【龔成問答信箱】（Q22301-Q22320）

Q22301：

Hello 龔 Sir, 幾個月前開始接觸你，另外，我先生買咗幾本你嘅書，我睇咗你其中一本書，其實我二十多年對投資都有少少心得，只係較少接觸新經濟股….

Anyway, 依排個市跌，股票跌了 10%，咁多年股市上上落落我都無乜所謂….

其實我想講返重點，因為做全職媽咪，我十幾年無返工，但我睇了你嘅書後，決定跳出 comfort zone, 揾咗一份我很愛的 part-time, 返咗幾個月，

我真係覺得好有意義又表現幾好….但係，我今日竟然唔知醒，今日公司叫咗第二個人頂上一日，我真係喊足成日….衝動下買了 #700 發洩…

今日的故事講完，想同你分享，希望下星期我繼續有工返

龔成老師︰

如果你有上過我股票班，就會明白，我地的同學好小心投資的。課堂會派一份6頁紙的「企業評估表」，我會逼佢地填好6頁紙，先可以進行投資，所以佢地的投資都好穩健。

人生路上，我地難免會遇到一些令人氣餒的意外。最重要，係我地有無方法，令自己收拾好心情，重新上路。

發洩，其實係無問題，因為係一個情緒抒發，可以幫自己調整好心情。

每個人抒發的方法都不同，有人會做運動、有人會去唱K狂叫、有人會去沙灘對住個海沉思...。只要唔好傷害到自己和其他人，咁就無問題。

當你情緒，開始可以慢慢回復平靜，我地就要客觀分析，點去解決當前問題。(記住情緒未控制好，唔好做重大決定。)

其實遲到，我相信好多打工仔都試過，除非你本身係遲到常客，或者本身比人印象係唔盡責。否則一次半次，你誠心道歉，相信問題不大。

由於你缺席，公司要找人頂一日，都係正常，因為人地都要運作。

希望你可以明白，人生總會遇上不如意的事，重點係你面對的態度，而唔係件事本身。

其實，我好欣賞你走出comfort zone的勇氣。特別你係一個無做野1X年的全職媽媽，就更加難得，你要加油!!!

另外，你好衝動咁買左架騰訊（0700），現價算合理區中部。雖然近期中央政策，對相關大型企業，有不利影響。

但騰訊（0700）係有質素和規模的公司，相信會慢慢適應如何在這些新法規下營運，因此長線投資價值依然存在。

不過，你預佢中短期一定會較波動，但長線持有的話，就無問題。

------------------------------------------------

Q22302：

1) 龔sir你好，最近我學習了SOTP估值方法，我用此方法評估了最近金山軟件的估值，你可以給我一點意見嗎？

金山內在價值：
網遊+辦公軟件=70億人民幣
金山雲= 108億人民幣
淨現金= 140億人民幣
獵豹移動= 10人民幣
但參考aastock 496.93憶市值
我計漏咗啲咩？

網遊和辦公軟件以33%增長，金山雲以一倍增長。獵豹移動大約股價$2美金，大概18億人民幣，現金就參考披露易最近的2020年全年業績

如果計算之後就變成價值$28.46一股，這樣就高了30%

2) 另外，信達生物最近研發出pemigatinib藥物針對治療癌症,並已經在台灣日本美國批准使用,並對信達生物業績增長一倍以上,如果股價跟隨大市回落至$60，即是到250天線附近。有見及此，值得買入嗎？

不好意思一次過問你這麼多問題

有機會出現MACD背馳嗎？恕我班門弄斧

1801信達生物(六個月圖)

龔成老師︰

1) 雖然有參考價值，但你都要明白背後原理，由於唔知你具體每一部分怎樣計算，有可能你這個估值方法，只簡單將企業子公司市值加起(持股部份)，再計入集團本身資產和負債，去做出一個市值作估算。

現時財經網站提供的市值，純粹係現價，再乘以發行股數。

而你這個方法，係要對不同分部，因應其特性和發展階段，用相應估值方法，去作出評估，所以唔一樣係正常。

其實，市值計算本身係好主觀，特別係一些估值方法，如果你唔係非常有經驗，只要數字有些微偏差，個結果可以差好遠。不同估值方法，會適合不同性質企業，唔可以亂用。

而且附屬公司、聯/合營公司計算比較複雜，如果直接閱讀財經網數據，係會有偏差。

所以係估值前，我地要按實際情況，對數字作出相應調整。這部份較難，我都係在自己的進階班，才會教授同學。

因此，我唔建議你單用市值，作為分析基礎。你可以用佢參考，但最重要都係了解企業本質，佢做什麼業務、行業發展狀況、財務數據、競爭情況等，去做核心會較穏當。

金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區，唔建議大注投資。這股前景正面的。

2) 你要記住，我地投資股票，就等同投資一間企業。你最重要係知道佢本質、行業等基本因素。

過去股價未必能反映其未來情況，因此唔好再睇圖的趨勢，這是好錯的投資方法！巴菲特已經講到明，技術分析沒有作用的。我地只會分析企業的質素，以及企業的價值。

我20年前，都會用移動平均線、RSI、圖表等分析方法，但當我輸完又輸時，我決定放棄這些技術分析，從此我就不斷贏錢。

信達生物（1801）係一家中國生物製藥公司，開發了集研究、發現、開發、製造及商業化於一體的生物醫藥平台。

睇翻佢資料，佢亦係腫瘤、眼科、自身免疫和代謝疾病領域建立了一個包括單克隆抗體和其他生物藥物的產品管線。

你所講的，是一個利好因素。

但由於仍處於燒銀紙的狀態，所以有危有機，潛力度是有的，但估值好難，現時市值都唔細，只能完全「估」佢將來的價值，不確定性好大。

只可以話，這刻投資值博率中等，你投資係可以，但唔建議大注。

------------------------------------------------

Q22303：

Hello 龔成你好，想請教下你關於現況應該點樣投資

我地二個人(30歲頭), 每月固定收入66000(已扣MPF)，係外地有個物業價值600萬左右係按揭每月交17000左右

現在手頭上有大約150萬現金，30萬股票，20萬黃金 (結婚收到的)

