【龔成問答信箱】（Q21661-Q21680）

Q21661：

老師您好，本人已經第二次請問老師，十分感謝老師既無私指導；本人有閱讀唔同股票書本及購買老師既書，真係獲益良多，若老師繼續出新書，本人一定購買！

現本人再持續更新自己的投資計畫及就老師早期的建議及書本上的知識，望老師賜教!

背景：

本人28歲，月入大約3萬，能每月約儲1萬5。

現時有現金5萬和儲蓄保險(供5年，已供4年，每年5萬，即已供20萬，回報率由5.5%下跌至4.5%) ，現股票投資左約55萬，按老師的水桶模式投資法的方式，

手持股份共14種，詳細如下：

快速增值（潛力股）（成本：25萬）
1. 比亞廸（500股，39.3買入）
2. 小米（600股，11.8買入）
3. 比亞廸電子（1500股，38.79買入）
4. 贛鋒鋰業 （1000股，88.07買入）
5. 平安好醫生 （1000股，88.02買入）

平穩發展（增長股）（成本：18.8萬）
1. 恒基地產（3000股，29.87買入）
2. 盈富（1500股，24.87買入）
3. 金沙中國（800股，34.6買入）
4. 長江基建（1000股，36.64買入）
5. 安碩恒生科技（500股，16.81買入）

收息資產（收息股）（成本：11萬）
1. 中華煤氣（2050股，12.71買入）
2. 置富產業信託（6000股，8.61買入）
3. 中國飛機租賃（5000股，7.33買入）
4. 港燈（500股，7.95買入）

幸好，經細閱及留意老師的Facebook的建議，本人成功以低價買入比亞廸及小米，其他股票亦參考老師的書籍，

潛力股獲超過40%及增長股有25%增長（約等於20萬獲利），令本人的第一個一百萬的目標非常接近，十分開心。

提問：

1. 本人知道年紀算年輕，應大量投放於潛力股，請問比例可以為潛力股：增長股：收息股 = 7：2：1？這樣是否風險能夠分散嗎？

2. 持有14種股票是否過多嗎？如是，我應該賣出那些股票？

3. 比亞廸及小米分別於39.3及11.8超低價買入，相信現在無可能會再跌至我買入價，如我現再增持比亞廸及小米，咁我係咪等同放棄手上既利潤嗎？

定我應該發掘/ 增持其他潛力股如中國生物製藥（1177）/ 贛鋒鋰業（1772）/ 比亞廸電子（285）？

4. 如果我成功儲到一百萬，以我現在的收入，我是否應該沽出所有股票提現，做500萬按揭買樓嗎？本人計劃購買馬鞍山的二手樓宇的，可實現與男朋友同居的目標或將屋租出去？

龔成老師︰

1) 你現時比例，大致係可以。但留意中華煤氣(0003)和中國飛機租賃（1848）算是平穏增長股，而非收息股。

而收息股增長力較弱，唔建議你再加注。你主要投資在平穏增長股和潛力股，長線比例維持大約各5成就可以。

中國飛機租賃（1848）本身質素不算差，但又未到好好，主要原因是負債太高。佢利用高槓杆的模式，進行飛機租賃等業務。

其實佢業務有獨特性，在行內有規模，有長線投資價值。但投資注碼不能多。只能小注。

現時大市只係合理水平，現金佔比重大約3-5成。故新資金唔好盡用，要留有部份，等大跌市出現，才加大力度掃貨。

至於儲蓄保險，由於就快供完，你可以照供埋佢。但未來時間，你將資金集中係優質股，個效益相信會更好。

2) 以你組合金額計，有少少多，但這些股票都有質素，不用沽出。長線，你集中翻係10隻左右，咁就可以。

3) 表面上看來，你再入貨，會拉高左比亞廸(1211)及小米(1810)的平均價。但這2隻股票，都係好有質素，長線相信會繼續上升。

你本身的概念有錯，你停留在過往的買入價，而我地應該著重將來的增值。例如投入該資金後，怎樣為你組合帶來長遠的增長效果。

如果你手上持貨過少，反而會影響成個長線增值效果。因此，我地應以平均配置角度去考慮，只要現時價格合理，而你預定投入這些股票的資金，又未用盡，你係可以考慮加注。

但現時比亞廸(1211)及小米(1810)都係偏貴，前者要回到$135才算較合理，而後者最好等回多1,2成才考慮加小注。

當然，你講的另外3隻股票，都有投資價值。但只有中生(1177)勉強算係合理區頂，其餘都偏貴，相入貨要等等。

4) 如果你有實際自住需要，係可以考慮。但大前題，最好在置業同時，都留有一定優質股作增值，這樣才可以維持成個財富組合的平均性。

若你係為投資，以現時租金回報率計，值博率回投資股市咁高。因此，我唔建議你唔洗太急去置業。

除非你發現旬盤，租金回報率高，又有唔錯增長潛力，你才考慮出手。

------------------------------------------------

Q21662：

龔sir,你好！本人今年36歲，與媽媽及11歲兒子住綠表公屋，為家中經濟之柱。每月收入$22000，剛好夠生活上各項開支，沒有多餘錢儲蓄。

本人家庭有兩個物業，一個是自住綠表公屋，每月供$13000，還欠按揭$190萬，還餘14年，市值$300萬。

另一市區唐樓劏房單位，於數年前花$50萬裝修，每月供$9000，還欠按揭$120萬，還餘13年，市值$700萬。劏房單位共約收租$21000，差不多夠供兩物業的按揭。

本人多年來積極理財創富，為退休作準備。但現在流動資金不足，生活上有點壓力，加上又有負債要清還。

持股 939@20000股，3@4000股，700@100，3690@200。股票加現金約$30萬。另有40萬負債要清還。

兩物業都不能加按，每月只夠開支，請問我可以如何處理目前的財務問題(不想賣樓，因供完後，收租足夠退休生活。)懇請賜教！

龔成老師︰

你現時物業不用沽出，因為一間係自住樓，另一間租金回報率都理想，可長線持有。

但你現時財富組合，已經好偏重係物業。所以係累積財富時候，我地會優先投入係其他資產類，例如優質股，以免太集中單一資產，而造成風險。

你現時持股票，都係優質股。但建行(0939)增長力較弱，主要係收下息。以你年紀，應以增值為主，先去累積一筆財富。

你可以將部份建行(0939)沽出，換碼至以下有增長力之股票，並長線持有。

另外，你現時生活只處於收支平衡，唔係咁理想。你要審視翻自己開支，有無一些不必要部份，盡力去刪減。同時間，你睇下有無一些兼職、網上小生意等，去提升收入。

最終目標，每月能空出一定資金，去月供上述有增長力的股票。

而負債，你要睇翻佢利率高唔高，如果較高，就應先清還，才開始投資計劃，會較理想。

------------------------------------------------

Q21663：

龔sir, 你好。本人現在正上緊你的股票班，想好好學習股票投資，但是我有一個買樓上的問題想請教你。

我犯了一個錯誤，我在2019年高位時買入筲箕灣新樓，現在市價已經下跌了多過10%。

我現在供樓上沒有問題，樓是自住的，但是看到筲箕灣升值潛力不大，租值亦不算高，想請教未來應該如何部署？

是否應該等平手才考慮賣出而再投資其他升值潛力較好物業？買樓有需要止蝕嗎？謝謝！

龔成老師︰

香港島的物業，始終都有一定投資價值，因為長線供應相對較少。

筲箕灣其實不差的，但新樓一般有溢價，因此較易出現樓價下跌的情況。

你現時的物業，持有就得，問題唔算大的。

同埋，這個物業是你自住樓，所以你只要供得起，咁就可以。

由於你成個財富組合，已經有物業類，相信佢佔你成個組合，都會係一個較大比重。

所以，你再有新資金，應先考慮其他優質資產，好似優質股類，避免太集中單一資產，而造成過度集中風險。

------------------------------------------------

Q21664：

Hello 龔先生，本人見最近一直跌市，買了以下股票，請問是否應該放左先，先止蝕。。還是一直keep 住，因有啲股票已跌穿很多。謝謝你

股票號加買入價：

2638 $7.61 （500股）
2800 $28.44 (2500股）
700 $618.4 (500股）
1972 $23.1 (400股）
1398 $5.33 (4000股）

