【龔成問答信箱】（Q22081-Q22100）

Q22081：

亞sir!我係一個失業半年50歲幾歲既師奶，住緊層樓供緊，手上有既股票都係蝕錢，舊年老公買左微訊女股，唔見左80萬，想請教亞sir 可以點樣投資

龔成老師︰

你先要明白，自己過往投資失利的原因。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

另外，我地買入一隻股票，一定要知道佢質素、行業前景、財務狀況等，才去投資。唔好只係聽消息、聽人講、聽群組就去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。

以你的年齡，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

但見你過往投資都係失利多，建議你用月模式去儲貨。透過平均價格買入法，去減少你買貨風險。

你月供股票，可以供「平穩增值股」+「收息股」，比例大約各一半。每月先用一半閒錢，去做月供，另一半就儲起等大跌市動用。

但就隨著年齡增加，慢慢增加收息股的比例。到退休時，收息股應佔100%。

最後，你要審視翻自己現有持股，睇下佢地有無投資價值。如果有，中短期帳面虧損，唔洗太在意，照持有就可以。

但無質素，就算佢而家是賺是蝕，你都要沽出。

------------------------------------------------

Q22082：

老師 我想問下你意見，我（29歲）月入30000 我老婆（25）月入18000

兩人聯名買左樓 按揭9成 借600萬 月供21500 計埋水電差餉管理費一個月25000左右

同老婆加埋有15萬 想5年儲100萬 請問可以點 希望可以指點迷津

股票玩左年幾 少蝕

龔成老師︰

首先，你要了解清楚，自已過往虧損原因和作出修正。否則，你再開始投資，都只會越行越錯。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時29歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時家庭收支只算係平衡，基本上係儲唔倒錢做增值。因此，你要努力開源節流，減少不入要開支之餘，最好多找方法增加額外收入。

目標係，每月都有一定閒錢，可以用來做月供，作累積財富之用。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那15萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

若你要做到5年有10萬這個目標，我假設投資回報有10%（連股息再投資），你就需要每月投資$10000 + 現有資金15萬，才可以達成。

你可以用這個數字作參考，計劃一下未來財務安排。

------------------------------------------------

Q22083：

老師你好,我剛開始學買股票, 時也有買老師你的書開始學習,感覺做短炒不如做長線投資, 但由於有家庭負擔我每月能存的金額是7500 左右 ,

現在開始買3988 打算用5年時間來買一定的股票來收息達到每年用息來還保費, 從而提升每月存款力,

現時想打算開個美股戶口每月買1手台積電 希望在10年後會有收成, 這個做法正確嗎 ?

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你就應先做好增值部份，而唔係儲收息股(3988)去交保費。表面上，你用收息股現金流去支付保費，從而增加每月儲蓄量。

但實際上，你投資收息，其實係拖慢緊你成個財富增值速度。建議你保費照用現金支付，其餘的資金用應增值會較好。

你可以用「平穏增長股」 + 「潛力股」的組合，如果你係偏年青，比例大約可以去到各一半。

台積電(TSM)係一間有質素架企業，在全球半導體業界有領先地位，都係一個唔錯的月供選擇。

但我地成個組合，長遠唔可以只係得一隻股票，否則會有過度集中性風險。我地要創建一個平衡性高的組合，當中包含不同行業的優質股。

以下是一些適合年青至中年人士的股票，你可以參考下。

你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資，相信10年後，會有唔錯成果。

------------------------------------------------

Q22084：

龔sir, 想請教一下在大跌市時（一、兩星期跌2000-3000點）的操作技巧：

如果我有三注資金準備在大跌市時可以運用，請問在買入優質股（新經濟股、舊經濟股）的買入時間及分注操作應怎樣處理呢？

我選的新經濟股(3067, 1810, 9988,700)及舊經濟股(2800, 1972, 3, 1928, 66, 1658)皆為優質股，在第一注買入的時候應該是買入新經濟股還是舊經濟股呢？

之後第二注及第三注的操作又怎樣呢？　我想在現階段構思一下。謝謝指教！祝身體健康、生活愉快！

龔成老師︰

你係一些投資概念上，可能未必太清晰。

其實大跌市與否，是否在1星期，還是2星期內急跌，都唔係我地一些重要考慮點。

我地只會從股票質素、平貴和是否適合你，去決定成套投資策略。你現時48歲，投資上係可以做增值，但要開始保守少少。

你所提及的新經濟股(3067, 1810, 9988,700)及舊經濟股(2800, 1972, 3, 1928, 66, 1658)，都係有質素。潛力股(3067, 1810, 9988,700)都可以投資，但最多佔組合2-3成好了。

但到時入邊隻先，你要睇佢當時價格平貴水平，去做決定。因為大市跌，唔代表所有股票，都會按同一比例一齊跌，所以你要按當時個別情況，去作出行動。

若你有3注資金，每注大約相隔10-15%，咁就可以。

現時你所講股票，大致上都在合理區。除了小米(1810)要回多1,2成，才算較合理外。

若你這些股票，都係無資係手。其實現價已可以入首注，只後再等有明顯回調，才再出手。

------------------------------------------------

Q22085：

龔老師您好：首先十分感謝您無私地與我們分享投資知識，令我明白到價值投資法和短炒的弊端，投資股票等於投資一間企業的概念。

我今年25歲，2018年時盲目地在高位入了下列股票後持有至今：

6881 $5.2 1 手
1528 $8.5 4手
939 $ 7.1 3手
1398 $6.6 1手
3988 $ 4.4 8手

今年機緣巧合下接觸到你的facebook page，十分認同你的投資概念，便立刻去買你的書來學習後再買入下列股票：

66 $44.3 1手
270 $12 1手
1177 $7.65 2手
1928 $36.15 1 手
1972 $22.80 2手

我看你給其他人的意見是在我這個年紀不應該持有收息股。請問上述內銀股應該放住收息待股價上升，還是現在蝕住賣出然後把資金轉去投資平穩增值股呢？

另外，1528 和 6881 應該止蝕嗎？

感謝您的指點，祝 身體健康！

龔成老師︰

你今年25歲，還很年青，投資選項上應以增值為主。

你現時持有股票，大致上都有質素，可長線持有。除了紅星美凱龍(1582)質素較一般，長線慢慢換至其他優質股會較好。

中國銀河（6881）係中國綜合性金融服務提供商，提供經紀、銷售和交易、投資銀行和投資管理等綜合性證券服務。

主要業務分為經紀、銷售和交易，投資銀行，投資管理以及海外業務。佢已開發多項新型資本仲介型業務，是首批獲中國監管機構批准經營該等業務的證券公司之一。

質素與發展力都有，但業務就較受投資市場影響。長遠都算有發展力，但未必是高增長類別。

至於現有銀行股，我建議你沽出部份，換至其他較有增長力股票。

另外，長遠我建議你可以加入一些潛力股，去提升成個組合增長潛力。

但由於你投資知識不高，因此可先較集中在平穩增長類股，至於以上潛力股，只宜小小注(不多於3成)。到你有一定投資知識和經驗，才慢慢增加潛力股比例(大約5成)。

------------------------------------------------

Q22086：

老師～本人3X歲，有1個小朋友，有現金$50萬，打算拎一半$25萬作投資增值。

每月扣除開支可剩$12000，打算一半（$6000）月供股票，另一半先儲現金。

1. 現金25萬現價入0066，1928，1810，1448，1177可以嗎？比例應該點分配？（如不適合，應如何步署）

2. 月供方面按以下分配可以嗎？

2800 $2000
3067 $2000
0388 $1000
0548 $1000

3. 月供揀佐既股票，25萬中的投資可以重覆嗎？

4. 00097 恒基發展有潛力嗎？

謝謝老師耐心解答，其實點先做到投資每年增值10-15%？

龔成老師︰

1) 你現時資金配置上，係正確的。而這25萬，我會建議你分成2-3注，慢慢去買入這5隻股票。現價先入一注，每注相隔大約10-15%。

但由於現時小米(1810)有少少貴，首注比例上，你要調低少少。

2) 深圳高速公路（0548）只係收息股，對你而言，有少少保守。我建議將佢換成一隻平穏增長股，會較合適。

3) 可以，只要佢地佔比重，唔會過多，影響到組合平衡性，咁就無問題。

以你年紀，平穏增長股和潛力股，大約可以各佔一半(若你投資經驗較淺，潛力股比重要下調。)。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

而盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

4) 恒基發展（0097）算是收息股，但唔能夠叫做「好穩陣收息股」。

佢持有「千色」零售業務，由於業務較為單一，同時規模不算好大，因此本質上有較大的風險。雖然派息穩定，但零售轉弱，對佢有影響。

中短期，佢仍可以運用內部資金，作支持去派息，但如果業務長期弱，佢派息會減，這就是風險。

你唔好預佢有明顯增長力，只算係收息股，不太適合你。

至於每年10-15%，其實你長線用以上月供和儲貨計劃，相信很大機會，可以達成這個目標。

------------------------------------------------

Q22087：

謝謝你的解答，其實我見有啲ETF同基金投資既內容都係差不多，費用當然基金貴些，但ETF每次買入都有舊手續費，所以都拿不准。

我都打算長線揸，不會隨便贖回，現在感覺23歲可能不太適合做長年期基金投資了。

多謝老師介紹平穩增長股同潛力股！會好好研究，不知道如果分注，每個股票月供資金應點分配呢？

例如現在二十萬資金，投入一半是十萬，每月分注供VOO/QQQ/盈富其中兩款，如果先供各$2000，要持續供到有多少貨才停手，等下跌掃貨或者可以買其他股票呢？謝謝！

