[爆卦]本假屋唯香結婚是什麼?優點缺點精華區懶人包

雖然這篇本假屋唯香結婚鄉民發文沒有被收入到精華區:在本假屋唯香結婚這個話題中,我們另外找到其它相關的精選爆讚文章

在 本假屋唯香結婚產品中有127篇Facebook貼文,粉絲數超過23萬的網紅龔成,也在其Facebook貼文中提到, 【龔成問答信箱】(Q22461-Q22480) Q22461: 老師,阿里巴巴講話警告稅率會轉變,對佢影響有幾大? 龔成老師︰ 其實而個講法只係預警,暫時都未知到底最尾會發展成點。 阿里(9988)以往被視之為「國家重點軟件企業」,稅率只需10%。如果中國政府除去佢「國家重點軟件企業」質素...

 同時也有6部Youtube影片,追蹤數超過13萬的網紅暗網仔出街,也在其Youtube影片中提到,10月28號到12月1號期間, 如果買兩年Plan有1個月免費優惠和一份特別禮物! Nordvpn每月只付3.71美元會有3折 (68%折扣)優惠再送一個月全免費service給你!!! 請使用以下連結: https://nordvpn.com/deepwebstreet 優惠碼: deepwe...

本假屋唯香結婚 在 林大偉/台中吃喝玩樂/宅配美食生活 Instagram 的最佳解答

2021-07-11 08:35:12

晚餐想來點!燒肉😋 紅巢燒肉工房旗艦店📍台中南屯區 店家ig 🆔 @summer22559258 店家FB🆔 紅巢燒肉工房 🌏評分📝 4.6星 🏠台中市南屯區公益路二段836號 ☎️04-22559258 ⏰11:00 ↔️ 15:00(平日) ⏰17:00 ↔️ 22:00(平日) ⏰11:00...

本假屋唯香結婚 在 GirlStyle 女生日常 Instagram 的最讚貼文

2021-03-08 06:58:06

【@girlstyle.mag】盤點6位娛樂圈駙馬,邊個最得民心? . 日前袁偉豪出席《萬千星輝頒獎禮2020》的照片在討論區上引起軒然大波,有網民直指他婚後大走樣,39歲的他雖然有 keep 住做運動、跑步,不過近年的照片不但有種面無血色的憔悴感,不少網民更認為他現在跟王祖藍、阮兆祥撞樣,一代男神...

本假屋唯香結婚 在 Luna Pun Instagram 的最佳解答

2021-01-30 05:57:18

今日我要講嘅其實唔係講我隻眼 係另有故仔 其實我隻眼係好容易乾同容易紅 買咗好多隻眼藥水 都搞唔掂 睇咗醫生 醫生同我講叫我搵熱毛巾敷下眼 咁樣會好啲 其實我買咗熱毛巾機 好耐不過前幾日 終於拎返屋企用 發覺原來真係好有效大家可以試吓 仲可以去黑眼圈唔錯 我早晚都會敷下眼睛 依家舒服左好多 之前我有...

  • 本假屋唯香結婚 在 龔成 Facebook 的最佳解答

    2021-09-10 23:00:13
    有 91 人按讚

    【龔成問答信箱】(Q22461-Q22480)

    Q22461:

    老師,阿里巴巴講話警告稅率會轉變,對佢影響有幾大?

    龔成老師︰

    其實而個講法只係預警,暫時都未知到底最尾會發展成點。

    阿里(9988)以往被視之為「國家重點軟件企業」,稅率只需10%。如果中國政府除去佢「國家重點軟件企業」質素,佢就要好一般企業一樣,支付25%所得稅。

    當然,未必係佢全部子公司,都要支付25%所得稅。因為部份分部(如天貓、淘寶中國等),本身同時受惠於「高科技企業」或「認定的軟件企業」稅務優惠,就算失去10%的優惠,都唔會一下子跳到25%咁高。

    當然,會否全部稅務優惠,都全部被移除,都無人知。

    若果成事,有機會令阿里每年增加過百億稅務支出,由於稅務因素,會影響集團長線盈利能力。若真的發生,估值上就有需要下調。

    現階段只能說,此股現價合理,但估值有機會要再調整。在有較多不確定因素下,此股暫時不要大注。

    ------------------------------------------------

    Q22462:

    老師,我現時20歲 想問一問你我的持倉是否合理。1351 是在不理性時買入的 希望你比啲意見

    持有:
    3067 十四手 $均價16.48
    9988 一手 $204.8
    1313 一手 $7.87
    1448 一手 $7.33
    1351 一手 $2.7

    龔成老師︰

    當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

    例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。

    以你現時20歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。

    現時你持有股票,都係有增長潛力和質素,你可以照持有。

    當中,輝煌明天(1351)係中國的廣告公司,主要提供以下兩類移動廣告服務。

    (1)中介服務:擔任客戶的廣告代理,將客戶與其指定的媒體發佈商相連接並投放廣告;該等廣告以不同形式發送,包括動態消息廣告、應用程序商店廣告及視頻形式廣告。

    (2)精準廣告服務:為客戶計劃及進行廣告投放,並負責整個廣告流程;該等廣告通常以在媒體發佈商營運的移動應用程序出現的彈屏廣告等形式展示。

    佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。

    睇翻過往財務數據,業務都有增長的,不過盈利就有少少波動,反映好受市場環境影響,對經濟較敏感。規模較細,未見有好大獨特性。你只有一手,照持有都可以,但不建議加注。

    但在平衡配置上,你有地方可以改善。現時組合,你係好偏重左係潛力股(3067, 9988, 1313, 1448),佢地雖然有增長潛力,同時風險都較高,不宜持有過多。

    你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。

    現有持股不用沽出,只要未來時間,慢慢加大翻平穏增長股部份,令組合回復平衡,咁就可以。

    最後,我建議你把握年青,去努力學好投資知識。要去多讀投資相關書本、年報,新聞和課程。

    書本上,你可以睇我寫架"80後百萬富翁"、"財務自由行"和"股票勝經",都適合初學者。

    另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。

    ------------------------------------------------

    Q22463:

    龔成老師你好 我今年35歲,已婚並育有1子(4歲)我已拜讀你7本書籍,但對自身面對的問題仍然感到迷茫,望老師對我的情況做作指點和評價。

    我為家庭唯一收入來源,月入約70000-80000。最近把所有資產轉為現金約1200萬。

    雖看似不錯,但現有工作最壞情況只能再維持2-3年,之後可能只有20000-30000月入(收入不可靠進修或個人努力改變,除非創業)。

    現有生活質素為租住約1200萬單位和為有車人士。兒子學費約15000一個月。家庭沒有其他特別消費。

    如果希望將來生活能夠至少保持現有質素,請問老師會你會如何步處?

    感謝老師指導

    龔成老師︰

    其實你都算年青,除了創業外,我相信你努力,都有機會找到一些較高收入工作。

    以你35歲,我一般會建議先利用「平穩增值股」+「潛力股」作投資目標,做好財富增值部份。

    由於你係家中收入唯一來源,在進行任何投資前,你應先儲起最少半年開支,作應急之用。

    以現時大市合理區狀況,你可以先用一半資金,慢慢"分注"買入優質股。餘下一半,就等大跌市機會。

    如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。

    若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。

    但若果你真係預期用盡方法去開源節流,未來都有好大機會,長時間出現入不敷支的狀況。你可以將部份資金,用來買收息股,去補助你每月現金流。

    目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。

    另外,每個人都有自住需要,建議你長線都要計劃添置一間自住物業,以免受租金波動風險所影響。

    ------------------------------------------------

    Q22464:

    您好龔sir,我想請問下3868信儀能源,2号公報業績,想請教您有何見解,謝謝

    龔成老師︰

    信義能源(3868)有質素,佢主要於中國經營太陽能發電場業務,並向國家電網的當地附屬公司銷售電力。

    而佢派息高的,因為管理層話會用高派息政策。

    投資價值都有,但不能投資太多,因為佢業務都有風險的,要注意股價波動,如分注長線都可以投資。現價已經係略貴,回多1,2成才好開始小注。

    ------------------------------------------------

    Q22465:

    龔sir , 想請教下你既投資部署。我老公早年買股票損手,虧蝕了好多,現時佢投資組合以下,想你比比意見。

    佢40歲,月入12萬左右,佢行業黎緊有些不確定性,帶機會帶來重大變化,有一層剛買的自住物業 ,月供23000左右

    3878 420000股 平均成本3.4
    1833 400股 平均成本97.4
    3808 4000股 平均成本13.5
    6060 2100股 平均成本29

    9988 1000股 平均成本180
    3067 200股 平均成本15.9
    1024 400股 平均成本120

    有100萬現金在手 ,想拎其中30萬再投資股票 ,以上股票需要減持d嗎? 另外建議買咩股票較理想?或者建議投資什麼?

    龔成老師︰

    首先你要明白,我地唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。

    但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。

    近期中央不斷有新政策出台,令大市氣氛轉差,不少股票都出現大幅回調。但我地要考慮地方,唔係佢跌幾多,而係D企業長線質素,有無被影響。

    睇翻你老公持有股票,全都都係有質素,而且整體買入價,大致都係合理,都唔見質素上有明顯轉差,可照持有。

    但要留意翻,以下幾個重點問題。

    首先,較大問題係VICON HOLDINGS(3878),佢主要於香港及澳門提供地基工程及配套服務,此股市值唔高,每年盈利都只是1至2千萬。

    這企業唔係話無質素,但始終規模唔大,你預佢股價會較波動,此股不宜太大注。

    而且,就算一隻股票再優質都好,我地都唔好太偏重係佢身上,成個組合要平衡。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。

    現時這股佔組合太重,必需要減持部份,換至其他優質股上。

    另外,眾安在綫(6060)、平安好醫生(1833)盈利能力未穏定,甚至係未有盈利。唔係話佢地無投資價值,只係不確定性較高,不宜持有太多,暫時唔好再加注。

    最後,你先生而家組合,太偏重左係潛力股(全部持股都係),佢地雖然有增長潛力,同時風險都較高,不宜持有過多。

    以你先生40歲年紀,潛力股可佔約4成,餘下應用以下平穏增長股。若你先生投資經驗較淺,潛力股比重,要再調至2-3成以下。到他學到一定投資知識,才慢慢調高。

    但唔需要沽出現有持股,只要未來時間,你先生慢慢加大翻平穏增長股部份,去令組合回復平衡,咁就可以。

    你現時個30萬和沽出3878資金,可以分注買入以上平穏增長股,它們現價都合理。餘下70萬,我地就等大跌市出現,才去入平貨。

    ------------------------------------------------

    Q22466:

    你好龔Sir!唔好意思打攪您,有d投資分配上既問題想請教您。

    本人32歲單身,月入月50K,沒有太多家庭負擔。2017年同家人合份於觀塘月華街買一50+年齡頂樓單位作收租投資,用本人一人名下購入,最近租約將到期,

    現在家人結婚想自己另外買樓,需要資金,正考慮將觀塘單位賣出同家人分拆,抑或買下家人果一半業權

    考慮因素包括:

    -本人大部分資金現在壓係股票上大概120萬
    -如果買下另一半業權可考慮賣出部分股票定將單位作按揭換取流動資金去買呢
    -舊樓頂樓存在滲水甩牆漆等問題,日後長期維修保養手尾多
    -觀塘現在正重建,亦都有大型新樓落成,該舊樓單位會否有升值潛力呢
    -抑或賣出單位再物色另一個,或換得流動資金買股票好呢

    以上希望聽下您意見/建議哦!感謝您!

    龔成老師︰

    觀塘因為坐落東九,政府計劃將來將東九發展成一個大型商區,附近地區樓價必然有一定支持。

    但問題係你間屋已經50+年,又出現較多維修問題。如果保留放租,長線你維修成本,可能會慢慢蠶食你租金回報。

    50+年樓本身已經較難做長期按揭,對新買家吸引力都較弱。

    而且現時市況,優質股值博率明顯較高。因此,我偏向建議你沽出物業,套現去投資優質股作增值,相信會較好。但現時大市只在合理區,資金唔好盡用,要留少少等大跌市機會。

    當然,如果你此期間,發現有質素又超值的旬盤,你都可以用套現資金去投資。

    ------------------------------------------------

    Q22467:

    龔sir,睇左你專頁一段時間,遇到跌市,心境比從前平靜多了,可以不用常常看股價,但看到數天的波動,不禁有點擔心,雖然已留有現金待入貨,但手持的股票跌了一半有多,應該繼續持有嗎?

    788 @ 1.49
    2126 @34.6
    2131 @ 9.6
    3908 @ 18.9
    6618 @ 111

    龔成老師:

    最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。

    你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。

    你要分析你的投資目標,你想潛力股的比例多少?平穩股的比例多少?組合風險程度如果?

