【龔成問答信箱】（Q19281-Q19300）

Q19281：

你好，見你書都有講到當價格高於股票價值或者市場過熱既時候可以賣出, 但亦有講如果隻股係有潛力可能真係可以一路升落去....

如果好似吉利或者比亞迪咁既情況, 唔知佢地會升到邊但佢宜家又其實係處於貴既水平..咁樣個心理掙扎應該點處理好?

龔成老師：

無絕對答案，我地只有分析佢的增長力。例如一間企業，佢企業價值$300億，現時市值$500億，這已經是貴，其實可以賣出。

但如果企業有增長力，企業價值過2年後預期會上到$600億，這刻雖然貴，但慢慢變回平，因此，這刻賣出有可能買唔翻。

所以我地會考慮佢的增長力，當愈質素愈高增長力的企業，就應該相對更貴先會考慮賣出，這是一個值博率的問題。

同時，會假設在賣出後買唔翻，你就要想想，去到幾貴去吸引你賣，去承受「賣出後買唔翻」這風險。

------------------------------------------------

Q19282：

阿sir, 我上完堂之後，發覺有好多後生仔女上你堂的⋯⋯

感覺到好多後生仔都好識諗，眼見後生嗰批有50-60%，好利害，阿sir你好有吸到力

龔成老師：

哈哈哈，可能我在書同網上，大力叫年輕人會緊張多D財富，因為我地用「先投資，後享受」的方法，我希望多D年輕人可以把握呢段時期，好好累積財富。

或者我講得多，有D效果。

------------------------------------------------

Q19283：

老師我想問問供股係咩
供股又點唔供又會點

龔成老師：

用做生意去講就明，原本各生意伙伴一起做生意，而公司因種種原因，希望股東們再夾多一些錢，投入到公司裏。

若果選擇夾錢的，那就需要投入更多的現金，以認購新股；若選擇不夾，所持股份的比例將被攤薄，所佔公司權益的比例將減少。

公司得到資金可作發展、還債或其他用途。而供股和配股的分別，在於供股的集資對象是所有股東。

所以，供股就是每名股東按持股比例，獲發相應的供股權股數，而持有供股權者，可按定好的供股價，認購新發行股份。為了吸引股東認購，供股價通常會較現時股價有一定的折讓。

供股，就要投入資金，如果你唔想供股，只要不理佢就得。

------------------------------------------------

Q19284：

你好，我21歲我手頭大概有3萬可動用資金,我見你俾左唔少選擇。

但係我見你其他影片都有更多唔同既建議,禁你覺得我應該買邊隻,同埋點分配資金。(唔係好想月供,因為自己本身有月供基金)

仲有想問中海油883,
俾美國制裁長遠會唔會升翻上去9蚊

龔成老師：

我地投資，就是建立一個「財富組合」，當中有幾個好重要的條件，第一，優質股，第二，價格唔好貴，第三，適合你。

我盡量會講一些較有質素的股票，不過，你都要自行選股，你都要有學懂分析的能力，選擇一些你認為值博率較高，自己較認識，以及適合你的風險年齡的。

如果不懂選擇，就盈富（2800），又或較高增長力的安碩恒生科技（3067）可長線。後者的回報較高，當然風險都會較高。

中國海洋石油（0883）雖然質素都算有，但不是最高質類別，佢對油價較為敏感。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資，但相信油價上翻佢會上升的。

------------------------------------------------

Q19285：

呀sir，我就睇完你本2百萬富翁！好想多謝你分享你既故事俾我地知，想問你d書有無電子版咖？

同埋睇到最後話可以去shing kung fb page睇你當年既旅程相片，點解唔見有既？係咪公開咖，想睇

另外，我兩至三年前上你既堂有月供1211，升左好多，如果遲下跌番都會繼續供，多謝

龔成老師：

我部分書有，部分就無。電子書：

https://www.enrichculture.com/products/9789888599448

當年既旅程相片，該FB應該有的，你細心在「相片」「相簿」裡找找。

你跟翻《80後2百萬富翁》當中的FB網址，要加該戶口做朋友先得。

比亞迪（1211）我自己都會長線持有，如加注，真的等跌先。

------------------------------------------------

Q19286：

龔成老師你好，想問下如果一間上市公司宣佈將其下業務分拆，對於其股價係咪利多於弊？為了釋放價值推高股價？謝謝！

龔成老師：

無絕對答案，每一次都會獨立分析。

所謂的分拆上市，就是將佢某些業務，從這間上市公司分柝出來，然後以一個獨立地位上市，佢會將該業務的部分股權賣出，令公眾可以持有。

佢就會因此而得到資金。

如果企業能好好運用這資金，再投入落翻間公司發展，就對企業有利。

另外，當業務獨立上市，就會出現了具體的市場價值，如果該業務好值錢，只是市場一向忽視，到獨立上市後就見到真實價值，由於原上市公司仍持有該業務一定的股權，所以當柝出來上市的公司股價上升，原公司股價都會上升。

------------------------------------------------

Q19287：

老師你好，我最近幾個月開始睇你fb及書，開始知多左儲資產的概念。

我都好中意你書入面會有好多formula教我計數，因我本身數學真係差，想問下我點計複息回報？

比如我每月$10000投資，一年10%，5年會得到價值幾多既資產？有方程式嗎

另外，想問下1299友邦，1448福壽園的合理價範圍係點？

1448我見你書有介紹，感覺佢業務獨特，但1299少見你評論，想聽下你意見

龔成老師：

複息計算，你要用複利息表，成一些公式都計到，《80後百萬富翁》都有公式表。另外，你上網可以找到一些程式，輸入就有答案。

如果你上面的問題，會滾存到$73萬。

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，現價就處合理區頂，長線持有無問題。

至於福壽園（1448）有質素有發展力。管理層的野心很大，投資後不要升少少就快，要耐心持有，等長期更大的收成。

------------------------------------------------

Q19288：

龔成老師，想問一問你意見。如果想移民前賣D有升左好多的基金(多年前買入，升左50-100%), 依家基金價係record high。

請問依家係唔係好時候賣，還是可以再等等因美股及亞洲仲升緊。。。。(計劃大概出年年中走) 謝謝你。

龔成老師：

如果你有資金需要，或移民等因素。可以賣一半或全部。

現時的投資市場，部分新經濟類的版塊，的確有少少過熱，雖然未到好誇張，但你部分賣出是可以的。

當然，無人知賣出後升與跌，得上述算是較平衡的做法。

------------------------------------------------

Q19289：

Hello龔sir，無意中係facebook發現左你個page, 我係新手，想買你既書增加財務知識，點樣了解一間公司既價值/合理價，但人在澳洲，下年三月才返香港。