龔成老師︰

你可以先將10萬資金，分成多注，現價先入一注。只後當每有10-15%回調，就再加注，直至資金用完。餘下10萬，就等大跌市。

而月供方面，你可以先每隻ETF各供$2000。現時大市只在合理區，每月資金唔好盡用。最好留有部份，等大跌市出現時，可以用來掃貨。

我地唔會話，供到幾多手就停。因為我地其實係將貶值現金，去換成資產，令我地可以有財富增值效果。

這個動作係一直進行，除非好貴，我地才會停一停，甚至減持，去增值翻現金比例。

至於其餘股票，到你有一定投資經驗，對佢地又有了解，才好加入。

------------------------------------------------

Q22088：

龔先生你好，追左你d post 1年有多， 之前$40蚊月供左比亞迪 後來有大錢要用 $150左右放左。 係度 要講聲多謝， 因為係買股票來賺個%係咁大。

宜家歸零重新出發 再月供過 想請教一下。

月入18k, 兼職1-2k ,33歲，每月大約剩6-7k,宜家每月用2k 月供，分配如下

1177$500 現持494股
2382 $500 現持13股
2800 $500 現持82股
6823 $500現持89股

另有3067 ，400股 ；6990, 200股

(i) 現增值比例組合可以麼？

（ii) 月供金額要唔要加多點？定建議保留月供金額，相反每月固定買一手3067

感激，因為有你，所以先學識月供，學識儲蓄。

龔成老師︰

比亞迪(1211)係一隻好優質的潛力股，如果你之後有資金，建議你入翻少少。但現價偏貴，只宜月供。若想直接入貨，最好回到$120才開始考慮。

你持有安碩恒生科技(3067)有質素，適合你。而6990，我相信你打錯了股票編號。

(i) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你33歲年紀，應先做好增值部份。香港電訊(6823)只係收息股，增長力欠奉，唔係咁適合你。

你可以用以下股票取締，若你有一定投資經驗，可選潛力股。相反，你投資經驗較淺，或者相保守d，可選平穏增長股。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

(ii) 現時大市在合理區，我建議你月供加大至$4000。餘下資金就儲起，等大跌市機會。

新的月供預算，你用來每個月一手手咁買安碩恒生科技(3067)，係可以。但你餘下新增資金，就最好用來買平穏增長股，否則組合風險性會過高。

因為你雖然年青，但都唔可以太集中係潛力股類別，最多係50:50比例好了。

------------------------------------------------

Q22089：

龔sir, 我有一疑問，現我兆康苑單位以每月＄10500租給一客，即每年收租12萬6千，而中銀網上估值是511萬

1. 樓價511萬，如以現每年3%回報來計算，租金是應是＄12775才有合理回報？

2. 我現的出租金額是否低於市價？

3. 這個回報率的情況，我應以銀行的估價，還是以租金回報率的估價為優先的估價方法？

龔成老師︰

1) 3%這個租金回報率，算係一個合理水平。但由於樓價係會有波動，受市場需求、氣氛等影響，故租金回報率都會跟住變。

現時香港整體樓市，都係一個合理區頂位至略貴水平。因此，租金回報率少於3%，都係合理的。

最重要是物業係有質素，你照持有個物業就可以。

2) 你可以同同區類似樓盤作比較，如果差唔多，咁就無問題。

3) 如果你係想睇單物平貴和投資值博率，可以用租金除以銀行估值(最好係用實際市價)，去計個租金回報率。

------------------------------------------------

Q22090：

我其實好有興趣上你嘅堂，但我對投資完全零概念，之前完全冇任何投資經驗。

我今年54歲，工作中，之前餐搵餐食餐餐清冇多餘嘅錢去投資(之前老人家們還在，老人院及其他日常生活什費開支不輕)，我有兩個女，細女今年都大學畢業，

所以近兩年開始經濟鬆動D有些少積蓄，去年經朋友介紹開始follow你FB，去年中開始做月供股票，最初每月3仟，而家增至每月8仟(逐步加大)，今年年頭家人分左一筆錢比我，

計埋自己積蓄大約有150萬左右現金，由於我同先生都有工作，係正正香港夾到扁既夾心階層，總收入已超越申請居屋或政府樓資格，私樓又冇能力買，

所以長期交貴租(now月租萬七)，本來考慮用150萬買間細樓(600萬以內做九成按揭)自住，唔使再為租約滿而搬屋煩惱，但又擔心頂多十年就要退休，

最後都打消念樓，的起心肝買左你4、5本書，諗住睇完之後有D基本概念先，再去上你既投資班(if not 應該完全唔知你講乜)，年紀大未必一聽就入到腦!!!

我驚跟唔到課堂進度。

不好意思，長篇大論，可否給我些少意見，thx a million

龔成老師︰

【投資倍升股課程】適合初學者的，就算你現時對投資完全零概念，都無問題。

因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

上課前，你可以睇我寫架"80後百萬富翁"、"財務自由行"和"股票勝經"，較適合初學者。同時，會對你課堂吸收，有一定幫助。

當然，你而一刻就算睇唔明，都唔緊要。課堂上，我會將一些基礎知識，重新講解一次，到時相信會較易明白。

萬一都係尚有地方不明白， 你可以係課堂中間休息時間，落堂後或者在這裡INBOX問我，都可以。

由於你年齡去到54，如果買樓，按揭的年期不會太長，變相每月供樓金額會好大，同時你較難造到按揭。而我地買樓，最重要是「供得起」原則，如果太勉強，就不要進行。

因此，暫時都唔建議你買樓。你只有好好累積資產，以及運用資產為你帶來更多財富及現金流。你現時有好工，正好要把握時機儲錢，為退休做準備。

投資方向上，以你的年齡，其實已開始為退休做準備，但同時，財富仍有增長力（但不是進取），因此，你可以集中投資「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

由於你現時投資知識不多，你可以先做月供股票。每月供$4000盈富(2800)，而餘下$4000就先儲起。

而現有資金，同樣可以先用15-30萬，分注咁慢慢入盈富(2800)。

至於餘下資金，你可以等上完堂，你對投資有個全面理解，才開始計劃都未遲。

------------------------------------------------

Q22091：

想問買收息股是否比買年金好？

我有一個仔，我的想法是收息股可以留給兒子，但年金沒法留給兒子,你認為我的想法對嗎?

龔成老師︰

收息股和年金，財富增值能力不高，係一些主要提供現金流的資產和產品。若你係將近/已退休，或者投資取態係好保守，這些項目係適合的。

年金和收息股係不同，從投資角度，收息股股息回報率，一般都比年金為高。但由於股價有波動，有機會出現賺息蝕價的問題。

而年金回報率雖然較少，但佢本金係保證，唔會有波動出現，故風險相對收息股為低。

至於年金，的確係無法直接傳承給你兒子。但一般情況，若年金內資產未用盡，該部份拆算後，係可以退還給受益人。

甚至受益人可以一直收取每月年金，直至保證期結束(詳情︰你要同相關機構了解翻)。因此，年金未必完全無傳承作用。

所以，簡單咁講，若你考慮重點係資產傳承上問題，其實2個項目都可以做到。

我建議你先從現時自身需要和風險承受能力，作為出發點，去考慮如何選擇投資項目。因為，往後你兒子運用方法，會同你大不同(因為佢較年輕，應投資增長型資產，而非收息資產)。

所以，你唔需要考慮咁遠，先用自己做出發點，去作出選擇。再做好相關傳承上的安排，如年金定好受益人，安排好平安紙(有關股票分配)，咁就可以。

------------------------------------------------

Q22092：

老師你好,最近有個做保險嘅朋友向我推介保險融資,聽落好吸引,請問老師對融資有何意見？印象好似老師之前有分析,但揾唔返資料

龔成老師︰

係，我印象中，之前都有讀者提問過相關問題。

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

"保險"只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

------------------------------------------------

Q22093：

老師，我幾年前買了以下股，想離場了。

1萬股 (5手) 00215，成交價 HKD3.4，成本用了$34086.62

6千股 (1手) 02327，成交價 HKD1.06，成本用了$6467

兩隻股成本共用了40,554

要馬上放嘛？還是那個價位最好？

謝謝！

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

和記電訊香港（0215）都有質素，但此股只係平穏增長類﹐你預係收下息，增長力唔會明顯，要去到買入價就較困難。

若你目標係收下息，你照長線持有，係無問題。但若果你較年青，係想做財富增值的話，此股就唔係咁適合。建議你每有反彈，就慢慢換至其他增長股。

美瑞健康國際（2327）主要從事抗衰老健康管理服務及銷售藥物；房地產代理及建築材料貿易服務；買賣健康醫療產品及建築材料。

生意雖然有增長，但業務有點波動，企業規模細，獨特性不強，投資價值只是一般般，不過初步睇，不是劣質類。

你只係得一手，守住先都可以。

------------------------------------------------

Q22094：

老師 想請教下，我現時每月月供$5000 $3000-2800 / $2000- 3067

我想停供2800 改700 或1810

你會比較建議邊隻

我36 歲 月入$38000 未結婚，之後打算租樓 或 買樓

龔成老師︰

騰訊（0700）和小米(1810)都係有質素的潛力股，可作為月供選項。但若你用佢地取締盈富(2800)，你成個組合就剩翻潛力股。

潛力股雖然增長潛力較高，但同時間波動性都較大，若你100%只有潛力股，風險會好高，你要自已衡量。

以你年紀計，我比較建議保留盈富(2800)，但你可以調整供款比例。

盈富(2800)$2500、安碩恒生科技(3067)$1500、再加入騰訊（0700）/小米(1810)$1000，這樣會較平衡。

現時大市只在合理區，每月資金唔好盡用。最好留有部份，等大跌市出現時，可以用來掃貨。

另外，若你打算短期內置業(1-3年)，而又需要沽出部份股票，作為置業資金。那部份資金，就不要投資潛力股這類高風險股票。

最多只可以投資好似盈富(2800)這類平穏增長股，甚至收息股，去減低不確定性，以免影響置業計劃。

------------------------------------------------

Q22095：

龔sir, 我想請問計算平均價的問題：

手持1000股領展（購入價60及60.80），12月以股代息收取了21股@62.67，現合共1021股，請問均價計算是否=（30000+30400)/(1000+21) = 59.16?