    即是你想設計一個怎樣的投資組合?長期、優質、平衡、適合你。

    中國鐵塔(0788)不是無質素的。始終中國的3大電訊巨頭,都是佢的主要客戶,以及大股東,當5G發展,佢一定會受惠,因此前景仍然正面。

    佢現時的收入都增長,盈利都保持向上,但增長比之前略減,加上股本回報率不高,是這股較弱的地方。若分析佢市盈率,會見到現時仍然處較高水平,反映佢雖然股價回落左唔少,但仍然未到平。

    這股算是合理價。

    這股長遠仍算有發展力,可長線。不過,潛力度比過往略減。如果想組合增長力較強,可考慮上翻D,部分轉其他。

    藥明巨諾(2126)、云想科技(2131)、京東健康(6618)都是有風險有潛力類別,這類股,你要有心理準備上落大,不宜持有太多。

    中金公司(3908)質素算是不差,增長力都有。

    業務包括投資銀行:提供股權融資、債務及結構化融資、財務顧問(包括併購、戰略聯盟及公司重組等)及新三板服務。

    以及股本銷售及交易:包括經紀業務及資本中介業務。

    固定收益、財富管理服務、投資管理都是佢業務。

    佢主要在中國國內經營業務,亦在香港、紐約、倫敦及新加坡設立網絡。

    其實佢不是無生意,盈利都有,增長力都不差,可持有。

    ------------------------------------------------

    Q22468:

    龔sir, 我係投資新手,之前$380買了1手美團, $290入左1手阿里巴巴,已經跌左3,4成,到底我應該點做好? 唔想止蝕,但我又唔急住套現,但想問你覺得呢兩隻股質素如何 ?

    現時投資策略又應該點做?應該分段買入溝貨定係買下其他股票平衡配置風險? 儲蓄還有大概40萬現金左右

    如果買入其他股票又有什麼建議?

    還是投資美股etf 仲好?

    同埋都想知港股開始進入熊市未?

    龔成老師:

    最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。

    你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。

    你要分析你的投資目標,你想潛力股的比例多少?平穩股的比例多少?組合風險程度如果?

    即是你想設計一個怎樣的投資組合?長期、優質、平衡、適合你。

    美團點評(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。

    如果有利好消息,佢可以上好多,但如果估值修正,股價可太跌。

    只可以話,潛力是有的,現價唔算平,之前明顯貴,之後回翻好少少,大約合理區頂,你一手就守住先,但預佢上落大。

    至於阿里(9988),買入價貴,暫時只有守住先,之後會好翻D,但要上翻去,要耐心。

    美股港股,最重要是尋找優質股,中資股雖然有政策風險,但如果捉到政策方向,反而可變成好有利的工具。

    至於牛熊,現世代的作用已大減,你集中分析「企業長遠質素」就得。

    ------------------------------------------------

    Q22469:

    龔sir想請問隻1024快手点睇?本人2OO買入,点解好多股票跌咗多年都冇法升返以前价位?係咪唔識唔好買股票?

    龔成老師:

    如果投資經驗不多,應該考慮一些較穩健的,例如ETF、港鐵(0066)、恆基(0012)等,快手(1024)是較高風險類,估值好難,所以股價上落大,如果持貨多,可能要減少少,如不多,就守住先。

    但佢不是無質素的,佢係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。

    快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

    快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。

    雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。

    由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。

    簡單來說,企業有質素,有發展。

    現價雖然無之前咁貴,但仍未平,可稱為合理區中上部至頂,但短期股仍會十分波動。

    ------------------------------------------------

    Q22470:

    老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94(次)之後

    存貨周轉日360除0.94=383(天)但系另一份筆本第30頁,顯示存貨周轉日系274日 是不是我計錯左條數,

    另外我想問問銷貨收入,系邊一個部份,可以搵到呢條數,唔該哂呀sir

    龔成老師︰

    你計算係正確,用我上堂教的方法,答案會係383日。而274日係中銀網資料,佢提取存貨價值的模式,同我上堂的有不同。

    如果你有留意1,2堂,我都有提翻同學,其實網站有時個計算方法,或者提取資料等,有機會各有不同,所以會出現誤差。

    所以,你最好只係作參考。要較精準地計算一些數據,有時係要我地自己動手計算,才可以得出較有意義的數字。

    "銷貨收入"一般就係指你個"營業額",你可以係損益表中找到。

    ------------------------------------------------

    Q22471:

    龔sir ,最近有件事比較煩惱,現時自住樓已供完,銀行估值約$450萬(河畔花園),小妹一直都想住村屋 可以種植物,又無特別要求那區(工作九龍區),但都想住近d市區。

    Sir你可以建議那些地區村屋比較有增值或環境比較理想,和我應該如何做按揭?應該fullpay 或比首期?

    龔成老師︰

    你可以考慮在沙田區找找,當中都有一些村屋的,相信會較適合你,你可以睇下當地的地產代理。第一,沙田這區我睇好,第二,近你現時的地點,第三,近你九龍返工。

    住村屋的人,一般都係希望有較好環境,或者入場費架平的人。你預增值能力唔會高,如果交通較便利和接近市區,會係一個加分位。

    但留意買村屋有好有壞的,好處是村屋除了呎價較低外,實用率一般達9成,比較實用。而且,適合飼養寵物或值物人士。

    但村屋要注意的事項比較多,村屋不設入伙紙,只有滿意紙,而買入前要確保有滿意紙(因為不少村屋是個別業主自己興建,質素存有疑問,是否有滿意紙都未知)。

    同時,村屋可能涉及丁權、地契等複雜問題,甚至有過路費、業權、僭建等問題,買入前一定要了解清楚。

    此外,連天台或花園的村屋,要清楚是否入契。

    至於按揭方面會較低,一般60%至85%不等,成數不及一般的住宅物業,買入前要預較多首期,更由於成交疏落,銀行估值可能會較低,買入前一定要做估值,而按揭年期最高為25年。

    而按揭成數,愈高愈好,因為而家借貸息率低。你應該盡借,再用空出資金去作投資增值,咁會較理想。

    ------------------------------------------------

    Q22472:

    龔成老師你好,首先想多謝你一直以來為眾多位讀者解答問題和鼓勵我們,多謝你。

    本人37歲,已婚,月入2.8萬,太太月入1萬,每月儲現金$10,000,基金供款共$4000, 其他開支14,000.

    基金現金價值70萬,現金儲蓄5萬,股票26萬。(分別阿里巴巴20萬, 中國鐵塔2萬,建設銀行3萬,保利協鑫1萬)

    我有幾個問題想問的:

    1. 發現基金操控上得不到最大利潤(有大約20%增長),有需要放手兑現,作其他投資嗎?

    2. 如果現階段想買樓兩公婆住,又應該如何部署?買樓後,是否不能做到財務自由?

    3. 另外父母在內地有物業,想兑現,但疫情關係又唔想親自上去,有什麼辦法作買賣?然後又如何把錢帶回香港?

    先多謝老師的耐心解閲,萬分感激。祝身體安康!

    龔成老師︰

    1) 你可以衡量基金的投資策略,所投資的資產類別、投資策略、風險程度、市場、費用成本、

    以及過往的表現(可以睇佢過往5-10年,如果回報係比主要投資市場高,才值得繼續投資)。

    2) 其實我地做財富增值,就係儲優質資產。物業都係其中一種。每人都有買自住樓需要,否則就要一直承受租金變動風險。

    但如果你要資金盡用,去買物業,就會令你成個財富組合,偏晒係物業類,咁係唔理想。

    最好係你用優質股,再累積更多財富。到你可以置業同時,留有一定優質股增值,和每月供樓後,都能留有一定資金作投資,才實行置業大計,咁會可以維持增值能力,以達財務自由目標。

    當然,如果你實際生活上,係有必要即時置業,你都可以入市,只要長線肯定係可以"供得起",咁就無問題。

    3) 內地物業買賣程序,我無研究。

    ------------------------------------------------

    Q22473:

    老師,我個仔剛出世,想幫佢用佢嘅利事錢買隻股票,大約5萬,放十年,有無咩介紹? 謝謝

    龔成老師︰

    小朋友由於可投資時間長,策略上十分簡單。你可以儲指數基金,盈富(2800)、美股的VOO都得。

    若你想增長力較高,可以儲安碩恒生科技(3067)。但此股波動性會較大,要睇翻你自已風險承受能力。

    基本上,以你小朋友年紀計,持有以上股票都係可以,但你明白當中風險。

    ------------------------------------------------

    Q22474:

    多謝老師之前回覆,我有少少地方唔明想問清楚少少:

    (1)我查左個貸款息率大概1.3%左右,最多可以拖長到十五年還,咁我即係應該拖到最長黎還,中間就攞自己既人工去投資,

    但係要記得留定一筆錢用黎做後備資金喺需要既時候還款?

    (2)估值部分你話「而重點係佢當年有一部分虧損,來自終企業務」咁係咪即係如果做估值果陣見到有個唔尋常既數字,就應該搵番果年既年報仔細睇清楚原因?

    (3)如果想用評估表做外國既股票估值有冇乜野特別需要注意既部分?定係同香港公司一樣睇番份年報就可以?

    再次唔該阿sir幫忙睇左份評估表同埋詳細解釋!

    龔成老師︰

    1) 這個利率很低,有一定值博率。還款年期,你用最長15年。

    現時大市在合理水平,你獲得資金可分注入市,但要保留3-5成資金。唔係用來還款,而係用來等大跌市時機,去入平貨。而每月還款,你就係每月人工中預留一筆現金,去支付。

    至於投資邊類股票,你就睇翻自已投資經驗和風險承受能力。較高的話,可投資"平穏增長股",較弱就投資"收息股",或者你從2者中取個平衡。

    例如收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。

    另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。

    2) 無錯,這一點很重要。其實你係年報,發現任何異常數字(特別係個數字都大),我地一定要了解當中原因,才可以做出一個穏妥的估值。

    3) 大同小異,睇年報都係差不多做法。但當然外國市場和文化,始終都會同香港有所不同,係評估一間企業時,都要多了解數字以外因素,以免決定出現偏差。

    ------------------------------------------------

    Q22475:

    你好,龔sir。我現持有︰

    中海油(2000股)
    小米(600股)
    VESYNC 1000股
    安碩恒生科技 400股
    朝雲集團 500股

    現股市不穩定。應減持或增持?謝謝解答

    龔成老師︰

    你要記住,投資唔好受大市氣氛影響,你要客觀分析。到底隻股票,係下跌同時,佢長線質素有無變差。如果無,下跌反而係造就我地入平貨機會。

    你現時持有股票,雖然近期有較大回調,但唔見長線投資價值,有明顯轉壞,你照持有就可以。

    VESYNC(2148)有少少潛力的,但不確定性高,不宜大注。

    中國海洋石油(0883),質素都算有,但不是最高質類別,佢對油價較為敏感,所以,如果長遠油價向上,佢都會增值的。

    雖然佢都有一定的規模及質素,但卻不是最高質素的企業,這是由於佢地的產品自主力較弱。

    石油是商品,當中沒有差異性,佢地要將石油賣出,只能跟國際油價,這令佢地處於被動狀態,沒有價格自主的能力,這令佢地的獨特性有限。

    這類商品企業,都可投資,但就要明白不是最高質的企業。所以投資時,同樣不宜太大注。

    ------------------------------------------------

    Q22476:

    老師早晨,我有34000股互太,均價8.67,轉倉去朗廷1270係咪更具值博率

    原因互太是高位入,即使疫情完結,我諗去返高位既機會好低

    反而朗廷因為疫情同社運,跌到0.98,疫情後股價更有機會去返疫情前水平(唔係高位)

    老師,1448去到$7.03,你係咪會加注?