388 $435 （應在什麼價格再入市較適合呢）
1810 $24.75 (400股）
3067 $17.12 (300股）
3088 $10.34 (200股）
9988 $222.7 (200股）

3690 $290.17 (200股）
1211 $157 (500股）

見中國股一直下滑，在以上的股票，我有需要先離場嘛，很多都跌很多了，求指教

龔成老師︰

唔好受大市氣氛影響，同埋唔好將個焦點，放左係買入價，或者帳面賺虧身上。

你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

你現時持有股票，都係有質素，不用理會這些中短期波動，可長線持有就可以。

但有個較大問題，就係你現時股票，潛力股佔左大多數(0700, 0388, 1810, 3067, 3088, 9988, 3690, 1211)。

這類股票，增長潛力高，但同時間波動性都較大。若你係年青人至中年，可以佔最多5成。但若你偏年長少少、投資經驗較弱，比重要再向下調。

未來時間，你要慢慢調節翻個組合比重，令潛力股比重重回正常水。你可以唔一定要沽持股，用新資金去令成個組合平衡翻就可以。

港交所(0388)現價都仲係有D貴，最少回多1,2成，先考慮加注。

------------------------------------------------

Q21665：

龔sir, 你好

1) 我今年25歲，由中學畢業已開始做freelance、投資及工作存錢，現存股票及現金大約存到400K

打算在30-33歲置業，距離現時有5-8年投資時期，想問如在現價，將大部分股票及現金投資3067或吉利可行嗎?

2) 另外個人工作問題想請教一下，現時人生有兩份工作選擇 工作A為現時工作，月薪約4-5萬，比較難有大的升幅。

工作B為新的工作機會，月薪始約3萬，穩定的政府工。 工作B到35歲先會回到月薪4萬，40歲大約5萬元，45歲6萬元，大約最多可到退休前升至9-10萬。

B的強積金亦較A多，但發展機會不大，個人覺得十分難選擇，希望能分享小小建議，謝謝 感激不盡!!!

龔成老師︰

1) 這2隻股票，都有質素。吉利(0175)現價算合理區中上，而安碩恒生科技(3067)則在合理區上部，現價都可以先首注。

但我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

你25歲，建議你用「平穏增長股」 + 「潛力股」作組合。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

現時大市只在合理區，現金和股票應各佔一半。餘下一半現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

2) 單從薪金長線升幅去計，工作B會係較好選擇。但每個人人生目標，都不一樣。有人希望安穏收人工，有人希望工作有突破。

雖然工作A人工較少，但長線能在工作A中，學到一些有用技能或經驗，令你能增升到另一個層，其實你可以選工作A。

當然，這個世界並不只有工作A和工作B。你要認清自己去向，放自己在一條合適的跑道。就算而一刻可能人工較少，但可以累積經驗，令你將來工作或者事業有更大發展，我地都應該要考慮。

總之，你要先了解自己長線目標，未來5年、10年、20年係想過點樣的日子，才計劃今天的路，該如何走。

------------------------------------------------

Q21666：

龔Sir你好！先交代下背景，我26歲，最近一年收入減至約$15000-20000，暫時無經濟負擔，每月可草$10000，希望滾大資金今年年底開始做生意及將來置業。

2019年中，我由約15萬本金開始投資，之前從股市中賺了約20萬，加上每月儲蓄，2021年年頭時資產約50萬，但最近3個月帳面蝕了接近10萬，我有d唔知點算好。

我留意了你專頁一段時間，見你話要控制現金比例，慢慢分注入市，但我今年2、3月時入市太心急了，在比較貴的時候入了很多貨，去得太盡，

留的現金不多，希望老師比下意見我，現時應該止蝕減持還是可以繼續長線持有？

現時持有：

9988阿里巴巴 $250 x 200股
1810小米 $26.8 x 800股
3067安碩 $17.85 x 3200股
6862 海底撈 $59 x 1000股

1579 頤海 $90.6 x 2000股
520呷哺呷哺 $15 x 3500股
1858 春立醫療 $53 x 500股

持有現金：約5-8萬

另外，最近我亦心郁郁想入285/3690作長線持有，我應該點分配同安排呢？

謝謝！

龔成老師︰

首先，你年底要開始新生意，由於時間太短，不宜投資。這部份所需資金，要先扣起，才開始投資計劃。

現時大市只在合理，最理想係現金和股票比例，大約各一半。

雖然你現時股票比例較多，而且有部份出現帳面虧損，但唔代表一定要沽貨。

我地持有一隻股票與否，應用其質素作考慮。如果質素係無變，依然優質，就算中短期出現股價波動，我地都唔洗太在意，長線持有就可以。

你現時有股票，都有長線投資價值，照持有就可以。春立醫療(1858)這股不確定較高，不宜有太多，暫時不要再加注。

比亞迪電子（0285）質素不差的，有潛力。睇佢過往發展都正面，有技術，而前景都唔錯。

考慮到近期的增長，現價算係合理區頂部，可小注。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂。若投資，一定不能大注。小小注，是較好的做法。

但你成個組合，有一個較大問題，就係你全部都係潛力股。佢雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你要加大翻平穏增長股部份，令組合更平衡。

------------------------------------------------

Q21667：

你好啊,阿sir，我曾經上過你堂，亦都關注你既fb好耐。但最近實在係忍唔住，有個問題好困擾我。

我今年32歲，穩定工作都係得兩萬一個月。大約得廿幾萬股票，有十幾萬現金

我家人話人地個仔買到樓有出色，有大志，有骨氣。為左各式各樣事情，為左佢既面子問題，日嘈夜嘈，唔知係米我心裡質素既問題，我真係覺得好難受。

我依家諗緊好唔好賣走哂d股票再同我家姐買樓？但我本身積蓄又唔多，人工又唔高，依家股市又跌緊，我真係好迷茫。

龔成老師︰

首先，每個人的人生規劃和價值觀都不同，所以唔需要同人地去比較，最重要係盡最大努力，做好自己。

你是一個成年人，成件事要用獨立思考，去理性分析，唔好過份受別人影響，因為只有你自己，才最清楚自己目標和個人能力。

講翻你現況，如果你無客觀置業需要(例如要結婚，需要一個屬於自己家庭的生活空間。)，我地就用投資角度，去分析而件事。

首先，你現有資金不多，現時香港整體樓價唔平，租金回報率唔算吸引。所以，投資在優質股，相對值博率會較高。

如果你有自住需要，長遠可考慮買樓，先買細價樓先，但你如果與家人合資買樓，要好小心，因為日後總會出現麻煩事。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時30歲去計，可用「平穏增長股」和「潛力股」，去創造一個增值平台。建議你用每月5成儲蓄，其餘先儲起，用一邊月供一邊儲蓄的策略。

選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

增長力較強的，可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有十幾萬現金和每月所儲倒的資金，就等大市出現一定程度的下跌，才大力度掃貨，然後長線投資。

