「藍橙！今次慘喇！我懷疑自己畀人落降頭啊！」銘仔係我中學時嘅好兄弟，畢業之後，工作各有各忙碌，愈來愈少見面。近日，佢又突然間搵返我。
.
.「講嚟聽吓，等我幫你分析吓～」
.「前排我返大陸工幹幾個月，識咗個女仔，仲貪玩一齊咗，但係…」
.
.銘仔喺我耳邊細細聲講：「你都知啦，我喺香港有女朋友㗎嘛，點...
「藍橙！今次慘喇！我懷疑自己畀人落降頭啊！」銘仔係我中學時嘅好兄弟，畢業之後，工作各有各忙碌，愈來愈少見面。近日，佢又突然間搵返我。
.
.「講嚟聽吓，等我幫你分析吓～」
.「前排我返大陸工幹幾個月，識咗個女仔，仲貪玩一齊咗，但係…」
.
.銘仔喺我耳邊細細聲講：「你都知啦，我喺香港有女朋友㗎嘛，點會同個大陸女人長遠發展啫…」
.
.「你知唔知，一個人迴輪之後相遇嘅機率係幾多？係100%！」我扮晒嘢地講。
.「唔係啊…你聽埋我講先啦！」
.
.銘仔話，佢要返大陸工作成個月，日日都要應酬，上面生活又Dry，有次落到夜場，佢認識咗個大陸女仔，第一晚仲發生咗關係添。
.
.喂！有女唔食，罪大惡極啊！況且喺大陸又唔會撞到熟人，銘仔就同咗個女仔一齊，暫住喺佢間酒店。
.
.呢個大陸女仔雖然樣靚身材正，又非常體貼，每天煮早餐、煲湯、甜品、宵夜兼肉體自動奉上。
但個女仔就相當痴纏，令銘仔覺得好煩，當佢差不多要返香港，就同個女仔攤牌分手。
.
.點知個大陸女仔死纏爛打，仲堅持每日喺酒店樓下奉上湯水，仲痴線到跟蹤佢同客傾生意。銘仔以為只係大陸女仔純真，但對個女仔冷言冷語，希望女仔會死心。
.
.直到銘仔要去另一個城市開會要搬酒店，對個女仔不辭而別，怪事亦開始發生。
.
.銘仔好肯定自己對個女仔少少感情都無，但唔知點解，搬咗酒店之後就開始掛住佢，日諗夜諗，搞到每日都神魂癲倒，無辦法專注工作。
.
.再加上，佢入住間新酒店時覺得好怪，硬係周身唔舒服，眼前總有層黑霧遮住咁，開晒全間酒店房嘅燈都仲係好暗。
.
.於是，銘仔就提議同佢同事換房。
.「銘哥你嗰間尾房嚟啊，唔好啦…」同事。
.由於銘仔一直堅持，只好訓埋同一間房，兩個麻甩佬孖鋪。
.
.有一晚，兩人傾完生意返酒店已經好攰，諗住沖完涼即刻訓覺，但半夜訓到中途，突然間聽到廁所有花灑聲…
.
.銘仔又唔敢擘大眼，驚會見到啲恐怖嘢。無幾耐，訓隔離個朋友都醒咗，仲嚇到全身猛咁震。銘仔心諗，一定係同事見到嘢先會驚成咁，佢更加決心堅持唔擘大眼，諗住捱到天光。
.
.大約過咗十分鐘，銘仔聽到廁所門『咔喇』一聲打開咗！
.之後，佢仲聽到拖住個酒店地毯行到嘅腳步聲，慢慢行近佢。
…
……
.「間房咁鬼熱嘅，沖多次涼舒服晒。阿銘！你冚實張被唔熱咩？」
.
.原來…係佢同事。咁頭先一直訓喺佢旁邊嗰個，係邊個？
.
.銘仔嚇到即時彈起身，睡衣都唔換就衝落大堂，一直坐到天光執行李離開酒店。亦因為銘仔第朝開始發高燒，所以提早返嚟香港。
.
.「點啊，你係咪知發生咩事？」銘仔問我。
.「即係咁，我唔係咁清楚，但我搵個人幫你。」點睇都唔關前世輪迴事，我唯有帶銘仔去搵阿公。
.
.去到阿公屋企，銘仔講返自己情況畀佢知。 .「咁你有冇飲啲湯吖？」阿公問。
.「有啊～佢煲啲老火湯正過我女朋友多多聲。」銘仔。
.
.阿公行開咗，我仲諗住銘仔終於嘗試到香爐灰水嘅滋味，點知阿公淨係喺櫃桶搵咗幾樽藥丸畀銘仔。
.
.「一日食一次，飯後食，另外呢個沖水飲，唔好用熱水啊。」阿公。
.「阿公，乜原來新出咗灰水藥丸咁先進啊？」我問。
.「唔係啊，係維他命C，同埋維他命B藥丸嚟。」阿公。
.
.我同銘仔都呆咗：「咁即係我唔係撞鬼？」銘仔。
.「唔好乜都賴晒落隻鬼度，你集中唔到精神，神魂癲倒，眼濛濛咁係因為你中咗蠱術，維他命就可以幫你恢復返健康。」
.
.「等等，蠱術、降頭呢類唔係喺泰國或馬來西亞嘅法術嚟咩？」
.
.阿公幫自己沖咗杯茶，喺雪櫃拎咗兩罐可樂畀我同銘仔，我就知道阿公要準備講故喇！
.
.「而家科技發達，人類嘅知識水平提高咗，好多嘢都可以用科學、醫學解釋得到。但以前普遍嘅人讀得書少，好多嘢解釋唔到就以為係法術。你哋一般認識嘅蠱術，其實只係醫學上嘅落毒。
.
.當年我師傅離開咗我之後，因為『某件事』，我亦離開咗自己條村周遊四海，當年亦遇上唔少中蠱術嘅人。
.
.蠱術其實始創於雲南，雲南氣候潮濕，又多樹林，所以特別多蛇蟲鼠蟻，某啲昆蟲能夠治病，亦有啲具有強烈毒性，可以令人昏迷、發燒、神智不清，然後加以控制中毒者。」
.
.「你而家返到嚟香港，養返好身體，乜事都無啦！」我搭住銘仔膊頭。
.
.「但係我喺酒店明明見到污糟嘢…」銘仔。
.「唔好乜都賴晒落隻鬼度啦！」我學阿公講返同一番說話。
.「唔好急，逐樣逐樣嚟，你擘大隻眼畀我睇吓。」阿公叫銘仔。
.
.阿公用手撐大銘仔隻眼，叫佢望向下，然後佢就下咗個定論…
.
.「你眼上面有條黑線，你除咗中蠱術，仲中埋降頭，我見你左邊膊頭有團黑氣黏附住，應該就係中降頭嘅關係。」
.
.「唔怪得我返嚟香港，喺屋企都見到鬼啦…」銘仔。
.「嘩！」我原本搭緊銘仔隻手即時彈開。
.
.（待續）
