Asian import/ Asian Heritage/ 亞洲外援,這類球員近期是亞洲地區市場討論最火的,由於菲律賓受疫情嚴重影響到賽季(薪資落差大也是原因)、泰國那邊一樣疫情所困(薪資更低),所以當T1 League一釋出亞外的規則後讓他們看到最新的機會!畢竟能來台灣打球的經驗(數據提升、薪資、...
Asian import/ Asian Heritage/ 亞洲外援,這類球員近期是亞洲地區市場討論最火的,由於菲律賓受疫情嚴重影響到賽季(薪資落差大也是原因)、泰國那邊一樣疫情所困(薪資更低),所以當T1 League一釋出亞外的規則後讓他們看到最新的機會!畢竟能來台灣打球的經驗(數據提升、薪資、大量電視轉播及社群曝光、球隊生活環境) 對他們來說是最佳舞台,打上更高殿堂的最佳跳板。
相信大家有印象上一篇介紹的泰國混血Moses Morgan 3D 前鋒,文末也提到Jason Brickman 相信不需多作介紹⋯拿過NCAA助攻王,在2019賽季效力於ABL的菲律賓隊。這次要介紹比J.Brickman早一屆在菲律賓隊的主力後衛 Ethan Alvano。
Ethan Alvano 6’1’’ PG/SG 24歲,擁有菲律賓護照的菲美混血(母親為菲律賓人),2020年賽季是他職業生涯第二個賽季,泰國TBSL場均上場24分鐘內繳出19.8分6.3籃板4.8助攻3.3抄截。菜鳥球季則是2018-19年效力ABL菲律賓”San Miguel Alab”剛踏上職業生涯就與前NBA球員Renaldo Balkman, 前CBA球員PJ Ramos, 菲律賓新星Bobby Ray Parks Jr. 當隊友,場均上場24分鐘繳出6.8分 4籃板 5.9助攻 0.9抄截,以角色球員來說他能為球隊帶來大量貢獻。
當Ethan及他的經紀人聯繫上我們時表達極大的興趣想來台灣打球,在ABL時客場來過台灣打球,這裡的籃球風氣、球迷熱情的經驗讓他嚮往。經紀人表示,菲律賓PBA希望他參加選秀,若他投入PBA選秀將會是狀元、榜眼大熱門,但年僅24歲的他認為應該趁年輕時累積海外聯賽的經驗,首選是來台發展再來旅歐挑戰歐洲籃球也是選項。講到此是否驗證台籃盛傳的一句話「旅台就是神」。
為了更瞭解他搜尋很多影片來研究,Ethan屬於切入破壞得分、分球助攻的進攻型控球,控球及突破能力優異。此外還能找到他的個人專訪紀錄片,在個性上是非常積極且有企圖心的年輕人,為了能來台灣打球 Ethan表示不惜代價希望至少能在這裡待上兩年,除了籃球經驗的成長,更想體驗台灣文化及球迷的熱情。btw有人覺得...菲律賓或菲美混血的顏值跟外型真的蠻帥的嘛。
大學數據提供
NCAA D1 Eastern Michigan University. 2014-2016場均 3.1分 1.1籃板 1.4助攻 0.8抄截
NCAA D2 Cal State San Marcos 2016-17. 場均17.9分 3.7籃板 5.6助攻 2.2抄截 三分球126-53(42%)
@t1league.basketball
@eapg25
#T1league #LIKEMIKESPORTS #Taiwan #Basketball #亞外 #亞洲外援 #AsianHeritage #AsianImport
歐洲籃球聯賽規則 在 挺足球 Facebook 的最讚貼文
如果過半場就不能回傳,是不是進攻球員都要面對11人全防守鐵桶陣。
#國際足聯 #歐洲超級聯賽 #皮奧利 #AC米蘭
歐洲籃球聯賽規則 在 無神論者的巴別塔 Facebook 的最讚貼文
https://www.patreon.com/posts/50278937
從車路士球迷角度看歐超聯爭議
由於有98年親身經歷第一次主催歐超聯成立,最終卻以歐聯改制而不了了之嘅經驗,所以今次早有預感第二次主催歐超聯係會重覆一次歷史,只係諗唔倒今鑊「球會抗爭運動」維持咗兩日就草草收場。
當然,歐超聯雖然冚檔,但仲有好多嘢值得討論。事實上呢兩日已有好多專業評論提過好多歐超聯嘅利弊,但我想用一個比較特別嘅切入點,亦即係車路士球迷角度去看待呢件事。
反對歐超聯嘅人最常針對嘅有兩點,一樣係呢堆傳統班霸為咗利潤最大化不擇手段,另一樣則係將足球競技全面國際化,會將足球嘅地緣元素、社區網絡完全剝離。
咁首先我要講,作為海外球迷,我對於車路士本身嘅社區聯繫嘅認同感一向薄弱──呢個真係無辦法,首先我唔係倫敦人,認識車路士更係由衛星電視轉播、互聯網開始,所以就算有日球隊搬離富咸區,相信我都唔會好似當地人一樣憤怒。我會對車路士球會嘅一啲歷史感到興趣,例如對阿仙奴、熱刺同列斯聯嘅仇視,但相比起黎我更討厭嘅卻係曼聯同利物浦。
另外好重要,亦都令我感情複雜嘅一點就係,車路士就係「金錢足球」最初嘅得益者。其實好耐以前我曾經追捧過愛華頓同熱刺,但真正令我成為車路士球迷嘅契機,卻係由Ken Bates大灑金錢開始。由引入古烈治、維埃里、蘇拿、迪馬迪奧,車路士係英超透過大舉引入國際球星,將過往果種英式球風完全掃除,改成強調組織性嘅歐陸踢法之餘,粒粒皆星更令技術水平大大提高,嘗心悅目。
日後Ken Bates因為投資地產失敗陷入經營困難,油王阿巴莫域治入主,更響短短兩年間組成奢華組合奪取英超,如果我今時今日走去同你講「金錢不是一切」、「追逐利潤令足球死亡」,就實在太偽善鳥。
好多人對歐超聯嘅憂慮,老實講我並唔太擔心:例如話無咗升降班制度令到球賽失去競爭性真係Bull Shit,自從球會收入大增後,歐超聯呢Big12對上一次嘅降班紀錄係幾時?至於批評呢種無升降制度嘅封閉式聯賽,必須依靠選秀制度去保持平衡,我覺得歐超聯十劃都未有一撇,到真係成事,其實有一百種方法可以平衡彼此間實力,只係呢班班主願唔願意做而已。
唯一可以肯定嘅係,歐超聯要實行球員薪酬以至轉會費封頂,係一定會比歐洲足協容易,因為無咗失去歐聯資格嘅恐懼,球會間一定更願意達成財政上嘅共識以避免惡性競爭。
作為被歐洲足協恐嚇懲罰過唔止一次嘅車路士,對一眾足協嘅反抗亦唔係單單因為金錢問題咁簡單。例如而家球隊要求減少賽事令球員多啲休息時間,偏偏歐聯改制就要增加賽事;因應賽績壓力要收購多啲球員應付唔同戰線,偏偏UEFA同FIFA就成日響外借球員、國際球員配額諸多限制,甚至連轉會費多寡都要限制埋──但偏偏呢個主持公道嘅兩大足協,本身卻充滿住保守、腐朽同官僚主義,透過成立歐超聯去警惕一下佢地,未嘗唔係一件好事。
所以對住我呢個車路士球迷,真係唔好講乜嘢「金錢破壞足球競技」,掉番轉,今時今日嘅足球世界多姿多采,正正係資本主義市場推動嘅結果;亦唔好話歐超聯破壞各地聯賽,我反而覺得如果歐超聯真係成功將各地聯賽班霸獨立出黎,係會令本地二三線球隊更容易出頭。今時今日成日講「破壞性創新」,就係要先破後立。
有人話歐超聯勢必令賽事運作美國化,亦即係好似NBA、NFL咁將啲規則改到鬼五馬六:但問題NFL你都可以話得美國搞嘅美式足球聯賽值得一睇(雖則我無乜聽人對NFL有投訴,MLB問題反而大啲),但係NBA你覺得唔好睇,咪走去睇歐洲籃球聯賽囉(我又識得唔少人真係轉咗睇歐聯)。
不過好諷刺地,最終車路士竟然係歐超聯入面加入得最不情不願嘅,同時亦係最早退出嘅球隊之一。原因好簡單,油王阿巴莫域治買車,從來為名多過為利,歐超聯強調分紅比歐聯更多,但卻遠遠不及佢作為班主受到球迷同社區愛戴嘅名聲。
有人分析話經此一役,一眾班霸球會響足壇嘅話語權將會大大下降,但我唔係咁睇,反而認為只係星火燎原嘅開始。第一次歐超聯收皮,都係由於歐聯改制上面從善如流作出讓步;但假若平時蝦蝦霸霸慣嘅足總、UEFA、FIFA如果仍然一意孤行,發起第三次歐超聯終有一日會出現。
歐洲籃球聯賽規則 在 君子馬蘭頭 - Ivan Li 李聲揚 Facebook 的最讚貼文
[肺炎燒到德國,另一受害股]
1. 之前兩篇文講過祖雲達斯,變咗肺炎受害股,因為意大利係重災區,意甲分分鐘搞閉門作賽,而家有部份已經係(http://bit.ly/384xQuQ)(http://bit.ly/2w9X1yE)
2. 德甲呢?就未諗亦未有人講呢啲,但近日德國啲病例都開始多,況且歐洲股市又屍橫遍野,甚至開始擔心會唔會歐聯都閉門,或者縮短。多蒙特股價星期五晚就跌10%
3. 上次講過,祖雲達斯收入,歐洲第十。多蒙特就十二,雖然已經爭咁兩成。
4. 多蒙特嘅西法倫球場(或曰偉斯科倫球場),基本上係德甲聖地(可惜我未去過),氣氛一流,德甲可以坐八萬幾人,而且球迷相當狂熱,應該係德甲最有氣勢嘅主場。
