🇭🇰深水埗區 _______________________________________________________ 古語有話有「棋」父必有「棋」子， 棋哥燒鵝大名聽得多，有棋子燒鵝當然是承傳父業的新店， 深水埗新開張店格局光鮮，乾淨企理。 棋子燒鵝菜譜一看其實同棋哥大同小異， 同樣有一人至六人餐選擇，就是排版比較新款。 HK$198/2人餐 燒鵝例牌、單拼燒味例牌、菜心、飯/瀨粉/米粉、老火例湯/飲料 雖說是例牌燒鵝，但上檯份量不俗，兩人完全夠哂食， 第一口的招牌鵝一定感受到那種味道就是經荔枝柴煙燻的脆皮燒鵝， 由於自家店燒製，新鮮鵝肉的脂肪比例平均，能夠鎖緊肉汁， 油潤甘香，鵝肉原味道亦明顯濃郁， 就算唔配上秘製的酸梅醬，鵝肉原汁原味的非常吸引。 單拼燒味例牌點了肥叉燒， 梅頭肉半肥瘦, 同樣是例牌但份量多得非常滿意， 叉燒沾滿蜜汁，惹味吸引，肉質軟熟, 脂肪瘦肉平均滿意， 二人餐要來送飯送瀨粉都真心一流。 食肉獸又少不了的一碟均衡營養的菜心一碟， 加埋足料老火靚湯，足料清甜解渴， 是令我們幾滿意的一個二人餐。 一路食一路有砍料的外賣生意， 原來買燒鵝半隻，不但有九折，而且可以加$10有半隻鳳中鳳雞， 是砍料加餸的絕對之選。 ______________________________________________________ 👅美味: ⭐️⭐️⭐️⭐️⭐️/5 ✨環境: ⭐️⭐️⭐️⭐️/5 💫回頭: ⭐️⭐️⭐️⭐️⭐️/5 💡性價: ⭐️⭐️⭐️⭐️⭐️/5 💆‍♂️服務: ⭐️⭐️⭐️⭐️/5 🔍餐廳: #棋子燒鵝 🏠地區: #sharefood2you_深水埗 🍽菜式: #sharefood2you_燒臘 💸價錢: $198 📍地址: 深水埗長沙灣道233-239號惠康大廈地舖 ⏰時間: TBC _______________________________________________________ #sharefood2you #食評 #深水埗美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。

📍 Foodeli 原本係德福有2層既Piaco結業後 取而代之既係Muji同有成10家餐廳既Foodeli👅 呢到裝修新穎 有別於傳統Foodcourt 仲有梳化卡位 坐得好舒服👍🏻 除左有比較常見既pepper lunch 同mos burger之外 今次我地就試左棋子燒鵝同濟洲燒肉飯堂🤤 棋哥燒鵝相信好多人都聽過 棋子燒鵝係子承父業既子公司 係深水埗都有分店 頗有名氣🤩 今次我地就叫左個1人餐 包例牌燒鵝雙拼 時菜 粉麵飯同飲品 佢地除左燒鵝 桶子豉油雞都有名 所以雙拼我地就揀左燒鵝拼豉油雞😉 唔好以為例牌好少 佢地真係好足料 比左雙脾我地丫😍😍 有成一大碟 燒鵝果然名不虛傳 唔會好肥 外皮燒到好香好酥脆 肉質幼嫩多汁 點埋酸梅醬毫不油膩好好食🤩 豉油雞脾同樣肉質嫩滑 好入味好厚肉 點埋薑蓉好正🍗 最好就係仲可以配瀨粉 湯底都好入味 果然不錯🥳 濟洲燒肉飯堂除左可以揀坐foodcourt 位 仲獨立有枱係for你食燒肉😍 我地今次就揀左牛燒肉飯 飯上面舖滿用韓式燒肉醬料醃制同燒好既牛肉 鹹中帶微甜 味道適中好好送飯😋 仲有流心蛋 泡菜 芽菜等配菜 一樣好豐富 加$12仲可以配韓式特飲 我地就加左柑橘梳打 係無糖版本 好清新架🌟 價錢： 棋子燒鵝 1人餐 $128 濟洲燒肉飯堂 牛燒肉飯 $68 分數： 👦🏻: 8/10 👧🏻: 8/10 地址： 九龍灣偉業街33號德福廣場二期5樓501B號舖 #followMSto九龍灣 #followMSeat韓國菜

