#20150122 ●沙麗林德信唱好40周年 阿Lam預告多嘢講
【on.cc 東網專訊】 前輩歌手#林子祥 (阿Lam)為將於下周舉行的演唱會進行綵排,即席唱出《最愛是誰》等歌曲,期間老婆#葉蒨文 (沙麗)更現身支持,而現場有一隻可愛小狗,兩人忍不住與狗狗玩。
唔夠時間唱晒成首歌
阿Lam表示昨日...
#20150122 ●沙麗林德信唱好40周年 阿Lam預告多嘢講
【on.cc 東網專訊】 前輩歌手#林子祥 (阿Lam)為將於下周舉行的演唱會進行綵排,即席唱出《最愛是誰》等歌曲,期間老婆#葉蒨文 (沙麗)更現身支持,而現場有一隻可愛小狗,兩人忍不住與狗狗玩。
唔夠時間唱晒成首歌
阿Lam表示昨日已經開始綵排,過程很順利:「今次隊Band係我熟嘅,啲歌佢哋彈得好多唔同款,差唔多乜款歌都會唱。今次都好多歌,分分鐘唔可以唱晒成首,而且今次有埋畫面襯托,所以唔似一個演唱會,直情係好似我台上帶動一齣部戲咁,襯番音樂同畫面。(今次唱幾多首歌?)接近50首,有一、兩首串燒歌,不過都係串兩、三隻歌,唔係《十分十二吋》咁長。(咁多歌,觀眾咪要8點3準時入場?)至好,我就梗喺度啦,不過啲人遲到冇得講。(驚唔驚唱到超過11點半,超時?)應該唔會過11點半,每隻歌兩分幾鐘都完。」
唱這麼多歌,可會減少說話時間?阿Lam表示今次反而會多講嘢:「因為有畫面,所以要講嘢帶入畫面同隻歌,先可以令觀眾跟住個過程。(會講感人說話?)主要係講私人、親切啲嘅嘢,講我個過程,又會講屋企、爹哋媽咪、仔女、沙麗。(佢哋會嚟捧場?)會唱埋。(沙麗同囝囝#林德信 會同台唱歌?)係。(到時會唔會邀請電影女拍檔唱歌?)唔係嗰種,係講我私人過程多過做嘢過程。」
習慣午睡補充精力
而現年80歲的英國老師亦會來捧場:「佢係外國人,雖然唔識聽我啲歌,但6、7年前佢第一次接觸到我嘅歌,佢同太太住日本,所以知我40周年就嚟,我個騷亦會講點識佢,所以好有意思。同埋今次開40周年演唱會唔係話自己做過咩,而係最緊要講我成個人嘅過程。」
講到阿Lam習慣早睡早起,但舉行演唱會要夜瞓,現時可會調教睡眠時間以作配合?他表示到做騷才會夜瞓:「不過我就算好攰都只係會瞓四、五個鐘,情願中午瞓一瞓先至開騷。(有午睡習慣?)老人家嘛!」
#georgelam #sallyyeh
#林子祥佐治地球40年演唱會
#love#concert#演唱會#sweet#sweetcouple #couple #sing #singer #song #singing #hk #hkig #hongkong#jj_forum#live#beautiful#elegant#legendary #music#chinese#엽천문#dog#pet