到你累積到一定金額、有生活需要，或者樓市值博率開始吸引，你才再考慮樓市部份，咁會較為穏當。

------------------------------------------------

Q21668：

龔sir，必瘦站甘高利潤行業，而業務簡單，我覺得之後會好大競爭。

但我諗唔到必瘦站護城河在那裏，怎樣去在內地競爭，按理護城河應該系品牌，但佢品牌又唔覺有咩好口碑。

龔sir認為佢既護城河在那？

我之前4蚊入左10萬股，覺得roe好高，業務又簡單。

龔成老師：

其實佢旗下有好多過品牌，同埋都算儲多一定的客戶群，當客戶用開佢的產品，而又覺得不差，就會一直用，這是好多美容都有的模式。

佢已經建立左一個唔差的營運模式及網絡，要打進都不是絕對容易。

另外，佢有不少較新的美容儀器，這是較細公司未必有資源做到的。即是在某些產品上，其實有優勢的，這是中小型公司無的。你長線持有就得。

------------------------------------------------

Q21669：

老師你好，我係你學生，聽完你堂絕對認同你嘅理念，本人現50歲對投資完全不懂，現只有一層已供完樓，每月可動用4萬作投資以部署60歳退休，

想以月供股票形式供股，但手續費都吾平，請問有什麼方法可以再減低成本？1928、2388、0012、0066、0388以上股票如供.股的話，如何分配比例？？

多謝老師

龔成老師︰

你現時已有一個物業，係財富增值角度，未來資金，我地應集中翻係股票身上，去令成個財富組合更平衡。

以你50歲年齡，其實已開始為退休做準備，但同時，財富仍有增長力（但不是進取）。

由於你對投資完全不懂，對價值點定平貴，未必太了解。我建議你先利用月供模式，去建立一個股票組合。雖然成本較高，但可以減低買貴貨風險。

當然，你一手手買都可以做到月供效果，只要你現金平均地慢慢入市(如保持住每月定額買一手)就可以。2個方法都可以，一手手買更節省了銀行月供收費，但你必需確保自已可以有自律性地進行。

假設你用月供，你每月可以先用一半資金，即係$20000。其餘就先儲起，去等大跌市機會。

比例上，可以每隻佔20%。但就隨著年齡增加，你要慢慢加入一些收息股，去令組合更平穏。到退休時，收息股應佔全組合的100%。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q21670：

龔sir, 你好我係股票新手，看了你的教學片一段時間，未睇你的教學前買入的股票都係跌得好多，一路唔敢放，但一直冇升返，甚至繼續跌，

剛睇完你最新的片提到劣質股票應該賣出，不知可否給我一點意見？

以下這些是劣質股嗎？請問我應繼續持有，等回升再放出，還是止蝕較合理？謝謝你寶貴的意見

以下是我持有的股票：持股量不多

00410 ， 買入價$3.81
01382，買入價6.12
02007，買入價17.6
00005，買入價63.7

龔成老師︰

ＳＯＨＯ中國（0410）集團主要從事投資房地產開發、物業租賃和物業經營。

這企業過往生意增長力不強，同時無乜錢賺，如果扣除了投資物業重估因素，見佢有時出現虧損。投資價值不高，可考慮沽出。

互太紡織（1382）這股不差的。佢主要從事紡織產品之製造及貿易。

佢與主要品牌擁有人如Ｃａｌｖｉｎ　Ｋｌｅｉｎ、Ｌｉｚ　Ｃｌａｉｂｏｒｎｅ、Ｍａｉｄｅｎｆｏｒｍ、

馬莎、黛安芬、ＵＮＩＱＬＯ、ＶＦ　Ｉｎｔｉｍａｔｅｓ及Ｖｉｃｔｏｒｉａ’ｓ　Ｓｅｃｒｅｔ。

以及中國著名品牌如安踏體育與愛慕已建立了緊密而長期的關係，令集團能夠獲得穩定之購買訂單。

佢成品包括超過５０００款設計及規格，並暢銷世界各地，出品布料廣泛應用於各類紡織品，而成衣包括男裝、女裝、童裝、運動服、泳衣及內衣。

業務穩定，但增長力不高。這股可以作為收息股，但就唔好對股價有太大期望。

碧桂園(2007)，業務都算不差，但負債高，風險略高。由於你現時只係小注，持有係可以，但唔好再加注。

匯控(0005)質素比過往減少左，但不是無質素，但你預佢只係收息，唔會有太高增長力。

------------------------------------------------

Q21671：

Dear 龔成老師！本人今年约50歲，巳有一物業约6百萬已冇按揭，收緊租金，及约有股票200萬左右，現金不多。

我仍和家人居住，但想找多点空間。現仍在職，每月收入约萬零蚊。如想退休，現在是否可行？

or 待多少年才可達到財務自由呢？ many thanks

龔成老師︰

其實要睇你本身，對退休生活的要求。

由於你已有住居所，自住部份已經無問題。另外，你有一層收租樓，為你提供穏定現金流，可以支援退休生活上開支。

若你現時即時退休，你可以這200萬換成收息股，以6%股息率計，你每月就可以從這200萬收息股中，獲得1萬現金流。

如果這1萬，再加上你租金收入，係足夠支持你生活，基本上你已算是財務自由。

若你覺得未足夠，我地可以用這些股票，去繼續增值。我假設投資回報有10%（連股息再投資），10年後大約會增值至500萬。

同樣，我地將這500萬換成收息股，以6%股息率計，你每月就可以從這500萬收息股中，現在可以獲得2.5萬現金流。

如果你希望搬出自住，可能你需要收回放租單位，那你就要扣除收租部份收入，去計算你財務自由時間表。

你可以用以上方法，審視一下你退休方向，從而對投資計劃作出調整。

------------------------------------------------

Q21672：

龔Sir，你好！ 我是你去年九月投資班的學生。 想請教，騰訊已在$600以下， 我已留意這隻股票一段時間，

我用你提供的價值網去分析， 安全邊際以去到合理， 股價的中位數是大約$580，低位是$540。問題是中央政府的政策長遠會否令到騰訊難以發展。

現在是否合適時候購入？ 還是分段購入或者其他策略？ 謝謝回覆！

龔成老師︰

近期不少中央政策，都反映大型企業，可能面對內地監管進一步收緊，因此風險度增加左。

不過，我相信長線對騰訊(0700)影響唔會太大。內地政府不是不想佢賺錢，只是想規管佢。

佢已建立好完整的賺錢模式，加上大數據資料支持，長線發展係正面。但由於現時監管多左，你預都可能影響少少賺錢能力。

現價算係合理區頂部，無貨可先小注，其長線持有。或者你想穏陣D，用月供去儲貨，都係可以。

------------------------------------------------

Q21673：

龔Sir 你好,我是股票班學生, 剛上完第二課, 獲益良多, 聽完你對銀娛比對澳博既地段的長遠發展後, 我有以下想請教:

我看過你三本80後投資, 當中談及買樓最重要是地段, 地段, 再地段, 而香港買樓, 地段大家都知道是港島, 九龍市區, 啟徳發展區之類, 價格亦非常高,

但我套用到銀娛的理論, 現時東涌樓會不會是有濳力升值的地段? 東涌或屯門值得投資樓市？還是都是以高尺價買回一般人所共知的市區樓? 例如以大概500-600萬的預算。謝謝老師

龔成老師：

東涌的確有很多地發展，但你都要明白，最核心的區域，很難有太大改變，中環是核心商業區，九龍是第二個核心商業區，當中的發展及配套十分成熟，要取代根本很難。

最多只是，日後明日大嶼的發展，政府表平將會是香港第三個核心商業區，如果這計劃落實，東涌及屯門，的確會受惠，但你都要明白，當發展商業地的概念，配套成熟可分重要，這比起旅遊因素更加重要，加上澳門本身好細（澳門整個地方，也不及香港島的大小），地域因素始終較少。

而香港，當從事商業活動，就要考慮更多因素，商業活動往來，以及考慮人們近工因素，客戶等因素。

另外，東涌的供應始終較多，因此在整體的投資價值上，只是中等。

------------------------------------------------

Q21674：

龔sir,你好~有些關於事業上的事想問下你的意見
是這樣的~

現職工作自從上級離職後，工作量變得十分繁忙，亦十分吃力。

工作上又要兼做上司的工作，又要做本身的工作。身體亦出現了壓力大的徵狀例如:心口痛，個人比較想休息，調理身體

你覺得係呢個經濟環境，祼辭會不會很不智?另，如果裸辭後在家，家人很難相處，與家人相處不來，會否覺得兩頭唔到岸?如果你係我，你會點選擇呢?

