仲記唔記得早幾個月我同QB養過蝴蝶蟲呢? 🐛睇住由毛毛蟲變成蝴蝶既過程真係好感動又有成功感!💕 蝴蝶唔止外型千變萬化，對生態系統都好重要架，今個夏天就同小朋友一齊認識蝴蝶和保育啦!🦋

#慈雲山中心 今個夏天就推出以蝴蝶為主題既「Summer Fun蝴蝶『園』遊會」，透過遊戲攤位 、體驗活動讓小朋友進一步認識蝴蝶，明白保育和愛護環境的重要性👏。3樓戶外空間化身成 #蝴蝶園，移植了250棵植物為蝴蝶提供花蜜和適合棲息的地方🌿，並在牆壁上繪上色彩繽紛的蝴蝶、花草等圖畫，充滿童真，小朋友黎玩仲可以了解大自然多啲，仲有機會遇見蝴蝶在花間飛舞🧚‍♀️，又可以影靚相打卡📸。不過記得見到蝴蝶離遠觀賞好啦，唔好騷擾佢哋採花蜜呀🤫

睇完蝴蝶入返商場仲有好多活動，包括多個「#夏日遊戲攤位」，好似去左迷你嘉年華會咁 ;又有小朋友最鐘意既「#夏日夾禮物機」。顧客只需於商場以電子消費滿指定金額即可換領5️⃣張「 #夏日遊玩券」參加活動。喜歡運動既朋友仲可以用來換ANYTIME FITNESS瑜伽磚，仲附送親子體驗班，同小朋友一齊做下運動👯‍♂️。

參加埋週末既「#蝴蝶漫遊工作坊」親手創作獨一無二既手作，用環保物料做素材，又好玩又環保，整完仲可以把製成品拎返屋企或送比朋友架，夠晒心思💕。

即刻了解更多活動資料👇
https://bit.ly/3jD0A5O

#香港 #香港好去處 #週末 #週末好去處 #小朋友放電 #放電去邊好 #放暑假 #暑假去邊好 #暑期活動 #蝴蝶 #蝴蝶保育 #親子 #親子活動 #工作坊 #遊戲攤位 #慈雲山 #SummerFun蝴蝶園遊會 #boxingpromotionshk

《ERROR自肥企劃》第二周無跌watt！跌眼鏡添！

～做電視嘅原則，唔驚多人鬧，最驚無人理，又要唔低俗，又要負起社會責任，為國為民嘅，咁不論大台或ViuTV，都唔會啱睇，專心睇現在變成「偉光正」的港台吧。靠「扒糞」新聞成名的，突然變成正義使者，英雄莫問出處，不過，繼續講娛樂新聞真是有點唔合適，國民教育需要大量人材，考慮一下轉型，再提升形象，不要繼續「扒糞」了。

～ 《ERROR自肥企劃》放在深夜十一時播出，亦根據條例列明為「M成人觀眾」，所有唔應該出鏡的東西都打了格仔，尤其係個導演😂，粗口又被「嘟」了，唔知仲想投訴甚麼？「低俗」太籠統了，當年獎門人都玩唔少性暗示遊戲，仲要合家歡時間播，嗰陣點解唔罵「低俗」？好簡單，因為那時個節目收視高，受歡迎，罵「低俗」會得罪好多觀眾，影響搵食。咁點解砌ERROR？可能，仲有個電視夢，希望得到副經理三顧草廬，為改革出一分力，祝福得償所願。

～ 有點跌眼鏡，首周集集攻擊「小弟」，以為第二周會開始重複同跌watt，點知仲好睇，格仔條友果然有啲計。見到不斷被整的Dee哥，終於收到一噸啤酒，戥唔戥佢高興好呀？不過我就笑到甩肺，真不該，為了贖罪，我唔介意為Dee哥分憂，揸車嚟你樓下盡搬啤酒！

～ 全英文，ETV嗰集好有教育意義，原來Master 7啲英文咁流利，失敬！失敬！見到自肥Fatfolk終於被整，心情爽晒，鬼叫你咁受女歡迎咩！而在下好不幸地似Dee哥，無朋友，唯有用妒忌mode對待肥仔！

～ 第十集又勵志又感動，見到保錡終於成功片石仔二十下，睇到好興奮，都係個句，咪玩乜鬼「自省」啦，快啲復出，有error先夠資格做ERROR呀，點解要做陽光少年，繼續「素食主義」就ok嘞！片尾嗰三條中華白海豚出現，真係好感動，一直好擔心棲息環境的變化，會令牠們不再出現！

～ 事實證明，格仔導的自肥企劃係阿陳，相當喜歡這企劃，繼續！

～ 下星期有冇機會見到格仔導同Agent L被「死亡恒星」呢？如果未拍嘅唔介意補拍呀！

#ERROR自肥企劃 #ERROR #Dee哥 #肥仔 #保錡 #193

最後一日！

一連四日。徐小鳳的二三事

#04

歌影雙棲的小鳳姐📽🎙

今日黎到最後一日！講嘅係小鳳姐拍嘅戲！其實睇過幾套小鳳姐做嘅戲都覺得小鳳姐其實好幽默，喺套戲見到小鳳姐嘅時候都會會心微笑✨🥰。

—————————

1. 小鳳姐喺娛樂圈除左唱歌原來有拍戲！

答案：無錯，小鳳姐都有拍戲架！佢總共拍過9套戲，包括：《聖誕快樂》（1984）、《雞同鴨講》（1988）同埋《橫財三千萬》（1987）等。佢拍嘅戲裡面有幾套都係客串。

