雖然這篇業務求人緣鄉民發文沒有被收入到精華區:在業務求人緣這個話題中,我們另外找到其它相關的精選爆讚文章
在 業務求人緣產品中有2篇Facebook貼文,粉絲數超過9萬的網紅孔明,也在其Facebook貼文中提到, 深夜無人睇,靜靜雞講故仔……大結局 《我老婆由細到大都鐘意紙紮公仔》 「我爸爸究竟幾時先會醒?」靜妍擔心地問。 「劉生佢個後腦受到撞擊,積咗唔少血塊喺入面,所以到呢家都一直昏迷。但如果我地開刀去拎走血塊就太危險,所以要再觀察一下會唔會惡化,至於幾時醒,我地真係答你唔到。」醫生說。 靜...
業務求人緣 在 孔明 Facebook 的最佳貼文
深夜無人睇,靜靜雞講故仔……大結局
《我老婆由細到大都鐘意紙紮公仔》
「我爸爸究竟幾時先會醒?」靜妍擔心地問。
「劉生佢個後腦受到撞擊,積咗唔少血塊喺入面,所以到呢家都一直昏迷。但如果我地開刀去拎走血塊就太危險,所以要再觀察一下會唔會惡化,至於幾時醒,我地真係答你唔到。」醫生說。
靜妍聽後頓時感到傷感,望住瞓喺病床中嘅爸爸更顯得有種無力感。
返屋企途中,靜妍一臉憂愁,諗返起嗰晚所發生嘅事就好唔開心。佢估唔到自己一踏入屋,見到爸爸想燒佢啲心愛紙紮朋友,一時之間控制唔到情緒,就隨手拎起支棍將老豆打暈。
雖然事後話爸爸跌親撞到個頭,警方無懷疑到佢,但靜妍已經相當後悔,因為呢個世界上面,爸爸就係靜妍嘅唯一至親,佢唔想失去咗呢個爸爸。
佢同自己講,如果再有紙紮同老豆兩項選擇要佢揀,佢一定會揀老豆。
返到屋企後,靜妍見到眼前一堆紙紮,雙眼從空洞之中變得活躍起嚟,頭先對於紙紮嘅抗拒之心一掃而空,反而內裡嗰股激動興奮心情不斷湧現,佢心諗老豆既然唔知幾時先醒,倒不如好好盡情做自己鐘意做嘅事,於是心情突然180度轉變,展露笑容咁收拾紙紮玩具。
而靜妍每一晚都會好細心咁幫紙紮公仔掃塵清潔,亦開始物色唔同嘅紙紮家居用品。久而久之,成間屋企都好似一個紙紮家居設計咁,所有傢俬都係用紙紮製成,令到靜妍非常興奮。
由於紙紮用品佈滿整間屋,而紙紮都有其獨特氣味發出,靜妍不時用力聞一下,當聞到紙紮味道時,就好似感覺到自己被一堆紙紮所包圍自己,充滿溫暖嘅感覺。
但呢種滿足感,只有屋企先可以帶到比佢。
一踏出門口,靜妍望一望自己,見到自己著嘅衫褲,見到自己用嘅銀包,見到自己所著嘅鞋通通都唔係紙紮所造,佢頓時覺得討厭,甚至覺得自己背叛咗紙紮一樣般內疚。
每次返到大學,靜妍都忍唔住去廁所嘔,因為佢討厭件衫所帶出嘅氣味,佢恨不得返屋企換返紙紮造嘅衫褲。
靜妍知道自己唔可以再咁樣落去,佢希望可以將紙紮變成每個人都會接受嘅日常用品,但奈何自己唔識設計亦唔識製造紙紮,於是佢想搵一個可以幫到佢設計鐘意嘅紙紮,又唔會當佢變態嘅人,於是佢做咗唔少調查,最終將目標鎖定讀緊大學時裝設計系嗰個無咩地位,無咩存在感嘅學生。
佢叫家銘。
家銘係一個典形毒男,雖然時裝設計能力強,成績優異,但往往比人印象係無朋友,亦唔識打扮自己同人地溝通,所以好多實習機會或人緣都無佢份,令到家銘非常自卑。
呢個時侯,靜妍竟然主動親近佢,並欣賞佢嘅設計能力,呢點令到家銘受寵若驚,估唔到能夠吸引到如女神般嘅靜妍。
「係呢,你想我幫你設計啲咩衫?」家銘問。
「想知?今晚嚟我屋企。」靜妍故意賣弄關子,令到家銘個心十五十六,唔好話同女性相處,連人地屋企都未去過。
當晚,家銘盡佢個能力將自己打扮得好好睇睇,務求配合返靜妍對佢嘅主動。
「叮噹。」家銘按了門鐘。
當靜妍一打開門時,內裡嗰股紙紮氣味即時撲出嚟,一時之間令到家銘唔係好接受得到,於是用手掩一掩口。然而,佢竟然見到靜妍全身衣服古怪奇異,望真啲,竟然係著住件紙紮連身裙!