    同埋1448去到幾多先算平?我計合理價係6.4-7.5

    龔成老師︰

    互太紡織(1382)這股不差的。佢主要從事紡織產品之製造及貿易。

    朗廷(1270)係香港持有酒店的投資信託,重點位於亞洲的已落成酒店,現時酒店組合包括香港朗廷酒店、香港朗豪酒店及香港逸東酒店等。

    現時股息率計(1270用2019年股息率計),朗廷(1270)值博率係較高。

    以上2隻都係收息股,我地持有目的係收息,為自己創造穏定現金流。這類股票,比較適合年長/己退休人士,或者風險承受力較低人士。

    如果你係較年青,這2隻股票,都唔適合你。

    另外,雖然朗廷(1270)現時值博率係較高,但我地唔會因為咁,就將互太全部換晒去朗廷個邊。我地要做個平衡配置,唔好令成個組合偏重係個別幾隻股票身上。

    所以,如果你想投資朗廷(1270)的話,你可以將部份持股,換碼過去,但唔係全部。

    福壽園(1448)現價在合理區頂,如果你有貨,建議等佢回多10-15%倒,才加下一注。

    合理價你計算都接近,你預大約HKD5.5 - 7.5左右。

    ------------------------------------------------

    Q22477:

    龔sir,我係股票班學生,我快速計左一下700既合理價 可以俾d意見嗎

    我用7年數據︰

    2014 35.93市盈 3.23EPS
    2015 39.51 3.71
    2016 36.04 4.9
    2017 31.33 8.97
    2018 40.43 9.46
    2019 31.14 10.96
    2020 27.42 18.37

    我將七年市盈由細到大排 然後計中間三年即係 31.33-36.04,至於EPS果到 應該要點拎好。

    因為佢個波幅都大 如果take7年 average 就計到 8.51就係 合理價266-306 好似有啲離地

    然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價,計出為 463-533 好似合理d

    龔sir, 想問我甘計有無問題 希望可以指教下

    龔成老師︰

    你市盈率計法,可以就用這個3年數字(31.33-36.04)。

    而EPS,由於企業和行業本身,都係近年才快速增長,因此我地會拿近少少,5年平均EPS作基礎會較準。因應佢增長潛力,上調多25%左右。

    再加上10%緩衝區(這個課堂有教,唔記得係乜,就要溫翻初班第5堂SLIDE26),合理值大約係︰HKD373 - 547。

    至於機構預測,你都可以作為參考,睇下會唔會同自己答案差太遠。如果有太大落差,就要找出原因。

    ------------------------------------------------

    Q22478:

    龔Sir你好,最近對於複利有d問題諗唔明,希望你有空可以解答

    複利係指一隻股票收到的利息再投資返係同一隻股票,咁如果我哋手動做股息再投資,應該點做?

    假設一:
    我有一隻A股票每個月月供緊1000蚊,而今個月收到500蚊股息,咁我係將呢500蚊係下個月再加落月供度,變成1500蚊去供A股票?咁我第三個月又變返月供1000蚊?

    假設二:
    咁如果我長揸緊既股票,並無做緊月供,咁我每次收到既股息應該點做股息再投資從而產生複利效應?

    謝謝回答!

    龔成老師︰

    1) 唔洗咁複雜,你月供金額可以不變,只要另外將新收到股息,再買翻股票,就會有複利效果。但有時個股息不多,你可以儲起先,等有一定金額才再買貨。

    2) 長揸和月供都無分別,收到股息先儲起,夠1手,而當時價格又合理,就再買。其實成個做法,都係一樣。

    可能你會想問,有些股票佢係零派息,咁係唔係就無複息效果呢?

    答案︰唔係。因為除了派息再投資外,企業賺到錢,將這些資金重新投入在業務上,都會有複息效果。

    當然我地都要考慮翻,企業不派息,去為本身業務再投資,到底係唔係有更高效益。如果係有,就有投資價值。如果再增值效率不高,其實佢派息,才代表管理層做法理智。

    ------------------------------------------------

    Q22479:

    龔Sir你好呀。我有計劃明年年中移民,因稅務問題可能要在離開之前賣清股票,以往一直跟隨龔Sir教既方法長期投資

    今年年初自律性低左買貴左新經濟股,所以你見到我坐住左幾隻,現在市況唔穩定,心裡其實有D壓力。所以想問問龔Sir我用咩策略去賣清D股票比較好

    Current Portfolio

    5 - 1,200 @ Avg 51.25
    11 - 300 @ 114.91
    27 - 4,000 @ 43.79
    241 - 2,000 @ 22.05
    285 - 2,000 @ 8.58

    388 - 200 @ 190.36
    700 - 200 @ 587.69
    868 - 2,000 @ 7.79
    1211 - 2,500 @ 40.05
    1317 - 48,000 @ 2.59

    2158 - 400 @ 49.63
    6618 - 200 @ 136.58
    8083 - 8,000 @ 3.57
    9988 - 500 @ 241.3

    多謝指點龔Sir!

    龔成老師︰

    其實買新經濟股唔係唔得,只要你唔係近退休人士,按自己年紀和風險承受力,作出合適配置,咁就可以。

    但由於你明年中就要移民,需要清空持股。因此,你現時唔好再入貨,反而要慢慢開始分段沽貨。

    唔好等到走個一刻,先一次過沽,因為無人知個陣個市,是好是壞。所以,你要分段咁沽,去平衡價值波動性風險。

    你不要著重那一個「賺蝕數」而決定留或賣,是重要考慮質素,上述的股票,較高風險或質素較一般的,要先賣出,例如醫渡科技(2158)、中國有贊(8083),另外,另外的,可以分段去賣。

    ------------------------------------------------

    Q22480:

    Ar sir, 近日港股市場下跌好大輻度,科網股還有長線投資價值?3690同9988前景質素如何?

    想詢問現時700,1810,3690,9988四隻論值博率,邊隻好?

    龔成老師︰

    近期受中央政策和大市氣氛影響,不少科技股都有較大回調。但我地要睇翻,這些政策到底對相關科技股,有無造成長遠影響。

    美團(3690)和阿里(9988)都受反壟斷政策,造成不同程度的影響。你預中短期會較波動,但長線相信這些企業,適應了相關法規後,會慢慢轉好。

    因此,若你有持貨,可以照長線持有。但美團(3690)始終不確定性較高,不宜佔組合太大比重。

    至於"輪"這類短炒工具,我唔建議你買。因為中短期股價,受好多因素影響,基本上係無得估。所以,我建議你買正股,作長線投資會較好。

    而正股值博率,以現價計騰訊(0700)和阿里(9988)係會較高。而小米(1810)和美團(3690)就相若,但質素上小米(1810)會較好。

    ----------------------------------------------

    若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。

    另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。

    由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。

  • 本假屋唯香結婚 在 Facebook 的精選貼文

    2021-08-19 17:47:53
    有 134 人按讚

    [葬禮進行曲]你四十歲人,去過幾多次葬禮?

    TLDR :Always Go To Other People's Funerals — Otherwise, They Won't Come To Yours

    ==============
    一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
    ==============

    1. 而家聲名極臭嘅朱利安尼,講過相當老派嘅人情世故嘢:婚禮呢,其實唔得閒真係未必要去,反正錦上添花,少你一個唔少。但葬禮,雪中送炭,務必要去支持遺屬,多你一個好多。況且,人可以唔結婚,結婚亦可以唔行禮,但總會死。死咗嘅,唔係完全無親友嘅,總會做啲嘢。當然明顯唔係佢發明呢套講法,佢只係在書講,我亦只係聽人講佢本書講

    2. 況且葬禮,相當Flexible,流水席,幾時就到時間咪過去,見到遺屬講兩句,望下有冇識嘅人,喜歡嘅好快都走得。

    3. 後生嘅朋友寫咗篇文(https://lkdin.io/3VOb),佢剛四十,即係後生我幾年。咁我呢幾年都冇去過葬禮(我記錯嘅請你報夢話我知),所以我四十時嘅數字,同而家一樣。朋友話三個或四個,咁我應該多過佢。你可以計下,去到你四十歲為止,去過幾多個葬禮。未夠嘅?「自己pro rata返」。「當然唔好計咩法治已死香港已死嗰啲一日去幾次嘅」

    4. 當中,不存在咩「四十歲人應該去過幾多次葬禮」,正如我不打算研究「四十歲人應該打過幾次飛機/有過幾多性伴」之類。但背後,總會反映到啲嘢。雖然又話人老咗去嘅葬禮多咗,但照計四十歲呢,你同年啲朋友,一般都未死。你去嘅都係長輩之類,細細個都可以去。

    5. 朋友話去得少,反映佢毒,冇乜朋友,同屋企人關係惡劣。可能都有啲關係。我都冇乜朋友,同屋企人關係都惡劣(但好似冇佢咁惡劣,真係人上有人)。但仲有好多因素影響,例如你有另一半嘅,往往就去多一倍。

    6. 我試下數,我去過嘅葬禮,應該八個?有兩個我好似冇印象有去到,但照計我係有去的。然後寫完呢篇文我就會洗自己腦,十年後我就又變得肯定自己有去。人嘅記憶幾咁唔好可告!況且我地年代唔興「懷念爺爺」咁影響,好似暫時我都冇在殯儀館打過卡。(然後我查返手機app,原來係有!三次!都話記億唔可靠。咁其實殯儀館打卡冇乜嘢。冇人叫你在入面打嘛。)

    7. 我父母好早生我,老母今年62,老豆64.兩個都唔食煙(老豆N年前食,戒咗好耐),所以根據大數法則,健在嘅機會比較大。咁你估到,八個之中佔咗四個嘅,就係阿爺阿麻,阿公阿婆,全數釘蓋,好合理。

    8. 我嘗試排序,雖然未必太準。但,頭兩次應該最震憾,冇經驗嘛,況且細個(雖然都十歲以上),有啲驚的。

    9. 第一個死嘅,係我阿公,我讀緊小學,四五年班咁上下?嗰時放學成日同老婆出去瑪嘉烈探病。應該係九龍大酒店?冇玩咩破地獄嗰啲,但都真係都仲係一回事,去足全程,同學校請假的。冇守夜,或者有人有但我冇份。阿公印象都多,細個在石圍角村,拎佢本不文集睇,佢又會帶我飲西茶,西多士冇餡嘅年代,幾咁美好。星期六佢睇賽馬,我就睇中間插播嘅大力水手,或者德國波。不過死嘅人太多,不能個個講好詳細

    10. 之後係我阿爺,更加親近。冇錯係我出世時已經著咗草去台灣嗰個,堅稱自己冇收片但又走咗佬嗰個。但我有記憶時,佢已經返咗香港做返老正,當然亦唔見有乜錢(聽聞在台灣敗晒)。阿爺嘅感覺,就係唔係幾好老脾,但又唔係會打我嗰種,都係慈祥嘅。但又不過,我完全不能將佢同差佬扯上關係,雖然我一路都知,但總係覺得好似換咗另一個人。阿爺都算死得早,大約我中二三時死咗。嗰時佢臥病在床,我仲在側邊打機,真係不孝。記得佢死前健康當然更差,脾氣亦差,好多嘢唔食得,最記得成日要食田雞—唔係佢要食,係好似唔食得其他嘢。嗰時就開始知道死亡,可以揀真係長痛不如短痛,但邊度你揀?我唔相信阿公或阿爺咁選擇。當然佢地亦未去到話受好多痛苦,或者吊住好耐咁。阿爺最後死在大陸,唔知返去搵神醫定換腎定乜鬼。就係記得解穢酒食過「黃埔炒蛋」,記得阿麻好似幾風騷。唔知係因為照顧病人好累丫(咁阿爺病重時都真係好臭脾氣),定係拎咗唔少錢。冇錯,阿爺到底有幾錢遺產,去咗邊,都係大家扯貓尾,永遠冇真相,有人話根本冇,有人話去咗我阿麻度,有人話去咗我老豆度(應該都有啲),總之冇一仙去過我度。

    11. 講咗咁耐先兩件,加快速度。見到嘛?阿公阿爺死先,佢地老婆反而擺耐好多。咁好合理,一來女人長命過男人,二來佢地娶老婆都揀後生,阿公更加係再娶,所以阿婆未咁快。由我中二定中三(1992?),打後十年,好似都冇再去過葬禮。阿婆幾時去架呢?慚愧,我都真係唔係好記得。細個當然都有啲感情,但後來阿婆已住老人院,咁大家知,慢慢就少深,我就更加少去 —唔好記嗰時我已經高中或者大學,有自己多姿多彩嘅生活,主要係溝下女做下愛咁,點都好玩過去老人院吧?你反對嘅,我同你交換。直到而家,我都唔記得阿婆幾時死,甚至唔記得我有冇去佢葬禮(希望阿婆唔好上嚟留言話:仆街仔!你死我都未死呀!),但合理地假設,應該總有出現下?當埘我同我老母關係未咁惡劣,佢叫我去我應該會去。不過又諗下,實情阿婆唔係佢親老母(都話再娶),至於我老母親母,我冇見過的,好早死咗。

    12. 然後,又好似一輪高峰,嗰幾年去較多。我阿麻死咗,好似十年前多啲?留意佢最後就住在我而家住嘅地方,佢瞓廳(唔通我瞓?況且床架高,佢爬唔到)。事實佢臨終前幾年,都係同我一齊生活嘅。我係咪喪盡天良?都未完全係嘅。有時都會慚愧,冇陪佢多啲。佢健康尚好時,都試過我返工拎漏嘢佢拎去中環畀我(!),又或者我要帶女返屋企搞嘢時,醒一百蚊畀佢落去飲茶(唔係點?)。

    13. 無論如何,當時已經有Facebook,亦係比較深刻嘅。當時係年尾,阿麻之前健康並唔特別差,即係長命病嗰啲當然有,但佢話唔舒服入醫院時,都仲係自己執嘢自己叫車。佢去醫院時我都探過下佢,都仲係幾健康。但話咁快。有一日我老母打嚟,就同我講,「你阿麻走咗啦」。我想講,我老母當時在屯門醫院返工,阿麻亦都住屯門醫院,我真係以為佢嘅走咗係出咗院,然後佢先話我知。當時我在公司,仲係十分搏命嘅分析員,我甚至諗緊使唔使放工先去,好似有上Facebook出post,甚至諗係咪要坐的士之類。無論如何最後就坐的士,去到叫做見佢最後一面(已香,但仲在床上,明啦)。

    14. 往後嘅事,好多人都聽過。見完最後一面,不過係午飯時間咁上下?我返咗屋企瞓(分析員嗰時七點幾就返到公司,我係摸黑出門的)。然後?我去咗旺角。做乜?睇戲。同埃汾太睇戲。睇嗰套戲,叫做《3D娜塔莉的情人》,聲稱係全世界第一套3D韓片,條韓妹好靚,又好波,我都冇深究係咪整,有乜關係?