請問你有電子書版本嗎（我可以用IOS同kindle, kobo) ，我上網睇過你好似得Android 版本，或者有冇其他書你可以推介比我呢幾個月睇？

我最近先睇左poordad richdad認識投資既理念。

另外你覺得美股係唔係都可以用同一套理論？我見你成日建議人買/供盈富，美股ETF如SPY VOO等係咪都可以？
謝謝你

龔成老師：

我部分書有電子書的，你可以上網睇睇。《股票勝經》適合你。

https://www.enrichculture.com/products/9789888395767

至於美股，原理都是一樣。

我平時所講的，是價值投資法，即是巴菲特所用的方法，原理是買股票就是收購一間公司。對於全球所有的成熟投資市場，如美國、日本、歐洲、香港，都適合。

你可以月供美股的ETF，如VOO、QQQ，都適合你的。

------------------------------------------------

Q19290：

Hello 龔sir, 有些問題想請教。

現在月供$4000 盈富基金，如果想在大約3到5年後，可以有兩百到三百萬，請問:

1. 我應該要再月供邊幾隻股票？
2. 同埋供款要再多幾多？（我大約可以再供多$5000到7000，唔計盈富的$4000）

謝謝！

龔成老師：

1）如果要5年達到$200萬以上，你每月要投資$20000以上，先能較合理地做到。

除非你非常進取地投資高風險高回報的股票，否則較難做到（但唔建議）。

建議你投資平穩增長股+潛力股。

你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

2）最好每月月供+可投資的金額，合共有$20000以上。

如果金額不足又好想做到，可以有一個方法，就是花大量時間去尋找潛力股，只要比市場早一步找到就有機，同時要明白風險。

你一定要研究得好仔細，每隻股票要小心研究企業發展及企業價值等。

------------------------------------------------

Q19291：

龔sir, 前男友用我ac買咗00430，96000股@0.079 。但宜家得0.066，我唔知應該坐定放好ar

我唔係好識，唔該曬你

龔成老師：

東方興業控股（0430）經常出現虧損，從業務質素上，見唔到有投資優值。

這股股價上落大，你賣出較好。

------------------------------------------------

Q19292：

Hi 龔成老師 我黎緊明年會儲到20萬 想問如何利用20萬再賺更多既錢？

我剛才聽完你講夢想既片 我個夢想係買樓 所以我好希望靠自己置業。唔該晒

龔成老師：

你可以利用《5年買樓4部曲》這書所教的方法，一步步去買樓，這書很適合你現時的情況。

持有$20萬，你可以用來適當增值，但如果你投資經驗唔多，就建議你投資優質、平穩增值類的股票。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19293：

成哥，請問你會唔會買8隻股務求自製1至12月都有股息收架？

我感覺有股息收係好，但好似好分散咁

龔成老師：

唔會，因為這只是一個左右手數的問題，無必要這樣做。

你建立一個分散風險的收息股組合，可以，但就不應因為想每月有息收而這樣設計。你或者可以將一年的股票，每存入一個戶口，然後除12，下年再每月取回12分1，這已經是一個自製的方法。

------------------------------------------------

Q19294：

老師,之前聽你講過收到股息之後要再將股息投入返先可以做到複息效果,

我想問,若果我將A股收返黎既息去買B股,B股收返黎既股息買美股ETF的話,甘樣可唔可以做到複息效果呢，thanks

龔成老師：

其實都可以，只要有「再投資」的動作就得。

最重要是你之後投資的，要「有質素」，同時唔好貴，要合理或平。

------------------------------------------------

Q19295：

Sir，我有一個迷思: 如果賺少少就放，咁我再投資嘅本金應該會大左，即係好似滾雪球咁樣。

只要我再投資喺一啲有價值嘅股票，有賺先放。咁樣總共所賺嘅唔係應該會更多嗎？真的會比長渣唔放的效果差嗎？

龔成老師：

當一隻股股票升左，例如$100升到$120，你賣出，將資金投資另一股，如果另一股的回報高於原股，你會有著數。

但如果原有股的增長更強呢？例如你持有388，佢由$4升到$400，你升少少放，有信心找到另一隻高增長股嗎？

------------------------------------------------

Q19296：

老師，有時見優質股由高位跌左，雖然想入，但很容易害怕， 如果它甚至下降20%，點算？

無法猜測趨勢

還是等待它以上升趨勢購買？

龔成老師：

害怕是一種心理因素，如果你要成為有實力的投資者，就要理性，不要被這些因素影響，我地只要集中「質素」「平貴」「值博率」，就得。

同時，你唔會估到佢之後的股價走勢，無人能估到。

所以，我地見到優質股合理時，會分注買入，同時留現金，買入後有可能下跌，但我地有現金就不用擔心。

------------------------------------------------

Q19297：

龔sir你好,唔好意思因為自己有個問題唔知可以問邊個所以希望可以問下你的意見,因為我近期有啲事比人呃曬啲錢,因此導致我銀行戶口接近無曬錢

信用卡戶口已經接近full limit,同時亦欠好多間財務公司的貸款(而呢啲貸款會由下個月開始就要供款)

因為我計過自己咁多間財務公司的每月還款額後係多過自己每個月的人工,呢個情況我應該先致電呢啲財務公司問問可以延長貸款年期嗎?(因有好多間我都選擇了分12個月)定還是需要做債務重組?

本人今年23歲,如果最壞情況是否真係要申請破產?

我至少已經無咗30幾萬,基本上來源都係信用卡同貸款,自己銀行戶口現時得番3000幾蚊,每月人工得15000左右

依家疫情問題萬一停工我真係唔知點算,希望龔sir你可以比啲意見我,謝謝

龔成老師：

你用信用卡及財務機構去解決問題，只會將問題變大，你要停止進行這動作。不要再增加負債。

如果你23歲就申請破產，基本上會影響你之後的一生，破左產你之後好多野都唔做得，影響好大，絕對唔好行這一步。

你可以用財務機構搞債務重組，延長還款期，令每月要還的資金少D。

另外，你要想方法開發收入，當一個人在絕路時，往往是佢的突破機會，做兼職、小生意、銷售等等，做一些你平時唔敢做的事。

你現時仍在得翻身，但就要你盡100%努力去開發收入，一星期有7日，我相信你總有空閒時間，你現時要好好利用這些時間，雖然會比較辛苦，但你都要面對問題。

當你突破左後，你會發現現時的數目不是大數目。加油！

------------------------------------------------

Q19298：

你好呀老師，如果我資金只能夠買樓新210呎單位，你建議我先上車嗎？

龔成老師：

最好當然有250呎，但如果佢呎價吸引，都都可考慮，我建議你睇睇《5年買樓4部曲》，睇完你會有更好的概念及策略。

你可以先買細價樓，再在日後轉大價樓。

當然，你要小心分析平貴，唔好比「入場費」「上車易」，這些因素影響，最重要睇物業質素、平貴、呎價、預期租金回報率。

------------------------------------------------

Q19299：

老師，終於睇完第一本！80後百萬富翁！睇完真係忍唔住要寫個msg多謝你無私的分享。我都係80後，睇完我真係相講我同你係相同思維模式嘅人，不過當然你叻我好多。

以前我有好幾次都有諗過學下投資買股票，最記得中銀上市想抽行出第一步但俾長輩阻止咗。問朋友個個都話好危險，睇新聞又成日講到好複雜咁令我卻步...睇完你本書我完全明白以前有幾錯，我早啲睇到你個page 便好。

