<約埋朋友去食養生鍋>

其實我本身好鍾意食藥材湯底，但係老公就麻麻哋藥材味所以我單拖約班好姊妹陪我食 老鍋台式火鍋，仲食得好開心😃

今次去咗 #銅鑼灣 #老鍋台式火鍋 ，初試台灣有名嘅養生鍋❤️一入去門口位就有得 #放天燈，小朋友一定好開心，因為有得玩又有得食！呢度仲有BB椅，非常適合一家大小黎食。
母親節大家都可以考慮吓黎呢度👍🏻

我哋叫咗兩個二人餐，火鍋嘅靈魂就係湯底，我哋揀咗:
😈養生鍋 - 一黎就聞好香嘅藥材味，原來湯底係有原條人參、金華火腿、老雞、豬肉熬製而成～食得岀好香嘅人參味❤️💥將菜淥落去沾上濃郁湯味，好正呀！
😈美人鍋- 真係原隻烏雞同金華火腿煲岀八個鐘頭湯底，好補～ 仲有桃膠好啱女士食！
😈酸菜白肉鍋 - 想像中有驚喜並唔係用平時普通嘅咸酸菜而係用秘方醃製咗嘅大白菜同花腩，仲要有寬條麵，超正嘅組合。
😈麻辣鍋 - 含24種香料及藥材，麻辣味漸漸喺舌頭擴散，湯入面有鴨血同凍頭腐，而且加入了雪梨同蘋果一齊熬，湯味更有層次，不過我唔食得辣嘅😆

特別一讚呢度有每日新鮮手打嘅肉丸
入面仲有醎蛋黃，好正，原來好match ❤️
仲有黎自台灣嘅 #水蓮 滾十幾秒就食得嫁啦！😊水蓮其實係睡菜科植物嘅莖，正確學名為「龍骨瓣莕菜」，口感香脆爽口👍🏻喺香港好難買嫁。仲有飲品沖繩黑糖烏梅汁同杞子杭菊露相伴，真係十級享受🥰

另外呢度嘅手切肥牛質地好滑，一啲都唔老，仲有桂花蚌同鮮蝦❤️魚肚好有份量，嚮鈴仲要新鮮炸起，浸一浸湯底已好滋味！我真係好鍾意老生鍋湯底呀😆

地址：
銅鑼灣駱克道491-499號京都廣場2 / F全層
電話：+852 2818 6678/51154762 (whatsapp)

銅鑼灣軒尼詩道525號澳門逸園中心3樓
+852 2566 1561/51154762 (Whatsapp)

#打邊爐 #台灣火鍋 #養生鍋 #藥材 #肥牛 #吃貨