︳BRZ配置器陪你「high翻天」 ︳

美國首個2022年款Subaru BRZ嘅配置器上線啦！大量配置任你揀，陪準買家「high翻天」！

嗱，BRZ本身都唔係target咩貴價市場，本身置有2.4公升Boxer偈、後輪驅動，喺美國分Premium同Limted版本，未連稅都只係分別賣緊$27,995美元（約21萬港元）同$30,495美元（約23萬港元），各自配有六速棍波、18吋輪圈同發熱前座等配備。

話明high翻天，戲玉option嚟啦，接住啦喎！六速自動波箱$1,800美元，尾擾流$699.95美元，尾翼$349.95美元，「旺角」味濃嘅腳踏燈$210美元。有無STI fans？棍波波的$215美金，引擎啟動按鈕$245.95美元。未夠？竟然連pet friendly配件應有盡有，由狗狗頸帶到食飯嘅兜兜都有得揀，價錢由40到200美元不等。若然車主夠闊綽，全部option要晒，連埋車盛惠$39,163美金（約30萬港元）。

「車，30萬咋嘛，畀哂我啦！」係嘅係嘅，但記住呢個價係美國價。如果嚟香港仲要計埋香港嘅稅，自己拎部計數機出嚟計吓啦下😏

#Subaru
#BRZ

————————————————
Web - www.topgearhk.com
YouTube - www.youtube.com/c/topgearhongkong
電子雜誌（網站及iPad版）- bit.ly/3mF2yDD
電子雜誌（Android版）- bit.ly/32a2LVO

「新Fairlady Z正式發布」

Nissan係美國發布新款Fairlady Z，今次設計概念喺傳統與最新科技的融合，所以今代Z會見到歷代Z嘅影子 ，如成部車嘅輪廓，低重心同頭燈設計係致敬第一代S30Z，而尾燈嘅設計就用咗Z32標誌性尾燈，呢個充滿向歷代Z致敬嘅設計相信唔少車迷都會BUY

嚟到內籠位置，Nissan都與時並進為新款Fairlady Z裝咗12.3吋電子錶板同9吋車機，電子錶板會顯示引擎油溫、水溫等重要行車資訊，仲有嘅喺有三種錶板顯示模式，其中有一個係由現役SUPER GT選手 松田 次生設計，而9吋車機就可以用到Apple CarPlay、Android Auto等功能，嚟到呢到可能有車迷會話個三連錶會唔會仲係到？，唔洗驚，嚟到咁今代變咗做Turbo Bar數、Turbo 轉速同電壓錶

性能部份相信係車迷會關注嘅地方，引擎用咗VR30DDTT引擎，最大馬力有405PS、最大扭力有48.4kgm，可以配搭6速棍波或9速自動波，而Nissan仲好好咁為新Z加上彈射起步模式(只限Performance版本)，令車主可以體驗新Z嘅性能

今次新Fairlady Z會而三個版本發售分別喺Sport、Performance同Proto Spec，其中Proto Spec限量240部會以Performance版本做基礎用上之前Prototype黃色車身、古銅色鍛鈴、黃色鮑魚同黃色格調內籠 ，據聞最低入場費40,000美金，睇嚟同新SUPRA A90有得比喎🤫

#新車發布
#新FAIRLADYZ
#NISSAN
——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊，記住睇埋我哋其他平台🚗
𝐘𝐨𝐮𝐓𝐮𝐛𝐞 : https://www.youtube.com/opencar
𝐈𝐧𝐬𝐭𝐚𝐠𝐫𝐚𝐦 : https://www.instagram.com/hkopencar/
𝐖𝐞𝐛: www.opencar.hk

｜土屋有話兒～｜

等緊新Toyota GR86同Subaru BRZ？最近有日本同行搵嚟車神土屋圭市，賽道實測GR86同BRZ原型車，試哂自動波同棍波版，仲計埋圈速添。

四部之中，快至慢分別係棍波GR86（1:19.54）、棍波BRZ（1:20.10）、自動波GR86（1:20.59）同自動波BRZ（1:20.71），最快同最慢之間相距逾1秒。當然啦，要做到以上圈速，首先要練得土屋嘅好身手，唔係咁易架師傅！

土屋大讚新款2.4公升引擎有力水，車身剛性強，穩定性高，甩尾時都相當易控，感覺同佢自己部上代前期版好唔同，仲話想換車添。至於兩者之間找不同，佢就話轉髮夾彎時，GR86轉得積極啲，BRZ就比較推頭咁喎～

▶️去片：Auto Messe Web — https://youtu.be/DiApDt43-zI

#Toyota
#GR86
#Subaru
#BRZ

————————————————
Web - www.topgearhk.com
YouTube - www.youtube.com/c/topgearhongkong
電子雜誌（網站及iPad版）- bit.ly/3mF2yDD
電子雜誌（Android版）- bit.ly/32a2LVO

｜新手學車N件事｜教車師傅vs駕駛學院學車 三類人易成馬路炸彈 點揀自動波同棍波
近日不論因為電視節目或移民潮，很多人都在討論學車、考車和駕車，如何判斷自己是否合適駕駛、學車有甚麼要注意、找教車師傅和到駕駛學院學車有甚麼分別、能否用持續進修基金學車？我們請來駕駛教師協會主席黎文傑解答這些問題。

黎文傑指，駕車時緊張得很厲害、緊張得聽不到別人講話的人並不適合駕車，「對我們學車來說，其實越放鬆，成功學會的機會越高，越容易掌握。」那怕是沒有方向感、沒有速度感，甚至不會分辨左右，都能夠處理，但假若很緊張，一坐下便繃緊得很厲害，完全不受控便很難學會，因為即使方向感也是因緊張導致失去方向感。

https://hk.appledaily.com/lifestyle/20210515/I6GFWBUKBJBXPLMHBT5KM77WYM/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#學車 #考車 #教車師傅 #駕駛學院 #新手
#果籽 #StayHome #WithMe #跟我一樣 #宅在家

或者，好多讀者已駕駛過純電動電單車（包括國內親戚那部買餸羊或家中果部電動單車），但玩過電動大包圍的騎士應該不多，仲要是一部扭力峰值達到20.3kg-m的跑車，感覺如何？加速力有幾癲？有請張煒安同大家報告。

載番個頭盔先，本誌是電動汽車及電動電單車的文盲，惡補後才如夢初醒，現在才知道純電汽車十分普及。雖然香港的充電設施仍有待完善，但充電站的數量遠超10年前，並且遍布全港，現在不僅Tesla，其他傳統牌子已加入製造純電車行列，款式愈來愈多，部份車子的續航力更高達400km，打個折扣都跑到300km多，這一刻才知道自己仍然活在石器時代。

純電電單車又如何，其發展速度好明顯滯後，那麼有沒有一間年資又Young，又沒有造車經驗類似Tesla的製造商？答案當然有，ENERGICA是其中一間，但兩輪界仍未出現突破樽頸，同時迫使傳統品牌加速電氣化步伐的非傳統車廠。事實上，傳統電單車廠好早開始研發電動車，不過遲遲未市販化，好可能考慮到用家的負擔能力及市場接受程度；畢竟生產電池的原材料昂貴，導致車價高昂，以及充電設施未配合發展，更重要是短期內未必有利可圖，姑且讓新冒起對手試探水溫。

究竟ENERGICA有幾Young？2014年正式成立，所有車輛都在意大利跑車故鄉MODENA生產。ENERGICA的母公司是CRP集團，擁有50年歷史，業務涉及賽車、航空、太空科技、3D打印及軍事科技等等講求高準確度工業。肉眼所見，今次介紹的兩部電車在各方面均有一定質素。

CRP集團為了展示賽車技術，2006年成立自家車隊，出戰世界WGP125及意大利CIV道路賽，2008年啟動eCRP純電大包圍計劃。適逢史上首屆全電動TTXGP格欄披治在2010年舉行，正好測試eCRP的實力，CRP集團其後亦有參加由FIM舉辦的e-Power電動格欄披治大賽。

事實上，eCRP純電大包圍是今次試駕ENERGICA EGO的雛形，原型車見於2013年，車子因為採用3D打印及CNC製造的部件而廣收宣傳效果，市販版正式在2015年推出。不過真正讓更人認識ENERGICA EGO，是因為ENERGICA自2019年起成為Moto E獨家供應商，所有參賽隊伍都使用相同規格的ENERGICA EGO參賽。編者今次能夠在香港親身接觸市販MotoE戰車，看著披上MotoE拉花的包圍，突然有落場的衝動！