龔成老師：

最好當然是找到另一份工作，先決定辭職，這是較穩健的方法。

另外，你亦可以在這刻，同步發展副業，利用放工等時間，當見到副業有發展時，就辭職。

當然，如果你本身已儲左一定的資金，而你身體開始支持不到現時的工作，就可以考慮辭工，休息一段時間，尋找自己發展方向，再出發。

------------------------------------------------

Q21675：

Hello 老師你好，我一路有留意你既專頁 不過投資上仲係新手，想請教老師我黎緊既儲蓄同投資方向

我宜家30歲, 月入大約$23,000, 家用$5,500,
出年有機會買樓同結婚 未知會唔會生小朋友 不過買樓會由男友支付 結婚亦無須洗費 但想保留部分資金作日常及將來生活洗費

以下係現有股票既平均買入價, 另外有現金100萬, 希望將來可以有機會自己有能力買樓收租,

請問老師以下股票係咪可以繼續持有，同埋點樣既投資/儲蓄既策略，可以令我既資產有所增值（月供股票較好？），謝謝

已有股票：
0002 $74.1@500
00012 $33.6@1000
00388 $539@200
02388 $21.3@500
02800 $26.95@1500
03067 $19.82@100
09988 $259.56@200

龔成老師：

如果買樓等支出，都會由男友處理，你現時的資金，就可以集中在財富增值，雖然你打算日後買樓收租，但這動作不用急，第一，你資金不算多，第二，你男友方面會買樓，如果以你地作為一個整體去考慮，你地不用太急同時買兩層樓，可以買完第一層樓後，隔多5-8年才買第二層，會比較好。

因為能有效平衡經濟週期、樓市週期等風險。

因此，你這刻可以好好利用這段時間，去進行財富增值，現金$100萬都可以部分投資股票，提升財富增長率。

現時的股票，有質素的，你可以長期持有。

至於現在的$100萬，你暫時可動用$30萬，分注投資股票，餘下資金再等機會（如果不懂分注買入，或無信心，就月供）。同時，你可以將每月儲到的現金，例如$10000，月供股票。

平穩增長股：潛力股
7：3
（如果你投資實力較強，可增加潛力股比例）

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21676：

龔sir，感謝你的回覆。我屬於可以承受較高風險嘅類型，想計劃將每月儲蓄的$8000作以下 月供：

0066 （$3000）
2800 （$2000）

餘下$3000月供1830 或3067 又是否合適？

比亞迪近期回調咗好多，心思思想再入貨，而家$145係咪好時機？

等我8月出約滿酬金後，就會報讀你嘅基礎班課程呀，到時會唔會繼續有優惠價呢？

龔成老師︰

以你50歲計，用$3000去供安碩恒生科技（3067），都勉強可以。但你要明白，這類潛力股風險較高，當你越近退休之年，比重就要慢慢下調，去做平衡。

而必瘦站（1830）長遠有發展，本身有一定的質素。但本質上較波動，無貨可以接近$4時，開始小注，但月供就唔係咁建議。

比亞迪(1211)近期回左唔少，現價可以月供，但直接買的話，最好等到$120才開始。

另外，由於佢同3067一樣，都係潛力股。以你年紀，潛力股最多佔組合2成左右，就好了。

現時大市只在合理區，資金唔好盡用。最好留有部份，等大跌市出現時，可以用來掃貨。

至於股價班（基礎班），現時造緊優惠價$8800，相信今年都會有這優惠的，放心。

------------------------------------------------

Q21677：

你好龔成老師，本人30歲，每月收入大概$16000，現金流有20餘萬，每月儲$5000，手持30餘萬股票如下：

941中國移動：1500股@49.7
1211比亞迪：1000股@157.1
1343偉源：[email protected]
2318中國平安：1000股@85.5
6622兆科眼科：2000股14.7

我想問一下價格是否都不合理？

我想入手27銀娛，這樣組合是否適合我年齡？

持有以上或加持，想35歲能夠達成100萬的目標是否做到？感謝

龔成老師︰

你現時持股，大部份都係有質素，買入價太致都可以，你可長線持有，但要留意以下3隻。

中國移動(0941)有質素，但只係收息股，增長力唔會好高。而你係偏年青，應先做好增值部份，因此此股不要持有太多。

兆科眼科（6622）係一間眼科製藥公司，致力於療法的研究、開發及商業化。

由於未有盈利，風險度會較高，加上企業規模不大，因此投資值博率未算高。

當然，由於規模不算好大，若果企業之後成功，可以好勁，但失敗對股價都有很大影響，因此是有潛力，有風險類。

只可以話，這類股，唔建議大注。你現時小注投資下好了，不要加注，同時要明白當中的風險。

特別要留意的，就是偉源控股（1343）。這類股票要十分小心！過往股價曾經極高！

過往5年，生意都無特別增長，中期業績更生意下跌，並出現虧損。

這股在過往，一年盈利只有幾百萬坡元，一年盈利平均只有波幣$3000萬，佢增長力一般，從事建築工程等業務，這類股一向估值都不太高，市盈率可能只有8-10倍。

過往曾被推高至近市值$40億！超誇張的價！

加上這股上市年期不久，上市時市值細，這是無原因之下上升，與之前的問題類股玩法一樣，小心！

現時市值$1億、$2億，表面唔貴，但這類股，根本對小股東不利！投資價值當然不高！

銀娛(0027)是平穏增長股，適合你年紀，現價合理，可分注或月供儲貨。

我假設投資回報有10%（連股息再投資），你每月投資$5000 + 現有資產50萬(現金和持股)，5年後大約會增值至110萬，故這樣安排相信很大機會達至你的財務目標。

但大前題係，你要做好月供，和好好整理好股票組合。質素差的，要換走。再加入一些合適又有增長力的優質股(以下股票，都適合你，可以參考下。)，才會較大機會做到。

另外現時大市只在合理區，20萬現金唔洗急住入市，可以等大市有明顯回調，才出手，並長線持有。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

------------------------------------------------

Q21678：

成哥，今次有一個腦袋急轉問題，我而家巴士司機工作十年了，如一日，好想離職，而家進修 英文程度小三，

以前唔讀書今年35歲了，股票投資美股，$60 萬。$20 萬現金。$10 萬比特幣，前路忘忘，求指點

龔成老師︰

當你覺得對現時生活不滿，落實行動去改變，係一件好事。

除了進修外，你可以再想清楚，你希望未來5年、10年、20年係過怎麼樣的生活。如果你想過這種生活，具體你要點做，才去有效率地重點做好準備。

其實你可以嘗試做小生意，一開始不要投入太多資金，慢慢成功先加大投入。

投資方面，以你35歲，投資應以增值為主。美股都有不少優質股票，你可以睇翻佢地質素，同增值潛力，去決定是否持有。

而20萬現金，你可以先儲起，等大跌市時，才出手入平貨。

至於虛擬貨幣，我不是這方面的專家，所以我太大意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

因此，這些虛擬貨幣，由於我無法作出專業分析，所以，我不會投資。

但如果你分析到佢長遠的交易大，大家都持續關注，就有價值，就值得你投資。

------------------------------------------------

Q21679：

老師，我係學生黎，因為最近我做緊一份功課，係關於小米股票，我唔係咁明點計算佢地流動比率，速動比率. 感謝老師

龔成老師︰

流動比率 = 流動資產 / 流動負債

流動比率︰主要用於分析短期償債能力的高低

速動比率 = 流動資產(但要扣除埋"存貨"部份) / 流動負債，

速動比率︰是比流動比率更嚴謹的要求，主要用於分析企業持有可用作償債的高流動性資產。

這些數字，你可以在年報中找到。你唔肯定自己計算指標是否正確，可以到一些財經網站(例如中銀網)，可以找到這些指標，來比對自己計算結果。

------------------------------------------------

Q21680：

老師，我每月七除八扣只可儲到$3000,目前成副身家得廿幾萬，持股狀況如下：

003。 32%
066。 21%
1810。 8%
3067。 5%

可用現金60000。 34%

應該如何好好分配同調整以上資金比例呢？

龔成老師︰

首先，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

（而這個%，是建基於股票組合上，並不是整個財富組合上，例如持有股票值$100萬，單一股票最多$15萬）。

你現時持股都有質素，適合年青至中年人士。但你個別股票，好似煤氣(0003)、港鐵(0066)都佔比過重，令風險過高。

你可以沽出部份，換至其他優質股。或者透過新資金，去慢慢平衡翻個比重，都可以。

現時大市只在合理區，餘下現金我地就等機會，有大跌市，才出手入貨。

另外，你要努力審視翻個開支，有無地方可以改善。盡力空出更多資金，去提升財富增長力。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

