［歐聯睇呢啲］球會收入性價比- 歐洲篇

建議你睇medium版，多圖，link 在此（https://bit.ly/2ZEtgkL）

TLDR：其實都係一分錢一分貨，但相比於聯賽，歐聯冇咁易錢多終勝。

1. 本文寫在6月尾，其實歐聯歐霸都未重開，但等唔到了，亦費事到時唔記得寫。

2. 小小說在前面。首先，足球嘅嘢，就真係金錢遊戲。唔信唔使睇，但我寫過無數咁多篇文。例如寫過英超人工性價比（https://bit.ly/2BNZFwQ）。仲有西甲（https://bit.ly/2Vqt3R4），德甲（https://bit.ly/2B8x9X5），意甲（https://bit.ly/3g6M0A6）都有寫，自己搵。球會人工開支同聯賽表現，關係極之大。

3. 背後亦都好簡單嘅原理，波士文案後（https://bit.ly/3eFRuBB），球員轉會十分自由，加埋全球化商業化仲有電視廣播，球員好大程度都睇錢，你有錢咪有球員同你賣命。而講嘅錢，其實係人工，唔係轉會費。一來受制於歐洲足協嘅財政公平競技（FFP），的確難啲做土豪玩夢幻明星隊，二來，你傾唔掂球員人工，佢間會肯放，佢自己都唔肯嚟。

4. 寫足四篇文，英西德意，都見到呢個人工同聯賽積分，有相當大嘅關係，統計上好顯著。你要做例外撚嘅當然大把，我知李斯特城捧盃，我都知鄧小平係煙鏟但好長命，但我講「整體」。

5. 咁，如果去到歐洲賽又如何？照樣計下咯。不過有少少唔同。歐聯歐霸唔係聯賽，冇分數。所以我用歐洲足協嘅系數（https://bit.ly/2NAUHqb）。唔知係乜嘅自己慢慢睇（https://bit.ly/2VqI5pO）。鍾意話唔科學唔公平嘅隨便你，但歐洲足協都係用呢套，所有球會都同意，打生打死都係為呢樣。你堅持自己最撚醒只係數冠軍，隨你。但數歐聯冠軍嘅，近九屆，都係歐洲最富有十大球會拎。最富有嘅「皇巴拜」就拎咗七屆。（所以之前國際米蘭真係勁，但持續唔到的，話咁快收皮）

6. 用人話講，歐洲足協系數，就計返所有參加歐洲賽（歐聯歐霸）嘅球會，每年表現。每贏一場又有分，和波又有分，外圍賽都有，出線又有再加分。如果你嗰年冇參賽？就零分。系數有乜用？最主要用嚟決定分組抽種子，例如拜仁皇馬就唔會分組賽抽埋一組（暫時唔會）。以前仲殘忍啲，例如系數頭三嘅聯賽，就國內頭四名都歐聯，系數第四嘅，就得三隊 — 咁好易搞到惡性循環，因為越少隊打歐聯就越難拎分。當時德甲意甲法甲都爭過下第三（英超西甲正係收入一二，亦長期係系數一二，仲話唔係睇錢？）。但後來改咗制，就三四都係四隊。

7. 咁一計，就計過去五年嘅。免得太過大上大落咁咯。呢一刻，其實今屆歐聯歐霸仲未踢完，但我已經急不及待寫埋文。反正係計五屆，死剩嘅又大熱門多，唔會太大影響計算。

8. 做法好簡單，就係球會嘅收入，同埋佢地嘅歐洲賽系數相比。收入好高但踢出嚟系數低嘅，自然係管理不善（例如曼聯），收入唔高但踢出嚟掂嘅，當然係巴閉（例如馬體會）。收入高而成績好嘅……咪恰如其份交到功貨。

9. 系數我用5年，頭20位嘅球會。講過了，人地排位都用5年，況且用一年唔太公平，總有失手之時。例如波圖今年歐聯外圍賽已香，但之前幾屆幾勁。又或者，16/17年，利物浦車路士齊齊冇歐戰，但唔通當佢地就零分？我估用5年系數冇乜大爭議

10. 收入呢？就只用單年，來源係Deloitte Money League（https://bit.ly/2ZfSuG3）。點解系數用5年加埋但收入唔係？原因好簡單，因為方便。理論上你可以加埋的，但我冇咁好心機。況且有啲會如果今年收入在歐洲頭30，但往年唔係，我就唔知去邊慢慢搵。我相信都OK嘅，因為收入呢啲嘢，幾年間好難爭太遠。你睇頭四五間會，過去5年都係嗰幾間。