5. 不過多蒙特個場雖則大,入座率又高,但門票(包埋食大蝦三文治,不過其實德甲啲場最鍾意賣腸仔夾包,我都夾過)收入,都只係佔總收入16%左右,同祖雲達斯差不多,亦同頂級啲會比例差不多。
6. 原因?德甲啲飛平。留意,排在祖雲達斯同多蒙特中間嘅正係阿仙奴,門票佔收入25%,好誇張,但睇過你就知貴。點解平?就有好多原因,倒唔係德國人特別窮,或者加貴啲冇人睇,同德甲嘅50+1都有啲關係,即係不能好似英超咁當球迷係水魚咁劏(當然正面啲呢啲叫市場經濟,任你)
7. 多蒙特呢啲門票收入,講緊6000萬歐元一年。其實同祖雲達斯差不多。上次講過,大吉利是閉門作賽甚至球季提早完,冇咁半年門票收入嘅,祖雲達斯應該蝕到幾入肉,要賣人。
8. 多蒙特呢?規模差不多,但有個好大嘅唔同。就係祖雲達斯之前都蝕錢,但多蒙特係叫做有錢賺嘅。粗略計下,就算半季門票收入泡湯,都真係仲勉強拉得勻。
9. 講遠少少,之前咩FFP,Financial Fair Play,引嚟好多口水戰,好多根本就細節都唔了解,「我鍾意蝕錢吹咩關你撚事」,就係關人撚事咯。
10. 歐洲足協有份嘢,整得幾靚,雖則你啲文盲網友唔會有心機睇(http://bit.ly/32Dvu4R)。咁不如,跳去111頁。歐洲足協講,近兩年(2017 2018),所有歐洲聯賽拉勻,係賺錢嘅—而十年八年前係蝕得幾甘。因乜改變咗?就係歐洲足協自己出嚟鳩威,多得引入咗FFP。球會不能蝕得太甘,否則禁賽。的確見到,財政上係立竿見影,2011年所有球會夾埋蝕17億歐,2017 2018年變到有錢賺
11. 咁你話,扯,即係打壓新興暴發戶,保護舊豪門啦。的確客觀效果會係咁。就係為個行業整個高嘅門檻。唔畀你因為有錢就高價買人搶人。
12. 點解要咁做?我嘅比喻,係好似銀行咁,一樣高門檻,我舊老細標哥成日講做銀行最搵笨實,你打餐廳工可以自己偷師偷佢啲十派牙資料然後開一個頂佢,但做銀行總冇可能自己開一間。
13. 點解要咁?就係怕你執笠時累街坊,就係唔想阿豬阿狗,中東佬中國佬俄佬暴發戶玩老細足球
14. 我第一次接觸老細足球呢個term,應該係意甲。但後來,就係中東佬俄佬,同埋to a lesser extent 大陸佬
15. 比兩個例子你,一個叫西甲馬拉加,一個叫俄超安捷。球會嘅嘢,主要都係靠球員(你以為靠球迷?),咁有錢就有球員。馬拉加同安捷,一度都幾有成績。但後來老細撤資唔玩,即時大檸樂,戰績大走樣,星散,仲欠落一大堆數唔知點找,好似話有球員冇糧出添。
16. 就係,唔畀你蝕錢咯。邊個話你知球會係完全自由市場?反正講過N次球會好多都唔係為盈利。你話私人公司鍾意點蝕錢都得?係架,你咪鍾意自己搞間球會請晒啲球員返去都得架,不過冇人同你踢咁之嘛。你玩得呢個遊戲,咪跟個規則咯。唔鍾意嘅,就睇多次呢段。
17. 我非專家,但大家可以另外參考下美國啲體育項目嘅做法,更加「唔自由」,球員就同聯盟簽約,大家有薪酬上限。但結果NBA是搞得好成功。如果NBA有無限量油王老細籃球,又唔知會點了。
18. 關於多蒙特我都仲係想講多最後一樣。老嘢球迷應該知,廿幾年前(呼)我大學入學時,多蒙特在歐聯就擊敗祖雲達斯拎冠軍。嗰年件波衫好經典,我呢啲光榮獵人都買咗件。
19. 然後呢件波衫,在我在大學宿舍晾乾時,畀人偷撚咗。真係呢,啲女fans真係猖狂,其實鍾意嘅咪問我拎咯。仆街,件嘢都四五舊水的
—————-—————-————
版務:嚟真的了,應該3月會有不少搞作。呢度啲文應該會繼續,但埃汾會搞收費專欄,亦都搞收費chatroom(講明先,主要係我廣播,多過回你,否則好唔得閒),甚至會搞Patreon(但未諗到有乜嘢私你地,我又唔會send露點相,當然你肯每個月幾百蚊睇我露兩點我都好歡迎),另外仲會搞個Instagram(放心,貼金融圖啫)。Stay tuned.人人冇心機work from home 時,埃汾就逆市出擊了。身體力行別人恐懼時我貪婪。其實呢度啲文都會繼續,但問心你都知,就梗係優先服侍咗有課金班忠實讀者先啦。詳情之後解
呀!仲應該會有女助手!遲下介紹佢出場!會出鏡的!但佢有啲怕醜!大家唔好嚇怕佢!