作為杜以辰忠粉，今朝睇完條Q&A片之後忍唔住畫咗幅畫。 話說我由中學開始睇熊仔頭，嗰陣覺得「杜小喬好靚女呀」，於是我就開始留意佢（利申：我好少鍾意女artist呀明星嗰啲）。之後留意多咗，覺得佢性格都幾似我，都係少少內向，鍾意影相，會唔係幾鍾意自己，成日唔覆啲朋友但唔係唔重視佢地，有時鍾意匿喺自己嘅世界裡面，好鍾意貓，甚至係好似貓⋯ 唔知點解，就好鍾意佢喇，鍾意到我啲朋友都知道晒，鍾意到成日刷存在感等佢記得我個名，鍾意到買佢嘅相集，鍾意到會寄卡俾佢，鍾意到我明明係內向毒L但竟然夠薑一丁友去佢個fans meeting，最後全場計埋我得兩個女仔但嗰個女仔有男朋友陪，我覺得我可以喺個fans meet裡面留到完場真係人生一大壯舉⋯ 唔經唔覺過咗幾年，睇住昔日嘅娘娘突破自己，參與電影、舞台劇、音樂嘅作品，到今日睇埋呢條Q&A，又俾我認識多咗杜以辰呢個女仔。講真，我地就咁透過藝術作品或者網絡交流去認識一個人，知道同了解嘅永遠好有限，但多謝熊仔頭俾呢個機會杜以辰去表達自己，引導佢去剖白自己內心嘅感受。 唔講咁多，有咩想知緊係直接去睇片啦！！！但我只係想講：希望呢個世界可以多啲愛同温柔，少啲冷嘲熱諷，少啲輕率嘅判斷。我相信每個人都會經歷唔同程度嘅傷痛，生活都有自己嘅難處，係當事人先知道，係我地作為局外人永遠冇辦法完全體會。當有人選擇將難處同傷痕揭露於人前，呢個扭曲嘅世界就會評論佢地「扮慘」、「博同情」、「博出名」乜乜乜；但當佢地選擇將傷痛留俾自己而唔係公諸於世，啲人又會覺得佢地「又話好慘嘅，明明生活得咁好咁風光」。一個人只係向其他人展現笑容而唔係眼淚，唔一定代表佢地生活得好好，唔代表佢地冇難處，更加唔代表其他人可以任意用有限嘅認識去判斷佢地嘅生活所承受緊嘅係輕省定沉重。希望我地對自己寬容嘅同時，都可以對其他人寬容一啲，特別係我地根本唔完全了解嘅人，有時一句無心之失嘅開玩笑都可以為人帶來傷害。 最後，多謝熊仔頭對杜以辰嘅好，多謝佢維護呢個有時寧願自己吞晒都唔為自己平反嘅女仔。多謝Jarry對杜以辰嘅愛，為佢帶來快樂同幸福，支持住佢慢慢成長同變得更識愛自己、為自己着想。希望以後佢地可以繼續一齊努力創作，繼續追尋夢想。 ❤️❤️❤️ 打完咁多字，差啲以為自己係佢阿媽⋯ 救命，我發現我一係好鬼鍾意一個人，一係就完全冇感覺，一好鬼鍾意就變咗打手🤣🤪 利申：我真係唔識畫人樣，盡晒力都唔似樣我放棄了。第三幅係縮時短片，係為咗證明我唔係就咁印住幅相描返啲線🥺 #staycuteprocreate #staycutedraw

【 2017年舊文重推／與刀片王文字結緣 】 _ 一套《二月廿九》，紅了導演，人稱「刀片王」的羅嘉駿（Steve）。很多人以為，我如此力撐史提夫是因為這齣劇，實情是早在2017年已為其舊作《瑪嘉烈與大衛系列 前度特別篇 —— 剪不斷》寫了一篇長文。回想起來真大膽，竟然花那麼多篇幅去寫幾短「極度新鮮人」。三年後，羅嘉駿已在電視界展示真正實力，並在維基百科擁有一版頁面，陳凱詠亦成為新晉歌手與演員，至於我一直看好的黃定謙，則會在5月11日首播的《歎息橋》有頗重戲份。寫文4年，撐新人的宗旨從來不變。 _ 【 原文刊於《壹週刊》】 _ 「大佬孝」邵仲衡擔正、長達30集的ViuTV半小時港劇《詭探》，自播出以來反應兩極，有人說此劇爛到一個點，亦有人高呼好睇，更要求開拍Season 2，以討論度計算，《詭探》雖然只得兩點收視，未竟全功，但在觀眾層面出發，也算是個好開始，起碼現在多了普羅大眾知道，無綫以外，ViuTV也開始發力拍劇。 _ 據了解，除了現時還在拍攝的《賤民30》和將會去英國取景、陳奕迅主演的音樂劇（即《短暫的婚姻》）之外，「ViuTV男神」駱振偉亦將會在新劇做男一，至於《詭探》後，9點半綫將會小休，7月17日開始，「重重頭劇」《瑪嘉烈與大衛系列 前度》登場，預告片剛於周五晚透過ViuTV的fb專頁推出，齋睇卡士都夠吸引，袁澧林與劉俊謙飾演新版「瑪嘉烈」與「大衛」，其他陣容包括黃秋生、夏文汐、廖碧兒、許志安、馬志威和杜小喬等，劇中的愛情關係比《綠豆》將會複雜N倍，加上去年開台劇《綠豆》的口碑，相信會帶挈《前度》的收視有力爭上3點或更多（未計點擊率） ，帶起更多討論。 _ 為了彰顯對這套劇集的重視程度，ViuTV近日已積極地推出短片Promo，而且並非劇集精華，是由外判製作公司重新拍攝一些與「＃前度」這個關鍵字相符的短片，包括今天要推介的《＃不要用丟架來換取死心》，男主角是「翻版曾國祥」的黃定謙，女主角是浸大傳理系畢業的陳凱詠。 _ 根據電視圈人力市場的最新走勢，受惠於ViuTV於去年開張，大批演藝界新血得到曝光機會，就算無法成為某個節目的主持或者某套劇集的角色，依然有機會參演相關宣傳片的演出。 _ 最初聽到黃定謙（Himmy）這個名字，是來自編劇卓亦謙，「佢喺『鮮浪潮』演過《命懸一念》（章彥琦導與編），我覺得佢係明日之星。」他於香港浸會大學電影學院表演系畢業，曾在Year 1的學期末接拍陳志發執導的《點五步》，於戲中飾演「力王」一角，畢業後則曾接拍過三套「鮮浪潮」電影，計有《攻防》、《歸零If Zero》和《命懸一念》。由於認識陳志發的關係，於是去年有一段時間，曾加入Pigture Creations，擔任梁焯霖（《點五步》剪接）的剪接助理，負責《三一如三》的剪接工作，稱得上是幕前又得，幕後又得。 _ 睇過《＃不要用丟架來換取死心》的頭幾秒，我差點誤認了他就是曾國祥，後來問朋友後，才確認是兩個人。因為《點五步》的導演陳志發，是製作公司Pigture Creations的創辦人之一，剛巧他的公司接了《前度》的宣傳片拍攝工作，由羅嘉駿負責做導演，於是邀請曾在《點五步》演出的Himmy飾演髮型師一角。短時間內，將短片看了幾回，我覺得他演出是有層次，即是能夠將前度男朋友面對前度女朋友時，由嫌對方煩（妒忌心重導致分手？），有點驕傲，有點孩子氣的性格，後來變成歉疚講對唔住的情緒轉變表達出來，對新人來說，算是不錯的了，以年資計，至少我覺得好多無綫藝人，包括《不懂撒嬌的女人》的黎諾懿、或者10年前《溏心風暴》的黃宗澤就做不到了，更何況，Himmy生於1995年，還未到22歲生日，只要他遇上伯樂，加以琢磨，必成大器，在影視界閃閃發亮。 _ 至於陳凱詠（Jace），Google一下，知道她在浸會傳理系畢業後，現時既是跳舞導師、模特兒，以及環球唱片《環球娛樂網誌》（UM Webzine）內有自己的「星級專欄」，從小學習電結他，最大夢想是當搖滾歌手。 _ 她在這場兩分鐘的現場，我亦收貨，至少對眼有戲，有了解角色需要，作個港女式的噘嘴狀（即嘟起個嘴的書面寫法），恰如其分，又能夠從面部表情演繹那種遇見前度時，又嬲又驚又心有不甘的複雜情緒。加上整條片的配樂散發哀傷和沉重的調子，營造出很多壓迫感，所以這條片拍得不錯。 _ 先旨聲明，兩分鐘的戲演得好，不代表拍劇時會演得好，畢竟參演短片和拍劇是兩回事，希望兩位新人都要加油。另外亦懇請ViuTV拍劇時先做好劇本創作，提高預算，不然就會出現《詭探》那樣，有傳因為《詭》劇的製作費不足，無法請到資深編劇創作，導致劇集出來的效果有很多問題，劇情描述和演員心理寫得不夠仔細，聽過很多看過《詭探》的朋友說，問題包括，有疑團沒答案（即結局時竟然沒有踢蹺，有問題沒答案，完了就是完），或者是捉錯用神，完全離題，應該講的唔去講，（如邵仲衡與劉錫賢的「茅山師傅VS降頭師」，終極一戰竟然是在鏡頭背後完成！！）睇完嬲到噴火！ _ 有一單真人真事，早前某夜去紅磡食晚飯，餐廳照例播《蘭花劫》，陳曼娜死得突然，然後就聽見旁邊的食客對朋友講：「呢輪我成日轉台搵劇睇，尋晚睇咗嗰套《詭探》，X，真係唔得囉！」 _ （08042020） _ #游大東 #羅嘉駿 #黃定謙 #陳凱詠 #港劇 #二月廿九 #歎息橋

Long time no see, my old friend. =================== #singlelight #杜小喬 #幫我男朋友間公影廣告 #dericwongstudio #dericwongphotography #canon # #portrait #dericworks #photography #portraitphoto #photos #Studioportrait #Studiolighting #commercial #Fashion #photographer #DSLR #hongkong #Lifestyle #portraits #photographylover #worldbestgram #portraits_ig #pixel_ig #portraiture #expofilm3k #portrait_perfection #portraitstyles_gf