
龔成老師:
恆生科指(3067)是一個組合,會比單一股票的風險度較低,當然,由於佢持股都是潛力類股票,因此本身都有一定的波動性,你要留意。
小米(1810)絕對有質素,可長線。
至於雅迪控股(1585),都有潛力,不過要留意股價升左好多。
佢主要係中國以「雅迪」品牌從事電動兩輪車(包括電動踏板車及電動自行車)的開發及銷售,亦銷售電動兩輪車用的電池、充電器及其他零部件(包括電機、車架等)。
睇翻過往財務數據,唔差的,生意的確有增長力,潛力度有。不過現價唔算平,因此唔建議持有太多。
另外,不建議你短炒,全部都要長線投資,不要著重每月賺多少,要睇長線。
------------------------------------------------
Q21214:
龔成老師本人30中,有一自住物業育有一子,供樓等家庭開支全一力負擔,每月可尚餘2-3千元。。。
而儲蓄則由老婆負責,現有100手a50,2手電能,2手中國建築,3-4萬現金。應該如何重新分配令財富有長遠的增長保障退休後的生活?
而5-6年後除去支出本人每月可有8-10k的餘額,50%作月供股票50%用作儲蓄流動資金合適嗎?而40歲才由零開始理財會否太遲?
本人明白財富增值非一朝一夕的事,但人總有貪婪的一面,會引發一些錯誤的想法,所以唔知醜咁希望龔成老師指教一下以滅絕那錯誤的想法!
另外想問問老師的投資初階班學費是多少
龔成老師,我媽媽遲下會退休,強積金大約有50萬左右,我應該以咩比例分配係收息股同平穩增長股,而到左退休年齡可以投資少少係潛力股嗎?
龔成老師:
你現時現金其實不足,以一個家庭來說,加上要供樓,如果只有$4萬現金並不足夠,最好去到$7萬-$10萬作備用現金,餘下的才投資,這會較好。
另外,A50中國可長線的,但要留意,雖然這是組合,但都不能過度集中,宜同時投資其他股,如果不懂選股,就考慮其他ETF。至於電能(0006)及中國建築(3311),質素是有的,但增長力不強,收息為主,以3X歲來說,算是較保守,因此,日後可增持一些有基本增長力的股票。
至於你自己要5-6年後除去支出本人每月可有8-10k的餘額,50%作月供股票50%用作儲蓄,最好當然盡快啟動這計劃,但如果無計,就等5年後啟動,40歲,有心都唔怕遲。
現時你每月可儲$2-3000,都可以盡力投資,月供股票都得。
當然,希望你在收入上更進一步,想想長遠增加收入方法,對你會更有用。
至於你媽,潛力股就唔太建議,如果佢真的好想,就1、2成好了。
佢你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
股票班共8堂,暫時優惠價:$8800。
------------------------------------------------
Q21215:
龔成老師你好,我40歲,睇左你FB 一段時間,另外都購買左你先前的網上課程,有得益。希望你能指導下。麻煩曬,長文
因為以前父母系股票輸左好多錢,多年前讀 U 就開始兼職賺錢供父母層樓,也一直都抗拒進入股票投資。
但幾年前開始有剩餘錢就學人抽下新股或短炒賺餐晏仔。
現時還繼續持有幾個蝕本股
3883,1916, 8511, 8313, 6886, 1932, 1227(呢個是父親的)
想問下應該蝕住放甘點?
另外上月開始月供3067, 暫時每月7000
還有1833, 6060, 386, 1786, 1299(都是2至3手)
成40歲最近我被裁,有筆20萬長期服務金。請問應該投資股票定放系供樓的高息戶口等跌市?
我同先生目前有2層樓,一層租萬5(月供5千到2016完), 一層自住(月供2萬8). 另外有150萬現金,股票40萬。我同先生月入8萬(我被裁前人工4萬), 但要供養4大長老同個女,經常性使費都大。
龔成老師:
首先你要明白一個概念,我地持有一隻股票與否,關鍵位是企業質素、前景,不要被買入價影響。買為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
中國奧園(3883)有質素可持有。
江西銀行(1916)質素一般,增長力不強,宜減持。
ZC TECH GP(8511)無乜質素,賣出較好。
杰地集團(8313)無乜質素,賣出較好。
HTSC(質素中等),可守住先,但增長力不強。
中漆集團(1932)質素一般,增長力不強,宜減持。
國盛投資(1227)無乜質素,賣出較好。
至於你「上月開始月供3067, 暫時每月7000
還有1833, 6060, 386, 1786, 1299」
基本上無問題,只是鐵建裝備(1786)質素不太好,宜賣出。
由於你現時有一定的物業資產,反而股票部分很少,因此應增加股票比例。
你$20萬應投資股市,但你投資知識與經驗不多,暫時只建議你月供股票,以及投資平穩增長股。盈富(2800)、港鐵(0066)、領展(0823)都可以。
你可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21216:
龔sir,有啲野想請教下你
月供基金,我應該要留意啲咩
龔成老師:
首先,要睇翻該基金的投資範疇,投資策略,因為基金有好多種的,你要了解該基金投資的資產類別,是否你睇好的,長遠向好的。
另外,過往回報是否理想,比起大市時否較好或較差。
當確認有質素後,就可以投資,月供是一個方法。如果該基金不是在交易所上市,你就要睇翻有那些條款,會否要求你最少持有幾多年。
------------------------------------------------
Q21217:
老師好!本人50歲持有股票。
公用股:0003 6823 6.51%
REITS:0823 10.96%
醫藥:1177 4.23%
潛力金融:0388 15.54%
石油:0386 1.24%
家電:6690 2%
保險:2318 7.13%
電動車:0175 1211 21.38%
內銀:0939 1398 3988 21.38%
新資訊科技:9888 1.98%
另外以下基金:已供占10.81%
2800 月供$6000
3188 月供$4000
計劃每月買一手3033
已買了一手2845
1. 以上組合是否太亂?有什麼需要加減?
2. 想每月買入一手3069 3109?有咩意見?
3. 手上還有60萬現金,等機會?