張煒安試車感受—加速話咁快
8年前領教過純電動電單車的扭力，當年試駕的車子雖然只有54hp馬力，但扭力達到9kg-m，產生的加速力及起步反應媲美直四600級大包圍，雖然如此，與今次試駕的兩電車相比，所有數字差了一大截。

以ENERGICA EGO大包圍為例，馬力143hp(107kW)，相等於一部750cc左右的大包圍，可是扭力峰值高達20.3kg-m (200 Nm)，與超過2,000cc的電單車看齊，卻比起這一代公升級超電多約70%。如此巨大的扭力有幾好玩？簡單來說扭力越大，起步及加速力越勇猛。據廠方公佈，ENERGICA EGO的0-100km只需3秒，簡直痴線，極速可達240km/h，至於NK版EVA都有200km/h極速，理論上在香港用唔著。

果只看數據，ENERGICA EGO的扭力無懈可擊，實際駕駛又如何？

好勁....頭、中段的加速力比現今的公升級超電有過之而無不及，加速時上半身被風阻扯得好利害，尾段則受到環境限制而無法體驗。電動摩打甫加速便進入扭力範圍，不用像內燃引擎提升至一定轉速才增加扭力，所以油門近乎沒有延遲感，一篤油便立即向前衝，反應比汽車電單車的油門要更捷，所以早段時間沒有膽量大力質落油門加速；事實上，不論電或高性能油車，統統都採用電子油門，沒有威也，所以更正確的說法是電門，而非油門。

此外，由於電車採用單速波箱，無波可轉，油門操控與綿羊相同，所以扭著油門不放，馬力一氣呵成釋出，既沒有因為檔位銜接導致馬力流失，也沒有轉檔的頓挫感，即使任何時候減速，都輕易再爆升車速，騎士因此無需善用波段或Keep轉數，20.3kg-m的扭力及超廣闊扭力帶果然非同凡響。

加速感又如何？

其實電與油車的差異頗大，首先電車只有摩打排出的VV聲，雖然轉速越高，音頻越尖，但實際駕駛中的風聲比麼打聲大，取代汽油車轉數越高，排氣聲越亢奮的感覺，而全球推動電車的原意，就是要保持環境清靜。再者摩打缺乏類似引擎的諧震，駕駛時仿佛與車子失去聯絡，原因是內燃引擎的排氣聲及震盪成為騎士與車子溝通渠道之一，因此沒有留意車速，駕駛電車比油車更容易超速。究其原因，電車的加速力雖然強勁，可是油門控制比油車更容易，馬力細滑如絲地傳送到尾輪上，感覺就好像剛踏進高鐵車廂，凳子還未座暖，列車已飆升到300km/h一樣。

因此未駕駛過ENERGICA EGO的讀者，我建議包括老手在內，最好選擇Standard(標準)、Eco(慳油)或Wet(濕地)馬力較低的馬力模式，與此同時開啟防止尾輪打滑的循跡系統及ABS，待熟習260kg重量及寧靜操控感，才好好享受最強的Sport(運動)模式，原因電車的馬力來得又快又直接，用多幾個電子輔助駕駛傍身，既安全又好玩。再者ENERGICA EGO是一部自動波大包圍，沒有離合器，對於棍波車騎士來說難免有點空虛感，也不可以使用離合器控制掉頭車速，因此需要一點時間適應，如何倚靠油門及煞車控制掉頭速度，否則增加跌車風險，因為掉頭的時候，你會實實在在感覺到她的重量。要是你有綿羊底子，絕對有幫助。

講開減速，車子重達260kg，但是BREMBO M4煞車卡鉗足夠街道使用；另一項協助騎士減速的功能名為Regenerative Maps，即是「制動力回收」，熟識電動四個轆的讀者一定不會陌生，作用是當騎士縮油減油，讓原本驅動尾輪的摩打變成發電機，為電池充電，夠晒環保。

而Regenerative Maps「制動力回收」共有四段選項，分別是OFF(關)、LOW(低)、Medium(中)及High(高)；當日試車首先切換High(高)，縮油後車身立即頓挫起來，俗稱鎖得好勁，車速明顯拖慢，感覺有點像突然拖低一個檔位，所以個人認為不適合跑山，會影響壓車攻彎的暢順度，但應付「長命斜」或落山好有用，等於波車用低檔落斜，大大減輕制動系統負擔，可避免制動過熱。講咗咁耐，「制動力回收」即是棍波車所講的Engine Brake(制動煞車)。