《做生意單價的「大」「小」!》 做生意， 行行都辛苦，個個客都係麻煩，但每張單的大細會好影響你的付出/回報比例。 你的生意長遠應該如何部署? 可如何變通?

全文內容 ......

大有大做，細有細做，但得嘅話，做生意盡量做「大」嘢。

前兩日同幾個朋友交流生意心得，佢哋分別係做會計師樓、教育中心、同埋頭皮護理，即係增髮啦。

大家互相畀阿下意見，對我自己都啟發都好大。我話做生意，你批貨賣嘅金額，每張單最好盡量係「大」。

如果有兩個朋友，一個朋友同我講佢係賣煎釀三寶/碗碗碟碟、 開補習社/髮廊，做美容/按摩。另一個朋友係做金融/地產 、賣樓/賣地、 做醫學美容/心臟手術/基因改造、賣飛機/大砲/穿梭機都好，總之人客願意付出金額大嘅嘢啦， 我估.... 後者嗰位朋友應該係有錢啲。

如果你賣襯嘅嘢，每張單起碼都講緊要成幾萬、幾十幾百幾千萬以上， 我估你窮極有限。 人客唔會為咗一萬幾千同你講價， 你係賺緊有錢人嘅錢。 一個月做幾單已經夠維皮，做多幾十幾百單就賺大錢。

但如果倒返轉， 你係道賣緊兩蚊件蛋撻， 即使排曬大隊， 你要賣成萬個，賣到氣喘，嗰日先至做兩萬蚊生意。 當你每日營業十個鐘， 每個鐘頭要賣1000個， 即係每分鐘要買16.6個，每3秒賣1個， 先至做到呢條數，即係近乎冇可能。

即時畀你做， 每個月賣30萬個 蛋撻，等如60萬營業額。四成去咗食物成本，三成去咗人工，兩成去咗租金，你都只係賺一成，即係每個月賺六萬蚊。 做到死下死， 一個月做足30日，唔使放假，廁所都唔使去，就係賺6萬蚊囉。

倒返轉， 你專門去餐廳敲門口，賣自動蛋撻製造機，10萬蚊部， 一個月賣幾部， 可能已經夠維皮。 打開埋大陸東南亞歐美市場，世界咁大周圍賣機有排做。

My point is: 做乜都辛苦， 賣乜個客都係麻煩， 但同等嘅付出，有啲回報低，有啲回報高。 你會揀邊個呢?

我以前買賣小生意，做過千單交易，每間平均交易金額幾十萬。 依家買賣舖， 成間舖平均交易金額幾千萬。 大家都咁難，但回報唔同，如果有日我買賣過千間舖，我都應該唔差。 再行多幾步，我都好想廿年後有一日，如果同你講我買賣緊成塊成塊地， 成個成個島，每塊每個幾十幾百億， 我估到嗰陣時我就真係已經不得了。Will see...

我屋企人做財務都係一樣。 樓宇按揭， 喐襯按一千幾百萬， 一個月唔使多單，利息已經夠維皮。 但做私人貸款? 每單幾萬幾千， 服務一樣要做足，唔還錢? 一樣要追數， 追到氣都喘都唔夠數， 做幾十單私人貸款分分鐘都唔夠一單樓宇按揭好賺。 如果我屋企人靠做私人貸款就死得。 包括我在內，如果我靠買賣幾十萬嘅小生意仔都死得! 因此2013年我決定唔做，用3年時間轉型，專注做「大」deal。

當然做任何事情，要按步就班，量力而為。 一步步朝著大金額發展， 唔好急! 分分鐘要花上你五年十年轉型。 但凡事冇絕對， 賣蛋撻一樣有人發達， 不過長遠，只係相比起賣飛機/賣黃金/賣地/賣樓/賣鑽石/賣舖/賣石油，機會率低啲。

唔好講到咁「大」， 即使普通 一間嘅雜貨舖，都可以做到。 中秋節嗰晚，我一家人去咗上環新開有間叫 Hapi 嘅雜貨舖， 如果一般人就咁行入去，可能買幾十蚊嘢就走咗，唔知幾時回頭。 但好特別，佢推出咗一、三、十二月嘅會員制度 ， 入會後買嘢就平好多， 話係成本價啦。 會費平則468，貴則3576。當然有人入會，有人唔入。 但唔重要，重要嘅係佢把平均單價由幾十幾百蚊，一拉就拉到幾千蚊 ，仲要先袋未來錢。 把人客回頭嘅忠誠度大大提升， 我相信呢個business model 會係云云雜貨舖中突圍而出。老闆形容Hapi 為連卡佛嘅Costco，make sense，你又可否作參考呢?

最後，你賣緊嘅嘢，每張單的金額係幾大呢? 長遠有冇可能令張單價拉高，大啲呢? 如果你每張單金額又大，長遠做、專注做、 風風雨雨都係咁做，做到自動波「密食當三番」， 恭喜你，你到時肯定不得了。 努力把單價做「大」啦，加油!

「做生意，長遠努力把單價做「大」些! 」

。。。。。。。

有興趣參加【RAINSTORMING For 4 - 傾下你盤生意】?
Covid 第三波後，搞了幾場生意分享早/午餐會，希望對大家都有所啟發。對我自己也是溫故知新，我學好多嘢😉

我不定期在星期六搞，我請食 飯😀 限聚令，4位 (including me).

AGENDA
- 介紹自己及生意
- Do a SWOT analysis of your business - Srength, Weakness, Opportunity and Threat (強處、弱處及危、機)
- 大家互相交流，畀意見/ideas 如何改善自己及業務
- Takeaway value of the day (總結).

地點是中環。約3小時。

對象: 生意經營者/創業者

有興趣參加的話，請 whatsapp 你的名片給 Suki (我助手) 5566 1335。適合的話，她會再聯絡你。

免費 (我不是靠這行搵食😅)。講廣東話，內容部份是英文 English. 我請食飯 😉 大家交個朋友，多謝。

Note: 如果香港肺炎情況突然惡化，我可能會取消。

。。。。。。。。。。

【購買李根興的四本書:
(1) 【李根興的生意哲學】(最新2020年6月出版 - 定價$198)
(2) 【買舖 要買得 PRO】(定價$198)
(3) 【買起金磚頭 - 商舖投資煉金術】(定價$128)
(4) 【買起金蛋鵝 - 生意營商之道】(定價$128)

每本+$30 本地順豐快遞。

想有李根興親筆簽名及 personal message，可跟以下指示付款，whatsapp 付款紀錄給Suki (+852) 5566 1335。.