睇完我set個短期目標係你課程學費的10倍，到了我便同你報名獎勵自己，你等我，龔sir

龔成老師：

有心唔怕遲，比起投資，我希望你日後要變得更有執行力，唔好理別人阻止，唔好因少少事就放棄！

定目標，大膽做！

期待你盡快得到學費10倍的財富，盡快上堂，然後再用知識將你的財富再增大10倍！遲D見！

------------------------------------------------

Q19300：

你好龔sir，小弟有幸幾年前機緣巧合在書局看到你的著作大富翁致富藍圖及財務自由行後深受啟發，自此開始不斷增進自己的財務知識，亦看了很多你及你所介紹的書，一直視龔sir你為師父

小弟今年38歲，幾年前在大灣區買了一個國內物業供父母退休及作長線投資用途。

明白現金長期只會不斷貶值，當時收入亦不俗，於是用了國內最大的槓桿7成按揭。因當其時憧憬國內物業升值，而無視了國內銀行的高利率5.88厘。

到了今年年初看到股市大跌，本準備開始供一些優質股，但同時發覺香港樓市也有所調整，兩者選擇下，我選了買香港樓作收租用途，幸運地現時銀行估價比買入時升了一成多。

由於現在要同時供兩層樓加上我生活上的基本開支，每月收入跟支出剛好打和，儲不了錢。我也明白我現時資產偏重了在物業版塊，但我手頭上的資金只剩20多萬，如果宜家再供股或槓桿買債是否太進取？

其實我真的有點後悔太早買內地樓，因現在也不能回去，忽視了高利率產生了高的負現金流變成負債

龔sir,小弟十分喜歡你平時發的post,非常正能量，但我很好奇你跟富爸爸作者羅拔清崎都不怕講出富人的秘密，因為如你所說富人係利用「系統」的運作剝削其他人，而令到自己財務自由，如越來越多人明白系統會變質嗎?

小弟文筆不好，可能表達得有點累贅
最後祝龔sir身體健康，資產大升值

龔成老師：

我地不會怕講出有錢人的秘密，你見我在《財務自由行》中，講出了真正的致富方法，只要你跟著做，基本上就能財務自由。

但對於絕大部分來說，佢地由於有固有思維，所以根本唔會接收這些新思維（就算這是正確），佢地會認為打打工、買六合彩是最好的方法，無想過一些能一步步致富的方法。

所以，有錢人的賺錢方法，已經是公開的秘密，但一般人仍不會去學，正是固有思維影響。

至於你的物業，始終是資產，又不用太擔心，但按揭利率去到近6%的確有點高，如果租金回報率不高的話，就無法產生正現金流。除非你認為無質素，否則，你持有就得。

你38歲，仍是財富增值的時期，因此，你唔應該投資槓桿買債這類現金流類的項目，應該著重「增值」。你可以投資「平穩增長股」+「潛力股」，這方向會較適合你。

你首增加股票知識先，之後再將資金投資股票。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q15501-Q15520）

Q15501：

老師，我上了你的堂，學左好多價值投資法，但有時候，我覺得迷茫。其實分析企業應該用過去數據還是推測未來的？

比如分析估值，會用過去每股盈利，PE.還是預測每股盈利，預測市盈率？

就算係巴菲特既老師（費雪，葛拉漢）睇法都吾同。

葛拉漢堅持買股票要有安全邊際。

費雪就認為如果該企業未來增長強，即使現時股價貴35%仍然值得買入。

老師教我地計估值會預測埋未來增長率，下年每股盈利。但葛拉漢就反對，認為未來有不確定性，用下年預測盈利來估值係錯既。

我入股票市場只有1年半左右時間，經驗吾多，只能講見過好多股票市場預期高增長而給予較高股價，到最後增長減慢，股價就會跌好多（比如3）

而少數股票貴得來仍然保持高增長而享受更高股價（3690,1177）

可見其實2位大師都係岩既，但我地應該選擇較保手還是較進取既？

因為我諗，如果跟費雪，我買既時候已經處貴位，不利位置，如果增長未如預期，股價將大幅調整。但如果跟葛拉漢，堅持安全邊際，有可能永遠買吾到（股價長遠向上）,無左好多機會成本。

吾知老師點睇？

龔成老師：

市場並沒有絕對的答案，投資世界，並不是數學1+1=2，這是由左科學與藝術左其中。

首先，你要明白大方向，我地會尋找優質企業，然後計估值，但估值是一個概念，根本沒有絕對的公式，你見我上堂所教的方法，就是以不同的角度去尋找企業的價值，當中是配合，並不是對立。

至於過去數據及將來數據，我地所買入的主要是企業將來的價值，但這個將來價值，要利用過去的數據作推算。

如果企業業務穩定，很易就能從過往推算到將來的情況，所以會多利用過往數據，然後配合最新的將來經營環境，作出推算。

但如果行業與企業變化大，強行用過往數據，就未必適合，所以會著重較多「預期」的數據。

就算是巴菲特，多年來仍是不斷進步，佢過往好著重「便宜」這概念，不斷用過往數據去衡量後要平先買，但其後，發現將來的價值最重要，因此又有所調整。

所以沒有絕對答案，但我會建議你配合去用。

------------------------------------------------

Q15502：

龔sir你好！我今年23歲，剛出來做一年野，我由2019下半年開始留意你page，多謝你成日對提問者不吝賜教，理財係香港教育同社會的確無點教。

我現時扣取支出，每月可儲約$12000，持現金約10萬，上年尾開始每月供$7000股票:$3000盈富、$2000煤氣、$1000恆生、$1000領展，打算長期進行，請問龔sir對此組合有無建議？以及現時股市回落應否再加大月供額吸多D貨呢？

另外我自己都嘗試過一手一手買，不過就發覺唔係咁易操作，例如我在$2.9時入左3手1137，到$5放曬，但後來1137竟升至$7，後來又回落，真係好難捉摸。

最終現時我只持有1000股823 @ $87.5，都跌左不少，唔知應否繼續hold住，或者入貨溝淡？手上的現金又應該如何入市？

我有想過要不要月供3140，投資少少落美國市場內，你意見如何？謝謝。

希望能獲賜教，謝謝你。

龔成老師：

月供所投資的，都是有質素的股票，分配金額無問題。

你23歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

我希望你遲D有更多投資知識時，可以加翻D潛力股在組合。

你這刻如現金多，可以加大原本月供的金額。你加入
領航標普五百（3140），亦是可以的。

領展（0823）有質素，但中短期較弱，如果再進一步下跌，就加多一注。

總之，記得唔好理中短期股價，買入後要集中長線持有。

------------------------------------------------

Q15503：

你好！龔先生。我係一名護士，現時31歲，月入45000。扣除家用，保險及日常開支，可儲$20000。

依家有$500000做左定期，但當然回報唔高。5月份到期，想將佢好好運用。

睇左你專頁之後，想試下買月供股票。個人投資屬保守型，想用$5000買月供股價，另外都想揸一手優質股。想問下你意見。謝謝！

龔成老師：

你持有太多現金，這只會令你的財富貶值。

我相信你未明白股票，所以仍有點怕，其實股票就是企業，你可以選擇一些有質素的企業，長線持有。而我地投資，並不是炒炒賣賣，而是買優質股，長線。

原理是建立一個平衡優質的組合。

不過，這刻由於你知識與經驗都不多，所以唔好急。

你可以投資「平穩增值股」，做月供股票，每月$5000。

你可以考慮盈富（2800）$2000。

另外再加2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$5000。

至於你想入一手優質股，就初階者來說，盈富是最好的。因為這是一個組合，當中有50隻股票，對你的風險最為平衡。

------------------------------------------------

Q15504：

小弟剛剛讀完書出黎做咗一年野，同女朋友計劃係五年內上車買樓結婚（600萬以內樓盤，自住用途），我現時月入$25k，有儲蓄約10萬，現時只有月供$5000盈富（2800），另外有以下股票：

匯豐（00005）: 1200股@平均價62.15
盈富（2800）: 1219股@平均價27.4

初時只系想買收息股收息，不過知道以宜家年齡應該再進取一些，所以已經停止購入收息股，我扣除家用日常開支，每月大概可儲$13k，想問成哥如何運用手頭現金儲蓄及股票投資去達成以下目標：

1. 我應該每月月供邊幾個股票？分別月供多少，該剩下多少錢用以等市跌時入手？

2. 你建議我可以如何進行資產管理以達成買樓目標？

3. 假若我5年內投資得來的資產可以買樓結婚，如果賣出所有股票套現，我會否變相從頭來過？

龔成老師︰

1） 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。匯豐（0005）只是收息股，增長力欠奉，你停止再購入是正確做法，但已有的貨可以維持持有。

至於資金分配方面，你每月可用$8000做月供，其餘$5000先儲起，用一邊月供一邊儲蓄的策略。月供方面，你可以選擇投資在平穏增長股︰

盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

我建議你$3000供盈富、$2500供一隻平穏增長股和$2500供一隻潛力股。至於儲下的現金和10萬現有資金就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

2） 基本上你透過以上月供，去將你資金增值就可以了。以恆指過去年平均回報10%計（連股息再投資），你每月投放$13000，5年後大約會增值至95萬，相信這筆資金對你置業和結婚會有一定幫助。

3） 如果你需要套現全數股票，就等同要重新再來。

------------------------------------------------

Q15505：

Hello
我入咗中國石油覺得點
係咪優質股

龔成老師：

中石油（0857）對油價較為敏感，中短期會弱，但油價長期仍會向上（但不是高增長），佢都會增值的。

雖然這股都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

------------------------------------------------

Q15506：

成哥好:多謝你近排呢幾條片提醒大家，宜家策略係要分注同埋保留一定程度現金，於大跌市時針對優質股掃平貨。

想請教，如果之後股市真係升返，咁點樣判斷幾時分批出場，幾時出晒d貨，又或者應該繼續長線持有? Thx!

龔成老師：

首先，優質股票會永遠投資，或長線投資，因此，唔需要心急賣出。因為賣出只會得到貶值的現金，卻無左一個優質會增值的資產。

當然，有時都可以有賣出的動作。

一般來講，有幾個可能性。

第一，該股不再優質。

第二，大市處過熱水平，全民皆股。

第三，股價升得太多，股價遠超過合理的企業價值。

第四，你找到另一個更優質，長遠回報更好的股票。

------------------------------------------------

Q15507：

龔成老師你好，首先感激你無私的分享。以前facebook彈出過幾次你的專頁，但我當時沒有太多注意，因為我之前買股票的經驗都是蝕錢的（沒有看書和做資料分析，似賭大細多過投資）。

年初無聊下看了窮爸爸富爸爸這本書，直接改變了我對金錢嘅看法，然後我立刻想起你的專頁，就一直追看到現在

期間亦買了你其中兩本著作-財務自由行及大富翁致富藍圖細讀，體會很深，亦開始月供股票。我報了5月的股票班，到時見。

現在有以下投資疑問，希望老師指教。
本人30出頭，月入3萬多，每月可以儲蓄$15,000，亦把算用50萬投資股票，現有以下股票：

1）匯豐：9手,平均價63 （買咗幾年）
2）中交建：6手,平均價7.6 （買咗幾年）
3）月供4,000盈富，2,000比亞迪

1）我應該溝淡還是放一半再買其他股票？
2）我應該全部放售嗎？

我想買港鐵、盈富、領展、煤氣、阿里巴巴
謝謝老師

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

匯豐（0005）與中交建（1800）都不是有增長的股票，其實不太適合你的，你不要增持。反而應該等機會減持，轉到其他更適合你的類別。

你可以考慮反彈時賣出一半，餘下就持有。由於你這刻有一定的現金，而這兩股未去到無質素，所以唔需要太急去賣。

至於現時月供的股票及比例，適合你，可以長期進行。

至於$50萬，你可以動用$15萬，你提出的5隻股，都可以投資，現價分注已可。餘下資金，除非這段時間大市大跌，否則，你等上堂先決定，你上完堂會對整個財富配置，有更清楚的模式。

