［江湖從此多事］FT 出咗篇Big Read，多人想我寫我就寫。不過等我Patreon寫埋篇日本股先

TLDR：馬爾代夫世界盃，Anyone？

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

＝＝＝＝＝＝＝＝＝＝＝＝＝＝

1. 基本上，歐洲足協（UEFA）就示範咗咩叫前門狼 後門進虎。以為粉碎咗歐超聯後，嚟個更加惡搞嘅國際足協（FIFA）（有話歐超聯都係國際足協背後搞鬼，難以證實，但我係信仩哋的）。

2. 我見網上普遍講法，都係講為錢。錯了，「權力都好重要的」。人類四大發明，名利權色。一般都痴埋一齊。

3. 你諗下，啲企業高管之類，點解要性騷擾？最表面嘅講法，因為佢地鹹濕，管唔好自己下面。

4. 差矣。

5. 你諗真啲，嗰啲企業高管，唔係咩搵四五皮嘅嘢VP，講幾四五千萬甚至四五億。To be honest，我地生活在一個極度金融化嘅社會，佢地要拎錢去滿足性慾（aka「出火」），或者古怪嘅癖好，有幾難？完全唔難。

6. 名句：Sexual harassment is not about sex. It's about power。

7. 正係咁，唔係性唔性慾嘅問題，而係權力。陶傑好早已經講過，咩係權力？就係我可以將我嘅意志強加於你身上。你想睇動畫，但你老母拎住個搖控一定要睇環珠格格（當年佢係用呢個例），呢個就係權力。

8. 你睇性騷擾，甚至各種職場上面嘅濫權（老細食飯唔夾錢之類），都係權力。就係「我唔妥你，我可以𢭃你；我唔鍾意你，我可以𢱕你。」。我鍾意嘅可以今日你入嚟摸兩嘢，你只能啞忍。我唔鍾意嘅，你以為自己得寵，我聽日就摸第二個。呢啲就係權力。

9. 咁足球嘅嘢，sorry，一樣。我地生活在一個極度金融化嘅社會，it’s not about football, it’s about money and power．得罪講句，歐超聯鬧劇，我見我識嘅球迷，兩邊都各有支持者，球會亦兩種取態。但，假使你捧嘅球會球星同你立場完全唔同，反對嘅球迷，有冇去杯葛唔睇？目測係冇嘅。

10. 表面上係國際足協貪得無厭，但，呢個不用講啦。Whataboutism話齋，難道歐洲足協就唔貪得無厭？

11. 更重要嘅係，邊個話事先？雙辦事人？唔得嘅。

12. 世界盃兩年搞一次，就係正面挑戰歐洲足協嘅權力。

13. 最正嘅係，你可以見到除咗國際足協主席Infantino外，仲有我年紀球迷好熟悉嘅三大推手

14. Namely：雲爺爺雲加，丹麥門神舒米高（老豆），同埋大哨仙童朗拿度（而家大肚腩嘅R9，唔係曼聯嘅C朗C7）

15. 見到呢個畫面，我即時諗起細個睇聖鬥士星矢！女神雅典娜嘅黃金聖鬥士倒戈幫冥王咁（放心，C朗美斯尼馬應該唔會出雅典娜感歎號）

16. 背後呢幾位仁兄收咗幾多錢，或者事成點榮華富貴畀個警務署長你做，就大家心照了。

17. 又，提提你，當然理論上球迷可以杯葛，歐洲球會可以杯葛，球星可以杯葛，歐洲同南美足協嘅國家都可以杯葛。但至少程序上要投票，「球迷球星球會都冇票」，歐洲同南美國家當然有票，但夾埋65票，而國際足協有211個會員國。你懂的，瓦努阿圖又一票，托布Wakanda又一票（聽講好先進，但寶寶不說），Ta Lo大羅又一票，法國又一票，德國又一票，民主真好（？）。「仲嘈？英國畀咗四票你啦喎」

18. 唔少人自動就諗，「中國卒之可以入世界盃」。差矣。首先2002年咪入咗。二來，即使世界盃維持舊制，都好快會到中國主辦。有（啲）錢，本土市場大，動員力強（你懂的），合理過唔合理。至於你話極權國家云云，卡塔爾俄羅斯都係咁主辦啦。

19. 真正大贏家係誰？係……孟加拉！Bangladesh World Cup，Anyone？

20. 本人不是玩膠，係講真的。孟加拉足總講明支持國際足協新計劃（雖然冇話會主辦世界盃，但你慌唔會？）。同時聯合聲明嘅，仲有尼泊爾（＊），斯里蘭卡— 同埋麥兜至愛，藍天白雲，椰林樹影，水清沙白，坐落於印度洋的世外桃源馬爾代夫（唔係墨心，但，到時陸沉未？）。馬爾代夫世界盃，真係諗下都興奮。