    15. 我走咗去睇《3D娜坦莉的情人》(https://bityl.co/8Hsd),非常之卡繆,非常之《異鄉人》。我甚至應該係因為睇咗《異鄉人》先會咁。成件事我已經唔係好記得。我上一次寫文,係講「咁買咗飛丫嘛,唔通唔睇,點預到佢咁啱嗰日死」。但,我諗返件事唔係好合情理,首先嗰個年代,我好似仲唔多興網上買飛。之但係又不過,如果我唔係一早買咗飛,照計我唔會特登出旺角睇戲?Anyway同埃汾太睇完,就梗係上床啦。都話十分之《異鄉人》(正因如此,如果我冇買飛,點會特登出旺角?唔係叫埃汾太返屯門會簡單啲?留意我午飯已經返咗屯門)。第二日,我照樣七點半返到公司。冇能力的人嘛,唯有早返工。

    16. 埃汾太當然都見過阿麻,食過好多次飯,當然都有去葬禮,不過遺憾阿麻冇機會見到我成婚。亦冇機會同我影畢業相。當然遺憾係佢嘅遺憾,我先唔理呢啲嘢。咁而結婚亦冇可能特登就阿麻,況且當時亦唔知佢就死,佢都唔知自己咁快死。但畢業相嘛,理論上可以就老人家嘅,不過事實上港大行畢業禮時我已去咗英國,英國行禮時我又返咗香港,而我又唔會唔係正日自己搵套衫同勞蘇影相咁

    17. 第幾個?數完第四個。然後第五個,我老豆老婆(非我老母,但亦唔係「後母」,都冇一齊生活過,正如我老母老公我都唔會叫「後父」,佢出現時我都中七啦大佬),其實時序上早過我阿麻,但舖排上好似應講晒麻爺公婆先。實在件事有點複雜,我亦都唔係好想講。當然唔係死者嘅問題,又唔係我問題,係顧及下其他人感受。話說我老豆老母,在我阿爺死後就好似離咗婚,冇因果關係,但時間大約係咁。我老母再嫁但冇小朋友,我老豆再娶,生多咗件,所以我有個同父異母嘅妹,不過比較少提,亦唔係十分熟。但講時講,我老豆呢個再娶嘅對象,廿年前左右就死咗,自殺的,燒炭,成件事十分震憾。當時係我大學畢業後,去英國之前,我在老豆公司過下日晨(係佢返工嘅公司,唔係佢開間公司咁爽)。佢都有講另一半抑鬱症呀之類,然後事發當日我甚至係同佢一齊在公司的,不過冇同佢一齊返去破門,嗯,成件事都幾震憾,所以我都唔係好想講太多。佢嘅葬禮我有冇去?我估應該有吧?(我同死者關係並不差,反正都唔會成日見到,亦冇啲啲咩「你拆散咗我屋企」嘅憤恨,畢竟真係冇人拎支槍迫我老豆有婚外情的,對不?)

    18. 第六個,我外母。同樣地,涉及其他未死嘅人不講太多。當時我已經結咗婚,當然係有去葬禮的。不過講真,結婚冇耐外母就去咗,一直都唔係太多交集,同外父就多啲。外交仲係好健康,日日炒股票,大家有心。

    19. 第七八個,算唔算特別少少?第七個係恐龍,冇錯,就係叫恐龍。中學同學嘅大學同學,成班一齊玩,稱不上極之好朋友,但至少會私下傾計兩個人食飯咁。點死的?自殺。我仲記得佢在甚麼教堂定乜做後事,平日嘅夜晚,我仲要一半走咗出去同倫敦鬼定美國鬼conference call講港交所。嗰時嘅工作真係十分困身。真係搞搞下嘢在時鐘酒店 conference call又有,聽聞有人一路conference call一路被吹蕭(唔通幫人吹咩),無從證實,但唔係我。亡友好多金句,被其他朋友拎出嚟講,例如嗰句「呢啲我愛你呀會結婚呀,性行為嘅潤滑劑嚟啫,唔想講嘅咪去樓下買支KY,雖然凍啲但效果唔爭太遠」,好多人以為係佢創作,實情係我話佢,佢發揚光大的。

    20. 如果我冇記錯,亡友好似細我兩年,副作用就係我在英國返嚟香港後,仲會借用佢啲大學戶口做各樣嘢,例如上呢個 data base搵工.我最記得,好似嗰時佢畢業我未搵到工,佢都有安撫我,同我講,「唔緊要,一個恐龍倒下,仲有竹萬萬隻恐龍」—講嘅係佢細佬仲讀緊大學。不過後來我冇用到恐龍二號,放心,我搵到工,佢都搵到,佢死時我都差不多離開金英了,好似2012年前後?

    21. 多得電話,我都仲保留住同佢最後嘅message(當然唔知佢自殺),就係我推介完元朗嘅煲仔飯,佢覺得好正。就係咁。後來我都仲成日去,都會諗起佢,雖然我同佢冇一齊食過。

    22. 最後一個,你可以話「最不重要」,但亦係性質上完全唔同。工作上嘅……前輩?唔係我本書鳴謝嗰幾個,但係嗰堆人。亦都係自殺,相當震驚。佢不算同我極熟絡(雖然我在倫敦出trip佢都打畀我有嘢搵我救火),亦唔算直接幫咗我極多嘢(咁當然都有啲)。但始終係個慈祥嘅長者,亦係業界有啲聲望嘅人。壇嘢都搞得幾大,俗啲講句,生前好友們幫佢風光大葬,算係極度榮哀?未致於好似「大時代」咁,但的確見到一啲猛人,甚至會同我講「佢都有提起你」。

    23. 我記得應該係英國脫歐公投嗰年(冇錯,相入面嗰次,睇返日子正係公投之後嗰日),就係我最後一次去葬禮,就係呢位前輩。我嗰日不停心諗,到底葬禮係咩回事?係畀邊個睇(當然係畀生嘅人睇),係為咗表達大家對佢懷念?定係話畀大家知,第時你死咗大家都會咁對你?

    24. 總之,都係嗰句,Always Go To Other People's Funerals — Otherwise, They Won't Come To Yours

    25. 冇乜特別,都唔算寫得特別好,甚至差過我朋友,「都幾大鑊」,只係留個紀錄。另外,關於葬禮,寫過篇舊文,原來都未夠一年前。舊文就寫得幾好(https://fbook.cc/3Z0d)

    26. 不過有個講法,一個人死兩次,最後一次有人提起佢地先係真正死。咁以上呢啲故人,我又幫佢地續一續命咁,個感覺好似泊車餵錶咁。以前仲有個紅色旗,十分有實感。

    ==============
    一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
    ==============

  • 本假屋唯香結婚 在 龔成 Facebook 的精選貼文

    2021-08-12 23:00:20
    有 110 人按讚

    【龔成問答信箱】(Q22041-Q22060)

    Q22041:

    Hello 龔sir 我係你股票班初班既舊生 最近睇緊12號恒基既年報 有d問題想問下

    請問本年度盈利後面點解仲有一個本年度收益總額?唔係好睇得明 除稅及重新分類後之本年度其他全面收益淨額 即係點?

    仲有佢既基礎盈利14899係點計出黎呢?我嘗試將公佈盈利10192 加 "投資物業及發展中投資物業之公允價值(減少) / 增加" 2413 都計唔到 14899

    聯營同合營公司既盈利需要剔除嗎?

    最後就係buffolio顯示既恒基 PE係用基礎盈利定公佈盈利計算呢?我需唔需要加減其他數字去計算正確既PE?

    唔好意思 有好多問題

    龔成老師︰

    這頁"綜合損益及其他全面收益表",係分析估值時,我都唔會特別去參考。因為佢主要係一些非營運性變動,無太大參考價值。

    至於基礎盈利,主要係扣除左"物業公平值變動",所造成之影響。

    你可以參考翻2020年年報P.226,你用"本公司股東應佔盈利",再加翻所以公平值數字(因為當年公平值,都是負數。若當年公平值係正數,你就要倒轉,扣除翻佢。),就會計到14899個答案。

    水牛網顯示,會係用用"本公司股東應佔盈利"作計算(即包含公平值之影響)。

    ------------------------------------------------

    Q22042:

    龔成老師你好!好想同你分享個好消息!我同丈夫成功買到第2層樓啦!難得睇中啱心水地區尺數既低水單位,所以決定賣哂所有股票同埋加按少少層樓俾首期

    首先 我好想多謝老師你強調儲資產呢個概念,雖然我啲股票唔係大賺,不過起碼不經不覺已經儲到一筆可以靈活套現既資產,全靠呢筆錢 今次先有機會入市。

    不過宜家手上已經冇哂股票 現金亦唔多,要供2層樓亦都令少左現金流去儲股票

    再加上黎緊首要目標係可以儲到筆錢裝修新屋,想請問老師我應該如何分配長線同短線既投資方向?

    現階段應該全部保留現金用黎裝修?還是繼續以月供方式儲貨?

    謝謝老師建議

    龔成老師︰

    先恭喜你,又成為業主。

    我地財富組合除左要有增長力和質素外,平衡性都好重要。你現時資產明顯係偏重於物業類,長線你應集中加回一些優質股,以免過於集中個別資產類別,而產生風險。

    因此,你新資金建議優先投入股市,去令成個組合更平衡。

    至於先裝修,定投資,你要從生活所需和財富增值,2者之間去取個平衡。

    但我建議,點都要每月做番少少月供,唔好完全係零。因為你現時係零股票,而大市又只係合理水平,這個狀態唔理想。

    另外,由於你要供2層樓,令每月可投資金額減少。你最好盡快將另一層樓放租,去提升自已可投資現金流,咁會較好。

    當然,你現時現金太少,都要留一定的現金先。

    ------------------------------------------------

    Q22043:

    老師你好,我又有問題想問。看完"80後千萬富翁"後,有一個疑惑

    假設我辭職後,以全職股票投資者創富,之後希望分散投資,買入一間物業,問題就來了:

    1.沒有工作,全職股票投資者,可申請按揭嗎?

    2.同時,過到壓力測試?

    3.成立空殼公司,買入物業是否更好?

    龔成老師︰

    1) + 2)你可以利用「資產方式」申請按揭,而非一般有收入人士,所用的「壓力測試方式」。

    或者你可以加入擔保人,都有機會可以提升你成功申請按揭機會。

    但坦白講,無收入要做按揭,一般都會較難。

    所以最好在你有穩定收入時,處理好物業這部分,之後先辭工。

    3) 成立空殼公司買入物業,係可以節省不少稅項。但空殼公司本身,都有不少營運和買賣成本,例如要會計師每年核數、買賣時需要律師評估資產等。

    加上公司買物業要支付「買家印花稅」15%,因此否則未必值得咁做。

    ------------------------------------------------

    Q22044:

    1:假設,本金10萬,每月再投入1萬。如果比自己目標係每年升15%,咁應該點計,因為以年計

    1月資金可用12個月,但12月資金只用1個月。咁我應該用22萬乘15%,定應該點計好?

    2:老師,想請問下,假設如果雙方同意,我冇任何牌照既情況下,可以幫人做投資嗎

    3:老師想請問下,假設現在有1百萬資金,用了5年時間儲錢加投資得來,有買樓需求,可選擇用來買樓首期或繼續用股票滾下去,

    但如果買左首期後就變左股票果邊滾落去既速度慢左,面對咁既情況應該點做好

    4:老師,想問如果抽到居屋,又比左首期買左之後,可唔可以出租?