(1) PayMe：(付款鏈結) https://qr.payme.hsbc.com.hk/2/XnedEJjfaG6ipAmbSoYWP

(2) FPS轉數快 or Alipay：97453555

(3) Citibank花旗銀行戶口：
250-390 10935983 (Lee Edwin Kan Hing)

(4) Bank of China 中國銀行戶口：
012-878-2-0106664 (Lee Edwin Kan Hing)

(5) HSBC 滙豐銀行戶口：
828-594853-833 (Lee Edwin Kan Hing)

(6) Wing Lung永隆銀行戶口：
020-644-0000-3123 (Bridgeway Development Company Limited)

(7) Paypal to edwinlee@bwfund.com

🔸付款後，請將以下資料whatsapp至+852 5566 1335 (Suki)：
(1) 入數紀錄
(2) 你希望Edwin在新書上寫什麼名字 或是 “BLANK”?
(3) 取書方法(書本寄出的順序會以收到入數資料的先後次序發出)：
- 盛滙辦公室領取：中環皇后大道中16-18號新世界大廈一期1502至3室，辦工時間: 逢星期一至五, 早上9:00至下午6:00 (午飯時間: 中午1:00-2:00)，電話 2830 1111。
- 順豐快遞：請提供收件人名稱及地址 (香港及澳門，每本需額外加HK$30運費)
- 海外郵件：郵局平郵寄出(每本需額外加HK$70運費)，由於疫情關係郵遞需時1個月至3個月不等

#做生意單價要大

我們的日本（沖繩）買屋攻略第一篇： 看房子及注意事項

💥💥因為文章很詳細, 強烈建議大家到我們網站觀看圖文並茂的講解. 看FB應該會睡覺。電話上的閱讀畫面功能，用電話讀出全篇文章. 💥💥

💁🏻‍♂️我們網站: http://www.oki-family.com/日本買樓第一篇注意事項/ 💁🏻‍♀️

因為... FB更改了版圖設計...我不知道如何在照片上添加描述

🎬如果較多人對買賣樓宇有興趣，我們可以製作一條影片。請給我們一些時間。請在留言中讓我們知道🗣🎬

ACTION!

繼我們的日本移民故事後（http://www.oki-family.com/2019immigration03/） ，我們終於可以寫下一篇讓大家參考。沖繩買樓過程！日本買房子需要注意的事項，市場需求及陷阱等等。篇幅比較長💤，需要一些耐性看。建議大家可以留下作參考或分享給有需要的朋友。

仍然是那一句，我們沒有地產中介介紹，大部份資料也是網上公開。善用 Google。

命帶驛馬, 如果有留意命理紫微斗數、相學，可能會認識這個名詞。最簡單比喻是四處奔波，沒有固定居所。

Mia 出世短短八年, 已經搬過七次屋 （三次屬於沖繩）.... 這個紀錄應該不易打破。

為什麼我們又要搬屋？ 因為，終於輪到命帶驛馬的爸爸和媽媽（對！兩個都是）在沖繩置業了！（注：今次不是說購買日本墳墓過程🧟！https://www.oki-family.com/cemetery/）我們離開沖繩新都心，搬到另外一個區，在Outlet mall 附近的豐見城市。

我們一直想盡快取得日本永住，是因為我們沒有足夠資金購買房產，只有申請銀行借貸這一途徑。但是如果沒有永住，那麼就只能用公司名義購買，而審批涉及以公司之前的業績來評估公司有否足夠實力、能力還款幾十年，所以難度比較高（如果你有大量資產當然是另一回事）。

在買樓過程中，媽媽秉承一貫作風，做了大量功課📚，儘量理解所有選擇，包括地區、房子類型、房貸詳細內容。最後從開始看房子階始至搬入新居，只用了兩個月左右，和我們倉猝搬過來沖繩的決定很類似 （由決定直至踏足沖繩，共兩個多月），這些人生重大決定，往往就像買菜.... 但是其實, 背後已經做了很多功課（包括晚上開夜車）。

我們會用幾篇（暫定) 文章敘述我們的買菜經驗。
一篇：購買前的準備和購買過程。(以防萬一您沒有意識到, 您正在閱讀)
二篇：成功交易後至搬入新居的準備，需要注意的陷阱。(https://www.oki-family.com/日本沖繩買樓攻略第二篇/ ）
三篇：新屋和鄰居 (情人節之前)

💪🏻如果有人計劃在我們發布下章之前購買，歡迎您私詢問我們問題，我們將盡力回答

銀行貸款過程未必適合每一位讀者，但可給大家了解日本貸款過程。而如果想在沖繩或日本購買物業，又或者準備搬過來日本居住，本文更適合大家作為參考。我們會提及樓宇物料種對價錢的影響，市場價值，搬家前後的事情。

2015 年我們過來沖繩契機是幫爸爸的前老闆找物業投資機會。那時候的樓價很便宜，但回報也很低，感覺和其他日本城市一樣，沒有什麼升值潛力。而且五年內轉售，需要繳交30% 增值稅! (如果是居民,繳交的稅項更多!)

2018 年開始萌生購買物業的念頭，很喜歡在Outlet mall 所在的豐見城市。無意中發現，豐見城市有一片住宅用地由政府直接售賣給本地人，價錢非常便宜，一塊約330-350平方米的地，地價只是2000多萬日幣，建築費也是2000多萬左右。

但是購買條件需要是日本人或擁有永住權的外國人。如果兩者都不是，那麼可以購買地產發展商蓋出來做示範的房子；只是價格已經翻了一番。我們沒有資金以及資產，一般銀行只會貸款給永住者，所以兩者也不是的我們只能夠望門輕嘆😢。（真的是望住一隻門🚪嘆氣！）

那時候便下定決心，盡快取得永住權.... 不是直接從政府買地，是希望取得貸款資格！(是的... 我們沒有大志...🤷🏻‍♀️)

2019年，成功取得永住權！我們未忘初衷，開始往置業方向進發！

首先是在網上向不同的貸款機構申請預先批核，看看我們能夠負擔什麼價錢的物業。(🔥這個步驟非常重要！是令我們成功購買的一個重要元素！）找到物業後，貸款機構會作出最後審批，根據地段樓齡不同因素決定不同利率及貸款比例。新居可以取得100% 貸款比例， 換言之是不用首期。但不同的機構貸款利率相差非常大，我們下一篇再說。

媽媽便開始認真地研究不同樓宇資訊、稅項、手續費，怎樣影響我們的入息稅。最重要的當然是實地看。我們需要首先上沖繩的地產網站選擇。再打電話給打廣告中的仲介查詢、預約時間。這個過程效率其實很低... 😷

這是其中一個最多樓盤沖繩網站Uchina Life (https://www.e-uchina.net/map/mansion) . 大家可以在這裏先作參考. 有一些港台有售的沖繩樓盤也出現在這裏. 可以留意他們的刊登日期, 如果已經刊登很久仍然沒有成交,便要非常小心! 代表這些樓盤沒有什麼本地買家有興趣，未來轉手可能有困難。

在沖繩睇樓（看房），有一些地方跟香港不像... 這裏就算也有中央系統，但有些房子是屋主指定只有一個仲介可售，其他的仲介沒有資料！如果那個仲介沒有把資料公開在網上，就等於你只能很巧合地拜訪該仲介才發現這些房子。還好這些「隱蔽」房子很少，就當作自己沒緣分遇到就算了，不太影響。（但可以估計得到，因為是熱門物業，不用公開放售）然後也有一些地產仲介，不能買賣所屬公司系統以外的樓盤。所以在沖繩買樓，需要先向不同區域的地產公司打聲招呼，留下聯絡方法。他們會分別聯絡你。

我們新舊樓也有看，主要是看價錢和區域。最初的首選是一直居住的新都心，生活機能完善，而且女兒也不用再轉學校。次選是美國村，因為那一邊商業住宅也大力發展中。那麼我們很喜歡的南部？不是我們不想，是因為價錢超出我們預算.

