08-10/2017 電影睇睇睇
.
Emoji大冒險 The Emoji Movie
當全世界都話係爛片時，其實睇完又覺得唔係真係咁一文不值ge，的確個故仔都真係幾老土，個結局又係幾無厘頭同夾硬黎，好有「做咩啫你？」feel，但作為一套合家歡片黎講係咁上下ga la😂 當見到主角入左candy c...
08-10/2017 電影睇睇睇
.
Emoji大冒險 The Emoji Movie
當全世界都話係爛片時，其實睇完又覺得唔係真係咁一文不值ge，的確個故仔都真係幾老土，個結局又係幾無厘頭同夾硬黎，好有「做咩啫你？」feel，但作為一套合家歡片黎講係咁上下ga la😂 當見到主角入左candy crush都幾搞鬼丫，去youtube睇片又幾過癮丫，最正係Instagram原來可以咁靚，最重要係全靠中文配音夠貼地真係拉返唔少分😌
.
保鑣救殺手 The Hitman's Bodyguard
呢套比想像中多笑位😂打得幾爽之餘又好好笑，兩個男主意外地有火花，一個黑一個白一個斯文一個老粗然後兩個慢慢撈埋個反差好正😂 而其他配角都唔弱，黑人老婆個氣場都好爆好gag，基本上係由頭笑到落尾咁滯😌
.
銀魂 Gintama
前半段堅好笑，有D似睇緊以前搞乜鬼電影系列又再加少少keroro軍曹咁，不停搞動漫gag又玩電視節目gag，連橋本環奈個招牌pose都玩埋😂 不過去到後面就好大鑊，因為本身冇睇開原著漫畫所以到佢劇情開始認真係咁打打打，然後我響佢打boss果陣訓著左😒 去到散場時聽到後面果兩個女仔都話後面訓著時總算少D咁罪惡感😂
.
東京喰種 Tokyo Ghoul
其實對呢套野冇期待，純粹睇開漫畫又先睇，本身諗住會好似進擊巨人咁又cult又騎呢，不過出黎效果又比想像中正常同有睇頭，D赫子好真好似真係生勾勾咁。故事都揀得幾好，母女劇情做到陣慘味出黎，係白頭佬奸左少少，印象中佢都唔算係奸人，畢竟遠古前ge劇情已經唔多記得😂 比較失望係冇想像中咁血腥同埋成套野劇情都幾短下，當全場前我仲諗呢個係開頭黎ga? 唔知係咪戲院關係。全套戲好多暗位播出黎都係一片死黑咁，哂左套戲囉。
.
黑魔塔 The Dark Tower
對呢套野幾有愛，又超能力又槍手又多元世界又被選中細路，全部都係打機必備，可以拍幾部曲大長篇或者西劇化，甚至整隻JRPG都仲得，但偏偏就谷埋一套戲入面，搞到好多條線都唔夠時間講，超浪費囉。其實佢個世界觀係好大好多野玩，然後兩個主角關係又可以有好多野玩，偏偏佢就拍到好似谷阿莫D N分鐘看完乜乜乜咁，好似呢頭個配角出一出黎好似有用咁，下一句佢就死左，心諗WTF!?
.
非常速盜 Overdrive
每隔一排就會彈一套呢類俠盜飛車片出黎，然後都會俾人拎狂野時速系列比較，呢套個感覺正好係似頭兩集狂野時速，冇飛機大炮潛艇軍艦呢D誇張野，而係好搭實咁飛車。的確相比之下呢個寫實系飛車係幾平凡，但兄弟檔有火花兼無敵靚靚古董車都加唔少分，同埋最後兩野扭橋又幾有驚喜，作為娛樂片都合格啦。話說果日響海怡睇。然後途中有兩次突然黑色畫面然後跳前左一兩分鐘咁，其實播片條友係咪瞌緊眼瞓，又冇人投訴好似無事發生咁喎🙄
.
皇家特工：金圈子 Kingsman: The Golden Circle
正所謂期望越大失望越大，經過第一集嘅神作之後，第二集真係失watt不少，其實如果當佢係一套獨立電影其實係好好睇，打得又勁笑位又多，儘管臨尾一抽二個拍攝手法其實似上集教堂咁high，但如果拍埋第一集到佢就唔合格囉，記得第一集臨尾個爆位係直情睇到拍手掌，但到今集完全冇呢回事，相反今集好似後勁不繼，啲奸角廢到無倫，個女Boss本身係夠霸氣，但到最後成個路人咁🙄 然後大包牛仔宣傳到好似主角咁，但出咗兩場就俾人雪藏，雖然估到佢係為第三集鋪路，但而家搞到劇情又唔暢順又多鳩餘唔知想點🙄 btw當所有朋友都淨係focus響個牛仔有幾大包時，只有我一個覺得矮仔主角好正正子🙈
.
寶貝神車手 Baby Driver
睇之前已經覺得佢好似lalaland咁絕非池中物，響配樂同聲效上拍得好細緻，角色每一下動作出黎ge效果音都可以match到入配樂果下好癲，初初覺得都幾煩，啲歌唔係好啱口味，但愈睇愈覺得過癮，同埋成個氣氛好易俾佢帶動到好易投入。飛車場面雖然係走寫實系，但寫實得黎有好誇張，好似睇緊老師傅打真功夫咁睇到想拍手咁滯，劇情雖然有啲老土，但都寫得幾細膩，每個角色都有血有肉冇話邊個奸得晒，最正係影帝叔叔臨尾幫主角果野都幾touch下(細個好鍾意佢🙈) 同埋套野本身都係玩懷舊所以唔怕啦😂
.
