#紅樓夢想 完Show啦！ 一連3場的演出, 唔敢講盡善盡美, 但希望有買飛黎睇既朋友都收貨啦♥😉 2個幾月黎既排練, 要多謝好多人, 首先係零導同蕭傑,今次係我第一次做戲, 多謝你地既教導同耐性♥🙏真係學到野! 多謝每一位女主角, 多謝你地做得咁好一路帶住我, 有好對手才有好戲係真的!一連十場有時真係好迷失, 全靠對手帶返我出黎! 法子, 開頭好cool, 但識耐左就多返野講啦, 佢後尾忍唔住同我講, 隻手咁拖好d, 你咁樣攬我啦😂 阿妹, 好喊得, 搞到我都眼濕濕, 要同佢kiss又好怕羞(我都係), 然後kiss既時候成日整到佢d鼻涕😂😂😂 馬欣澄, 大姐姐咁帶住我啦, 好戲之人又會分享經驗, 仲教我點kiss會好d🙏🙏🙏 Crystal, 我覺得佢好晴雯呀, 唔知真實既佢係咪咁架呢, 佢真係好大力, 次次捉住佢都要好用力呀😂 VVN, 惡到屎啦, 好勁! 個一把叫左佢好多次唔洗驚打落黎啦, 佢都錫住我, 到琴既個把真係好撚大力😂 小夜, 好兄弟呀！做戲之外仲幫我地整埋bra帶帶receiver🙏又係會成日提我走呢個位個個位既好對手! 林海, 同佢既對手戲既感覺係好9唔搭8, 因為佢痴架嘛, 講d野跳到爆, 但佢都keep到咁綠茶既, 應該佢真人都係咁上下😂 多謝大家俾我攬俾我錫俾我抽水啦, 放心現實世界既我真係唔係咁🙏🙏 say個sorry and thank you to you all🙏🙏 多謝老闆啦～俾個機會我做男主角同唱足全場! 多謝Jessy同阿E跟足全程同搵靚衫! 多謝台長同和仔陪足我地練習咁多次!多謝幕後既每一位手足!冇你地冇呢場show!Thank you! 最後梗係要多謝買飛入場既大家, 在心中!♥♥ 今次收得最多既comment係我唱得好, 仲有話d歌詞咁難記都記得曬! 其實我想講係我背後出歌詞對我既壓力真係好大, 因為一粒字錯都會俾人知!所以我真係記到10成先敢上台, 唱呢part都落左好多心機♥ 仲有好多人話唔係好信我係唱live, 好似播碟咁, 其實好感動架, 練左咁耐有好既feedback好開心😉真心多謝大家! Good Show!! Byebye啦寶玉!! #日新 #神奇膠 #熱血時報 #賈寶玉 #記得follow我ig #kelvin714 Photo by @rebeccawmlo0802

#gfmurmur9343 其實件事都過咗九年啦 但係我似乎仲未放得低 九年前考完A Level嘅暑假，我係蘭桂坊識到佢。佢大我11年啱啱30歲，個陣我18就快19。雖然相差11年，但係我哋好投契，一樣鍾意電影，我覺得自己已經遇到命中注定嘅另一半，直頭係紅樓夢嘅林黛玉遇上賈寶玉咁！不過，佢一直無承認我係佢嘅女朋友。記得佢話，女朋友呢啲只係虛幻嘅身份。我可能思想古舊啲，好在乎名份，甚至乎係我19歲生日個日，我係教堂跪低一邊喊一邊求天主，我嘅生日願望就係想做佢嘅女朋友！（哈哈好天真） 可能因為佢唔肯承認我嘅緣故，我就繼續同其他男仔出街食飯去激佢，佢唔鍾意我有好多朋友，我哋因為咁成日嗌交，最後我deactivate Facebook又remove咗WhatsApp，無晒朋友咁滯⋯⋯原本被㨂中去Harvard exchange，佢唔想我去就推咗。 