【城市規劃與利東街】在規劃師杜立基的工作枱前，有一列書櫃，書櫃的當眼處，擺放了一張規劃師學會在二〇〇五年頒發的銀獎獎狀，表揚他作為專家顧問、與利東街居民就街道重建所設計的民間規劃方案。​ ​ 雖然俗稱「啞鈴方案」的利東街民間規劃方案水平獲得業界肯定，卻未能開花結果。提交到城市規劃委員會，卻遭狠狠否決，連番上訴仍然維持原判。事隔多年，利東街已按着市區重建局的藍圖，發展成如今的仕紳化商場住宅地段。「不看背後的權力關係或演變過程，今日見這個product會覺得：OK吖，」​ ​ 杜立基說，「但如果你再看這裏之前是怎樣的、轉變過程及其之間的權力關係，不安和問題就出來了。」​ ​ 透過結連組織，利東街的街坊曾與市建局和發展商進行過一些周旋角力，但最終還是不敵強權。官商聯合決定的規劃方向，主宰着利東街重建項目的發展，也終促成了該區的仕紳化現象。​ ​ 杜立基講解，仕紳化一詞源於紐約倫敦等西方大城市，本來是指尤其文化藝術界的民間人士在窮舊街區的經濟活動，怎樣下而上改變街區氣氛，吸引地產商和中產階級進駐，繼而迫使原先區民搬走。然而，利東街的仕紳化，是上而下的規劃造成的。​ ​ 利東街的仕紳化案例，使人們從此對任何社區轉變的苗頭都又畏又懼。但杜立基提醒，社區不是死的，各有自己的生命。「有生命就會有演化，因不同的因素演化。其實喜帖業亦不是Day1就有，利東街那麼多年，中間一段時間出現喜帖業，它都是因為不同的因素不斷演化。」重要的是，拿着城市發展權力的人需要有自覺性。「要自覺力量的不對等，當你動用那麼大的能力，法例賦予你的權力，市場的能力，大權在手就要有自覺，會對受眾造成什麼影響。」​ ​ 「我們現在這個城市，政治權力與市場力量的結合，大力影響操控城市發展和市民的民生，這個基本格局，在我看來，是很難根本性去改變的。」杜立基悲觀預計，以後這種現象只會更一面倒，因為香港的困局是沒有民主制度。在外國，他們即使面臨仕紳化，民間與之抗衡時背後也可向民選議員市長呈請。「現在我們不用多想了，他們不來搞破壞已經算好。」 【即Click bio看更多編輯精選內容！】​​ ​ #灣仔 #利東街 #喜帖街 #仕紳化 #印刷街 #規劃 #城市發展 #重建 #社區 #保育 #歷史 #Gentrifcation #明周藝文 #我就是我

311 餘震中的東京 我認為真正可怕既日子係311打後既日子， 走到東京街頭， 街市所有食物搶購一空， 新聞每一日都講緊幅射幾勁幾勁， 會對人體有咩害。 然後每一日都有5到6級餘震。 一D都唔比當日弱小。 小朋友因爲幾秒既地震而發出既大喊聲， 同毫無先兆既地震已經嚇到我無一晚可以訓好。 唔知幾時會個依櫃會再冧落嚟， 唔知幾時會停電， 幾時無食物供應。 打開電視， 無數人濟留機場。 所有航空公司大殺價， 機票由8千蚊一下子變到幾萬蚊一張。 又話所有由日本返香港既機都要接受幅射檢查， 本來堅持唔返香港既我， 都唔知可唔可以準時開學， 帶住萬分複雜心情忍痛回港。 返咗香港唔夠一個星期， 得知我間大學可以如期開學， 我即刻飛返日本。 一切一切嘅延誤， 運貨公司冇準時將我喺京都嘅嘢送到東京， 學校都唔可以準時喺4月1號開學， 最慘嘅係同我一齊讀語言學校， 考左去東北地區， 尤其係福島嘅同學， 連學校都被沖散埋， 亦都冇再考第二間學校既佢地， 連學都冇得返。 我有一個同我幾friend嘅同學考左東北地區， 送我上巴士去東京嗰陣時， 仲叫我好好地咁讀書， 讀埋佢嗰份。 走嘅時候， 我好大力咁抱住佢， 我係完全冇任何語言可以代替到” I am so sorry” 送我上車嘅仲有我返工嘅客人， 日本公公婆婆去咗八阪神社求左個平安符俾我， 祈求我一切平安， 學業進步。 