2.佢早喺70年代已經有參演電影，但好似好多時候都係飾演歌手？

答案：係呀！可能因為佢本身都係歌手嘅關係，例如1972年同埋1975年嘅電影《輕煙》同埋《李小龍與我》，小鳳姐都係飾演歌手。

3.佢最為人熟悉嘅戲係邊套？小鳳姐嘅角色係？

答案；小鳳姐最為人熟悉嘅戲就應該係《聖誕快樂》（1984）。佢裡面飾演嘅係夜總會駐唱小鳳（同名），套戲哥哥、陳百強、麥嘉都有參演。而麥嘉同小鳳姐喺呢套戲之後都仲有再同小鳳姐喺《橫財三千萬》（1987）入面合作。

4.佢拍呢套戲嘅時候有咩有趣事？

答案：小鳳姐當年拍呢套戲嘅時候成日同童星小光頭夾戲，小光頭好鍾意同小鳳姐玩，小鳳姐一抱佢就笑，喺等戲嘅時候，Danny又彈琴俾小鳳姐聽，小鳳姐話同套戲嘅插曲《等》好似，唔知Danny係咪想俾隻歌佢唱咁話喎。【1】

5.《聖誕快樂》嘅主題曲《這是真愛》有兩個版本？

答案：無錯！《聖誕快樂》嘅主題曲《這是真愛》收錄喺小鳳姐1985年嘅唱片《全新歌集3》裡面，歌詞第一句本身係「這是真愛～～」，但係因為電影《聖誕快樂》係聖誕嘅電影，喺電影裡面為咗氣氛，歌詞就改左做 ‘Merry Chirstmas~~~’ 。

6.佢除左做主角有時都會去客串架窩！

答案：係呀，例如喺《雞同鴨講》（1988）入面，小鳳姐客串做一位食客。喺套戲嘅最後小鳳姐同隻鴨髀培養感情嘅戲份就最為人熟悉：「呀髀呀髀，你乖下，我就黎黎食你架喇~~」

7.佢最近拍嘅電影已經係2006年嘅《最愛女人購物狂》。

答案：2006年嘅《最愛女人購物狂》係小鳳姐闊別螢幕18年之後難得參演嘅作品。根據資料小鳳姐係因為中國星公司向華強太太敬力遊說，被佢打動先再出山拍戲。戲裡面佢係飾演一個能醫不自醫嘅購物狂心理醫生陸小鳳，仲同家英哥有感情線，好好笑㗎。【2】

8.咁佢拍呢套戲嘅時候有咩有趣事？
答案：拍《最愛女人購物狂》嘅時候劇組人員都非常鍾意小鳳姐，因為小鳳姐每次出現嘅時候都會「萬歲」請全組人食嘢。而導演韋家輝就話小鳳姐嘅脾氣太好，鬧人嘅戲份斯斯文文咁，因為佢唔識鬧人。【2】

【1】：https://youtu.be/tJI87ngcuNI
【2】：https://hk.appledaily.com/entertainment/20060104/AWFJPCZGZQWRLJMPQ4XRBGYSEM/
《聖誕快樂》報紙廣告：https://m.v.qq.com/play.html?cid=nddtfvzsazkrpmu&vid=p001929m7uh&ptag=www.google.com.hk%23v.play.adaptor%232&mreferrer=https%253A%2F%2Fwww.google.com.hk

年近歲晚，我個心情好複雜???你知啦～日本人既新年已經過左，但成個FACEBOOK係咁出現收爐／行年宵／維園等等的東西，上年大年初一係工作中度過，見到屋企人係WHATSAPP到不停傳魚蝦蟹／打麻雀。今年既洗版POST搞到我心癢癢好想過農曆新年呀?
於是我就尋找有無人肯陪我癲，整一餐團年飯出黎呃LIKE！首當其衝就當然係 日港遠戀到同棲生活 ????好寬容咁借出屋企俾我地搗亂，但係有條件竟然係要我攞100ml滴露消毒水作屋租?決定年廿九團年後，我地就分別約好幾個FDS同傾下煮咩餸，務求做到嘈到拆天～可以合唱???唏呀唏呀唏～唏～呀唏呀唏???順手俾個機會多毛太學做人妻既下廚樂。因為係閒日，返工唔會夠時間整餸！所以我地盡量前一日醃好整好，LUNCH個發現唔夠材料就要快手補給～仲有就係我地香港人既天敵～「残業」
結果皇天不負有心人，我可以準時收工衝去準備！！又蒸又焗又煎，到最尾發現整既野雞全部都係雞???罐頭鮑魚都係第一次整，原來要連罐煲成兩鐘～幾擔心會失敗，你知啦～唔太「佬」泥架嘛～人齊就起筷??????起初都擔心朋友既朋友第一次見面都怕唔啱咀型，怕羞唔敢講野！好彩大家一拍即合者?而自己醃既速煮金寶粟米蛋花湯同鹽焗雞翼賛絶好評！成個人都鬆晒～
最後多毛先生加入飯局，要立即轉返日／英麗音雙語廣播。此時，我竟然TUNE唔到台?佢地日文實在太揮灑自如～我都希望他朝一日自己既日本語がぺらぺら話せるようになりたいです。

懇請大家陪住【丫仁】成長，緊貼我最新動態 ♫
分享在日期間的生活，點滴累積成長！

【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！