謝謝你解答

龔成老師︰

你計算方法，係正確的。

我地只要用本身所投入資金，再除以現時持有股數，就係你個平均買入價。

但我地係投資時，緊記唔好以此作為判斷持股與否準則。因為我地持有一隻股票與否，係睇佢質素。買入價所造成帳面值變化，參考價值不大。

------------------------------------------------

Q22096：

我40歲，現在沒有工作，現金存款有200萬，

一直每月3萬月供股票：月供15000

-2800，現股數14327，價26.75
以下各5000
-66，現股數4818，價45.58
-823，現股數4623，價78.83
-2388，現股數7698，價26.96

另持股票：

-102，現股數452000，價1.1513（之前聽內幕消息買大咗）
-788，現股數10115，價1.44
-1398，現股數10000，價6.96

另有車位一個，價值117萬買入，現市值180度，有價無市，賣唔出。

我想請阿sir指點一下，謝謝🙏

1。我應否繼續月供3萬在以上4隻股？

2。我是否將現金一部份買一些收息股？

3。其他股票是否繼續留下？

4。我繼續這樣投資將來怎樣可以財務自由？

龔成老師︰

1) 這4隻股票，係有質素和適合你年紀，你照供係可以。

2) 可以，但以你年紀不用太多，整個組合，收息股大約佔2成就可以。

3) 你持有股票，都可以保留，除了凱升控股(0102)，佢規模不大，賺錢能力不係好一般。長線計，換碼至其他優質股會較好。

我地買入一隻股票，一定要知道佢質素、行業前景、財務狀況等，才去投資。唔好單靠聽消息，聽朋友講，就走去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁一定唔好投資住。

4) 財務自由，其實每個人定義都未必一樣。最簡單，就係講我地被動收入，足以支付日常開支，就可以稱為財務自由。

你現在透過上述月供和持股，一直去累積資產。到一定數量或退休時，將佢換成收息資產，去創造現金流，支援退休生活咁就可以。

至於要累積多少財富，就睇你退休後人生目標。假設你希望退休後，每月有2萬蚊現金流，以股息率6%計，你就需要累積400萬本金。

而車位，唔好只係放係度，你可以放租，至少有現金流收入。長線，你要睇翻佢有無長線投資價值。無就要盡快沽出，將資金轉移去其他優質資產上。

------------------------------------------------

Q22097：

你好啊
我想問下其實每年複息股價回報係點計架？

龔成老師：

回報率＝（賣出價- 買入價）／買入價
例如以$10 萬投資某項目，以$15 萬賣出，就有50%
的回報率：

（$15 萬-$10 萬）／$10 萬＝ 50%

不過，這個「50%」並不全面，因為當中未包括「年期」。

例如這項目的年期是一年，那麼年回報率就是50%，這當然是不錯的投資項目。

反之，若果這項目的年期是40 年，那麼年複息回報率就只有1%，當然沒有投資價值。

因此我們在計算，又或要比較不同投資產品的回報率時，就要用相同的單位，亦即化成一年為單位作比較，以及要用上複利息的概念。

年回報率＝ n √（1+ 總回報率） -1

例如上述獲得50% 回報率的項目，需要投資3 年，總回報率就是50%，而每年計的複息回報率，就是14%。

3 √（1+50%） -1 ＝ 1.14-1 ＝ 14%

我們要計算回報率，就要用化成「一年」為單位才有比較的意義。

另外，除了比較價格上的回報，也要考慮期間現金流的回報，例如股息，這個之後會再講述。

------------------------------------------------

Q22098：

0778依家喺高位，係咪唔適宜再加注，等佢回返啲先再入？

同埋可以講解一下零碎股票嘅作用嗎？性質同月供股票相似？

龔成老師︰

置富(0778)現價算係合理區中間，是否加注，好睇你本身計劃投資在佢身上的資金，現時用了多少。

如果依然有一個較大比重，係未動用。例如本身想入10手，而家才入了3-4手。在現時這個未貴的水平，你都可以加小小注(1-2手)。

若你本身已經大部份資金入左市，咁你就最好等接近平宜區，才再出手。

至於碎股，就係至不足一手的股票。例如你月供盈富，每月$5000，現價$29，你一個月會買到大約170股。

但由於盈富一手係要500股，所以這月供得來的170股(不足一手要求的500股)，我地就稱之為碎股。

其實碎股同一般一手股票，係無大分別，都係可以照樣買賣。只係碎股買賣時，個差價有機會比完整一手為大。

但只要你係做月供，其實就會慢慢儲到完整一手。加上我地投資，主要係想持有優質資產，佢係一手定碎股，係唔重要。

所以，你做投資決定時，唔洗太在意碎股問題。只要係質素，就算只係得碎股，都應該長線持有。

------------------------------------------------

Q22099：

1. 老師你好，我見最近d 英鎊一直跌，唔知你點睇呢？應該買或者應該放？

究竟呢個係短期因素定已經見左長期頂呢？

英鎊議息結果出咗，都係唔會加息，咁係咪即係英鎊會下跌？

但係如果美匯指數都持續向下嘅話，咁呢啲外幣又應該會升返個喎？係唔係呢？定係英鎊今次下跌係因為疫情嚴重咗？

2. 老師你好，剛剛睇到你嘅文章，你話新興嘅嘢或者熱炒嘅嘢要理性分析佢嘅合理價值，咁唔知老師你點睇最近啲航運相關股份例如1919中遠海控？

佢真係非常大上大落，以為佢冇得再升，但係啲人又會熱炒，跌咗落去以為佢已經冇行啦，點知又爆升返上去，真係好難想像同埋分析。

但係我又知道如果疫情好轉返啲航運應該會正常返,咁呢一類股票其實係唔係只可以係短炒?根本長期唔會支持到呢一個運費咁高個喎?唔知老師你點睇呢?

呢隻股係咪應該已經要快啲走?唔好再持有佢?

龔成老師︰

1) 其實，你要仔細分析一隻貨幣走向，唔容易。

只能簡單咁講，市場預期美國將會重回加息週期，因此美元升，相對地英鎊跌係正常。

我地做財富增值，係要集中儲優質資產。貨幣因為可以無限發行，因此不是一個理想的財富增值選項。除非你有實際需要，否則不要持有太多。

2) 我地對住任何股票，都只會用理性分析，佢內在價值。只後視乎佢平貴，去定買賣策略。你唔好比佢升升跌跌，或者大市氣氛，影響左個判斷。

同時，你要分清楚，邊D係影響企業的長線和短線因素。若係長線，我地就應該係估值時，加入作考慮。若只係短線，就唔洗太在意。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價已經係貴，要大跌幾成才算合理翻d。若你持貨較多，可以沽出部份，先行獲利都可以。

------------------------------------------------

Q22100：

成老師的解答。

其實除左現金，我手頭上有以下股票：

SOHO中國0410: 蝕78%
中鐡建1186: 蝕63%
中國中車1766: 蝕75%
呢啲已擺係度好多年冇理到，是否應該斬，蝕賣算數？

高價入，現時跌：
阿里巴巴：蝕11%
舜宇光學：蝕7%
港交所：蝕6%
（呢啲有機會升返嗎？阿里巴巴已溝幾次，都係蝕）

新抽股蝕錢：
百度：蝕13.5%
百融雲：蝕15.88%

賺錢的有：
盈富基金
京東集團
工商銀行
京東健康
美團

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

現時你持有的股票，不是完全無質素，但你最大的問題是在貴的價位買入，你日後要提高這方面的知識，如果未能掌握投資時機，建議你用分注或月供的模式進行。

ＳＯＨＯ中國（0410）集團主要從事投資房地產開發、物業租賃和物業經營。

這企業過往生意增長力不強，同時無乜錢賺，如果扣除了投資物業重估因素，見佢有時出現虧損。投資價值不高。

至於中鐡建（1186）、中國中車（1766），並不是無質素，但增長力唔強，唔建議持有太多。另外，新股不宜投資太多，風險較高。

至於其他股，問題唔算大，可持有。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21861-Q21880）

