#香港廸士尼樂園重開的喜與憂
#點玩先好玩？ #重開有新嘢？
香港迪士尼樂園 | Hong Kong Disneyland 重開，我相信好多人期待己久。雖然寫起呢篇分享之時剛知道有確診者曾入園遊玩⋯其實樂園嘅 #防疫措施 好清晰及全面，就算外在環境措施足夠，都要遊人自律遵守並注重個人衛生。希望呢個剛重開嘅樂園響未來仍然係大家嘅 #親子好去處。

暫時唔去得樂園，不如等我重溫下我近呢三次入園嘅新奇事🌟 記低我嘅 #小貼士❣️
樂園重開近三週，我哋基本上每星期都會去一次。三次各有不同感受、不同體會：

貼士一： 打卡位
城堡🏰大概年尾完工，最近嘅藍天白雲影出嚟嘅城堡特別靚，不妨買張廸士尼奇妙處處拍+咭，一張卡可以download 返哂原檔，仲有廸士尼frame 添！誠意推薦廸士尼攝影師Jon 影相，佢好識氹小朋友，協助嘅演藝人員都好樂意幫你用手機影相📸️ 睇吓大家有冇機會響城堡附近遇到佢☺️

*我哋只係影相果陣除低口罩及同其他人保持適當距離，其餘時間全程帶住口罩😷*

貼士二：星期幾入園最好呢？
由於我哋係重開第二日入園，你會見到唔少樂園高層都落地做嘢，大家都好樂意遵守地下排隊指示嘅標記。普通大部分遊樂設施等侯時間少於5分鐘，只有第二次入園時因為係星期六嘅關係，#小小世界 居然要排20分鐘😅 第三次入園時係星期日，人流相對比星期六少🤫 可以直接入隊。

貼士三： MA餐飲優惠
指定樂園餐廳例如火箭餐廳：套餐買一送一，抵過叫一大人餐加兒童餐
大街餐廳叫兩個大人餐就送一個兒童餐，你落單時演藝人員都會提提你各項優惠，放心❣️

貼士四：演藝人員新班底
當 獅子王慶典 音樂一響起，我竟然有種莫名嘅感動，不自覺地眼濕濕🥺好似見返一班舊朋友咁❣️不過大家不妨留意下佢哋main cast Zemba 同Nana 都轉咗人做🤫

第一次入園時因為剛重開，控制機動遊戲嘅演藝人員好有 passion, 你係會從廣播中感受到佢講： Are you ready? Here we go! 嘅興奮心情
可惜⋯可能呢一兩星期天熱太熱了 🥵 最近兩次入園我再聽唔到佢哋好有活力嘅廣播🤷🏻‍♀️

貼士五： 快閃優惠
樂園基本上每星期都會做唔到嘅快閃優惠，上一星期做緊 #Snowwhite 裙, 今個星期就做 #Elsa 裙😍 $548減至$199😱 唔知下次輪到邊個 #公主裙 呢？

貼士六：親親廸士尼朋友？
大家都知無咗廸士尼朋友合照時間，不過巡遊表演繼續有嘅！我覺得轉咗形式嘅巡遊其實比之前近距離多啲，因為少咗巡遊列車嘅花巧裝置，廸士尼角式響卡車上可以更近距離同大家互動，
去片睇下➡️ https://youtu.be/2z2CpZjw3Jw

第一次入園時我哋幸運遇上 #高飛 同 #Pluto 一齊搭 #FlyingDumbo ,當時正值中午烈日當空，辛苦晒你哋喇🙇🏻‍♀️

每日不定時有 #廸士尼人物 會同你一齊遊樂設施，睇吓你運氣啊😉

因為我小時候好鐘意睇人物傳記，令我最深刻都係 #廸士尼先生 傳奇嘅一生，從佢嘅身上我真的深信奇妙，每個廸士尼的故仔同人物其實都係現實嘅縮影，表面看似簡單嘅 #童話故事，其實背後有大道理。
每一位公主其實都有唔同特質，華衣美服只係佢哋嘅包裝，最重要係佢哋特別嘅個人特質，如何憑自己所能而衝破難關！

