- 0551 〔兩性關係〕絲 26 - 由一開頭互相討厭到日久生情嘅辦公室戀情．後續 - 好，寫埋續集先 - 嗰晚佢係咁話要見，我都估到可能佢真係會表白 所以我好戇鳩咁樣諗住如果我素顏嘅話可能佢未必會表白呢 就專登卸哂妝睡衣踢拖咁樣落去見佢（雖然已經見過好多次） 見到盒朱古力心形已經知賴嘢 我就笑鳩佢話，我明明最憎粉紅色，做咩送粉紅色嘅野比我，諗住等個氣氛唔好咁曖昧 啱啱坐低佢就同我講，佢走咗呢一個月終於有時間自己諗嘢 佢之前有場大病入咗醫院，令佢反思人一世物一世 有啲嘢而家唔講唔做就以後都冇機會 佢再話覺得我同佢係more than friends 突然間又講經話呢個世界永遠冇人係perfect but I like the imperfection in you, you are always my special one - 之後佢話想私底下、唔再以同事嘅身份再了解我多啲 問我願唔願意俾呢個機會佢 我繼續帶佢遊花園，話我地不嬲都成日岀去㗎啦講呢啲 嗰一刻我唔知點應佢，以我認識嘅佢唔係好想拍拖 但同時間佢又講埋啲咁嘅嘢所以我都係迴避左就算 嗰晚我哋傾到好夜，傾傾吓將我細個一啲不愉快經歷講咗俾佢聽，講講吓我就係咁喊 我話一直以來我都唔相信有人會真心愛我 因為我前男友知道左之後佢講咗句「如果有一日我同佢分手我就要搵第二個男人去接受我」 佢聽完之後話根本唔存在接唔接受 我嘅經歷屬於我，我從中學到嘅嘢亦都成就左今日嘅我 佢好感謝我肯打開我嘅內心同埋克服到過去 對於佢來講咁樣先至係strong woman，同埋好珍惜我同佢之間嘅connection - 嗰晚之後我哋又出去，我知佢想拖我 但我都會借故避開 因為我唔想諗究竟拖左手我哋算唔算情侶呢個問題 坐低左之後佢就直接開波﹕ I think we could potentially be a couple and I want to be serious with you, can we have a chance to try things out? 我點左頭 佢再話，Good things are not easy, if one day we decide to part ways, the connection and effort we put on each other still worth as much, it is a process of opening up, for both of us. If this happens, let’s not affect work, can we agree on this? 我再點頭，然後佢問我幾時知道佢鍾意我 我話大概半年前但我唔係好肯定，佢笑笑口咁話咁都俾你知道 之後我哋都冇特別提到係唔係一齊呢個問題 - 佢啲朋友全部好有錢，我有同佢講過其實我唔係好鍾意有錢人 始終唔同世界，我會唔自在 佢話佢最好嗰啲朋友全部都好貼地好好人，叫我唔使擔心 有一次我同佢地岀黎，佢地都開口話未見過佢帶女仔出嚟見佢哋 個晚我地都傾得埋，完咗之後佢又問我感覺O 唔OK 我話OK 啊佢地幾好人，佢話下次可以帶我去見其他 佢話你覺得自在就好啦，佢哋都幾鍾意你 - 如是者去到平安夜，佢之前係咁約我我都推下推下，之後應承咗會見佢 其實果晚我預咗會同佢一齊過夜，後尾我哋去咗開房 上到房佢話佢想返屋企攞啲嘢 我諗住你個仆街都係返去攞套姐不過唔緊要，預咗 佢問我使唔使買啤酒上嚟飲，我話好呀 佢返到嚟就遞左份聖誕禮物俾我，係一個我好鍾意既卡通攬枕 重點係我本身已經有好多佢嘅周邊商品，唯一我就係冇呢隻攬枕 我笑到收唔到聲然後佢幫我影咗張相 - 等佢沖埋涼正常劇情應該無限加甜啪到天昏地暗 但我哋只係喺床到攬住傾計傾到3 點 嗰晚佢好誠實咁講佢其實係呷緊我同嗰個異性朋友嘅醋 佢驚我會真係同佢一齊，佢無資格講啲咩 始終我識佢七年，但我同佢只係做咗四年同事 同呢個異性朋友完咗之後有另外一個男仔想追我 佢話當時喺外國知道呢個消息之後覺得佢唔可以再等，佢驚我真係會俾人追走左 所以就一落機即刻飛過嚟我屋企見我講佢一直以來心裏面嘅感受 如果唔講一定會輸，講咗起碼一半機會贏同埋佢知就算我拒絕佢我都唔會利用佢對我嘅感情去傷害佢，可能佢會自己摺埋一排笑鳩自己繼續同我稱兄道弟 因為佢知我內心係善良 - 第二朝佢隊個電話過嚟俾我睇，佢朋友whatsapp 問佢係咪同我正式一齊咗 我笑笑口同佢講咁你點答好啊，佢話而家咪問你囉 我話人哋問我喎你望住我做咩啊，佢話咁say yes 囉，我話屌你咁好囉 - 就係咁我哋就一齊咗。到而家差唔多兩個月 雖然我哋成為情侶之前經歷左好多嘢，但原來作為朋友就算幾了解對方 成為男女朋友之後原來都有好多嘢要磨合 當中有笑有淚，如果反應好嘅可以再寫，如果唔係嘅就睇到呢度啦 - 喂，雖然你成日蝦鳩我笑鳩我撚鳩我 但我都係會好似隻樹熊咁黐住你然後笑鳩番你 圖﹕準時下班 #SorryFor1999 #認真L #真人真事 #長文注意