Q21861：

老師你好，我係一個中小企東主，因疫情生意大跌，現準備申請sme loan，max可以借幾百萬，利息為2.75%，分8年還，頭18個月可以只還利息。

雖然資金可作實體業務發展，但有感現在市道都非常困難，所以想睇下老師有冇咩建議，可以係18個月後還款時己有足夠資金去還款，又或者點樣好好善用這筆貸款好呢？感謝

龔成老師︰

其實一門生意做得好，佢回報長線一定係會跑贏其他資產類別。

而且，通常我自己會視借貸投資，是我最後一張「皇牌」，真的有需要時才會動用，即是見到一個明顯的投資機會，全世界都平貨，值博率好高時，才會動用。

你要想清楚，資金借來做咩？怎樣具體進行財富增值？

不要為借而借。

股市，現時只是合理區，明顯未係有個最好時機，若現時用借貸去投資，風險係唔細。

就算你只係投資較穏定的收息股，去賺息差，我地都難保會出現賺息蝕價的情況。因此，你想用這個貸款，去進行賺息差的動作，我就較有保留。

現時疫情依然有一定不確定性，我建議你視乎自身經營情況，去決定借取相對金額的貸款，去過度這個較困難的時期，會較好。

------------------------------------------------

Q21862：

老師你好，之前有問過你問題，多謝你詳細分析，你之前有覆過我部分手持的股票一般質素的如下：

閱文集團中招股價55（已估）
雷蛇20手，平均2.6（已估）
通達集團2手，平價1.7

中國石油4手，平均4.81
中國鐵建5年前入，10手，平均16.2
海通國際4手，平均7.85

剩餘這些是否長痛不如短痛，忍痛估岀，換其他？謝謝

想重新來過，重整理財組合。

我係唔係應該愈早放棄上述d舊乳酪

龔成老師︰

通達集團（0698）、中國石油（0857）、海通國際（0665）、中國鐵建（1186）都是一般質素。

質素不致於話要即刻沽，但始終質素有限，唔建議你持有太多。你最好有反彈時，沽出部份，換至其他優質股會較好。

另外，我見你中鐵建(1186)買入價都幾貴，相信你是熱炒一帶一路時買入。

記住，我地盡可能都要避開一些熱炒話題行業。因為好多時，佢地都會被炒到好貴，就算係有質素，你太貴入，長線回報都會出問題，你要注意這點。

你組合不至於要推倒重來，但部份較一般股票，不宜持有太多，長線會影響你增長力。

中短期，可能你會見因為重整組合，而出現一些帳面虧損。但不要太在意，因為我地投資唔係1,2年，係一個超長線的計劃。

所以，你必須盡快修正好你的組合，重新向正確方向上路。長線回報，一定比你今日的虧損大得多。

記住，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q21863：

成哥 我今年25歲 啱啱接觸股票 現持有1810 25.55 200股 / 6618 130 150股 / 3800 2.72 3000股。 每月收入17000，固定支出10000。 我可以點投資？

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。你每月5成儲蓄，即是用$3500做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於你現時持股，小米(1810)和京東健康（6618）都有質素，你長線持有就可以。

保利協鑫能源(3800)就較為麻煩，佢現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

------------------------------------------------

Q21864：

成哥，我係一個新手，年頭開始follow咗你，亦睇完80後百萬富翁，將會開始睇財務自由行。

了解及入咗1830, 而家已經升咗100%. 多謝你嘅advice & sharing. 請問1830有潛質升值50倍或以上嗎？如果可以好似388咁就當然係最好。謝謝你。

PS. Set咗個目標比自己，希望一兩年內置業及五年內賺三百萬。努力！向目標出發！

龔成老師︰

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

你本身有貨，就長線持有，但這刻就不要心急加注。

佢會唔會升到50倍，暫時睇佢業務，唔係中短期可以去到50倍的爆升股類型。但此股都有質素和增長潛力，值得你長線持有。

另外，你要記住，好以完美醫療（1830）這類潛力股，增長潛力大，但不確定性都高。如預期一般發展，回報自然好。但不似預期的話，都會出現較大回調，故風險都唔細。

因此，你股票組合中，唔好過份持有潛力股，以免風險過大。我假設你係年青人，最多都係佔組合5成好了。若你投資經驗較淺，更要下調至3成以下，才算穏妥。

而你為自己將來定下目標，係一件好事。但若果你真係有需要1,2年內置業，投資策略就要調整。

因為1,2年唔係一個長時間，有機會出現波動。你用作置業個部份資金，投資時要保守D，以免影響你置業計劃。

------------------------------------------------

Q21865：

龔成 你好 ！
如何發掘有潛力嘅股票？

龔成老師：

買股票就是買企業，潛力股就是有長遠發展力的潛力企業。

要尋找潛力企業，過程比較複雜，而股票班，會教5種選股方法。

簡單來說，你要分析企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。

尋找一些有潛力發展的企業。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的發展、價值等。

------------------------------------------------

Q21866：

龔老師你好！我今年五十六歲，還有四年就退休。早年因要照顧家人沒有什麼儲蓄。

現在只有一層市值$830的出租私樓，仍然欠銀行$330萬，只有十多萬現金。

我現在每月可儲蓄$25,000, 租金收入（如果租客續租-現死約至2023年一月）$17,000。

我退休時應該有$650萬至$700萬Provident Fund。早年的MPF 現在戶口結餘有$41萬。有兩份保險，如果65歲退保應該有$100-120萬。

我退休後仍要照顧有認知障礙的年老母親，現在住公司宿舍，現有的私樓不打算自住，退休時希望買返一間不貴過$1,100萬的較大單位方便照顧母親及有地方安置工人。保守估計退休後每月駛費最少$3萬。

請問以我現時財務狀況，有冇可能60歲後靠現有的資產不再工作。多謝指教，希望早日回覆。

龔成老師：

物業現時的收租減供款，應該有正現金流的，因此這部分短期不用變動，你保持這方面的情況就得。

到2023年租客到期，你就睇自己的情況，可以轉另一私樓，但現時物業賣出後套現，現金約$500萬，與你目標物業$1100萬仍有距離，你要想想，要調整目標，還是動用退休金等。

現時你每月可儲$25000，一年就是$30萬，4年$120萬，就算考慮投資回報，可能滾存至$140萬-$170萬。

如果你每月想有$3萬現金流，假設投資一些5%回報，要穩健、有現金流的工具，你就要有$720萬才做到。

物業套現（$500萬），4年儲（$170萬），退休金（$730萬），保險（$100萬）。合共$1500萬。

但你目標物業為$1100萬，而產生現金流所需資產$720萬。

你到時擁有資產，與所需要的金額，有缺口，所以你要睇下，自己是否要改變目標，又或初期做一些兼職。

------------------------------------------------

Q21867：

龔sir您好：小女最近好迷惘，希望龔sir可以指教一下。現時持有幾隻股票都係坐艇當中，都唔係幾好意思講出黎，驚比人笑我買埋d垃圾股。

493國美零售，$2.43買入，現價$1.28
1499歐科雲鏈，$0.6買入，現價$0.39
769中國稀土，$1.3買入，現價$0.93
9988阿里巴巴，$256買入，現價$207
1211比亞迪，$185買入，現價$177.1

全部夾埋成本用了$55萬左右，現蝕$13萬，人生第一次投資股票，由2月份起左右買入，雖然一日未沽都仲未算輸，但坐艇坐到好心痛。

本人今年33歲，澳門人，月薪$4萬，唔計股票，可流動資金有百零萬存款，唔需要供物業，比$1萬家用屋企人，扣除所有開支一個月可以儲$15000。

之前一直好大洗無限制特定自己儲錢，洗剩幾多就儲幾多，今年想換樓但無本事先驚覺自己浪費左好多光陰。依家最大夢想係換新樓，好想改善居住環境。

希望龔sir可以指教一下我應該點分配投資好，好希望可以改善居住環境。

呢排因為呢d事情緒都好低落，求龔sir指教，感激！

龔成老師︰

投資失利，係每個投資人，都會必經的階段。最重要係，你有無從中學習到一些有用經驗，去提升自己將來的勝算。

首先，我想你明白2個正確的投資觀念。

我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

另外，唔好抱住唔放就無蝕架心態，咁係好危險。我相信你架想法係，我唔放住，總有一日會返回家鄉。但我話你知，唔係一定的。

因為若然你抱住架係一隻垃圾股，佢只會一路跌，唔會再升翻上去。反而你決斷些，盡快垃圾股清走，換成優質股，長線才會有反敗為勝的機會。

你現時持股中，國美零售(0493)和中國稀土(0769)質素較弱，長線換至其他優質股會較好。

歐科雲鏈（1499）無特別研究，佢屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。

阿里巴巴(9988)和比亞迪(1211)有質素，你長線持有就可以了。

你現時33歲，可以投資「平穩增值股」+「潛力股」這類有增長力的股票，為置業累積本錢。你可以先用每月儲倒的一半資金投資，另一半就先儲起。

平穩增值股：盈富(2800)、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）。

潛力股：安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

由於你投資知識不高，因此可較集中在平穩增長類股，至於潛力股，只宜小小注(不多於3成)。

此期間，你要努力提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q21868：

HELLO老師，剛讀完股票勝經，對股票開始有少少少許認識，所以我想為自己重新訂立一個投資組合去增值自己的財富，希望能聽取你的意見。

我29歲，可月儲大約$6000現金，現有以下資產：

1. 約12萬股票(買入時12萬, 現應沒有)
-高鑫零售(6808) 1000股 $9.95入
-阿里巴巴(9988) 200股 $264入
-心通醫療(2160) 1000股 $17入
-快手(1024) 100股 $397.4入

2. 儲蓄保險, 月儲$1500, 已儲7年, 3年後供完, 如果唔拎, 55歲有74萬

3. 上年買入445萬的物業, 供30年, 現負債345萬, 資產我佔一半 (用來投資, 不打算自住)

4. 現金$24000

因那4隻股票我都係無分析企業底下買的, 所以我好希望重新審視自己的投資組合, 我睇完股票勝經後, 我利用書中的股票篩選3步曲的第一步:

初步分析財務指標, 想初步嘗試睇睇自己持有的股票需唔需要止蝕, 見到心通醫療(2160), 快手(1024), 中芯國際(0981)數據都麻麻(我唔知有無計錯呢), 請問老師對呢幾隻股有甚麼意見嗎?