以前曾經好驚自己小朋友會迷上公主，後來發現其實小朋友喜愛廸士尼公主並唔可怕，因為以大公主為例，佢會從每一個公主身上學到唔同特質，佢會話我知點解鐘意呢個公主，佢有咩特別同專長，而唔係hea 答我：因為個公主好靚😂

因為廸士尼的緣故，我家公主講得一口流利英文🤣 因為 #Disneychannel, 佢仲自學法文🤭

小朋友只要有興趣自然會主動學習去探究新知識，停課在家學習一樣可以好精彩💕
希望大家繼續深信奇妙，the best is yet to come ❣️

#MRsisterhood #makimoment #makievelynli #mimimomoma #runasofiali #玥柔每一天
#hkmami #香港媽媽 #hkparents #親子日常 #育兒日記 #happykids #hkinfluencer

香港一堆人，但求無錯，不求有功。就算破產，都可以賣地賣樓畀大陸人賺錢，做咩要益你香港人有 pokemon go 玩（如果呢d 野係真啦下）？

任天堂要搞，都唔使搞香港。好明顯係睇中香港係中國一部份，做既人就覺得「係中國發展」左，再返去升職jei，你估真係有心令香港有發展有景點？

香港回歸呢20幾年，最重要就係冇發展。咩中藥港，紅酒港，鮮花港，全部冇出現。點解？因為中國要發展，你香港發展晒，其他城市做咩？

一堆香港人，唔認清事實，就搞這搞那，以為自己在付出，其實只是在空轉。

香港，由回歸一刻開始，就註定係做從屬附庸，香港人唔明，仲以為自己活得好好，都幾有趣。

都係 ＃飲飲食食最開心 啦。之後又有人走黎問有咩高見，講完又話你冷氣軍師，唔講就話你剩識抽水。講完教埋點做佢做唔到就話你唔夠現實唔認自己能力不足。呢兩日d人成日話有人消滅歷史，消滅講真話既人，講到好似第一日睇到咁。你地冇睇呢個page，有幾多人幾想消滅講真話既人架咩？

明明生活舒舒服服，做咩無啦啦係平時既日程入面，寫多17萬字出黎，仲要畀團隊話我辛苦自己？

含住一口氣，頂住成背脊箭，都要寫一本書印一本書，就係唔想呢一年發生既事，最後只係剩返建制派同反對派兩個角度。

我講多次：如果呢一年既歷史，最後係由建制同反對派是旦一邊既陣營寫，我好肯定，都有一堆流過血、汗、淚既香港人，會不服氣，死不瞑目。

～～～～～～～～～～～～

《未敢忘記 2019／20》可以去第二輪預售：https://gogetfunding.com/intheyearof201920part02
�
寄書資料form：https://bit.ly/2019202ndround

謝謝你們。感謝，感恩。�
健吾 《未敢忘記2019／20》團隊

#2414
[海狗]
(海洋公園高層無能，葬送一個起死回生嘅方案下)

聽落相當吸引誘人，任天堂唔單止提供大綱，仲草擬咗一份細節詳盡嘅樂園設計，好多細節都位都落足心思。例如唔似pokemon go隨機出現精靈，所有精靈都在特定指定地方生態出現，或是大型節日活動，務求要遊客走遍整個樂園，唔會錯過任何一部分。而即使未能在一天內完全收集所有精靈，有關記錄即會儲存留待下次光臨樂園時再取出，充滿耐久性。任天堂更咗度條好橋，將原有海洋劇場改造成遊戲裡面嘅華藍道場，遊客欣賞完表演出場時可以獲得水系精靈，更結合AR技術，真實動物與虛擬精靈共演。其他亞洲動物園區都有近似做法，等遊客可一邊捕捉精靈，一邊參觀動物園區，呢種做法同海洋公園生態，動物保育同教育嘅價值觀吻合，更昇華到新嘅層次，意義具大。

至於機動遊戲方面，實際改動不大，只需要加裝寵物小精靈圖案同裝置，例如鯉魚龍過山車，比卡超鞦韆，小火馬旋轉木馬，鬼斯通鬼屋，巴他蝶情侶摩天輪等，配合相關主題，已經好有創意，耳目一新，大人細路都鍾意，玩味十足。所有staff都會成為穿著遊戲動漫裡面嘅制服，當成npc人物協助遊客。

樂園仲有太多太多心思細節，唔係到一一列舉，只舉幾個個人認為幾有意思嘅設計，例如連纜車圖案都會變成精靈球，所有椅子都是卡比獸，電燈都會電有磁怪圖案，歌唱表演會有可丁出現。園區保安拖住穿著護神犬服裝嘅狗仔示人。

香港海洋公園本身就有好大優勢，首先係被山海環繞，容易營造遊戲世界嘅實境，加上原先就計劃分成威威天地，亞洲動物園區，夢幻水都，冰極天地，熱帶雨林天地等八大園區，只要悉心重新佈局，重現世界複雜性比起其他國家嘅主題樂園低，再加上港人員工英文水平好，又熱愛日本動漫同電玩文化，，海洋公園更前幾年更同任天堂合作過，具備相關經驗，前任盛智文更疾呼op要推出AR同VR技術，相信任天堂對香港合作營運有好大信心。

但係計劃最後都被一班官僚作風，不思進取，與時代脫節，缺乏膽識嘅幾位董事ban咗。還我哋部門一個公道，我哋部門認真開多次會議商討可行性，並同日方多次溝通接觸，分析各種方案，完全冇怠慢同輕視日方，對方誠意十足，提供op一個起死回生，雙方互贏嘅方案，但最後都被一班JB,GBS垃圾董事ban哂，我哋部門唔清楚董事開會嗰陣，背後政府有冇份否決，如果有真係罪大惡極，呢個政府同班董事一樣廢到無倫，係op沉淪嘅原。

同事聽返嚟上面董事否決嘅原因有幾個:

1:全球首創，冇相關寵物小精靈主題樂園先例參考，太過冒險

(唉，可唔可以有啲膽識同遠見，成日思維都跟人哋先叫安全，希望唔使預鑊，永遠落後人哋)

2: 驚改造後缺乏香港本土特色

(呢個仲好笑，你而家呢個樂園香港人都玩厭，仲講咩香港特色，都更何況海洋公園本身唔似迪士尼或者環影城，故事架設十足，世界觀完善嘅主題樂園，op個主題籠統求其，遊客玩完都唔會記得你嗰幾隻威威與好友吉祥物，而家呢個寵物小精靈面向世界，全球知名度極高，海洋公園難得可以浴火重生，徹底改造，重新佈置整個樂園，走向世界成為一個國際級主題樂園，相比起死守本土特色，香港擁有一個引以為傲嘅國際首創主題樂園更為重要)

3.擔心造價過高
(你可以分階段完成啫，冇人叫你一次過建成
仲有你可以同賽馬會合作都得㗎啫，又唔係第大次)

4.擔心同任天堂合作，失去控制權
(你班高層驚自己後路啫，呢點我哋同事仲睇唔過眼，班董事本身都經營到一舊屎，而家死到臨頭仲顧自己多過樂園本身，唔為大局著想只考慮自己個官職，愧對香港人，犧牲香港利益)

5.擔心鄰近地區抄襲
(呢樣野我承認係一大問題，特別係中國，但相信香港官員，日方同中方可以互相配合，儘量避免重疊，寵物小精靈故事咁多代，可以各有各玩都不成問題，更加可以發揮協同效應，造大個餅都得)

6.驚AR,VR虛擬技術跟唔上
(咁咪虛心同迪士尼，環球影城取經囉，人哋都做到有聲有色，技術發展成熟，未理由香港唔得，大把人才，除非香港個創科局係擺設)

