【影迷最佳配搭！酒店 #Staycation Crossover戲院體驗：住酒店送戲院會藉？】

近期流行Staycation，但其實小弟從來冇去過，今次先係第一次，事關有酒店同戲院合作，住完酒店唔止送戲飛，直頭送埋個一年嘉禾戲院會藉，就去體驗一下。歎完之後仲有戲睇，成件事係抵嘅，而當唔同酒店都各出奇謀諗唔同Package、唔同合作時，戲院好似真係唔多覺，呢度同戲院合作都幾有創意，特別推薦俾各位想玩Staycation影迷朋友。

Package詳情一陣再講，先想分享一下個過程。

話說今次入住嘅係 Marco Polo Hongkong Hotel ，正正位處於海港城上面果間。講真維港睇就可能睇咗幾十年，但喺咁高處角度望落去，唔止中西區一帶飽覽無遺，當日天氣極好，就連遠處嘅小島都睇到，景觀無敵。更有趣嘅係海港城上面個停車場，一來你正常唔會咁樣角度睇，二來睇住佢由爆曬到一架車都冇，感覺都幾有趣，都係一個你從來唔會睇到、融入到維港嘅景觀。
入夜後，中西區熄曬燈，佢仲好似機場跑道咁燈火通明，喺一個沉寂嘅城市入面閃閃生輝，夜晚冇事做望住呢個景放空，好正。初頭有諗過，喺城市入面住酒店會唔會冇嘢做，但原來由遊客角度，咁樣去睇呢個風景，絕對係一流嘅視覺享受。

當中，更有特色嘅係Marco Polo間餐廳Cucina，榮獲2020 Forbes Travel四星餐廳。現時撞正係白松露嘅時令季節，有唔少菜式用佢做賣點。最深刻係頭盤「日本 Taiyouran 炒蛋伴多士、香煎北海道帶子及白松露」，極香濃白松露配特大帶子同滑蛋，入口即溶，松露同炒蛋勁夾，啖啖甘香，簡直齒頰留香，唔捨得吞落肚、驚為天人嘅美味之作；仲有「西西里紅蝦扁意大利麵伴車厘茄」，蝦湯湯底濃郁，同清甜意大利車厘茄係完美配搭，開胃而惹味，再配個咁嘅無敵海景，盡得視覺同味覺嘅甜頭。

食完飯對住個咁正嘅景攤抖下，放下空影下相，夜晚好快就過，第朝起身加個Room service早餐－－唔計Resort，小弟人生第一次嗌酒店Room service，日夜兩景唔同享受，Staycation，我諗就正正係咁寫意。

到底同戲院有乜關係？正係因為Marco Polo推出咗「逍遙電影夢」Package，由即日起至12月31日，但凡以呢個計劃入住，唔止可以免費升級去海景客房、包咗Cucina迎賓飲品、自助早餐外，仲送兩張海運戲院戲飛，兼且有嘉禾院線會員GH Moviegoer一年會藉，每晚都只係$999起！詳情可以睇：https://bit.ly/36uukLy

更多旅遊相關文章可看：
有故事的旅人 （澳洲首都不是悉尼）

特別鳴謝：馬可孛羅香港酒店

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie