【#狂迷投稿】〈龍珠超劇場版: 布洛尼〉
—「當龍珠變晒大人睇」— 文： 謝信的藝文空間
－－－－－－－－－－－－－－
入場果時望過，無細路仔。
.
印象中呀爸都無同我睇過龍珠，反而呀媽有(佢只係八掛同驚兒童不宜)，有段時間電視喺深夜會播龍珠，果時間房有架電視機仔，我同細佬會冒死開黎睇，最後因為事敗太多次就俾人扔左部電視。
.
幾乎每次都係呀爸發現然後佢都唔會陪我地睇只會即刻熄左佢，我地聽到佢番左房又會冒死開番，如是者直至有一日佢唔再同我地玩呢個遊戲。
.
咁樣嘅經歷令我大少少之後就決心要睇晒龍珠無論漫畫正傳定動畫劇場版，漫畫最開頭只係執啲勁平嘅二三手書，唔連期嘅，講緊係小學果時，儲得好辛苦，動畫呢就一隻一隻碟買(真係儲齊架)。點解講呢啲，因為咁你可能先會明我睇完果下嘅心情。
.
我估無人睇龍珠係為左睇色情，細個梗係睇佢熱血架啦，好似死侍咁，唔使理咁多架，總之邊個搞到悟空就要打(龍珠入面邊個唔係出場就同悟空打過?)，悟空開頭好好打咩？佢輸過好多次啦不過又打番起身啫嘛，佢就係唔怕死鍾意用拳頭解決問題(呢方面同天不怕地不怕至怕無架打嘅方世玉幾似)又真係幾大嘅問題都俾佢用拳頭解決到直到破壞神嘅出現，但係之前，喺相隔18年再播放之前，喺龍珠戰士仲係一元宇宙之前，喺悟空
好多戰鬥都唔係靠力量突破最後點都要乘埋友情力量要朋友幫手加油之前，有一個敵人，足足要悟空一家打左三次，撇開商業元素，呢個角色今日可以寫入正傳，自有其由。
.
係，當年正傳定劇場版，睇過最熱血一直係布洛尼初登場嘅五大超西爾人，基於當時悟飯係可以變超撒，推斷呢集時線大概係斯路篇後布歐篇前，呢集當時意義就係龍珠第一次儲齊五條煙喇，然後好爆咁話你知，佢地全部俾一個人毆打，打到比達要放低自己王子嘅尊嚴，打到悟空講左句後來成為左史上最經典嘅動畫對白：俾啲能量我等我打贏個惡魔。
.
論激烈程度，果集梗係比唔上，今集龍珠係人物情節都非常成熟，而且平衡得好，用30分鐘交待前情(最滿意父母同悟空告別一幕)，由王子帶頭熱身到悟空到一齊上，層層遞進密不留縫一氣呵成，又深化左布洛尼令佢成為繼悟空比達後龍珠史上最重角色，為超撒定義正名。
.
唔只咁，今集龍珠簡直令人刮目相看，主角布洛尼嘅設定惹人垂憐，借佢嘅成長鳥山明仲講出左錯誤教養嘅苦果，由細睇龍珠大，呢套漫畫雖然通常只係為左睇悟空同人打，但都有佢教育意義，最簡單如要愛惜地球，保護各樣生命，為正義而戰呢啲小朋友睇到咩就收到咩嘅價值觀。
.
以前嘅龍珠，好直接；
以前嘅悟空，真係一個細路。
.
不過呢18年佢地真係經歷左太多喇，宜家嘅悟空竟然識喺戰鬥入面講果番說話，然後由於佢地今日已經太強，一唔夠打只要進一步變身就再黎，一個喺舊版會虐打佢地嘅角色(當年比達俾人打到變大青蛙由岩石瀡落街)黎到今日好似只係一次怒放而內心痛苦嘅發泄，呢點悟空同比達似乎都感應到(維斯直頭當對住個亂發緊脾氣嘅細路咁)
.
對好多人黎講，龍珠一樣咁好睇，但咁樣嘅龍珠，好似已經同以前好唔同，今日悟空已經宇宙級，比達亦唔再係個襯托悟空嘅配角，18年後原來，王子係最大贏家。
.
以前劇場版點都會出現幾個嘅龍珠戰士，今次唔見。(連無閑同18號都唔見呀)
以前打布洛尼係父子檔架。(有我最愛嘅末日戰士杜拉格斯)
唔知道過多幾年，龍珠會唔會變晒得大人睇呢？
.
留個言聊聊吧。
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
#龍珠超劇場版 #布洛尼 #龍珠超劇場版布洛尼
Neofilms 新映影片

最初版的爆裂世代沒玩過巴XD真的超猛只有ㄧ個字 瘋狂爆裂 阿講到4個字了

喜歡我的話請務必訂閱我歐!! 想看到更多影片的話記得打開鈴鐺(才可以獲得其他時間不定期發片的第一手消息歐!!)我每周2周4晚上7點44準時發部影片
----------------------------------------------------------------------------------------------------------
如果可以的話務必追蹤我的IG和FB歐
IG:https://www.instagram.com/namaste0729/
FB:https://www.facebook.com/%E9%82%A3%E6%91%A9%E6%96%AF%E6%88%B4-namaste-469932373377438/

安娜李自製節目 分享日韓流行音樂舞蹈資訊
單元-櫻花+泡菜、翻滾卡路里
羅志祥最新專輯主打歌-有我在 "末日戰士舞" 副歌舞蹈動作 鏡面版 分解教學


影片出處: http://www.youtube.com/watch?v=YWZ2-WEMdDk