我們發現，新都心和美國村的大廈比四年前有不少的升幅。新樓，價錢更加讓我們掉了下巴... 但近年好像有過熱，沖繩地產業界人士估計未來樓市會下跌， 一年內跌幅甚至達40%！ 我們不相信會下的那麼急，但樓市好像真的走下坡中。2018年，在市中心地段看海的樓盤，基本上因為內部認購，還未正式推出市面已經差不多售完。
今年，有一個新樓盤，價錢已經是同年接近最低價。剛剛開始還需要抽，才能認購。我們因為因為發現了現在的物業，放棄了抽獎。

地產經紀居然不停聯絡我們，叫我們介紹其他買家。可能認為我們不是日本人，比較有購買力......但可見，市況已經沒有之前的熾熱。
所以購買沖繩物業,現在要小心，不要胡亂聽說地產經紀介紹。

在日本，樓價分開兩部份。

第一部份為地價. ➡地價有機會上升，
第二部份為建築物價值。➡建築物價值只會下跌，甚至成為負擔！

銀行給這些建築物的評估價值為
木做建築物： 35年，
水泥建築物：65年。

超過這些年份，建築物價值在銀行眼中便會是0️⃣零。例如木造建築物、你在它樓齡25年時購買，銀行只會最多給你10年貸款期。換言之，買家如果現金不夠，便會有貸款困難。可能和中國傳統，颱風有關，沖繩人比較喜歡扎實的水泥建築物。當然樓價也比較貴。業對着海洋, 颱風便有些擔心... 所以物業比較容易受到侵蝕, 海邊的建議水泥建築物。

那麼地價？ 很抱歉，縱使沖繩的物業升幅是全日本最高，已經錄得連續6多年升幅 , 但是地價升幅未必能夠追上建築物自身跌幅⬇，所以很多物業價值仍然是會下跌。

當然有例外。例如新都心範圍,過去4-5年價錢升幅超過20%. 但是要注意, 正如報章所說, 樓市的確有下調趨勢. 很多樓盤開價高, 但沒有人承接.

沖繩現在的新樓宇，開售價跟2014-2016年比較，有30-40%的升幅。他們說其中一個原因是建築材料受到2020年奧運影響，東京搶去材料、所以價格上升得很利害。在新都心想找5千萬以下的新樓，應該不大可能。

順便一提, 很多人說在日本可以找到很便宜的物業。在沖繩，極度困難。沖繩物業比福岡還要貴。沖繩的郊區，比大阪東京近郊還要貴。

日本的大廈，需要繳付修繕費，作為未來修葺儲備金。金額會隨着大廈年齡提高，我們遇過最誇張的，每個月修繕費7-8萬円！

這個價錢不包括管理費、物業稅！換言之業主的每個月成本不計算樓價，成本已經10多萬。而且土地擁有權由大廈業主攤分，所以土地擁有的面積也相對降低。因為修繕費，這個無底深潭成為舊樓的負擔。💸

物業價值評估，需要考慮的是未來買家承接力。樓齡越高，銀行貸款越少，潛在買家群也一併減少。但是給政府的地稅，不一定會減少，什麼時候政府會持續減稅？？😑

所以常常聽到，日本人把樓宇和土地一起送出給＂有心人＂，因為沒有價值，但是仍然要繳納稅項，負擔很大。

➡2015年日本中央政府甚至通過法例，容許地方政府懲罰需要維修但是沒有維修的建築物 （空き家), 令到更加多人害怕破舊物業。

熱門地段，等收購？這模式在日本比較困難，因為日本非常保護租客，很難請他們離開，變相收購成本非常高！（所以樓宇如果有租約，轉售價錢可能反而比較低）此消彼長的情況下，舊樓不受本地人歡迎。很多物業代理便把這些舊樓轉售給外國人，因為外國人對這些認識比較少，便宜便覺得拾到好貨。當然有一些真正的超值樓宇，但很多物業代理也會優先聯絡自己的客人。

回到我們的故事，我們考慮過這些成本、看過好幾家大廈比較過後，決定把目標改為一戶建（獨立屋）🏡。

日本土地業權有很多種，比較常見的是：租地、擁有地。租地也有分新法合約和舊法合約，主要分別是土地擁有人怎樣才能取回自己的土地。這個問題比較複雜，我們也沒有完全掌握，不會在這裏敘述太多。

簡單來說，如果是舊合約的租地權，建築物擁有者才是真正話事人（😲你沒有看錯，建築物擁有者，比土地擁有者更受保障）。

只要建築物一日不拆卸、一直存在，土地擁有人也不能強迫收回土地。甚至有些情況，建築物擁有人願意拆卸，但是因為市政條例，例如和路邊距離不夠，不能夠拆卸。

這些物業比較便宜，但是因為很多人有所顧忌（主要是不能把「土地」留給子孫，因為建築物拆卸的一天,土地擁有人便有權收回土地。）流通力也比較低，銀行也很少作出貸款。所以縱使比較便宜，我們看過1～2間後也放棄租地這個選擇。

我們在美國村找到一家新築，建築物是根據民宿條例興建，除了自住，將來就算搬走也可以申請為民宿做Airbnb賺錢。

因為沖繩樓盤很少，所以隔天就打電話去說要買，要仲介幫我們留著。但是為了民泊而建，所以房子浪費了蠻多地方來符合牌照所需（主要是超多洗手盆，非常嚇人！），讓本來已經很小的面積，更見狹窄。本來催眠自己，想著跟好幾家美國學校靠近，覺得還可以。在實地看了3次，經過一番掙扎，推遲簽約日期後，我們還是決定取消（Sorry仲介），再尋覓下一家。其中一個推手是嫲嫲，嫲嫲不停說風水很差，開門對着廁所，殺氣很大！可惜兩人經過一番討論之後，媽媽成功為媽媽洗腦！（爸爸已經有40年的免疫💉，大部份時間也是我行我素）

決定放棄美國村後，我們把目光再次擴充，無意中發現我們的 Dreamland 豐見城有一家符合我們預算的一戶建，而且是新築。那天剛剛好是開放日，馬上舉家南下。

地區不用說，我們非常喜歡。兩層一戶建，對於媽媽這一些老人家會有少量不滿，但是每一間房間也很光猛，每個房間最少兩面有窗戶。後面也有『小花園』，這個真的是我們的Dream home! 我們決定馬上和仲介簽意向書。但跟着的種種時間表，完全顛覆了我們的認知，殺了一個措手不及... 下篇再續。

2020年2月7日更新 日本沖繩買樓攻略第二篇: https://www.oki-family.com/日本沖繩買樓攻略第二篇/

日本政府有一個網站甚至有英文版！（https://www.land.mlit.go.jp/webland_english/servlet/MainServlet) 可以查找每一個區最近成交價，由業主主動填寫，所以只供參考。

沖繩本島成交比較活躍的是 宇麻流うるま, 那覇市(包括新都心)，宜野灣，美國村附近和系滿附近。我們的所在豐見城區域價格比附近系満高，但其實只是一河之隔..... 主要是供應非常少, 而且仍然是一個比較新的社區, 附近全部是平房，光線非常充足。感覺非常安全舒適。這些也是本地人非常注意的因素。價錢看上去比較貴，但這個社區的人又不算太有錢？ 為什麼？ 我們未來文章會提及這一種因由。

伸延閱讀：我們的日本移民血淚史: http://www.oki-family.com/2019immigration03/

伸延閱讀：日本移居攻略 番外篇：常見問題Q&A 【簽證代辨不會告訴你的事情】2020年2月6日更新 https://www.oki-family.com/2019migration04/

#日本買樓過程,
#日本買樓,
#沖繩置業,
#沖繩,
#移居日本,
#移居沖繩,
#沖繩生活,
#沖繩okifamily,
#沖繩親子,
#沖繩旅行,

《做生意單價要「大」》 做生意， 行行都辛苦，個個客都係麻煩，但每張單的大細會好影響你的付出/回報比例。 你的生意長遠應該如何部署? 可如何變通?

