光良裏只是意會－談蘇運瑩歌詞之敘事策略 ◎賴宥杉

　　

前言

筆者關注對岸音樂創作多以貼近生活的平實民謠為主，熱愛的創作歌手包含近年廣為人知的宋冬野、呢喃入懷的小眾歌手毛不易，以及由台灣音樂人李宗盛曾在北京生活十年半的結合創作帶領出來的助理兼徒弟－李劍青等人… 而在西元的2016年前後時，筆者與父親時常在睡前的相處時光運用影音平台回放<中國好歌曲>第二季，就是在當時銘記下了這位獨特的創作人－蘇運瑩；而除此之外，<中國好歌曲>亦有許多令筆者觸發情懷的創作，例如劉潤潔之<情歌貳>、劉雨潼之<等風來>，與唱出木心詩歌<從前慢>的劉胡鐵等人。

如果僅是一首琅琅上口的吹啊吹呀，我的驕傲放縱；其實並不會讓人如此記得｢蘇運瑩｣此人與創作… 筆者真切踏實地被她的作品驚豔則是使她獲得主打席位的那首<螢火蟲>；若說<野子>是她前行的意念，那麼<螢火蟲>則像是她為自己的音樂旅程攤開寫下的預言──

在文藝的任何創作上，筆者認為為自身的創作勾勒出脈絡與藍圖是很重要的。雖說重要，但著實也可遇不可求──而在藉由<螢火蟲>這曲創作後，蘇運瑩跳動靈現的筆調令筆者十分著迷；筆者也主觀地認可<螢火蟲>一曲為接收蘇運瑩創作的閘口… ｢從東牆到西域相意暖洋──｣，讓我們來看看精靈筆下的海。

　　

正文

(1) 談蘇運瑩作品中的結構及語句置換之革新

以作品<螢火蟲>、<精靈>為例

這兩首歌曲皆在通篇開頭處藉由他者回觀｢自我｣。像<螢火蟲>之｢凝聚匯成的光，若不是你，我們也許飄散低埋…｣ 到了<精靈>則是｢好像有時候會把自己吞噬，看高處山崖獨自呢喃…想想未來，想想朝夕；食物鏈子從縫隙裏看…窄小，卻能一眼致命。｣

而接下來筆者要討論的是這兩首作品如何以不同的形式，堆疊出它們擁有相似脈絡卻各自獨立的層次與空間。在<精靈>中可以感受到創作者明顯地將詞彙搬成磚，以類疊的手法建構出時間的延續；｢患得患失 患得患失，我要努力看向大地…經常從一個一個一個一個一個一個 天亮的尾巴，等待著一個一個一個一個，脈搏的悸動…｣ 而在<螢火蟲>當中，蘇運瑩將場域投射出去了；<精靈>是首偏向置放於胸懷裏自我纏繞的起跳飄離，而<螢火蟲>則是讓人以不在人間的視角去感受創作者為她自己、與我們準備的世外空間。 ｢海洋和浪緣在無際裏 圓圈著天際；邂遇是一條直線，笑臉是豐收的花綠… 靠過來聽迴響 艷過驕陽 心望守相，靠過來看山回樣 腳心一個方向 環繞過琉璃…｣ 筆者同望這兩篇作品時，在<精靈>中感受到的時間感為延續但凝固的，因它彷彿仍在等待…而空間也像是水平緩慢地流動與張望；而<螢火蟲>在時間與空間上都較於靈動閃現，彷彿真的像能撫摸到一隻螢火蟲身軀的紋路般，感官立體。

蘇運瑩曾說過她喜愛海，在她這兩首創作中，筆者接續著想探尋她如何透過字詞置換給予讀者她的海洋。

在這兩首歌中，筆者認為她唱著的海不是所謂太初即存的海；她的海──是她語言及旋律孵育而來的，我們首先看向<螢火蟲>。在<螢火蟲>中，在浪花以前，她為讀者借景山泉；而對於山泉，她也先提供了一個視覺帶入的角度，是天空；一切順流而下──｢像路過森林一樣 天空雲麥灰染 也會像山泉一樣，只叮響不主張… 從東牆到西域相意暖洋 海洋和浪緣在無際裏 圓圈著天際…｣ 當歌曲唱到後方橋段，在海出現以前，她也利用相似的方法先切入別的視角，再使後方的浪延續而來──｢彎沿的眼睛透過百合花欣相惜，一個位置一方富裕 準備停靠… 你是那跳耀著的百斑斕 我喜歡衝動的溫柔浪花 吸收寬廣一樣，同呼吸…｣ 她在<螢火蟲>中渲染開的海幾乎也讓人窺見大自然給予的平實及肯定，那就是水的循環；而我也認為兩匹不同的海，在<精靈>中的風格維持纏繞，在<螢火蟲>裏，便是生生不息的循環，如同她在音樂之路投放的力量一樣… 接下來回頭觀看<精靈>這片海。<精靈>這首歌一直以來讓筆者感受到的基調是在凝結固化的過程中去覺察脈搏的跳動──｢我可以許願明天，在困境邊緣揣出希望…… 滾石破霜而來 滾石破霜而怒，怎麼安穩平靜… 意望遙遠 意望遙遠；滿載車船 我可以當，心倉馬龍的富人。｣ <螢火蟲>中的海，是她自己是人們踏在浪上腳心一個方向、一同呼吸；<精靈>的海則靠近於在遠方凝視，也借代出在生命的困局中，人們如何抽離、如何意望遙遠、如何放空、如何重(從)新(心)拾起盼望與自信。

蘇運瑩在這些歌曲的基底中蘊藏了她清亮明透的海洋，使得讀著聽著的人們在她的聲線及句讀中有了段浮潛的時光。

(2)談蘇運瑩的創作軸心:時間當下的永恆性之觀察感觸

以作品<螢火蟲>、<冥明>、<光良裏只是意會>為例

在以上的作品觀察中，我們彷彿找到了蘇運瑩心頭上最理想的海洋。而對許多人來說，海洋在時間與空間上也正敘述著永恆性這個概念；除了人們直覺眼光投注的那綿延的浪及繾綣交流的浪花聲響外，海洋蘊藏的廣闊空間及其包容的生命力也幾乎是超越人們思想範疇的… 從蘇運瑩在創作上對永恆概念的詮釋中我們也能找到她人生觀的些許脈絡。

<螢火蟲>中的｢海洋和浪緣在無際裏 圓圈著天際… 永恆是盼耀過這一秒的時間｣到<冥明>的｢海鷗 眼睛 佔滿 海洋、海洋 懷裡 積蓄 金沙｣…對筆者來說，感受到的是不同空間共構出不同層次感受的永恆；盼耀過這一秒的時間此句，與海鷗眼睛佔滿海洋這段詞彙鋪排，都使人感覺到光陰的暫留，恍若不同空間視角卻延續了脈絡…讓人對永恆點了頭── 若說要命名這些關於永恆的歸類，筆者認為上述是從視覺與現實接觸的實體觸發出來的類型。那麼時間永恆性的暫留是擦邊而過還是抓得住呢？到了<光良裏只是意會>蘇運瑩這樣寫道｢抓住了一天撿光陰… 沒人能留的住所有奇跡，只有片刻 只想重來… 有天時間給予一切未知，只聞路程 只聽朝遺……｣從歌詞的開頭就已經明白她虛實交錯的開展下，這回的永恆觀似乎更為抽象；不藉由海不藉由生物，只聞路程只聽朝遺──在筆者對於這些歌曲來回聽閱過後，很個人的感思到或許<光良裏只是意會>中，去擷取永恆的載體或許為愛。這首歌唱到了後段｢拼命掏空以愛為名的賜騙，只有片刻 只想重燃；誰曉得年歲留下痕跡，誰知心愁解開心愁，誰何苦為難愛人？誰一直在等待相遇… 總會有答案，莫心急壞了定律的好事；總有揚長道理，好心的激沖也不能耍臉皮…｣也能呼應到在她個人的創作比較中，<光良裏只是意會>的確屬於較為私我、心中來回的確認及囈語。

在此節的最後，筆者將談到蘇運瑩在這幾個創作上埋入的人生觀；它們傳遞的其中一個共通點在於──心嚮往之，身隨附之… 有想法之時不猶豫，去做；想得到什麼，別猶豫了就去靠近──｢像燕子歸途把氣味丟村莊，所以欣賞垂簾 就要目睹垂簾、欣賞曇花 就要青睞曇花；不去想別去看 浸濕後陽光爛漫… ｣(作品<冥明>) 時間是永恆的，但時間未必選擇等待你；她的創作是不疾不徐，卻終究永遠在路上的──｢相照富欲，肝膽同戀｣(作品<螢火蟲>)，｢不求馴麗，只為灑脫…｣(作品<冥明>)──光良裏只是意會……一切都在繼續，為何不去努力？ 由此可以想見蘇運瑩對創作之掌握、人生規劃之鋪排…翩若驚鴻，一切恰在好處。

(3)談蘇運瑩幻氣繚繞的平實寫作情懷

以作品<生活倒影>、<野子>為例

蘇運瑩大部分的創作在情境上可能讓大家認為有建植理想國的趨向；或者場景幾乎皆在她愛的海、森林，沒什麼旁人或高樓、卻可能有著老虎；有種時常不在人間的錯覺。畢竟芬多精與浪花其實不是大眾天天的日常、柴米油鹽不太會被放進童話…但以下要列舉討論的就是她風格比較特別的創作，她在歌曲間終於也播映下了灰階的紀錄片──

｢嘿年輕的小夥子，你怎麼看起來沒有精神？你有什麼心事可以告訴阿嬤，阿嬤幫你出出主意… 阿嬤家裏養的雞鴨鵝、魚鳥菜葉，我每天都給它們澆水，覺得很幸福。生活就是這樣的，你能學會堅強、還有發現身邊的美好──你看對面的高山多漂亮。｣這是穿插在歌曲<生活倒影>中的一段海南島的黎族話，展現了此作中民間的象徵與氛圍；海南三亞其實就是蘇運瑩的故鄉，所以人們也可以間接理解她反應到創作中那些對自然之美的敏銳與來由，皆是她成長路上的滋養、耳濡及目染；除此之外，另一首要談到的她的成名之作<野子>，也帶著她故鄉的意涵──因為野子一詞即是海南話｢野孩子｣的意思。

<生活倒影>是一首蘇運瑩藉由觀察半山腰上工作的茶農而寫下的創作：｢半山腰上的人 他還好嗎？為什麼看起來總有悲傷眼睛。路過他的人們也許會問候、也許會就走；也許還沒等他回過神 就已是朝夕又交替…｣、｢風輕輕拂過半山腰 他的眼睛總有些落寞，雲輕輕蓋過他頭崖 他的眼睛總是有淚痕──｣ 創作手法明顯平易近人很多，詞句充滿了先前歌曲中未有的懷舊情調與美感、憐憫；很簡單的行文，卻讓人對旋律有異常鮮明的記憶；充分表現了蘇運瑩對社會基層勞動人民的關懷！在筆者眼裏是很成功的突破之作。

<野子>這首歌，除了副歌語調琅琅上口之外，筆者最欣賞的是蘇運瑩在此作中氛圍的建構──｢幻如一絲塵土 隨風自由的在狂舞…我要握緊手中堅定 卻又飄散的勇氣…｣一開始語調鋪陳在平實的用字遣詞中，到轉折處又切入特別且隱含寓意的詞彙；蘇運瑩最代表性的風格在轉瞬起伏間呼之欲出，同樣地是如此恰到好處！──而這兩首作品除卻語境在生活經驗上讓人擁有共鳴，在體裁上還有另一個相似可對比之處；<野子>是在歌曲最高潮的地方提出對唱答──｢是你嗎會給我一扇心房…讓我勇敢前行；是你呀會給我一扇燈窗，讓我讓我無所畏懼……｣ 而<生活倒影>則是在旋律終了前，給出一種安舒了的釋懷，彷彿給予生活一個和好的允諾──｢悲傷過去迎來朝陽。他終於笑了，他終於笑了…他笑得好看。｣

蘇運瑩的赤誠來自於她對音樂很接近本質的那股純粹、對自己生命價值與感受的深信。觀看她的訪談記錄也像是從枝枒回望樹根的歷程──談起表演，她謙遜地說任何舞台皆是合作及享受；談起創作，經由生活提煉而至的情緒也都幻化為作品的養分與活過的證明；在她的舉手投足間，除了旋律歌聲森林大海，我們更能見著愛。

三.參考資料：

《心宇宙》合輯歌詞──〈野子〉〈螢火蟲〉

《冥明》專輯歌詞──〈冥明〉〈精靈〉〈光良裡只是意會〉

《幻》專輯歌詞──〈生活倒影〉

網易云iwini汪峰工作室訪談節目──〈蘇運瑩的自由世界〉

--

美術設計：Sorrow沙若

圖片來源：Sorrow沙若

--
https://cendalirit.blogspot.com/2021/02/20210228.html
＃每天為你讀一首詩　＃蘇運瑩　＃歌詞敘事

由磊落做人去到心口得個「共」字：最後一次談論楊千嬅

世人聽歌，都習慣從流行曲之中尋找慰藉，但求就手，對號入座，但其實可以睇住歌手一路成長，代入歌手視角，從歌手故事之中領略情理，先至更有意義。正因為咁，只有填詞人觀察仔細，遣詞精準，同歌手心靈契合，歌手嘅真貌至會得以立體呈現，而唱片公司期望嘅形象塑造，至會事半功倍。林夕同黃偉文同以楊千嬅摯友自居，為對方寫唔少度身訂造嘅歌詞，透過比較佢地對楊千嬅嘅理解，世人就可以明白到楊千嬅嘅事業有成，以至人生路上開花結果，何者居功更多。無奈嘅係，以上討論已經變得無謂，事關而家嘅楊千嬅已經唔再係林夕同黃偉文筆下、屬於香港嘅楊千嬅——正因為曾經唱過嘅磊落做人都做唔到，曾經支持過佢嘅香港人無法視若無睹，自然係情有可原。

情路受挫階段——姊妹 v.s. 野孩子

眾所周知，楊千嬅有「大笑姑婆」之稱，但事實上，佢嘅大笑往往只係掩飾面對鏡頭時嘅尷尬不安（訪問中曾提及過係唔知講咩好而陪笑），而喺愛情路上，與其形容佢為奮不顧身，倒不如話係左計右計，恨有愛情恨到憂心甚至神經質，而林夕旁觀者清，自然睇得相當清楚。〈姊妹〉出自林夕手筆，其中歌者既係楊千嬅，亦係林夕，因為佢地兩人都對愛情有憧憬，亦同樣喺經歷挫敗之後發現到用力不當，痛楚難當，於是學識調整心態。婚姻具有象徵意義，但將就而成婚又唔等於搵到真正快樂，因此歌者見到身邊好多人都遇到另一半而自己屢試不果，就開始思考點解世人可以輕易穿起婚紗，而自己距離修成正果遙遙無期。「我都有聽你勸告／不要計數／他錯了要故意扮成糊塗」係成婚友人向歌者分享嘅心得，但歌者理性清楚知道自己無法愛人愛到不辨是非，為求有伴而捨棄自我，於是就懷疑自己係咪真係企得太硬而導致愛情失利。「終於你守得到」所贏得嘅係表面上幸福嘅婚姻，但歌者重視嘅係雙方價值觀係咪契合，係咪可以同對方相處自在，觸及咗一般人從未觸及嘅核心之後，歌者陷入迷惘，進退失據。然而，又正因為歌者始終清醒，無法從眾，佢知道關鍵在於「愛到跌入漩渦／將錯就錯／關係亦出錯」，唔應該為錯誤嘅人委曲自己，而要搵到真正愛情，就係要改過「我總太愛人／迫到愛人／變做朋友再變生疏」呢種執迷。一個人唔愛自己，過分依賴對方，就會造成壓力，而只為得到對方而將自己扭曲變形，亦只會係勉強幸福，欲求不滿，所以歌者過去嘅愛情觀都係出錯。然而，當時歌者仍然未好好振作，於是結尾就只有「若我說我願意誰在乎過／你知道那答案快提示我／分半點福氣給我／不准留低我一個」，寄望上天保祐。

即使情路多舛，歌者仍然堅強，於是姊妹亦感同身受，繼續陪伴。「我信我有這一日／伴侶肯專注待我／每晚也固定安樂／像俗語講開花結果」反映歌者對愛情仍然抱有信心，而其實所謂專一，從來都唔係一種需要追求嘅個性，因為雙方都具有足夠能量，就會吸引對方，專一並非目標，而係過程。只要自己努力不懈，以成為更好嘅人為目標，漸漸身邊人就會發現自己嘅優點——人散發光芒，就自然會獲得愛慕，呢啲就係吸引力法則。認知到自己「情感可錯贈／婚紗照不敢拍錯」，歌者學識再愛都唔可以愛到失去平衡，於是就開始尋求指引，「你知道那答案快提示我」，希望「總有天親耳聽到／我愛侶對天宣佈／生與死都愛惜我」，真命天子有朝一日降臨身邊。林夕為楊千嬅所寫嘅，都係楊千嬅當時飽受困擾嘅真實想法。

同期，黃偉文寫咗〈野孩子〉，楊千嬅喺呢兩首歌裡面形象反差之大，值得留意。當林夕仍然陪伴緊楊千嬅自傷自憐，尋覓答案，避免輕舉妄動，黃偉文以「野」字形容楊千嬅，其實就係話緊楊千嬅知，未學行先學走唔緊要，任性放肆唔緊要，同林夕嘅建言近乎相反。首先，觀察〈姊妹〉中嘅楊千嬅可以得知，楊千嬅絕非「就算只談一場感情 ／除外都是一時虛榮」嘅人，而「情願獲得你的尊敬／承受太高傲的罪名／擠得進你臂彎／如情懷漸冷／未算孤苦也伶仃」亦非佢嘅取態。林夕要訓練楊千嬅精進自身，唔好計較可唔可以喺對方身邊得到任何好處，或者留低任何痕跡，但黃偉文就話「朝朝暮暮讓你猜想如何馴服我／若果親手抱住／或者不必如此」以及「必須有這結果／才能懷念我」，進路係截然相反。野孩子為野而野，視愛情為可以操縱人心去贏取嘅俗物，「不受命令就是一種最壞名字」都係為免獻醜而強裝野性嘅表現，為求自欺欺人，刻意疏遠對真愛嘅渴求，偏偏昧於最後受苦都只有自己嘅悲慘下場。歌者態度倔強，輕視「許多旁人說我不太明瞭男孩子」，又話「沒有幸福都不介意」，呢啲都係晦氣之語，因為一言以蔽之，就係自己輸唔起。楊千嬅當時唔以呢種晦氣情緒作為第一主打，自然有佢嘅理由，而外界從兩種姿態之中再次思考面對愛情嘅應有態度，則係楊千嬅同佢嘅支持者嘅關鍵連結，後來，呢種港女形象亦逐漸成為咗一種香港文化嘅參照。

療傷自強階段——楊千嬅、笑中有淚 v.s. 自由行

自我拷問之後，林夕以好友身分交出指引，寫咗〈楊千嬅〉去鼓勵迷途羔羊楊千嬅光復自己，其中句句精心，為後來佢同丁子高嘅婚姻美滿埋下伏筆。首先，佢提點楊千嬅反省自己，思考自己擇偶條件，「誰人曾愛過你／你盡量幻想他貪你甚麼／好心地也不錯」，就係借助與人相遇，查找自身長處，而「誰人曾厭棄你／你問問自己他憎你甚麼／或是怕你會肚餓」，就係借助他人批評，了解自己不足。林夕本身對楊千嬅有作為朋友應有嘅了解，因此就以三個「請」字，善意建言：「如果想照耀萬人／請加點信心」，自信心只有精進自身先會獲得，依賴他人評價，將自身價值單純建築喺歌唱事業成就之上，都係虛妄；「如果想抱住情人／請吸取教訓」，愛情方面，唔好以為每段愛情都係獨立成段，必須從每段愛情之中一再翻檢，直至妥善整理好過去所犯嘅錯，先好再次上路；「如果想快樂做人／請敲敲你心」，楊千嬅曾經喺訪問講過，佢覺得楊千嬅係一條set好嘅路，營營役役，就忘記咗做自己應該先於一切，但林夕認為只有安靜落黎坦白面對自己情感先至有助成長，於是佢勸勉楊千嬅忠於自己，向「童年時那個你／與弟弟在家中演你自己／哭只因你歡喜」學習，放低偽裝，成熟之中亦「別要太過顧忌」。楊千嬅曾經提及，丁子高令佢發現，原來自己可以有另一個演繹，於是自在，而回頭去睇，原來楊千嬅唔係只得一款之說，係愛情顧問林夕早有教導，而「你未有卻恨有」嘅就係嗰位會欣賞自己任何形態嘅人。最後，即使未來盡皆未知，際遇無人可料，素來含蓄嘅林夕，都係選擇咗以「但是我永遠愛你」收結，其中友誼之深，不言而喻，遠非如今一個反共、一個親共嘅日益疏遠可比。

