最近好似成日食乜乜過江龍，而今次都依然係過江龍，不過少有地係嚟自美國，但係賣嘅係日本拉麵，正好可以試下到底美式日本菜係點😛 . 呢度雖然好似乜湯底都有，但都係以雞湯為主調，從湯底可以感受到佢用咗好多雞作長時間熬製出嚟，不過又唔會好似豬骨湯咁濃烈，而係偏細膩入口舒服，拉麵粗身彈牙，咁你可能會問到底有幾多美式呢？呢樣就響配料上感受到西方嘅創新，例如蝦味噌會有塊多士點湯，而柚子更加係有美式雞肉丸添✨ . 當晚就叫咗醬油同柚子湯底，醬油湯底係當中最貴，因為佢跟咗隻慢煮雞脾，本身另加的話買成近四十蚊，不過識落可以話係物有所值，響慢煮下肉質腍到一夾起已經開始骨肉分離，同時又保留到個雞味同juicy感，超高質，建議就算揀其他拉麵都值得加錢食，至於醬油湯底微甜，可能有雞嘅關係，朋友食食下仲話有啲似滷水汁添🤣 . 而柚子湯底好明顯係開正我呢個柚子控果瓣啦，其實個柚子味唔算好重，係食落柚皮絲先會濃烈啲，不過雞湯本身麵好香，而佢個麵跟嘅肉丸都好正，質地彈牙得嚟又軟腍，再加上火炙過帶點微焦感幾惹味，仲有隻雞脾係另加的，唔後悔😗 . 雖然佢哋主打雞湯拉麵，但小食方面好多都幾出眾，明明係薯仔沙律，但係用三文魚包住再加三文魚子整到好似花之戀咁，再加上三文魚係煙燻類，成件事好西日fusion，而代替醋飯嘅薯蓉入口感覺新奇；至於市場刺身應該係每日唔同，當晚係鯛魚同帶子，再用鮮甜嘅海膽同刺身醬油混成醬汁，食法創新，當然最期待係櫻花蝦粟米天婦羅，另外再加芝士增添西式炸物感，本身係好食，但略嫌唔夠味，如果佢整埋個特式蛋黃醬應該會超好食🤤 . 整體來講感覺唔錯，好多西日fusion細緻位，聽聞香港分店獨有嘅關東煮都有好多fusion嘢，呢個就留待下次再試，不過有點可以改進一下，就係佢地個餐牌真係好黑人問號，全英文其實唔緊要，但佢有好多日文拼音完全唔知係乜嚟，要google下先知😂 不過最慘係個拉麵menu，淨係講咩湯底唔講有咩配料又冇圖，要問店員先知道，原來柚子有肉丸，醬油有雞脾，乜乜有乜乜，真係玩死😂 . Potato Salad with Smoked Salmon and Salmon Roe $68 Market Fish with Sea Urchin Soy Sauce $128 Sakura Shrimp and Corn Tempura $88 Paitan Style Yuzu Chicken Ramen $98 Paitan Style Soy Sauce Chicken Ramen $138 Slow-Braised Whole Chicken Leg $38 . NOJO 🏠 中環砵甸乍街45號The Steps.H Code地下5號舖 📷 CANON RP + RF 35 F1.8 #馬高食食食 #馬高食食食食在中環