------------------------------------------------

Q15508：

請問，我於$28時入左HTSC, 於$18時入左南方A50. 雖然只係一手，但見而家個價....請問我應該守？還是放左佢換馬？

龔成老師：

ＨＴＳＣ（6886）並不是劣質，但增長力的確不強，你長遠最好都是賣出，但就可以等佢有較大的反彈後先賣。

至於南方A50（2822），可長線。雖然中短期較一般，但長遠無問題的。

------------------------------------------------

Q15509：

老師你好！我現在失業中，尋找緊工作，手頭有30萬現金，有以下股票：

1448、2186、1339、1183、178 （每樣各1手）

請問以上股票是否有潛質，可長期持有？

而我正尋找工作，手持30萬應該繼續持有現金，是否找到工作後再買入其他股票？這樣有甚麼股票是你推薦賣入？

謝謝你解答我問題。

龔成老師：

如果你現時無工作，就要預佢部分資金作備用，不能全部投資，投資要「閒錢」先得。

例如，暫時只會動用$20萬（就算大跌市都是），到你已找到工作後，才可動用較多的資金。其實留多少現金，好視乎你預期幾時找到工作，以及你每月的消費。

澳能建設（1183）質素較一般，其餘的都不差，但不少都是潛力股，會比較波動，你唔可以太大注。

你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15510：

匯豐大注買入，諗住放2年左右，諗得過嗎？

龔成老師：

第一，匯豐（0005）只是收息股，唔好對股價有太大期望。

第二，投資任何股，都應該是長線，2年只是一個不太長的投資年期。

第三，任何股票，都不能太過大注，最重要是每個行業，每個股票，當中都要有一定的平衡。

------------------------------------------------

Q15511：

你好老師，而家24歲，月入30k
現金有250k

405 （@5.25 2000shares)
1398 (@5.05 2000 shares)
2638 (@7.48 1500 shares)
823 (@73.95 200 shares)
386 (@4.17 6000 shares)

未來會加入2800，想問呢個投資組合可以嗎？仲有冇其他股票可以投資（想穩定將資本增長）？謝謝你

龔成老師：

雖然上述都是有質素的股票，不過，你24歲，這差不是最適當的組合。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

工行（1398）、港燈（2638）、中石化（0386）都只是收息股，你這刻應把握增值時期。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，我相信你可以月供$10000。

你可以考慮盈富（2800）$4000。

另外再加3隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$10000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15512：

想問一下投資盈富基金這些類型長期持有的股票是如何增值的。是派息還是其他方法。假如我持有一手盈富基金。五年會有多少收入？

另外想問 盈富基金，金沙，領展。呢三隻邊隻會好D。集中埋一隻，還是分注買三隻。

還有如果我係佢派息前幾日買左幾手。咁佢會唔會都派息

龔成老師：

盈富（2800）是平穩增長型，主要是股價的增長，再加約3%的股息。

你預每每的增長，大約8%-10%（升值連股息），不過，這只是一個長期的推算，中短期唔太準。

你派息前買是無特別著數，因為股價過了除淨日後，會自然調整翻。

------------------------------------------------

Q15513：

在澳門沒有80後1。是不是80後3較實用？

龔成老師：

你可以去水抗尾宏達訂貨。《80後1》與《80後3》都是講理財，都實用的，只是不同的角度，你睇邊本先都無所謂。

------------------------------------------------

Q15514：

你好。我睇左80後3百萬富翁後。獲益良多。也看了很多問答。有一個問題。

小弟居住澳門，大學生。每月兼職賺2000蚊。收入不穩定。 現在有儲蓄160000元。明白先增值。後現金流的道理。

目標：希望能盡快儲到首期約100萬。

現在想用60000元進行投資。月供股票手續太貴，可能會選擇以一手一手買。

心中看上了兩隻增值股 盈富基金（2800），金沙（1928），我該如何運用六萬元投資在這兩隻股票身上？還是應該再投資多一隻潛力股？如果我要投資以上兩隻股票，在什麼合理價位買入會較好？
謝謝解答。

龔成老師：

你可以將其中$40000，投資在盈富（2800）。另外，你可以考慮銀娛（0027），其實金沙（1928）與銀娛都是好優質的，現價都可投資，不過金沙就股息較好，銀娛增加力就較強。

以你的年齡，應該增長方面多D。

------------------------------------------------

Q15515：

龔成老師
多謝你先令到我開始左月供股票都一年多了

有一個地方唔明白想請教你
我背景係咁

月供11 12 6823 778 24歲 月供15000
計過自己如果想有個700萬資產 個時間最小都20起 除左加大自己主動收入 睇書見過槓桿呢個方法

想問槓桿係咪即係借錢最投資落投資產品
因為睇過有d書提到 槓桿只要計好息差 就可以加快個儲資產既速度

我唔明係實際操作其實係點，私人借貸？按股票借錢？買樓？
我個觀念係咪錯左？

龔成老師：

簡單來講，槓桿就是以較小的資金，控制較大的資產，當中包了「借」的成份，所以，私人借貸買股、按股票借錢、買樓，都是槓桿。

利用借貸，有利有弊，回報是放大了，但風險同樣放大了。

表面上計好息差，是可以得到利益，但世上沒有免費午餐，背後是一定有風險的，問題是你知唔知，以及能否承受。

一般來說，借錢買樓的風險較為可控。

按股票借錢投資，風險高。

利用私人貸款投資，風險中等，我比較鼓勵只在「有明顯投資機會出現」時才動用，其他時機不會動用。

------------------------------------------------

Q15516：

老師，一直有留你提供1211/1177/2800等等，但股價仍覺偏貴，本人有個壞習慣，每逢月頭會動用約3-5萬去入市，因覺月供有點慢想一手手去買，如想增強是否應賣掉坐價而冇增長力股從新組合一次？

而潛力股一邊月供一邊一手手入又是否可取？因幾年收入多了，但不懂安排增長很慢，想為家庭作長遠準備，謝謝你

龔成老師：

「每逢月頭會動用約3-5萬去入市」，這都是一個分注投資的模式，我建議人月供股票，就是想大家買入價平均，減少買入價風險。你這模式都可以做到的。

不過，你應該分析翻，現時的股票與現金的比例多少，如果現金較少，就要增加翻現金先。始終現時大市只是合理區，未到平宜區。

同時，你應檢裡組合裡，是否每一隻股都有質素，無質素就要賣，另外，佔組合比例是否適合，過多就要賣。

潛力股由於股價上落較大，月供會較好的。當然，如果你自己能做到有效分注，都可以。

------------------------------------------------

Q15517：

龔SIR 你好,看完你的書，投資的觀念有有些改變
手上有些股票想老師幫忙提供意見, 達致長期增值

電能實業 0006
想問下賣出換長江實業是比較好， 長江增長力比較高， 加上2 隻都係同一個系， 如果持有電能， 又買長江，感覺重覆

0062 股價一直慢落，收息輸價，還是轉些比較能守的收息股是否比較好

02606 藍光 你覺得質素如何， 現價是否合理
祝身體健康
Thanks

龔成老師：

電能（0006）都有質素的，長實集團（1113）的增長力的確會好少少，但都只是平穩型，而電能是收息股，增長力有限。

至於重覆，會的，所以你要計算合共的股票比例，佔組合不能過多。

載通（0062）質素都算有，但一定不是好強之列，你見佢每年加價有限，加上油價令佢成本上落大，而成本無法轉嫁，都是佢的風險，你預這是收息股，股價增長力不強，如注碼不多，都可持有。

藍光嘉寶（2606）本質不差，現金流強，生意穩定，不過上市年期不算長，風險略高，業務真實面要慢慢先見到，現價合理區中上部，考慮到風險問題，這股不宜大注。

------------------------------------------------

Q15518：

成sir 請問昆侖能源現在在合理範圍嗎？
thank you !