雖然道理已經擺在眼前，楊千嬅仍然無法釋懷，於是當年嘅林夕又再以一首〈笑中有淚〉加以點撥，等楊千嬅唱出心聲，排解傷感。知行合一，從來艱難，於是林夕當年只係想佢明白，傷痛可以照舊，但必須開始學識感激他人嘅離開，因為「如果將來能得到誰／其實多得這過去」。「戀愛路有幸捱不死／競技場上當嬉戲／今天講來彷彿一世紀」反映，歌者已經學識用笑去面對失戀，但其中仍然有傷感，因此有淚在所難免。無論如何，因為已經有所消化，歌者「早已記不起自己／有否憎恨／ 至少今天再站起」，所以佢的確明白「經歷就當福氣」，只係情緒上過唔到，「當我無情無恨望過去／還是笑中有淚」係描述現實，而「抓緊愛侶只靠寬容不靠淚水／無奈要被你拋棄後／先瞭解我是誰／如若那天我大多幾歲」就係覺悟。因為愛情觀尚未成熟，因為曾經用力過猛，「當日是我迫你」，歌者可以唱出「明白到毋需因你會分手過慮」，因為擁有失去已非關鍵，亦可唱出「誰亦可以沒誰／離合全為了大家高興」，因為性格不合就係不合，無謂拖拉。當時，楊千嬅太驚自己唔再遇到愛情，以為遇到過嘅已經夠好，於是無法放低執著，但到同丁子高相遇成婚，佢終於就明白咗林夕當初嘅開解其實如同預言——想唔分手，首先就要唔好擔心分手，而只有做好自己，至可以毋須擔心，繼而開花結果。

當林夕鼓勵楊千嬅勇於自省，收拾自己，另一方面，黃偉文未有開導，而係陪伴楊千嬅繼續逃避，認為暫時空等都唔緊要。林夕為楊千嬅所寫嘅歌，有按住楊千嬅覺悟速度而逐漸滲入哲理，但黃偉文所寫，則係著重描述楊千嬅尚未清醒嘅狀態為主，所以更有抒發悲傷之用。〈野孩子〉寫自己天生天養，唔介意男孩子點睇自己，鼻孔朝天，但到〈自由行〉又一時盼望，一時絕望，狀態相當不穩。所謂散心，實際上只係「避了你至少幾千百公里／原來為了讓你不要再度被提起」，呢種出遊目的本身係咪值得鼓勵，留待楊千嬅同大家自行思考，因為「遇不到他／怎夠狠／放得開你／願我那尾站在馬德里」即係將希望寄託喺新對象，心結既然一直未解，所謂尾站都只會重複錯愛，重複傷心——面對問題，解決問題，或者至係更好。尚未諗通嘅歌者，每次傷心之後都走去旅行，唔去處理前事，直接跳過應有程序就去「盼會遇上安份」，呢種聽天由命而懶於自省嘅態度，係絕對唔會爭取得到真正適合自己嘅人。如果真係咁想真愛降臨，與其原地踏步，呼叫「最怕世上遊遍／發覺沒有此人」，倒不如收拾前塵，準備真正起行。「一生在旅行／買票預了雙份」係因，「站站停下最後也空等」係果，「畢竟也自由過／算有幸有不幸」則係自我打發，自暴自棄，成段副歌所反映嘅就係歌者太渴求愛太過依賴，反而從未學識獨立自主，未有資格得到真愛至係天道人情。「最愛縱使真的要等／靜靜坐著亦會走近」呢句單獨睇問題唔大，但配合前文後理，就會知道呢種等待同靜坐係真係單純等待同靜坐，極之被動，極之天真，不但唔會改變宿命，得到上天眷顧之期只會不近反遠。黃偉文呈現出楊千嬅喺深淵徘徊嘅狀態，為楊千嬅失戀後嘅停滯不前提出咗合理解釋。

漸入佳境階段——烈女、化、原來過得很快樂、真命天子 v.s. 最佳損友

光復自己之後，楊千嬅抱持烈女心態，再次入陣。林夕寫〈烈女〉之時，楊千嬅丁子高尚未相識，因此寧願剛烈都唔肯屈服，係因為楊千嬅已經有少少打定輸數，一切情有可原。楊千嬅一度以為「跟你到家裡去掃地／讓情敵跟我講恭喜／放棄是與非／與魔鬼在一起」就係美妙愛情，但醒悟之後，知道忠於自我永遠係優先考量，所以唱得出「烈女不怕死／但憑傲氣／絕沒有必要呵你似歌姬」以及「烈女不怕死／又何懼你／不會失去血性和品味」，無視他人目光。佢已經描繪出對象嘅輪廓，唔再盲目恨嫁，單身亦在所不惜，「迫你待我好我寧願傷悲」，只因佢明白人若然扭曲自己去愛對方，下場自然係令愛情顯得浮淺難測，易離易分。回望過去，呢段時期其實係佢嘅過渡期，而零七年與丁子高發展，傳媒大肆唱衰烈女遇上花花公子，全城睇淡，當時冇人知道烈女本身並非烈女，而花花公子本身亦非花花公子，只有佢地兩個自己知道對方真係有令自己卸下裝甲嘅能力，鼓起信心同呢個人一齊，可能真係可以還原真我，熱愛生命。由此可見，林夕借助愛情觀去啟發楊千嬅人生觀，令楊千嬅是非分明嘅港女形象變得鮮明，可惜嘅只係而家嘅楊千嬅已經墮落到對人民幣投懷送抱，「放棄是與非／與魔鬼在一起」。

零七年八月，楊千嬅推出心灰意冷嘅〈化〉，用理性說服自己接受單身，「忘愛自然合襯」。對應返楊千嬅喺婚後講返自己曾經諗過準備雪藏卵子，靠攏獨身主義，佢其實一直都唔想求其搵個人嫁咗佢，所以即使所謂中女大限將至，佢都無法輕易妥協。當時嘅林夕，無法保證楊千嬅一定會遇到真愛，因此亦選擇咗以呢首歌幫佢記錄心情，唔知獨立係咪就係出路嘅徬徨，係每個人都總要面對嘅人生命題。「何必擔心下半生／何苦不信任緣份／談多幾次心／自然就似情人／唯有甘心」選用「甘心」二字，其實就指出咗世人輕易成婚，只係因為輕易放棄，願意同「似情人」嘅人共諧連理；而「毋須等的別要等／庸碌一世沒遺憾／人家不費心亦能恩愛互吻／誰說別人未襯」選用「未襯」二字，其實就指出咗世人覺得合襯都係外在條件，唔會計較對方係咪靈魂伴侶，但因為歌者自己缺乏資格插嘴，只好獨善其身。「未信共對上百年未愛他」就係講感情其實可以培養，所以價值觀唔夾可以忍，全部都係游說自己接受平庸，唔好再心存奢望。不過，因為林夕始終理性，所以佢亦不忘點出「如果戀愛為結婚／如果擁抱為名份」嘅因果倒置，而淨返落黎嘅，就只可以睇楊千嬅自身造化，因為林夕要講嘅經都已經講曬。值得留意嘅係，到零七年十一月，傳媒爆出楊千嬅丁子高相戀已有數月，可知佢嘅心態已經慢慢轉變緊，而〈化〉嘅心態，只係維持咗好短時間就因為丁子高而完結咗。

