曾介李心潔婚姻！「最強小三」 網歪樓秒懂

【#娛樂】曾介李心潔婚姻！「最強小三」終嫁豪門 一張爆乳照網秒懂

在結婚同年便升格人母的她，後來因負面新聞淡出演藝圈，近日，她曬出一張與小孩的戲水照，讓不少網友秒懂為何可以當最強小三。

女人揀老公就好似賭博咁，輸左就一世

琴日同班Friend食飯聚舊，口痕痕就拎左李心潔老公偷食單野出黎講下，點知成班女仔瞪大對眼，一臉驚訝咁望住我，原來佢地仲未知發生咩事。各人都紛紛打開蘋果動新聞係到睇偷食單野發展成點，之後就開始議論紛紛，開行引擎怒屌彭順依個世紀賤男，理由不外乎「李心潔咁好咁正點解仲要出去偷食」。

食完飯後，行去車站期間，我見到我個Friend個樣一臉不安咁望住手機，我裝一裝佢睇緊咩，原來仲睇緊偷食單野，我忍唔住問:「你仲睇依單野?你識彭順定係李心潔?」

佢一臉迷惑對我講:「作為女人，真係覺得李心潔好慘。」

我隨口就講句:「我都覺得佢慘，不過男人就係咁架喇，唔係咩出奇事。」

之後佢繼續專注返部手機到，然後喃喃自語:「好再我男朋友唔會偷食。」

於是我就問:「如果有一日你發現你老公去左偷食，你會點?」

佢好緊張咁講:「嘩!我一定崩潰呀!我接受唔到佢出面有女人!」

「咁之後點? 咁崩潰完之後呢?」

佢一臉鄂然，然後支吾以對:「咁......咪......唉唔知!」

女人就係咁，永遠都唔想提及「離婚」依兩個字，即使另一伴叫雞又好，偷食包二奶又好，都只能夠自己關埋房門縮埋床角大喊一埸，但唔想改變依段婚姻，又或者放唔低，最後只能夠「原諒對方」隻眼開隻眼閉，無視自古留傳落黎「一次不忠百次不用」，繼續維繫住依段出現裂痕嘅夫妻關係，因為佢地都意識到失去另一伴個段傷痛隨時比知道對方偷食更大，既輸唔起，亦承受不到。

依個朋友同左佢男朋友拍左六年拖，我地身邊嘅人都知佢地結婚都係時間問題，喂大佬，拍左六年拖唔結婚?
有時侯個女仔同我呻:「如果依家個男朋友唔要佢，佢都唔知點算好。」

想起當年依個女仔大把人追大把選擇，最後揀左一個無名小子，日子漸久，無名小子價值上升，變成有料男人，關係就反客為主，以往男方擔心女方唔要佢，變成女方擔心男方唔要佢，畢竟六年女人最寶貴青春都比左依個男人，如果埋門一腳撻Q，邊個賠返青春比佢?

嗰刻突然覺得女人揀終生伴侶就好似賭博一樣，買錯左落錯注，隨時抱憾終生，結婚唔同拍拖，唔係話散就散，手尾長又影響大，輸嘅唔只係婚姻，仲有青春好多好多等等。反而男人好似無咩所謂咁，亦都無咩人會放大男人婚姻失敗依一點，只要事業有成，仲有大把選擇。

特別係有名有利嘅男人，條件好左自然選擇多左，社交圈子大左自然誘惑多左，好似黃子華講笑講過男人最慘就係:「發達，升官，陪老婆!」「我發達返黎陪你睇大長今!?我發達梗係捉大長今黎陪我喇!」

所以即使男方偷食又好咩都好，女方都只能夠「默默承受，原諒對方」。求其數都數到，陳浩民影到攪陳嘉桓，之後仲同老婆出黎開記召，最後又係無事，倪震被爆偷食......最後周慧敏原諒佢之餘仲結埋婚，最後又係無事。

當大家以為李心潔一定狠狠咁飛左彭順依個賤男，但最後又係點?

咪又係無事。

不過寧教人打仔，莫叫人分妻，家家有本難唸的經，一家唔知一家事，好多野只有當事人先知同最清楚，我地只能夠八掛下，作為茶餘飯話題就算，無需深究。

但作為男人，當一個女人付出咁多青春時間係你身上，唔該做返個有腰骨嘅男人，好好照顧對方，既然結婚，就要做個好老公，唔好違背當日婚禮上的承諾，讓女人覺得當日「落注投資」係你身上係依世人最正確嘅決定。

【彭順偷食】李悅彤鐘意咩男人 | 五個一夜情

今日娛樂版C1頭條報導「彭順背李心潔偷食 攬啜?模」

李心潔老公，導演彭順被記者發現「背妻偷食」，與?模李悅彤公然攬腰、拖手、啜嘴、搣胸等。之後，兩人更一同返將軍澳住宅。據知，報導出街後，李悅彤已將其facebook刪除。

相信不少人都認識演員李心潔及導演彭順，至於事件另一主角，曾任「SING之天使」的李悅彤 Liddy的背景又是怎樣呢？

早前，李悅彤 Liddy因為拍攝一齣微電影而接受〈五個一夜情〉的訪問；節目中，李悅彤談及他喜歡的男士類型。

51:10「我鐘意男仔俾我嘅第一個印象係唔多出聲，咁我就會留意佢多啲。」

「淨係要對我一個funny。」

關於李悅彤 Liddy的人物性格，可重溫第701集〈五個一夜情〉

〈五個一夜情〉專頁：http://www.memehk.com/index.php?page=program&id=10

即時聊天室：http://goo.gl/ToDqof
謎米香港 www.memehk.com
Facebook：www.facebook.com/memehkdotcom