我知道投資最好投上市最少兩年的企業會較好, 但因當初就是犯了全世界都熱炒新股所以我又跟住去買的錯, 令當時高位買入了價值不高的企業…

我想能放60%在水桶1, 40%在水桶2(月供), 先增值後現金流, 但現在看來太大比重在那堆潛力股

如現所持有的股票可先繼續持有, 我再額外月供$3000於水桶2對整體會有幫助嗎? 但又怕可能2,3年內需要結婚、搬出來住等會需要現金。

先謝謝老師抽空解答

龔成老師︰

篩選3步曲的第一步，只係方便較初階投資者，從數千隻股票中，選取一些較有研究價值的股票，再進行分析。

但這個方法唔係完美，有機會部份優質股被篩走，但作為初級投資者，這個方法算係較有效率和準備性較高。

而且，這個只係第一步，就算當中數字不太理想，都唔代表佢無投資價值。你要再完成後2步，才會有個較完整的結果。

你現時持有的4隻股票，都係有質素，可長線持有。但微創心通醫療科技（2160）現時未有盈利，故不確定性較高，暫時唔好再加注。

另外，我地投資時，的確要盡量避開熱炒行業。因為佢地股價好多少被炒高，變相影響了你長線回報。

而且上不足2年的企業，由於數據不多，我地好難去判斷去佢的質素，所以要保守少少。唔係唔投資得，但要控制注碼，去平衡這個不確定性的風險。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

"保險"只係理財中防守部份，買足夠保障就可以，增值可以留比優質資產(如優質股、物業等)去做。你現時份保單，仲有3年就供完，我建議你供埋佢。

但未來時間，你資金集中翻利用優質股去做增值，長線效果一定較好。

你29歲，應以增值為主，建議你用「平穏增長股」 + 「潛力股」作組合，去創造一個增值平台。現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

以你年紀，用60%在水桶1, 40%在水桶2，係可以。

但由於你投資知識不高，水桶1只宜小小注(不多於3成)。最好是你先提高投資知識，等到你有一定知識和經驗，才慢慢增加大水桶1比例(大約5-6成)。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

但若然你2,3年內，會有一些較重大實際開支要用，投資時可能要保守少少，水桶1比例要再下調多D。所以，你先計劃好自己未來人生規劃，才諗點去投資。

------------------------------------------------

Q21869：

老師請問時代天使質素可以嗎？老師唔好意思，最近有朋友推介左美股俾我，想問下你覺得以下股票的質素和現價合理嗎？

ATHM 汽車之家
MTLS materialise
CQQQ 中國科技指數ETF

感激你的回覆

龔成老師︰

時代天使科技（6699）有質素，長遠仍有發展力。

佢係中國的隱形矯治解決方案提供商。根據報告，市場份額4成。

這企業透過時代天使隱形矯治系統在整個隱形矯治過程中助力牙科醫生，其由關聯的三部分組成：數字化輔助案例評估支持及矯治方案設計服務；隱形矯治器指用於治療錯頜畸形的可移動、透明塑料材質牙套；雲服務平台iOrtho使牙科醫生可在整個治療過程中進行下達訂單。

佢目前銷售四種隱形矯治器，包括時代天使標準版、時代天使冠軍版、時代天使兒童版以及COMFOS。作為隱形矯治系統的核心，集團自研技術及數據平台，即masterForce、masterControl及masterEngine。

佢通過持有第二類醫療器械經營備案憑證的全資附屬公司向醫院及牙科診所直接銷售大部分服務及產品。客戶包括公立醫院、私營牙科診所及分銷商。

企業發展正面，過往的生意及盈利都有理想增長，不過，現時估值都唔平，要注意如果市場估值出現修正，股價可以出現下跌。

整體來說，企業發展正面，但現價就唔平，投資值博率只是中等。

ATHM 汽車之家、Materialise NV(MTLS)、CQQQ中國科技指數ETF，都有投資價值。

但CQQQ係潛力股類，波動性會較大，不宜持有過多。這些股票，現價合理中上，用分注或月供儲貨，會較理想。

------------------------------------------------

Q21870：

龔成老師你好，有以下問題想請教：本人現年46歲，現職公務員，月薪11萬。每月支出13000元，另外支付7000元作母親生活費。扣除薪俸稅，每個月約儲蓄約8萬元。

本人未婚，有自住物業，不用供款，樓價約750萬。

現金方面 [總額約77萬]：港幤35萬 (本地)，新加坡元7萬 (外地)

投資方面 [總額約126萬]：0008電盈 (60000股)、0405越秀房產 (78,000股)、0778 置富產業信託 (20000股)、0941中移動 (4,000股)、1398工商銀行 (15000股)、2638港燈 (30,000股)

強積金：目前267萬

保險 (已供完)：儲蓄壽險一份(110萬)現值42萬；儲蓄保險四份(＠15萬)＠現值10萬；危疾儲蓄 (24萬)現值4萬

自兩年前供完樓後，本人一直專心儲錢，想盡早達至財務自由、及退休。

本人現時的投資方面，盼望能給予意見。

期待回覆。

龔成老師︰

你現時成個財富組合中，已經有物業類，而且相較其他資產，都佔較大比重。因此，新資金我地會先集中翻係股票類，令財富組合較平衡。

持有的外幣，除非有實際用途，否則應轉回港紙好做增值。

"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，儲蓄保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想，你要自己平衡下。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你46歲，應以增值為主，建議你用「平穏增長股」 + 「潛力股」作組合，當中以作「平穏增長股」主力，去創造一個增值平台，為退休作準備。

你現時持股，都有質素。但問題是全部都是「收息股」。佢地主要係收下息，增長力好弱，不宜持有太多。以你年紀，最多佔股票組合2成好了(若你較保守，比重高D都可以﹐但成個組合增長力會慢左。)。

其餘收息股，建議你慢慢換碼至以下股票，去提升翻個組合的增長力。

現在你每月先用5成儲蓄，即$40,000做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合1-2成左右。若你係有一定經驗，你可以投資到約4成比重。

至於77萬現金和餘下的一半的儲蓄，我地就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

到你累積到一定資產，足夠你財務自由。你就可以將佢地，慢慢換成收息資產，去創造現金流，支援退休生活。

------------------------------------------------

Q21871：

龔成老師，首先要多謝你! 之前上完你的堂，獲益良多，明白投資唔可以過份集中，要平衡。

手上有新舊經濟股，即使新經濟股呢家回落返較合理水平，而舊經濟股又慢慢回升，所以整體回報吾會大上大落，甚至期待股價會再一步回落入貨.

近期檢視組合，發現地產股 (12，66，823)佔了整個組合約35%。 想問這3只股票之中，哪兩只較有潛力/值博率，因為現有的股票數目有些多。謝!

龔成老師︰

你現時想法正確，成個財富增值策略，最重要係「平衡性」。我地投資，其實係一個財富配置的動作。

你要去建立一個風險不高，適合自己年紀，長線又有增長力的財富組合。

現時你地產類佔35%，雖然超過我經常講的行業不要多於30%標準。但由於唔係超好多，而且港鐵(0066)只算係半隻地產股，故比重尚算可以，唔沽出都得。

至於潛力和質素，港鐵(0066)會較高。若計現價值博率，則是恒基地產(0012)較高。

------------------------------------------------

Q21872：

你好，我也是80后，单亲妈妈，有现金港币150万，股票

0788铁塔50000*1.1
6618京健1200*170/500*112
1810小2000*17./3000*29
1177中生5000*8.8
3067etf5000*16.7

现金人民币80万，合伙生意每个月分红港币3-6万，物业按揭贷款200万，每月供8000至8800，收租13000，自己租房8300，每月另开支3万。

因家庭原因2年内只有分红和房租收入且支出很多，2023年以后收入会多支出会减少。看了您的书后，我计划从6月开始月供，请问，2万至3.5万区间，取什么数合理？

0388 3000
0700 2000
1177. 3000
1211. 2000
1810. 3000
0027. 5000
2800. 5000

因我想带小朋友一起去上您的课。8月基础课还没有报名。万分感激。

每个月除了8千房租外，还需开支3万以上

这几年我一直只会用50万来炒股，所以上次请教您的时候说06618是半仓

龔成老師︰

若你每月能儲的資金較波動，你可以用一年平均數，去作為指標。

由於你未來2年，收支上會比較緊張，我建議你先預留最少半年開支，才開始投資計劃。月供部份﹐頭2年你都預一個較輕鬆的金額，會比較好。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供，其餘先儲起，用一邊月供一邊儲蓄的策略。