〈原來過得很快樂〉面世之時，楊千嬅已經認定丁子高，而林夕一直觀望，自然知道時機成熟，天機不妨再洩。歌詞第一句，就點出「原來在快樂中便不必明白快樂／原來愉快共處未必需要學」，因為佢從楊千嬅嘅轉變之中，睇到真愛並非傳說，而係充滿可能，一如香港民族終於意識到抗爭都可以愉快，全因確認到共同體心有所屬，理念一致。遇到頻道相同嘅人，個性唔同正可以互補，背景迥異正可以相成，相處原來毋須費力，亦毋須費神。對照返少女時期擔心分開，擔心對方用情不專，楊千嬅終於發現「未怕被嫌討厭／過份完仍沒顧慮／傻或錯／也深知他允許」至係相愛，而一路以黎，林夕點畀佢嘅都係明路，過去慘痛經歷因而都消化出積極意義。「原來安心才能開心／誰還管笑容可吸引」，丁子高令楊千嬅明白到，做自己就已經會得到對方嘅愛，「亦再不必證實我多麼勇敢」（可對照〈勇〉）。「原來極盼望的幸福可來自意外／原來未靠付出亦得到厚待」，好多個「原來」，正反映出道理其實顯淺，但人總係兜兜轉轉，至學識回歸簡單，由愛自己做起——要愛人，必先自愛，自愛就會有自信，所以「找到使我自信的人／自然會／一直動人」就係少女祈禱終於有回音，夢想成真。林夕所講嘅係，未遇到對方之前，一定要精進自身，唔好隨便依賴，而當真係遇到同路人，就要再學識開心唔一定源於自己，因為他人帶畀自己嘅開心，至可以令自己更加舒坦。「曾經與某人一吻／動心得不放心／如此小心／再愛亦不合襯」擊破為求合襯而勉強自己嘅錯誤觀念，將要結婚嘅楊千嬅，終於深明自己從來都唔係狂野之徒，亦缺乏匹夫之勇，姊妹林夕嘅誠心陪伴，可以話係不可多得。

同時，林夕亦以〈真命天子〉為結婚禮物送畀楊千嬅，點明何謂真命天子。要等到真命天子，首先就係要做好自己，而等到之後，就要記得對方有幾難得，因此「誰在真心中有假意別要再查／衡量哪個才值我的終身自然又憐又怕／我／便無力愛他」，就係唔好再去思索到底眼前人係咪就係真命天子，用心生活去驗證至係唯一方法。真命天子可能有無數個，但關鍵係自己願意認定，然後經營同相信，因為「人生有幾個下次」，一拖再拖，就會同真愛失諸交臂。「誰／抵我講我願意／分手前怎可能證實他算真命天子」之中，反映楊千嬅真係極之理性，亦極之自私，因為只願意去愛值得愛嘅人，然而，林夕就再次直接話佢知，計算同論證係必須停止，否則就會因小失大，「無力愛他」。楊千嬅維持烈女姿態已久，會行到結婚呢步，已經反映丁子高好值得佢放低自己，所以林夕就提醒佢好好捉實對方。呢種捉實，已經唔再係當年嘅太怕失去而單方面捉實，而係兩個獨立嘅人知道同對方依存比單打獨鬥更有意義嘅互相捉實——當大家都夠力，大家都深愛，未來有難題自然都會迎刃而解，舉行婚禮，就係慶祝十年練習終有所成嘅慶功宴，一如民族獨立，都係為齊上齊落甘苦與共留低見證，建國只係對同胞深厚感情嘅追認儀式。

根據江湖傳聞，呢段時期，黃偉文同楊千嬅已經道不同不相為謀，而前者因為心有不甘，寫咗一首〈最佳損友〉聊表怨念。黃偉文曾於自己嘅紀念專輯《AFTER TEN 十年選》控訴，喺〈可惜我是水瓶座〉歌詞下方寫道：「其實我一直都懷疑楊小姐從來都不喜歡我為她寫的歌詞，那些道謝，直覺上都是客套話，但一直不太喜歡卻一直採用，也許才是種更偉大的包容。而我，真的，都盡了力了」，為雙方分道揚鑣提供個人見解。從「楊小姐」呢個客氣稱呼，不難得知佢地已經唔係朋友，但其實佢本人似乎冇留意過，自己同楊千嬅嘅友誼只係放負，而非互相打氣。或者，黃偉文確實耗盡全力，但如果耗盡全力都係捉錯用神，所反映嘅其實係自己根本有心無力，無法開解朋友，令朋友搵返人生希望。

同一張紀念專輯，黃偉文嘅不甘更加表露無遺，可見佢仍然無法理解自己作品受到冷落嘅根本原因。佢寫：以前會想：「如果同期沒有〈姊妹〉，這首歌會不會更受歡迎？」現在覺得：「即使當時有姊妹，一首好歌還是不損它的好。」事實上，撇除監製作曲編曲因素，就詞論詞，〈姊妹〉係比〈野孩子〉更適合塑造楊千嬅形象，亦更切合楊千嬅心理，〈野孩子〉並非劣作，但係確實係無法同〈姊妹〉相提並論。同樣道理，〈楊千嬅〉態度正面，濟世有益，而〈勇〉則執迷不悔，示弱求憐，前者跑出，亦係合乎情理。喺埋怨朋友之前，未有反思友情深淺，耿耿於懷，大概都係源於缺乏自覺，昧於自知。

修成正果階段——火鳥、好不容易遇見愛、一二三三二一

終於，林夕為楊千嬅填出一首尚未成長嘅人必然無法理解嘅〈火鳥〉，足證楊千嬅面對過去未來已經相當自如。生命所有悲喜都有價值，每段相遇都有意義，值得記嘅就記住，淡淡交匯嘅就唔去強記，曾經深刻亦只係愛嘅遺產，所以「遺忘是過程沒壞與好」，人開始學識破執。「過去給拋進熔岩的心灰飛了／浮塵沒帶來天動地搖／近鏡的一切化為長鏡／閉目／然後／微笑」呢種從容，就係源於領悟人生，因而舉重若輕。相比起以前就算無情無恨回望，都控制唔住眼淚，「曾經／盲目到望晚空等黃昏／麻木到願發生的蠢事持續發生」，浴火重生過後，楊千嬅已經可以勇敢到「從頭細數命運由甚麼鑄成」，無懼回顧前事，笑對昔日低潮，而之所以勇敢，就係因為佢已經健康到足以理解「心境每秒在註釋生命」。起初係痛楚，然後係消化，最後係覺悟，「你也痛醒請做證」，就成為向世人說明堅持到底之必要嘅參考對象——「我不變／怎改變一個人／如像火鳥在洪爐內／花瓣在懸崖上躍下才可再生」，有破方有立，方有「今天火鳥在洪爐外／飛舞在懸崖上／看雲裡有星」嘅雲淡風輕。

其後，林夕以〈好不容易遇見愛〉向楊千嬅說理，理中有情，姊妹情誼又再昇華。「想那年的你／誰忍心去漏低你／然而每個他／拿舊愛相比／祈求他寵你又懂你／回眸絕美／轉眼嫌他語言無味」，就係當年只知羨慕他人嘅懵懂，而「想這時的你／說他親切像空氣／閒來會氣死／但仍然要吸氣」，就係後來學識抱緊真愛嘅淡定。結婚之後，從相處之中，楊千嬅理解到「無人天生會是一對」，因此「情人定變知己／這齣戲／才能沒結尾」就係提示自己要每日精進，努力活出真我，從而確保對方可以了解自己，絲毫不差。林夕見證住佢「曾踏破過深海／尋求你我所愛」，又喺佢身邊「陪同你失望又期待」，去到某啲樽頸，甚至連林夕咁通透都擔心前行無路，一齊跌入谷底，「我幾乎奉勸你離開」，可知好友嘅支持係何其重要。可能，冇林夕沿途加持，楊千嬅就無法開花結果，而冇楊千嬅嘅全心信任，林夕亦未必輕易參透。「回望每寸滄海／原來最愛非愛／抬頭後笑中帶淚說／誰還要轟烈地期待」，寥寥幾句，已經係一部血淚史；「 門就算拍不開／那天涯為你我移開」，交付上天，亦只因人事已盡，問心無愧。遇見真愛之所以好不容易，係因為遇見之前，大家都必須出盡全力做人，而聽任際遇之人，就只配浮浮沉沉，虛度一生。

舊事徹底整理之後，楊千嬅轉眼已為人妻人母，要開始展望將來，為小朋友嘅人生負責，而如今嘅展望將來已經係切實可行嘅展望，而非如同空中樓閣嘅幻想。林夕喺〈一二三三二一〉之中，寫到「徬徨時想捉緊命中那伴侶／固定了想知怎樣相處面對」，就寫出咗楊千嬅目前嘅圓熟，只係家庭生活只局限於家庭之內，未有發揚成為民族之愛。「轉身醒覺情路有秩序／不追過不知所需」，又再一次為所有發生過嘅事心懷感恩，相信冥冥中自有安排，同時又不忘做好自己，持續追趕。「從前未知轉眼近了／未似傳說世事難料／初心傷過重新再跳／願我真情性再大也改不了」之中嘅真性情，其實即係接受咗「請敲敲你心」嘅建議，不以心為形役。只要每日都過得無愧於心，想要達成嘅夢想都如願以償，就可堪稱無憾。至此，林夕已經同楊千嬅相守接近廿年，一齊感受世界，觀察世界，共同面對恐懼，迎接浪漫，如果冇當初嘅林夕，就唔會有後來嘅楊千嬅，更唔會有終生嘅丁子高。喺拋棄香港支持者之前，楊千嬅嘅故事一直為人津津樂道，究其原因，大概就在於佢一直都係生命力頑強，從未輕言放棄，而且誠實面對錯誤，檢討自己。

根據網上新聞流傳，林夕曾經喺楊千嬅婚禮發表感言，以一件小事，講出自己接受丁子高嘅原因：「農曆年，千嬅同丁生來我家拜年，好多人說，麻將檯上見真章。千嬅打牌打錯，丁生的笑容卻一片溫馨，像看著一個小朋友做錯事，但又好疼愛這個小朋友的樣子，我好放心將這個姊妹交給丁生。」林夕之所以認為楊千嬅終於搵到自己嘅幸福，係因為佢自始至終都知道自己嘅姊妹本身從來唔狂野，亦從來唔係小孩，但只係佢願意向丁生流露小孩一面，而丁生之所以會視丁太為小孩，唔係因為對方真係幼稚，而係佢打從心底憐愛對方。因為深愛，佢為楊千嬅痛心，因此想保護佢，呢啲心思從小事之中最可以睇得清楚，而林夕心思慎密，擅於觀察思考，自然可以從打牌之中發現具體而微嘅愛。當丁子高挺身而出，保護同照顧楊千嬅，楊千嬅終於變得隨意，放低自保心態，做最自在嘅楊千嬅。

當香港藝人一再背棄香港民族

「天知道大家好不容易學會愛」，香港人之所以咁用力狙擊楊千嬅而唔係楊明，其實都係因為愛之深，責之切。睇住佢跌跌撞撞，喊過痛過瘋狂過，去到搵到真命天子，成為人母，佢出post回憶入行，其實亦同時勾起緊香港人同佢嘅共同回憶，於是失望之情又再浮起。楊千嬅呢個港女icon，流住香港文化嘅血，香港人嘅長年捧場，支撐住楊千嬅嘅事業，雙方無法體諒，其實都係源於香港人覺得楊千嬅辜負咗香港人畀佢嘅愛，一如林夕同楊千嬅之間曾經真心相待，因此亦更難和解。當林夕始終深愛香港，成為香港文化界嘅忠烈戰士，受惠兼受教於林夕多年嘅楊千嬅居然無法飲水思源，同林夕拍住上，支持者嘅心情，其實應該係心痛多於憤怒，只係痛到盡處，想佢改過但佢始終唔改，最後只可留言宣洩，向曾經支持楊千嬅嘅自己道別。

一直以黎，我都相信香港民族嘅存在係既定事實，香港獨立亦係必然會發生，但有理想，唔等於可以唔尊重意見不合嘅人，因為以理想為名去排斥他人，就會變成自己都睇唔起嘅人，再犯上世紀嘅人已經犯夠嘅錯。爭取獨立嘅路上，香港民族始終要理解一個事實，就係唔係任何香港人都可以將小共同體嘅感情同民族呢個大共同體扣連，而真正有損失嘅其實係失根嘅佢地，而唔係已經學識互助互愛嘅我地。藝人離地係常態，商人睇錢做人唔識政治都係常態，因為佢地嘅分工從來就唔係讀書讀理論，亦唔係思考大歷史，因此期望佢地意識到中國將會解體，好明顯就係一種奢望。我選擇相信香港藝人總有一日會醒覺，係因為我相信香港始終係一個令人恢復人性嘅地方，而即使佢地到2020年都尚未意識到抉擇時機已經迫近，我都只會將責任擺喺自己身上，因為宣揚理念係已經覺醒嘅人嘅職責，未改變得到佢地對時局嘅認知，都只可以繼續耕耘，繼續等待。

我地已經識得將愛發揚光大，比香港藝人更早行到去識得同成個香港民族分享愛嘅呢個境界，原諒再原諒，係我地最應該做嘅事，因為只有原諒，至會更令人明白民族有愛。我始終重視嘅係民族嘅存續，因為土生土長嘅香港人死一個就少一個，對香港文化曾經有過貢獻嘅藝人都係鬧一個就走一個，冷嘲熱諷、網上批鬥，只會令佢地更難加入香港民族嘅一方，傷害係永遠唔會令對方改過遷善。想對方磊落做人，我地要示範言出必行，例如日日撐黃店，謝絕一切中國商品，每日都有睇書睇新聞不停精進。楊千嬅刪除留言，其實正係源於對中共同網民批鬥嘅恐懼，而佢始終未明白嘅係，人要免於恐懼，就必須追求自由，拒支持者於門外只會令自己距離磊落、正義同自由更遠。自由即獨立，有愛即民族，學識求同存異，將心比己，香港民族一定會等得到置諸死地而後建國嘅嗰一日。

https://gnimmm.com/2020/07/18/miriam_yeung_linxi/

仙台尋找魯迅 （五千字長文，多圖，慎入）

多圖，睇medium 版啦

1. 篇文原本係想叫做「仙台尋找周樹人」，呼應返「緬甸尋找奧威爾」(http://bit.ly/35VPVue)（本書我就在緬甸買的，水已魚），而且七個字嘅題比較有音樂美。但，首先，我懷疑根本冇人知道「緬甸尋找奧威爾」呢本書（倒係我引過書中關於「惡龍」嘅傳說，好多人轉貼，沈大師都有轉上轉）(http://bit.ly/2LbLCTK) 。另外，我亦擔心，根本冇人知道周樹人就係魯迅。

2. 真人真事，我話去睇魯迅，有人以為係佬訊
(http://bit.ly/2P6IidD )。應該都係我啲廣東話太差。幸好我有急才，話佢知，係呀，咪佬訊張profile pic嗰條友

3. 本文就真係講在仙台尋找魯迅足迹。好似話唔少人，根本連魯迅在仙台留學都唔知，甚至佢在日本留學都有人唔知。又或者唔知，原來日本（人）仲保留咗咁多魯迅嘅東西。

4. 可能係我偏見。但我在網上搵關於在仙台尋找魯迅足迹，出嚟嘅，唔係台灣文，就係大陸文。包括項明生(http://bit.ly/2RcJW0f) 。你話，嘩，項明生都大陸仔？幾時開始玩血統純正論？差矣。你睇佢書就知，佢好多遊歷，都同佢在大陸讀書成長嘅經驗有關，包括佢寫魯迅。因為佢有提過，《藤野先生》一文（出自《朝花夕拾》，陣間再講呢篇文）(http://bit.ly/2RdBNbU) ，係大陸語文課本必讀。我年代香港中學都必讀魯迅，但冇呢篇文，收嘅幾篇文，都冇直接講魯迅去過日本。雖則講佢點解「棄醫從文」時其實個轉捩點就在日本

5. 而陪我在仙台上路嘅，正係香港人天書，閃閃書。嘻，唔係你以為係乜？我覺得呢本書好代表香港精神喎。定你覺得拎本正文社就文青啲？唔知。但肯定嘅係，我唔會拎本Lonely Planet去日本，實在太裝B 。雖則，我其實去緬甸去老撾都係拎本Lonely Planet。諗諗下應該去台灣韓國日本都拎，扮下ABC呃蝦條都好

6. 而當然 ，在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

7. Anyway，我去仙台，主要都係食同玩（朋友可證，我同囡囡，都係唔買嘢的）。食，咪食牛舌。咁玩，咪玩魯迅。本人住在仙台站附近，去片。

8. 香港一般人，對魯迅應該唔太陌生，特別係我年代嗰啲，會考仲有指定課文之類，中六七做讀書報告亦都必睇。許欽文本《吶喊分析》，等於米高佐敦嘅Bryon Russell ，或者柏金嘅達比薩斯。就係多得考試局要做《吶喊》先有人買佢本嘢。而本人當然不屑買呢啲書，我成份嘢都係自己寫，好似寫咗成萬字。你睇我其實自細已經係咁：離群，扮撚晒嘢，同埋口水多過茶。

9. 無論如何，《孔乙己》《狂人日記》《阿Q正傳》呢啲，稱得上深入民心。《一件小事》《風箏》我年代初中亦有讀。仲有呢十年人氣急升嘅「血鰻頭」，亦係出自魯迅（你以為係長毛發明的？）．而根本冇乜人留意，其實篇文（《藥》），係話「你班友戇撚鳩」，民智未開，革乜撚嘢命。

10. 仲有，「 你永遠無法叫醒裝睡的人」都可以半歸功於佢。而家但凡你講外國點點點，會有人話「臭蟲」，出處亦係魯迅。當然仲有吾友 利世民 (http://bit.ly/35Xtkxk) 最鍾意嘅一句：可憐之人必有可恨之處。同樣係多得魯迅發揚光大。

11. 張學友同林嘉欣（wow，初出道扮學生妹嘅林嘉欣）套《男人四十》(http://bit.ly/37SDbGN) ，我睇咗幾次。一開場就有張學友教中文，教完孟子，就預告下堂教魯迅。同學大呼out，張學友強調魯迅好in，「係第一代去東京留學兼掃貨嘅型仔」「佢住喺神田，坐山手線由Shibuya坐十個站就到啦」。我地Fact check一下，的確係十個站，岸西啲劇本係認真嘅。

12. 但魯迅在東京讀嘅，類似係foundation course 或者預備班。原本佢應該係去東京帝國大學讀採礦冶金，但佢選擇讀醫，去仙台。原因未有定論，有講話因為佢老豆被庸醫（中醫啦）所害，佢自己棚牙又一路都唔好，加上佢覺得西醫係日本維新好重要嘅部份。至於點解去仙台？佢自己有提過睇唔過眼東京啲留學生玩吃玩樂，正係在《藤野先生》入面講，所以佢選擇去冇中國留學生嘅地方（我懷疑亦因為東京大學讀醫好難入）

13. 魯迅當年讀嘅係仙台醫學專門學校，後來（都成百年前）併入東北大學。由仙台站行過去15分鐘左右，仙台雖然已經係東北最大城市，但只係100萬人，同香港冇得比，加上天氣好，行15分鐘極之舒服（其實我全日都冇坐過車，基本上半個鐘頭以內嘅我都會行）。

14. 11月尾嘅東北大學，係已經冇乜人嘅。放晒假？又好似唔係。要上堂？或者係。但我只係想講，你同香港嘅大學比下，香港嘅大學就算放假，都係嘈得多。

15. 好快，就搵到魯迅在東北大學嘅像，亦寫明係仙台醫學專門學校遺跡

16. 東北大學史料館，係有專門一個展示室畀魯迅

17. 但自己留意返開館時間 ，另外留意，其實史料館裝修到下年3月。我仲以為冇得睇，其實係臨時搬咗去第度。不難搵，反正個校園本部唔大。

18. 入面就由魯迅離開東京去仙台讀醫開始講 ，講佢因為想遠離留學生而去仙台，當然亦都係引返魯迅《藤野先生》一文。留意成本《朝花夕拾》都係回憶錄（睇書名就知），魯迅寫時已經近50歲，然後未到60就死咗。想講係，魯迅廿幾三十年後回憶前事，或者有選擇性遺忘，有文學加工，或者根本記錯，絶不出奇。畢竟嗰個年代佢未會打卡放上Facebook

19. 當年報紙都有報，魯迅唔只係仙台第一個中國留學生，甚至就係第一個留學生，相信亦因為咁，仙台醫專對佢非常好。報紙亦都有提佢識日文。當然近年唔少憤青考究返，魯迅譯文好似不少錯。亦可以話日本人只係厚道，或者官方話佢識日文佢地咪照講。但相當肯定嘅係，佢嘅日文點都有一定程度。

20. 其實諗下都知，佢冇人冇物，可以在仙台生存，上堂，讀醫，寫筆記，藤野先生會批改。佢有乜可能日文會差？咪撚玩。當然而家你拎出嚟驗屍咁驗挑錯誤就好易的。等於你睇慢鏡覺得「屌，畀著我就右腳控定扭過一個再左腳拉遠柱啦，咁射，仲話球王。」

21. 藤野先生，藤野嚴九郎嘅CV。十分守規矩，寫晒每份工幾錢人工。最後都係40 yen個月，有興趣可以對返當年物價。但魯迅月租都好似要8 yen，考慮到魯迅仲要只係一條友，亦唔會住得好，可見藤野先生唔算好高人工？

22. 《藤野先生》一文嘅初稿。當然只係複製品

23. 魯迅讀醫嘅時間表。有冇留意日日都上「獨逸語」？獨逸就係德意志。讀醫必修德文，因為啲字都係用德文。聞說去到而家都仲係好多醫學字用德文。所以魯迅當然都識啲德文，事實佢未去日本已經識啲。反而英文佢好坦白話自己係唔識的。

24. 成績表，特登放大畀你睇。因為有人以為魯迅成績太差，所以先作個故事出嚟話棄醫從文。後面會講，故事或者有啲創作，但魯迅成績，就肯定唔係好差。正如佢在《藤野先生》入面寫：「同學一百餘人之中，我在中間，不過是沒有落第」。睇返成績表，並無大話，幾十年後佢都冇呃自己。142人魯迅考68，正如佢講，唔係太雞又唔太好。考慮到佢係唯一一個留學生，又唔係細個學日文，又多課外活動，其實相當勁。不過正係佢最尊敬嘅藤野先生嗰科解剖學佢就肥咗。可能因為咁先幾廿年後慚愧寫返文講佢。

25. 不過亦留意，魯迅在畀友人書信中，亦提過在仙台讀醫，悶，死記，又多堂上，阻住佢啲「課外話動」（「校中功課，只求記憶，不須思索，修習未久，腦力頓錮。四年而後，恐如木偶人矣。」第二是課時太多，無暇搞譯述活動：「而今而後，只能修死學問，不能旁及矣，恨事！恨事！」）。可以見到佢並非讀得好開心，亦有點吃力。

26. 另外留意，全部成績示眾，邊有而家咁玻璃心。仲有，魯迅中游，已經係丙。唔係A* 人人first hon量化寬鬆

27. 走堂全部有紀錄。魯迅都有走過，唔知去咗邊。當時就冇人講「大學中學化」「學生唔上堂教嗰啲要檢討下」（不過我估而家醫學院都唔會有人走堂嘅可？）

28. 魯迅嘅transcript，仲有JUPAS personal statement，好求其架咋

29. 呢個就勁咯，唔止係麥高芬(http://bit.ly/33B8T7T) ，直頭係中國文學史嘅轉捩點。傳說中嘅，魯迅睇嘅仙台醫專幻燈片，亦即係村上春樹嘅明治神宮野球場養樂多燕子隊(http://bit.ly/34Jowvo) ，亦都係埃汾嘅......50萬琴行空姐（有機會再解呢個故事）

30. 但Fact check 一下，當年真係有放幻燈片，亦的確有講日俄戰爭，但冇魯迅講嘅行刑中國人。有可能係文學創作，或佢根本記錯咗。

31. 然後大家都知，根據魯迅所講，佢認為救人身體冇用，冇腦的話身體再強都係把托，佢認為成個民族頭腦都病咗，所以棄醫從文。讀咗一年半。臨走藤野先生仲畀咗張相佢，呢啲都在《藤野先生》有提。

32. 但恕我無禮，魯迅點解棄醫從文，仲係一個謎。佢成績唔係太差，但亦唔係好，拎獎學金基本上無望，呢個可能係原因。另外亦講過，佢讀醫讀得唔開心。仲有更奇怪嘅係，魯迅1906年3月退學，同年畀佢老母用「病危」做理由電報召返中國。同年7月佢就順老母意結埋婚。當中似乎係有啲嘢。更特別嘅係，佢結婚冇耐，又再去返日本，去到1909年先返中國教書。魯迅退學後當然冇返仙台，係在東京。到底做乜過乜？冇乜人知。只知章太炎流亡東京，魯迅有佢去屋企聽講。但冇可能係佢生活全部，況且章太炎都去到1908年先去日本，咁之前魯迅在東京做乜？冇人知。可能睇其他史料有，但我暫時唔見。聞說佢仲可以花天酒地，又有日本妹做女傭，仲資助埋細佬周作人在日本讀書。

33. Anyway，呢個「階段教室」（樓梯是也）係意外驚喜。係魯迅當年上課嘅地方。你網上睇嘅資料，包括睇項明生講，都話你知要預約，往往要成個星期甚至搞一個月。

34. 結果我嘅預約，就只係去嗰度寫個名。又，原本想寫University of Warwick，但唔識寫片假名，所以都係寫香港大學算。又，手眼協調差，啲字係咁上下。

35. 平時係鎖埋的，但我去嗰日根本冇人，任你點坐都得。

36. 魯迅和藤野先生。有人話似黃之鋒

37. 離開東北大學，仲有其他魯迅足跡。估下呢間係乜（雖然同魯迅無關）？

38. 其實就係學生嘅餐廳。十分抵食，不過我費事咁缺德去同人爭食，雖則人唔多，亦唔見話一定要學生先食得。

39. 又，當年在愛沙尼亞（仲要唔係Tallinn!) ，我都去學生飯堂食飯，罪過罪過。咩啫，咁完全唔見有其他地方有嘢食嘛，Tartu就係個大學城

40. 繼續，離開東北大學，景色依然靚。行多一陣（睇返我最上嘅地圖，中間冇注解嘅紅點），就會見到一個咁嘅東西

41. 就係魯迅在仙台讀書時，佢住嘅地方。不過而家乜都冇剩，得返呢碌柱。但有冇依稀記到左下角寫乜？係「郭沫若題」。其實之前呢度都只係得呢碌柱，後面有間屋，但係私人住宅，冇開放，而家間屋都冇埋

42. 不過，勁咯，原來起個魯迅紀念廣場。但2021年先完工，又有藉口再去仙台食牛舌。

43. 繼續行多半個鐘（！），就會去到仙台青葉山公園。呢個東西同魯迅無關，但順手講下，係五色沼。有乜特別？係日本花樣滑冰嘅發源地。最初就係德國人在呢度開始教日本人（冬天會結冰啦大佬），之後差不多所有日本嘅花樣滑冰選水，都係師承自仙台嘅呢班初代教練。

44. 而羽生結弦就正係仙台人。

45. 去到公園入面嘅仙台市博物館，一樣有魯迅像

46. 同埋魯迅碑

47. 留意上面寫嘅係日文。又係郭沫若
________________________________________
48. 講仙台遊歷講到呢度，之後係個人感想，唔鍾意可以跳走。

49. 最後講下（有冇人睇到呢度？），4年前，2015年 ，我先第一次去日本。2017年我去咗東京明治神宮野球場。上面講過了，明治神宮野球場係,村上春樹（至少佢係咁講）忽然決定要「寫啲嘢」嘅地方，資深村上春樹迷實知。我去嘅原因，十分明顯啦。然後去到2019年，我去埋仙台，在東北大學，去到魯迅（至少佢自己係咁講），決定棄醫從文嘅地方。兩大我心中嘅文學之神，影響我最大嘅作家，就係呢兩個。

50. 兩個都N咁多人寫過，但我都係要講，魯迅，係一個十分「型」嘅作家。就係村上春樹在《聽風的歌》(http://bit.ly/2DzFOPR) 虛構嘅 戴立克．哈德費爾（好多人以為真有此人，包括我）一樣，係以文章做為戰鬥武器的少數非凡作家之一。

51. 其他人可能都寫得好，但係唔型。錢鍾書都型，但其實老婆楊絳寫文比較「人性」。陶傑都型，但倪匡寫故事蔡瀾寫雜文更好。Oscar Wilde George Orwell都型。冰心就唔型，巴金亦都唔型。聞一多郁達夫型，徐志摩仲型，郭沫若如果死早啲就型，咁長命，搞到去中華人民共和國，就唔型。梁實秋胡適就唔型。白先勇都型，梁啟超唔型。太宰治同三島由紀夫就當然型過村上春樹，但講真村上春樹寫文最好。以上種種，自己慢慢細味下。

52. 簡單嚟講，短命咪型，死於非命就更好，live fast and die young。Heinrich Heine話頭，Sleep is good, death is better; but of course, the best thing would to have never been born at all．但佢除咗呢句嘢外就完全唔夠尼采或叔本華咁型。正如我無法想像「如果家駒未死」會點，請別誤會，我懷住最高嘅敬意講呢句嘢，真歌迷應該會明。

53. 當然總有例外，魯迅唔算太早死，村上春樹成日跑長跑有排都唔死，白先勇八十幾歲都未死，錢鍾書九十歲先死，楊絳百幾歲先死添。

54. 東京（神戶都有）尋找完村上春樹，仙台尋找完魯迅後，似乎下一個，就到白先勇。當然可能返Warwick尋找陶傑簡單啲 （但佢筆下近乎冇提過）。