    龔成老師︰

    1) 唔好諗到太複雜,我地唔係要一個好精準架數字,因為投資中間會有好多變數,未必一切如你估算一樣。

    但係你要知一個大概數字,係有意思,可以作參考架數字。

    以你情況,可以簡單點,當你當年每月資金,係年尾一次過投入。咁樣計算,簡單之餘,出來結果都會相對保守。

    第1年回報︰22萬 x (1 + 15%)
    第2年回報︰(第一年回報 + 12萬) x (1 + 15%)....如此類推

    2) 如果是《證券及期貨條例》規管範圍,基本上就要有牌照。如果你只係幫下屋企人手,當然另計。其實,當中好講有無「利益」在其中。

    3) 如果你係有實際需要,去置業的話,你係可以動用這筆資金。其實物業都係一個資產,都算係一種投資。

    但最好,係你置業之餘,都有一定資金,用投資優質股,令成個組合唔好偏左係物業個邊,咁就最理想。

    4) 根據正常程序,係要補左地價,先至可以成間居屋放租。

    而且,投資物業放租,在香港現時法例下,是不能以高成數按揭進行的,金管局定明,如果要投資物業收租,最高的按數不能高於5成,高於5成者,只能自住。

    當然,這是政府的規定,但坊間的做法,往往是另一回事。但你要明白佢地的做法是犯法的,因此一定有風險,做與唔做,自行決定。

    坊間不少投資者,就算高成數揭揭都會照放租,其實你照去地產經紀同你講你想這樣,佢地就明,會照同你做,當然,細節位不便在這裡講太多,有機會你上堂見到面,我分享坊間的做法。

    記住,所有事情都會有風險的,這是一個值博率的問題,我只可以話,坊間不少人都會照做。

    ------------------------------------------------

    Q22045:

    龔sir,你好!多謝你一直耐心回覆讀者的提問。我都其中一個支持你的讀者,你的著作特別是年報勝經,寫得很好。我亦因此開始學習睇年報。

    最近我投資左百度(9888),現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。

    配合本身網上廣告業務收益穩定,有利百度發展新增長點。

    百度最大的擔心是競爭者多,在今日「全民製車」的時期,百度的賣點只是研發時間比同業長,比同業更早開始投入研究。講到這裡,就引伸出另一個憂慮,就是巨大的無人駕駛投資能否變現。

    我明白股價反映公司價值,同時亦反映了市場的對於公司的期望值。但在這裡,我唔識判斷「市場期望值」這件事。

    不知我的看法是否正確,百度目前的市盈率大約9倍左右,應該是屬於健康水平。 未知老師的看法如何? 現價應否再加注?謝謝!

    龔成老師︰

    多謝你的支持!

    百度(9888)為全球最大的中文搜索引擎,是內地用家搜尋資訊主要對口,2019年百度用户規模突破10億,而百度App日活潑用户2億,信息流位居中國第一。

    當你坐擁不少資訊和客戶群,就可以利用佢地去發展很多不同業務。

    雲和無人駕駛,都會係有業務當中較有潛力部份。百度的無人駕駛技術,其實唔錯。雖然越早研發,唔代表一定可以越早市場化。

    但百度在無人駕駛技術,無論研發和運作,都累積左一定經驗,有助提升佢成功市場化機率。若無人駕駛技術成功市場化,相信會成為集團盈利的新增長點。

    由於無人駕駛市場未算成熟,就算有較多競爭者進場,都未必會造成較大影響。加上集團有一定技術,係競爭上相信會有優勢。

    這些部份發展雖有潛力,但都存在很多不確定性,我地好難完全掌握將來發展狀況。因此,係估值時,對這些不確定性較高的分部,要保守少少。

    百度現時收入,主要來自在線營銷服務。這部份,集團有一定優勢,預期長線發展正面。

    百度在規模和質素上係有,但你預佢中短期會較波動,不宜持有太多。若你資金好充裕,要價加小注係可以,否則等較大回調才加注,會比較好。

    ------------------------------------------------

    Q22046:

    龔sir你好,我對於股票買賣只是初哥,之前都是有少少人云亦云既心態作買賣。而我丈夫曾經上過你既堂,從他口中得知你的FB page,最近經常睇你既page增加投資概念。想問下你嘅意見。

    本人37歲,已婚未有仔女。月入$58K,丈夫月入$20K多少少,收入算穩定,已購入一層自住物業,仲有17年需要供樓。

    之前一路只保守地作儲蓄,大約有流動資金$100萬,扣除供樓,生活費同雜費,每月可儲蓄$24K,想可以好好分配同計劃點樣做好投資理財,為將來有小朋友及退休生活作計劃。

    之前買入一些收息股票為主。如下:

    0005 匯豐 70.5x1200股+46.2x2000股
    1398 工商銀行 6.41x 15000股
    2800 盈富基金 28.72 x2000股

    1. 睇了你的FB page 後想嚐試月供股票,考慮緊每月用一萬蚊月供0002,2318,6823。這些組合適合嗎?

    2. 現在持有既股票組合適合繼續長期持有?定放售?

    3. 如果買潛力股,你會建議買邊隻?

    期待老師的回覆,非常謝謝!

    龔成老師︰

    1) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。

    你37歲,應以增值為主。平安(2318)係可以,但其餘2隻只係收息股,增長力較弱,唔係太適合。我建議你用「平穏增長股」 + 「潛力股」作組合,去創造一個增值平台。

    現在你每月先用5成儲蓄,即$12000做月供。其餘先儲起,用一邊月供一邊儲蓄的策略。

    月供方面,你可以選擇投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)

    或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。

    由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。

    現時大市只是合理區,你現有100萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。

    但我建議,在你實行以上計劃前,先儲起半年開支(若你預將會有小朋友,都要預留埋這部份開支),作為應急之用,咁會較穏當。

    2) 你持股雖然都有質素,但匯控(0005)和工行(1398)都係收息股,你年紀不宜持有太多。建議沽出部份,慢慢換至上述股票,會較好。

    3) 我上述潛力股,都適合你,但你投資經驗較淺,要控制個比重,唔好佔多過組合3成。

    另外,大部份潛力股現價都略貴。現時只有安碩恒生科技(3067)、GX中國電車基金(2845)、比亞迪(1211)、阿里(9988)、中生製藥(1177)、福壽園(1448)勉強算在合理區頂部,可分注入貨,其餘想買就要等一等。

    ------------------------------------------------

    Q22047:

    龔成老師,你好,最近睇左幾本理財書,當中都有一個對沖概念,但睇返sir的書,或fb的對答,好似都好少呢方面既資訊,是否同你理念唔一樣?

    另外我本人都買左d科技股,例如阿里巴巴和小米,都諗住有排都唔放,但又唔想繼續供落去,想供d其他行業的(你話同一產業不是多過30%),

    睇左眼科藥物公司兆科眼科,或者是德視佳,一個造藥一個行醫,你會點睇?

    龔成老師︰

    我主要係建議透過創建一個合適、平衡、有質素的財富組合,去做到在合理風險下,爭取最大回報。

    跟一般對沖,去平衡風險有所不同。而且對沖唔易玩,唔適合一般投資者去操作。

    兆科眼科(6622)係一間眼科製藥公司,致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線,涵蓋影響眼前節及眼後節的多數主要眼科適應症。

    集團初步將策略重心放在中國五大眼科適應症上,包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。

    佢已建立起由13種創新藥及12種仿製藥(按國家藥監局的《藥品註冊管理辦法》分類)組成的眼科藥物管線。創新藥管線包括8種候選藥物,若獲批准則有潛力成為中國市場領先產品。

    仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利,並提交6份中國專利申請。

    佢已於廣州市南沙新區建造的生產設施,根據中國、美國 及歐盟cGMP標準設計及興建以用於生產眼科藥物,其生產能力完備並可用於商業化規模生產。

    由於未有盈利,風險度會較高,加上企業規模不大,因此投資值博率未算高。

    當然,由於規模不算好大,若果企業之後成功,可以好勁,但失敗對股價都有很大影響,因此是有潛力,有風險類。

    只可以話,這類股,唔建議大注,當小注投資下好了,同時要明白當中的風險。但用作月供,就不建議了。

    德視佳(1846)主要於德國、丹麥及中國以「德視佳」品牌提供視力矯正服務。

    佢的服務可大致分為屈光性激光手術(包括全飛秒激光手術及飛秒激光聯合準分子激光角膜原位磨鑲術)、後房型人工晶體(ICL)植入術;晶體置換手術(包括單焦點及三焦點晶體置換手術)及其他(包括用作矯正眼晴屈光不正的PRK/LASEK及角膜基質環段ICRS植入手術)。

    見佢的財務數據都不差,生意與盈利都有穩定增長,現價算是合理,但不是高增長類,同時由於規模未算好大,可小注直接買入,但不宜月供。

    另外,我地月供係一個長線計劃,最少供3年,並持有5年,才會有較佳效果。因為月供可以拉平均個買入價,減少買貴貨風險。

    若你經常供一陣就轉,會影響到平均價格效果,令最終回報不確定性增加。

    ------------------------------------------------

    Q22048:

    我想請教一下,你覺得應該怎樣教育兒童理財?因為看過你的文章/書本,你都提及學校缺乏理財教育!謝謝!

    (期待可以在澳門上課的澳門讀者)

    我兒子8歲,有時會問我供樓借貸,公司借錢,點解麥當勞可以咁成功等等,我自己本身不是商科,所以都係google咁簡單講俾佢知

    龔成老師︰

    我建議你同佢玩「大富翁」、「現金流」這些遊戲。

    如果佢8歲已經有這些問題,我相信佢對這方面好有興趣,好有潛質,日後可以好有成就,你可以找一些成功的名人、商人傳記之類的兒童書比佢睇。

    書本和遊戲,都係教授小朋友理財的理想方法。好似大富翁遊戲,小朋友可以從享受遊戲同時,也會學到不少經濟理論和操作模式。

    另外,書本可以令佢從前人身上,學到一些經驗。當然,佢年紀比較細,較難理解我們成年人睇架書籍。

    最好先選擇佢年紀水平,和他有興趣的書籍入手。之後才慢慢加入一些,未必是他有興趣,但又對他理財知識有幫助的書籍。

    家長在遊戲和閱讀時,要多加讚賞,對佢學習會有激勵作用。

    如果你本身無太多理財知識,就係教授小朋友同時,自已都要增進一下,甚至一齊學習。可以作親子活動之餘,都可以提升雙方學習的樂趣。

    ------------------------------------------------

    Q22049:

    老師:我在重整現時持有的股票組合,由於未到8月上課時候,唯有再麻煩老師,唔好意思。想請教以下幾隻股票是否優質和他們的合理價範圍。謝謝!

    405
    939
    2822

    此外,以上三隻股票是否都屬於平穩增長股呢?謝謝!

    龔成老師︰

    這3隻股票,都係優質,同時現價都在合理區,可以分注入貨。

    越秀房產(0405)和建行(0939)係收息股,增長力較弱,主要係收下息。以你年紀,收息不用佔太多,大約2成左右好了。

    南方A50(2822)算係平穩增長股至潛力股之間,有一定波動性。此股適合你年紀,可以考慮。

    ------------------------------------------------

    Q22050:

    老師你好!我居住在澳門,今年45歲,自住房屋市值約900萬還欠貸款400萬,每月供17000。

    另有一間市值約600萬已供滿收租約9000(澳門租金較低)

    因疫情上年失業,現新工作每月薪金只有18000再加上9000租金,每月收入共27000,每月供樓保險加上生活開支剛好月月清,另有60萬積蓄想投資股票市場。

    現時手頭沒有揸股票,想問應唔應該賣咗收租樓,還清400萬貸款,剩餘200萬用來買平穩收息股?還是只用60萬積極蓄投放股市?

    另外想買老師你的書,我是股票初學者,適合先看那一本?

    龔成老師︰

    其實物業都係一種資產,除非你收租物業升值潛力真係好弱,或者質素好差,否則持有用作收租,咁會較好。

    至於增值,你可以先用這60萬去做。由於你已經有2個物業,故你新資金應先集中係優質股類,以免出現過度集中風險。

    以你45歲,可以選擇一些「平穩增值股」+「潛力股」作投資目標。

    由於你現時無太多投資經驗,潛力股這類風險較高的股票,你就不要持有過多,最多維持1-2成好了,甚至先集中係平穏增長股類。

    到你有一定投資經驗﹐潛力股比重可以相應調高,佔組合約3-4成,到時要視乎你投資經驗多寡,和了解這些股票程度而定。

    大市現處於合理水平,那60萬資金,你可以先用20-30萬,以"分注"形式慢慢入貨。餘下資金,就等大跌市機會出現,才大力度掃貨,並長線投資。

    你可以先睇我架《80後百萬富翁》、《財務自由行》和《股票勝經》,都適合初學者。

    ------------------------------------------------

    Q22051:

    龔成老師你好,剛開始月供股票3個月,其中一隻月供2382 平均價179,佢今個月升左好多

    我係想長線持有,但遇著咁大升幅,平均價就會拉高 變貴左。心態上係繼續月供 還是停供一個月先?

