《初試Steak Omakase🥩》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️ 呢日同朋友去完電腦展，見時間都吾早，就係附近搵左間主打韓式熟成牛肉既扒房醫肚🤡上網見佢話啲熟成牛肉分別有封乾28-45日不等，而且又有熟成櫃，會自己調整跟進熟成程序，就更加決定左去呢間店一試，睇下係咪每一舊肉都係獨一無二既味道，咁有質素😂 👁‍🗨Steak Omakase (8.5/10) $ 380/每人 . ➰基於太肚餓又吾想點樣諗食啲咩，最終就試左佢呢個Omakase 套餐🤭 首先會有6小碟可以refill既韓式前菜，包括必備既韓式泡菜、涼拌芽菜、醬辣魷魚、醃漬雜菜、醃漬茄子同埋比較特別既水泡菜😂係咁多樣前菜入面，我同朋友都比較鍾意食佢果個醬辣魷魚，雖然食落真係比較辣，但係魷魚好有口感，辣醬非常香濃，所以好快咁比我地清左🤭 之後就會有一個韓式蒸蛋，佢係用石鍋裝住既，所以提提大家如果要相機食先，動作就要快啦😏因為石鍋燒熱左，底部易結焦，一定要盡快攪拌佢先吾會令到D野食燶哂結焦🌝咁講番個味道啦，蒸蛋蛋香香濃嫩滑味，亦因為用左石鍋既緣故，增添多左一份類似炭燒既味道，提升左成個蒸蛋既層次😇而且值得一提既係，無論材料上定係份量上都非常慷慨，蟹柳、粒粒蟹籽同香菇完全充滿係個蒸蛋入面 然後可以自己係6款入面揀既小食，由於呢間扒房帶點fusion，用既牛扒係西式厚切牛扒，所以小食既款式吾係全部都係傳統韓式小食, 我就揀左個比較西式既吞拿魚他他🤓賣相其實都相當吸睛，一舊舊粉嫩半熟既吞拿魚配上忌廉汁, 即使吾係太好魚生既人士都非常易入口，吾會話太腥同埋有筋位而抗拒😎 到左主角，呢個set分別有熟成醬油牛肋骨、和牛羽下肉、25日熟成牛肉同埋韓國五花肉🤩咁就緊係講下呢度主打既25日熟成牛肉先啦，就咁睇外表吾覺有咩咁特別，不過成個過程睇住店員可以好輕易咁幫我地切開果塊西式厚切熟成牛扒，到燒完果一刻食落肚就真係好感受倒熟成牛肉既迷人之處，除左要讚下店員專業既燒烤技術，可以燒到牛肉恰到好處之外，本身塊牛扒既質素都好緊要🙃熟成牛肉既特別就係可以鎖住肉質，所以食落牛肉味好香濃嫩滑😍醬油牛肋骨係第二樣令我加分既野，因為除左同樣好腍身香口之外，醬油既味道令到整個牛肋骨帶點甜味，係食到開始有D飽肚感同油膩既時候食，最合適不過，當然佢亦都有包肉菜同醬料比你用離包肉食，以增加口味同減油膩感 食到八成飽，餐廳就會離埋自己揀既韓式主食，由於大醬湯、水冷麵好似會係比較易成日食倒既野，所以我叫左熟成雪濃湯。本身以為只係得個湯，點知離到佢係配埋一碗紫菜飯😮我同朋友即刻心諗咁飽，仲有飯配埋，點食得落😱不過可能佢整得好味既關係，用清清地既乳白色湯底撈紫菜飯，食食下又清哂😜 最後就以焦糖牛奶雪糕作結，感覺好完滿🤣個雪糕都非常出色，味道係牛奶糖既牛奶味，即使係配左焦糖醬，但係都吾會覺得好甜😊 . 👁‍🗨提子梳打 $48 柚子檸檬梳打 $45 (7/10) . ➰ 食燒肉係要飲番D fresh D既野，分別叫左提子梳打同柚子檸檬梳打。兩者都冇咩太大特別，甜度岩岩好，置在用離平衡油膩感 . .食完同朋友一致覺得自己冇揀錯餐廳😂食完先知原來佢仲有3間獨立空間大既VIP 房😮岩哂一班人離慶祝特別節日或者傾生意，有機會都會再想離食多次🙈 🔛 整體評分（8.5/10) ▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️ 📍 貊炙 (灣仔) 地址:灣仔港灣道30號新鴻基中心1樓104, 104A, 105A 及 106-108號舖(灣仔站C出口) #FoodiesDNN灣仔 #FoodiesDNN香港 #貊炙 #maekjeok #맥적 #hongkong #koreanrestaurant #koreanfood #koreanbbq #dryedgedbeef #和牛 #肉食 #熟成牛 #韓式扒房

