【 ACOO ╳ 許賢 ╳ 劉榮業 ╳ 梁能仁 ── 港足自救企劃 】 _ 「東京奧運」香港代表隊狀態大勇，奪得一金、兩銀、三銅，創出自1952年首度參加夏季奧運以來的最佳成績，霎時間，港九新界和離島都掀起運動熱，可以是單純參與，強身健體，亦可以深入探討，這種先由上而下再反過來由下而下的關注，前所未見，但似乎跟港足毫無關係。 _ 且慢，剛才有說到足球嗎？問心，今時今日又有多少人仍然留意港足？又有多少人能夠說出擁有高人氣的本地足球員名字？就連無綫經典足球節目《球迷世界》都已經在大氣電波裏消失12年，仲講港足？Who Cares？ 近日，網上媒體「ACOO」以《衝擊300秒》的系列名義，製作一連兩集關於本地足球業的短片，邀請出名熱愛足球的「試當真」藝人許賢，以及講波講到變「ViuTV一哥」的強尼齊齊參與，以重現《球迷世界》（1984-2009）當年介紹本地波的方式包裝，嘗試探討港足衰落與日後發展這個大議題。第一集（19/8上架），以風趣幽默的形式評述香港小型足球賽事（2019東南海盃七人球賽），讓兩位主持「借講本地波講本地波」，分享對港足的看法，反思為何港足弄得如斯田地，愈踢愈霉。 _ 來到周四（26/8）上架的第二集，許賢化身外景記者「腎仔」，跟兩位前香港足球先生劉榮業以及梁能仁切磋球技，又大談本地波發展，現時仍有參與小型足球賽事的兩位大前輩，一致認為港足未來發展難以看好。 _ 根據康文署數據，目前全香港共有83個草地足球場，撇除香港大球場及旺角大球場，整體使用率72%，另有234個小型硬地足球場分布各區，因為是免費預約的公開場地，故難以統計這類球場的使用率，但舉個朋友分享的真實例子：十幾年前，硬地場因為使用率高，年青人如果「落街踢波」，可以連波都不用帶，單人匹馬到球場邊「黐波踢」，都可以玩足一晚。每個場平均有3至6隊輪候，採用「黃金入球制」，一球定生死，勝者繼續留在場上迎接下一隊挑戰，敗方就到場邊休息排隊等待下次出場，如果等待期間波癮起，最多只能夠與隊友在場邊搓波，一不小心將足球踢入球場範圍，甚至會被在球場上比賽中的球員「問候」。如今？按小型足球要求5至7人為一隊的標準，約齊人已經非常困難，打算「落街跟隊」，不是沒有對手，就是有人跟你講：「唔好意思，Book咗場」，很難熱鬧起來。 _ 事實上，香港仍有不少小型足球的賽事（5人至7人），例如有「Winning 7」，亦有由香港足球總會主辦的「賽馬會五人足球聯賽」等。正如節目中提及，有知名度高球員參加的球賽，甚至會有過百名「球迷」圍觀，相比在11人場觀眾分散在席上觀看熱鬧得多，不過總是無法走進主流，引起廣大市民注意。吊詭的是，香港人的世界裏並非沒有「足球」，只是大家關注的海外球賽。自千禧年代開始，電視台爭相競投英超、西甲、德甲、法甲等國際級知名聯賽轉播權，睇波的風氣蓬勃至今，那些投得轉播權的收費電視頻道，貴一貴都有人買，走在街上，隨處可見一大堆支持曼聯、利物蒲、巴塞隆拿、皇馬的粉絲，有些甚至穿上印有球員名稱的波衫，無比自豪。 _ 反觀港足，敢問大家可曾見過在街上有人身穿2020-2021年度「香港足球先生」、來自黑山、現時效力傑志踢前鋒的丹恩奴域9號球衣？很大機會只他本人而已。 _ 2003年8月，香港政府將賭波合法化，此舉在當年是以「打擊外圍賭波」為名而實施，將睇波文化變成熱潮，轉眼18年，如今香港唯一合法投注的機構「香港賽馬會」不單開放世界大型聯賽例如英超、西甲等，就連日本乙組聯賽、挪威超級聯賽、墨西哥超級聯賽都加入可投注賽事，但跟香港人最貼身的「香港超級聯賽」卻不在名單之內。近年曾有立法會議員質疑，為何「港超聯」（香港超級聯賽）不能賭？當時署理民政事務局局長陳積志表示，特區政府政策是不鼓勵賭博，並指看不見此舉對推動足球有幫助（甚麼答案？！）。若果沒有馬會推波助瀾，香港人真的會對這些非主流球賽有興趣？ _ 唔講賭錢，回到實際操作 ── 培育新人和相關配套又如何？誠如節目中許賢及兩位香港知名足球名宿提到的「青訓」計劃，根本難度甚高，因為要在香港中、小學開始培訓球員甚至球星，首先要擁有一個能夠長期使用的球場，其次是家長要陪同小朋友參加密集式訓練，然而香港教育制度出名功課和考試壓力大，坦白講，正如劉榮業所言「正正經經打份工」可能更符合香港人的需求。但曾經風光一時、大球場上人頭湧湧支持本地球員的光景，是否在今代香港人眼中經已「絕種」？又未必，畢竟政府在「東京奧運」後公布五項支援本地體育發展措施，說不定港足會因而受惠。 _ 另一個更應帶出的重點，是如何宣傳港足。就如許賢在節目中所言：「作為YouTuber，可以拍多啲足球片，YouTube係可以製造到名氣。香港足球最大嘅障礙就係建立唔到名氣。」當年「陳七」陳肇麒、「門神」葉鴻輝曾經為香港球壇牽起過一番熱潮，可惜後繼無人，「香港足球先生」的頭銜過去四屆亦被非本地球員包攬。如今運動風潮熾熱，多名香港運動員的社交網絡平台粉絲人數急升，推動本地足球亦算合時宜，若11人足球賽事難以發展，是否可轉為發展小型足球？小型硬地足球場那麼多，劉榮業和梁能仁亦是踢「硬地」出身，換個戰場或更合港人口味，是吸引更多人願意「落街踢波」、「圍埋睇波」，球場見啦大家！ _ #游大東 #ACOO #衝擊300秒 #maketmrbetter #28082021

波.在於我嚟講好多時唔係要嚟睇,甚至乎唔使睇~但係有一隊波Once你買咗就點都要睇一睇😏同埋一日未吹雞完場一日都唔好放下心頭大石🤣 碧咸邁阿密~ 佢啲後防真係世界級😂仲有落場11個球員,超過一半係計時炸彈😂🤣😆但又唔代表最終賽果一定係開大!簡直難估過曼聯生活好成日鬼鬼馬馬幫得手嗰啲😏

曼聯今季點排陣？ Greenwood Sancho 踢左定踢右？ 1. 睇完 Man.Utd 第一場大勝 Leeds 5:1，好多人都好興奮啦！不過你有無留意到啲球員擺位有啲古怪。 2. 呢幾年爭聯賽嘅不外乎 Man Ciy, Chelsea, Liverpool，加上早幾年睇得防守教練多，大家都習慣左 領隊將個球場劃格仔，再擺球員入去。不過 Ole 家下似乎唔係玩呢樣。 3. 係咁嘅，Ole 上場一開波將 Greenwood 放係 CF 位，大家以為係以替代 Cavani 為長遠目標。 4. Sancho 係 FIFA 入面又標左 RW，又以為佢打右翼啦！ 5. 點知 Sancho 換入來後踢左翼嘅喂… Greenwood 轉去踢右邊。吓！咩事，唔係 Cavani 接班當 Van Persie 咁踢咩？ 6. 賽後記者都有問 Ole，佢係咁答的。"How do you know I want him to be a striker?" 7. 咁即點呢？Ole 再答有端倪啦！"I've got forwards who can play in different positions. He scored a goal from a left wing position, he's so effective from the right, he can still be a number nine or a centre forward. 咁即係自由人？定萬能前場呀？ 8. "You can see the forwards we've got into the team with Mason, Jadon, Marcus [Rashford], Anthony [Martial], Dan [James] even, they can play in different positions and Edinson [Cavani] is probably our only one fixed in one position." 噢！睇埋呢到明未？知道 Ole 想做咩未？ 9. 簡單講，前場左中右 3 個位自由轉，Greenwood, Rashford, Sancho, Martial, James. 同一場波可左可右可中間，互相走位，好似以前 C.Ronaldo, Rooney, Tevez 全盛期咁。 10. 不過咁，Ole 呢個想法好明顯有漏洞家下。Martial 只可踢左及中，Rashford 只可踢左及右，而且家下仲有防中問題。 11. 所以你睇上場實際情況係 Pogba 左，Greenwood 中，James 右。三個走位有限，而負責中間個個無論係邊個都要適時退後俾位 Bruno Fernandes 入攝。 12. 假設長遠主力係 Rashford, Greenwood, Sancho 踢左中右自由換位，加上容納 Pogba 的前提下。Pogba 最好同 Bruno Fernandes 踢雙中場，Bruno Fernandes 做後上 CAM. Pogba 負責派牌。 13. 要做到咁，防中嘅 Fred 及 McTominay 就要二揀一去做防中，或者買一個掃蕩力強，或者可以收入去中堅位，例如 Kante 或 Henderson 或以往 Carrick 的防中。 14. 如果唔要 Pogba 得唔得呢？咁就唔駛搞防中。得，不過 Bruno Fernandes 一俾人防死左，前場就無供應。Pogba 夾 Bruno Fernandes 係現時最佳選擇。 15. 正因為要咁，Ole 下個買嘅人應該都係防中，一就 Rice，二就 Saul，三可以買 Thomas，四暫時未想到啦！ 16. 傳聞話 連美斯 會轉會去 West Ham，未公佈可能全因傾緊 Rice 轉會，望就咁望。 #去YouTube訂閱我 YouTube@stoneip #manutd #manchesterinited #英超