「你條裙……?」話未說完,家銘已經留意到屋內所有擺設都係用紙紮而做,驚訝得目瞪口呆。
靜妍捉住家銘隻手,然後溫柔地為佢逐一介紹傢私。
「呢個紙紮茶壺。」靜妍然後開水龍頭,將水倒入呢個紙紮茶壺,好快呢個紙紮茶壺就被水整濕,慢慢爛掉。
「始終都係用紙造,一濕水就玩完。」靜妍為呢個已廢嘅紙紮茶壺而感到難過。
靜妍緊緊地捉住家銘隻手,哀求說:「所以我想你設計出一個可以裝到水嘅紙紮茶壺,可以著出街嘅衫褲鞋襪……
家銘覺得靜妍痴咗線,於是甩開佢隻手,想轉身離開,但由於太過震驚,家銘不斷退後,期間誤打誤撞,撞掉一個紙紮公仔。
佢正想執返起佢時,佢見到紙紮公仔用一對充滿怨恨眼神望住佢,嚇到佢即時退後。
「你痴咗線……我聽人講過,你阿媽係受到紙紮詛咒而燒死,估唔到連你都變成咁!」說罷,家銘開門直奔離去。
呢一晚,家銘返到屋企後一直都瞓唔到,明明身體上好抗拒紙紮,但唔知點解,腦入面諗下諗,又發覺紙紮製成品又真係幾吸引,而且靜妍又咁欣賞自己,一諗起做人做咗十幾廿年都未有女神親近過佢,如今大好機會喺面前,無理由唔好好把握?
於是家銘忍唔住不斷上網搜尋「紙紮」嘅圖片,愈睇愈吸引,雙眼充滿喜悅,睇完一張又一張,完全不能自拔,慢慢投入整個紙紮世界,不知不覺間,佢已經被紙紮所詛咒。
為咗討好靜妍,家銘付出畢生努力為靜妍設計出由紙紮所整嘅時裝,令到靜妍非常開心,因為終於可以著唔同設計嘅紙紮出街,而家銘亦運用自身能力,利用特殊紙質同木製材料,製造出可以裝到水嘅紙紮茶壺,轉眼間,所有傢俱都可以利用紙紮當作日常用品。
當靜妍著住家銘所設計嘅紙紮時裝出街同返學,惹來唔少身邊嘅人目光注意,部份人望望下又覺得呢類紙紮時裝非常吸引,散發出獨特嘅氣質,認為呢個係流行嘅象徵,紛紛用唔同嘅方式投入紙紮世界,令香港頓時掀起紙紮熱潮。
家銘嘅作品更加成為眾人焦點,唔少品牌公司都向佢招手,希望佢設計出更加吸引嘅紙紮時裝。令到家銘有生以來,除咗靜妍之外,佢嘅成就係得到人重視。
佢認為,呢一切都係紙紮帶比佢嘅回報,令佢更加對紙紮充滿著迷。
……… ……… ………
張開眼晴,望住灰白嘅天花板,腦海完全一片空白,全身手腳都感到無力。我慢慢將個頭轉去左邊,見到個護士為個病人探熱,然後個護士轉身望住我,短短幾秒間,個護士好似嚇親咁,跑過嚟大聲問我:「劉生!你醒喇?我幫你叫醫生!」
我醒?呀……我一定係昏迷咗好耐。個頭好痛,但我開始有返些少記憶印象。
突然,我瞪大雙眼,因為我諗起靜妍受到嘅詛咒已經病入膏肓,頓時彈起身想即刻阻止個女,但我一起身,頭亦開始暈,更嘔咗一大輪。後來醫生話我長時間瞓床,所以身體仲未適應,叫我暫時好好抖下。
我拒絕醫生嘅要求,夜晚偷偷地走出醫院,希望盡快返屋企,我答應過老婆唔可以比個女出事,佢呢刻只係比紙紮迷,我一定要救佢!