全文內容 ......

大有大做，細有細做，但得嘅話，做生意盡量做「大」嘢。

前兩日同幾個朋友交流生意心得，佢哋分別係做會計師樓、教育中心、同埋頭皮護理，即係增髮啦。

大家互相畀阿下意見，對我自己都啟發都好大。我話做生意，你批貨賣嘅金額，每張單最好盡量係「大」。

如果有兩個朋友，一個朋友同我講佢係賣煎釀三寶/碗碗碟碟、 開補習社/髮廊，做美容/按摩。另一個朋友係做金融/地產 、賣樓/賣地、 做醫學美容/心臟手術/基因改造、賣飛機/大砲/穿梭機都好，總之人客願意付出金額大嘅嘢啦， 我估.... 後者嗰位朋友應該係有錢啲。

如果你賣襯嘅嘢，每張單起碼都講緊要成幾萬、幾十幾百幾千萬以上， 我估你窮極有限。 人客唔會為咗一萬幾千同你講價， 你係賺緊有錢人嘅錢。 一個月做幾單已經夠維皮，做多幾十幾百單就賺大錢。

但如果倒返轉， 你係道賣緊兩蚊件蛋撻， 即使排曬大隊， 你要賣成萬個，賣到氣喘，嗰日先至做兩萬蚊生意。 當你每日營業十個鐘， 每個鐘頭要賣1000個， 即係每分鐘要買16.6個，每3秒賣1個， 先至做到呢條數，即係近乎冇可能。

即時畀你做， 每個月賣30萬個 蛋撻，等如60萬營業額。四成去咗食物成本，三成去咗人工，兩成去咗租金，你都只係賺一成，即係每個月賺六萬蚊。 做到死下死， 一個月做足30日，唔使放假，廁所都唔使去，就係賺6萬蚊囉。

倒返轉， 你專門去餐廳敲門口，賣自動蛋撻製造機，10萬蚊部， 一個月賣幾部， 可能已經夠維皮。 打開埋大陸東南亞歐美市場，世界咁大周圍賣機有排做。

My point is: 做乜都辛苦， 賣乜個客都係麻煩， 但同等嘅付出，有啲回報低，有啲回報高。 你會揀邊個呢?

我以前買賣小生意，做過千單交易，每間平均交易金額幾十萬。 依家買賣舖， 成間舖平均交易金額幾千萬。 大家都咁難，但回報唔同，如果有日我買賣過千間舖，我都應該唔差。 再行多幾步，我都好想廿年後有一日，如果同你講我買賣緊成塊成塊地， 成個成個島，每塊每個幾十幾百億， 我估到嗰陣時我就真係已經不得了。Will see...

我屋企人做財務都係一樣。 樓宇按揭， 喐襯按一千幾百萬， 一個月唔使多單，利息已經夠維皮。 但做私人貸款? 每單幾萬幾千， 服務一樣要做足，唔還錢? 一樣要追數， 追到氣都喘都唔夠數， 做幾十單私人貸款分分鐘都唔夠一單樓宇按揭好賺。 如果我屋企人靠做私人貸款就死得。 包括我在內，如果我靠買賣幾十萬嘅小生意仔都死得! 因此2013年我決定唔做，用3年時間轉型，專注做「大」deal。

當然做任何事情，要按步就班，量力而為。 一步步朝著大金額發展， 唔好急! 分分鐘要花上你五年十年轉型。 但凡事冇絕對， 賣蛋撻一樣有人發達， 不過長遠，只係相比起賣飛機/賣黃金/賣地/賣樓/賣鑽石/賣舖/賣石油，機會率低啲。

唔好講到咁「大」， 即使普通 一間嘅雜貨舖，都可以做到。 中秋節嗰晚，我一家人去咗上環新開有間叫 Hapi 嘅雜貨舖， 如果一般人就咁行入去，可能買幾十蚊嘢就走咗，唔知幾時回頭。 但好特別，佢推出咗一、三、十二月嘅會員制度 ， 入會後買嘢就平好多， 話係成本價啦。 會費平則468，貴則3576。當然有人入會，有人唔入。 但唔重要，重要嘅係佢把平均單價由幾十幾百蚊，一拉就拉到幾千蚊 ，仲要先袋未來錢。 把人客回頭嘅忠誠度大大提升， 我相信呢個business model 會係云云雜貨舖中突圍而出。老闆形容Hapi 為連卡佛嘅Costco，make sense，你又可否作參考呢?

最後，你賣緊嘅嘢，每張單的金額係幾大呢? 長遠有冇可能令張單價拉高，大啲呢? 如果你每張單金額又大，長遠做、專注做、 風風雨雨都係咁做，做到自動波「密食當三番」， 恭喜你，你到時肯定不得了。 努力把單價做「大」啦，加油!

「做生意，長遠努力把單價做「大」些! 」

。。。。。。。

有興趣參加【RAINSTORMING For 4 - 傾下你盤生意】?
Covid 第三波後，搞了幾場生意分享早/午餐會，希望對大家都有所啟發。對我自己也是溫故知新，我學好多嘢?

我不定期在星期六搞，我請食 飯? 限聚令，4位 (including me).

AGENDA
- 介紹自己及生意
- Do a SWOT analysis of your business - Srength, Weakness, Opportunity and Threat (強處、弱處及危、機)
- 大家互相交流，畀意見/ideas 如何改善自己及業務
- Takeaway value of the day (總結).

地點是中環。約3小時。

對象: 生意經營者/創業者

有興趣參加的話，請 whatsapp 你的名片給 Suki (我助手) 5566 1335。適合的話，她會再聯絡你。

免費 (我不是靠這行搵食?)。講廣東話，內容部份是英文 English. 我請食飯 ? 大家交個朋友，多謝。

Note: 如果香港肺炎情況突然惡化，我可能會取消。

。。。。。。。。。。

【購買李根興的四本書:
(1) 【李根興的生意哲學】(最新2020年6月出版 - 定價$198)
(2) 【買舖 要買得 PRO】(定價$198)
(3) 【買起金磚頭 - 商舖投資煉金術】(定價$128)
(4) 【買起金蛋鵝 - 生意營商之道】(定價$128)

每本+$30 本地順豐快遞。

想有李根興親筆簽名及 personal message，可跟以下指示付款，whatsapp 付款紀錄給Suki (+852) 5566 1335。.

(1) PayMe：(付款鏈結) https://qr.payme.hsbc.com.hk/2/XnedEJjfaG6ipAmbSoYWP

(2) FPS轉數快 or Alipay：97453555

(3) Citibank花旗銀行戶口：
250-390 10935983 (Lee Edwin Kan Hing)

(4) Bank of China 中國銀行戶口：
012-878-2-0106664 (Lee Edwin Kan Hing)

(5) HSBC 滙豐銀行戶口：
828-594853-833 (Lee Edwin Kan Hing)

(6) Wing Lung永隆銀行戶口：
020-644-0000-3123 (Bridgeway Development Company Limited)

(7) Paypal to edwinlee@bwfund.com

?付款後，請將以下資料whatsapp至+852 5566 1335 (Suki)：
(1) 入數紀錄
(2) 你希望Edwin在新書上寫什麼名字 或是 “BLANK”?
(3) 取書方法(書本寄出的順序會以收到入數資料的先後次序發出)：
- 盛滙辦公室領取：中環皇后大道中16-18號新世界大廈一期1502至3室，辦工時間: 逢星期一至五, 早上9:00至下午6:00 (午飯時間: 中午1:00-2:00)，電話 2830 1111。
- 順豐快遞：請提供收件人名稱及地址 (香港及澳門，每本需額外加HK$30運費)
- 海外郵件：郵局平郵寄出(每本需額外加HK$70運費)，由於疫情關係郵遞需時1個月至3個月不等

#做生意要單價大