【龔成問答信箱】（Q22361-Q22380）

Q22361：

龔sir你好呀呢排上緊你進階班，有幾條問題想問

1. 記得你講過話如果非控股權益條數太大，就直接用盈利條數去計純利率，咁大概幾多為之大呀? 如果非控股權益佔盈利10%算唔算大?

2. 如果一間公司旗下淨係有聯營或者合營公司，冇任何附屬公司，咁係咪盈利=股東應佔溢利? 冇非控股權益呢條數?

3. 假設旗下有聯營公司，如果用盈利-聯營公司應佔溢利去計純利率，理論上純利率數字係咪會更加準確?

4. 最近試下分析2138，近年逐漸以醫療業務為核心，係全港最大非醫院醫療機構，亦都不斷有收購動作，以擴展專科範疇。本身醫療行業係有前景嘅，

市民消費力越黎越大，營業額有平穩上升，本質應該唔差嘅。但睇佢財務數據唔算太理想，近年純利率有下跌趨勢，我留意到註冊醫生同僱員開支比例不斷上升，佔成本好重。

但係轉個角度睇，近年香港環境係幾差，目前企業仍然以香港業務為核心，始終會影響業績。而管理層對前景有信心，就算面對大環境影響仍保持擴展動作，醫生團隊不斷擴大，

所以拉低左純利率。長遠將營運模式複製到內地，大環境利好情況下，都有唔錯增長力

我分析成點呀，有冇其他我未睇到嘅因素? 呢度都幾大段野非常感激

龔成老師︰

1) 我地要估這個調整，主要係因為當集團對附屬公司持股，較接近50%時，即附屬公司盈利中，有不少比重非有集團所有，令計算出來的純利率出現偏差。

所以，我地有時係會唔扣"非控股權益"，直接用盈利(而非股東應佔溢利)去除營業額，去計算純利率。

但我地唔需要一見到"非控股權益"有數字，就去做這個調整。因為有時個數字好細，當你調整後，發現純利率其實無明顯變化。

所以，你預"非控股權益"大於"盈利"10%，我地才會對純利率進行調整，令佢數字更能反映真實情況。

2) 係，因為聯/營公司只會將所佔利潤入帳，而非好似附屬公司咁，就算持股<100%，都會100%先入帳。

因此，若企業只係有聯/營公司，非控股權益係會零。

3) 係，因為你"營業額"中並無計入這些聯營公司收入數字，若不扣除的話，純利率會被高估。

4) 香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

你分析中都說到一些重點，佢員工成本係有上漲，而該部份佔成本比重都唔細。由於集團近年加快內地發展，係員工和醫生方面開支增加，都係正常。

但係數據中，你會睇到佢賺錢能力，因成本增加而出現倒退。但由於集團加大發展，成本增加係正常。

重點係這些成本，長線能否轉化成更高收益效率，就要再觀察。暫時睇佢業務發展不差，長遠有增長力，不過業務中短期會有少少波動。

現價算略貴，由於都有不確定性，故投資時要控制注碼。

------------------------------------------------

Q22362：

龔成 你好。我30歲嫁啦。但都係儲得10萬。點先可以令到啲錢滾大啲。但我完全無投資經驗。我連MPF都係揀最保守嗰啲

可以幫幫我嘛，thanks

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」 + 「潛力股」作組合，去創造一個增值平台。

你現時無投資知識和經驗，對企業估值，點去定平貴未必會太了解。所以，我建議你先利用月供模式，去做增值，可以減低買貴貨風險，對你而言會較理想。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股。

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

現時大市只是合理區，你現有10萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於MPF，配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。

強積金是一個超長線投資，中短期當然會有上落，但就唔需要轉來轉去。

只要按你的年齡，長線配置就得。我自踏入社會工作後，一直都是100%恆指，無變過，根本唔需要理會。

------------------------------------------------

Q22363：

你好呀 請問可以指點一下嗎?
1919 平均價$17.9 入咗
1022 平均價$0.91 入咗
833 $10 入咗
請問未來應該點部署??
麻煩晒 感激不盡

龔成老師：

飛魚科技（1022）較弱，華訊（0833）就一般，中遠海控（1919）算是有質素。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價略貴，回1、2成會合理翻d。

