前天結束表演，這幾天又各地跑，現在回程終於可以專心寫心得了~ — — — 我還沒走出那份感動。 金光和霹靂兩大布袋戲聯手的大匯演真的是意義非凡，打從看到宣傳片時就已經淚流滿面，更何況是親臨現場感受！ 雖然蟹黃最終似乎還是沒搶到男神的稱號，但蟹黃永遠是我心目中的男神！ 昨日抵達現場就看到超強大的舞台，工作人員超早就過來各種setting，我們也不敢閒著，拎著武器穿上恨天高就衝上舞台開始彩排。 雖說彩排時就已經看完整個過程也隨著音樂和歌聲熱血過好幾回了，但正式演出時依然被超震撼的特效再次驚艷，這次的特效真的好棒！各種發功的特效、幽靈馬車、棄天帝下凡...太多太多都讓我們就算是從後台視角看也都尖叫到不行！ 每一首歌、每一段音樂，都深深扣動我們的心弦，熱血的、抒情的、令人懷念的，在後台的我們也都深陷在每首歌曲的氛圍中無法自拔，在場的我們幾乎都在跟著哼唱吧！這不就是演唱會魔性的地方嗎？(笑 — — — 謝謝大俠-黃立綱和黃鳳儀 Jenny Huang統籌 謝謝各位操偶師和所有表演夥伴及工作人員 大家真的都辛苦了！ 謝謝金光布袋戲的邀請，我真的非常榮幸能擔綱本次「男神時代」大匯演的元邪皇一角，雖然我站在高台上，離你們有點遠，但我都看得到你們！謝謝來看演出的你們！ 最後我真的真的必須要好好感謝老天！ 打從一早拜拜時我就不斷祈求老天保佑我這次演出順利，不斷刀、不仆街！ 我當天穿著14公分恨天高演出，晚上要走全黑的階梯，我真的很怕我仆街，加上很多朋友都有聽聞的「斷刀事件」，因此在做動作時我必須戰戰兢兢深怕悲劇再次發生，多虧老天保佑，整場表演相當順利！ 雖然中途我的刀刀又出了點小事、最後Ending時上階梯不小心踩到亮片紙“粗”了一下，但刀刀也很快被道具師救活了、我也只是小滑了一下還是帥帥的站著~ 真心謝天！！ 表演圓滿成功！ — — — 邊緣人弱弱求問： 雖然我站很遠、出來時間很短，但還是想問我還有沒有資格獲得返圖了？😭 還有...想許願求最後的大合照🙏

浪漫月巴睇2000（57） 【狄仁傑原來是建制派人才】 立場，Suppose人人都有。 1.對於立場，有人揸得好緊，亦有人彈出彈入全程保持謹慎。 2.那麼，狄仁傑的立場夠堅定嗎？ 3.我所說的狄仁傑，不是真實歷史中那一個——實不相瞞，讀了歷史那麼多年（中學七年大學三年合共十年），都沒有阿Sir搣時教授提及過狄仁傑；對社稷有承擔兼忠肝義膽的仁傑兄，在歷史中的份量好輕。 4.直至2010年《狄仁傑之通天帝國》，我才真正見識狄仁傑的膽識。 5.這齣《通天帝國》，算得上是里程碑——徐克電影事業里程碑。自從上世紀90年代尾硬闖荷里活無功而還（但問心，《K.O.雷霆一擊》和《反擊王》動作場面OK啦），回到香港，重新起步，2000年，交出了非常言志喻意新生命開展的《順流逆流》（發生在土瓜灣益豐大廈的那場槍戰堪稱經典）；其後十年，即使一直拍戲，但都沒有一齣真正稱得上代表作。 6.直至執導合拍片《通天帝國》。那一年，合拍片還未有原罪，很多人睇戲時還未介意一開始出現的那堆大陸電影公司Logo，而徐克在《通天帝國》亦的確交足貨：A.重現了90年代初香港古裝片的超精彩動作設計；B.重現了徐克對「過去」的豐富想像，尤其是那座象徵武則天權力的「通天浮屠」，OK，即使一望就知是CG，但望落絕不突兀，至少不會產生一種「嘩而家睇緊PS2年代CG過場動畫咩」的老尷感覺（反觀不少標榜製作費幾億的合拍片，當中的CG都Very CG，好似慌死你唔知佢係CG）。配合一些明顯結合了CG的運鏡，徐克拍出了過去香港古裝片所缺乏的壯闊，呈現了一個想像中的洛陽，一個想像中的大唐盛世（反而之後兩齣前傳式續集《神都龍王》和《四大天王》，都提供不了這種感覺）。 7.Yes，對合拍片來說，《通天帝國》也絕對是里程碑，一嘢就將合拍片技術提升到一個頗高水平。 8.還有故事。不像後來的《神都龍王》和《四大天王》的空洞，由陳國富原創的故事竟然頗有偵探味（說一些題外話，當日見到Credit中有陳國富這名字，我打咗個突。知道有這個人，是因為1993年的《只要為你活一天》，電影描述了一個發生在現代台北的青春失序故事，配合那張非常好聽的原聲大碟，我認為，是90年代初台灣流行文化的「一件事」。後來，他的工作由創作漸變為策劃，而且Focus在大片，但還有執導，例如《風聲》）。就在武后登基大典前夕，突然發生離奇人體自焚事件，武后聽從國師建議，找踎緊監的狄仁傑，幫手查案——狄仁傑之所以踎監，是因為他曾因不滿武后攝政而逆反。簡單講，狄仁傑唔妥武后。 9.