多謝
龔成老師︰
1) 都有少少,最好組合數量維持係8-10隻,咁會較理想。
持股方面,都有質素,可長線持有。但你比重上,太偏係潛力股類(1177, 0388, 0175, 1211, 9888)。
佢地雖然有增長潛力,同時風險都較高,不宜持有過多。以你50歲計,潛力股佔組合20%左右好了。
現貨可持有,但未來時間,你要加大翻平穏增長股部份,慢慢令個組合平衡翻。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
月供方面,同樣要作出調節。而你想投資恆生科技股ETF,我建議用安碩恒生科技(3067),佢費用成本會較低。
2) 華夏恒生生科(3069)主要係追蹤恒生香港上市生物科技指數之表現。
指數包含51隻成份股,當中有「藥品」、「⽣物技術」等公司。較為人熟識的,有藥明生物(2269)、京東健康(6618)、中生(1177)等等。
隨著人口老化和人均收入增加,對優質醫藥的需求只會有增無減。此股都有質素,可作長線投資。但你預佢會較波動,最好用月供模式儲貨,並長線持有會較好。
南方科創板50(3109)都有投資價值,但成交比較少,會有機會買賣差價偏高。
但你要留意,這2隻都算係潛力型股票,以你年紀,不宜持有太多。
3) 現時大市只係合理水平,現金和股票最好各佔一半。若你持股總值已超過60萬,有手現金就最好等大跌市出現,才加大力度掃貨。
------------------------------------------------
Q21218:
你好,老師
35歲,家庭月入約6萬
每月儲到2萬
2小朋友讀緊幼稚園
持有以下,希望可以盡快儲到200萬作首期,買多層樓收租。不過,我都唔係好清楚當有200萬時,應該購樓收租,還是繼續投資股票?
農行:10萬股$3.38
建行:17000股$6.58
交行:10000股$4.9
9988 阿里:300股$463
快手:200股$402
中移動:1000股$53.8
總成本:70萬
另外可動用多50萬投資股票,請問投資方案應該係點?謝謝你
龔成老師︰
我地做財富增值,係要建立一個有不同優質資產的組合,除了股票,物業都係其中之一。
以你現時情況,由於現時資金較少,應先利用優質股去增值一筆財富,再買入物業。但同時間,必需留有一定數量的股票,作增值之用。
而這物業可以放租,用「以租養樓」架模式去運作。較詳細方法,你可以睇我本<5年買樓4步曲>。
你現時持股,主要有2大問題。首先,農行(1288)、建行(0939)、交行(3288)和中移動(0941)只係收息股,增長力好一般,不宜用來增值之用。
另外,你組合好集中係銀行股。記住,個別行業唔好佔組合3成以上,否則會有過度集中風險。
我建議你用「平穏增長股」 + 「潛力股」作組合,你可以慢慢將部份收息股,換至以下股票。
現在你每月5成儲蓄,去做月供,其餘先儲起,用一邊月供一邊儲蓄的策略。
大市現處於合理水平,那50萬資金和每月儲蓄,就等大跌市機會出現,才大力度掃貨,並長線投資。
------------------------------------------------
Q21219:
Hi 龔sir你好
我今年35歲 穩定職業
想每月供$5000落金沙、阿里、小米或比亞迪
是但兩隻可以嗎?
邊隻會前景好d?
龔成老師︰
4隻股票都係有質素,但我地做配置時候,都要考慮平貴、年紀等因素,去決定成個組合。
以你35歲計,建議你用「平穏增長股」 + 「潛力股」的組合,比例大約各一半。
現時比亞迪(1211)略貴,回到$120才可以月供。
金沙(1928)係「平穏增長股」,而另外阿里(9988)和小米(1810)係「潛力股」,你可以在當中2選1,去創建你月供組合。
現時大市只在合理區,每月儲蓄不要盡用。你要留有部份,等大跌市機會出現時,用來掃貨。
------------------------------------------------
Q21220:
龔sir,你好,我今年大約35歲,現有股票如下:
788@6000股 買入$1.16
1810@1400股 買入$24.59
1922@8000股 買入$5.1
2031@2000股 買入$16.63
3067@400股 買入$17.11
3718@12000股 買入$1.28
1)想問現有股票會唔會太多?同埋有無長遠投資價值?
2)1922,2031,3718可以長遠持有嗎?
3)想問下京東健康,阿里健康同平安好醫生嘅分別?邊個比較有投資價值?同埋長遠發展
邊個比較理想?有月供價值嗎?
謝謝
龔成老師︰
1) + 2) 數量上,唔算太多,長線維持8-10隻就可以。
持股方面,銀城生活服務(1922)上市時間唔算長,不確定性較大。而澳至尊(2031)質素只係好一般,2隻都不宜持有太多。
其餘都有質素,可長線持有。
3) 京東健康(6618)、平安好醫生(1833)和阿里健康(0241)都係有質素和潛力,業務上都非常相近。
但問題係佢地是有危有機的類別,雖然業務增長好快,但這刻仍處於燒銀紙的狀態中。估值上好困難,因為無實質的盈利數據作為基礎,市場只是估估下。
質素和值博率計,平安好醫生(1833)會較為佔優。但始終有一定不確定性,因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況。
現價算合理區頂,但好波動。你可以用月供儲貨,如直接買入,就只能小注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
正負數練習題 在 龔成 Facebook 的最佳解答
【龔成問答信箱】(Q17461-Q174800)
Q17461:
成哥,一般人靠打工,似乎純投資好難財務自由,是否一定要做生意才能達到財務自由?
龔成老師:
我在《財務自由行》中,有詳細講5種財務自由的方法。
生意、投資物業、投資股票、專家、銷售團隊,部分可以一邊打工一邊進行,每種都可以做到財務自由。
以投資股票為例,我過往人工$10000時,都可以靠股票滾存到數百萬,但我付出的都不少,我睇左過千本投資書,每星期要自己研究一間企業,每次花6小時,一年研究52間,尋找潛力股。
如果你認為唔做功課可以賺到錢就好危險,投資絕對可以財務自由,但你一定要做大量的付出。
------------------------------------------------
Q17462:
老師,我係股票班學生,想問農夫山泉,我試分析其質素及計算其股價。
基本數字面上,經營效率,盈利能力都是合格的。然而2019年的流動比率(0.59)是比較令人在意的。
翻查原因,[因為19年提取了資金以向本公司股東支付人民幣9,598百萬元的股息],以致結構性存款大減,從而影響了流動資產總額 。這個股息好像沒有解釋其發放的原因。另外,股份過份集中亦是扣分位。
[鍾睒睒先生持有我們全部股本中約87.4472%的權益]。不過,將以上兩點一同研究時,才是令我感到最不安的事。(好像沒原因下)無故發放大筆股息,以致公司現金減少至有風險的水平。
同時股息受益人幾乎只是一個人。我不清楚這樣解讀有沒有問題,希望可以指教。無論如何,基本數據面上都稱不上太完美。
品牌以及大環境上,農夫山泉的確有一定品牌護城河。[中國軟飲料市場前四名,亦遠拋離第5位]。
以強項(包裝飲用水)來說,更是中國國內一支獨秀,以現時其質素下,中短期都難以被取代。
而且以商品來說,經濟環境並不會對其造成嚴重影響。雖然上市文件中收益部分沒有記載,但相信大部分的銷售對象為中國內地。
因此國際形勢不會對其有明顯影響。危機上,招股書都表示了不少潛在風險(塑膠價錢、水源污染等),如果不太嚴重的話,農夫山泉是有能力解決的。
招股書中亦沒有表示會大力發展全新市場。未來PE不會太明顯改善,參考旺旺及維他奶,預定為18-30。
每股盈利推算方面,單以17-19年的平均數0.41港幣計算。合理區為9.2-15.4,減去20%包括以新股上市的水份後,大約為7.41-12.36。
結論:股權集中及派發令公司蒙上風險的股息。如果這個結論是對的,後果可以十分嚴重。而公司為平穩發展類型,難有爆發性增張,因此上市價格明顯偏貴(PE50明顯不值)。
PS:我在HKEX找到的招股書中,有很多資料被[編纂],到底是有何意思呢?