現在需要搬屋, 正係度煩惱緊買定租好 (如果租大約13000-15000左右)，銀行就話我地可以最盡係香港置業借到6百萬 (有說明外地物業同按揭情況)

不過我地就怕太risky/未係合宜嘅時間(定係等多1-2年再升人工先), 不過又好似好浪費現金,定係可以做一點其他投資? (唔係買物業)

希望你可以指點下我地. 不過如果你Post出黎我驚比人估到係我地, 好多朋友都有follow 你

萬分感謝!

龔成老師︰

香港物業，我唔知中短期會點走，但長線我預期都會維持上升。如果你2人係計劃，長線都會留係香港生活，我建議你要為自住屋，做定準備。

現時樓市雖然唔算平，但若果有配合到你長線生活所需，價格合理，足以你們長線"供得起"的物業，其實已經可以出手。

若果你都係想穏陣D，等人工高D先再算。現時資金，可以先投資在優質股，去進行增值。

你們可以選擇一些「平穩增值股」+「潛力股」作投資目標。若每月有一定儲蓄，建議進行月供股票，去提升增值能力。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那150萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

而黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多(<3%)，而且持有的應該為實金。

當然，如果這些黃金若有紀念價值，你係可以自行衡量是否保留，不必跟足<3%的標準。

------------------------------------------------

Q22304：

Hello 龔成老師，上次聽左你意見開始抽部分資金去月供2318，現在組合配置更佳。另外有幾隻股票想問下你意見。

1. 3309
2. 1368
想了解你對呢2隻股票睇法

3. 1830
由2.x 見你講必瘦站但一直無入貨，見而加升到差不多10蚊
想問下合理區同便宜區位置係邊呢

謝謝你！

龔成老師︰

希瑪眼科（3309）有質素的，佢主要於香港及中國內地提供眼科服務，及銷售視力輔助產品及醫藥產品。

另外，睇翻佢，都尋找加大在中國擴展業務，係2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，佢亦係昆明及惠州等二線城市拓展服務網絡。

這股在業務上，的確有吸引力的，相信生意將會不斷擴大。不過過現時估值都唔平，現時估值略貴，基本上已反映了企業的增長力。長線投資不是不可，但就唔建議太大注。

特步國際（1368）不差的，生意與盈利都有增長，本身都算有品牌，不過盈利就較為波動，部分年份盈利出現下跌。但長遠仍是正面。

個別年份有生意上升但盈利下跌，反映成本增加，同時未能轉嫁消費者，又或者佢要用減價策略才能吸客，反映賺錢能力未必好強，質素有，但不能定義為最高之列。

整體都有長線投資價值，現價偏貴。等佢最少回2,3成，才好開始小注。

完美醫療（1830）長遠有發展，本身有一定的質素。而價唔平，$6/7算係合理區頂部。若你到平宜區，需要出現好大幅回調，才可以。

------------------------------------------------

Q22305：

講完投資，保險個part都想請教下老師

以3X歲女士有家庭，1個3歲小朋友為例，其實要投保（危疾）既保額大概係幾多先叫合理？（另有買醫療）

每個經紀講既都唔同，都唔知幾多先叫足夠

龔成老師︰

危疾，佢賠償係已一個指定金額計算，同醫療保不同。這筆賠償，無指定用途。

因此，危疾除了可用作抵銷部份醫療開支外(超出醫療保保障部份)，最重要係填補你因長期不能工作，所失去的收入。

由於危疾係一些大病，一般治療至休養，可能講緊係2-3年。所以，你可以用你2年年薪，作為基礎標準。

再按你現時和預期將來家庭開支狀況、保單條款等，再進行調整，咁就可以。

------------------------------------------------

Q22306：

龔sir你好，我現在持有 主要是收息股。正為退休作準備，還有少量其它股 等合適時機沽出換馬

現在有點舉棋不定，因為以下4隻收息股都是我比較喜歡的 但只能4選2:

