曼聯傳奇球星Eric Cantona是紅魔在1990年代建立英超王朝的領軍人物，在英格蘭足壇地位超然，可是在祖家法國和國際賽生涯卻是另一回事。

Cantona生性孤傲卻擁有足以受萬人敬仰的球技，所以在21歲的時候便入選法國隊，不過一年之後因為一次落選而公開批評當時的總教練Henri Michel，導致他被永久排除於國家隊之外。當然Henri Michel在率領法國隊進軍1990年世界盃決賽圈失敗後便丟了工作，由法國球王Michel Platini接任。Platini上任的第一件事便是重召Cantona，於是法國便擊敗西班牙和捷克斯洛伐克取得1992年歐洲盃決賽圈資格。可是縱然當年法國擁有Cantona和Jean Pierre Papin這道黃金鋒線組合，在瑞典卻諸事不順，只能打和瑞典和英格蘭，而且輸給候補入圍的丹麥而出局。那時候應該沒人會想到這是Cantona唯一一次參與國際大賽決賽圈。

兵敗瑞典之後，Cantona和Papin等球星在Gerard Houllier的領導下爭取打進1994年世界盃決賽圈，在資格賽最後一場只要在主場打和保加利亞便可到美國參賽，可是竟然在最後關頭輸了，法國連續兩屆世界盃決賽圈缺席了。Houllier烏紗不保，被評為罪人的David Ginola和Papin都沒有再獲徵召，相反Cantona卻被新任總教練Aime Jacquet委以重任，以隊長身份率領法國征戰1996年歐洲盃資格賽。

可是Cantona在1995年1月沉不住氣，以功夫腿飛踢水晶宮球迷，令他被國際足聯停賽9個月，成為他的職業生涯分水嶺。縱然他能夠復出並協助曼聯重奪英超錦標，可是國家隊卻已經沒有了他的位置，因為Zinedine Zidane已經冒起，而且Jacquet「貪新忘舊」，趁機將法國隊年輕化，所以Cantona就算在曼聯踢得多麼出色，也不斷被法國隊拒諸門外。另一方面，Cantona在協助曼聯挑戰歐冠錦標數次皆不果後，在1997年夏天突然在意興闌珊之下宣布退役，當時他只有31歲。1年後，法國便以東道主身份首次舉起世界盃獎座，法國人已忘記了他，相反只有英格蘭人才對他表示尊敬。

Cantona退役後的生活相當多姿多采，先是轉戰沙灘足球，以教練兼球員身份代表法國隊出戰逾10年。同時也成為多部電影和電視劇演員。當然就算他在足壇的成就遠低於擁有的才幹，時至今天還是不少球迷心目中的球王。

義甲最終輪也如同英超一般精采，尤文圖斯取勝同時那不勒斯遭維羅納逼平，最終驚險逆轉重回聯賽前四，取得下賽季的歐冠資格。

而下賽季要執教羅馬的穆里尼奧，此戰羅馬在直接競爭對手薩索洛2比0取勝的狀況下，至少需要一場平局才可以踢進歐協盃，上半場落後兩球，下半場將士用命追回兩分，最終靠著淨勝球優勢力壓薩索洛，保住聯賽第七。

#義甲 #C羅 #尤文圖斯 #那不勒斯 #AC米蘭 #羅馬 #亞特蘭大
#拉齊奧 #薩索洛

［歐超聯夭折！］講咗兩日就收工。嘻，大師都算冇點你。

TLDR：股價嘅嘢，多數冇死錯人。拜仁漢尼斯路明尼加嘅嘢，更加冇死錯人。

1. 真係極長，又亂，但，我當然係反對歐超聯嘅。現行嘅玩法固然唔多理想，亦有好多矛盾解決唔到，但歐超聯容許AC米蘭之類（得罪了）嘅球會去永續，本身已經十分搞笑。況且，歐超聯全無代表性，既不歐洲（三個國家），亦不超級（AC米蘭，well）．現實亦明顯唔會過到政治法律等等關口。

＝＝＝＝＝＝＝＝＝＝＝＝＝＝
2. 2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

3. 傳說中嘅「歐超聯」，講咗唔夠兩日，應該就可以收檔。6間英超會又話唔玩（可憐啲跟車太貼嘅球迷點面對其他球迷？），咁即係搞唔成啦。米蘭馬德里雙城記咩。

4. 在講落去之前，不忘貼返舊文（即係早兩日）講嘅嘢：

5. 「歐洲足協國際足協必然反制，禁晒你啲會踢國內聯賽，球員冇得踢歐國盃世界盃。你班武夫不過係帝王家屋簷前嘅堂前燕。12間球會因為冇錢要急於另起爐灶，就正暴露咗佢地冇錢，worst case 嘅，攬炒，可以燒幾耐？拜仁PSG似乎押注呢一邊」

6. 基本上你好快就會見到拜仁慕尼黑嘅漢尼斯路明尼加出嚟拎光環了，係咪好嘔心呢，不過佢地慣架啦。但真係，老奸巨滑嘛。

7. 呢啲，就係政治啦。冇錯，12間球會有嘅係錢（主要係收入，你講盈利其實冇乜），另外有水喉JP Morgan射住—但JP Morgan 同你非親非故，有事仲唔第一個走？