龔成老師：

昆侖能源（0135）質素都算有，但質素又不算好高。因為佢只是商品企業。

企業本身有一定規模，以及賺錢能力，但如果你睇翻過往的財務數據，你會見到近幾年的盈利較為波動，原因是受國際油價的影響，令佢盈利波動。

這反映佢處於一個被動情況，沒有價格自主的能力，這類企業始終質素不會最高的，股息率雖然高，但股價都波動，這類股不能太大注。

現價合理，收息都不差，但就唔好對股價有太大期望。

------------------------------------------------

Q15519：

龔成老師，我持有兩手維他奶，較高位買，現在用PE估值，計到合理價係$22.56，到底我應該點做？

好唔好持有到東莞廠房開，等佢升翻到$40以上先放？定係要止蝕？

始終都係優質股，應該不怕納入自己的股票profolio吧？

十分感謝

龔成老師：

這是有質素的股票，不過，經常處貴的水平，我初步分析，要去到$25以下先開始合理翻D。

如果這股佔你組合比例不過多，可以持有，這股有發展，有得守，但要上翻較高位，並不易。你可以持有至佢的發展，再慢慢決定點做，這股始終有質素，又唔需要太擔心。

------------------------------------------------

Q15520：

龔sir 我想問點計回報率 即例如我27買盈富1000股 28放 ，當食左一年利息，約0.93 ，即利息有930， 咁放左個賺左1蚊 加埋股息930， 咁即係總共回報係幾多% ?? 可以點計出來。謝謝

龔成老師：

你有1000股賺了$1，即是賺$1000，加上股息$930，即是賺$1930。

你的買入本金是$27000。

所以獲利是$1930÷$27000=7%

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q14301-Q14320）

Q14301：

老師，我係你學生，有D問題想請教：

我想問「永續債」的問題：
在Balance Sheet中被視為股東權益部份，而非負債，利息也沒當利息支出。

同時間，因為佢係權東權益類，所以在集團總純利拆數時都可以分番份，變相令股東應佔利潤少左。

我找了一個研究個案：

恆大(3333)係2017年全數清還了所持的永續債，由於以往總純利由“股東+少數權益+永續債”3者瓜分，現在少了永續債，所以股東應佔利潤大升數倍。(當然我了解過，仲有其他因素令佢純利升，但影響少於1/3)

係而個情況，其實企業本身盈利能力無變，只是資本結構變左。但股東又就係袋多左，係講緊以後都分多左。

1) 計算合理之每股盈利，有無地方要因為咁去調節下???

2) 這個算唔算核心性因素，雖然同業務無關，但真係長線影響投資者盈利?

龔成老師：

我先從概念上講，永續債，雖然在會計上，會放在股東權益部分，但從本質上，這其實是負債。

因為「股東權益」最基本的原理，就是當企業增值時，就享有當中的回報，同時，要承受企業本身的風險，當企業破產時，是最後才分到錢的。

而永續債，說到尾都是負債，要保持支付利息，同時是「欠了投資者一筆數目」，而「股東權益」則沒有「欠了」的成為。

因此，永續債在概念上，應該視為「負債」，但在會計上，只是入數在股東權益的部分。

1）無特別要調整。

因為過往的盈利，其實最終的股東應佔溢利，已經是扣除了小數股東權益，以及永續債的利息。到佢還債後，盈利股東應佔溢利同樣不計小數股東權益，以及無該永續債的利息要扣。

你只要當佢看成是其中一個借貸，而借貸的利息，無論是以一般的融資成本去入數，還是以永續債支付利息成本去扣數，最後的「股東應佔溢利」都是扣除相關支出的。

因此，當我地計算有代表性的每股盈利時，會考慮小左一筆利息支出，但並不是有前後方面的核心性調整。

2）要睇個數有多少，如果過往每年佔盈利的比例好大，就反映是核心性因素，而在推算之後的盈利時，最好考慮這因素。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14302：

老師 你好 邊本書岩初學者睇??
80後百萬富翁? 定財務自由行?

本身有做緊月供投票

龔成老師：

初學者，可以先睇《80後百萬富翁》，然後睇《股票勝經》，再睇《財務自由行》。之後再睇我的其他書。

月供股票可以保持進行，這反映你對股票有基本知識，你盡快睇上述的書，對你之後投資好有用。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14303：

老師覺得體育用品新股6110滔博如何？

能唔能夠好像安踏同李寧一樣係優質倍升股？

龔成老師：

滔搏（6110）主要係中國從事運動鞋服產品零售業務。

佢絕大多數門店為單一品牌門店，以所售運動鞋服產品的品牌冠名，而家共與11個品牌合作，當中主力品牌（Ｎｉｋｅ）、（ａｄｉｄａｓ）。

其他品牌包括（Ｐｕｍａ）（Ｃｏｎｖｅｒｓｅ）（Ｖａｎｓ）等。

基本上，都是大品牌，而佢除單一品牌門店外，亦以自有門店品牌經營多品牌門店。佢有好強的零售網絡，包括8000家直營門店，可見有一定的規模及質素。

其實業務增長不差，財務數據正面，但由於上市不久，財務數據的可信程度會減，因此會扣分。基本上正面的，現時估值在合理區中上部，如果注碼不大，都可考慮。

由於市場已對所有體育用品股，調高了估值，因此佢要倍升不是中短期能做到的事。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14304：

老師，你好。現時澳門比人降級，香港零售市場不利，請問對新手黎講金沙同六福值得入貨嗎？定繼續儲2800會比較好？

龔成老師：

我相信上述所講的種種情況，其實都是一些中短期的問題，只要唔影響到企業的核心情況，其實不用太擔心。

我地投資，一定是長線，往往會分析「企業3年後的情況」作為基礎。

金沙（1928）與六福（0590），都是業務本質理想的企業，不用擔心中短期問題，這兩股都有投資價值，金沙現價在合理區中上部，六福則處合理區。其實都可投資。

不過，我會建議你用盈富（2800）作組合的核心，然後再加上金沙六福作輔助，已是一個不錯的組合。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14305：

老師，長實基建1038 我計算了合理區 $55.7-68.8，正確嗎？ 這個股票適不適合大手投資？

龔成老師：

長建（1038）有一定的質素，你計算大致正確，現價在合理區內。

這企業近年受歐洲經濟差的因素影響，業務較弱，增長慢，但佢其實仍在不斷投資中，只要當地慢慢好翻，佢之前的投資會有成效，我對佢長遠前景正面的，但不是高增長型，只是平穩增長類。

