多謝#東網 #我和星星有個約會 #我就係嗰隻星星喇 🦍 今次好榮幸可以成為新專欄嘅 #頭炮 #頭炮安卡 #callme #樂壇抗生素 #我真係好開心 快啲上東網巨星睇下我點樣 #老點 Rachel妹妹喇 #其實係有認真教 轉自on.cc東網 2019-2-20 ⠀ 「想圓夢？我哋幫到你！」東網巨星推出全新重量級節目《我和星星有個約會》，每集邀請巨星幫粉絲完成心願，機會可遇不可求，有錢都買唔到！ 頭炮邀得歌王張敬軒助陣，被選中的幸運粉絲是Rachel，她希望軒仔教她唱冧爆情歌，讓她可以成功向喜歡很久的男生表白！軒仔聽到後十分樂意，更帶Rachel到自己的豪華錄音室練歌。軒仔教唱歌時即化身嚴師，不時指正對方唱得唔啱音，又傳授了不少唱歌技巧，令Rachel大有進步！ 去到最後竟然有個驚天大反轉，Rachel告白的對象令人意想不到，軒仔聽到後都嚇到O嘴！想知道結局係點？咁就快啲去片睇啦！ 翻新錄音室 張敬軒於2015年接手的雅旺錄音室（Avon Recording Studio）建於1983年，是羅文、陳百強、張國榮、梅艷芳，以及王菲、黎明及陳奕迅等的「錄音聖殿」，面積約3,000呎，分為Studio A、B及休息室三部分，熱愛復古情懷的軒仔更不惜投資及翻新和增設錄音設備。 受訪當日，軒仔帶領Fans參觀布置成舊火車餐卡的休息室，微黃的燈光、原裝的桃及柚木牆身及地板，還有彩繪玻璃枱燈及絲絨梳化等，恍如時光倒流，軒仔說：「有啲嘢都同仙后餐廳（軒仔投資的高級食肆）相呼應，因為附近有間好出名嘅西餐廳叫太平館，好有香港情懷。」 ⠀ 休息室夠特色外，錄音室器材亦是重量級，Studio A控制室的「古董神器」是NEVE 8068 Mixing Console，是他多年前在美國拍賣所得，其成交價曾與一輛全新的法拉利跑車同值！錄音室另有鎮店之寶FAIRCHILD 670 Compressor，有網站曾開價約34.5萬港元放售。 ⠀ 東網巨星新節目《我和星星有個約會》首集就請來軒仔教幸運女歌迷Rachel唱情歌溝仔！Rachel偕兩位朋友「壯膽」齊齊來到偶像的錄音室，請教翻唱陳曉東的《心有獨鍾》：「想向一個我鍾意咗好耐嘅男仔表白，月底佢生日會有個朋友聚會，到時有個Live band，我就可以同佢唱呢首歌！」軒仔聞言笑說：「嘩，好冧喎！依家啲女仔真係好主動！」 ⠀ 伴奏暗戀心聲 軒仔先陪Rachel練開聲，並直接問：「你自己覺得點呀？溝唔溝到呀？」Rachel坦言：「好似唔唱好啲，嚇親佢！」軒仔先找出她的Key，再以鋼琴伴奏，更傳授「軒式」唱歌技巧：「其實唔一定下下要求唱到好似職業歌手咁，反而會嚇親佢，呢啲叫Organic，誠意搭夠，但自己要返去練，今日時間有限。」 ⠀ 經軒仔指導後歌藝有明顯進步，Rachel隨即請教軒仔：「有冇咩秘訣畀我追到呢個男仔？」軒仔立即傾囊相授：「男仔對女仔冇咁多要求，女仔唱歌畀男仔聽，好少會覺得冧，因為男仔好怕畀反應，特別係我呢啲咁內斂型嘅人。」更提供貼士：「一定要畀埋練歌呢段片佢睇，咁就實得！」軒仔坦言Rachel唱歌冧仔成數不高，但仍祝福她得米：「祝你好運，快啲搵到你嘅白馬王子！」並送上「愛的抱抱」為她加油，同時滿足埋Rachel同是軒仔歌迷的朋友，逐個簽名及送上「集郵」機會！ 唔愛花臣𢱑折現 Rachel坦言有機會跟偶像唱歌是「發夢都估唔到」，並自爆其表白對象其實近在眼前：「頭先話鍾意咗好耐嘅男仔就係軒仔，希望佢可以接受我呢份愛意。我由小學開始已經鍾意佢，佢嘅優點真係多到不能盡錄，希望佢會收到啦！」軒仔表示昨日他看過Rachel的「示愛」片後，驚訝到O晒嘴：「原來嗰個人係我，唉！好啦。」並大讚Rachel相當有心，又笑說：「但真係唔使搞咁多嘢，下次折現得啦！」 ⠀ 媽媽級Fans 重燃Sing夢 育有5歲囡囡的Rita自小喜歡唱歌，求學時已學填詞和作曲，但性格內向只在家中自娛，而做人母後更是全心全力照顧小孩，苦無一個唱Live的機會。 張敬軒出名愛錫粉絲 #粉絲蝦煲 ，希望能與她見面及合照，重燃她對音樂的衝勁。軒仔即場加插「彩蛋」與她合唱，喚起其興致，深受感動的Rita感激軒仔悉心安排：「好意外，好感動，冇諗過軒仔真係願意成全我，希望將來可以同囡囡一齊合唱佢嘅歌！」 ⠀ #hinscheung#hinscheungkinghin#cheungkinghin #張敬軒 @hinscheung