而且,這是第一次分析新股而翻閱招股書,它比年報更多資料,可能有遺漏的地方(因為難以整份細閱)。以年報的方法分析未知有沒有問題?抑或有其他重點需要留意呢?
謝謝解答。
龔成老師:
新上市的資料及數據,往往會經過修飾,這就是我唔抽新股的原因。因此當你分析時,要明白這點。
你上述的資料基本上都正確,分析方向可以,而你將新股因素打拆扣,是正確的做法,因此你的分析都有參考價值,但就要留意,始終都只是一個參考數,不能盡信。
至於你所講的派息問題,這並不是第一次見到有上市公司這樣做,公司先派股息,然後再利用上市取回現金,其實是間接令原有股東收到上市得來的資金,這當然要扣分。
招股書的資料十分多,「行業資料」「公司資料」「前景」是你要重點睇的部分。
整體來說,這股質素是有的,但就似住自己有質素,以高價集資,因此,這股雖然前景正面,但最好等回先入。
------------------------------------------------
Q17463:
老師你好, 我剛剛月供地鐵和領展各2000元, 但感覺前景不太樂觀, 應該暫停月供, 轉供盈富4000元, 這樣做法好不好呢? 請老師給小妹意見
龔成老師:
月供是一個長期的策略,因此,唔應該轉來轉去,當你決定左,就應該供5年,這樣先會有效果。
這兩股都是有質素,雖然不是高增長股,但仍是正面。
你可以想清楚,睇下自己想長供那些股,佢地3年、5年後的經營情況如何,投資是一個長期的過程,轉來轉去並不是好事。
------------------------------------------------
Q17464:
Hello 老師 我現時月供緊3000蚊銀娛 其實睇返平均買入價都唔算平 同埋疫情反覆
所以想問吓繼續用月供嘅方法黎供銀娛仲好唔好? (雖然仲係睇好銀娛 但總係有啲擔心賭牌個方面)
龔成老師:
銀娛(0027)是有質素的股票,你可以長期去供,月供股票要長線,先產生到作用。疫情反覆,會對佢中短期不利,但反過來睇,這是收貨的時機,只要你耐心持有就得。
至於賭牌,佢基本上好穩陣,唔擔心。
------------------------------------------------
Q17465:
中國鐵塔
我有朋友買左 我都想買
但未來可能都有機會升 長遠黎講
究竟我買唔買好呢
同盈富 中煤 領展比 好似冇咁吸引
如果月供呢
龔成老師:
我地最重要分析企業的長遠質素、發展。中國鐵塔(0788)有質素的,長遠有發展力,這股都有投資價值的,但就不是爆升類型。
月供可以的,但你在組合中,應該以盈富(2800)作核心,而這股只是其中一部分。
------------------------------------------------
Q17466:
龔sir個陣聽你講開始月供股票,之後月供加左比亞迪。真係非常感謝你,令我由以往只識拎住現金,到依家都叫有啲醒覺。
我近年轉左工作, 收入大概$48000,比以前多了一萬多
我現在月供組合
1211 1300股 $48.61 (月供1500)
0003 5600股 $13.78 (月供 1500)
0066 1100股 $43.79 (月供 1000)
0823 1000股 $74.74 (月供1000)
另持有 0778 4000股 $9.23 及 50萬現金 股票與現金比例 ~4:6
1.想問下1211是否需要停月供? 如果停1211月供,想問有沒有推薦可代替放入月供組合?
2.現在疫情及中美博奕,是否先拿著50現金比較好?
希望制造更多財富 提早達到財務自由
龔成老師:
1)如果比亞迪(1211)去到$8X,你可以停一停。這股是潛力股,可長線,不過股價就好波動,當去到貴的水平,都可以停一停。而原有的貨就可以持有。
你現時所供的,都是有質素的股票。你可以加入盈富(2800),會令組合更加平衡,如想增加組合潛力,加入中生製(1177)、騰訊(0700)都可以,只要長期供,同時注碼不過多,仍可供的。
2)持有一定的現金是一定要的,問題是比例多少。
如果你現時的現金比例較多,其實可以找機會買翻少少唔貴的股票。但如果現金比例唔算多,就持有現金等機會。
------------------------------------------------
Q17467:
龔成老師你好
看到基金很多10%年息
每月派息基金很吸引
但說所有回報乃累積回報,以 2020年之基金價格及資產淨值計算,並把股息在派息日再投資
然後眼見累積回報3年才7%
是不是代表輸了23%?
派了3年應該30%以上才對?
然後就是期望龔成老師出基金的書本 為大家提供更多知識
龔成老師:
近年有不少所謂的高息基金,特別是債券基金,出現了賺息蝕價的情況!
佢地用「高息」,保證有多少利息去吸引投資者,但原來有些基金,當中的派息,是利用原有本金派出,因此,這只是「製造」出來的高息,實際的回報是負數。
我有機會都會出書講多D,你都可以睇《大富翁致富藍圖》,當中有部分講述基金的。
基金有好多,有好有壞,你要小心分析,如唔明就問職員,要清楚。
------------------------------------------------
Q17468:
你好,老師,我女兒現在3歲,我幫佢儲左d錢大慨4萬,但又想可以有增長/收下息唔想就咁放係度
我想了解下日清1475,煤氣,定老師您講既788,邊隻長揸較好?
我見依家好多都唔平,定等個市跌,有其他股建議?
友邦又好嗎?
龔成老師:
你可以投資一些穩例健類的股票。
日清(1475)雖然有質素,但現價唔平。
煤氣(0003)現價合理,雖然增長力比過往略有減慢,但仍是穩陣之選,你可以分注投資,長線持有。
至於中國鐵塔(0788),有質素,但股價上落會比煤氣略高,你可以小注投資。
友邦(1299)都有質素,同樣可考慮。
其實,你可以投次盈富(2800),再加上其他有質素的股,這已經是一個組合。
------------------------------------------------
Q17469:
您好,龔老師,我之前買左你本書,5年買到細價樓,所以拎左黎做目標!
現時有15萬,無家庭負擔,想平均投資係5-6隻股票當中,想知道有什麼建議或者tips比我?
暫時目標股票有長和 香港電訊 中銀 置富 中移動 盈富共6個,每隻股票應買幾多手為合適?打算買一筆收息 一筆投資,謝謝
龔成老師:
你可以投資一些有質素,有增長力的股票,你上述的股票,盈富(2800)無問題,但其他的增長力不算強。
另外:銀娛(0027)、港鐵(0066)、平安(2318)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
當然,如果你想以收息為主,你上述提出的股票,都是可以投資。
你可以視乎自己的風險承受能力,目標,而決定點配置。
------------------------------------------------
Q17470:
龔sir你好,小弟買了你的50博值倍升股,獲益良多,十分感謝!
小弟想問下,新天綠色能源股價節節上升,市盈率7倍,現在它2.7,從公司估值方面算便宜嗎?現時價位值得買入作長遠投資嗎?感謝
龔成老師:
新天綠色能源(0956)本質不差,有一定的增長力,但由於都有一定的負債,考慮到風險因素,現價只是合理區,未算平。
你投資都可以,分注無問題,但由於這企業規模比較細,加上有行業風險,因此唔建議太大注。
------------------------------------------------
Q17471:
龔大師你好,想請教你投資心得,平時冇做其他投資增值,
50歲
現想月供股票,請問供那比較穩健和收息好, (本人不懂月供股票程序, 是否不要選股價高的股票来供?
例如388現價升了很多 如選388會太貴?)
多多指教
龔成老師:
簡單來說,月供股票就是你每月將現金,買入某一隻或多隻股票,慢慢咁樣儲貨。坊間不少銀行都有提供月供股票服務,你先開證券戶口,然後登記做月供股票。
形式就是每月投入相同的金額,買入同一隻或多隻股票,並持續進行。
例如,每月以相同金額$10,000 買入盈富基金(2800),假設第一個月股價為$25,就能買入400股;第二個月升至$35,就能買入286 股;第三個月跌回$30,就能買入333股。
總結這三個月,投入了的資金為$30,000,累積股票為1019股,平均買入價為$29.4。
由於月供股票每月投入的金額相同,因此當股價上升時,買入的股數自然減少,而當股價下跌時,就自然會買入較多股數,如同自行調節一樣。
要注意的是,由於每月持續投入資金,因此一定要選優質股,長線投資,同時要以儲股票的概念進行,最少持續供3 年以上,之後持有5年以上。
以你的年齡情況,建議你供盈富(2800),以及加少少港交所(0388),長期進行就得。港交所的確升了不少,但只要注碼較少,同時長期供,都無問題的。
------------------------------------------------
Q17472:
你好龔成老師 我雖然沒有上過你的投資班 但一直都有看你的書 係你的書裏學到好投資既嘢 財富有點增值 近期睇你的(財務自由行)
我認同財務自由之路係有好多方法 而創業係我認為係比較快增值財富嘅方法 認同後生時先增值財富後現金流
但是由於我身邊沒有朋友熟人做生意所以這方面的知識不多
近期知道一點資訊可以在創業群組認識同道中人 但是完全唔識嘅陌生人合作我又怕比人騙 究竟創業時要注意啲乜嘢?
投資股票可以睇財務報表 去衡量公司值唔值得投資 但是初創公司沒有財務報表那我怎樣知道做實業嘅公司 ?
龔成老師:
《財務自由行》講左5個財務自由的方法,投資股票、創業等,你選自己喜歡,以及並行發展都可以。
至於同人合作搞生意,要非常小心。
就算同朋友搞生意(過往我都試過),都會有好多煩野,有問題,有唔清楚,如果同陌生人搞,就更難。
就算是細公司,都有財務數據,都有一些銷售數據,營運模式。總之,如果你無律信心,有疑問,就唔好搞。
我反而建議你試下自行創業,最初可能會失敗,但這是一條財務自由的路,你試多幾次就會成功,加上,你現時無經驗,同人合作更不搞分析生意的好壞與問題,當你試過,有經驗後,你的實力會提升,情況就不同。
------------------------------------------------
Q17473:
龔sir你好,我係你股票班學生呀,一路有留意開濠賭股,地產股同保險股
但未上到估值嗰堂未識計合理區~ 想問下面呢幾隻股咩價錢可以入手呀?1928, 27, 14, 66, 823, 1972, 1299, 2378
另外依家疫情似乎愈黎愈嚴重,雖然我地應該著重企業本質,但短期消息不利地產股同保險股,係咪可以等多一陣先入手?Thank you
龔成老師:
上述的股票,都是有質素的,都是處於合理區,如果處於較近合理區底部的有:金沙(1928)、希慎(0014)、領展(0823)、太古地產(1972),不過,佢地都受疫情影響,中短期會較弱,投資要分注,唔好太急入,同時要耐心持有,長線投資。
另外,唔好太著重中短期因素,要以長線角度作為核心。好難估事件之後的發展情況,所以分注投資,以策略去平衡風險,同時留有一定的現金,這是最好的策略。
------------------------------------------------
Q17474:
我見某些投資大師都會這個會趨勢分析、 週期等,如索羅斯、羅傑斯等都有用此方法,有無用?謝謝
龔成老師:
佢地是考慮經濟與市場,並不是股價的趨勢,而要分析經濟的變動趨勢,對一般散戶來說太困難,索羅斯的《金融練金術》,提出的「對射理論」,更講翻短期市場由情緒組成,要分析趨勢根本好難。
至於羅傑斯,市場供求在商品應用較好,而股票的價值會變,單睇供求趨勢會好危險,就算係佢10年前所寫的《給女兒10封信》,其實都是「價值」為核心。
------------------------------------------------
Q17475:
龔成老師,你好,睇左你幾本書,令我獲益良多。最近開始睇你推薦既「萬能金鑰」,提到(任由思緒漫遊至靜止)同我一向練習既冥想,正念療法只諗住自己既呼吸,概念完全不同。
如果任由思緒漫遊不停想唔同既野好難靜止,定係我理解錯?老師,請問你係用咩方法可以做到?謝謝
龔成老師:
其實佢整本書的其中一個功用,就是教你「控制潛意識」,令你有能力掌握思想、情緒、心態、心理質素等,這些一般人無法完全控制的事。
書這一課,意思就是要做到「控制」,就算在「思緒漫遊」的狀態下,試下用潛意識去控制。過往你用「呼吸」去掌握身體節奏,這是較簡單的,書的意思是再高一個層次,在放棄以呼吸掌握身體節奏的狀態下,第一步先學習思緒漫遊而能夠靜止,啟動潛意識的部分。
------------------------------------------------
Q17476:
老師,最近都睇一直留意你facebook啲留言同post, 雖然最近有想置業既打算 但都想運用少少資金開始無股票市場做一啲長線投資 因為唔想又錯過一啲令財富增長既機會
但我有幾個問題想問一問 因為我驚我經驗不足 會做錯決定同時又未必對想購入既股票有充分既理解 所以想老師俾啲意見
1. 最近好多股都俾人炒番上去 所以想搵啲暫時未被炒熱又現價合理既優質股做投資。宜家有幾隻心水想買,想睇下老師點睇
- 1928 金沙 想購入一手
- 1972 太古地產 vs 14 希慎興業
(想2選其1 ,初步會選1972 購入2手。因入場門檻較低 所需資金較少。根據老師留言,兩股應該都進入便宜區/合理區底)
- 52 大快活集團 打算等跌落$15 購入一手
2. 1830必瘦站最近又升上高位 現價$3 之前$2.2的時候話跌2成先叫便宜 但根據現在情況 係咪都係以$2.2既價錢跌2成先叫便宜?
