各位媽咪有無生完小朋友後注重咗養生? 我身邊好多媽咪朋友都話會, 可能心態唔同咗, 有小朋友後大家都會食得健康啲。 天然健康食物界中台灣嘅產品一直被受注視, 如果大家對養生食物有興趣, 可以嚟緊兩天到荷里活廣場參加由台灣觀光局舉辦嘅「台灣農莊養生美食節」。美食節除咗有好嘢食外, 仲有台灣夜市經典"套圈圈" 攤位遊戲, 以及可以親手製造農莊休閒小玩意, 啱曬一家大細去過一個休閒下午。 ✨美食節分咗五大區 - 1) 養生美食區*(時間:下午1時起至額滿)🍳：美食由來自10間全台灣最top嘅休閒農莊主理，佢地以而家秋季時令蔬果即場製造養生美食, 當中包括: 薑黃麵線及客家小漢堡丶翠綠米香豬肉腸丶手工四色蔬果麵佐桑椹沾醬及五行魚丸湯丶奶香蕃薯焗麵及時蔬鮮奶湯丶草莓雲朵丶香甜蘋果酥丶柚香石頭餅及香檸柚子茶丶愛文芒果冰丶酒釀五色丸子和芝麻三星蔥油餅及八角烏龍蛋。我試咗幾款美食, 款款都好好味 。草莓雲朵最令我印象深刻, 佢以新鮮草莓整成雲朵再加上肉燥, 感覺好特別, 鹹中帶少少士多啤梨香。 2) 天然果醋專區*(時間:下午1時起至額滿)🍹：美食節中大家可品嘗由多家知名台灣農莊及蜜釀工坊釀製出的28款手工健康果醋, 我就試咗極罕有嘅百香果醋, 正! 👍 * 只要即場捐款港幣20元，即可換領一份美食及一款果醋 3) 童趣手創市集^(時間:下午1時至晚上7時)✂🎨：呢部份一定大受小朋友歡迎, 台灣農莊主人會親自教授製作多款農莊的小玩意, 例如: 彩繪搖搖、大冠鳩手作風箏丶奇異果樹筆丶古早線軸車丶手繪環保袋及水果木製明信片。雜果沙律一定喜歡彩繪搖搖和奇異果樹筆, 太特別。 ^ 即場捐款港幣10元可報名參加指定時段童趣手創市集一節 4) 套圈圈遊戲區(時間:下午1時至晚上7時)：台灣夜市的經典「套圈圈」攤位遊戲，只要擲中目標就有機會帶走台灣水果及特產，包括: 香水檸檬🍋丶台中東勢鎮農會的橘子🍊等, 捐港幣10元就可以玩啦! 5) 舞台區(時間:下午12時至晚上7時)🎤：我去完美食節即刻想飛去台灣一轉, 係場內原來有以台灣農莊及養生為主題嘅旅遊資訊🗞，當中美食區提供美食嘅農莊都有民宿服務, 放假帶小朋友去感受休閒生活也不錯! 台上更會有台灣傳統金曲🎤 ✨台灣農莊養生美食節✨ 日期: 10月1日至2日 (星期六至日) 地點: 鑽石山荷里活廣場一樓明星廣場 註: 捐款將撥捐港澳台灣慈善基金會有限公司 #台灣農莊養生美食節 #荷里活廣場 #養生美食 #台灣美食 #天然果醋 #Plazahollywood #台灣農莊 #DDPR DDPR