21. 係喎，呢篇只係引子。夠多人想我譯，我就譯。當然照舊用我自己鍾意嘅方法譯，原本唔會同你講聖鬥士星矢。不過等我Patreon寫埋篇日本股先

（＊）原本想講，嘩，尼泊爾個高原主場咪好勁？後來查下，加德滿都海拔1400米啫，甚至低過喀布爾德黑蘭墨西哥城，同坡利維亞La Paz 3640米爭好遠。諗真啲都估到，尼泊爾踢亞洲區賽事，都冇乜聽聞有乜優勢。係喎，我冇去過尼泊爾，但我識FC．

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

＝＝＝＝＝＝＝＝＝＝＝＝＝＝

《專業係咩色》

冷氣吹到成間會議室好似停屍間咁，面試官不苟言笑，托咗下眼鏡，徐徐問志文下一個問題：

「你平時買開邊份報紙架？」

「《東方》。」志文下意識答咗今朝買嘅報紙，額頭慢慢滲出幾滴冷汗。

面試官咧嘴微笑：「Second-in嘅資料同事會呢幾日send俾你，加油。」

呢一刻，志文唔知應該慶幸《蘋果》早就消失於世上，已經冇得再被佢「買開」，定慶幸老豆今朝叫佢落街買報紙，七仔個架上面得翻幾份《東方》。

噢，你想問志文係黃定藍？呢個問題我諗佢本人都未必答到你。

佢中意睇《蘋果》，同朋友傾計得閒爹兩句鬧下政府，ig轉發新聞嘅caption義憤填膺咁。與此同時佢係Yuu會員，每次m記出新包都即刻撲去試，搵咗幾間心水公司原來都係中資。

你話佢黃？佢份人係幾撐本土嘅。你話佢藍啊？佢又真係周不時幫襯藍店。港豬？佢又唔係唔關心社會架喎。

究竟係幾時開始，政治、顏色同我地嘅生活，以至工作專業掛鉤？讓我地倒帶翻去2019年志文嘅一場面試。

——————

嗰日，好似係全民罷工大遊行黎。朝早有人塞鐵堵路，但志文去見工嘅時候已經係十點幾十一點，道路暢通無阻。

佢去到間公司，見到前面嘅求職者同一個員工爭論緊。

「唔好意思啊，今朝塞鐵，我轉搭巴士但係紅隧有路障，所以先遲咗咁多。我今朝有打電話黎交代翻㗎，可唔可以俾多次機會我？」

「但後面仲有好多人等緊去in㗎…」

「求下你啊，可唔可以幫我問吓先？」

「發生咩事？」面試官似乎聽到動靜，係會議室出黎，得知事件始末後講道：「我都好同情你嘅遭遇，唉，啲人日日搞事，香港真係不得安寧！」

求職者一怔，欲言又止。

「不如咁，你係度等下先，我in埋呢幾位candidate再安排你面試好嘛？」面試官示意剛才嘅員工安排，轉身入翻會議室。

「先生，咁請你嚟呢邊坐坐啊。」

「唔好意思啊，多謝你地肯俾機會我，但我突然醒起我有啲急事要走先，實在抱歉…」

當志文同佢側身而過，隱約聽到對方呢喃：「又唔諗下係邊個逼到我地要搞事…」

——————

「下一位，林志文。」

面試上半場順順利利地過去，面試官視乎對對志文嘅工作經驗同性格都頗為滿意，直到…

「啊by the way想問下你平時週末會去邊？」

呢一個月，每逢星期日都有遊行，面試官嘅暗示眾人皆知。

「睇情況啦，有時同朋友行街，或者行下山咁。」志文本來冇諗住講大話。

面試官見到志文除咗公事包之外，仲有個紙袋裝住衣物，繼續追問：「你陣間都去行街啊？見你帶埋衫換。」

兜唔兜好呢？

「下晝約咗朋友行山，著西裝唔方便，又返唔切屋企換嘛。」志文成功自圓其說，同時，內心深處有似有一忽倔強，隨之消失。

窗外天陰細雨，面試官一笑，二人相對無言。

面試官最後有冇俾offer佢？佢都唔知，因為個間公司唔係佢首選，之後in多咗幾間，就冇再理會過呢間公司嘅email。

咁今次呢？

朋友無奈笑佢話一不做二不休，既然都決定順面試官意，就唔好同自己過唔去。黎緊個second-in，照去馬啦…

話曬今時今日嘅香港，仲有邊個唔講大話？

——————

志文以前眼中嘅香港，係一百個人有一百種唔同嘅聲音，而又能互相尊重。但宜家嘅香港，可能只得一種聲音被准許…佢有冇資格去judge呢個社會現況？當然冇。為咗生活而低頭生存嘅你同我，都冇。

