《阿伯與女》

「其實你究竟知唔知自己想點？」陳伯語氣極其平靜，但暴起嘅青筋拉扯住頸上嘅皺紋，與其話係震怒，倒不如話佢哀莫大於心死…

「既然有錢做乜唔趁宜家走喎？呢排個個都移民啦！」聽陳倩而嘅口氣，彷彿移民只係一呼一吸就可以搞掂嘅事。

陳伯望住女兒說話輕浮，甚至覺得對方撫摸住肚入邊小生命嘅溫柔都極其諷刺，思緒飄回一年前…

-2019年1月-

「爸，我想搞生意。」

陳倩而自畢業之後炒散咗幾年，對人生毫無規劃，唔算無所事事，但叫得過且過。

「吓？」陳伯心諗今次個女又搞咩新花臣。

「我個friend啱啱係美國翻黎，想搵人投資開餐廳。佢好叻架佢，藍帶廚師黎，係個邊都做咗幾年餐廳！」

「人地叻，咁你呢？唔好乜都唔識就摻一腳啦。」

「得架啦！我地上次睇啱咗間鋪位，本身都係餐廳嚟，有曬架餐，頂手做就得，行政野有我個fd傍住嘛！」

「……」陳伯對平日三分鐘熱度嘅陳倩而抱極懷疑態度。

「阿爸，我得架！」陳倩而望住陳伯，眼神堅定。

「你唔好玩啦，做生意好辛苦架，你真係頂得順？」陳伯移開視線。

「我係認真架，你信我啦！」

三年黎第一次，陳倩而終於有咗人生目標，陳伯以為自己可以相信女兒眼中團火，於是賣咗自己一個的士牌俾個女做創業基金。

陳倩而同朋友夾錢係深水埗開咗間西餐廳，大南街鋪租平，於是又開多咗間歐美代購雜貨店係隔離。

「嗱，家用！」陳倩而笑口噬噬，將自己創業第一桶金俾咗陳伯。

「搵個小小錢招積到咁啊死女包…」其實陳伯見到個女咁生性，不知幾開心，殊不知創業難，開鋪有7成事務都係陳倩而合夥人嘅功勞，更何況守業更難。

-2019年12月-

「頂唔頂得住架？」陳伯望住陳倩而眼底個兩噠黑眼圈頗為擔心。

餐廳一開始做得好地地，社運開始後被社區啲街坊杯葛，就算有後生仔唔嫌隔涉特登嚟幫襯，始終都係少咗好多熟客生意。

「滴滴——」手機傳黎合夥人嘅訊息轟炸，想商討餐廳改革。

「得嘅…」陳倩而扶住自己皺得離譜嘅眉頭，將手機翻轉放埋咗一邊。

-2020年 武肺大爆發-

由於政府一系列嘅抗疫措施，回緊氣嘅餐廳又受打擊，雪上加霜。

「頂住，撐過疫情一定會好啲嘅！」

「爸，我諗住quit了…」

「個陣我已經同你講咗做生意好辛苦，你叫我信你，宜家就放棄？」

「你都唔明！」

「上一代經歷過六七暴動，經歷過金融風暴，一樣係咁捱過黎！點解你永遠係咁三分鐘熱度？你究竟知唔知自己想做乜？」

「我唔知啊！得未？」

兩人各自歇斯底里，父女不歡而散。

-2021年4月-

一年黎陳倩而對餐廳嘅業務日漸不聞不問，靠男朋友養同餐廳部分分成生活，但合夥人都頂佢唔住，終於將佢踢走。

與此同時佢有咗bb，來到人生嘅轉捩點，佢再次陷於迷茫之中。而男朋友話香港越嚟越唔係人住嘅地方，勸陳倩而跟佢移民，佢答應咗。

……

「你咁容易被說服，你就冇自己嘅諗法？」時間去翻宜家，陳伯理解女兒難處，但怒其不爭，成日都係臨門一腳縮沙，唔通俾你轉場你就會變好？

「去到英國咪再開餐廳咯！再唔係我翻啲兼職，我就唔信生存唔到。唔通你想睇住個孫係呢個爛鬼地方大？」

「唔係生唔生存到嘅問題啊…係你唔知點計劃自己嘅人生…生性啦！」陳伯頓覺頭痛。

陳倩而唔知點反駁，空氣靜默咗好一陣。

「我過幾日放埋第二個的士牌，之後過啲錢俾你。」

「阿爸…」陳倩而眼眶入邊打轉嘅眼淚唔知係感激定愧疚定後悔……

-2021年7月-

新聞報道機場被飛往英國嘅市民及家屬佔據，影片中拍攝到陳伯含淚道別女兒的一刻。

