開發完新界北,玩完海馬公園,今次PND帶潮友食泰菜!呢間地道小店開喺熟食中心1樓,夠隱世,有露台位可以望到街外風景,夠椰林樹影feel!
仲要人均消費唔洗$100?夠抵食呀!#PND燒錢100蚊有找系列
天氣有啲焗,最啱食甜甜辣辣嘅《青木瓜沙律 $42》開開胃。大大碟嫩滑《海南雞 $68/半隻》...
開發完新界北,玩完海馬公園,今次PND帶潮友食泰菜!呢間地道小店開喺熟食中心1樓,夠隱世,有露台位可以望到街外風景,夠椰林樹影feel!
仲要人均消費唔洗$100?夠抵食呀!#PND燒錢100蚊有找系列
天氣有啲焗,最啱食甜甜辣辣嘅《青木瓜沙律 $42》開開胃。大大碟嫩滑《海南雞 $68/半隻》骨已起,咬落啖啖肉,點埋秘製酸甜汁一齊食最夾,如果有埋碗油飯就更好啦!
每次食泰菜必叫嘅《冬陰公海鮮湯 $48》大大碗勁足料,有好多菇菇同香料,香味湧曬出嚟!
同小店同名嘅《青咖哩雞 $52》點可以唔試埋!雞件肉質滑溜,份量都算多有7-8件,咖哩雖然比較稀身,但味道尚算香濃,撈飯/點麵包一流!最後再叫多個《椰青冰 $16》解解渴,Perfect池!
PND叫左勁多野食埋單都係 $283 (足夠4人份量),仲要無加一,價格勁貼地,最啱一大班朋友嚟開餐!咁講法!!!!!其實去完海馬公園再過嚟醫肚都得喎!!!! 青咖哩屋
電話:6273 2861
星期一至六:1130 – 1500,1800 – 2230 (星期日及公眾假期只做晚市)
地址:香港仔南朗山道熟食市場1樓5號舖
點去:所有經香港仔隧道嘅巴士,例如590、592等都會有站經過黃竹坑,幾方便架。
#PND泰國菜 #PND香港仔