這股可以適度投資，佔組合一定的比例，無問題。但要留意，任何股票，我地都不建議過份集中的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14306：

成哥。1515點睇？

龔成老師：

華潤醫療（1515）其實本質唔差的，雖然盈利有少少下跌，但業務仍是正面，睇翻佢的主要業務，係中國從事綜合醫療服務、提供醫院管理、諮詢服務、醫院集團衍生業務，都是仍有發發的。

加上佢旗下擁有過百家醫療機構，提供臨床診療、健康管理、公共衛生、醫養結合等全方位、多層次的醫療健康服務。係長期中國人口老化的過程中，佢一定有利。

現時估值合理，但就不是高增長類別，前景仍是正面的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14307：

龔sir：請教一下你，如果話退休時，每月有5萬蚊收入，會持續發放至終身的，那麼這個狀況，可以算係「財務自由」嗎？

龔成老師：

如果每月有$5萬現金流，終身，對於大部分人來說，都已經算是財務自由。

其實財務自由的定義每個人都不同，因為公式是「被動收入大過基本支出」，每個人的基本支出都不同，所以，只要這數目是足夠你平日的消費，就已經進入了財務自由的狀態。

即是在財務上，已經自由了，不用每天再為金錢而工作。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14308：

大師你好，請問大學生，資本幾萬，買正股如美團、小米、阿里巴巴加起全部獲利近20%，但回報數千非常少...
因此，我買了數千元牛證，貪該衍生產品較簡單，門檻又低，但上落幅度下下10%以上，風險槓桿了5-6倍，非常驚險。

但我目標想博取倍數增長，不知大師有何見解？牛證可否長渣？但我怕用更高風險的投資工具如輪、孖展等非我能力所及...

龔成老師：

所有衍生工具，都不能長線投資的，絕大部分都只是短炒。

投資股票，一般的每年回報15%-20%，我明白，對年輕人來說，回報不算吸引，你的想法正常，我過往都試過，而我過往做銀行，好多客都試過。

我18歲投資股票，頭幾年炒輪、炒孖展，想法同你一樣，想高回報，結果點？輸足幾年。

幾年後，從頭開始，爭取翻15%-20%，穩健投資，當年好後悔點解唔早D開始穩健投資。

到後來我做銀行，見證大量散戶，好多人都同你的心態一樣，就我所見，100個客短炒，有98都是輸的。

世上的確有人短炒衍生工具賺錢，但好少好少。你可以試，因為你這年齡，想快速賺錢心態是好正常，好多野唔試過，亦唔會知結果，我只是分享我所見。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14309：

龔老師你好， 我重讀緊大學，有十分小量既收入，想問老師你利福國際(1212) 以依加既P/E ratio 值得買嗎?
定係都係比合理價較貴?
打算買2-3手，放3-5年

龔成老師：

市盈率只是我地分析企業平貴時，其中一個指標，並不是唯一的指標。另外，我地用市盈率時，會以調整的模式進行，以更有效分析（具體的方法，要課堂才能詳細講述）。

利福國際（1212）不差的，有品牌，過往業務不差，只是近期受香港的零售影響，而長遠來說，仍是有投資價值的。

但要留意，佢負債增長快，這會造成風險，這是扣分的地方。現時估值合理，可投資，只要不太大注就無問題。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14310：

呀sir你點睇390 同1186？

同埋邊一隻比較好？

龔成老師：

中國中鐵（0390），本質不算差的，有投資價值。但唔好預佢的增長力好強。睇翻佢的業務同財務數據，生意同盈利都處於穩定狀態，但增長力唔算強。

所以長線睇，佢有投資價值，但增長只是平穩。佢過往股價曾在2015年大升大跌，這只是炒一帶一路，但之後回復原狀，因為這因素只能為佢帶來平穩增長，而不是高速增長。

至於中國鐵建（1186）質素算是中等，不算好強，但都不差。

如果有分析佢多年的業績，會見到佢生意其實都幾穩定，但就無增長力，至於股本回報率處合理水平。但這股最大的問題，就是負債太多，雖然佢現金流好穩定，但太多負債始終會扣分。

而這一點，亦令佢企業價值不會太高的原因。

如果要兩隻選一隻，可選中國中鐵。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14311：

你好，龔老師。我一直持有中糧包裝（906）差唔多3年了，股價逐少逐少有6.x跌至而家3.x，上個月有好消息仲裁方面有好消息。

不過，係股價一直都沒有變動，最近市況見到所有其他股票都因為有好消息而有升幅，但係中糧包裝郁都唔郁。

有個想法我係咪應該放棄持有（虧損大概40%），而去買一啲如中生製藥等潛力大嘅股票好啲呢？

龔成老師：

我地繼續持有一隻股票與否，最重要是睇企業的質素、前景，買入價不是重點位，只是一個心理因素。

中糧包裝（0906）本質算是中等，不是劣質，但又不能叫優質股，現時市盈率算是合理價，你可以等佢有較大的反彈時，賣出，雖然轉其他股。這策略可以。

如果你這刻持有太多，可以先賣出一部分。

佢雖然生意穩定，但就多年來都無增長，加上盈利無增長，同時股本回報率處低水平，反映企業賺錢能力不強，投資者投入的資金回報不高。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14312：

你好 中國移動@71.4 中電 @85.5 中國石化@6.3 中國銀行

我各持一手 我響中美有問題之前買入 唔急放 但係想請教一下我幾時賣出較佳?

龔成老師：

你持有的股票，基本上都有一定的質素，基本上可以一直持有。不過，上述是偏向收息類的股票，增長力其實唔強。

如果你投資目標是收息，其實可以一直持有，如果想有增值，可以等出現某些市場因素帶動股價向上後，賣出轉其他，例如中移動（0941）可能有5G的影響，如果股價上升不少，都可以考慮賣出。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14313：

成哥你好，想你點評下我依家嘅情況。

本人22歲，大學最後半年。現時兼職大約一個月搵$5000，現金儲到$40萬，10個月前開始月供，每月大約每隻供$1000-3000(貴就減供，平就加供)，組合如下：

