//支持本Page請Click入內文比Clap，已為Medium收費會員請直接Click入內文閱讀，謝謝！//

//前言：小得劉細良就預咗佢班信徒走黎挑機，所以順埋講多句：劉細良班支持者其實就係響香港入面，最惡俗、最愚昧嘅一班廢中廢老//

12.8大遊行另一個爭論熱點，就係由泛民大台KOL劉細良搞出黎嘅PEPE連登豬膠頭大軍。話說網台城寨搵咗有心人製作咗一堆膠頭，然後再邀請一班以中老年為主嘅「城寨之友」響遊行隊伍中佩戴。

批評者認為經歷721、831等慘烈日子後，每一次出黎遊行都應該抱持住嚴肅、莊嚴嘅心態，而唔應該將佢嘉年華會化，咁係對唔住仲被拘留緊、甚至死咗嘅義士。至於搞手及護航者則認為，遊行其中一個目的係爭取國際關注，佩戴膠頭其實就係一種擢取傳媒注意嘅策略；甚至乎製作膠頭本身，經已係一個個感人至深嘅小故事，對於「打國際線」係好有幫助云云。

首先講下「抗爭嘉年華會化」本身。其實我亦認同抗爭唔一定要苦口苦面、一本正經，搵啲方式娛樂下大家、鼓動下情緒亦唔係壞事──但最好就唔好雙重標準。七一遊行之所以嘉年華會化，係因為無死過人；但由第一位義士墮樓開始，每一次抗爭其實都係背負住一條條人命。

如果你覺得響抗爭現場玩膠係無問題，咁其實亦都認同咗往後六四晚會有人戴住堆膠頭，開開心心咁響維園快樂悼念一樣無問題──老實講，我都一直認為，支聯會班廢老年年搞埋啲死老豆式哭腔悼念真係太過悶蛋，搵年整隊Death Metal來表演慰藉亡靈又有何不可？不拘小節嘅人死老豆老母果刻一樣可以哈哈大笑，如果有人有呢種價值觀，我係會尊重，我只鄙視果啲雙重標準、搬龍門嘅撚樣。

所以我覺得呢堆膠頭嘅問題從來唔在於尊唔尊重抗爭（同埋抗爭入面嘅犧牲者），而係在於成個畫面實在係太七。其實我真係唔明白，明明啲廢老本身都會成日聽古典音樂、去旅行參觀藝術館之類，點解卻係連最基本嘅美學標準都可以墮落得咁緊要？Pepe又好、連豬又好，佢地本身嘅魅力都係源自平面設計，要將佢立體化，就只能用Q版可愛嘅方式、例如毛公仔來展現；

劉細良同佢班廢老之友，似乎就係唔明，將PEPE同連豬整到一比一等身大，仲要毫無美感咁將佢照笠落個頭度，係幾咁肉酸嘅一件事──果種山寨硬膠感，令我即刻聯想到嘅就係大陸嘅面堅尼、同埋一堆山寨主題公園嘅核突公仔。

至於有人話憑親鬧飯民嘅都係熱狗，話佢地有口話人無口話自己，咁就由我黎講句公道說話啦：基本上兩邊都係七，而我係希望熱血公民下次唔好再做啲咁七嘅嘢啦（好彩而家都無再擺呢啲七頭）。不過呢幅相亦更加暴露咗城寨班廢老另一單七事──喂，你擺個膠頭上頸，又話每個七頭背後都有一個感人故事，即係文宣Campaign黎架啦？既然係咁，點會七到叫班廢老搭黨鐵影相？你話老人家唔迫得巴士，包幾架的士車佢地過海好撚難咩？──而家就係同你講，成件事真係好撚七呀！

