:​ "𝐏𝐚𝐬𝐭𝐚 • 𝐃𝐞𝐬𝐬𝐞𝐫𝐭 • 𝐂𝐨𝐟𝐟𝐞𝐞" ⤠ "𝘛𝘩𝘦𝘳𝘦 𝘐𝘴 𝘕𝘰 𝘚𝘪𝘯𝘤𝘦𝘳𝘦 𝘓𝘰𝘷𝘦 𝘛𝘩𝘢𝘯 𝘛𝘩𝘦 𝘓𝘰𝘷𝘦 𝘖𝘧 𝘍𝘰𝘰𝘥" ---------------------------------- ❢ 6月份喺西營盤新開嘅cafe，裝修偏向田園風格，店主將自己砌成嘅木櫈同木枱，配以綠色盆栽，打造出一個小小嘅打卡corner。呢個corner對住一塊落地玻璃，望住街景都幾舒服。佢地喺cafe後面仲有一個隱藏嘅室外位置，感覺類似喺一個小小嘅露台咁，同樣放滿綠色植物，景觀開揚，不過樓上冷氣機滴水問題有少少嚴重，可能要留意一吓。 店主們都好nice，每枱都會主動介紹返佢地嘅menu。而呢到都係pet-friendly嫁，不時都會見到好多狗仔喺側邊一齊食嘢，好熱鬧！ ---------------------------------- ​ ღ 𝘽𝙚𝙚𝙛 𝙍𝙖𝙜𝙪 𝙋𝙚𝙣𝙣𝙚 ($𝟏𝟎𝟖) 牛肉用上慢煮嘅方法烹調，令肉嘅口感更加軟淋。通心粉煮得幾煙韌，有少少咬口，同埋都好掛汁。因為用咗蕃茄嘅關係，令到肉醬嘅味道酸酸甜甜，加埋意粉上面整片半溶化嘅芝士，好邪惡但又好好食！ ღ 𝙎𝙖𝙪𝙨𝙖𝙜𝙚 𝙍𝙤𝙡𝙡 ($𝟓𝟐) Sausage roll嘅酥皮好香脆，質感又唔會太厚。裏面嘅香腸喺焗完之後都唔會乾身，保留到肉汁。不過酥皮嘅味道略嫌有啲唔夠，反而香腸有少少鹹。 ღ 𝙒𝙖𝙡𝙣𝙪𝙩 𝘾𝙝𝙤𝙘 𝘾𝙤𝙤𝙠𝙞𝙚 ($𝟒𝟖) 店主介紹咗我地試呢款Walnut Choc Cookie。曲奇喺烤焗後帶少許軟身嘅質感，切開後可以見到微微溶化後嘅朱古力漿，味道香濃。配埋雪糕一齊食好正！ ---------------------------------- ​ 𝗳𝗿𝗼𝗺 𝘀𝗰𝗿𝗮𝘁𝗰𝗵 📍G/F, 21 Western Street, Sai Ying Pun, Hong Kong 𝗕𝘂𝘀𝗶𝗻𝗲𝘀𝘀 𝗛𝗼𝘂𝗿: ​ 08:00am - 18:00pm (Wednesday To Sunday) ----------------------------------​ @fromscratchhk