當我走出醫院後,我嚇呆了。
因為我見到街上有幾個人竟然著咗件紙紮衫褲出街,我望住佢地目瞪口呆,佢地望一望我,完全唔覺得自己怪異,佢地雙眼反而好奇我做咩咁樣望住佢地。我以為自己撞鬼,畢竟夜晚晚邊會有人著住紙紮出街?
我行到樓下商場時,我再一次嚇呆了。因為我見到幾間時裝店都賣緊紙紮。我走到其中一件紙紮衫面前,我用手摸摸,真係用紙做,但竟然可以做到好柔軟,一啲都唔生硬。
「先生,有興趣可以試下著上身睇下岩唔岩。」售貨員親切地走來說。
我激動地反駁:「你叫我著呢件紙紮?你當我死咗呀?呢啲係比死人著架!」
只見售貨員聽後無任何表情,仍然露出一副詭異笑容,續說:「先生,有興趣可以試下著上身睇下岩唔岩。」
「你都痴線!」我退後數步,然後轉身離開,究竟我昏迷呢段期間發生咩事。
我返到屋企前,發現門鎖已換,於是我瘋狂拍門,但無人應門。而我亦體力耗盡,慢慢跪喺閘前抖下。呢個時侯,對面屋鄰居聽到聲於是開門睇睇,見到我痛苦咁坐咗喺到,即時開門叫我入去抖抖。
「劉生!你點呀?你終於無事喇?」
「知唔知我個女去咗邊?」
「你個女?你個女無接你咩?呀!你個女呢家好出名架!」
「出名?咩出名?」
鄰居將我昏迷期間所發生嘅事一五一十講比我知,原來靜妍同佢男朋友家銘所設計嘅紙紮時裝帶起潮流,更發展到其他製成品。雖然呢種「潮流」唔係人人可以接受得到,但最詭異嘅係,好多曾經反對紙紮潮流嘅人最終都慢慢紙紮而著迷,逐漸加入紙紮一員。
「咁佢呢家去咗邊?」
「其實係人都知佢住邊……因為佢間屋幾乎全部都係用紙造成,亦成為香港其中一個打卡點。」
我聽後,整個人都發軟,不斷搖搖頭說:「佢再係咁落去,一定行返阿媽條舊路……唔係,佢應該比佢阿媽下場更加慘。」
「你睇下你成個人累到咁,你食咗嘢未?我不如煮過麵你食下。」
我點點頭,因為我已經好累了。
鄰居走入廚房煮麵時,我腦海仲諗緊究竟可以點做時,我留意到枱上嘅茶壺好似有啲特別,於是我慢慢伸手去拎起佢,竟然係一個用紙造嘅茶壺,仲可以倒茶出嚟,我驚訝得即時放手,令到茶壺跌落地下……但由於用紙造,所以無爛到。
「其實紙紮呢種咁靚咁完美嘅製成品好應該一早就要用!所以我好多謝你個女!如果你想阻止個女嘅話……我係唔會比你咁做。」鄰居雙眼充滿欲望,臉容亦慢慢扭曲地詭異地笑。
我正想起身想走時候,突然我被壓住,我轉身一望,原來有個紙紮公仔用手壓住我膊頭,他操一把流利大陸口音:「怎麼喇?想跑呀?」
「嘿嘿……佢叫Mary,係我屋企工人,基本上每個屋企都會有。」鄰居指住我背後嘅紙紮公仔介紹說。
我本來身體已經虛弱,實在受唔住呢類驚嚇,我慢慢地失去意識暈倒了……
……… ……… ………
「老豆!老豆!」
我慢慢張開雙眼,隱若見到靜妍喺我身旁喊住叫我。
「老豆呀,做咩醒咗都唔叫我嚟接你呀?」靜妍喊住說。
我望一望佢,然後伸手掂一掂佢件衫嘅質地,發覺佢無著到紙紮嘅衫,呢件係普通嘅衫。似乎靜妍知我諗緊咩,於是急說:「我知你唔鐘意,所以我已經無再著嗰啲衫,我應承你。」
我虛弱地點點頭,再用最大力氣講句:「紙紮係死人用,唔係我地用。」
「我明呀!我唔會再著架喇!」靜妍攬住我喊著說。喺靜妍心目中,爸爸嘅重要性絕對比紙紮強,而一直昏迷嘅爸爸,靜妍曾經多次向天承諾,希望爸爸可以早啲醒,寧願放棄紙紮都唔想爸爸一直昏迷落去。如今爸爸醒返,對靜妍嚟講係一個重生機會,今次佢絕對會珍惜。
「係呢,我介紹你識,呢個係我男朋友,佢叫家銘。」靜妍開心地向我介紹。
「世伯你好。」家銘客氣地說。
我見佢一表人材,內心都放心好多,同時亦覺得個女終於大個了,已經識到個男朋友。
我表示好累想再抖下,閉上眼放鬆地瞓,估唔到個女仲咁聽我話可以擺脫詛咒,總算對老婆有交代。
過咗一星期,家銘嚟接我出院。
「靜妍呢?」我問。
「呀,佢今日要返公司處理啲嘢,所以我嚟接你。」
「咩嘢緊要得過我呀?等我打比佢先!」我嘗試搵下手機喺邊。
家銘笑說:「唔好喇世伯,靜妍佢唔係啲普通職員,所以公司有好多重要嘢真係要佢先處理到。」
我亦笑說:「我講笑咋,難得個女咁重要,我點會阻住佢,我地兩個走就得。」
喺車上面,我一路望住出面街景,留意到街上仲有唔少人著住紙紮,睇到我心都煩。
「係呢,你地呢家住喺邊?」我問。
「哦,放心,我地呢幾日都搬咗出嚟,無再住嗰間紙紮屋。」
「咁都好啲,我一聞到嗰陣味就想嘔。」
「其實佢地都幾可愛架。」家銘說。
「唔係嘛,可愛?恐怖就真。我由細到大就同靜妍講,呢啲係死人用,唔係我地拎嚟玩!拎嚟著!你睇下出面班人,著住紙紮出街?真係痴哂線。我真係為佢地父母擔心!」我稍稍激動地說。
「係係係,唔好勞氣。」家銘笑說。
我望住呢個後生仔,覺得佢份人都幾好,靜妍應該無揀錯人。
突然間,我見到前面好似有個熟悉嘅人企喺路邊一直望住我,直至我架車喺佢身邊走過,我先留意到佢係我老婆,我即時叫停車!然後打開車門轉身一睇,明明頭先老婆企喺到,轉眼間已經唔見咗。
「世伯咩事?」家銘緊張地問。
我搖搖頭說:「無嘢……」
上返車後,腦海再次出現岩岩畫面,點解老婆會突然出現?