3. 有打算長線投資1177 1211 388可惜水股都升左唔少 打算回落看時機購入
1177 係咪~$10都可以入貨 定高少少都開始叫合理/平?
同樣 1211 係咪都可以等到$40-50區間可以小注?定$60都已經可以購入?
388宜家幾錢先算平同合理區底?
4. 如果我真係投資以上組合,會否太散?以我28歲既年紀 是否都適合投資盈富基金2800?定可以比較進取一些投資值博股票如小米/阿里巴巴/其他股票?如果買盈富可以佔幾多比例?
5. 之前都有同老師講過有想買樓收租既打算 打算先將物業放租幾年再自住/換樓 都有物色到東涌大約550-570萬既樓盤打算買入
但有親戚講話1)樓市可能會繼續下行 經濟會繼續轉差 宜家未係一個合適既時機,加上2)供樓初期都係俾緊利息同現時租金回落導致回報不吸引...但以上種種因素係咪投資物業要考慮的?
但亦考慮老師提到1)長遠樓價都會向上 因供應不足以滿足需求,2)樓價哩1年價錢相對有啲回落(因受到武漢肺炎及近日社會事件及國安法影響) 3)只要供得起樓就唔洗怕樓價升跌 我計過 我入息23000 每月供樓大約$17000 (未計差餉同管理費)
我怕如果宜家唔買就會上唔到車 始終人工追唔上樓市升勢
買左老師新書5年買樓4步曲準備睇
個篇幅有啲長 多謝老師解答 謝謝
龔成老師:
1)建立平衡組合是重要的,你這刻可投資這類股,因為值博率較高,但不能只集中在某些股。
這幾隻股,都有質素,但都同樣樣正受經濟因素而影響,中短期較弱,長遠無問題。投資可以,但要分注,同時唔能夠只集中在這類。你可考慮金沙(1928)、太古地產(1972)、大快活(0052)。
2)必瘦站(1830)現價合理,你預$1.8先開始平。
3)這些都是優質股,都可以長線,但現價都唔平。大約回翻10%先開始合理。
4)唔會散。你可以以投資盈富(2800)為核心,同時加上其他股,建立一個平衡的組合。
5)香港樓,仍會因供應不足,而長遠向上。
至於中短期,就較難分析,經濟有波動,加上疫情與政治因素,都令中短期樓市變數較多。只可以話有可能跌,但唔好預期跌得多,因為需求大,你自己睇下點樣把握機會。
------------------------------------------------
Q17477:
龔老師你好,感謝老師無私分享! 本人28歲, 疫情爆發前在高位買了物業, 扣除供款、家用和各種洗費後, 每月只約可儲 $8000, 現時現金約15萬, 股票約38萬 (由於很多於高位購入, 現時只值26萬左右), 包括:
4000股匯豐@$60
500港鐡@$41
400領展@$66
1600永利@$29
400金沙@$29.5
500中國平安@$88
我知道自己年紀應該投資比較進取, 匯豐並不適合, 但一直糾結是不是應該蝕著沽出。
現時股市已開始重新熾熱, 但我現時現金只剩這麼少, 我應該留起等待機會還是可以照入市? 由於銀行手續費較貴, 不考慮月供
但因為2年後想儲到大約40萬為物業進行裝修, 在45歲達致財務自由, 想請教老師我應如何規劃, 感謝。
龔成老師:
其實樓市無大跌,你不用擔心,香港樓始終需求大,預期下跌有限,長遠更會向上。
至於股票除了匯豐(0005)外,其他都無問題。匯豐不是劣質,但賺錢能力的確比過往減少左,同時你比例較多,這股會影響你的組合增長力。
你可以等經濟好翻少少,等佢上多D時,賣出部分,將資金投資其他更有增長的股,這樣會更好。
現時的股市,只是部分版塊少少熱。
其實你只要合理地進行投資就得,只要投資一些較熱的版塊,就要小心。
至於投資其他優質,合理的類別,其實無問題,只要你這刻「同時持有現金」就得,如果你現金較少,就唔好用住這刻儲多D現金先。
另外,如果你2年後要有一定的現金,就要開始留現金,唔好心急入市。至於財務自由,你要再加大力度儲蓄,
你要運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
------------------------------------------------
Q17478:
龔sir,原本我一直月供領展、港鐵、中國生物製藥、比亞廸(1211)同盈富。但近排見到比亞迪嗰價升左,我諗住停供,等佢正常返至再供。我想問咁做有冇問題?
其實我三月時見比亞迪跌到三十幾,我即刻買一手,但見佢升到五十幾就忍唔住放咗,宜家諗返都唔知佢嗰價仲會唔會跌返。
啱啱我見股市升得好勁,雖然知危險,但都忍唔住試吓短炒,頭一次真係眨下眼賺咗一成,但第二次就即撞板,一買即跌!第二日見佢冇乜升返就即放。兩次加埋雖然都賺咗,但真係驚,感覺同賭錢一樣。其實係咪我心理質素太差?
最後,我儲咗廿萬想買騰信同阿里巴巴。但佢哋實在太貴!想問你覺得遲啲有冇可能跌返到正常啲嘅價位?謝謝抽空回覆!
龔成老師:
我20年前,都有你這種心理,短炒,而為可以賺多D,以為賣左之後好快跌翻可以再買,但好多時股價都唔似預期。之後我發現,我同其他無知散戶一樣,都出理了「贏粒糖,輸間廠」的情況,所衝之後我就改變策略,長線投資,回報就變得可觀。
上述的股票,你保持月供,長線,比亞迪(1211)去到$8X略貴,可以停供。
至於騰訊(0700)同阿里巴巴(9988),都是有質素的,但都唔平,你可以月供,或小小注,等跌先正式入。
另外,大市好波動,要留有一定的現金,唔好心急用盡。
------------------------------------------------
Q17479:
龔老師,我有下列問題,希望你為我解答:
(1)有關(50優質潛力股)書中第23頁,買入價$50,每年複息股價回報32.0%是怎樣計算?
(2)我現時有10幾萬,想長線持有中電,金沙中國,恒基,不想月供,是否要等2萬4仟點以下才買?
(3)我現時有4手(領展),3手(地鐵),若再買(恒基)是否太多地產股?
龔成老師:
1)其實這是一條代數題目:
$50X(1+?)5次方=$200
(1+?)5次方=4
(1+?)=1.32
?=32%
2)如果你現時現金比例多過4成,可以先價買入金沙(1928),然後視乎資金,投資恆基(0012)、中電(0002)。如現金不多,就唔好急入。
3)少少,恆基與港鐵(0066)都有部分是地產股,你要計算,領展、地鐵、恆基,合共比例會否多過3成。
------------------------------------------------
Q17480:
老師,想請教一下,如果有約500k的資金作投資,可以怎分配和選擇嗎?謝謝
龔成老師:
要睇你的年齡、負擔、風險承受程度。因為我地理財,就是「建立組合」,在可承受風險的狀態下,盡力爭取回報。
我假設你的風險承受程度為中等,你可以投資「平穩增值股」。分注投資,或月供,都可以,總之要留有一定的現金。
你可以考慮盈富(2800)。
另外再加其他股:銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少,所以注碼會較少,或等回先開始入。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
正負數練習題 在 龔成 Facebook 的精選貼文
【龔成問答信箱】(Q16361-Q16380)
Q16361:
老師,我係股票班學生,我最近重新去審視一次保險股,有D野諗唔明想請教。
1) 想問好耐,成日唔記得,其實點解你常推薦組合中,無保險股呢?
2) 我見平安2017年和2018年"剩餘邊際 - 這個用來純利平滑化的數字"增幅開始減少,我理解為新生意價值開始有回落,導致未來每年能釋放的純利會少左,應該沒錯吧。
3) 由於保險股純利,係由"投資收益"和"業務收益"所構成,你去睇佢地純利(扣除公允值後數字)時,會唔會拆開佢"投資收益"和"業務收益"去分析呢?
我試用"同比投資收益變動" 去減"同比純利變動",發現2015-19年間,中國人壽(2628)除左2018年有+18億外,其他時間都係負數,係唔係即係佢"業務收益"其實係虧損(平安有3年正數、新華都有2年)。
咁我可唔可以得出以下2個結論︰
I) 佢盈利只係單靠"投資收益"支持,仲要補貼埋"業務"部份虧損。
II) 由於佢純利單靠"投資收益支持,但淨投資利潤率在同業中唔高,所以質素上要有較大扣分。
龔成老師:
1)有唔少保險公司都有質素的,平安(2318)、保誠(2378)都不差的。就長遠的增長力來講,平安較好。
2)你都可以咁樣講,通常分析保險公司的剩餘邊際,是考慮佢保單現值與賠償支出的角度,如同這部分的資產價值。這都可以視為佢資產,以及業務增長的角度分析。
不過,通常我會以較長期的方向去分析。唔好止睇一兩年的數據,因為有時企業發展,投資或是壯大,都未必在短期出現,而是要較長時間先見到。
3)可以將每年的數據,拆開分析,這能夠更全面分析到企業的情況。
中人壽(2628)的業務近年的確弱左,但業務的結構是複雜的,因為要有保險業務,才可有資金投資,而當中的支出,其實又好難絕對區分,因此,是否得出業務部分是虧損的結論,也未必完全下定論。
不過,如果你比較佢及其他保險公司,發現其他公司的數據較好,這的確可以得出中人壽質素有轉弱的情況,而相比起,平安的確是較好的。
------------------------------------------------
Q16362:
你好!我於3蚊買入了10手302中手遊。我留意到302的業續比2400好,不過不知什麼原因302不升反跌
反而2400卻有不錯的成交額和升幅(雖然最近已有回落),但表現卻無疑一定比302好。我想詢問下302的表現是否合理和應否繼續持有?感謝!
龔成老師:
因為當市場衡量一間企業的價值時,會包左好多因素,一年的業績,只是其中一個因素,市場更會以將來作為因素,當市場預期某股的增長力較強,長遠發展較好,就會對股價有所支持。
另外,如果睇翻最新的業績,中手游(0302)的盈利出理了倒退情況,而心動公司(2400)盈利則有所增長,這成為了業績後,其中一個影響佢地股價的因素。
------------------------------------------------
Q16363:
老師你好,我想問一下盈富基金(2800)和FL二南方恆指(7200)都是追踪恆指的股份
除了7200是+2X外,它們有什麼差別呢? 老師比較建議買入哪一隻呢? 謝謝!
龔成老師:
最主要的差別,就是FL二南方恒指(7200)有槓杆成份,這就會放大了回報及風險。同時,由於有槓杆,所以潛在的成本都會較大。
例如盈富(2800)有派息而佢無派息,同時佢可能唔完全追到恆指2倍回報,這個差異就是潛在成本。
------------------------------------------------
Q16364:
你好 請問宜家價位入939 建行 算低嗎?
你又點睇呢隻股既前景呢? 唔該晒
龔成老師:
建行(0939)本身質素不差,但這股增長力不算強,只是一隻收息股,現價投資可以,但你唔好對股價有太大期望。
前景不過不失,中短期會因中國經濟有影響,但長遠穩定的,不過,增長力不強。
------------------------------------------------
Q16365:
成哥你好!小弟23歲,啱啱開始學投資,平時都有睇開龔成信箱,仲買埋你既書黎睇。
多得成哥指教,我今個月開始做月供$5000,買緊2800 $2000,66、1299同埋700各$1000,希望長線會有好收穫!