11. 解釋晒後， 去片，出嚟個圖就係咁，紅色圈嘅，斜線左上方，成績相對於收入係好嘅球會。藍色嘅，斜線右下，成績相對於收入嚟講差嘅球會。以下係解說，先講整體，再講個別聯賽：

12. 都仲係有錢有戰績，但留意其實唔算極明顯。技術啲講，個R-square 54%左右。你見之前我做聯賽嘅高好多的。當然因為歐聯玩淘汰賽，同埋水平（特別係頂級嘅）比較接近，運氣或其他臨場成份多。相對地唔係真係咁易有錢玩晒。但最主要原因都係聯賽三十幾場，好多出錯空間。你睇拜仁德甲，上半季埋單落後榜首萊比錫4分，全季係領先第二多蒙特13分。李斯特城嗰啲真係奇蹟（雖然，李斯特城收入已經同AC米蘭差不多）

13. 條線上面（左上）嗰堆你可以當係outperform（性價比高，同樣收入換嚟更高分數）。留意其實好多係大會，細球會好難發為。

14. 另外睇返，左上角，呢堆outperform嘅，主要係西甲會！馬體會西維爾多人估到，但皇馬巴塞未必估到。英超呢？只係得曼城勉強叫估outperform（估唔到呢），英超其他？其實認真麻麻。所以講咩英超進步，其實講到尾都係錢，錢，同埋錢。

15. 祖雲達斯性價比高好多人都估到，但皇馬更超班。估唔到拜仁巴塞曼城都係outperform。PSG固然麻麻地，但冇你想像中咁水魚。

16. 但當然，英超球迷可以拗，英超競爭激烈 — 如果你講within big six就算係 — 例如，我想像唔到拜仁未來五季會冇歐聯，same for 巴塞皇馬祖雲達斯 — 但英超呢？阿仙奴已經由年年頭四變成畀人甩開。英超球會相對容易冇歐戰，所以individually 咪啲系數有機會低。例如16/17年，利物浦車路士齊齊冇歐戰，阿仙奴今季就歐霸，呢啲對球會自己嘅系數都好大影響。講白啲，入到歐聯分組賽，系數就已經有底分。

17. 當然最超班係馬體會，收入只係歐洲十三，但系數排到第二，所以施蒙尼都真係值咁嘅人工。西維爾亦都係堅，收入唔入歐洲頭三十，但系數十一。不過其實食緊老本，呢兩年戰績麻麻。西甲整體係堅嘅，但聽聞其實啲負債高，同埋wage to income 畀得高。肺炎後係咪仲有得玩？睇下。

18. 有錢冇成績嘅，大家都知，曼聯，近年的確廢到一個點，收入歐洲頭三，系數第九。但英超倫敦三雄其實都係差。阿仙奴反而係冇咁離譜，舊文都講過，收入英超第六（至於點解啲飛咁貴但收入都只係第六又另一問題），你期望佢年年頭四根本係不切實際。但早幾屆仲有歐聯玩，之後如果冇就再大大影響系數。而甚至利物浦都係underperform。但都講過，系數計五年，利物浦16/17係食蛋嘅。你計近三年又會幾唔同。想講係利物浦其實好富貴

19. 德甲拜仁，有一期有個term叫「皇巴拜」，拜仁嗰期連續五屆四強，而家好似頹啲，但你睇返，其實系數仲係歐洲第四，咪同佢收入排歐洲第四差不多。作為拜仁球迷，覺得球會似係進化版阿仙奴，歐聯其實幾穩定，唔會分組出局，一般都八強起碼，但你見捧盃次數就少了。講到簡單啲就係，你估真係排第三就年年四強咩。拉均差不多就係了，況且有啲隊忽然四強但又會忽然早出局。

20. 德迷或反拜仁鍾意J嘅多蒙特，其實表現係不如預期嘅。直接啲講，多蒙特要挑戰拜仁當然不太可能（收入大約得一半），但收入又勁過其他德甲會好多，基本上每年實踢歐聯。計歐洲收入十二 系數都十二，但考慮到呢個歐聯優勢，係可以好啲嘅。當然，多蒙特可以恥笑死敵史浩克，其實收入同多蒙特差不多，都排德甲第三（估唔到呢？主要係球迷多又夠死硬），歐洲收入排十五，但系數去到三十外。下季會更低，因為又冇歐洲賽了。史浩克近年真係好差。系數會被下季有歐聯嘅萊比錫趕上了。