車停了,眼前有間別墅,估唔到靜妍已經變得咁有錢,連別墅都有。
「我拎啲行李上房先,你入去抖下。」說罷,家銘就拎住幾個箱上房。而我就行入大廳坐住欣賞間屋。
但我突然間覺得唔係好舒服,我不斷聞下周圍,呢種氣味正正就係紙紮嘅氣味。
當我發現時候,我發覺身後已經企滿一堆紙紮公仔。
其中一個紙紮公仔說:「這個瘋子,上一次放過他,今天一定要殺死他。嘻嘻!」說罷,佢拎住一支棍一步一步咁行埋嚟。
我正想退後時,突然間,家銘從後捉住我,然後說:「對唔住世伯!你醒返嘅話,靜妍一定放棄紙紮,佢放棄嘅話,姐係放棄我!我就再無用架喇!」
我未開口說話,我就感到巨大暈眩,然後我就被打暈了。
……
……
一星期後,靜妍喺張梳化到喊,家銘走去安慰佢:「唔好喊喇,我估世伯想散心行開陣姐。」
「究竟佢去咗邊……我好掛住佢呀……我等咗佢咁耐,點解又要突然走咗喎。」靜妍嗚咽地說。
家銘企起身,然後從櫃入面拎出一個紙紮公仔。
靜妍一望,驚訝地問:「個公仔咁似老豆嘅?」
家銘溫柔地說:「我知你好掛住佢,所以專登做一個紙紮公仔,係用你爸爸個樣去做。你睇下,連身高都跟足。」
家銘再行去靜妍身旁說:「我只係想你提起精神,見到呢個公仔,等於見到你爸爸一樣。」
「多謝你。」靜妍覺得身邊呢個男人除咗爸爸之外,係世界上對佢最好嘅男人,估唔到自己當初故意親近佢,如今卻有咗深厚感情。
「好喇,今晚我地出去食飯?你……不如換件衫好唔好?」家銘暗示靜妍應該換件紙紮衫說。
「嗯,我上去換件衫同你出去。」說罷,靜妍就開心地走上房。
而家銘見靜妍上房,望望身邊呢個紙紮公仔,然後輕聲說:「拜拜喇,世伯。」
二人開心地牽手離開。
屋內只有隱若的痛苦聲音:「吾……吾……吾……」
靜妍重拾對紙紮嘅依賴,家銘亦繼續發揮佢嘅事業,令紙紮潮流升至頂峰。
香港人,慢慢被捲入紙紮的詛咒,成為紙紮下的祭品。
《完》
**************************
終於都完咗呢個故事,大結局,希望大家一定要like爆佢,留言爆佢,我想睇一睇大結局究竟可以去到幾多like 幾多留言!
就當對我嘅一種鼓勵吧。
我每個留言都會睇!!!!!!!!
我真係要休息一下,然後再重新出發寫更多故仔比大家。
雖然故事完咗,但記得都要支持買返本書
因為本書仲有其他故事架,我亦應讀者要求,寫個阿傑嘅外傳喺入入面=」
我嘅網店:https://homingming.boutir.com/
感謝大家!
同埋再次提大家,今次係預售,幾多人訂就印幾多~
過咗三月就無得再訂同買架喇~@@希望大家買書支持
四月就會製成同寄出~~
業務求人緣 在 林炳南 Facebook 的最佳貼文
晨早一位女客人到來論命,打開命盤,解釋八字的格局成敗得失,便告訴客人,妳的婚姻不好,話剛説完這位客人便說之前離了婚再嫁,這也是八字命盤的結果!