#撐政府係咪會叻做野啲
#大家點睇黃藍與專業嘅關係
l#FulltimeHeadhunt #全職獵人

Follow我哋IG：

🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter

話說上集數剩兩個你唔知嘅林過雲真相🦸‍♀️👀
～林過雲係咪天生殺人狂？（佢面相睇唔睇得出？)🧐
～花家姐曾經接觸過林過雲？仲私藏佢嘅筆跡？😨
🤓回顧上集：
～林過雲係咪出咗獄? 🤔?
～林過雲喺獄中係咪俾好多女鬼包圍?🧐
～林過雲老豆同細佬點解唔知佢喺屋企製作女性標本？🙄
究竟真相喺咩？一連兩集奇案女皇為大家拆解！

***馬上訂閱「奇案女皇花家姐」YouTube頻道👉
https://bit.ly/HKStrangeCase

#奇案女皇 #花家姐 #艾力力 #林過雲 #雨夜屠夫 #香港重案 #香港奇案 #馬宣立法醫 #李寶能 #心理專家 #肢解 #標本 #歡場女子
#真相

👤雨夜屠夫林過雲(上) 精華
https://www.youtube.com/watch?v=NGQQQpoq3ew&t=3s
👤雨夜屠夫林過雲(中) 精華
https://www.youtube.com/watch?v=Xu8QJZuvTb0&t=25s
👤雨夜屠夫林過雲(下) 精華
https://youtu.be/uPDyilh4O4A
👤你不知道的林過雲真相(上）
https://www.youtube.com/watch?v=5Blu1r9tu9Y&t=7s
👤你不知道的林過雲真相(下）
https://www.youtube.com/watch?v=1Eld2YUwU38

#ReoNa #Nainai #ないない #Aimer #Walpurgis #milet #Checkmate #Uru #FirstLove #ファーストラヴ #Adieu #上白石萌歌 #YOASOBI #優しい彗星

去呢度聽『令和歌姬』歌單：https://lnk.to/ReiwaDiva

大家都知《鬼滅之刃》大熱，連帶為電影唱主題曲《炎》女歌手LiSA都攞哂細碟榜同大碟榜冠軍。因為咁LiSA成為令和年號第一位同時在兩榜稱冠的歌手，亦是相隔16年6個月再有女歌手有此佳績，平了歌姬宇多田光的紀錄。除咗LiSA之外日本都有好多唱歌好好聽嘅日本女仔，今日就等我精簡推介下呢啲日本女仔，再介紹返多首唔同曲風的歌比大家，睇下大家又覺得邊個會做下個令和歌姬！

ReoNa - Nainai ないない
喺日本聽歌一定關動漫事，你住過日本就會明我講咩。有位歌手叫ReoNA，佢就喺訪問入面自稱「絶望系動漫歌手」。有啲人仲會話佢係咩新一代動畫主題曲女神，我就因為佢頭髮啲顏色而認得佢，今次介紹返呢首動畫主題曲 ないない，我覺得曲風好似我VOCALOIDボカロ聽開個種feel咁。

Aimer - Walpurgis
Aimer大家如果未聽過真係削少少，佢係天生做歌手個啲命嚟。細個因為老豆係Bass佬已經不停接觸音樂，又有練琴，小學已經模仿椎名林檎和宇多田光歌喉，十五歲聲帶受損用咗沉寂治療法半年沉默之後，確立要做歌手。我最鐘意係佢首Torches，兩年前聽會聽到喊，但今次想介紹嘅係佢成隻新碟Walpurgis比大家。

milet - Checkmate
呢位女仔2019年先出道，出道單曲〈inside you〉仲要係由ONE OK ROCK吉他手Toru操刀製作，之後喺2020就踩上紅白。我都係最近先識呢位歌手，我會叫佢做日本美國歌手，唔想解釋，呢個係我聽完佢首新歌 Checkmate 之後嘅感受。