你現時選股都可以，但潛力股(0388, 0700, 1177, 1211, 1810)佔比太高，以你年紀最多佔4-5成好了。若你投資經驗較少，要再向下調整。

你可以將潛力股預算，加入盈富(2800)和銀娛(0027)，或者以下平穏增長股都可以。

現時大市只在合理區，現金佔組合大約3-5成就可以。當你扣除應急資金後，現金水平高於3-5成，你可以用分注模式買貨。

但你現時持貨，完全集中晒係潛力股。因此，這筆現時直接入貨的資金，應優先集中係平穏增長股，去平衡翻個風險會較好。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

緊記，我地投資股票，係希望買入一些優質企業，透過佢自然增長，達至財富增值目的。絕對唔係"短炒"，一定係要用長線投資策略，才會有理想效果。

------------------------------------------------

Q21873：

老師 唔好意思呀我靜靜咁睇左你個page好耐 想投資但又唔敢亂咁入市

覺得1211，0285，2382，1810仲有排升 全部都想長線持有。但唔知幾時先入場好 有冇咩建議價位可以俾我做參考

龔成老師︰

你上述股票，都係有質素的潛力股，有長線投資價值。

但現時股價計，全部都唔平。比亞迪(1211)預佢回到$135才算開始合理翻少少，才可小注。

如果月供，最好回少少先開始，或者你小小注月供，就可考慮。

比亞迪電子(0285)、小米(1810)、舜宇光學科技（2382）全部都係略貴，要回多1,2成，才好開始分注入市。

但這3隻若你係諗住月供儲貨，現價開始係無問題。

由於「潛力股」係波動性較高股票，只適合年青至中年人士。而且，投資潛力股係需要一定經驗，如果你經驗較淺，可以先小注，大約佔組合3成左右。

若你係有一定經驗，你可以投資到約5成比重。

------------------------------------------------

Q21874：

老師,我們有選擇困難症,想問你月供股票的意見, 暫時每個月想供2萬, 年齡45至50歲, 希望平穩中，也能有理想的回報。

1. 3 - $3000
2. 12 or 16 better? - $2500
3. 66 $3000
4. 823 $2500
5. 2388 or 2318 better?$2000
6. 2800 $3000
7. 3067 $2000
8. 1177 or 2845 better?$2000

盼望老師能夠給我們意見(以上 第2，5，8点)， 整個月供組合可以嗎？

感激萬分

龔成老師︰

整體而言，你組合係可以。

但有一個較大問題，就係不少股票，都係跟地產相關，好似0012/0016、0823。另外，港鐵(0066)我地會當佢係半隻地產股。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

我建議你，將部份地產相關股份的月供預算，轉換至盈富(2800)，對你成個組合的平衡性，都會有利。

至於恆地(0012)定新地(0016)，前者係手持農地是全港最多的發展商，長遠發展潛力較高，但風險都會大少少。而新地，則預佢係較平穏發展。

中銀香港(2388)和平保(2318)，2隻都係有質素，前者係銀行業，後者係主力做保險。中銀行性質上，會令佢風險高少少。但整體而言，2隻都有質素，你可以睇翻自己較睇好邊個行業。

中生(1177)和GX中國電車（2845），前者係醫藥股，長線人口老性，加上人均收入上升，都對緊藥需求有增無減。

而2845這基金的，目標是追蹤Solactive中國電動車指數NTR「相關指數」表現緊密相關的投資回報。

如果你睇好電動車發展，可以月供2845。而且佢係一籃子的企業，相比1177，更有分散風險能力。

以上選項，如果你都係唔知點分好，最簡單就係將預算拆一半，2隻都供晒就可以。

最後提提你，現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21875：

龔成老師你好，我25歲, 剛工作2-3年，上年開始買d股票，現有組合如下：

(股票) 名稱 股 平均買入股價
0011 恒生 400 126
0005 匯豐 1200 34.8
1810 小米 1000 27.5
9618 京東 100 286.6
9988 阿里 300 255
6600 賽生藥業 500 18.8
0823 領展 (每月買$4,000, 由上年$65開始買起)

平時亦有短炒 3690, 1024 等科技股 和 0883 中海油

(1) 以上股票是優質股嘛? 請問 9988 , 6600 (我係抽新股抽中的) 有無長楂必要?

(2) 我覺得我組合較多銀行股同新興科技股，但對其他行業認識不足，請問如果想長期穩健股的話，有甚麼選擇?

(3) 如果想60歲退休時左右每個月有$30,000-40,000收息, 到時股票投資額應有多少? 現有組合/只買股票可以嘛?

謝謝

龔成老師︰

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

1) 只要係有質素，而又適合你年紀的股票，我地都會長線持有。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你還很年青，才25歲，應先做好財富累積部份，故投資時應集中係有增長力的優質股身上。

阿里巴巴(9988)和賽生藥業（6600）都有質素和增長潛力，故你長線持有就可以。

但賽生藥業(6600)業務始終波動，不宜持有太多。

2) 恆生(0011)和匯控(0005)雖然都有質素，但只係收息股類，增長力不高。以你年紀，不宜持有太多，建議你將部份換至其他增長股，會較好。

而中海油(0883)只係商品類股票，對產品定價能力較弱，質素只係中等，不宜持有太多。其餘股票，都係適合你長線持有。

未來時間，你可以集中係「平穏增長股」 + 「潛力股」。

但由於潛力股會較波動，若你想投資長期穩健的股票，可以較集中係「平穏增長股」類。若你對以上股票或行業不太認識，你集中係盈富(2800)就可以。

同時間，我建議你用月供模式，去儲貨。因為初學者對企業估值，點去定平貴，未必會太了解。你先利用月供模式，去做增值，可以減低買貴貨風險，對你而言會較理想。

你每月先用5成儲蓄做月供。其餘先儲起，用一邊月供一邊儲蓄的策略。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

3) 如果你希望退休後每月有4萬蚊現金流，以股息率6%計，你需要本金800萬。

所以，你現時要努力累積這筆資金，為退休做準備。但我地投資時，唔會只集中係優質股，我地要講求成個財富組合平衡性，當中要包括不同資產類，好似股票、物業、車位等等。

但由於股票投資金額係較少，所以你初期可先用這個途徑開始。到有一定資金，才加入物業類，咁就可以。

我假設投資回報有10%（連股息再投資），你每月投資$5000，到退休時已可以增值至800萬以上，達至你的退休目標。

但你還很年青，我建議你盡量每月用一半人工，去做投資增值。好好把握年青優勢，令複息回報效果發揮到最大。

------------------------------------------------

Q21876：

龔sir:本人月收入九萬，妻子無收入，家庭支出六萬,可儲約三萬，現金120萬

物業
一居屋自住（未補地價）值七百萬 （已供完）
一外國物業值一百八十萬（未完成按偈一百三十萬）待出租

港股股票 約33萬

881 中升控股 881 一手共三萬
700 騰訊 一手共六萬
1801 信達生物共五萬
066 MTR 共四萬
1883 中信國際電訊共四萬
3067 科指ETF共三萬
3187三星房託共三萬

669 創科共三萬（月供三千）
2800盈富共一萬 (月供一千）
1299友邦共一萬(月供一千）
9988阿里爸爸共一萬（月供三千）

美股股票 +基金 （約十四萬）

TSM台積電 一萬
AAPL蘋果 兩萬
COIN Coinbase 一萬
貴金屬ETF 三萬
白銀ETF 三萬
基金四萬

澳洲基金（十二萬）

Bitcoin 兩萬

請問

1.你認為我持有的投資/股票組合需要改善嗎，例如友邦，創科好似已經pe 好高/好貴，另外每隻股票的質素也希望老師給點意見

2.需要再加多潛力股/平穩增長股嗎？

3.如希望每月有五萬現金流收入讓自己財務自由，應該作出怎樣調整/部署？

唔記得咗講我今年35歲，希望50歲前完成目標

龔成老師︰

1) 你現時持有股票，都係有質素。創科(0669)係貴，而友邦(1299)算係合理區中上部。

現價雖然唔平，但未到好貴。故現貨可持有，你照維持月供都無問題。

2) 你現時股票，都係有增長力。但不論月供，還是現有持貨，都係比較偏重左係潛力股(0881, 0700, 1801, 3067, 0669, 9988, TSM, AAPL, COIN)。

佢地雖然有增長潛力，同時風險都較高，不宜持有過多。

以你35歲計，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

另外，貴金屬、白銀這類資產，唔會創造現金流，唔建議持有太多。我地一般只會持有黃金或者白銀，去對沖一些突發性金融事件，大約佔組合3%左右，其實已經可以，最好以實貨持有。

至於基金，你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年，如果回報係比主要投資市場高，有機會值得繼續投資)。

而虛擬貨幣，我不是這方面的專家，所以我無太多意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

如果你分析到佢長遠的交易大，大家都持續關注，就有價值，就值得你投資。但畢竟佢波動性都好大，就算投資，也不宜佔組合太多。

3) 如果你希望15年後每月有5萬蚊現金流，以股息率6%計，你需要本金1000萬。

現時大市在合理區，你建議你每月用儲蓄一半，即$15000做月供。其餘先儲起，用一邊月供一邊儲蓄的策略。

而現有120萬資金可以再投入多30-50萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$30000 + 現有資產180萬(所有股票、貴金屬、白銀、基金和比特幣)，15年後大約會增值至1800萬，故這樣安排相信很大機會達至你的財務目標。