面對着一切一切嘅無奈， 大家都俾咗好大嘅鼓勵我， 一個人前往東京嘅巴士上面， 我既眼淚不停咁流。 帶着沉痛嘅悲傷嘅開學典禮， 櫻花落下， 全校所有人一齊默衰。 一切都好似慢慢回復正常， 但係其實每一日都過得心驚膽跳， 因為我係讀時裝設計， 課室裏面有好多熨斗，洋剪，衣車等等等等， 四月嘅幾乎每一日都有餘震， 開始你會見到水樽裏面有個圓圈， 然後你再見到多幾個圓圈抖陣， 然後你會好暈， 再然後同學會大聲叫地震， 所有書都會由書架上面啲晒落地， 燒熱左嘅熨斗， 枱上面嘅針線、鉸剪、間尺、畫具、玻璃杯， 都會因應餘震嘅大小， 跌晒落地下同爛晒。 我哋唯一可以做嘅， 就係全部匿埋係枱底， 等幾分鐘又幾分鐘嘅餘震過去。 然後望住破壞左嘅作品， 又再一次從頭重新做過。 執起跌咗無數次地下嘅書本， 望住幾千銀一把嘅洋剪跌爛， 好貴嘅顏料🎨跌晒落地下仲要清潔返。 有次有個同學走唔切， 仲比熨斗燙傷左， 成個人仆左落個地下， 然後個書櫃跌咗落嚟扎住佢隻右腳， 全部人都唔夠膽出嚟。 好彩老師及時拉開個櫃， 佢好辛苦先行返入枱底。 到今日為止， 我都唔會忘記餘震之中渡過嘅日子， 無數晚既失眠， 未知嘅恐懼。 雖然唔知道吸左幾多輻射， 好慶幸依家依然好健康咁樣生存緊。 亦都係當時同學校做咗好多作品義賣， 去出小小棉力幫助呢一次嘅地震。 大自然係非常之偉大， 但係同時都係摧毁性。 雪中送炭嘅人唔多， 但係日本民族遇上困難嘅時候嘅團結係非常值得我哋學習。 能夠係逆境之中互相幫助， 亦都係我喺日本留學中嘅非常寶貴嘅一課。 #日本 #旅行すきな人と繋がりたい #富士山 #人像攝影 #旅行 #bookshop #hkig #travelphotography #travel #travelblogger #traveler #vintage #iphonexs #vsco #utravel #japan #日本 #agoda #visitkyoto #写真好きな人と繋がりたい #shorthair #explorejapan #japantravel #japan #hkiger #旅遊日記 #遊記 #日本留學 #sportwear @reebok_hk @adidashk

🙄你有冇試過：考試嘅時候，醒起筆記有嘅內容，但硬係醒唔起寫咗乜？ . 🙄你有冇試過：花好長時間，寫靚本筆記，考試嘅時候，心諗：「如果考試係Open Book嘅形式，咁就好啦！」 . 🙄你有冇試過：寫完/買完本筆記之後，長期放喺書櫃，只係刨過三兩次？ . 🙄你有冇試過：望住自己本筆記，自己問自己：「寫得咁靚咁完整，咁點解唔直接睇書？」 . 接下嚟，我會解釋你知3個問題： . （一）點解普遍學生都會沉迷筆記？ . （二）當你沉迷筆記，你會有咩後果？ . （三）唔寫筆記嘅話，你又應該點樣學習？ . 先旨聲明：沉迷筆記乃人之常情，千祈唔好斥責自己蠢。we are only human，執起再放下，係成長嘅必經階段，睇咗呢篇文，你係應該慶祝至啱！ . 👹點解普遍學生都會沉迷筆記？ . 👿具體化。當你買咗你依家揸住嘅呢一部手機，你會睇得到、摸得到、撳得到佢，因此你徹底知道自己擁有咗呢一部手機。但係……「知識」呢？你點先知道自己擁有咗「知識」？睇唔到、摸唔到、撳唔到，「知識」係抽象嘅。當你將知識寫落本筆記，而呢本筆記又係擁於你嘅時候，你就會妄想你已經擁有「知識」。但係諗深一層，其實你只係擁有筆記，未必擁有咗「知識」。 . 👿象徵性。學功夫練紥馬，練夠唔練夠，可以用時間量度，紥馬三個鐘，梗係堅過紥馬三分鐘。但係……溫書呢？點先叫溫得夠？更加貼地嘅問題係：老師叫我勤力溫書，我點至叫勤力？時間都證明唔到，因為溫書可以遊魂，繼而嘅對策，就係寫筆記。