    龔成老師︰

    舜宇光學(2382)係有質素和潛力的潛力股,若你係年青至中年人士,月供這隻股票係可以。

    現時此股已經偏貴,但由於未到好貴,我地係唔需要停左個月供。短期成本價,係會有被拉高情況,但係月供係一個長線計劃,長遠個價都會拉平衡。

    除非佢再升到一個好貴水平,我地可能要減少股款,甚至停供。但大前題係,你有無定平貴的能力。若果無,我建議你不理價值升跌,一直去供。

    因為你自行調整供款,如果時機不對,反而大大影響左你平均價格的效果。所以,若你投資經驗較一般,我建議你選好優質股後,唔好理個價,一直供,反而對你最有利。

    ------------------------------------------------

    Q22052:

    龔老師你好,我今年31歲,月入二萬五,月存二萬,手持8份儲蓄保險,有啲五年期,有啲十年期,有啲三十年期(大約150萬左右),

    有七十萬流動資金,另外有三十萬買咗股票,但坐緊艇包括:

    9988(200)$280買入
    175 (2000)$31.5買入
    1810 (1200)$29.5買入
    0066(2000)$38.9買入
    1801 (1000)$90.6買入

    龔老師我二年後想買樓,想用呢70萬用二年時間滾到100萬,請問有咩建議。麻煩指點迷津

    龔成老師︰

    首先你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。

    你持有股票,都係有質素,長線持有係無問題。但信達生物(1801)仍處於燒銀紙的狀態,不確定性好大,暫時唔建議加注。

    我地投資股票,其實等同投資一間企業。希望透過其自然增長,以達至財富增值的目的。所以,我地投資一定要較長時間。而2年只算係一個短時期,股價好易出現波動,增加回報的不確定性。

    因此,你這70萬不宜作太高風險投資。我建議用盈富(2800),再加收息股作為組合。

    收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。

    大市現處於合理水平,那70萬資金,你可以先用一半,以"分注"形式慢慢入貨。餘下一半就等大跌市機會出現,才大力度掃貨,並長線投資。

    但這個組合增長力,未必足以2年內由70萬滾到100萬。但佢勝在穏定性較高,在只能投資2年的情況下,這個配置會較為穏當。

    另外,"保險"主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。

    但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。

    你現時持有儲蓄保險,實在係太多。如果佢了一定時間的,你可以保留。但你還很年青,我建議你長線計,應該取消部份,將資金轉至優質股去做增值,會較好。

    ------------------------------------------------

    Q22053:

    龔sir,你好!有幾個投資問題想問。

    1. 投資黎講,係咪唔應該買保險,或者唔應該買有儲蓄成份保險?

    2. 按回報計算,應該買50年樓齡二手樓,還是一手樓?

    3. 未來咩房型或者尺數更適合投資?

    龔成老師︰

    1) 答案係不一定。

    我地理財,要做到「攻守兼備」,保險、備用現金等是防守,但防守部分不用太多,餘下資金就應進攻。保險最大的作用是「保險部分」,反而投資作用一般不大,即是買保險,最大作用是醫療、人壽、財產等的風險轉移,將你不想承受的醫療費用等不可預測支出,轉嫁比保險公司。

    儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。

    但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。

    2) 一手樓,好多時都會有一定溢價,變相令你買貴貨,影響長線回報,所以我一直都唔係好建議買一手樓。

    至於50年樓齡二手樓,由於已有一定樓齡,除了本身保養成本會較高外。向銀行貨款也較困難,因此投資價值都較一般。

    2個選擇,其實都唔係咁理想。除非50年樓係好平,租金回報率又高,而且係一些大型屋苑,才值得考慮。

    3) 房型其實無特定,尺寸最好至少有300呎,可以附合到一個家庭的最低限度需要,投資價值會較好。

    其實我地投資一間物業,最重要都是睇翻該物業的質素,呎價,預期租金回報率,特別是利用「呎價,預期租金回報率」去比較同區同類單位,以確定該物業的平貴水平。

    另外,你再要審視其升值潛力,未來地區上、交通上、生活等等的配套發展,才去下一個結論,咁會較好。

    ------------------------------------------------

    Q22054:

    你好 龔sir,Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業

    其實我一直都想理財 覺得你講嘅理論好實用及貼地,好有循序漸進嘅思維。

    老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑!

    我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!

    老師 就我個人情況 我有幾大重點想請教 先講我背境

    今年34歲 未婚沒有仔女 每年有年終雙糧及花紅 年薪為一百萬多啲

    換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票

    1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度

    2. 股票約有 450k 全部都係2-3月入
    788 - 10000股
    823 - 400股
    1177 - 4000股
    1448 - 2000股
    1833 - 400股
    1928 – 2800股
    1972 - 5600股
    3067 - 6000股
    3918 – 2000股

    3. 月供股票 每月10k – 由本年3月先開始供
    00175 – 2k
    00700 – 2k
    01211 – 2k
    02800 – 2k
    09988 – 2k

    4. 沒有其他兼職及副業

    問題:

    1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?

    2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D?見住自己D投資上上落落 我連唔蝕都無信心 應該點好

    3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?

    4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁

    5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?

    6. 年年交稅都10幾20萬 好肉赤 有咩方式可以減少 或更好處理方法

    最後想問阿sir你係咪真係有開到糖水鋪?哈哈 我要去幫襯一下 ! 謝謝

    龔成老師:

    我不會公開你的名,不過問題會放上網,等更多人能學習。

    1)你現時的理財不差,配置平衡,同時配合你的年齡情況。但如果要去到$1000萬,就要再加努力,因為你現時每月儲到$16000,一年約20萬,就算計及投資回報,以及你現時持有的資產去增值,要滾存到$1000萬都不易。

    除非你之後用一些較進取的方法,例如集中投資潛力股,以及自己發掘潛力股,早市場一步找到,投資並得到數倍計的回報,就有機,但這要你付出較多,你要每星期花大量時間去尋找潛力股。

    2)我地最重要睇長期回報,目標一年有10%-15%,但不用每年睇,而是睇長期的平均,你已經方向正確,保持進行就得。

    只要你多做功課,全面了解企業,以及其增長力,就會好有信心。

    3)你要睇長期,你的思維仍停在短期股價。其實你要睇「企業成長及價值」先得。

    4)你要多了解自己。如果唔知自己想發展D乜,就「試」,有時試試下,你就會更了解,例如試下做小生意,找一些你平時不會想過做的兼職,唔好浪費左你的時間。

    如果無野做,就花多D時間去研究企業,睇年報。

    5)最重要是你預留$30萬以上的現金,餘下先投資,由於2022年與現時已接近,因此這$30萬不宜投資。

    只要預算要結婚的資金,準備好。餘下資金就算進取少少,都無問題。

    6)如果有需要,就開公司,當然你最好問翻會計師佢地的意見,現時公司頭$200萬的盈利,交約8%稅,比高薪打工仔交的稅仲少,你可以上網了解下。

    ------------------------------------------------

    Q22055:

    龔成老師你好,我想问下7522只股,当时听朋友介绍买下7522,平均价为3.75买入8万股,这股现在一直向下,我应该怎樣处理,是否应该溝貨,还是走货?请賜教。

    这只股會否會跌倒变费纸的

    我不憧买股,这段时间看了你的视频,知我买的股亂七八糟,有909、9888 全部虧損。我有一百万來投资,现在用了一半,我应怎樣重新组合,麻煩晒。

    龔成老師︰

    你先要緊記一個好重要的概念,我地買入一隻股票,一定要知道佢質素、行業前景、財務狀況等,才去投資。

    唔好聽朋友講、或者聽消息,就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力,都答唔倒自已,咁就要停一停,唔好投資住。

    FI二華夏納一百(7522)投資目標是提供在扣除費用及支出之前,盡量貼近納斯達克100指數每日兩倍反向表現(-2x)的每日投資業績。

    如果納斯達克100指數跌1%,你就會獲利2%(另扣管理費)。但若然納斯達克100指數向上,你就會虧損。

    我對這類產品有保留,納斯達克100指數在過去一直反覆向上,所以長遠計持有這股對你"不利",一定多於"有利"。

    建議你長遠就算不全數沽出,也最好沽出大部份,換碼至其他優質股較好。

    其實,我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。

    因此,你在選擇應該投資那一類股票時,會係因應你人生階段、投資經驗和風險承受能力,去做決定。

    假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。

    但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。

    明源雲(0909)和百度(9888)都係偏向潛力股類型,都係有長線投資價值。若你係年青至中年人士,只要唔係持有過多,可以守。但若佔你佔合較多,最好沽出部份,去平衡一下風險。

    若你對投資知識不多,我建議你先用月供去儲貨。現在你每月先用5成儲蓄做月供。其餘先儲起,用一邊月供一邊儲蓄的策略。

    大市現處於合理水平,餘下50萬和每月儲蓄,就等大跌市機會出現,才大力度掃貨,並長線投資。

    若你現時組合,只係得1,2隻股票,我建議你都將部份股票,換碼至上述優質股,令組合風險可以更分散,整個組合也會較健康。

    ------------------------------------------------

    Q22056:

    老師,我近期抽到白居二,想購入沙田愉翠苑,為小孩的校網作準備。

    問題1. 三房盤唔多,呢期成交量又高,價錢有的癲,三月至今升了12.3% 有的單位價亦企得好硬,心怕而家唔安排,睇定啲遲下連盤都冇!借問一聲,你有何看法?

    問題2. 看新聞明年會加息,我究竟用H息口好,定用P息口好呢?

    人生第一次 去選擇買樓 這麼重大的決定,真想跟老師分享

    有睇中到盤, 但價錢不到位,預700-720萬, 睇中單位為740萬,在想要不要去馬, 怕錯過左, 之後就冇合心意的盤...

    老師...求你指引我...

    龔成老師︰

    1) 本身三房這類大單位,供應係較少,故價格較敏感都係正常。雖然佢近期升左唔少,但由於白居二始終跟市價,有一定拆讓,故有一定吸引力。

    加上這個是你自住房,考慮重要主要係是否配合「你長線生活需要」和能否做到「供得起」。如果係無問題,你都可以考慮入市。

    2) 明年是否加息,暫時都係一個問號。以現時狀況計,H息會較好。但政府規定,居屋只能用P按,故你其實無得選擇。

    ------------------------------------------------

    Q22057:

    老師你好!我係你股票學生,完最後一課,感受到老師的愛心同努力,一星期兩晚3-4小時站立不停講課,課程內容非常豐富,非常感激, 辛苦你了。

    另外,想請問之前不懂股票,自己又想穩健及有利息,買了:

    恒生銀行 。3500
    匯豐銀行。4400。
    領展。$2000。(月供)
    盈富基金。$3000 (月供)
    小米。200
    瞬宇光學。300

    其實之前買匯豐恒生作收息,其他是認識你後才購入。我知道要減持銀行股,請指教應該怎樣保留。謝謝

    龔成老師:

    你現時較大的問題,是銀行股較多,你不要再增持這類,你應該溫翻第2堂的筆記,慢慢調整翻一個適合你年齡及風險承受程度的組合。

    我會建議你過1年後,經濟好翻D,匯豐(0005)上翻D,減持部分,餘下就慢慢減,直至去到適合你配合配置的比例。

    至於恆生(0011),質素比匯豐好,因此留低的比例不較匯豐多。

    至於其他選股,其實無問題的,都是一些有質素的股票,你持有無問題。至於月供部分,你可以長期進行。

    ------------------------------------------------

    Q22058:

    老師 我抽中白居二 但而家二手樓市都好貴

    但唔利用今次機會又怕再抽唔到
    你覺得其實買公屋(eg 華貴邨)有你升值潛力?

    樓齡29年 - 但好似有地鐵2026年華富有地鐵。

    另外一係買私樓 要承擔有機會租唔出時 要俾供費 ,心目中係天水圍wetland seasons bay.

    主要都想升值 搵到錢 可以財務自由!

    你點睇呢兩個選擇,我知都幾大分別.....

    龔成老師:

    從自住的角度,你好好運用白居二會較好,公屋在投資角度的價值不及私樓,但從自住角度,其實可以考慮,因為你能以較少的現金流支出,解決了自住方面的問題,你就可以有較大的餘下現金流,去進行其他方面的投資。

    華貴邨在地點不差的,港島區始終近中環,但地鐵相信有排先起好。因為佢要拆左華富邨,安頓好原本的居民,之後先用地鐵一整發展,相信要10年時間先落成。

    華貴邨在公屋裡,算是有質素的,但不是大升類,只是平穩增長。如果你從自住的角度考慮,不是不可。

    ------------------------------------------------

    Q22059:

    龔 Sir,現時持有:

    1000 股 9988 @$213
    4000 股 1928 @$36.9
    120,000 股 728 @$2.58
    2000 股 941 @$48.7
    30,000 股 3033 @$7.9

    請問對此組合有何意見?建議加入金股,車股到組合?