------------------------------------------------

Q21877：

龔老師您好，麻煩你給我意見，現有股票組合都是高價買入，請問那些應該繼續守 那些應該止蝕離場還是溝貨？什麼價位放或溝貨？

00700@$660
01024@$357.3
[email protected]
03690@$433.8
09618@$395.23

現金流有7萬

萬分感激

龔成老師︰

首先，你唔好將個重點，放錯係買入價個度。我地持有一隻股票與否，關鍵位是企業質素、前景，不要被買入價影響。

買入價只是一個心理因素，如果企業核心因素未被影響，我地係唔需要理會。現時你持有股票，都係有質素，有長線投資價值。

至於溝貨，我就唔建議，因為這幾隻股票，現價都只算係合理區頂。而且當中藥明生物(2269)、美團(3690)本身不確定性都較高，只宜小注。

另外，你現時持股全部都係潛力股，佢地雖然有增長潛力，同時風險都較高，不宜持有過多。

就算你年青，潛力股可最多只宜佔組合約5成，餘下應用平穏增長股作組合。若你投資經驗較淺，潛力股比重，要再調至3成以下。到你學到一定投資知識，才慢慢調高。

如果你係近退休之齡，你些潛力股，是不適合你的。

未來時間，你就要加大翻平穏增長股部份，令組合更平衡。

現時大市只在合理區，現有7萬你可以先儲起，等大跌市才出手。

------------------------------------------------

Q21878：

收到 我有買阿sir啲書嚟睇啊
股票班要等我儲到錢先

啊Sir 睇唔睇好京東健康

龔成老師︰

好，在上股票班前，都要努力學習。

你可以先睇我架《80後百萬富翁》、《財務自由行》和《股票勝經》，都適合初學者。

之後，你有時間，可以再睇埋《選股勝經》和《年報勝經》，對你課堂掌握，會有幫助。

京東健康（6618）有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴，所以如投資，小注都可以。當然回翻1成更有值博率。

這股如本身有貨，可長線。

------------------------------------------------

Q21879：

潛力股都係可以持期持有？定係升到某個價位要放？我只有一手小米。

因為我岩岩先睇完大富翁，準備購入你其他書本

龔成老師︰

你現時手上只有小米(1810)，而且只有1手，你照長線持有就可以。

至於沽貨，我不會有明確的目標價。

我賣出基於下列幾個原因：由於我買入的是優質股，若買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。

又或是市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略，但當時的市況未到極度狂熱，所以我亦只是沽出了一部分的貨。

此外，股價要是嚴重高估，例如市況狂熱，又或自身的原因令股價爆升，都有可能沽出。

若然你無法掌握到我上述所講的，可簡單用「升一倍、放一半」的原則，沽出後等同收回成本，餘下的貨就不用再理會，長期或永遠持有，因為這部分已經是淨賺。

當然，你小米(1810)只有1手，就用不上「升一倍、放一半」這個策略，所以你長線持有就可以。

如果你本身對投資認識不多，你可以先睇我寫架"80後百萬富翁"、"財務自由行"和"股票勝經"，會較為適合初學者。

------------------------------------------------

Q21880：

老師，我在考慮一個問題 就係假設我用300萬買左個車位放租，月租3000蚊 。一年3萬6。回報得1.2%，另外要租83年先回本。這樣的投資還算可行嗎

龔成老師︰

過往年代，車位一般都去到6%-8%的租金回報，但近年市場資金不斷追資產，連車位都不平。

近年「車位」價格近年雖然已回落不少，但整體上，只係合理區頂部。

若以你例子計，只有1.2%租金回報率，其實係不太理想。不單升值空間細，就連基本租金回報都不合格，唔係一個理想的投資目標。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#葉郎每日讀報 #一週大事版
──────────────
「這將會是一個不可逆的過程，
如果我們坐視電影院關門，
我們很可能會永久失去電影院」
—— Patty Jenkins
──────────────
新冠病毒疫情正在終結一個百年王朝的統治，並促成一個新王朝在千萬個家庭的客廳正前方拔地而起。

線索就在關於電視機和沙發的出貨量統計數據裡.......
　　
　　
客廳王朝的原力覺醒
￣￣￣￣￣￣￣￣￣
「這是史無前例的狀況。我的帳本從來沒有這麼漂亮過。這已經不是景氣好，而是瘋狂地大好......從解封復工之後銷售量就一路狂飆攀升。」

這是跟影視娛樂產業完全無關的一家沙發製造商在昨天一則新聞中的說法。

英國媒體衛報發現疫情以來傢俱市場突然變得沸騰。雖然餐廳和酒吧等營業用的傢俱陷入空前低潮，但這都抵消不了來自一般民眾客廳的巨量傢俱需求。受訪的英國沙發製造商表示，如果這個週末之後才下單的消費者恐怕年底聖誕節前已經等不到沙發可坐。

這個沙發熱必須搭配另一則新聞服用才容易顯示出意義：市場研究機構 TrendForce 上週發表的報告發現上一季全球電視機的出貨量比去年同期增加12.9%，甚至跟再上一季相比是暴增了38.8%，總數來到6205萬台的歷史新高。分析師特別指出北美疫情難以降溫而更使該市場對電視機的需求變得異常強勁。

疫情使多數人受困在家中，即便疫情趨緩的國家已陸續解封，我們停留在家中的時間也比以往顯著增加。這樣的行為改變正在重組娛樂工業，並將影音串流業者拱上客廳前方的王座之上，讓坐在新沙發上頭的信徒們虔誠膜拜。

市場研究機構 Pivotal Research 上週將 Netflix 的目標價格從每股600美元上調為650元，並在一天內就讓 Netflix 股價大漲 6%。分析師認為 Netflix 正處在人人稱羨的正向循環上頭，因為新的訂戶湧入使他們得以投資更多的新內容，而這些新內容又可以吸引更多新的訂戶。

然而 Netflix 的宮廷裡也不是完全無風無浪。去年底原本已經獲得 Netflix 續訂第四季（也是最後一季）的《GLOW 華麗女子摔角聯盟》節目上週突然被宣佈腰斬。該節目今年初已經開始進行第四季的製作，但沒多久隨即因為疫情而停擺。因為節目情節所需，拍攝過程會有大量近身搏鬥的群戲，是難以在疫情中復工的最主要因素。這是 Netflix 第二波夭折於疫情的節目，上一波同樣原本被續訂又被臨時腰斬的節目包括《The Society 新社會》和《I Am Not Okay With This 這樣不OK》。連串節目被迫喊卡顯示了連 Netflix 都躲不了整個影視產業面臨的節目取消壓力。

《Star Trek: Discovery 星際爭霸戰：發現號》製作人 Alex Kurtzman 日前受訪時就估計未來光劇組中的防疫設備花費就會替每一集的成本增加30~50萬美元之間。原本很有經濟效益的節目很可能就因此變得不敷成本。

值得繼續觀察的是：Netflix 先前一直強調他們內容供應充足，不像其他今年新進場的串流服務會因為停拍而有節目荒的問題。然而各種復工困難加上製作成本暴增的狀況仍然不分平台地平均降落在每個劇組的頭頂上。目前穩坐客廳王座的 Netflix 的內容供應鏈是否能繼續保住這天時、地利各種條件加乘之下的新王朝？


電影院的諸神黃昏
￣￣￣￣￣￣￣￣
旗下擁有美國第二大和英國第一大連鎖電影院品牌的 Cineworld 執行長 Mooky Greidinger 說當一個多禮拜前 MGM 的窗口打電話告訴他《No Time To Die 007：生死交戰》將延後上映的消息時，她完全無心聽對方解釋：「老實說因為實在來得太令人措手不及，我心裡著急的是等等我得馬上打的三十通電話。」

措手不及的理由是MGM才在兩天前向全世界的電影院經營者打包票說龐德絕對會如期上工，沒想到兩天後就情事變更。

雖然不是打電話，隨後立即傳出 Greidinger 寫了一封信向英國首相 Boris Johnson 求援，希望爭取延長英國的無薪假紓困方案。英國政府的無薪假紓困方案到這個月將正式落日，下個月起改以就業支持方案代替。新的方案要求受僱者必須至少上到原先工時的三分之一才能拿到補貼，這個新條件會使因無片可放映而斷然停業的 Cineworld 電影院所僱用的員工陷入無補貼可申請的困局。

太平洋的另一端，NATO 美國電影院經營者協會 John Fithian 認為這一切災難都起於某個人：紐約州州長 Andrew Cuomo。他指控全是紐約州政府堅持讓電影院一直維持停業，才造成發行商不敢發行新片。他同時預測如果紐約電影院繼續停業，今年剩下的電影將會全數延期。因為紐約不只是大票倉，也是整個電影文化運作的核心。多數影評人都在紐約活動，如果紐約人沒有電影可以看，就難以形成文化上的聲量讓電影被注意到。

另外一家英國連鎖電影院品牌 Vue（同時在歐洲多國擁有電影院，也是台灣星橋國際影城的母公司）的創辦人 Tim Richards 則怪罪好萊塢片廠完全以美國為中心來思考問題的偏頗判斷，導致全球電影院沒有電影可以演。他指出美國以外的世界各國已經有75%電影院已經恢復營業，並以《Tenet 天能》在英國票房已經有《Interstellar 星際效應》近八、九成來佐證他的觀點。