1098 路勁
3383 雅居樂集團
604 深圳控股
1883 中信國際

有勞龔sir幫幫眼 打擾了 謝謝！

龔成老師︰

中信國際電訊（1883）業務穩定，整體質素算是不差，作為收息股係可以。

深圳控股(0604)和雅居樂集團(3383)都適合做收息股，但佢地負債較高，風險會高少少。

而路勁(1098)都有質素，但派息較受盈利所影響，作為收息股，就未必咁合適。

這些股票，現價都在理想，已經可以分注入貨，並長線持有。

------------------------------------------------

Q22307：

想请问Geely Auto 您又怎么看呢？

Xiaomi 现在的价钱算贵吗？


龔成老師︰

吉利(0175)本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。

另外，佢早前杭州灣新工廠正式發布純電動新品牌新車「極氪（ＺＥＥＫＲ）００１」，宣布吉利進軍高端電動車。

這些動作不單有利佢有中國發展，同時長遠，可能加快了海外發展速度。因此，這股長遠仍是正面的。

現時價位在合理區頂，至略貴。你預佢股價會波動，有貨可長線。如果現價入貨，小注都可以。

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價略貴，回多1,2成，才開始小注會較好。

------------------------------------------------

Q22308：

龔成你好呀, 我一直有睇你既page同專欄, 好讚成你所講, 股票係應該要睇長遠, 加上近期短炒蝕過錢, 更加同意你的觀點。

因為都踏入中年, 加上疫情期間工作大受影響, 所以都好希望可以盡快學識投資,

近期自己心目中都mark定左兩隻, 希望可以請教一下你的意見 (唔知可唔可以咁樣PM你問, 如果唔得都唔緊要的。)

唔知可否請教以下幾隻股, 可長揸嗎?

- 中遠海控 (見佢升咁多一直冇買, 但前景幾好咁)
- 國泰航空 (一直在7蚊左右持有左好耐, 希望等到疫情完後)
- 醫思健康 (有新世界入股, 加上是醫美行業, 自己比較熟悉, 覺得前景不俗, 但之前又係升左好多, 一直未敢入)

多謝指教

龔成老師︰

我想你先明白一些投資概念，我地做財富增值，就係尋找優質企業，用一個合理，甚至平宜的價錢，去買入，並長線持有。讓其自然增值，以達至財富增值目的。

成件事，重點係「優質」之餘，買入價格都要係「合理」。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

這股係有投資價值，但現價略貴，未係投資時機，要等佢回2、3成會合理翻d，我地才可以考慮。

而國泰（0293），坦白講質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

若你持貨較多，建議等疫情過去，經濟好轉時，佢反彈就減持部份，去平衡風險。如果只係小注，你照長線持有都可以。

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂至略貴。如果你資金較為充裕，現階段先入一小注，係可以。

否則等佢回多1成才入貨，值博率會較高。

------------------------------------------------

Q22309：

你好, 龔成老師。最近開始睇左你d 文章, 想試下投資股票, 本人沒有投資經驗, 最多只買過ibond, 我對小米, 騰訊, 港鐵, 領展等都有興趣, 但最近個價位好似唔係好夠平, 唔知入唔入市好,

除左上述股票外, 有沒有些係最近較平同值得入手的? 還是等待時機入手上述股票好呢?

本人33歲, 有價值港元$55萬的英鎊, 港元$20萬在銀行高息戶口(2.5 厘息), 如果投資股票的話, 我應該動用英鎊還是高息戶口中嘅港元呢?

動用英鎊的話, 現在係好價位嗎?(其實我一直都想等好價位時把英鎊轉返港元再放入高息戶口) 謝謝!

龔成老師︰

任何貨幣都可以無限發行，因此長遠只會貶值，唔係有一個財富增值的好方法。若你的英鎊無實際用途，建議你將英鎊換回港紙去投資。

如果你擔心匯價問題，你可以分注咁，慢慢換翻做港元就可以。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你33歲，應以增值為主，建議你用「平穏增長股」 + 「潛力股」作組合，去創造一個增值平台。除了用你現有資金，我都建議你用每月空出來的儲蓄，去做月供股票，去加大你財富增值速度。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

大市現處於合理水平，那75萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

現價計，平穏增長股都在合理區，可開始分注入市。

而潛力股，暫只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22310：

龔sir, 好感恩幾年前有緣睇到你專頁，一向有買股票，都是輸多贏少，直至睇你分享先開始改變投資概念，1177,1211,285,到1810我都獲利不少，已賣出部份，

再加部份儲蓄，買到一個小單位收租，雖然不算很好的物業，但是真的好開心，剛看到你分享別人的喜悅，我也要向你説多謝，感恩你無私分享

龔成老師︰

唔洗客氣，我都係希望透過這個平台，去分享一些正確投資觀念。

希望可以幫到投資者(特別係一些初階投資者)，知道一些較重要概念，從而令佢地更大機會，找住正確方向。

雖然，你現時已有一定成績。但緊記要保持學習，長線投資才會做得好。

而且，你所講的股票，都係有質素。如果你係較保守投資者，而獲利又較多，可以"升一倍，沽一半"。

但緊記大部份貨，應該保持持有。因為長線持有優質股，增值效果才會係最好。加油!

------------------------------------------------

Q22311：

你好呀, 我脫你有介紹ETF #2800 隻股, 我想問咩價位入好呀? 我本身流動資金唔多, 又還緊債, 但我又希望可以增加資金, 想睇下買邊一隻好?

本身知道ETF 股都係收息多, 好似比較啱我咁

龔成老師︰

首先，盈富(2800)是包括58間質素不錯上市公司股票的組合，這些股票有升有跌，但長期計，都有不錯的回報。

買入盈富主要有兩個回報(分別是股價升幅，加上股息回報)，股息不多，大約只有3%，而股價升幅，其實有升有跌，每年都會波動，但長期平均計，都有5%-10%，當然，這是不一定的。

