【#GS_interview】隨著 Mirror 的知名度提升，每位成員的動態也吸引了更多人的關注，也不難發現他們所穿的造型也有所改變。大家或者最關心的問題，是否偶像就不會出汗？但在香港，有一位很留意 Mirror 時尚造型的小鏡絲，她留意的不是他們為何一定要穿長袖，而是每位成員身上每一件單品的出處，更為他們開設專門解析Mirror造型的IG帳號！

討論香港電影死未，同討論香港樂壇死未，香港士多死未，香港辦館死未，本質一樣。

生生死死，都唔係果堆人討論幾個鐘（個鐘字冇搞錯啦呵？）可以改變。

而好多人就借住討論，去搵自己嘅所謂生存位置。如果討論咁有用，過去嘅日子我哋討論民主自由人權法治仲唔夠多咩？好多人就係覺得自己做KOL就可以改變社會，然後出下post，討論完就算。最搞笑嘅係，香港人鍾意去搵KOL拎實事plan，縱容政工作者做 ＃民主idol aka 做youtuber做KOL就當佢哋做咗實事（喂，立法會為食神呀屌你，做食神就叻，香港法治維護唔到就畀班泛粉幫佢護短話唔關佢事。喂，一早知唔關佢事就唔好當佢係民主希望啦好唔撚好？），然後討論討論討論。

討論好快就會完。死唔死都唔關我事。最近十年，睇親香港電影，十套有九套，都係因為有朋友做。唔係朋友做，我唔會有任何，係任何誘因入場消費，消費我嘅時間同金錢。

冇左香港電影，冇左香港樂壇，只係做果班覺得好緊要。好多我嘅朋友，知道我仲有睇電視，聽廣東歌，睇香港電影，仲會反你一下白眼，對住你講「有咩好睇？」、「女又醜男又核突咁都睇」、「我睇netflix好多年，冇睇香港電視好耐」，which is 呢班人，當中仲有好多好3，自稱好本土，好撚鍾意香港。

呢個香港有好多人，有好多聲音。我尊重唔同人有發聲嘅權利。人人都有權去決定自己點用時間同錢。

我有時只係覺得，討論「香港電影死未」嘅結論，唔重要。重要嘅係，食花生嘅人只係關心兩者點出招，出招過程好唔好睇。但估唔到，原來出招過程，都係咁悶。

不如搵其他嘢做吓睇吓，可能會開心啲。

＃香港電影
＃香港樂壇
＃死未？
＃成日話香港電影已死
＃你搵大陸個票房嚟同香港比梗死㗎
＃市場就係咁細
＃你唔賺人民幣就冇發為
＃好多娛樂圈中人都咁同我講
＃唔返大陸果班係返唔到咋
＃你估返到佢唔返
＃真人真事真人發聲句句有出處

不聽教聽話，路會不易走。

方皓玟（明星：第一百五十七篇）

方皓玟式打大佬方法

如果，要選一位最受香港人歡迎的女歌手，或者，你會覺得方皓玟無得輸。我有少少懷疑。

擺上網公投的話，方皓玟的確無得輸。會積極參與網上活動的，多數是年輕人。年輕人的訴求，就算不能夠作出合理反應的，內心其實也很清楚。最具觀眾緣的謝安琪今年仍然用虛擬角色的身份示人，難免離地；本來，鄭秀文重投廣東歌市場，情意結和新鮮感也有優勢，但《我們都是這樣長大的》再催淚，也不及林二汶首《最後的信仰》震撼。林夕的歌詞再秀麗，亂世之中，也不會比得上方皓玟首《人話》深得民心，還未計勇於直線抽擊的MV。由《你是你本身的傳奇》、《假使世界原來不像你預期》累積而來的期望度，在《人話》大爆發。多謝方皓玟，把所謂主流樂壇的好多所謂禁忌打碎。

看一看今日個世界，再不夠膽冒險，都應該要同意安全區完全不安全。好應該參考一下方皓玟。出道於二十年前左右，簽約大唱片公司。那個年代，大部份女新人都以模模糊糊鄰家少女形象示人，方皓玟不例外，但我好記得有一集《美女廚房》，方皓玟跟一班同期新人齊齊煮食，她的一臉不屑無法投入已經難以阻擋。被逼扭曲自己的方皓玟，跟大部份同類的遭遇沒太大分別，都是做完新人後無以為繼。轉投另一間大公司，自由度較大，但真正獲得認同，應該是加入小公司，變身獨立歌手之後。點解？可能因為少了一批以為自己還很懂得觀眾喜好的高層的寶貴意見吧。

當然，搞公投，可以不在網上搞，方皓玟就多數一敗塗地。例如，假設某電視台的樂壇頒獎禮也搞一個公投，基於大部份香港年輕人連不小心看到黎耀祥也幾乎需要嘔吐，很難想像他們會知道並且參與其中。換句話說，投票的，只剩下一班電視台的忠心支持者，即是根本不會聽新歌的一班人。就算放鄭秀文、謝安琪入去角逐，也不可能敵得過薛家燕與汪明荃。何況，鄭秀文跟謝安琪不會入到去也不願意入去？然後，你會覺得，如果選出來的，真是家燕姐和阿姐，不如選肥媽。至少，肥媽今年有新歌。

現實是，贏出來的，九成九是菊梓喬。不是因為在籌款節目讀出《Chotto等等》讓人聽出耳油，而是因為整間電視台播來播去只有菊梓喬，你日日夜夜只關心同一間電視台的話，你會以為全香港只有菊梓喬一個女歌手，無其他選擇，唱得幾難聽，她也肯定是最受歡迎，同時最不受歡迎。身處繁華盛世時，用這種排除異己的營運手段，的確搵到食，甚至搵到大錢。今日？真係有料到的，學一學方皓玟，咪再聽教聽話了！會累死你的，除非，你年紀輕輕已經甘於做枯井入面唯一一隻青蛙。

出處：am730