而家疫情就快完結，日本usj嘅瑪利奧園區就快開幕，相信佢哋會取得空前成功，接著就會幾年內緊接推出寵物小精靈園區。我哋同事見近日海洋公園嘅議題成為城中熱話，所以先決定將呢個秘密公諸於世，仲有大量有關細節基於機密原因唔可以公佈，只可以講op同事同任天堂一班員工相當洩氣，我哋同日方宣佈結果嗰陣真心為香港感到羞愧，睇住。幾個月嘅努力付諸流水，完全敗於高層嘅愚昧，眼白白睇住香港將呢個機會葬送畀其他國家，萬一最後係國，中國或者新加坡，台灣等國家創辦嘅話，班高層真係死不足惜。
大家可以睇到香港班董事完全缺乏創意，遠見，行動力同實力。呢啲軟實力積弱不振，先係op瀕臨破產係死因。希望高層可以痛定思痛，扳回一城，利用環球影城保守嘅心態，加上疫情影響未敢放開手腳，借機會主動同任天堂重新合作，給予op一個起死回生嘅機會，重拾東方次珠嘅美譽，拯救香港旅遊業。

旅行篇：☀️見到大家反應都幾好，估唔到原來好多人都鍾意睇旅遊日誌，好啦，咁你哋真係要支持喎 ，我就繼續寫落去啦！🥰 記得俾個like我呀！👍🏻👍🏻👍🏻

福岡Day 2: 去咗 香椎花園 森林家族樂園
入場費 :大人$1100yen
小童（三歲以上） $700yen （3歲以下免費）

網址參考：www.nnr.co.jp/kashiikaen/ （日文)

入場後，首先會見到好多小型嘅機動遊戲🎪🎠（小火車，升空小飛象，小型過山車等等）🎡🎢
有一啲係投幣方式，大部分是要買代幣，印象中每坐一次每一位$300yen (大小同價）🤑
我帶2個小朋友坐1 round 已經係$900yen ( 即約$63港幣） 所以我建議，如果打算玩好多機動遊戲嘅話，就最好買佢個手帶無限次任坐 （ 手帶好似係$2xxx yen) 我地去當日突然下大雨，所以冇買手帶！
個園區好大，行過咗一條森林隧道，就正式進入森林家族公園。 🐰🐶好多影相位，幼兒及小朋友都適合⋯ 美中不足係入面好多設施（例如：想入森林家族間屋）都要單一收入場費。
入到盡頭有個巨型室內遊玩區（有波波池）呢個我就覺得好抵玩（當日基本上係我哋包場）
另外森林家族餐廳同禮品屋必去，食嘢打卡都抵！ 🍱🍧🍰

🏬公寓apartment 入住篇：（碌到最底有相）
見到有好多人問我地住邊一個apartment，其實我都係透過網上訂，呢間叫： 博多天神2號粋旅住宅酒店
（英文： Ikidane residential hotel hakata tenjin 2)
優點： 好新好乾淨，直情成間屋咁設備齊全
我訂個晚$400港幣咋！ 🤩🤩
一張雙人床一張日式榻榻米⋯ 2大2小夠住！

呢間 有電梯的（ 見過有人分享話住apartment 冇電梯要自己搬行李上幾層😱🥵

小缺點就係: 1) check-in 要自己搞掂( 跟email 指示
2) 要早check out ，10am 就要check out!
3）樓下停車位有可能滿 ，可嘗試早點email 預留（ 不過附近都有停車場）

🗣🗣🗣差啲唔記得咗仲有一點大家必定要留意： 呢類公寓式apartment check-in time 比較遲，5pm 先可check-in , 我覺得真係比較適合自駕遊，因為啲行李可以留喺車內，或者連續入住起碼2天，咁就唔使搬來搬去！

之後幾日仲有好多靚景行程，亦有住另一間apartment，後續
#HAHA之家 #福岡之旅 #回憶旅行篇

蠶室站地下街，由於附近有樂天世界購物城和樂天百貨，絕對能滿足你的購物慾。店子雖小,共有135間,總能滿足你由衫褲鞋襪到化妝品、讓人目不瑕給。以便宜的價格買到流行服飾，是血拼族的一大樂事。內裏有幾間韓式茶餐廳,附近是樂天世界和超市,享受更多購物樂趣。

看櫻花在附近兩個公園Olympic Park和Sangpa Naru Park。

樂天樂園的機動遊戲和溜冰場,要浪漫,有驚喜,情侶、家人、朋友都滿足到!

請用片右下角調HD1080高清睇片。


Songpa Naru Park,Seokchonhosu Lake,Jamsil nearby attractions,Seoul Jamsil underground shopping center