便再說婚姻,雖然已離了婚,之後再結婚,但婚姻危機依然存在,要過多兩年後,婚姻才算穩定下來,此命不是靠老公,是憑自己的實力,才有好的生活,另外!命中顯示,妳外邊好多時有男朋友,而妳是不想,但有想,形成矛盾,便忠告客人,自己要提防,客人聽後,點頭默認確實如此。
說到工作,八字配合大運,相當奇妙及特別,便告訴客人,妳年紀不算大,妳轉工無數次之多,客人亦很老實說,相信最少轉工過了一佰次之多,所以八字玄機真的很有趣味。
便再用八字五行生活化道理演繹方式,務求客人將如何處理及面對,慶幸客人行運越老越好,將來定能得到她所要的!客人臨走,多謝之餘,說自己是FB專頁成員,亦很想看風水便道別了,希望能為客人看風水,客人更想一層樓!
看完客人休息一會,另一位女客人到來,秘書排好八字,客人進來,便告訴客人,稍後所說,作為參考,不要迷信,告訴客人不用紙筆記下來,這裏是可以錄音的!
客人開始按下手機錄音,開始為客人批命,第一句說相信妳未結婚,不待客人回應,已寫下批章了,客人才說自己是未婚(如對命理有所研究的學者,稍後文章中道出如何看出來)。
此時便開始為客人正式批命,配合大運論,此命一生平穩向上,錢銀是一步一步堆積出來,將來,買樓一層一層買,相信有三個自己的物業也不止,往後數十年也是好運的,客人聽後,現在年紀小,現在開始儲蓄,希望將來,正是師父所説,工作運說完,便開始説婚姻了。
妳的命缺點是婚姻不佳,客人說曾經上網看六十納音也顯示不要早婚,告訴客人,妳的命不是早婚和遲婚的問題,是八字組織排列的問題,相信到未限,剛才第一句説妳未婚,因為妳的大運好,所以説妳未婚,如果大運不好,便已經結了婚,亦離婚了,這就是看八字之餘,更要配合大運看!
再拆解感情關係,現在雖無男友剛分手一段時間,相信男朋友是騙妳的,除了感情,錢財亦是,及後說出正是這樣,客人開始雙眼淚水湧出來,持續十分鐘之多,便取出紙巾給客人。
待情緒開始平伏便告訴客人,男朋友是年紀比妳小的,客人用紙巾抹眼淚中説,最近的兩次拍拖,男友全部年紀比自己小的,聽後便教客人如何將感情用命理五行轉化,告訴客人,此命可算是终生學習,相信工作之餘,亦有進修課程,只是讀一段時間又停下來再報讀,客人說亦承認了,聽後便告訴客人,請放心,八字並非一成不變的,妳的命是可以變的,只要將讀書放在第一位,感情放在之後,待運過了,自己平穩安然渡過日後婚姻危機,因妳的命,忌神能轉化為讀書,所以知道妳是接受學習的人,否則,如不喜歡學習,將時間放在拍拖上,戀愛大過天,那麼,婚姻必敗,敗了才是命中注定(無奈),所以做人是積極的,知道自己命格涉及範圍,如何在這範圍內變,變得更好,才是看八字命理的真諦!
臨走時客人原來是看專頁的,未加入專頁,炳南便邀請客人加入,成為FB成員,謝謝客人!
最後!客人有問題問,坊間一些水晶是否能幫助人緣,增加感情、財運、健康等!
趁解答客人疑問,亦相信專頁朋友也想知道,告訴客人亦告訴大家,每一件物件也有能量或它的五行,不應單是水晶,亦不需要動不動,花費金錢買這些物件,其實醫心理大於實際,説實在,大家真的要買,就算是信仰的看待吧,否則每位朋友只要買了些水晶,便渡一切苦厄,求財得財,求健康得健康,這世界不會進步了!個人信仰或許增強自信心吧!
注:炳南短短這段時間,每天分享文章,專頁成員很快已過千了,這陣子幾天才寫文章,因為由於成員多了,所以讚好的成員不到一佰也不會分享文章,成員們,如果炳南所分享的文章您們喜歡的,除了讚之外,能分享出去給朋友,使成員幾何級數增加,使炳南更有動力,謝謝大家支持及鼓勵。專頁成員晚安!
#命理實戰