8. 固然，你見好多名宿，同埋球迷，都係反對嘅。但不得不十分cynic咁講句，不見得係因為你地反對就撤回。祖雲達斯嘅Agnelli （歐超聯推手之一）講得有道理的：扯，當年推歐聯，你班友咪又係反對。我覺得啱的，佢霸王硬上弓，我就唔覺得你班友真係杯葛唔睇。講真球迷多數都冇乜風骨，點會杯葛自己間會？將件事針對落某啲人就得。至於名宿云云，更加得罪講句，可以不理，影響力低過啲港女KOL。

9. 球員呢？如果佢地夠醒嘅，應該反對歐聯超（下面會解），因為歐超聯其中一個對付嘅，就係啲球員薪水不停升身價不停升。當然球員未必諗到咁多，而實務上梗係唔出聲，唔好伸個頭出嚟，同埋，有經理人搞掂啦。

10. 所以講到尾，最大阻力，一如所料係嚟自歐洲足協。歐洲足協國際足協最大嘅武器，始終係法律。大把嘢玩，除咗上面講，封殺你班球員唔畀你踢國內聯賽，唔畀你睇歐國盃世界盃（有球迷話：冇呢堆球星嘅世界盃邊有人睇）外，仲有大把嘢可以玩。例如有冇諗過，12間球會準備學NBA NHL咁推集體談判 salary cap，擺明係違反競爭法（下面慢慢解）。仲有你啲球員合約點計？好似早初冇話畀你自己搞一個嚟踢喎，咁你12間會堆球員，合約全部作廢，可以自由身走喎。仲有，你呢12間會，點簽人？你好多球員合約都要當地足協去ratify。何況，足協呢啲嘢，全部都有當地政府支持，法國政府固然稱讚球會唔入歐超聯，但連英國首相都出嚟反歐超聯的。

11. 不過而家事後講返，真係拎嚟出歐洲研究通識卷都得。背後折視咗好多好多嘅矛盾。原本想寫，但未寫呢個歐超聯已收皮。歐超聯未必係個好嘅解決方案，但即使歐超聯收皮，呢啲矛盾多數都仲存在。

12. 首先係，歐超聯先天已經不足，唔夠多人支持。唔止係講球迷同名宿，而係其他會。我見有個評論話，歐超聯既不歐洲，亦不超級。三個國家咋喎，有幾歐洲？仲要加埋AC米蘭呢啲全無戰績又唔見得有錢嘅球會，而上屆歐聯冠亞軍 拜仁慕尼黑 PSG 都冇份嘅，有幾超級？ 唔好睇少呢樣嘢，你見最初咩G14又好，ECA又好，個代表性都大好多。而家你得12間會出嚟，兩回事。

13. 亦都扯到去足協腐敗呢部份。呢個係支持歐超聯嘅人（主要係球迷，12會就唔會講呢啲嘢，雖然大家心照）講嘅嘢，甚至話「歐足協食咗好多」（我唔知佢條數點計，實際上係好多去咗小國）。要講嘅係，足協固然好多貪污嘢。但歐超聯嘅重點不在此：難聽啲講句，你12會班友之前咪又係一齊搵食。仲有，如果真係針對歐足協體制或班友嘅，點解唔係齊齊咁多國搞個新嘅東西？而係三國小圈子？所以講到尾，都係為飛起啲小國啫。

14. 呢度帶到第三個問題。就係大會唔想同其他會分。無論係本土聯賽定歐洲賽，大會認為大家只係想睇皇馬對曼城，唔係史篤城對巴塞甚至史篤城對杜爾堡。點解要分畀你地？有人話會審美疲勞，個個星期都皇馬對曼城仲有乜好睇，我估就未必，你見NBA都年年係嗰啲隊打N咁多次，咪又咁多人睇。所以重點都係大會唔想分錢。

15. 之後再帶到又一個問題：大會點解咁莫財。短因固然因為係疫情，但大家都知球會差不多全部都唔會點賺到錢。講過了，全球最高收入嘅巴塞，放埋去全球最高收入嘅公司（蘋果）比，收入係人地0.5%都冇，更加唔好講盈利。而你計咩「市值」，應該冇一間球會可以大過300億港紙市值（FYI：有上市嘅曼聯，而家係200億），即係，冇一間大過一間維他奶（正係300億市值）。亦因為，根本冇一間收入多過維他奶。球會係一門被高估嘅生意。

16. 然後到另一個問題：球員薪水。固然存在即合理，但球員薪水不停升，正係球會永遠賺唔到錢嘅原因。死局嚟的：因為仲要有啲土豪（呢個又另一個課題），例如PSG當然要用高人工搶人，你唔去跟埋一份自然就唔夠踢。大家軍備競賽。而歐超聯點解決呢個問題？基本上就係好似NBA NFL 咁，封閉系統，集體（聯盟）同你傾—咁就唔再有咩轉會費呀之類，亦都會有類似薪酬上限嘅嘢。