    現時買 7299 定2840 會較好?

    龔成老師:

    你現時持有的股票,基本上都是有質素的,其實問題不大,你持有就得,部分股雖然略有回落,但長線有得守的。

    但你長遠,最好建立一個更平衡的組合,同一股票,最好佔組合比例15%以下。

    你可以加入SPDR金ETF(2840),這是一隻追蹤黃金價格的交易所買賣基金,當金價上升,佢都會上升,當金價跌,佢都會跌。

    睇翻佢過往的價格表現,基本上都追蹤到黃金的價值,因此都可以成為投資黃金的工具。

    只要佔組合比例不過多就得。

    ------------------------------------------------

    Q22060:

    想問,其實如果我長揸6666,唔會會可以上番去呢?

    好驚佢會爆煲啊,到時渣都冇

    龔成老師︰

    若母公司出事,的確有機會出現,母公司要沽出恒大物業(6666)股權套現還債的情況。如果真係出現,的確會令股價受壓。

    但你要記住,我地投資係睇長線,和企業本質。恒大物業(6666)負債情況,無母企咁差,加上物管行業,預期未來會發展得唔錯,因此有投資價值。

    不過,集團大部份物業,都係來自母公司。故母公司出問題,令發展減慢,有機會會影響到集團發展。

    當然,這些都是未知之數。以現時狀況計,恒大物業(6666)都有投資價值。如果你真係較擔心佢前景,你可以沽出部份,去平衡風險。

    ----------------------------------------------

    若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。

    另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。

    由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。

  • 本假屋唯香結婚 在 暗網仔出街 Youtube 的最佳解答

    2020-10-31 10:13:55

    10月28號到12月1號期間, 如果買兩年Plan有1個月免費優惠和一份特別禮物!
    Nordvpn每月只付3.71美元會有3折 (68%折扣)優惠再送一個月全免費service給你!!!
    請使用以下連結: https://nordvpn.com/deepwebstreet
    優惠碼: deepwebstreet

    Instagram: https://www.instagram.com/dw_kid12/

    Facebook: https://www.facebook.com/deepwebkid/?modal=admin_todo_tour
    訂閱: https://www.youtube.com/channel/UCKC6E5s6CMT5sVBInKBbPDQ?sub_confirmation=1

    Spotify: https://open.spotify.com/album/2LjUOH9T9j21GiX8jzytu6

    異度空間恐怖APP: https://www.youtube.com/watch?v=6PiyPZ3d_Fw&t=12s

    首支單曲: https://www.youtube.com/watch?v=UASHWB6Ai9Y

    鬼故事: https://www.youtube.com/watch?v=-CfqxuCHq3Y&t=3s

    我的成長故事: https://www.youtube.com/watch?v=Kdhtp6A6YJE

    我講 '香港' 10,000次: https://www.youtube.com/watch?v=-G4uDe3QUfs

    我受夠了, 我的精神困擾: https://www.youtube.com/watch?v=aQ6uxaQhiS4&t=7s

    24小時內學印度話: https://www.youtube.com/watch?v=g3EmtyVK1BQ&t=55s


    細說5部最令人不安的噁心恐怖片
    細說5部最變態扭曲的噁心恐怖片
    細說5部最變態扭曲的噁心懸疑片
    解說5部最變態扭曲的噁心懸疑片
    10分鐘看完5部最變態扭曲的噁心懸疑片
    12分鐘看完5部最變態扭曲的噁心懸疑片
    12分鐘看完5部最變態扭曲的恐怖懸疑片
    12分鐘睇5部最變態扭曲的噁心懸疑片
    10分鐘睇5部最變態扭曲的噁心懸疑片
    10分鐘睇五部最變態扭曲的噁心懸疑片

    最近萬聖節就快到, 令我晚上睡覺前moon moon地總會想看一些cult一點奇怪一點的東西. 但Netflix上就算用Nordvpn也找不到那一些...比一般恐怖片更底層, 到達人類最變態扭曲程度的電影看. 所以要到網上深處才能滿足我這隻好奇的貓. 由將3個人身體縫在一起的扭曲畫面到一個被自己兒子chum fan的爸爸到一個女生...那個地方生牙的故事, 今天就給大家看暗網仔看過史上5部最變態扭曲的恐怖片.

    記得看完後留言你覺得看過最變態電影是什麼.我發覺這些恐怖電影通常都有一個怪人出現的. 像這樣...

    人型海象(Tusk)
    挺難想像一部講si手術把一個正常人扭曲變成一隻海象的K型電影, 會是由喜劇演員Kevin Smith導出來的. 被視為黑色喜劇的2014年 ‘Tusk人型海象’ 一定是今天這個list最不驚嚇的電影. 只是之後畫面有點噁心. 先給你一些心理準備.
    故事講述由Justin Long主演的當紅播客主播男主角爲人jim suen huk bok, 欺負自己pak dong gim老死. 對女朋友也常常不忠. 工作fan chuw主要拿其他人的爆紅短片在自己節目中取笑.
    近日不小心jam斷自己條腿的肥哥哥成網絡笑beng, 令男主角把心一横! 由LA飛到加拿大找肥哥哥來做個專訪.

    到達後發現原來肥哥哥因受不了yu leun壓力已自殺. 不滿失去了choi訪對象男主角只好到洒吧借洒siu suw見到一份招租客的廣告. 深信能找到精彩choi訪對象的男主角到達了一個殘障老人的大宅. 老人開始敘述自己年輕時做海員種種經歷. 其中有一次差點淹死但給一隻海象救回性命. 最終還犠牲了海象吃了他保存自己性命.
    之後就對海象產生感情, 還放一條海象been在自己的家.
    不久男主角因爲杯茶下了藥暈倒. 醒來後發現自己的腿被切斷了. 老人解釋是因為一隻毒蜘蛛咬了他迫於無奈才對他si手術. 發狂的男主角被一直在扮殘障的老人gauw fun了一fan.
    到晚上男主角想打電話給女朋友和老死求救. 但一直暗戀女朋友的老死不聽電話.
    被發現後老人馬上對男主角si變形手術, 誓要將他的海象起死回生.
    早上聽到口suen的女朋友和老死馬上飛去加拿大想救男主角但已經太遲了.
    我要給你看的畫面挺噁心, 請有心理準備. 3,2..
    用海象皮縫在一起的男主角舌頭被剪斷,只能像動物大叫和大哭. 老人迫男主角吃魚想yin起他的獸性本能
    另一邊廂女朋友和老死到了加拿大找由Johnny depp sik演的偵探幫手找男主角.
    老人的終極計劃是因為覺得自己當日kwuy him了海象想sik演一場海象對海象的終極大戰鬥.
    同時女朋友等人趕到大宅老人剛好被男主角殺死.
    故事的結尾就是男主角在動物園裡度過餘生女朋友偶然去探望他.
    完片.
    品德壞的人been爲chook生其實跟華人民間傳說甚至佛家思想相似. 西遊記也常常有這種做豬做狗的劇情. 不知道男主角的否跟導演一樣suey啦! 但將人變成海象的概念的確是導演做網台節目時一個笑話開始的.


    人型蜈蚣 (Human centipede)
    笑話來講中學時跟朋友常常講人型蜈蚣這些慨念的重口味笑話互寸。即是如果你的嘴巴跟我的肛門連在一起, 那我每次gup的時候你也有juek so...我知道...很噁. 但真的有這麼一部的電影.
    2009年電影Human centipede講述女主角和她朋友一走由美國到德國旅行. 不幸在森林途中車子死火. 兩人只好到最kun的住宅求救. 想不到住宅住了一位變態的外科醫生, 而他but生的智yuen就是張3個人從口到肛門連在一起造成一隻tung一消化系統的連體生物.
    兩位好快被變態醫生juy fook並綁起. 房中還有會做 “啊一” 的日本男子.
    得到這恐怖消息後聰明的女主角成功逃脫, 但愚蠢地為了回來救自己的好朋友最後還是被抓到.
    手術後一隻完美的人型蜈蚣成功誔生. 開心到哭的變態醫生像動物一樣訓練人型蜈蚣但被抵坑. 還有這段小時跟朋友常常談論的經典場面!
    此時幸好查問兩位失蹤女子的警察到場後, 給機會人型蜈蚣好痛苦地打傷醫生然後逃走.
    最後人型蜈蚣大戰變態醫生即將爆發之juy, 日本男子啊一突然自盡. 警察再次bao po驚嚇發現人型蜈蚣. 之後跟醫生在泳池槍戰. 最後3人身亡.
    最後連女主角的好朋友也sing suw不了折磨病Suy. 女主角就卡住在人型蜈蚣中間, 電影最後一幕就是cheuy著她的叫聲鏡頭慢慢移往天上.
    完片.

    之後出的人型蜈蚣2和3據說也不及第一部好看. 通常導演第一部作品是最反應個人心聲的.

    The strange thing about the Johnsons
    那導演Ari Aster第一部微電影The strange thing about the johnsons是否反應他對自己爸爸的愛呢?
    他的成名作Hereditary令我長大後看鬼片第一次失眠. 他最近白天恐怖片 Midsommar也相當破解. 但他第一部電影學院畢業作品説一個兒子強姦自己爸爸的故事, 是我看後心ling覺得最創傷的電影.

    Johnsons是美國中產的一家三口. 故事開頭爸爸進兒子房間發現他在打飛機. 安慰他説這種行為是正常的. 之後鏡頭看到他用來打飛機的照片正是他自己爸爸. 14年後兒子準備結婚, 被媽媽jong破兒子在幫爸爸口交. 苦惱的爸爸身為作家只好將這麼多年兒子對他做出的性侵行為寫成傳記’Cocoon man’準備給自己妻子閱讀, 但慘被兒子發現. 之後, 爸爸在jum yeuk時兒子chong進廁所把他雞姦. 聽到爸爸的叫聲媽媽只好扮yuek mo key si繼續看電視. 第二天爸爸帶著另一版本的 ‘cocoon man’ 想走出街時被兒子發現, jung jup下爸爸被車撞死.
    葬禮後媽媽終於質問兒子. 問10年前為什麼他學校舞會後爸爸會在廁所哭了幾個小時. 兩母子終於大打出手. 媽媽將兒子殺死然後燒毀了’cocoon man’ 把這個秘密永埋藏下去.
    完片.
    有人說一個導演一生其實也是不停拍同一部的電影. 家庭陰暗面是導演Ari aster由第一部到成名作hereditary也環繞的題目. 那部片又是啊媽對兒子, 爸爸又是被害的. 這種鄰理關係又會不會是導演親自體驗呢?

    大部分人被‘Johnson’s’ 題材嚇chun之餘亦有網友覺得用爸爸作為受害者的角色反轉傳統對這些關係中誰是強者和弱者的觀念.

    小心有牙 (Teeth)
    最常被視為最弱的少女, 2007年電影小心有牙給了少女女主角身上內置最鋒利的武器. 那裡...有牙. 而不止一次咬到人.

    故事講述身為基督教處女的女主角從小到大下體都時不時長出尖銳的牙齒. 有一位常常對她色迷迷的繼兄而及過份保守的教育環境令她對性思想上感到抗kuey.
    做完一場有關禁慾的演講後女主角haiy huw她認為很英俊的男主角之一我們簡ching為 ‘男1.’ 之後女主角, 男1跟另外兩位朋友一起出街, 看戲甚至到森林那邊游水, 給機會女主角和男1開始獨處, 男1憶述自己一年前失身令女主角開始有做愛甚至嫁給男1的幻想. 之後兩人在水中初吻. 游到洞穴附近情不自禁的男1脫褲子想與女主角發生關係. 儘管女主角尖叫反抗, 男1還是強硬地進入女主角. 突然間男1開始慘叫! 我們發現他整個陽具都被咬斷. 之後男1掉進水裡.
    震驚的女主角之後做所有事都開始失魂落魄甚至對婚姻, 性, 感到迷忙.
    之後女主角被另一男子, 我們稱為 ‘男2’ dap San. 男2嘗試約女主角出街但被拒絕. 女主角開始研究自己的特殊問題發現原來民間傳說中真的有這種’Vagina dentata’ 的事件.
    女主角找醫生檢查, 醫生便開始對女主角不太規則. 不太舒服的女主角最後令醫生手指被牙咬斷.
    逃跑的女主角走到男2的家哭著向他解釋一切. 洗澡後的女主角發現男2製造了浪漫情調, 二人開始做愛. 因為是情願的情況下女主角沒有咬男2. 早上他們再來一次但突然男2收到他朋友的電話. 被女主角發現男2跟他朋友打賭他能不能跟女主角上到床. 生氣的女主角不小心咬斷男2. 另一邊廂女主角的爸爸與繼兄爲錢jung jup被打傷. 女主角為復fook回家tiuw yun她繼兄. 他們開始做愛女主角咬斷了他然後這一幕我一生都記得. 我可能不能給你們看, 但他們隻狗吃了繼兄的弟弟.
    殺了幾個男人之後女主角只有逃走. 她被一位老白接走了. 電影最尾女主角到達一個油站, 我們看到老白有這個see yi, 女主角望向鏡頭再笑一笑. 完片.