美國特工 American Assassin
雖然係美帝打飛機之作，但又打得幾爽幾好睇，拳拳到肉好爽皮，拔指甲睇到自己都覺得痛，不過睇完感覺都係好二線，玩特工，主角又成隻甩繩馬騮咁然後又好好彩咁俾佢搞掂，成件事好符碌咁，玩以暴易暴又冇John wick果隻霸道同專業感，似中二病爆發多D，總括黎講呢套係打發時間級數囉😌
.
📷 iPhone 6s
➡️ Slide the Slides
東京喰種爛尾 在 動漫廢物電台 Facebook 的最佳貼文
想上位，舐鞋底！
2017年動漫改篇作奇葩！
文： 漫遊者
導演功力，2017年動漫改篇作奇葩－－帝一之國
文：漫遊者
圖：自攝及網上圖片
導演：永井聰
演員：菅田將暉、野村周平、竹內涼真、志尊淳、間宮祥太朗、千葉雄大
(含劇透)
2017年下半年的動漫改篇真人電影版都有不俗表現，#銀魂 當然令人意外地驚艷，#東京喰種 雖然有所失望，但日本朋友指 #JOJO 都屬好評，但最估不到的應該是這齣連漫畫在香港都不算有名氣，卻極為意外地好看的 #帝一之國。作為漫畫迷，漫畫版早在香港推出時，因為 #古屋兔丸 之名而買入，可惜天下出版社的中文版已經爛尾…
電影以主角 #赤場帝一(#菅田將暉)在一年級時，為了將來成為學生會會長而加入 #冰室羅蘭(#間宮祥太朗)/ #森園億人(#千葉雄大)派系而與
#東鄉菊馬(#野村周平)明爭暗鬥，和跟 #大鷹彈(#竹內涼真)亦敵亦友為主軸，大約為原著的27-28話左右(原作連載於JUMP SQ，屬於月刊)。原著那種瘋狂、荒謬固然是相當引人入勝之處，以學校選舉借題發揮也相當有意思，男人之間的戰爭，政治，曖昧(尤其男校應該其實不會完全沒有吧？)，古屋兔丸為劇情打了一個很好的基礎，演員的落力演出，豐富而強烈的顏藝，造出了漫畫版的誇鬧，滑稽卻又熱血，甚至比漫畫版更搶鏡。
精彩改動與演員賣力
漫畫版篇幅不少，電影版只有120分鐘左右不免要斬去不少原著劇情，例如印刷校報、夏季修行等等，也使不少角色的戲份不可避免地被削減，例如 #榊原光明(#志尊淳)的天才形象變成了一個純粹賣萌的角色、草壁準候選人被完全刪除、森園的超級智力被減弱、也大副刪去了帝一等人升到二年級與大鷹的對峙，尤其是他與帝一在 #美美子(#永野芽郁)之間的三角關係。導演將大部份劇情都投放到帝一的身上，以他從頭到尾都在帶領，由他投入冰室的陣型到叛變，如何發揮他的能力去扭轉局勢。雖然削去了不少劇情無疑令戲劇轉折少了一點(原著在帝一和菊馬兩方互相要幫助冰室同時又要互扯對方後腿有比較多的描述)，但無損電影的完整性，整體的角色的對敵、關係改變等等都沒有被破壞，以改篇數期漫畫來說這種削除可以理解而且做得算是不錯。
演員賣力之餘，也提供了不了「殺必死」讓女觀眾尖叫和氣促，帝一和光明的關係設計得沒有漫畫般明顯，但志尊的演出令二人更親密，角色之間的擁抱、眼神，甚至毫不避忌的露股，並讓那些屁股在銀幕前走來走去，互相踫擊，冰室甚至狠狠地拍落帝一的屁股上，都應該可以令人意外！菅田的演技，由我看過的 #赤羽業(#暗殺教室)、#武藤翔(#民王)、#紫苑優輝(#死亡筆記)、#志村新八(#銀魂)到帝一，他在這次的演技比起以往更明顯地展現出功力，除了顏藝，他與他的父親在對卷的時候那種表現，雖然浮誇但卻毫不突兀，強化了這齣荒謬劇的形象。
被更改的原著神髓
電影沒有了原著的暗黑、認真和邪惡，反而充滿了熱血、歡樂，而帝一的堅持的原因也與原著有所變更，使故事在本質上有點改變了，如果沒有接觸過原著的朋友應該沒有問題，但如果你有看過原著的話，可能會認為失去了古屋兔丸的精髓而感到失望。原著的精神，我想應該是在借「海帝高校」來諷刺現實日本政治的荒謬與弊病：派閥、用人唯親、不擇手段、卑劣而小圈子、賄賂舞弊、作為一個政客要如何卑賤、委曲求全、在上位要如何過橋抽板等等，百病叢生，到最後要解決這個制度的，還是需要有大志之士，從制度內破壞之，然而電影在這方面反而談及較少，也將主線放回帝一為甚麼要建立帝一之國的原因之上，而這個原因是一個比較熱血的少年漫畫夢想，而非純野心上的原因。
這120分鐘還是過得很愉快，優先場內笑聲滿載，觀眾看得都很喜悅。而且這個帥哥陣型，單是六大主角已經足夠叫人入場，其中菅田將暉不用說，千葉雄大當然也是萬人迷級數，竹內涼真在劇中的爽朗也是令人感到一種清新感覺，志尊淳的裝萌也會令腐女有她們的焦點。而男觀眾也可以在電影中找到男人之間鬥爭的兇猛，可以說是一個全方位的作品，應該是2017年的動漫改篇電影的奇葩。
================================================
Neofilms 新映影片
伸延收聽： 動漫廢物電台 第376集 入實驗室撳新書祭
https://youtu.be/8KasMvBNqAg?t=13m13s