現價計，算係合理區，已經可以分注入貨。佢係平穏增長股，有一定增長力，但股息唔算多。

若你目標係收息，可以選擇X恒生高股息率（3110），是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

至於投資邊個，你就睇翻你自己投資目標。一般情況，如果你係年青至中年，我會建議你投資盈富(2800)，因為你應先做好財富增值部份。

若你年紀較大，接近退休之年，穏定現金流去支援生活，才是你投資重點，故X恒生高股息率（3110）會較合適。

你可以因應自己人生階段，去進行配置。

另外，你要審視翻自己現有貸款，若息口較高，我優先清還貸款，以免影響長線回報。

------------------------------------------------

Q22312：

想請教1302 6988 及 9666。

龔成老師︰

先健科技（1302）為心血管及周邊血管疾病及紊亂所用先進微創介入醫療器械的研發、製造及營銷商，主要提供先天性心臟缺損封堵器（包括ＨｅａｒｔＲ、Ｃｅｒａ及ＣｅｒａＦｌｅｘ等三代系列）。

雖然近年生意都有增長，都有潛力，但始終規模細，不確定性較高，業務可能有潛力，但現時的市盈率處高水平，值博率較一般。

現價偏貴，要有好大幅回調，才好開始小注入貨。而且此股盈利都好波動，只宜小注投資。

樂享互動（6988）是中國的效果類自媒體營銷服務提供商，利用商業智能技術為行業客戶及自媒體發佈者提供服務。

睇翻近年的財務數據，佢增長力是有的，但上市前的數據參考價值較低。

相信佢長遠，業務都有增長力的，公司話佢自己能盈利高增長。但就唔平，小注持有可以。

金科智慧（9666）有質素。

佢係中國西南第一的綜合智慧物業服務商，如果按佢綜合實力計，集團自2016年至2020年連續五年被中指研究院評為中國物業服務百強企業十強之一，自2015年至2020年，連續六年西南地區排名第一。

收益主要來源於四條業務線：物業管理服務；非業主增值服務；社區增值服務；及智慧科技服務。

包括各類住宅及非住宅物業，包括但不限於中高端住宅、商業樓宇、產業園、政府公建、高校醫院等其他物業。

生意與盈利都增長理想，暫時睇佢都有投資價值，但負債高會係一個扣分地方。此股投資係可以，只要唔好太大注，咁就無問題。相信長遠有發展的。

------------------------------------------------

Q22313：

老師你好，本人和太太各36歲，上年剛剛買樓尚有430萬貸款供29年，月入大概10萬，每月有4萬流動資金作投資，再加現金90萬，

想在3年後儲夠3百萬買多一層樓收租，本人唔識投資，想問下有咩投資組合可以加快達成目標，謝謝

龔成老師︰

我假設投資上進取少少，令你可以做到有回報有12%（連股息再投資）。你每月投資$40000 + 90萬現金，3年後大約會增值至300萬。

但你要明白，3年只算得上係一個中短期時間。最終實際回報，可能會較為波動，風險會較高。

從資產配置角度，你現時已經有一個物業，如果你咁短時間，又在增持有一個新物業。

除左成個組合會好偏重物業之餘，太短期內買2個物業，都會受較高價格波動性風險。(一般2個物業，買入時間最好相隔一個週期，大約8年左右。)

我建議你按部就班，透過月供和買入優質股，去為自已資產作增值。到你累積到一定金額，足夠你買入第二個物業之餘，都可以留下若干優質股增值才出手，會較理想。

財富增值方面，以你36歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

若你投資知識不高，可先較集中在平穩增長類股，至於潛力股，只宜小小注。到你提高投資知識後，才慢慢增加翻潛力股比例。

大市現處於合理水平，那90萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

------------------------------------------------

Q22314：

1) 我又如何得知此公司的每股盈利有冇加上物業重估呢？

2) 我想計比亞迪電子的合理股值，唔知我計得啱唔啱？

比亞迪電子現價$46.35

市盈率 水牛網沒有提供2021年市盈率所以我用9年
2020年 7.483 2016年 7.871
2012年 9.333 2013年 10.04
2018年 10.24 2014年 12.02
2017年 12.50 2019年 14.13
2015年 16.46

市盈率合理區域是 9.333 ～ 12.5

每股盈利 資料來自Aastocks
2016年 0.6112 2017年 1.3787
2018年 1.1044 2019年 0.7935
2020年 2.8725

5年平均值係1.35206，估計公司盈利還會持續增長，所以保守估計每年增長10%

1.35206 x 1.1 = 1.487266

股值合理區域是13.88 ～ 18.59

不知有沒有計錯，因為現價才$46.35相差太大。

3) 我最近留意緊國藥控股（1099）和中智藥業（3737）。我用阿sir你初階班比的企業評級表頭兩頁查過這兩間公司，機本上兩間公司都過關雖然唔係全部100分。

我睇兩間公司的官網都寫得自己點樣勁，但兩間公司的市盈率都低過10倍。流動資產-流動負債係正數。

初步睇價錢也在合理區之下。

想知道為何這兩間公司的市盈率會咁低？值唔值得投資？

謝謝！

龔成老師︰

1) 你可以睇年報中的損益表，就會知道佢有無物業重估成份。

2) 你現時這個計法，概念上係無錯。但做好初步估值之後，我地要再考量，到底這個估值，係唔係足以反映企業現時價值。

比亞迪電子(0285)近年賺錢能力有所提升，我地用過去5年平均數字，就可以能出現過於保守的情況。

因此，我地會以佢最新一年每股盈利作為指標，即係用HKD2.8725。

由於集團始終係代工企業(雖然有一定技術)，市盈率唔會太進取，我地會用佢過去10年中間4年數字，大約為10-12倍。

之後，再加多10%緩衝區。合理價大約為︰HKD26-38。

3) 其實就算係相同行業，只要業務性質、潛力、風險等不同，個市盈率都可以差好遠。

國藥控股（1099） 質素都可以，但增長力已經不算好強。

睇翻佢資料，佢係中國最大及具實力的醫藥分銷和零售企業，集團在中國主要城市以直接經營和特許經營方式管理零售連鎖藥店網絡，向終端消費者銷售藥品及大健康產品。

此股有質素，但賺錢能力唔算高，而增長力唔算太強，是平穏增長型。佢有個比較大問題就係負債比較高，而度會扣左D分，整體而言此股有質素，可投資，現價合理的。

由於佢已經係平穏增長型企業，增值潛力不及中生(1177)這類潛力股高，故市場給予市盈率，都會較低。

而中智藥業（3737）則相反，由於企業規模和品牌不大。雖然佢近年盈利增長係唔錯，但市場會較擔心，佢這個優勢，能否長線維持。

因此，會給予中智藥業一個較保守的市盈率，以反映當中的潛在風險和不確定性。

此股現價合理，但由於存在一定確定性，故只宜小注。

------------------------------------------------

Q22315：

我個人睇法認為。新世界，長期一定會好番，因為佢再俾人爆大鑊就可以執笠，但問題係驚短期甚至中期都有機會發現更多問題，始終起樓唔係一時三刻，

而今次事件反映QC部門同埋管理層有啲得過且過，其他項目都有一定機會有類似問題，只係未俾人爆或者佢地禁住咗，令中期不確定性同埋風險增加

另外留意到美國嘅經濟數據，FRB話經濟雖然開始復甦，但基層勞工市場仍然麻麻地，而高通漲相信係暫時性，仍未係時候改變貨幣政策。

咁樣會唔會令成個市場失衡，為市場復甦帶黎壓力？

龔成老師︰

中短期，新世界(0017)股價難免會弱。

但我地睇翻佢過去咁多年，其實都無出現過重大問題。所以，我會偏向覺得，個營運和監工上風險，未到話十分高的狀況。

長線投資價值，依然存在，但你預佢短期會較波動。

疫情雖然未算清零，但大部份已發展國家，已經開始穏定。相信經濟會慢慢向好，但這個唔會係一時三刻就出現，可能要幾年時間。

而中短期，依然會有好多不確定因素。例如不少發展中國家疫情未受控，對不少消費市場，或者不少企業的產業鏈，都造成不同程度的影響。

但相信這都是中短期，我都分析最好都係集中翻，係企業本質。外圍經濟因素，各國貨幣政策，係有參考價值，但佔比重不應太多，重點都係放係企業本身較好。

------------------------------------------------

Q22316：

Sir,水桶2 有咩好選擇啊？日清和雅生活算嗎？還有甚麼好選擇的？我今年34歲每月可儲2萬，現在儲一萬現金和一萬每月買d 股票的

暫時如下：

1. 科指 ETF 3032 15000股 $8.37
2. 小米 1810 1000股 $27.48
3. 阿里 9988 300股 $235
4. 京東 9618 100股 $309.5
5. 平安好醫生 1833 100股 $87.8

6. 日清 1475 3000股 $6.87
7. 京東物流 2618 100股 $40.36
8. 雅生活 3319 250股 $36.7
9. 福壽園 1448 2000股 $7.5
10. 鐵塔 788 10000股 $1.545

現金：35萬

龔成老師︰

日清(1475)和雅生活(3319)都係唔錯的水桶2股票，你現有持股，都係適合你。

以你34歲，可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

選股上，你可以投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有35萬資金可以再投入多10-15萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22317：

首次置業 按揭多好定係少好？

依家開始有個好習慣就係先儲蓄投資 再消費，一個月儲＄5000 另外$5000攞嚟投資 係3-4年之後有＄100萬 有冇問題？

龔成老師︰

其實多與少，跟你首置無關，我地主要係睇佢現行息率。現時貸款息率低，我地應該盡借，令我地可以空多更多資金，作其他投資增值。

你現時養成這個先儲蓄和投資，之後才消費，係一個非常好的習慣，你保持。

以你2X歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

假設投資回報有10%（連股息再投資），你每月投資$10000，4年後大約會增值至55萬。若你要達至100萬，就需要將金額升至$14000和供5年，才可以做到。

------------------------------------------------

Q22318：

師父1212 利福下至合理價低部5.95 ， 值得加注？

近曰消費股如六福，周生生， 莎莎都上番不少，何解1212返而向下？

啟德項目應該有利佢發展對嗎？

另外完美醫療已升至over $8 , 稍貴， 應否放一半？

3069 ETF 你有什麼意見？

龔成老師︰

我地投資，唔好太在意中短期走勢。我地要睇翻個重點，就企業自己本身狀況。

利福國際（1212）主要從事經營生活時尚百貨店及其他零售業務，以及物業發展及物業投資業務。佢透過崇光在香港專門經營百貨店。

中短期一定弱，但長遠仍會正面，不過回勇就要時間。同埋要留意，佢負債較高，因此唔建議投資太大注，現價合理區中下部至底部。

啟德項目，對佢長線發展係有利。但股價唔會一時三刻反映出來，要需要時間。

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

如果本身有貨，就長線持有。若你持貨較多，現價沽少少獲利，都係可以。

華夏恒生生科（3069）主要係追蹤恒生香港上市生物科技指數之表現。

指數包含51隻成份股，當中有「藥品」、「⽣物技術」等公司。較為人熟識的，有藥明生物（2269）、京東健康（6618）、中生（1177）等等。

隨著人口老化和人均收入增加，對優質醫藥的需求只會有增無減。此股都有質素，可作長線投資。但你預佢會較波動，最好用月供模式儲貨，並長線持有會較好。

------------------------------------------------

Q22319：

龔老師你好，我今日34歲，未婚，冇乜經濟壓力，現時未有結婚及生育打算，月入二萬，月儲大約七千，現時擁有資產大約二十萬，其中八萬現金，十二萬股票。

經過你前三個月的教導，我購入多左水桶二的股票，現在股票組合比例大致平衡，現時持有的股票如下：

水桶1
1177 中生製藥 2000x$7.27 11.7%
3718 北控城市 8000x$0.99 6.4%
3067 安碩恒生 100x$16.06 1.3%
1448 福壽園 2000x$7.46 12.1%
3319 雅生活 250x$32.85 6.6%
2057 中通快遞 50x$230.4 9.3%

水桶2
823 領展 100x$74.55 6.0%
2800盈富 1000x$28.38 22.9%
2388 中銀香港 500x$25.1 10.1%

水桶3
778 置富 2000x$8.34 13.5%

快速增值：平穩發展：收息資產=47:39:13

1）請問現時股票組合比例平衡嗎？我打算長期持有無問題嗎？

2）現在我目標先儲現金，等儲到現金佔50%，才加水桶一股票合適嗎？

3）請問3718北控城市資源質素無問題嗎？現價（$0.96）是合理價還是平？我$1.92同$1.28都入左一手，現價可以再分注入嗎？值博率大嗎？等可以再等下？

還有等$15買3067，或等$80買平安好醫生，或等$23買小米，哪個值博率大些？謝謝指導！

龔成老師︰

1) 現時配置係可以，你長線持有，係無問題。但留意中通快遞(2057)始終唔係上市太耐，要再過一些時間，才可以見真章，所以暫時唔好再加注。

2) 現時大市在合理區，現金應佔3-5成左右。目的係等大跌市出現時，我地可以有資金入市買平貨。

而目標唔係集中係水桶1，因為水桶1雖然增長潛力大，但風險都高。建議你視乎當時平貴，再去慢慢平均分配在水桶1和2，咁會較穏當。

3) 北控城市資源（3718）有質素的。

佢主要在中國從事環境衛生服務；危險廢物處理業務；以及廢棄電器及電子產品處理業務。

環境衛生服務方面，佢的服務涵蓋綜合道路清潔、垃圾分類、垃圾收運、垃圾轉運站管理、公廁管理、糞便收運、綠道養護、河道保潔服務。

同時自2019年起開始，佢有係北京的若干商住區域提供物業管理服務。

過往財務數據不差，有一定的增長力，有長線投資價值。之前股價貴，現價落翻D，大約合理區中下部。現價加小小注，都可以。

至於平安好醫生（1833），無貨現價小注都可以，但由於佢不確定性都高，要控制注碼。

而安碩恒生(3067)和小米(1810)都有質素，但前者係一籃子科技股，較有分散風險能力。

3067現價中合理區上部，而小米就要回多1,2成，就算合理區頂，才可開始分注入市。以現價計，安碩恒生(3067)值博率會係3隻當中較高。

------------------------------------------------

Q22320：

龔成老師，我44，現在有以下股票，共35萬，另有15萬現金，月入2萬+佣金。

170萬按揭，供25年，每月供樓$7700，因為依家巳44歲，好希望可以10年內供完，請問我應該點做可以達到這個目標?

煤氣 18手
港鐵 3手，正在月供1000
中國鐵塔 5手

領展 1手，正在月供1000
盈富 2手，正在月供1000
阿里巴巴，上月開始月供1000

我有諗過每年年尾將花紅約2萬還按揭去減年期，希望可以加快完成供款，做法正確嗎？

龔成老師︰

以你44歲年紀，你持股和月供組合，都係合適的。你現時可以用這些增長股，去累積財富。

由於現時按息不高，我較建議資金先用作增值，而唔係去還款。這樣做，成個財富增值效率，才會較高。

現時大市只在合理區，每月儲蓄唔好盡用。最好留有部份，連同現時的15萬現金，一齊等大跌市出現時，可以用來掃貨。

我假設投資回報有10%（連股息再投資），你每月投資$4000 + 50萬資產(股票和現金)，10年後大約會增值至200萬。

到時你可以因應情況，再決定先還款(若到時息率好高，係可以先還)，還是保持增值。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

▍如何調整自己的情緒

很多時候外界沒有任何困擾，但是我們仍然被情緒所困。

為了讓自己盡量不被情緒所困擾，有些人會採用非常極端的方法。比方說冷酷無情。冷酷無情的人認為情緒是有毒的，是一種壞的東西，它不是我們的朋友，甚至是應該努力祛除的東西。

通常這些人在情緒上受過傷害，當他把這些所謂的負面情緒，比方說悲傷、憤怒、脆弱、絕望、羞恥、內疚等關在門外的時候，也就把自己關到門裡面了。於是，一些所謂的正面情緒，如欣喜、放鬆、期盼、快樂等，也都沒有了。這樣的一種保護方式，就好像把人變成了「活死人」。

經常會聽到「情商」這種說法。我理解的情商，應該是追求自在的前提。我們盡可能與他人有一種真正和諧的關係，尤其是要與自己的情緒，有一種比較和諧的關係。一般來說，談到情緒的時候，大家都會有一種很自然的二分法：有些是「好」情緒，有些是「壞」情緒。