♥️ #相機食在大角咀 🍾 身為大角咀街坊真係好幸福，宜家竟然連串揚店都有😍見價錢平尖沙咀銅鑼灣接近一半，呢晚就去咗新開無耐嘅吉勝 @kitsushou 試試😋 估唔到水準都好好喎😚難怪平日都好有人氣，730pm左右已經坐滿人😚 小店除咗供應串揚，亦有刺身、魚生丼及定食提供😌 🔺沙錐魚 ($34@) 🔻黑豚肉韭菜卷 ($24@) 🔺煙燻豚肉 ($18@) 🔻鯡魚子昆布 ($34@) 🔺冬菇 ($12@) 🔻日本南瓜 ($12@) 🔺秋葵 ($12@) 🔻日本迷你甜薯 ($12@) 🔺芝士 ($18@) 串揚好有水準，炸漿好薄脆，完全唔厚粉，炸得金黃香脆，乾爽唔油膩，蘸上秘製醬汁更有風味😋煙燻豚肉值得一試，豚肉帶有淡淡煙燻香，好惹味🎖 鯡魚子昆布食落脆卜卜，口感十足👏🏻 黑豚肉韭菜卷使用日本韭菜，韭菜味唔會搶去豚肉嘅肉味🐷 蔬菜串揚價錢好抵，用料亦冇將貨就價，店員表示好多都係使用日本食材，芝士亦使用法國品牌，性價比好高👍🏻 🔺燒日本花魚一夜干定食($108) 🔻三品刺身（加配價$58) 定食除咗包含主食及飯之外，仲有埋味噌湯、沙律及甜品，非常豐富🥳 日本花魚一夜干好大條，風乾後嘅魚肉肉質緊實嫩滑，味道帶海水鹹鮮，油脂與香氣俱備，簡單調味已經好好食🤩 伴碟仲有一小碟日本漬物送飯，風味十足！我哋仲加配咗三品刺身，有三文魚，油甘魚及帶子各二切🍣 刺身厚切肥美，來貨新鮮，值得加點！隨餐仲有日本和菓子作飯後甜品，香甜美味，好滿足🍬 🔺白桃梳打(定食加配價$16) 🔻西柚梳打($38) 小店新開無耐，所以尚未有酒牌🥃但食串揚點少得凍飲？白桃梳打清新消暑，不過不失🍑 西柚梳打則玩味十足，需要自己DIY，即席鮮榨西柚再混合梳打水而成🍊 雖然係幾好玩，但略嫌半個西柚味道較淡，似飲緊梳打水多D😅 整體性價比好高，店員服務殷勤有人情味💘座位亦比一般居酒屋闊落舒適💺 唯一可惜嘅係餐廳尚未有酒牌，否則串揚送酒真係一流🍻🍻🍻期待之後有酒牌後再嚟小酌幾杯！ . . . . . #hk #hkdaily #hkfoodie #美食 #hkfoodie #food #hkfood #hkig#sharefood #foodiehk #香港小店 #手機食先 #cafehopping #大角咀 #日式料理 #香港美食 #japanesefood #串燒 #hkcouples #friedfood #japanesefood #晚餐 #日本菜 #coffeeshopvibes #hkcafe #旺角美食 #居酒屋 #串揚げ #慶祝 #大角咀美食 #串揚

〈 用心生活，邁向乾淨整潔零雜物 〉 呢一篇貼文會介紹我日常使用嘅天然清潔劑，廚房油脂污垢、浴室鏡面水垢、層架塵埃污垢，都可以輕輕鬆鬆打掃乾淨。如果養成每日打掃嘅習慣，每次用完順手抹乾淨，唔單止消除壓力，仲可以感受日常生活嘅美好細節。斷捨離過程會發現移開雜物後，污漬即刻呈現眼前，由依家開始好好清潔之後再進行收納，喺井然有序嘅家居迎接美好生活。 過碳酸納 去除茶漬、漂白毛巾、清洗衣服，過碳酸納都可以輕鬆洗乾淨，除菌除臭而且唔會損害材質，我多數用粉狀氧系漂白劑。煮毛巾會用不銹鋼煲將水加熱，開細火維持溫度，過碳酸鈉同埋毛巾放入去煮大約 10 分鐘，過程中會用木筷子郁吓佢，毛巾漂白完會再放入洗衣機洗，不銹鋼煲用洗碗液洗乾淨後可以煮飯用。洗衫嘅話，一般食物漬同血漬都可以攪掂，血漬方面有次唔小心整污糟咗地毯，即刻倒少少過碳酸納喺地毯，加啲暖水（大約 40°C），再用牙刷擦下佢就會回復原狀。 檸檬酸 鏡上面嘅水垢、水龍頭嘅水漬，都可以用檸檬酸去除，我會揀液體狀嘅檸檬酸會比較方便，倒入無印良品嘅噴壺噴喺需要清潔嘅地方，再用海綿擦到佢立立令。雖然唔一定每日都洗，但我都會經常將檸檬酸噴喺水龍頭，再將少少重曹加水洗吓洗手盆，保持洗手間嘅衛生。重曹嘅用途都好多，不過最近冇買重曹，因為之前喺超市買咗其他化學成份嘅清潔劑未用完，用埋先。需要注意嘅係：檸檬酸唔可以用喺大理石。 白醋+梳打粉 呢個配搭係用嚟洗砧板，因為用木砧板最好用天然嘢去洗，而且用柔軟海綿輕輕擦洗。白醋用途非常多，而且價值好平，除咗煮飯之外仲可以用嚟清潔，如果你用嘅砧板都是木材，記得唔好用洗碗液清潔，白醋和梳打粉可以去除砧板上嘅油脂，仲可以除味除臭。另外，可以間唔中用食油保養吓塊砧板，買啲砧板專用嘅保養油都可以。 以上提及嘅清潔劑喺超市或 Daiso 都可以搵到，雖然牌子同款式好多，其實睇返成份就可以，尤其係過碳酸納我每次都買唔同品牌（笑） 💬 你都有打掃或者整理心得嗎？歡迎喺留言分享吖✨ 🔎 有興趣的朋友可以到主頁連結，點擊本篇貼文封面閱讀更詳盡內容。網站文章固定每週五更新，以極簡生活和自我成長為主題，其他內容發佈可以留意限動消息。更多詳細內容可到： https://bit.ly/3ljEOGs (link in bio) ---------------------------------- #極簡 #極簡主義 #極簡生活 #整理收納 #簡約 #簡約生活 #簡單生活 #斷捨離 #斷捨離的簡單生活 #少物生活 #生活美學 #用心生活 #減物生活 #生活感 #慢生活 #禪