有些經歷來得突然。到你彷神過來，原來他已經走得很遠很遠了。可以留住的，就只有一直存在於腦海裏，跟他一起的回憶。 煖仔在我最困難嘅時候，某程度上是我的精神的寄托。仲記得13年前，第一天確診有骨癌。當時坐喺屯門醫院臨時病床嘅走廊。醫生話我只有6成機會可以康復。當時得12歲既我，可能睇得太多電視劇。以為通常有癌症都係末期會醫唔番。當時爸爸媽媽一直係身邊陪住我。而我就問咗佢地一個依家諗返起都覺得蠢嘅問題「我係咪會死嫁？」之後再問「咁我係咪會甩頭髮？」 我仲記得媽媽聽完，一邊喊一邊安慰我。話我會冇事㗎。然後爸爸突然講咗句「如果你好返我就俾你養狗仔啦！」 由細到大我都特別喜歡狗狗。媽說我兩歲開始就一直煩佢要養狗。然後屋企人一直都堅決反對。所以我聽到呢句說話，即刻1秒笑返。 興奮得來又有啲怕佢哋會走數。就係咁樣輕輕一句，就變咗我醫病當年，一直以來嘅目標。每次做化療，落藥辛苦到死嘅時候。我媽媽就會同我講，第日要養隻乜嘢嘅狗仔，佢叫咩名。分散我注意力，同時又令我既時間會好過啲。 低潮既時候，可能每個人都要有一啲依靠，一啲既信念，去走過自己難捱的時間。 康復後，就係剛剛好嘅時候，煖仔就出世了。咁樣就陪伴左我12年半。同我一齊長大，一齊變老。相信每個人生命中都有一啲最重要既位置。老實說，我已經當咗煖仔係我第二個細佬咁重要。我也是第一次遇到身邊最親最親的親人離世。完全不懂得處理。而嫁屋企冇咗你已經變得唔完整了，但你永遠都會留在我們的心裡。謝謝你選擇了我們。 第二張相，係我康復半年之後，第一個春天接煖仔返屋企，當時我13歲，佢3個月。今次公開我冇咩頭髮嘅相，實在要鼓起好大勇氣。細個冇頭髮住係醫院嗰陣，比其他小朋友笑過我唔男唔女又話好似撞鬼咁。所以一直好介意比人睇到自己冇頭髮嘅樣。就連收埋喺電腦好耐嘅相一直咁多年都唔敢開嚟睇，好怕會諗番起以前醫病好唔開心嘅事。但現在學會面對自己的過去。依家睇番會覺得係一種經歷，是無可取替的。希望大家都唔好嚇親同埋可以接受以前嘅我。 #加上有生之年都應該唔會再見到自己咁短頭髮既樣 所以 Thank god for all the imperfections in my life 這段時間實在變得不知所措，完全不知道要怎樣克服過來。如果給了你們負能量，對不起。但收到了你們給我打氣的說話。謝謝每一位給我力量的msg，每一個msg我都有睇到。Thank you！ #煖仔