然後是一連串查案戲武打戲，劇情兜兜轉轉，枉死的注定枉死，白白犧牲的注定要白白犧牲，不想再理世間事的繼續收埋自己……狄仁傑終於揪出幕後真兇，竟然是當日同自己一齊逆反武后的戰友，冇錯，就算多年過去，戰友的志向依然不變。水落石出，狄仁傑決定退隱，退隱前苦勸武后登基後務必施仁政——What？狄仁傑當日不是反對武后攝政的嗎？Why現在竟然會承認武后的皇帝身分？Well，劇本「聰明」在晨早安排了狄仁傑明白武后的初心——就在他踎監的日子，他睇晒那堆將被燒毀的朝廷奏摺，發現他當日極度唔妥力的女人，原來勤政愛民…… 10.OK，人可以改觀，但改觀還改觀，也不需要將先皇賜他的那碌「亢龍鐧」一併交還給武后吧？這碌「亢龍鐧」，不只是一碌神兵，更是先皇默許他擁有監察皇權的權力象徵，But Now，他竟然放棄這個監察權。狄仁傑的立場會不會太飄忽？他的價值觀究竟係乜？嚴格來說是，他究竟有沒有價值觀？如果他活在今時今日，實在是建制派務必招攬的上佳人才。 （原文刊於 @am730hk ） #浪漫月巴睇2000

月老畀三個願望我（下） . 第二日上fb，見到好多富二代、靚仔都俾人拋棄咗。 . 再睇下啲女仔fb，無再講咩靚仔明星、名牌， 而係講埋啲好哲學嘅野，有人講詩詞歌賦、有人講音樂、有人講畫畫......成個世界充滿咗清泉！ . 我躊躇滿志咁出去，搵我嘅真命天女。 . 我倚住架跑車，用最英俊瀟灑嘅姿態，向路上嘅靚女搭訕。 . 我曾經百發百中，今日居然不斷被拒絕，搞咗成日，先拎到兩個電話號碼。 . 唔緊要，貴精不貴多嘛。 . ， 第一個女仔，同佢傾咗成日，氣氛都幾好。 . 講講下，佢問我點睇達文西嘅畫作。 . 我唯一識姓達嘅，就係達哥......唔係，達哥都唔係姓達，達爾文先姓達！ 兩個都係出名鬼佬，一定係啦！ . 我即刻回應：「你講緊達爾文個兄弟？」 . 個女仔反問：「你好熟達爾文架？」 . 我記得讀書果陣，講過咩達爾文同猴子， 「係啊，達爾文發明咗馬騮，好偉大架。」 . 之後個女仔就無再覆我。 . ， 第二個女仔就講音樂，今次我醒目啦，佢每講一樣野，我都Google過先。 . 但傾咗一陣，我就心力交瘁，唔通我成世帶住個Google？ . 呢個時候，月老又出現：「感覺點啊？」 . 我嘆氣：「好唔掂，啲女仔個個好似大學教授咁，問呢樣問果樣。」 . 月老攤手：「咁女人唔被物質同外表吸引，就講才華架啦。」 . 「得，我知我無才華，可唔可以改下個願望，加埋唔被才華吸引？」 . 「唔係唔可以......」 月老笑瞇瞇咁答：「不過唔講才華，就講努力、耐性，半夜送宵夜，包接包送，你無問題掛？」 . 「果啲係觀音兵做嘅！」 唉，我身嬌肉貴，講到尾，原來都只有靠錢吸引女人。 . ， 不過，我比較關心我嘅最後一個願望，認真諗一諗，我決定腳踏實地。 「我希望同一個相愛嘅人結婚，幸福快樂咁生活一世。」 . 聽落最普通嘅句子，原來係我最渴望嘅幸福。 . 月老點頭，然後......除衫？ . 準確黎講，佢一路除衫一路脫皮，好快就變咗一個絕色美人。 . 「我靚唔靚？」美人含羞答答咁望住我，搞到我個心卜卜跳。 . 「靚，但係...... 你唔係要設計一段姻緣畀我咩？」 同埋你三十秒前仲係一個猥瑣阿伯喎？ . 「設計咁麻煩，不如我自己上啦。」 美人愈行愈近：「咁你鍾唔鍾意我？」 . 結果，我抵受唔住誘惑，我亦深深愛上咗佢。 . ， 原來，以前我一直搵唔到真愛，唔係因為啲女仔貪慕虛榮， 而係佢地唔夠靚，未靚到令我動心，我比自己想像中更膚淺。 . 不過，老豆又同意我地結婚，就幸福快樂咁過咗一世。 到我好老好老，臨死前，我望住我老婆，佢仲係好靚女。 . 雖然喺外人面前，佢個樣慢慢老， 但兩個人果陣，佢永遠都會變番靚女，令我無比慶幸佢係神。 . 我只係唔明：「其實，你點解要嫁畀我？」 . 「有無聽過『天上一日，人間一年』？天帝放咗我兩個月大假，叫我落人間體察民情。」 月老嘆氣：「我唔通住六十年劏房？又唔想打工，最好就嫁個有錢仔。」 . ， 即係由頭到尾，佢只係鍾意我啲錢？ . 我嬲到想彈起：「我個願望話要『相愛嘅人』，你違反商品說明條例！」 . 「咁愛一個人肯定有原因，愛你嘅才華、愛你嘅性格，同愛你嘅錢有咩分別？」 . 「梗係有分別，愛錢，呢個世界一定有人有錢過我。」 . 「哦，如果愛才華，呢個世界無人有才華過你？」 月老繼續問：「呢大半世人，你過得開唔開心？」 . 我點頭。 . 月老笑一笑，無再講野，含情脈脈咁捉住我隻手，陪我走完人生嘅最後一段路。 . ， 愛情，講到尾，都係為咗開心啫。 . 開心咪得囉，使乜尋根究底。 . －完－ . #短故 #短篇 #小說 #陳美濤 #廣東話 #粵語 #月老 #月老畀三個願望我 #tomatochan