388: 52股/平均價247.22
3: 1017股/平均價 15.98
823: 182股/平均價 86.64

1. 打算繼續月供上述股票至30歲，長遠來說可以嗎？畢業後月入大約應該都係得$15000，想月儲$10000投資，請問你建議如何分配供股？

2. 由於我覺得我供嗰3隻股都係平穩股，所以想加供1隻潛力股，如果下年1月開始加供1177，每月$500 (因為現價比較高，想落返6左右先加供返)，你認為如何？

3. 聽人講823將商場翻新又翻新晒，引入貴價鋪又引入完，所以最多得返五年左右增長，之後會變收息股多，老師點睇？

4. 因為想買上車盤，目標30歲前有100萬做首期+買樓雜費。現時已有現金儲蓄$40萬，所以還差$60萬。請問除左股票後，仲有咩投資可以令我快啲達成目標？

感謝

龔成老師：

1）所選的，都是有質素的股票，可以保持長期月供。其實你唔需要將每月金額加加減減，月供是長期模式，保持去供就得，除非大市好明顯的平或貴。

上述3股，你照舊供，另外，加上盈富（2800）每月供$3000，長期進行。

2）中生製藥（1177）有潛力，你投資$500每月，可以，長期進行就得。

3）佢的增長力，的確比過往年代少左，但仍是有增長，可視為平穩增長類股票，有投資價值。

4）投資平穩增值股，一定是主力，你除了月供外，同時建議你好好利用餘下的現金，部分以選優質股，等較平宜時買入的模式進行，這會更有效增加回報。

不要白白浪費了資金的增長力，如無能力選股，就投資盈富（2800）。

另外，你可以將小小資金，試下做生意，除左可以學到野外，亦是一個令財富快速增長的機會。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14314：

龔sir好
我28歲 月入2萬左右

目前有
3手盈富 26.650
2手阿里巴巴 197.300
手上流動資金仲有約20萬

想問下龔sir 呢20萬可以點投資？
本來打算買收息股 不過想問下龔sir意見

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

盈富（2800）是好適合你的類別，可長線持有。

阿里爸爸（9988）是有質素的潛力股，你可以持有，但不建議過多，因此不建議加注，但你原有貨，可長線持有。

至於你手上的$20萬，以你的年齡，不適合投資收息股，可考慮平穩增長股，盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14315：

你好，請問3759看好？
現價可入嗎？

龔成老師：

康龍化成（3759）主要經營醫藥研發服務平台，業務遍及全球，客戶包括全球前20大醫藥公司及生物科技公司。

業務如有實驗室服務、臨床開發服務、ＣＭＣ（化學、製造及控制）服務。

業務的增長力不差，行業發展正面，整體來說不差的，唯然之前已在國內上市，但始終在香港上市不久，這會扣分的。現價都算是合理價，小注投資可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14316：

龔sir你好，我是個剛剛開始月供股票的新人，目前打算月供1萬，3千2800，2千2388，2千0003，1299和0066各1.5千。

請問接下來如果打算加1211或0012進去現有的組合資金會不會分太散?還是維持現狀就好? 求指教。

龔成老師：

你現時月供所選的，都是有質素的股票，你可以月供，長線投資。最重要，就是唔好理中短期股價，保持長線進行就得。

暫時保持現狀態，唔好太心急加入其他股。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

到你有較大累積資金及知識，先再入其他股。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14317：

hi 龔生您好，你覺得肺炎對香港樓市影響大嗎？

龔成老師：

暫時睇，會有，但未必會好大。

香港本身的經濟轉弱，加上這次的肺炎，對樓市點都有影響，但長遠來說，香港樓仍會因供求問題，令樓價向上，因此，這一年相信是買樓的時機。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14318：

龔成老師你好：我們為一對80後夫婦，家庭月入大概65000（我是家庭主婦，老公一人工作）。

有一層自住物業，扣除按揭還款、家用以及日常開支每月大概有$10000-$20000儲蓄，以往沒有投資習慣，只有一份價值$150000的儲蓄保險而已。

另現金大概有$600000，想做一些中長線投資為退休打算但不知從何入手，請問可否俾D建議我地呢？非常感謝

龔成老師：

你有儲蓄保險，這只是防守性產品，在財富分配上，缺少了進攻的部分，因此應該將資金，分配到股票，令你的組合更為平衡。

由於你之前無投資，因此不建議投資高風險類，最好是投資一些穩健的股票，例如盈富（2800）$2000、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

我會先建議你投資盈富，之後再加上其他。

你可以以分注投資的模式，以及月供股票方式去進行，因為你初投資，不懂平貴概念，利用分注投資的模式，最有效減少風險，平均買入價。

暫時只建議動用$30萬，分注去入，慢慢入。

另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14319：

龔成老師你好，之前已有拜讀你嘅書，但自己有啲唔爭氣，未能活學活用...

早前係高價入左兩手維他奶同埋煤氣，咁岩最近又有一筆大支出，令cash flow 得返唔多，想請教之後可以點部署。而家portfolio 係咁：

0012 $37.8 1000 shares
2800 $26.35 1000 shares
0345 $34.63 4000 shares
0003 $17.22 3000 shares

多謝老師，感激！

龔成老師：

你持有的都是有質素的股票，唔需要擔心，有得守。

我地投資，無可能準確預測到高低，只能分析當中的平貴情況，如果你記得，我都有分析過上述的股，例如維他奶（0345）及煤氣（0003）這都是優質股，但你買入價都有少少貴。

由於無人能預測股價，但我地可以從平貴去決定投資策略，當優質股處貴時，就算我地想買入，都不能大注，等佢落翻去合理區先會正式買入。

所以你之後，要學習配置、投入注碼的技巧。如果你這刻現金唔多，要做的，就是儲現金，原有貨不用變，但這刻要集中儲現金，唔好心急入貨住。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q14320：

龔成老師你好,我今年36歲, 投資股票已經8年, 但大多數輸多嬴少, 手頭上的股票全部都蝕緊, 另有15萬現金, 如何可以做到資產增值, 可否幫幫我睇睇手上股票如何處理, 謝謝

滙豐控股 $80 @400股
另月供滙豐平均價 $62.36 @255股 (月供1500)
領展房產基金 $83.65 @368股 (月供平均價)(月供2000)
中國生物製藥 $12.98 @5000股

中國人民保險集團 $5.10 @8000股
中廣核電力 $3.10 @8000股
錦欣生殖 $12.30 @4000股
ＨＴＳＣ $24.80 @400股

月供需要調整嗎?手上的股是否需要換馬,手機股睇好嗎, 以前賺過2018, 2382, 而家再入如何. 文筆不好, 謝謝

龔成老師：

匯豐（0005）並不是無質素，但比過往轉弱左，你可以持有，但就未必值得你不斷月供去加注，因為質素唔算強，同時你36歲，這股只是收息股，未必最適合你。

至於領展（0823）、中生製藥（1177），有質素，持有無問題。

中國人民保險集團（1339）、中廣核電力（1816）質素雖不算差，但不算好強之列，這類股可以持有，但不應佔組合比例太多。

錦欣生殖（1951），雖然有增長力，但業務風險較高，小注可以。

ＨＴＳＣ（6886）質素都算有，但不算好強，同時有一定的週期，你到下一次股市旺市的時期，可以考慮賣出。

你選股不算好差，但時機把握能力較弱，反映你對股市冷熱，企業價值概念無能掌握。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。