但係諗深一層，畀盡你寫嗰一次溫咗，翻睇嗰N次同一般溫書有咩分別？ . 👿儲物癖。自己嘅筆記寫得靚，可以靚到藝術品咁，好似啲小妹妹寫手帳，有時我都覺得幾可愛（小妹妹都可愛）。天皇嘅筆記更甚，封面設計靚到爆，尤其是當個天后仲要幾靚女嘅時候，間唔時望吓可以提神。有啲常規筆記寫住第X集，成個系列咁，若然少咗本，全套1至10集唯獨少咗本第5集，個心仲會唔舒服。但係諗深一層，你儲咗本嘢，唔代表你具備咗作者嘅能力。 . 👹當你沉迷筆記，你會有咩後果？ . 送一個好經典嘅故事畀你： . 有個人，喺森林，想過河，於是佢開始收集物資，紥咗隻木筏出嚟，成功渡河，過咗對面岸。佢心諗：「呢架木筏，幫我渡過咗難關，非常有用，我一定要Keep住佢。」於是佢就將成架木筏，孭喺背脊，繼續上路，相當狼狽。 . 係咪好戇居？係啊！我地每一個人都曾經如此戇居過。筆記有用，於是我地唔肯放低佢，一本又一本孭曬喺背脊。 . 沉迷筆記嘅後果，就係佢會【拖慢你嘅學習進度】，初期你會有顯著嘅進步，但好快你會去到樽頸位，寫極筆記都係咁上吓，孭住架木筏，你想行得幾遠？ . 此外，沉迷筆記嘅另一個後果，就係你【誤以為自己識好多】，可以快速翻查知識，但考試嘅時候，無得翻查，等如射擊比賽唔畀帶鎗。 . 上述嘅故事，其實出自佛學，佛曰：「木筏非岸」就係咁嘅意思，你係想去對面岸，隻木筏只係你去對面岸嘅工具，你要將佢放低，先至真正上到岸。 . 查實筆記唔係無用，但有用之處不在儲，有用嘅係寫嘅過程。你可以疏理雜亂嘅知識，重新組織起嚟。記住你要【將知識input入大腦，唔係將知識input入書櫃】，否則考試嘅時候，唔通你打開本筆記偷睇？ . 👹唔寫筆記嘅話，你又應該點樣學習？ . 其實我係會寫筆記，正如上一段所講，筆記都有用，但有用嘅係寫嘅過程，而唔係儲嘅過程。所以，我會不斷寫筆記，唔會寫喺簿，而係寫喺紙張上面，方便我嚟手丟咗佢。（寫喺本簿太靚，邊會捨得丟吖！唔捨得丟嘅話，又點會肯再寫多N次吖！） . 每學一樣嘢，都係一個累積嘅過程，總會有一個時刻，自覺累積得太多，好似屋企張書枱咁，一本本筆記攤响度，好似幫張枱冚被咁。去到呢個moment，就應該拎張紙出嚟寫筆記，疏理返啲知識，幫你個腦執枱。 . 寫完之後，過一排又學多咗嘢，呢個時刻你再回望呢張爛紙筆記，你會發現有啲內容你已經識咗，唔使睇都會知，咁你就可以用筆，劃走啲已知嘅內容，甚至撕走佢，逼自己「記」入腦，而唔係「寄」存喺書櫃。若然淨返好少內容唔識，你可以直頭丟咗成張爛臭紙，連埋你新學嘅內容，重新寫一張爛紙筆記。不斷進行呢個程序，丟！丟！丟！你越丟得多，就代表你越學得多。 . 💡學習有咩竅門？不妨乎兩招： . （一）重覆次數夠多，即係所謂洗腦嘅原理，電視劇主題曲每日都播，你無刻意背都會無端端識得唱。寫靚筆記，知識重整只有一次；寫爛紙筆記，知識不斷重整。 . （二）夠深刻，刺激臂上腺素。寫靚筆記，隨時可以速查，整個過程太安全啦，唔記得就查返。但係「劃、撕、丟」就唔同，唔記得就無咗，下次又要再寫過，逼自己記得更深刻。正如實驗室老鼠學嘢，都係靠電擊，行錯就電你，行錯就電你，夠深刻。 . 杜氏數學：爛紙筆記學習法，一次過滿足你兩個願望。 . 盡信書不如無書。張三丰教張無忌武功嘅時候，每教一招就要佢忘記一招，當張無忌忘記曬嘅時候，佢就練成了。呢個係再另一個境界，潛意識嘅境界，我前幾個帖講「點先叫溫熟？」嘅時候講咗，我建議你去睇埋。 . 我喺留言區，分享多個故事： . 記者訪問李小龍：「咩叫截拳道？」李小龍突然將枝mic拋畀個記者，個記者自動接住咗，李小龍回答：「這就是截拳道。」 . 若然你做數能夠去到呢個境界，本能反應就計咗條數，咁你就真係熟啦，詳情去睇返個帖。 . 😍坐言起行：篇文出唔曬，請睇留言🤣