17. 再帶去一個問題：歐聯位。呢個亦係本人最反對嘅位。由於以上講嘅嘢，球會收入已經唔多，又要高薪搶人—但一個唔該簽著啲水貨（自己填名），錢又洗咗歐聯位又冇，就好大件事的。一個唔該搞到降班仲大鑊。呢個正係好多球會想避免嘅嘢。

18. 呢個你由歐超聯嘅制度就見到（亦係我最反對嘅位）：呢堆創會會員，係唔會降班唔會走嘅，永續阿仙奴熱刺。你話每年各國最好成績嘅入呢個歐超聯我都仲信服，而家呢堆會係永遠唔會走嘅，有冇搞錯？固然你阿仙奴熱刺有相當嘅收入（倫敦球迷有錢嘛，加上國際上多球迷），直接啲講我英超冇前四啫，但我去德甲法甲踢實有（有啩），咁做乜唔英超多幾個位先？呢部份我覺得都講得通—但，大佬，AC米蘭（得罪了）何德何能？佢地收入在意甲都前列，薪水更加畀得高（所以咪負債），但踢意甲都冇歐聯位，然後而家出嚟霸住個永續位？居然好意思？

19. 記住，歐超聯嘅重點，就係免除呢啲不確定性。大會唔會降班唔會冇歐聯。我見之前有評論講，啲美國佬覺得，下，乜你歐洲咁低能嘅？我地美國冇呢啲嘢架。點解要降班點解咁多不確定性。

20. 正因為咁，你見到歐超聯一話搞，星期一晚祖雲達斯同曼聯嘅股價即時狂升！年年有確定嘅收入喎！投資者最鍾意。（順手講埋，星期二晚啲股價即插，然後就話退出了，你話冇insider trading？）

21. 於是好多球迷會話，足球好睇正係因為有呢啲不確定性，有李斯特城捧盃呢啲神話。我覺得一半半啦，咁你見NBA亦係咁多人睇啫。

22. 亦都再深一層，去到歐洲（包埋英國）同美國嘅文化唔同。呢部份就最詭異，同大家想像唔到，在體育層面，美國十分社會主義，歐洲先係資本主義。咪講咗咯，美國嘅玩法係大聯盟，限制薪水，保障球會。歐洲唔係喎，有得暴富有神話，但亦可能豪門失手。今次歐超聯風波，美資擁有嘅球會，係大推手。出錢嘅亦係美資銀行。（而AC米蘭亦都變咗美資）

23. 最最最後，最廢，但都係要反思：足球是甚麼。其實都隨時代而變，唔係中二病，但如果四五十歲嘅，其實最有資格評論（我都略為後生）。因為剛好見證咗足球「商業化」嘅年代，甚至係「商業化」由盛轉衰（即係而家）。你睇英超聯，歐聯，都係九十年代嘅產物。背後多得全球化，新自由主義（包括波士文案，否則球員人工點會咁升？），亞洲中產堀起等等。而家又走到另一個轉角位了。

24. 真的，啲名宿之類，象徵係上一代嘅價值觀，「足球屬於社區」（應該好多人想笑）。我地年代嘅，一半一半，大家（在鬼佬眼中）都係glory hunting rich Asian，你去幾多次曼市馬德里同埋啲鬼一齊屌對家，都改變唔到呢種印象。但再新一代嘅，可能只係視呢啲嘢係娛樂，有得睇咪得咯，嘈乜？NBA都係咁睇啦，又係喎

25. 我見有啲講法，講到底球會係屬於球迷丫，定係搵錢工具一盤生意。咁呢啲二分法多數冇乜答案，但不如又諗下，NBA都係一盤生意啫，但又不見得脫離晒球迷丫，啲友都睇好開心架喎

26. 結論？都係冇乜結論，點解一定要有個結論？背後係太複雜，大家有唔同價值觀。不過剛夭折嘅歐超聯我就必定唔BUY（創會球會永續呢樣嘢實在好難接受，況且又冇代表性，得三個國家）。

27. 我個人覺得啦，而家成個生態，已經夠晒偏袒大會。你咩祖雲達斯跌到落意乙都話咁快彈返上嚟，曼聯利物浦之前冇歐聯，但因為底子好，亦係話咁快返返前列。拜仁PSG嗰啲在聯賽已經玩晒（但啲友話悶嘅，我又反擊你：你睇啲入場入數一路升喎），仲要不停去保護大會？似乎說不過去。

28. 真正嘅弔詭位，真係在熱刺阿仙奴之類。金錢有，如果飛去德甲法甲踢，前四應冇問題添。難免唔順超，因為佢地實力應該高過好多其他歐聯分組賽嘅球會。係咪分得太少位畀英超呢？

29. 歐洲足協近N年嘅方針，都似乎係關顧細國。呢個同國際政治都有啲似，「一人一票嘛，梗係拉攏啲非洲兄弟」。你話再要偏返向啲大會，都冇話唔得。但冒住畀人屌嘅風險我都講：不如踢多啲歐洲賽咯，大家happy．你話球員好累，我又真係有啲懷疑係咪克服唔到：輪換咯，你大會咁多錢，搵副選踢都夠照啦。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