Uru - First Love ファーストラヴ
Uru呢個歌手係勁到我係因為隨機喺日本K房聽到佢首プロローグ而識，個陣聽到返屋企就開始loop，本身首歌已經好聽，加埋佢把聲我一聽完就入哂腦。由於佢本名、年齡等個人信息都唔公開，所以被稱為「神秘的歌手」。新啲嘅話大家可以聽下 First Love ファーストラヴ。

Adieu - adieu2
介紹埋呢個10年前仲係小五就出咗道嘅女歌手 adieu，佢仲係00後，今年先21歲。佢就係你的名字個宮水三葉嘅聲優上白石萌音個妹妹，上白石萌歌 Adieu。又音又歌果然係靠把聲搵食，Adieu參加東寶藝能舉辦的「東寶灰姑娘」選拔，喺4萬幾人入面脫穎出成為史上年紀最小的得獎者。今次想介紹佢嘅係佢下個月6月尾先出嘅新碟，adieu2 。

YOASOBI - 優しい彗星
最後介紹嘅呢隊YOASOBI嚴格來說不只是女仔，佢哋是由作曲作詞的Ayase及主唱ikura所組成的日本雙人音樂組合，其特色為「將小說音樂化」。他們的成名作「夜に駆ける」就係以星野舞夜的小說《タナトスの誘惑》為原作所推出嘅歌，亦都係佢哋嘅第一隻單曲。 上年年尾便在紅白出場演唱，這是首度有藝人未發行實體作品便獲邀登上紅白。但今次我想推介的是他們的優しい彗星。


每天關注我的9UP狀況：
https://www.instagram.com/ernest_pch/

懷舊小食系列之菲林（芝麻卷）！八九十年代嘅集體回憶！重現失傳小食！
喺屋企整就無酒樓咁靚㗎啦，純分享勿認真。
已加google translate english subtitle 英文字幕！

#菲林
#芝麻卷
#我老豆係點心師
#港式點心教學
#中式點心做法

司馬秤：1斤=16兩=604.8克
00:00 介紹菲林(芝麻卷)
01:14 菲林(芝麻卷)
材料：馬蹄粉2兩 粘米粉半兩 澄麵半兩 冰糖2兩
做法：用少量水浸馬蹄粉10分鐘
混合全部粉拌勻
04:08 菲林漿(芝麻卷漿)
做法：放2兩水煮溶冰糖
用適當水拌勻混合粉(看黏稠度)
將冰糖水倒進混合粉拌勻
06:39 拉菲林(拉芝麻卷)
做法：將粉漿倒入蒸煮容器攤平
蒸約3分鐘後捲起成卷

請訂閱channel及按鐘，不斷製作內容發佈。
IG：http://www.instagram.com/jc.post
FB Page：http://www.facebook.com/JC.PostPro

#陳茂波 #財政預算案 #政府
一定要睇到最尾果段！
鳴謝：饔車仔麵

《陳茂波不夠愛我》
原曲：原來她不夠愛我 - 吳業坤


波叔我對佢失望
俾錢送警方
繼續盲目奉獻像豺狼

波叔很多愛國徵狀
向月娥叨光
為表面防疫 讓庫房釋放

無奈跌市癲喪
騰訊控股仍未放
感覺太不爽

陳茂波不夠愛我
連累個市亦下墮
連5000蚊亦需分期
電子券 搞邊科

陳茂波不會放過
為何揸車也有錯
奉獻警方比醫療多
有沒有搞錯

香港資金快要傾盪
更令人不安
特首又胡亂撥放 如金礦

其實沒有工作
仍貸款俾人 營造錯覺
彷似個黑幫

財政司低能 林鄭無腦
不對政府 存寄望

陳茂波 頂你個肺
全民叫派錢都搞鍋
而國安處派幾千億
作用卻不會說清楚

財爺他想報答我
麻煩到要payme過我
而老豆阿媽八十歲多
無電腦點過

你侮辱我
＝＝＝＝＝＝＝＝＝＝＝＝＝＝＝＝＝＝＝
?支持晴天林PATREON粉絲會：
https://www.patreon.com/sunnylammusic

⭐Facebook：
晴天林 Sunny Lam http://www.facebook.com/music.sunny

⭐Mewe：
https://mewe.com/p/sunnylammusic

⭐ IG: sunnylammusic
http://www.instagram.com/sunnylammusic

⭐YOUTUBE被黃標，PayMe助養窮困音樂廢青晴天林：
https://payme.hsbc/sunnylam
http://bit.ly/38YfI6Z

⭐海外PayPal:https://paypal.me/sunnylammusic

＝＝＝＝＝＝＝＝＝＝＝＝＝＝＝＝＝＝＝