另外,小弟亦對新經濟股有興趣,2蚊小注買入左兌吧(1753)。
見成哥平時都有建議小注買入潛力股,唔知呢隻算唔算係潛力股同埋適唔適合做人手月供?
希望成哥會抽到時間俾少少意見小弟
謝謝!
龔成老師:
現時你月供的,都是有質素的股票,你保持進行就得。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
如果你有少少投資知識,小注潛力股是可以的。
兌吧(1753)主要係中國從事用戶運營軟件即服務平台,以及互動式效果廣告等業務,不過這刻仍處虧損狀態,只可以話分析不易,有危有機類。
這都是潛力股,但風險較高,其實佢生意增長不差,只是未進入收成期,如果你睇好,小注投資可以。我唔建議你長期供,但如果佢股價回落,你小注投資是可以的。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16366:
你好 我見到你的post 想請教
我同老公30歲 上年5月買入實用401呎樓 負債500萬
共約有150萬港幣美股
50萬港幣儲蓄
共月入8萬
想5年後再買實用1000呎以上
15年以下樓齡樓
可如何做
龔成老師:
如果要完成目標,加上以你地的年齡及情況,可以進取少少,可以投資平穩增值股+潛力股,一般比例為7:3,如果你有投資知識,可以5:5。
你物業保持月供,同時努力儲現金及作出投資,希望在這段時間裡努力將財富滾大。
如果美股是有質素的股票,可以長線持有。
同時,可以投資港股,平穩增長股可考慮盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
潛力股可考慮比亞迪(1211)、中生製(1177)、褔壽園(1448)、小米(1810)、阿里(9988)等。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16367:
老師你好,我24歲 月入約2萬 會逐步加,冇進行過任何投資買賣,幾年前買左人壽儲蓄保險,仲有兩年供完就會跟住滾存 ,現金儲蓄有約35萬,另外銀行亦sell我買危疾儲蓄保,當買個保障再儲一筆錢,我應該買?
最近見股市跌,開始想投資股票增值資本,日後想買樓自住,請問有咩方法投資比較好?
我比較保守,因為我甚麼都冇太多理解,有諗住買港鐵/領展/匯豐/媒氣(還應買匯豐嗎?),大約咩價位入較好,因為已經升了很多
還有,我見老師大多數推薦月供股票做長期投資,我應只買幾手穩陣的股票抑或是月供股票好?謝謝
每月大約可儲$7000
龔成老師:
我地理財,最重要是攻守兼備,你買保險,是理財其中一部分,但「足夠」就得,唔需要過多。所以,當你分析想買那些保險時,最重要是自己的需要,那些風險你不想承受,想轉嫁比保險公司?這就是你的思考方向。一般來說,危疾、人壽保險是需要的,而儲蓄成份,就不一定要。
當你買了足夠的保險後,下一步就要進攻,唔可以全部防守的。
如果你比較保守,可以集中投資平穩增長類股,唔好投資潛力股。另外,月供有買入價平均的效果,對初階者或保守者,都是較好。
盈富(2800)$2500
港鐵(0066)、領展(0823)、煤氣(0003)各$1500。
到你有一定的知識與經驗後,再動用你手上的現金,到時月供或分注都得,到時先處理。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
------------------------------------------------
Q16368:
老師你好,本人25歲 投資股票理新手 同女朋友合共月入$33000。
暫時合共可每月儲$10000,有本金$20000
打算用本金$10000 入2800 另外$10000入分小注入其他優質股例如港燈。
每月月供$3000 入2800 & $3000 入 1211
$2000 儲現金 另外$2000想月供一隻進取型 想問下老師有無推介?
目前係入市時機嗎?
以上投資計劃適合我們嗎?
謝謝你!
龔成老師:
你上述計劃,會用盡你的現金,而現金除了有備用的作用,更可以作「等機會投資」,如果全部現金都無,當大跌市出現時,就無資金買平貨。
現時現金為$20000,買一手盈富(2800),餘下持有現金。
至於每月儲蓄部分,你可以月供盈富(2800)$3000、比亞迪(1211)$2000,另外,你可以選多一隻$2000:中生製(1177)、小米(1810)、阿里(9988),這3股中你自行選一隻去進月供。
餘下就儲現金。
------------------------------------------------
Q16369:
龔先生,我持有2018瑞聲,$140入的,現在可否再入,還是繼續持有?
還是忍痛沽出,然後買入1211?
龔成老師:
瑞聲(2018)要上翻$100以上,已經好難了。
這股不是無質素,但增長力之後只能平穩,而$100以上包了不少的炒作,因此,你只預佢股價慢慢向上。如果這股佔你比例不少,就唔好再加。
是否轉其他,要睇翻你想點樣設計你的投資組合,如果想進取D,就可考慮轉比亞迪(1211)或其他較有潛力的股票。
首先,你要衡量翻,你組合不同類別股票的比例,打算點分配。
------------------------------------------------
Q16370:
請問師傅,本人强積金户口有三十幾萬,應該買甚麼,本人己57歲?
龔成老師:
你已是接近退休的年齡,強積金要開始保守,唔能夠太進取。
你可以將超50%投資在保本的類別,50%投資在低風險,有基本利息的類別。這刻最重要的,是保住你的財富,同時希望有現金流。
------------------------------------------------
Q16371:
有幾個問題想問下龔Sir,你覺得現在是熊市第幾期?
疫情嚴重影響各行各業,零售業的六福和保險業的保誠是趁低吸納的時機嗎,大約便宜區在哪裡?
想問銀河娛樂賭牌即張到期,但橫琴發展項目好像未有進展,加上線上賭場愈開愈多,會否影響賭業股的前景?銀娛便宜區大約在哪裡?
最後打算投資10萬,5萬銀娛(潛力股)作水桶一,5萬六福(增長股)作水桶2可以嗎
我剛剛報讀了你的股票班,希望加以增強股票知識。
龔成老師:
以特點來說,應該是熊市第二期,不過,傳統牛熊是順序的,但現世代,人為因素及變化太多,因此,不是必然會進入熊三,無人知。
我地分析企業時,一定以長期作原則,再考慮現時中短期不利因素對佢有多少影響,保誠(2378)與六福(0590)都是有質素的,現時股價合理,長線投資可以。
你預跌多15%開始平。
銀娛(0027)長期價值仍在,我相信佢好大機會會成功取得牌照,同時,實體賭博仍有相當的吸引力,我相信佢唔會因素而受影響。
銀娛及六福你都可以投資,但不能只集中在這兩股要建立一個更平衡的組合。
股票班見!