《Wonder Woman 神力女超人》導演 Patty Jenkins 也在接受路透社專訪時警告：「這將會是一個不可逆的過程，如果我們坐視電影院關門，我們很可能會永久失去電影院」。她以音樂產業曾發生的慘劇為例，說電影產業最終可能會因為失去營利來源而搞垮整個產業。附帶一提，她自己的作品《Wonder Woman 1984 神力女超人1984》已經在疫情中連續三次延後在電影院上映的檔期。

英國 Screen Daily 的影評人 Fionnuala Halligan 則在專欄中強調電影產業鏈的各個部門必須團結起來才能共渡難關，獨善其身已經完全不足夠。她說發行商現在拋棄電影院，明年終究仍需要同一個電影院吸引同一群的觀眾；影展部門也無法袖手旁觀，因為沒有電影這個產品或是沒有放映的通路，影展的存在也沒有意義；而持續讓大家分心的串流大戰也無益於面對眼前的疫情。電影產業的上下游必須共同撐起一把傘來庇護傘底下的每一個部門。

市佔率分居第一和第三的 AMC 和 Cinemark 雖然表示沒有停業打算、會繼續開門迎客，但他們的財務狀況能不能挺過 2021年還是一個大問號。財務報表顯示 AMC 在今年上半年已經雖失了27億美元，Cinemax 也有2.3億的損失。即便他們下半年不退出市場，兩家一起分食這塊突然縮水的小餅，也難以彌補已經發生的鉅額損失。目前兩家的現金都還能撐到明年的某時某刻，但眼前還有另一個巨大挑戰是和房東談判，因為薪水可以不發（無薪假）、食材可以拿去丟掉（玉米？），但無論你今天放不放電影房東都會來收租。

有產業分析師認為房東也有自己的現金壓力，總有一天會對欠租的電影院失去耐性。電影院能不能存活的關鍵可能在於疫苗問世的時間。券商 Wedbush Securities 的分析師 Michael Pachter 說：「如果疫苗是現在開始的一年之後才問世，我想現在檯面上的連鎖電影院經營者可能都會有變數。如果是未來三個月問世，他們就有機會全數撐下去。即便是十個月後疫苗出來，我想房東也許還會願意和連鎖電影院一起坐下來解決問題而不強迫他們搬走。」

金融時報估計停業後的 Cineworld 要撐到明年春天開始有大片替他們帶來收入之時，恐怕還需要3億美元左右的資金挹注。另一方面，全世界最大的連鎖電影院 AMC 目前的負債也有高達55億美元，這數字大約是他們股票市值的八倍。所以接下來會發生什麼事？

一如先前的其他媒體報導，金融時報也預測未來串流會取代電影院成為主要發行管道，某些中大型規模電影也許還有機會上電影院放映個幾週並隨即上架串流，但過去長達數個月的空窗期肯定會絕跡。問題在於負債累累（而且最近都借了成本超高的資金）的現有電影院經營者怎麼找台階下？Disney、Warner、Universal 或 Netflix 到底會不會伸出援手收購？報導中某個和片廠有關係的人士給了一個極為殘忍的答案：

「片廠肯定會耐心等電影院自己破產，這樣才能變成一個沒有任何債務負擔的健康資產。」


電影大風吹背後的算盤
￣￣￣￣￣￣￣￣￣￣
《Tenet 天能》的美國票房欠佳引發的骨牌效應，繼續讓更多電影工業的上下游應聲倒地。

繼《Black Widow 黑寡婦》延期、《007：生死交戰》延期以及連帶使英國第一大、美國第二大連鎖電影院 Cineworld / Regal 宣佈全面停業之後，上週又傳出年底的《Dune 沙丘》將大幅延後到明年10月。此外曾因男主角確診而延誤拍攝的《The Batman 蝙蝠俠》則讓出明年10月檔期，直接延後至後年年3月。

在此同時，將替 MGM 發行《007：生死交戰》的Universal，為了把明年4月的檔期讓給該片，也把自家的《F9 玩命關頭9》再往後微調2個月，延至6月上映。

《天能》這堂課讓 Warner 和其他好萊塢片廠學會用時間換取機會。然而英國影評人 Guy Lodge 也在近日的衛報專欄指出：時間並不是無限的資源。也許等某一天每家片廠都終於覺得可以放心發行電影的時候，這世界上可能已經沒有電影院了。

檔期被延後的電影至少還有機會在電影院上映，有些電影則直接取消上映：

在上一波檔期大風吹時被獨留在檔期表上、沒有延後上映的 Pixar 動畫《Soul 靈魂急轉彎》上週終於確定將在美國直接上架串流服務 Disney+，不過在電影院仍正常營業的市場將維持電影院發行。這是今年第二部受到疫情影響的 Pixar 電影。年初的《Onward 1/2的魔法》也在上映後不久隨即打破空窗期上架 Disney+。不同的是，《靈魂急轉彎》在美國市場將直接跳過電影院發行，連放映幾天的機會都沒有。此外，和早先也在多國直接上架 Disney+ 的《Mulan 花木蘭》不同的是，Disney+ 的既有訂戶將可免費觀賞，而不用額外付出費用。

《靈魂急轉彎》已經是接下來2020年僅存的好萊塢大片，如果連電影院體驗的聖盃騎士 Christopher Nolan的《天能》都挺不住振興電影院的大業，讓一部 Pixar 動畫片來承擔這個重則會更不合理。而且適合闔家觀賞的親子電影向來在網路隨選市場非常吃香，上網賣顯得名正言順。

問題在於 Disney 為什麼不再設付費門檻？為什麼不敢複製《花木蘭》模式？

IndieWire 的分析認為不管《花木蘭》模式成不成功，Disney理所當然不會選擇像競爭對手 Universal 那樣繼續把PVOD的餅做大。因為PVOD是串流的直接競爭產品，而 Disney 自己已經在串流上花了數十億美元的投資，沒有必要搬石頭來砸自己的腳。

Disney 的另外一個算盤則對準了聖誕節檔的主要對手：Universal 的《Croods: A New Age 古魯家族2》。雖然該片目前還留在檔期表上，估計 Universal 遲早也會宣佈直接上架 PVOD。

成本超過1.5億美元的《靈魂急轉彎》將成為 Disney+ 的聖誕節主打強檔（或是當成慶祝 Disney+ 一週年的生日禮物），扮演青黃不接的內容荒之後的救援投手。而《古魯家族2》如果比照先前《Trolls World Tour 魔髮精靈唱遊世界》的定價19.99美元可以看48小時，將會在整個聖誕節假期中被6.99美元可以看一整個月海量節目加《靈魂急轉彎》的 Disney+ 給狠狠壓制在地。

巧妙的是，正好也快滿一週歲的 Apple TV+ 近日突然決定再送出大禮，在11月、12月和明年1月各致贈4.99美元點數（正好等於月租費）給一年前被送免費一年份 Apple TV+ 的 Apple 用戶，讓這些用戶約滿之後將可以延畢三個月。這個時間點似乎不是巧合，正好留住這些客戶直到聖誕長假之後。

所以 Apple 是打算防止他們在聖誕連假轉台去 Disney+ 看 Pixar 的《靈魂急轉彎》或是 Universal 的《古魯家族2》嗎？還是 Apple TV+ 終於製作出重量級節目準備在這三個月征服家家戶戶的客廳，說服他們付費續訂？


｜新聞出處｜

Netflix Price Target at Wall Street High on 'Virtuous Cycle'（https://bit.ly/3nETkaK）

Global TV shipments hit record high last quarter, report says（https://bit.ly/33GkTIz）

Comment: The film industry needs to pull together if it is to survive this pandemic（https://bit.ly/3d0WRLr）

Theater Owners Chief Blames ‘No Time to Die’ Delay on Gov. Cuomo（https://bit.ly/3d0Xnt5）

Cineworld Chief Asks U.K. Government to Reinstate Furlough as Staff Seek Clarity on Pay（https://bit.ly/3lw9hy9）

Odeon to open weekends-only at some cinemas(https://bbc.in/2SuPXF0）

As movies slip and Regal shuts doors again, many theaters may not survive the maelstrom（https://bit.ly/3diB8it）

Why Hollywood studios pulled the plug on cinemas（https://on.ft.com/33ItFpI）

Patty Jenkins Warns Theater Shutdowns ‘Will Not Be a Reversible Process（https://bit.ly/2FjTEu1）

Dune delayed to October 1st, 2021（https://bit.ly/2I2SCnh）

‘GLOW’ Season 4 Canceled Due to COVID-19 Pandemic（https://bit.ly/34rJKPv）

Making Sense of TV's Wave of "Un-Renewals"（https://bit.ly/33Qcnae）

'It’s crazy good': Covid boom leaves UK furniture firms sitting pretty（https://bit.ly/3dkc22k）

Is Pixar's Soul Free On Disney+?（https://bit.ly/34GrLVz）

Apple is extending some Apple TV+ subs through February 2021 for free（https://tcrn.ch/3iL7xPq）

Why Disney+ Made Sense for ‘Soul’ and ‘The Croods’ Could Be Next to Move（https://bit.ly/3dhQF1F）