什麼是「好」情緒呢？比方說愉悅、開心，這些通常會被人們認為就是好的。對於「好」的情緒應該怎麼做呢？我們會努力去追求，不顧一切地去獲得這樣的情緒。

有些人追求「好」的情緒，雖然也不一定追求不到，但是往往會把自己弄到一個更深的壞情緒裡。如果你對這些「好」情緒多一份貪戀，覺得那時的自己才是真正的自己，在那種生活中才是真正的享受，那麼，當進入一種相對平和的心態時，你可能會感覺很無聊、很憂鬱，因為你覺得在平和狀態中，自己就不是自己了。

就更不用說一些所謂的「壞」情緒了，如剛剛所說的失望、悲傷、內疚、羞恥、憤怒乃至絕望，你會覺得這些情緒簡直是壞透了，連一秒鐘都不想去體會。

你可能會覺得，如果身邊有人處於這樣的壞情緒裡，那他真是一個可怕的物種，要想方設法地離開他，以免這樣的壞情緒會傳到自己這裡。

我們以為「好」情緒編織出一種好生活，我們很難容忍生活當中這些情緒好好壞壞、起起伏伏、來來往往，就會竭力地想把自己控制在所謂的「積極情緒」的狀態。一些市面上的心理書籍，又會有意無意強化這種對待情緒的態度，設法讓人感覺有高峰體驗，要有很愉悅的感覺。

說得嚴重一點，這有點像一種精神上的鴉片，它會使人在回到一個相對正常的生活狀態時，感覺到空虛、沒有色彩；當面對「負面情緒」時，會感覺到厭惡，甚至驚恐。

情緒其實就像光譜一樣，白光通過稜鏡的分解可變成七色光。你問孩子：「你喜歡什麼樣的光？」孩子會告訴你：「我喜歡黃色，我喜歡紫色。」「你討厭什麼顏色呢？」「討厭橙色。」

這些情緒只不過是波長不一樣的振動，它本質上是一樣的。只不過我們受了社會文化的影響，或者對情緒的本質瞭解不夠，才會在情緒上產生好惡、愛憎。這就使得我們的自我被局限在比較小的地方，沒有辦法認出來：悲傷的自己是自己，痛苦的自己是自己，絕望的自己也是自己。我們擁有很多種狀態，這些都是真的，而且在根本的層面上它是連成一片的。

當我們的心靈不夠成熟的時候，容納不了很多情緒。不光是負面情緒，就連正面的情緒也難以容納，比如開心得過了頭，從中醫的角度來講，也會使心氣渙散。

我們需要慢慢擴展自己的心。在我們的心足夠擴展之前，可以做些什麼呢？

首先，保護我們的心，以避免遭受過多的情緒刺激。比如，如果有孩子的話，就不要帶他去看恐怖片。孩子的心理還不成熟，當他看恐怖片的時候，好多刺激畫面進入他的頭腦當中，會沒有辦法消化。對他而言，這完全不是一件過癮的、興奮的事情，而可能是一場災難，甚至會引起一些創傷後的壓力反應。我們的心如果有一部分停留在孩子這樣的狀態，就應該保護它，使它不要被過強的情緒影響，不管是喜怒哀樂哪種情緒。

然後，要有一個足夠的安全區。其實這個安全區就是我們自在的一個基地。我們要學會保護自己，不要暴露在太劇烈的情緒當中。當我們的心逐漸地成長，逐漸地變得有能量、有容量之後，它對於情緒的感受就不一樣了。它可以消化一些情緒，並且把這些情緒轉化成一種生活的智慧、來自經驗的智慧。

我們能夠辨識自己的情緒狀態，也能夠辨識別人的情緒或者情感狀態。而且我們知道自己的情緒、情感狀態的規律，也知道別人的規律。在交流的時候，我們不會誤以為自己的某種狀態是別人帶來的。這種誤會往往會引起一些交流上的障礙，會使得對方覺得莫名其妙，在這樣的壓力下，對方可能真的會表現出你所預期的行為。這種自證式的預言，在家庭之中、家庭之外、職場之中、職場之外創造了不計其數的麻煩。我們逐漸學會辨識之後，這些點點滴滴的情緒就會轉化成一種智慧。不光是正面的情緒可以轉化，負面的情緒也可以轉化成智慧。

如果你被某種情緒所主導，可以在主導你的情緒當中學到很多東西。比方說如果你總是很憤怒，其實你可以從憤怒當中學習，憤怒裡頭有太多東西了。

對情緒的本質有了更多、更深的瞭解後，我們的心可能就會處於一種對情緒自然接納、悅納的狀態當中。這時候，我們的情緒就像是天上的雲。我們知道無論是白雲還是烏雲，本質上其實並沒有差別。白雲固然有很多美的變化，烏雲其實也值得欣賞。

我有時會有意識地觀察雲。我們在平時生活當中，心會陷於日常狀態，就很容易形成管狀視野。但是一旦抬頭看天的時候，會發現天是很大的，很多事情不隨我們的意志轉化，天本身很自在。當我們的眼看著天空，情緒就會被天氣所轉化。

當我結束一天的工作、選擇步行回家時，經常會停下來看一看天上的雲。在這個時候，一些比較沉重的情緒，也會被這樣的環境所自然轉化。

.