香港就算係一個點樣嘅文化沙漠都好，至少我地都應該識得分美醜。響呢半年黎成場抗爭出過無數咁多精彩絕倫嘅文宣，一個稍有審美觀嘅人無理由睇唔出，呢堆膠頭就係一埋七頭。而令人更不安嘅卻係，製作呢堆膠頭嘅人已經響度預告佢地將會響遊行完之後，將呢堆膠頭拎去舉辦展覽；劉細良更毫不避忌將城寨LOGO印響膠頭上面──而家我唔係擔心你地借住抗爭走去搵著數呀，而係擔心繼續將呢件七事傳千里呀！

即係當日響遊行現場，有位著哂BlackBloc嘅少年響度好痛苦咁響地下lur住行，我第一眼睇爭啲標眼淚出黎，因為以為一個咁嘅殘障人士，竟然仲堅持要遊行，點可能唔令人感動？點知再睇真下──我屌！原來只係一條左膠響度扮嘢，又搞埋啲左膠式苦行！

天呀，今時今日要你為理念要犧牲要自殘，抗爭運動大撚把崗位選擇比你去做啦，扮殘廢響個地下lur地，除咗搏班多愁善感嘅黃屍圍爐，同埋呃9我呢啲唔知頭唔知路嘅外人一兩滴眼淚之外，仲有乜嘢意義？大把前線手足唔駛扮都受緊重傷，你無傷扮傷係咪打算戲謔佢地？

睇咗好多「城寨之友」對於批評嘅反駁，幾乎個個都係強調「啲頭套要花好多心機做出黎」、「每個頭套做同戴都好辛苦，要Appreicate佢地」，但現實卻係，無論你幾日心思同花幾多心血造出黎都好，係同七唔七無關。以前我地成日笑9大陸人品味惡劣，就係因為我地對自己嘅美感水平自豪，如果有樣嘢叫核心價值，拒絕城寨廢老啲連豬pepe膠七頭嘅大陸山寨式審美標準，就係香港人嘅核心價值。

最後原先打算留番下篇先講，但嬲嬲地都係響呢度屌咗先。當日劉細良同佢個廢柴拍檔陶君行，成日響網台抹黑梁天琦話佢比共產黨利用；之後去到612勇武抗爭全面進場，就老屈全部衝嘅都係鬼，或者中哂警察計。再之後發現主流民意都同情抗爭者，就開始響網台不停輸勇武抗爭話會搞到「民情逆轉」，仲叫去元朗遊行唔好上Gear，好彩無人真係on9到信佢，唔係就真係走入元朗送人頭比差佬任射任扑。

然後去到8月5日，佢仲係死心不息係咁話勇武抗爭令反送中訴求愈來愈遠──但好笑嘅係，唔夠1個月後嘅9月4日，林鄭就受壓於勇武決定全面撤回《反送中條例》，除咗燈神真係好少件啲分析可以燈得咁應。但最仆街嘅卻係，如此同時佢又開始吹，話唔應該再用「光復香港、時代革命」做口號，因為會比共產黨屈做港獨。

跟住之後幾日，真係再班廢老黃屍周圍叫人唔好再講「光復香港時代革命」呢句嘢，又好彩群眾再一次好清醒咁當劉細良係廢噏，呢句口號仲愈叫愈大聲，成為成個運動嘅中心口號。

跟撚住去到12月，呢條撚屌劉細良竟然可以厚顏無恥到，話自己整pepe同連豬膠七頭，就等如「時代革命！」睇完我真係DLLM，你幾條廢中廢老響整幾日膠頭就叫時代革命，咁模型舖係咪就係革命基地？響屋企砌模型係咪就等如搞革命？

之前抹黑句口號你本來就應該向香港人叩頭道歉，點知你可以無恥到催毀唔成，就騎劫然後再膠化句口號！當然，客觀黎講，幾個月黎嘅分析預測錯哂、抹黑老屈次次比人踢爆，但全部都可以轉頭扮無嘢繼續做Show，然後仲呃哂成班港豬走去做佢信徒周圍護航，點到你唔服！