【麻辣雞煲🌶火鍋放題】
#阿祖食盡旺角
雖然兆萬中心被稱為「劣食之塔」，但無阻阿祖挑戰精神🤣呢間火鍋放題位於兆萬16樓，預早訂位較容易有卡位坐～係幾高人氣嘅元祖級火鍋放題之一！環境就比較迫，質素又係點？
。
🤍 沒有立場資訊
💁🏻♀️ #阿祖_火鍋店
。
💕價錢
5:30-6:30入座$159，...
【麻辣雞煲🌶火鍋放題】
#阿祖食盡旺角
雖然兆萬中心被稱為「劣食之塔」，但無阻阿祖挑戰精神🤣呢間火鍋放題位於兆萬16樓，預早訂位較容易有卡位坐～係幾高人氣嘅元祖級火鍋放題之一！環境就比較迫，質素又係點？
。
🤍 沒有立場資訊
💁🏻♀️ #阿祖_火鍋店
。
💕價錢
5:30-6:30入座$159，之後就每位$179，任食兩小時！星期五六日、公眾假期加收$10🥲價錢可以話係全包宴，升級龍蝦鮑魚海鮮船+$59位，升級牛肉+$30，但阿祖兩樣都冇加
。
💕雞煲
首先揀雞煲口味，都幾多款選擇！包括芝士麻辣、九層塔、大蝦等等，個人揀咗花膠麻辣雞煲✨焗幾分鐘就食得，醬汁非常多而且好惹味，唔會太油膩同埋太鹹👍🏻雞件為雞脾肉，大件啖啖肉，但將貨就價唔用原隻雞，感覺爭啲。花膠爽口幾大塊，但應該係上枱時先擺入去，所以唔太入味。唔食雞煲仲可以就咁揀打邊爐，自己揀湯底～食完雞煲就會加湯
。
💕任食肉類及海鮮
阿祖主要食咗雪花肥牛同青森黑豚肉片。牛肉薄切到就嚟透明，但肉質幾滑一啲都唔韌！豬肉質素都不錯，另外仲有五花肉、牛𦟌牛脷等🐮海鮮主要點蜆同海中蝦，大讚呢度嘅蜆肉，大大隻脹卜卜，嗌多幾轉就變咗卜卜蜆😺蝦肉都算爽口。不過每次質素有少許參差！
。
💕其他火鍋配料
近70款配料任食，以紙仔方式點餐。基本嘅響鈴魚皮、丸、餃子、蔬菜、雞肉魚肉都有齊，蝦滑同墨魚滑都有。推介墨魚春卷、魷魚鬚、魚皮，比一般嘅火鍋放題高質👍🏻中咗伏有鮮蝦雲吞，裏面嘅肉有啲霉。基本上只要填「1」就會俾返人頭份量，都算慷慨。第一round上枱時間最快，建議點多少少！
。
💕自助區域
自助區除咗豉油醬汁自己加，仲有飲品同甜品。飲品有自家製嘅樽裝茶，之後就係汽水、韓式飲品嗰啲。可惜汽水係百事同沙士，而且冇健怡版本🤣另外甜品係泰國雪條同杯裝雪糕，選擇比較少
。
整體而言食物質素有驚喜，$179 CP值不錯，係冇太高要求嘅前提下、都食得滿足盡興☺️唯獨是飲品甜品爭啲。
。
📍壹火鍋
旺角西洋菜街1號兆萬中心16樓
⭐️人均消費：$200
。
#joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港美食 #香港插畫 #旺角美食 #壹火鍋 #火鍋放題 #雞煲放題 #麻辣雞煲