本文摘自
《#過好一個你說了不算的人生》
未必事事如意，依然天天開心！現代人必修的自在心理學42講
.
作者：張沛超

... ... ... ... ... ... ... ... ... ... ... ... ... ... ...

各位朋友好：

過去儘管被稱為過去，事實上沒有成功地過去。一些過去的模式，總是在不斷地成為新的當下。
～《#過好一個你說了不算的人生》

能多花時間觀察情緒，就可能發現，情緒的某種型態或慣性，正在持續重複。然後這些情緒表現於外，又會引來一些慣性的回應，漸漸形成自證預言。

所以不把自己看清楚，又怎麼看清楚他人？
沒有回望過去，又如何理解每個當下？

祝願您，能藉著大自然的陪伴，整理過去，理解情緒！

這個週六任性的請了假，到宜蘭頭城參觀
林柏君中醫師．中醫門診二三事 的診所。

他們家族在頭城是非常有名的中醫世家，已經傳承到第三代了，數十年來都為頭城鄉親的健康把關。

因為家裡同時經營中藥房與中醫診所，
他們對於中藥物使用的品質也特別講究。

無論是科學中藥或是濃煎水藥，從廠商挑選、藥材選購到熬煮製成，每個環節都非常嚴謹且堅持品質。

最近剛好是他們家第三代當家，林柏君醫師，完成自己理想-新診所 悅恩中醫診所 的開幕。

除了過去一直以來堅持的優良傳統，
他更將許多新的治療內容加入診所，
希望帶給家鄉更豐富的醫療服務。

我相信在每位醫師在自己的心目中一定都有一張藍圖，希望能將自己追求的醫療模式實踐。

今天非常感謝林醫師的無私分享，
除了欣賞到美觀大方的診所規劃，
更幫助我能與實現理想更接近一步。

#悦恩中醫診所
#林柏君中醫師
#宜蘭頭城鄉親的好醫師
#努力耕耘自我
#看見理想實現

✨ 沈玉琳配Melody 地表最震撼搭配 ▶️ https://bit.ly/2CnMALG

【#11點熱吵店】千金與園丁。每天一吵。吵出正能量
✔ TVBS歡樂台(42台) 每週一到周五晚間11點首播
(TVBS精采台 、 TVBS-ASIA同步播出)
✔ 主持人：#沈玉琳, #Melody
✔ 訂閱給他訂起來▶️https://bit.ly/3hkpwvV

🔥官方粉絲團：https://www.facebook.com/chopchopshow
🔥TVBS官網：http://www.tvbs.com.tw/
🔥TVBS新聞網：http://news.tvbs.com.tw/

Hello 大家好，一直以來我也很少拍所謂的 「中雷」 片，因為我覺得百貨應百客, 每件產品總會有人欣賞也總會有人不喜歡， 正如我們每個人都不可能討好所有人一樣。所以與其說片中提的是「雷品」，倒不如說這些化妝品，都是和我『有緣無份，因了解而分開的錯愛』。今天拍片來個年度總結，與他們說聲再見，告訴大家我試過了、努力過了，只可惜我們並不合適！

藉此講一講我的背景資料：
在職公關，也可以說我是MARKETING。我不是專業化妝師，只是個有多年經驗的化妝品用者，也喜愛儲化妝品，喜歡每件小寶貝從內容到包裝的小心思，既然喜歡，何不分享？所以拍片和同道中人分享喜悅。YOUTUBE 是我的興趣卻不是唯一，更不是賴以維生的工作，沒有專業影棚燈光或拍攝器材 ─ 這些在我每天工作超過十小時中已非常厭倦，因此我反而更享受宅在小小窩居，彷彿和大家閒話家常般輕鬆聊聊天的感覺。

視頻分享中的產品大部份為自購，有時也會收到一些試用品 (如為試用品我一定會先旨說明)，所有用後分享儘量會保持公正，但始終是我個人用後感受，有時少不免流於主觀但卻一定是真情實感不做任何所謂 “video sponsorship” (即廣告費)。

我的皮膚和體質：
現年四十，乾性肌。家母是上海人，遺傳她白晳細滑肌膚，自小到大皮膚都沒有什麼大問題，青春期從沒有過青春痘，日曬後縱會脫皮也不會出雀斑。不過當年自恃年輕，經常為拼事業日夜顛倒，直至近年漸漸年長變得腸胃都不太好，抵抗力差變成了敏感肌，還飽受黑眼圈、水腫及月事不調之苦。現在正積極以中醫調理，並配合適當運動，因為由健康做起，才是真正的美！


Products used today:
Sunscreen: TATCHA Silken Pore Perfecting sunscreen broad spectrum spf 35
Primer: TATCHA The Silk Canvas Filter Finish Protective Primer
Foundation: KOH GEN DO Aqua Foundation (Shade: 002)
Concealer: TARTE Shape Tape contour concealer (Shade: 20B Light for Light Skin with Pink Undertones)
Setting Powder: CHARLOTTE TILBURARY Air Brush Flawless Finish (Shade: 1 Fair)
Brow: BENEFIT Goof Proof brow pencil (Shade: No. 3)
Eyeshadow: MAC Boom Boom Bloom Eyeshadow Palette ~ the first try 
Blush & Matte Highlight: MAC Boom Boom Bloom highlight powder (Shade: Fleur real) ~the first try 
Highlight: BECCA Shimmering Skin Perfector Pressed (Shade: Moonstone)
Lippie: LOREAL ROUGE SIGNATURE MATTE LIQUID (Shade: 124 I EMBRACE)