月老畀三個願望我(下)
.
第二日上fb,見到好多富二代、靚仔都俾人拋棄咗。
.
再睇下啲女仔fb,無再講咩靚仔明星、名牌,
而係講埋啲好哲學嘅野,有人講詩詞歌賦、有人講音樂、有人講畫畫......成個世界充滿咗清泉!
.
我躊躇滿志咁出去,搵我嘅真命天女。
.
我倚住架跑車,用最英俊瀟灑嘅姿態,向...
月老畀三個願望我(下)
.
第二日上fb,見到好多富二代、靚仔都俾人拋棄咗。
.
再睇下啲女仔fb,無再講咩靚仔明星、名牌,
而係講埋啲好哲學嘅野,有人講詩詞歌賦、有人講音樂、有人講畫畫......成個世界充滿咗清泉!
.
我躊躇滿志咁出去,搵我嘅真命天女。
.
我倚住架跑車,用最英俊瀟灑嘅姿態,向路上嘅靚女搭訕。
.
我曾經百發百中,今日居然不斷被拒絕,搞咗成日,先拎到兩個電話號碼。
.
唔緊要,貴精不貴多嘛。
. ,
第一個女仔,同佢傾咗成日,氣氛都幾好。
.
講講下,佢問我點睇達文西嘅畫作。
.
我唯一識姓達嘅,就係達哥......唔係,達哥都唔係姓達,達爾文先姓達!
兩個都係出名鬼佬,一定係啦!
.
我即刻回應:「你講緊達爾文個兄弟?」
.
個女仔反問:「你好熟達爾文架?」
.
我記得讀書果陣,講過咩達爾文同猴子,
「係啊,達爾文發明咗馬騮,好偉大架。」
.
之後個女仔就無再覆我。 . ,
第二個女仔就講音樂,今次我醒目啦,佢每講一樣野,我都Google過先。
.
但傾咗一陣,我就心力交瘁,唔通我成世帶住個Google?
.
呢個時候,月老又出現:「感覺點啊?」
.
我嘆氣:「好唔掂,啲女仔個個好似大學教授咁,問呢樣問果樣。」
.
月老攤手:「咁女人唔被物質同外表吸引,就講才華架啦。」
.
「得,我知我無才華,可唔可以改下個願望,加埋唔被才華吸引?」
.
「唔係唔可以......」
月老笑瞇瞇咁答:「不過唔講才華,就講努力、耐性,半夜送宵夜,包接包送,你無問題掛?」
.
「果啲係觀音兵做嘅!」
唉,我身嬌肉貴,講到尾,原來都只有靠錢吸引女人。
. ,
不過,我比較關心我嘅最後一個願望,認真諗一諗,我決定腳踏實地。
「我希望同一個相愛嘅人結婚,幸福快樂咁生活一世。」
.
聽落最普通嘅句子,原來係我最渴望嘅幸福。
.
月老點頭,然後......除衫?
.
準確黎講,佢一路除衫一路脫皮,好快就變咗一個絕色美人。
.
「我靚唔靚?」美人含羞答答咁望住我,搞到我個心卜卜跳。
.
「靚,但係...... 你唔係要設計一段姻緣畀我咩?」
同埋你三十秒前仲係一個猥瑣阿伯喎?
.
「設計咁麻煩,不如我自己上啦。」
美人愈行愈近:「咁你鍾唔鍾意我?」
.
結果,我抵受唔住誘惑,我亦深深愛上咗佢。
. ,
原來,以前我一直搵唔到真愛,唔係因為啲女仔貪慕虛榮,
而係佢地唔夠靚,未靚到令我動心,我比自己想像中更膚淺。
.
不過,老豆又同意我地結婚,就幸福快樂咁過咗一世。
到我好老好老,臨死前,我望住我老婆,佢仲係好靚女。
.
雖然喺外人面前,佢個樣慢慢老,
但兩個人果陣,佢永遠都會變番靚女,令我無比慶幸佢係神。
.
我只係唔明:「其實,你點解要嫁畀我?」
.
「有無聽過『天上一日,人間一年』?天帝放咗我兩個月大假,叫我落人間體察民情。」
月老嘆氣:「我唔通住六十年劏房?又唔想打工,最好就嫁個有錢仔。」
. ,
即係由頭到尾,佢只係鍾意我啲錢?
.
我嬲到想彈起:「我個願望話要『相愛嘅人』,你違反商品說明條例!」
.
「咁愛一個人肯定有原因,愛你嘅才華、愛你嘅性格,同愛你嘅錢有咩分別?」
.
「梗係有分別,愛錢,呢個世界一定有人有錢過我。」
.
「哦,如果愛才華,呢個世界無人有才華過你?」
月老繼續問:「呢大半世人,你過得開唔開心?」
.
我點頭。
.
月老笑一笑,無再講野,含情脈脈咁捉住我隻手,陪我走完人生嘅最後一段路。
. ,
愛情,講到尾,都係為咗開心啫。
.
開心咪得囉,使乜尋根究底。
.
-完-
.
#短故 #短篇 #小說 #陳美濤 #廣東話 #粵語 #月老 #月老畀三個願望我 #tomatochan
棄天帝詩號 在 Fresa黑莓與Max殺氣 Facebook 的最佳解答
收到新手機殼啦!一打開看到是棄天帝就立馬決定要來試個妝😆
這是來自《惡魔殼》最近推出的霹靂布袋戲系列,一共有八個款式,都是大家喜愛的經典角色!(看圖)
我覺得最酷的部分是側邊按鈕還有角色的經典台詞,實在太帥了!
–––
簡單介紹一下本次聯名系列手機殼的特色~
1.防摔手機殼通過SGS無毒認證
2.通過美國軍規防摔測試
3.手機背板採用防爆玻璃製成
4.DEVILCASE手機試衣間幫手機迅速換裝,預覽便利
5.「惡魔防摔殼二代」食用級矽膠材質主打抗髒污能力,而且手感佳,好摸防滑
🔥出場詩搭配專屬按鍵
🔥每盒贈專屬角色酷卡
🔥限量豪華版典藏盒裝
🔥支援多型號Android&ios
#按鍵雷射雕刻雙色陽極處理
#我的按鍵會說話
更多詳細資訊看這邊👉https://devilcase.net/pilinews
或是從官方粉專 DEVILCASE 惡魔防摔殼 或IG @devilcaseig 了解更多資訊唷!
若想直接購買請往這邊👉https://devilcase.net/PILI
#DEVILCASE #防摔手機殼#鋁合金按鍵
#惡魔防摔殼二代 #霹靂布袋戲
#素還真 #一頁書 #花信風 #疏樓龍宿
#棄天帝 #地冥 #君奉天 #劍子仙跡
#iPhone #Android
#角色按鍵皆不獨立販售