《二月二十九》兵種硏究

「純愛劇」中的男主角，基本上都係一個身份，就是兵哥一名，為愛大將(女主角)不惜一切，可歌可泣(對女觀眾來說)。成功的純愛韓劇《大陽的後裔》和《愛的迫降》，索性將男主角設定為軍人，穿上軍服，更充分盡顯兵的魅力，難怪叫好叫座！

傷心過後，一齊輕鬆下，《二月二十九》有那些兵種呢？現在一齊研究。

余家聰(會長)，白兵－白做的兵。最淒涼的兵種，幕後默默付出，出錢出心出力，偏偏女主角接收唔到，仲因為態度有些嚴厲激嬲過女主，最後甚至犧牲生命，雖然結局唔駛死，但已經被忘記曾經存在，當Yeesa醒覺原來對會長有愛時，到「收成期」又變成第二個家聰，真係完全白做，經典「白兵」！

Ryan，勤務兵，又可稱為模範兵，是各位小兵的參考對象。最緊要勤力，常伴女主左右，要人有人，要膊頭有膊頭，仲識煮野食，唔單止心，連個胃都嬴埋，又識唱歌彈結他，煞食到不得了！這樣還未夠，女生最喜歡啲兵為她改變，所以Ryan放棄了個損友，仲要有上進心地去學習日本廚藝，好大犧牲㗎，學師收入少過超市，而他明顯係家庭收入主要來源，為了你要做兵，全家一齊捱，好彩修成正果，否則又變「白兵」。

辰叔，長途步兵，失去了妻子二十多年，仍然痴心一片，唔轉軍營，好難得㗎，年青的辰叔又靚仔又型仲識揸電單車，成個曾演《幪面超人》的及川光博咁型，想轉軍營真係好容易，孤兵守營悶到靠借酒消愁可以理解。

巴西龜，僱傭兵，全劇最成功的兵，出嘉嘉糧仲要令老闆變成女朋友，典型的財色兼收，成功人士，受小弟一拜！

Jonathan ，Fiona老公，典型模範兵，不贅。

Timothy ，嘉嘉前度，不單止拒服兵役，仲態度惡劣，一早應該out左佢啦(女性角度)，男性角度佢幾威㗎，拍拖八年，其實嘉嘉似女兵，佢先係大將！

#ViuTV #二月二十九 #吳海昕 #徐天佑 #劉俊謙 #張松枝 #岑珈其 #李敏 #張凱娸 #麥可怡 #暖男 #超越時空