再次感謝。 Repost from @c_plus_music using @RepostRegramApp - 再次多謝周耀輝老師和一眾歌詞班同學邀請，係私家叔叔同私家哥哥第一次以「樂評人」身份出席活動。我地實在孭唔起呢個稱號，雖然平時啲片叫做樂評，但音樂正如閱評流Alexander認為，是一種音樂選擇，屬於個人品味。你的口味未必和我們兩人相同，但見到各位熱愛廣東歌，能夠分享經營Page嘅經驗同感受都係一件好事。 呢次活動，我地仲要眉批歌詞班同學嘅作品，我哋嘗試理性解讀同學字裡行間嘅意思，再修飾出一個版本。但多得呢個場合，我地能夠同同學對談，知道撰寫歌詞背後嘅意思，先發現好多地方都刻意放喺入面。 我哋分配嘅係Lou同學寫嘅《仿生人夢見電子羊》，改編自達明一派《1+4=14》。分享會之前見到作者有啲用字比較奇怪，「潛行中經驗」「藍圖的羔羊」。我地認為詞性錯配，正如唔會配潛行，迷途羔羊又點會有藍圖。於是在作者文字試作出一啲更正，但最後三人再慢慢咬文嚼字分析時，了解多咗佢背後嘅想法，似乎一切都變得正常。 過程最大得著係要多聆聽多溝通，儘管文化、中文水平很高，但音樂產業不應只是在於歌詞，還要了解作曲、編曲人原意，以至歌手、監製的想法都要了解，如果唔問，永遠唔會知道作者心思。當作品去到你手上，已經成為你嘅作品，「人人一把口一百種真相」，每個人對歌詞都會有不同理解方式，所以唔好未了解清楚，就未審先判係一份「爛詞」。 不過，點解一定要作者解讀歌詞？ 歌詞從來唔能夠由單一角度了解，要配合曲風、製作人、歌者心意。音樂係一種藝術作品，應該要留俾樂迷繼續思考歌曲意思。正如耀輝老師所講，如果所有野揭開哂就無意思。只係因為我地要深度分析歌詞，先希望了解詞人背後嘅動機。若果呢首歌有機會面世後，約定大家討論歌曲深層意義啦！ 再一次感謝歌詞班的同學。 周耀輝歌詞班（一世唔畢業）同學會 Yiu Fai Chow 王樂儀 （Yves Wly） Stupid Music 論盡音樂 閱評流 年粵日 @yiufaichow @wonglokyves @culturebeathaha @daybyday_cantopop @yuen_yuenxd