玻璃窗外飛往英國嘅航班遠去，陳伯全副身家，半生心血，呢世捧係手掌心呵護嘅人就咁離開咗佢。

望住自己兩手空空，陳伯只得苦笑…

-

陳伯燃燒自我奉獻俾個女，最後失去所有。當然阿女唔願捱，對自己人生毫無作為係一大原因。但社會嘅變遷，都係推動悲劇發生嘅重要因素…個個都移民，唔通個個都想移民咩？

#其實你又知唔知自己想點
#論創業與職業規劃的重要性
#全職獵人職捱自救企劃
#FulltimeHeadhunt #全職獵人

新書預購：https://docs.google.com/forms/d/1tjPYjkZpYiQDzv_V3PrKgxj78FUim57G7RDZa6KWBT8/edit

Follow我哋IG：

🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter

《態度決定高度，心態決定境界》

根據世界經濟論壇上星期發布的問卷結果表示，在2019新冠病毒全球大流行之下，有超過一半的在職成年人對未來十二個月內可能失去工作心存恐懼。這個問卷調查，訪問了12000個來自27個國家地區的在職人士。在同一日，世界經濟論壇也發表另一份關於未來工種的研究報告2020。因為新冠病毒大流行，國際勞工組織表示，在2020上半年，全球平均失業率已跳升到6.6%的水平，而經濟合作暨發展組織估計，至2020年底，全球平均失業率將會攀升至上半年的兩倍。再者，世界經濟論壇同時指出，僱主預計，到2025年，冗餘的職位將會從現時佔職場職位的15.4%進一步下滑只勞動人口的9%。

其實引用那麼多最新的數據，想說明些什麼？雖然就業環境及市況比較嚴峻，但有危便有機，在這麼嚴峻的時間，你願意放手一搏，為自己的未來奮戰一次嗎？不少人也為自己的飯碗擔憂，但又有多少人願意跳出舒適圈，好好裝備自己，好讓自己在人生及職場上，能夠多兩張刀，未雨綢繆，好讓他日如果不幸走到噩耗來臨的時候，能夠及早準備，轉換跑道。

有小部份的人，在這次疫情大流行之下，仍然拒絕睜開眼睛，接受現實，發現選擇逃避、拒絕跳出舒適圈或是接受新嘗試，也許採取鴕鳥政策就不會痛，但就是這種態度，往往讓人到悲劇發生時，才會感覺到切膚之痛。正如他們臨急抱佛腳，不會隨時都更新自己的履歷、或者準備好自己面試的時候要說些什麼，即使求職、也是邊找邊慢慢更新及 「鬥CV」，如果有一個職位擺在眼前，只差你交履歷申請就可能換來一次面試機會，你會要人等或是“求“你交履歷才大安旨意說先給你一個舊的履歷，最新的履歷後補，還是已經能夠立刻送上最新的履歷呢？

態度決定一個人的高度，而心態決定一個人的境界，機會只會留給有準備的人，雖然現在可能未有迫在眉睫的失業危機，但有準備的人，往往未雨綢繆，會在這段時間準備好最新最update的履歷表，甚至一直努力默默進修提升自己的技能，好讓在遇到任何逆境時，都能夠打一場漂亮的仗，更有準備地隨時展開找工作的旅程，讓自己能夠盡快重回職場或轉換到更理想的職業。

有時候我們可能會抱怨，為什麼別人的際遇比較好，其實無他，不是對方運氣好，而是對方為自己鋪陳打算，作了不少犧牲及打算，才會爬到那個位。其實每個人都有無限可能，但擁有積極的心態，才會得到更好的機會及際遇。

你，願意把握機會，積極地為自己爭取及創造更好的際遇嗎？你的心態及態度，就是你是否能夠改變命運其中一把最重要的鑰匙。你願意用這把鑰匙打開一線希望之門，為自己的職涯傾盡全力拼一次嗎？

#全職獵人久保
#Fillturegroup

最新職位空缺，請follow IG: Fillturegroup