    這部是唯一一部當年14歲的我上ying時去看的電影. 當年原本覺得女挺正的! 但看完電影後就沒有了這個幻想了. 之後女權人士也jan這個保護被侵犯的牙其實挺好的.

    我唾棄你的墳墓
    經典女權電影就要看最後一部電影. 如果你還我超愛你的! 有被全個英國指為最 ‘令人厭惡的影片’ I spit on your grave. 真實描kwooy輪姦加復仇, 看一個弱者如何在最惡leut的環境生存到最後!
    這部片雖然令人厭惡但由1978年第一個版本起已被重拍N次. 故事大ji一樣. 今天我用2010年電影版本.

    故事講述女作家女主角想爲新書找靈感去美國鄉村度假屋住幾日. 因為找不到地址到了附近油站問路引起男職員的性趣. 到了度假屋後她晚上好像聽到一些怪聲驚地不小心倒seh自己飲品要服衣服洗, 發現女主角正在被人偷拍. 第二天她水管壞了有這個傻仔幫她修理.

  • 本假屋唯香結婚 在 果籽 Youtube 的最讚貼文

    2020-10-08 20:00:10

    #阿聯酋 相關影片:
    中東阿聯酋100多萬買800呎單位 寶馬BMW平治Benz唔洗30萬!法拉利都係200萬!$4/L油平過買水
    https://youtu.be/pyTbPbYcKSo
    阿聯酋福利極高 男士滿18歲政府送地起樓 結婚全包 包讀大學送書簿電腦 香港人移居容易 但入籍無可能
    https://youtu.be/RbPXHdULhXs
    世上唯一7星級阿聯酋杜拜帆船酒店 私人直升機或勞斯萊斯Rolls Royce車隊接送 金器係員工制服一部份
    https://youtu.be/DdaIT4W9838

    | 千一萬入場—3000呎杜拜海底豪宅 珊瑚魚種任你揀
    難得來到世界最奇特建築的集中地杜拜,便帶着獵奇心去了睇樓。驟眼看以為去了一趟馬爾代夫,其實是杜拜繼世界第一人工島棕櫚島後,第二個落成的世界島(World Island),是杜拜政府和發展商Kleindienst集團重點發展的新項目「歐洲之心」,人工島上建造德法意瑞等不同主題的歐洲度假村和住宅,當中最矚目的就是房間起在海底的海底別墅。

    前往離杜拜海灣四公里的世界島要先坐遊艇再轉小船。坐船睇樓真還是第一次。小船駛進工程仍在進行的「聖彼得堡島」,還未泊岸,長駐示範單位的管家已向我們揮手歡迎。海底別墅遠看就像個盒子,上屋後覺得置身在馬爾代夫。3,000呎的海底別墅樓高三層,中層是客廳和飯廳,推窗出去是度假村才有的平台,附設水彈床和座椅,一跳出去就是阿拉伯灣,更可浮潛和潛水;頂層有休憩空間和特大玻璃底按摩浴池,底層當然是主角:水底睡房。

    推門進去後無不訝異,一整個海底就在眼前,魚兒擁在窗前像特大魚缸,不說以為自己在水族館。每幢別墅前後也有珊瑚花園,可根據個人喜好選擇種不同顏色、能吸引特定魚類的珊瑚。杜拜政府關心海洋生態,希望以健康的天然生態吸引海洋生物,因此海洋生物學家會駐守島上,監察海底環境。現於當地開設私人投資顧問公司的80後港人黃霆華(Chris)說:「海底別墅入門價錢1,100萬港元就買到,更送管家和女傭終身授用,同時有24小時醫療、救火等安全團隊。不過這項目別墅經已售罄。」

    影片:
    【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
    【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
    【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
    【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
    【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

    果籽 :http://as.appledaily.com
    籽想旅行:http://travelseed.hk
    健康蘋台: http://applehealth.com.hk
    動物蘋台: http://applepetform.com

    #果籽 #杜拜 #馬爾代夫 #移民 #投資顧問 #珊瑚魚 #StayHome #WithMe #跟我一樣 #宅在家

  • 本假屋唯香結婚 在 李根興 Edwin商舖創業及投資分享 Youtube 的最佳解答

    2018-09-03 22:12:11

    第76創業知識《哈佛分享:「搵錢、結婚、生仔」點算好?》

    我相信好多阿媽都同阿仔講, 大個咗要搵到錢,大個咗要結婚,大個咗要生小朋友建立家庭。 咁樣才會有開心嘅人生。佢哋講得啱唔啱呢? 

    根據哈佛心理學教授Daniel Gilbert 指出,答案在影片裏....

    ......................

    全文:


    而家喺星加坡同我老婆同三個女,趁開學前放下放假。 我相信冇人會反對人生其中一個最開心嘅時候就係同屋企人放假去旅行嘅時候。


    包括我在內,我相信好多阿媽都同阿仔講, 大個咗要搵到錢,大個咗要結婚,大個咗要生小朋友建立家庭。 即是唔係咁講,都肯定唔會講大個仔要窮,記住成世要孤單一個人,唔好結婚同有仔女,種下禍根。 


    咁其實我阿媽、同你阿媽講嘅嘢啱唔啱呢? 有冇科學根據? 錢能唔能夠買到快樂? 結咗婚係咪真係會開心啲? 生咗仔女咁又點呢? 根據哈佛心理學教授 Daniel Gilbert 過去30年嘅研究, 佢話阿媽以上三大智慧係啱啲唔啱啲。 而家同你逐一講講。


    今個月我剛剛就去咗佢喺哈佛講Happiness 嘅一課, 循例我好鍾意坐第一行,佢無話唔俾影,個個學生喺咁影相,我又唔係學者,我只係一個專賣鋪嘅生意佬都同你分享下我學咗啲乜。


    第一:阿媽話,大個仔要搵到錢。 咁錢係咪越多,會令你越開心呢? 答案,yes! 真係,越多就越開心。 Never go back down. 邊個扮清高,話錢買唔到happiness係錯晒。 有錢人就係開心過窮人。不過根據哈佛教授Daniel Gilbert 指出, 錢喺大約去道每年六萬蚊美金嘅收入, 即係每個月三萬九千蚊港幣,你就大約已經買到95%嘅happiness。 諗真啲,每個月三萬九千蚊港幣,其實真係唔係太多。 當然世界每個地方嘅生活水平唔同, 但個idea 就係如果你要再開心啲,更加多嘅收入其實如果你同樣嘅洗法都只係畀多你人生5%嘅開心。 


    咁點樣洗法先能夠更加開心呢?1. 買多啲經歷,買少啲嘢。 因為經歷,例如去旅行,每個人係獨特嘅,無得比較。 但如果你買咗架法拉利,見到側邊嗰人揸住架林寶堅尼, 你就覺得點解佢架車仲靚過你。2. 洗多啲喺人哋身上,洗少啲喺自己度。 點解有錢佬好鍾意捐錢, 因為幫人都係一種滿足感。3. 放多啲錢係關係上, 有人同你分享,遠遠開心過自己一個獨食。 信不信由你,我幫到個租客做生意,我都真係好開心。 佢賺多一萬,遠遠開心過我自己袋晒。


    Breakdown 呢,睇下呢個chart, 開心嘅程度, work 工作, commute 即係揸車搭車去上班嘅時間,TV 電視就係咁開心。 好多人話有錢之後就攤喺度乜都唔做, 但其實嘆喺度開心嘅程度,同work 都差唔多。 咁乜嘢係最開心呢? 教授話係 talk and sex. 你明啦,我諗唔使翻譯。 佢話,所以如果你有錢嘅話唔應該休息多啲,係應該多啲 talk while having sex.  真係佢話㗎,今晚試試。


    第二, 結咗婚係咪真係開心啲呢? 呢個我有些少利益衝突,即使唔係,我都唔可以講大聲。 但研究指出,答案又真係,係喎。 過去嘅50年嘅研究指出,結咗婚嘅人就係開心過未結婚嘅人。再細緻啲睇,結咗婚嘅人就係開心過cohabiting 同居嘅人,同 single 嘅人。 離咗婚 divorced 或者 separated 分開咗嘅就最唔開心。 


    但結唔結婚,隨著歲數都好影響開心程度。 佢哋全部都係二三十歲嘅時候最開心 ,去到四五十歲就中年危機,七八十歲嘅時候又回覆童真。 但留意喎,四五十歲未結婚嘅人係最唔開心, 因為一世人入面唔知最終結唔結到。 去到六七八十歲呢就認命,開心返啦。


    但記住喎, 以上嘅圖雖然結咗婚嘅人係開心啲。 你要搞清楚,係因為佢結婚而開心,定係因為佢本身係個開心嘅人而吸引多啲人想同佢結婚呢? Correlation (相關)唔等於 Causation (因果關係)。 教授話你要搞清楚個關係喎,佢都未有答案。


    佢只係知道結咗婚嘅人,都唔係all the way 開心㗎喎。 結婚之後嗰一兩年係最甜蜜嘅, 之後就一般啦。 我結咗婚13年啦, 都細細聲同你講唔會相差太遠。 但離婚呢? 男人? 離婚前一年就最悲哀,之後就一支箭咁標上去。 女人就反而比較平穩啲喎。 我諗男人最明點解啦! 


    第三, 睇完錢同老婆,睇下生仔女啦。 Kids are pain in the ass, 我諗好多父母都會贊成。 原來阿媽話結婚一定要生仔女先至開心,呢個係錯㗎喎。 唔怪得知,我最開心嘅旅行,通常都係同我老婆兩個人去嘅旅行。


    教授Daniel Gilbert 話non parents, 一般係開心過parents, 更開心過 parents with minor children. 即係有細個嘅小朋友,即係我呢啲,係最唔開心。佢話研究數據指出,小朋友出世頭幾年係會令你越嚟越唔開心。 諗真啲,又啱喎。 啱啱出嚟嘅時候,成嚿飯咁,同佢玩乜都得。 篤下佢,彈下佢,no problem 。之後又要playgroup, 又要諗幼稚園,又要諗小一入學,真係想死。 我最近先至成日煩緊我細女要去小一入學面試。 小一入學嘅壓力係遠遠大過自己去大學或者求職面試。 當年見傑青個panel 我都冇咁大壓力。


    數據指出作為父母,開心嘅程度,talking with friends 係最開心,eating 第二,grocery shopping 超市買餸第三,doing housework 做家務第四,咁being with children 同細路一齊呢? 只係高過做家務少少。


    全世界嚟講, world average 都係無細路係開心過有細路.... Just by 少少。 結咗婚嘅就好啲, 但整體上都係無細路開心少少。 如果你係單身single 嘅,你就更加唔開心。Divorced 離咗婚嘅, 係最唔開心。 因為大家都明白,離婚最難搞嘅就係仔女。 反而widowed 寡婦/寡佬就遠遠最開心, 因為始終老公或者老婆走咗之後,仔女可能就係佢哋唯一嘅伴。


    雖然全世界整體上都係無細路開心過有細路,但每個國家都有所唔同。美國呢就係比全世界好啲,Montenegro 又名黑山共和國就係最好, Macedonia 馬其頓就係最差。 香港我就無數據,我估應該好啲嘅,始終有工人姐姐幫手。 但一講起小一入學,我諗個個父母就會話我哋同Macedonia 差唔多。


    總結,點都好,有細路係開心嘅,不過唔好為佢哋而煩惱太多, 我成日同我老婆講 number one rule of parenting: Relax!  


    結婚? 好吖,only if you find the one you love and he or she loves you too。Love 唔到like 喎。 Like 喜歡係想得到,love 愛就要付出。唔好為結而結。


    最後,錢可以令你開心啲,但如果你能夠買多啲經歷,洗多啲喺人哋身上,同埋建立關係上面呢,你會更加開心。教授話 try to talk during doodoo 係最開心,今後搵錢、結婚、生仔、點算好,你懂啦!

你可能也想看看

搜尋相關網站