我媽媽好唔鍾意佢。知道我哋係蘭桂芳識，加上佢大我好多，媽媽覺得佢呃蝦條。有一次媽媽知道我去揾佢，為咗阻止我，媽媽係條街度扯住我，喊住大叫「條友當你雞咋」。見到媽媽咁激動我都好難過⋯⋯但係佢真係我最愛嘅人，我曾經打算為佢放棄屋企人 佢個陣同屋企人一齊住，準備緊搬出嚟，所以我哋見親都要開房。我同佢講媽媽話佢當我係雞嘅事，佢就咁答：叫雞都唔叫你咁嘅樣架啦。但其實我唔醜樣架⋯⋯中學都係校花，唔明點解佢要咁話我，當時真係好傷心⋯⋯ 後來佢搬咗出嚟，但係佢話未買齊傢俬，所以我一直都未上過去，只知道佢住邊個屋苑。有一次我哋鬧大大大交，佢嬲得滯，打長途電話同佢係美國嘅ex傾訴。兩日後，佢ex就出現咗係佢屋企門口，仲由美國搬返香港，自此佢哋就一齊住。 好多人都話佢一直呃緊我，其實佢同佢”ex”無分過手，如果唔係又點會有佢嘅新居地址直接去到佢門口喎！ 但係我選擇相信佢。我以為佢ex已經搬走左，所以就繼續一齊。點知有一日，我係銅鑼灣撞到佢哋拖住手，先知我原來真係做緊第三者。佢叫我俾啲時間佢，叫我等半年（個陣十月），但係我唔想等咁耐，好想同佢一齊過聖誕，因為聖誕節係我最鍾意嘅節日⋯⋯我話唔接受。但過咗一個月之後我就好後悔，係咁求佢復合，佢都無再理過我。 佢消失咗之後我開始返唔到學，讀唔到書，考唔到試，最低試過GPA得1.7。學校counsellor認為我有抑鬱症，送咗我去精神科。我都有keep住覆診。 兩年後，我同佢又開始傾返計，雖然佢仲同緊佢所謂嘅ex一齊，但佢話自己好唔開心，於是我哋又開始見面。我仲將佢嘅生日紋咗係背脊，覺得我哋可以長相廝守啦終於！ 見咗三個月後，我又係街度撞到佢同佢女朋友拖手行街。雖然我預咗會發生，但係情緒上都係接受唔到。第二日我就食咗一百六十粒鎮靜藥同埋七十粒安眠藥溝酒自殺。唔知點解死唔去，明明已經check晒research paper呢個數目足夠殺人三倍有多⋯⋯ 出院之後，學校叫我停學休養半年。不過佢從此就消失咗。復課後我追返啲GPA，臨尾拎返個dean’s list。（係呢度我想多謝我係瑪麗嘅精神科醫生💕，係佢令我相信只要靠意志力我就可以好返，唔再日日以淚洗面。仲有瑪麗急症室嘅主管醫生同姑娘，我昏迷咗兩日佢哋都係床邊照顧我。而我原本打算放棄嘅屋企人就一直不離不棄⋯⋯） 或者你睇到呢度，會覺得我遇人不淑，識著個仆街。當然件事搞到咁我都有責任。係佢爸爸過身嘅時候、係佢諗住向我求婚嘅時候，我都因為名份問題發脾氣唔肯見佢，呢啲我都好後悔，後悔無盡力愛佢，後悔自己發小脾氣。又或者，如果我選擇等半年嘅話，我哋就可以順利一齊。但世事又邊有咁多如果同早知呢。 上年得知佢成為咗爸爸，生咗個女。以前朝思暮想為佢生個女，如今佢真係有個女，雖然另一半唔係我，我都誠心祝福佢，希望佢一家三口生活幸福圓滿。而我應該就無咁順利啦，九年嚟都有拍拖，但一到談婚論嫁就好驚，好想分手。間中諗起呢段關係都會喊到收唔到聲。 唔知大家有冇咩建議，可以幫我move on呢？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig