醜天使雪糕的最後倒數✨ 其實都唔算係結業朝聖又或者貪買一送一，純粹算係個情意結同呢間嘢正式say個bye。平時食完飯想下場食甜品又諗唔到都會食佢，特別係中環同荃灣店，呢兩個位真係唔知仲有乜嘢手提甜品好食😂 . 而我咁多年都係最鐘意佢哋嘅花生醬朱古力系列，所謂嘅花生醬朱古力其實唔係口味嚟，而係雪糕入面會有啲半截尾指指甲咁大嘅朱古力粒，然後粒朱古力入面係塞滿帶點流心咁花生醬，從來都覺得花生醬同雪糕好夾嘅我，超鐘意一口咬爛粒朱古力，再感受入面嘅花生醬溶出嚟然後同朱古力混和一齊，成件事真係好療癒好好食😳 . 到臨結業最後幾日終於食到，之前聽朋友講話得返幾隻味已經打定輸數食唔到花生醬朱古力，點知去到得返三款其中一款有，雖然佢配嘅朱古力雪糕唔係好啱我口味，但都算我還到我要食花生醬朱古力呢個心願丫🥺 不過比較搞笑嘅係，同行朋友其實想食佢啲浮誇雪糕筒，然後叫完可以食先發現原來仲有供應！而我好似頭幾次都會叫浮誇cone，然後開始試其他味（佢個朱古力脆米其實好食過彩虹圈圈款）之後呢幾年食都係直接叫杯算，對於同行朋友食唔到而揼春同埋話俾另一個朋友仲有得賣，然後佢放工嚟到賣哂又揼春而深表遺憾🤪 . 最後，點解要叫佢做醜天使呢？某次我同朋友食完飯搵甜品食，然後講到呢間： 🐴不如我哋去食肥天使雪糕？ 🛍邊間係肥天使雪糕呀？ 🐴啲cone好浮誇同埋個雪糕可以搭好多層嗰間。 🛍哦～佢個LOGO都唔肥。 🐴係咩我唔信！（然後去到舖頭門口） 🐴衣係喎個天使又真係唔肥喎！仲幾醜下添！ 🐴好啦咁我地去食醜天使啦！ 自此佢就比我叫咗佢做醜天使雪糕（笑） . Btw由開張嗰陣排隊去朝聖時見到真係有人叫四球疊高已經好羨慕，始果到結業時自己依然冇試過一手揸住四球高嘅雪糕，而且亦冇咗呢個想法好耐。而家只會諗一人食一球定係兩人食一球先食得晒，啲口味又會唔會太甜，食咗咁多次唔使再加浮誇cone慳返啲錢blahblahblah…人大了，諗嘢都變得踏實，對於不切實際嘅喜悅追求，如同此店嘅生涯般慢慢落幕，是吧？ . Emack & Bolio's 🏠 中環閣麟街26號地舖 📷 RP + Nikkor 50 F1.4 LTM #馬高食食食 #馬高食食食食在中環

雙語言的小孩都不懂學語言有多難！ 不是說了一次就會學會～ 女兒以為跟爸爸教一次 Voiture 就永遠記得車子怎麼說！ 從小能學2種語言真的好幸福！ 大家不要聽別人跟你說：《小孩應該只要學當地的語言不然在唸書的時候會有問題！》 也不要覺得自己的語言不重要就不要教小孩～ 去年爸爸媽媽來的時候女兒法文進步一大步，因為Emma只能跟他們說法文 這兩個月法文又進步一大步！ 因為常常跟那邊的小朋友玩就學小朋友講話～ 我收到不少訊息跟我說，我不要跟Emma說中文～其實你們看到影片裡面的幾秒而已我會跟Emma說中文因為懶得打字幕～ 但是沒有在拍的時候我跟Emma都說法文 我自己也擔心法文學不夠多～因為只要開始回去上課Emma就開始習慣講中文 我一直鼓勵她，每天跟他說：《媽媽很開心，你法文進步很多，我們現在可以說不要爸爸聽得懂的話題～》 但是……..她還是希望爸爸一起說法文 老公你覺得呢？ @hyuan830 #法國Anna #法國安娜 #台灣 #法國 #外國人 #法國人 #法國媽媽 #家人 #媽媽 #家庭 #親子 #親子生活 #taiwan #french #kids #family #parents #famille #instamom #instafamily #混血兒 #雙語言 #法文

[gfmurmur9871]  我Ex大我三年，我同佢係大學ocamp識。當時我仲同緊初戀一齊，但係因為我好鍾意佢，所以我同初戀分手，同佢一齊。(所以可能而家就有報應)   一齊頭兩年好開心，但因為一件小事佢突然同我講分手，我死纏爛打一直追返佢，主動話做佢SP，以為可以用身體留住佢。過左四個月，我地正式復合，對我來講係好難得，我好珍惜同佢相處既時間。   最近佢轉左公司，識左新同事新朋友，開始多左夜晚出去玩，我開始無安全感。我話想同居，佢話我人工高過佢，屋租應該我比晒，但其實我都要交家用，有個細佬仲讀緊中學。我話不如七三，佢都唔制。但我真係好想可以日日見到佢所以妥協左，但後來我地搵左兩個月都搵唔到岩心水既屋就不了了之。果陣其實佢已經開始成日幾個鐘先應機，又間唔中玩失蹤，隔幾日就嘈交。   而我最怕發生既事都係出現左，有一晚我fd突然打比我問我係唔係尖沙咀某商場，佢同我講見到我Ex攬住個女仔，但個女仔唔係我。我不停問我朋友係咪認錯人，但佢講得出個男人手臂有咩紋身，我就知要面對現實。當我同佢攤牌，佢話個女仔係ig識，大條道理咁話佢身邊個個fd都偷食，仲叫我放心，唔會放真感情落個女仔到。我唔識反駁，傷心到啞左，第二日佢又打來同我再一次分手。   我仲不停咁搵番佢，想挽回返呢一段關係，仲相信佢會改。佢一直講對唔住，話自己未定性。但我好似盲左咁好怕失去佢。我好想問佢一句：到底我做錯d乜你要咁對我？我不停搵佢，打比佢，佢block晒我所有野，我日日去佢公司樓下等佢… 諗番起都好癲，但最終又比我挽回到，但其實之後大家都有條刺，不過我都盡量努力維繫…主動諗拍拖去邊到玩，食咩好西。   令我忍唔住分手既爆發點係上個月我聽到佢朋友講，話我同佢一齊咁多年，年年佢都有出去玩女，甚至將我地既床事share比人聽，我聽到覺得好心寒，下定決心要走。佢真係好嘔心好無人性。年年佢生日我都洗幾千蚊，間中又幫佢執屋清潔….我為佢做咁多，犧牲咁多都係當我狗咁。我已經唔再係十八廿二，我真係受夠啦！係時候要醒！我send左句「分手啦仆街」就block晒佢所有野。佢d朋友搵我，我都無理，我估到而家佢都應該唔知自己衰乜…. 望住我地既合照，見住依個我曾經最愛既男人，我淨係覺得好嘔心，我諗我今次真係唔會再番轉頭。希望各位唔好好似我咁傻，共勉之。   為左佢，依幾年我已經無晒朋友咁濟，個個都鬧我話我抵死，都無咩人肯再聽我訴苦。我好想係到同我所剩無幾既朋友宣布：我今次真係飛左個仆街啦！！！ • Song of the night : @jacechw -《沒有無緣無故的恨》 • ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #Jace陳凱詠 #沒有無緣無故的恨 #hongkong #couple #lovestory #hkig #香港 #情侶 #香港情侶 #偶爾為故事配上配曲好似幾有feel