1 + 1 = 3？ 燒味同燉湯一定係香港人最喜愛既廣東菜之一，今次鼎爺足料燉湯 與 燒鵝達人棋哥 首次聯手合作，燉湯燒味加埋聽曲，絕對係一舉三得！兩位高手破天荒開左間「鼎尚棋哥燒鵝湯館」，將香港最傳統既原味道再一次呈現喺大家眼前👀 · 餐廳充滿懷曲特色，聽住首首都識唱既懷舊金曲🎵擺放住深色木既餐枱椅，牆上既一幅幅壁畫，舊式既鐵閘…… 聽曲前絕對要嚟打個卡懷緬一下👍 · ☆ 椰皇燉嫩雞 HKD$138 嘢個燉湯簡直可以用Crazy嚟形容🤩 佢鮮甜程度就好似飲緊椰皇咁，唔講一定唔覺飲緊湯！燉湯用左2個椰皇水整成，再加入香茅將啲椰香味逼出嚟，唔怪咁清甜💛 最神既地方係成盅湯一啲調味料都無落，用料天然，原汁原味，真心佩服鼎爺既用心真摯👍👍 · ☆ 螺頭黨參五指毛桃燉湯 HKD$88 非常滋補既一個湯，絕對係女士們既恩物😘 飲落少少藥材味道，苦澀中帶微微鮮甜。最欣賞嘅係螺頭煲到超級軟腍，要煲到咁軟熟絕非易事，睇得出果然落左唔少功夫👍 一盅少少既湯裡面已經有幾粒珍貴螺頭，絕對唔孤寒！ · ☆ 荔枝柴燒鵝飯 HKD$88 識食燒鵝嘅當然食鵝乸😻 鼎爺同棋哥當然嚴選最好嘅俾我地食，店員捧緊埋嚟已經聞到香濃既荔枝柴煙燻味，燒鵝皮脆肉嫩多汁😋 一咬落去咇出滿口鵝油，令整個口腔充滿油香味😚 控制火喉方面，絕對恰到其位，充分保留到最原汁原味既最佳燒鵝品質，哩個價錢絕對超值🧡 · ☆ 玫瑰豉油雞瀨粉 HKD$78 💛豉油雞脾 賣相亮麗飽滿，雞脾肉夠哂軟腍嫩滑，連埋爽口既雞皮一齊食先係皇道🤤 瀨粉也很不錯，條條分明亦唔會淥到散哂一patpat，再加埋個師傅精心調製嘅湯底，粉麵控既我表示滿意😋 · ☆ 脆皮燒腩仔 HKD$108/例牌 十分出色既一味燒腩仔，可以話係我食過最好食嘅！肥瘦肉比例均勻，兩層瘦肉中間夾住一層肥肉，完全唔會感覺肥膩。外皮我直情俾足100分👍 燒到脆卜卜咬落索索聲，無論擺左幾耐都仲好脆，非常驚喜💕 · ☆ 外賣樽裝港式奶茶 HKD$28 外賣包裝有別港式茶餐廳，改用樽仔裝住，攜帶方便。茶味頗濃郁亦唔會好甜，不錯的☺ · 特別買左個燉湯返屋企孝敬媽咪，外賣湯杯別出心裁整成咖啡杯咁，仲特別設有手抽既窩心想法，咁就可以行到邊飲到邊啦👍 · 📍鼎尚棋哥燒鵝湯館 尖沙咀柯士甸道西88號戲曲中心地下GF-05舖 · · #anniec_tsimshatsui · · @dkgns #阿爺靚湯 #燉湯 #chinesesoup #doubleboiledsoup #燒鵝燉湯 #椰皇燉嫩雞 #好乸好食 #燒鵝 #燒鵝瀨粉 #燒味飯 #roastedgoose #凍奶茶 #戲曲中心 #食得是福 #hkfood #hkfoodie #hkrestaurant #foodphotography #foodshare #foodlover #presslogicholiday #popdailyhk #discoverhongkong #香港美食 #尖沙咀美食 #吃貨 #香港食評 #食好西 #相機食先