21. 另外，德甲收入第四係法蘭克福，全歐洲叫做排到頭三十，但系數去到近五十。反而畀人話德甲之恥嘅利華古遜，其實好勁，德甲收入不入頭四，歐洲唔入頭三十，但系數廿三，踢親歐洲賽都有啲貨交，但下年只得歐霸。

22. 意甲方面，仲搞笑。祖雲達斯講左啦，係錢多，但歐戰戰績極好，歐洲收入第十，系數第五。但，其他意甲隊呢？羅馬拿坡里麻麻地，其他嗰啲？唔知去晒邊。想講，意甲雖則窮，但話晒歐洲收入頭三十，五隊意甲，甚至多過西甲德甲（咁當然意甲收入最叻只係排第十），但，系數頭三十呢？得三隊意甲。國際米蘭係五十外，AC米蘭更係八十外，呢啲就意甲之恥。

23. 另外想講薩克達。個收入係我自己篤入去的！因為根本搵唔到收入幾多，就連官網都好似冇（睇埋烏克蘭文了）。唯一應該肯定係唔入頭三十。睇返梳屎，話2017年，收入係17億烏克蘭紙，似乎係6000萬Euro 不夠，我當佢呢兩年勁升，畀夠1億Euro，賓菲加一半咁上下。

24. 最後再檢討，當然收入唔一定全部去晒人工。有啲球會嘅wage/income高，有啲低，各有原因。但我未搵到亦唔想去搵歐洲所有隊嘅人工，我亦唔知啲匯率點搞，或者唔同國家嘅人工係咪可比，甚至用稅前定稅後（似乎應用稅後？）計。你鍾意嘅可以自己整

25. 而思前想後，我覺得用收入去同戰績比，好過用人工添。固然唔同會可以唔同嘅wage/income ratio，但亦不能長期高過對手太多，否則財政會有問題。總之收入係咁多，你人工佔少啲嘅，可能你咪可以趁市差搶人地啲球員（拜仁？），或者你可以請勁嘅教練（馬體會？），甚至你可以用嚟做青訓都得 — 當然你畀唔起高人工嘅，訓完咪又係走。

---------------------------------------------------------------------------------------
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf　
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．

以下係報名方法：

【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145

歌德學院德國文化中心-柏林愛樂數位音樂廳
導聆與現場演奏：聖桑《第三號管風琴交響曲》、孔果德《D大調小提琴協奏曲》

台北歌德學院柏林愛樂廳數位音樂廳邀請您於2019年7月26日聆賞法國作曲家聖桑的《第三號交響曲》以及奧地利作曲家孔果德的 《D大調小提琴協奏曲》。知名音樂人Zoe將擔任本次音樂會導聆，並與大提琴演奏家范宗沛現場演奏Astor Piazzolla 以及John Williams的電影配樂。

法國作曲家聖桑（1835-1921）是堅持著十九世紀浪漫樂派精神的多產音樂家，也是史上第一位電影作曲家。早在1908年他為Henri Lavedan, André Calmettes und Charles Le Bargy所創作的默片L’Assassinat du Duc de Guise奠定了電影作曲的基礎。他本身為超技的鋼琴家與管風琴家，教育的背景讓他上至天文下至地理都精通，是一位不凡的人物，他一直旅行演奏到八十六歲。

聖桑的第三號交響曲是他最受歡迎的作品，他身為巴黎瑪德蓮大教堂的管風琴將近二十年,這首有管風琴演奏的交響曲是他獻給另一位超級音樂家李斯特的作品。

曾得到過兩次金像獎最佳電影配樂作曲家孔果德（1897-1957）在維也納成長，父親為維也納最重要的樂評。家中往來的客人是馬勒,理查史特勞斯等著名音樂家，從小就是天才音樂家。孔果德二十三歲就發表第一齣歌劇，同時在德國両個城市首演，得到空前的成功。1934年應導演Max Reinhardt之邀到好萊塢發展, 共完成19部電影音樂作品。晚年重新創作的古典樂作品依舊受到強大的電影風格影響。這首D大調小提琴協奏曲是他決定不再寫電影配樂之後的傑作，仍以的電影音樂為基礎。當時由小提琴泰斗海飛茲首演, 這首曲子是獻給作曲家馬勒的夫人愛瑪。本場音樂會由當代最具影響力之一的小提琴家吉爾‧夏漢詮釋本曲。

兩首曲目皆由祖賓‧梅塔指揮柏林愛樂交響樂團。

※本活動七歲以上方可入場。

詳細資訊請見台北歌德學院官網活動專頁：https://www.goethe.de/ins/tw/cn/ver.cfm…