------------------------------------------------
Q16372:
請問點看1638 同 6869 呀,以前買過佳兆業,但輸走的,長光可否看遠小小,thx
如果短缐上落股,有什麼好提議,我如只想個大環境役症好返,有那隻股會升得較大,唔該晒
龔成老師:
唔建議短炒,大市波動,短炒的風險高。
你只可以投資現時較有值博率的股票,以長期作為分析點。
佳兆業集團(1638)質素中等,長線投資價值不算強。
至於長飛光纖光纜(6869)此股有質素的,因為全球光纖光纜市場,仍會保持向上,智能手機、互聯網、大數據等科技,成為了行業的推動力。
長飛光纖之前受惠三家國有電訊營運商發展網絡基礎,所以生意不錯,但這亦令這公司出現風險。之前中移動的中標結果,佢排名唔算前,這反映市場競爭有所加劇,佢的賺錢能力有可能略有減弱。
整體上,佢仍有質素,但增長與賺錢能力就有可能略略減,投資價值仍在,但這刻只是合理區,你可以投資,但由於未到平宜區,故只能分注,不要大手。
------------------------------------------------
Q16373:
老師,想問下必廋站$2算唔算平?
我見佢真係暴跌左,我$2.98有一手,睇下幾時想再入啲
龔成老師:
必廋站(1830)有質素的,但這股有風險,因此不建議大注。
你買入價略貴,$2是合理區中下部。
你是否加注,要睇翻你本身持股比例,因為唔建議持有太過多,所以要留意翻。
------------------------------------------------
Q16374:
大師你好,多謝大師解答問題,想請問下:
1. 如何判斷一隻股票係平,貴和合理區?
2. 請問"新世界發展" 前境如何?
龔成老師:
1)要計平貴,就要先計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。有了企業價值後,下一步就是比較現時股價,就知當刻平或貴。
2)新世界發展(0017)不算差,本身有一定的規模,業務廣泛,從事物業投資及發展、合約工程、服務提供、經營基建項目、電訊服務、百貨、酒店及餐廳、電訊、媒體、科技等業務。
但這類綜合企業,一般的增長力都不會太強,佢近年的生意亦只是平穩,你可以持有這股,但不要預佢有好大的增長力。
現時此股股息率達5%以上,已出現長線投資價值。合理區中下部。不過就未到便宜區。
------------------------------------------------
Q16375:
老師:我有200K RMB, 是否合適,內地怕有很多不穩定的因素,需要轉其他外幣嗎?
定是去做定期呢?謝謝。
龔成老師:
首先,無論是港幣還是其他貨幣,都只是「一張紙」,當中只有交易價值,沒有實質的財富價值,因此,不應該持有太多。
至於你持有人民幣,我相信佢暫時匯價仍是穩定的,已反映不確定因素,但就唔好只集中在人民幣,建立平衡組合較好。
------------------------------------------------
Q16376:
老師,你的進階班課程深,但我學到好多野(我過去一年都睇左超過30本投資書,包括老師既)
但我都覺得進階班難,堂上有時會聽吾明,係空閒時間多思考,重溫課程內容先明白。
老師遲下會出高階班嗎?想跟老師學更多野,成為投資大師
龔成老師:
進階班的確有少少深,但你多溫書,都會慢慢吸收到,不過我暫時都不會開再深的高階班了。
如果你想更進一步,建議你不斷睇年報,以及睇我課堂比你的網睇大行分析報告。所有技巧都是時間練出來的。
------------------------------------------------
Q16377:
龔成Sir 你好。有個困擾左我好耐既策略問題想請教。
我現在2X歲,和家人生活係公屋。手頭上有40餘萬可動用。
預期短期來會跌市,請問應該將錢先投資股票定係置業呢?感謝
龔成老師:
如果你預期到,長遠都有置業的需要,就可以買意物業市場,就算這刻未有自住需要,都可以先作投資。
香港樓市中短期會轉弱,主要受經濟影響,不過在長遠來說,仍是會向上的,這是由於供求問題。因此,你可以留意接下來的1、2年,會唔會出現下定的跌幅,如果見到,就可以把握時機入市(但不要預佢跌好多)。
而你這刻要做的,就是進一步增加你現金的水平,現時$40萬未足夠的。
------------------------------------------------
Q16378:
成哥,其實我啱啱開始分析公司,但發現自己睇左咁耐書同上堂都發覺自己無從入手,唔知何為了解一間公司(我相信唔靜係了解業務)
點樣拿邊啲合適嘅ratio去評估,唔知點樣去估值(因為用PE同PB太多局限)每次準備落手就一直懷疑自己.我除左有上你堂都有上其他
但上完發覺人地嘅方法又好專業.作為一個新手,我應該可以點?
龔成老師:
你可以用課堂的「企業評估表」,作為分析企業的核心,我相信這個表幫助到你點有系統去分析企業。
你要不斷練習,每星期或每一個月,逼自己分析一間企業,睇年報,然後利用評估表去寫。最初可以未專業,但當你做了10間企業以上,你就開始掌握到分析技巧。
同時,當你過了一段時間再睇翻評估表所寫的野,就知當時的分析是否正確,現時企業的情況如何,股價如何。
------------------------------------------------
Q16379:
50歲後。 想月供。
請問有咩建議。 謝謝
龔成老師:
50歲,其實會開始為退休做準備,但同時,財富仍有增長力(但不是進取),因此,你可以投資「平穩增值股」+「收息股」。
你可以做月供股票或分注投資,買入「平穩增值股」+「收息股」,但就隨著年齡增加,慢慢增加收息股的比例。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
同時,可以建立一個收息股的組合,目標是6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16380:
你好,龔成老師
我和男朋友剛買了樓,月供三萬。
二人每月收入合共9萬左右,手頭上約有80萬現金,想請問現時應用來投資股票還是買樓更適合?
感謝你
龔成老師:
如果你地已經買樓,在之後的財富分配上,應該投資物業以外的資產類別,這樣可以建立一個更加平衡的組合。因此,中短期都不應再買樓。
你可以投資一些優質股,動用其中的$40萬,慢慢分注去入,記住,唔好急入,要分注慢慢入,原理是平均買入價,以儲優質股的模式進行。
你要選優質股,長線投資,作為財富分配的一部分,如不懂選股,可投資盈富(2800)。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。