之後體驗LOW(低)效果，個人認為這個Mode適合玩山，雖然高速煞車縮油的Engine Brake明顯減少，不過仍有效地拖慢車速同時，讓我更流暢地入彎。最後嘗試OFF模式，一如所料，減速沒有Engine Brake，跟綿羊及二衝車一樣，縮油後車子繼續向前衝。對我來說，「制動力回收」好有趣，讓我在短短數小時試駕中，回顧過去20年賽車技術發展史；由我初初鬥2衝車近乎沒有Engine Brake，到轉戰4衝600 Superspot的強勁Engine Brake，再之後普及的防鎖死離合器（Slipper Clutch—舒緩Engine Brake，讓車手更暢順攻彎），到現在的全電子年代。另外，ENERGICA EGO配置ABS防鎖死系統，然而另外還加入名為eABS系統，它是防止急煞減速同時，尾輪又被「制動力回收」產生的Engine Brake鎖得太死，導致輪胎失去咬地力；此時，eABS立即介入，暫停「制動力回收」工作，好讓輪胎恢復咬地，發揮類似防鎖死離合器的功能（Slipper Clutch）。當eABS介入後，儀錶會亮起相關信號。

ENERGICA EGO的座姿及車身闊度與600或1000大包圍分別不大，座上810mm的座位依然跳芭蕾舞（張煒安身高5呎６吋），可是軑把高度適中，整體來說不極端，有上一代跑車的影子，某程度來是一款舒適型超電。不過論真正舒適性，當然是NK版EVA為佳。

所有電車，包括二輪及四輪，因為負載電池組件而變得比同類型油車重，當你騎上ENERGICA EGO再踢起側架，然後拉直車身，便會發現比起拉起600及1000更費力，畢竟她們相差超過60kg。

為應付重量，ENERGICA EGO實行以硬制硬，例如廠方建議使用42磅胎壓，否則胎壓不足，輪胎與路面接觸面積過多，加上避震設定太軟等等，都會影響操控性能，即使直路行駛都會出現跌車傾向，所以當日在山路行駛幾圈後，立即調硬前避震的預載，穩定性才大大改善。事實上，電車對我來說是新事物，需要更多時間摸索各方面的設定技巧。

老實說，當日聽到260kg的車重都有點詫異，腦海突現浮起80-90年代的1000cc大包圍，就連moto-one的編輯都對我的評價特別感到興趣，試駕後不斷追問是否好鈍好笨重，比第一代R1更重等等。說實話，論輕巧度及靈活度肯定不及新一代600及1000大包圍佳，壓車搬身需要多一點力，之但係又唔覺得好鈍或好笨重，比原先估計更好彎，的確有點意外，所以用第一代R1比較未免太誇張。事實上除了落地推車、窄路掉頭、燈位停車及塞車慢行之外，起步後唔覺重。不過聽車主講，駕駛初期因為未熟習車身重量，難免會有壓力。

或許你會擔心推車，可是ENERGICA EGO設有後波及前波，最高車速只有2.8km/h，其操控不難，只要按下著車掣2秒，便會切入“PARK ASSISTANT”(泊車輔助)，即後波，若再按下著車掣便會切入前波，讓你在限速下向前或向後泊車，大可安座於車子上撐船仔。


至於騎士最關心的續航能力，由於當日只駕駛不足50km，所以未能詳盡解釋。根據廠方資料顯示，在市區駕駛的續航力200km、市區與高速公路駕駛的續航力160km、高速公路續航力130km。不過據車主講，ENERGICA EGO的實際續航力與廠方公佈的數據接近，他試過從元朗出發去機場，全程高速公路，平均車速約80-90km/h，來回路程約100km，回家只餘20%電量，估計可以行多約40km-50km。事實上，續航力好視乎騎士的駕駛方式，所以駕駛電車必須要經常留意電量，畢竟充電站並非度度都有。

最近，紅足三年的HONDA MSX125終於出現新對手－KAWASAKI Z125，此車外型以同廠Z1000為藍本，所以極具Street Fighter味道。由於KAWASAKI姍姍來遲，因此廠方可作周詳部署挑戰對手，好像KAWASAKI Z125分別有半自動波版及棍波版，不單止可吸引懶於操作極力子的騎士，在香港市場更起到大包圍作用，吸引只持有自動波牌騎士購買，就好像車主May，她是只持有自動波牌的女騎士。