飛魚科技（1022）質素不太好。業務不穩，持續虧損，投資價值不高。

之前得到騰訊（0700）入股，往後會提高企業價值，潛力度高左，但由於仍有未知數，業務不能推算一定成功。

華訊（0833）主要從事生產及銷售電子產品、塑料模具、塑料及其他電子產品元件、買賣生物柴油產品及提供煤氣爐頭、以及提供節能業務解決方案。

業務不過不先，生意都有增長，但盈利有點波動，之前有虧損。整體的企業質素算是中等。

現時股價合理，但由於規模細，加上企業優質並不是很強，投資價值唔算高。如投資，小注好了。

------------------------------------------------

Q22364：

我有睇呀老師
但我手上的股票都從高位下跌了不少，不知應該怎做

270、364、388、700、823、1316、1833、2013、2800、3690、9988

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

區塊鏈集團（0364）停牌，暫時只有等，但睇翻佢過往財務數據，年年虧損，不宜投資。

微盟集團（2013）風險會高少少，不能持有太多

而美團（3690）則較波動，要注意風險。

至於其他，問題不大，但就較集中在科網類股，成為你最大核心風險。

------------------------------------------------

Q22365：

龔Sir你好！多謝你的意見！最近我終於入了維他奶($25.1)和騰訊($534)，重基礎分析我覺得這兩間是有質素的公司，我認為襲警事件和監管事件長遠都不會影響 企業的核心賺錢能力，所以決定入貨！

學你話齋長揸有質素的企業享受長時間覆式成長的威力！ 另外想請教你石藥集團(1093) 和福壽園(1448)是否石藥集團較優質一點？

龔成老師：

對，騰訊（0700）、維他奶（0345）都可長線的，最重要是睇翻企業長遠的發展。

石藥（1093）有質素的股票，佢係國內主要醫藥製造商之一。成藥產主要在中國出售，包括抗生素、心腦血管用藥、糠尿病用藥、精神病用藥、抗腫瘤用藥及中醫用藥。

原料藥包括粉狀抗生素、維生素Ｃ及咖啡因，大部分於海外市場銷售。

佢的財務數據不差，有增長力，不過，行業本質有風險，加上近年的政策風險，都令佢股價甚為波動。

這股可投資，長線持有，現價合理區中上位，唔好太心急去一次過投資，宜慢慢投資，長線持有。

福壽園（1448）有質素有發展力。

佢係中國最大的殯儀企業，有一定的規模，而針對的是高端市場，服務有一定的質素，擁品牌及知名度，有相當的賺錢能力，財務穩健負債少，因此企業本質不錯。
由於行業處增長的市場，而新競爭者要入行不易，因此對原有企業有利，故福壽園是優質的企業。

佢憑著本身的優勢，能取得比同業更好的回報，而福壽園管理層表明會持續擴展，策略上會透過併購同業及買墓園去擴充。

由於福壽園的模式成功，因此只要投入資金去發展，複製過往的成功，已經能取得理想的再投資回報率，長期來說此股有一定的增長潛力。

不過，由於此股業務好獨特，因此業務情況在年報上或資料上，未必能完全反映，雖然數據及資料上都顯示此股有質素，但往往要時間證實。

至於企當估值方面，太約$7.5是合理區頂的水平。但不能太一次過投資太多太進取，以分注小注投資是一個策略。

管理層的野心大，投資後不要升少少就賣，要耐心持有，等長期更大的收成。

其實兩隻都有質素，可能福壽園略好。

------------------------------------------------

Q22366：

阿sir，我預計下月會再跌市，請問想撈貨，應幾時入市？

龔成老師：

無得預計的，巴菲特等投資大市都不會預期股市走勢，不要認為自己勁過佢地。我地只知股市會波動，因此當有些股在合理區，已經可以分注買入，當然同時要留現金。

------------------------------------------------

Q22367：

你好老師，老師 想請教下

有關3067 17.231入跌左19％應該點處理呢？
有關6862 34.6入跌左30％應該點處理呢？

龔成老師：

安碩恒生科技（3067），有長線投資價值，你耐心持有就得，你買入價在合理區頂至略貴。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

這基金上落較大，現價大約在合理區中上部，你可持有，如果佔組合比例少，可慢慢分注投資。

至於海底撈（6862），這股就要小心股價上落大，如果持貨多可能減。

從業務長遠本質分析，佢又是不差的，長遠仍會正面，不過中短期會弱。

第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

不過，這股市場之前比佢好高估值，就算近期回落，最多只能稱為合理區頂，一定未平。如果有貨可長線，但太多貨要減，股價始終波動。

------------------------------------------------

Q22368：

老師你好 我睇左你個page好耐下 想請教你買股票嘅問題 28歲 我係2019年開始買股票嘅 係隨便買 一出糧錢就好似shopping咁買股票

感受平平地就買 我覺得我好似有啲問題同好危險 因為我唔知幾錢叫平 總之平過我上次買我就覺得平 買股票又無plan 你可唔可以幫我睇下我啲組合有無問題，我蝕緊錢：

700 2手 $629
9988 4手 $232
175 3手 $22
1810 4手 $26
7226 6手 $6
66 1手 $37
17 0.5手 $34

我無儲開錢 啲錢係曬股票度算唔算儲錢？

龔成老師︰

我地做財富增值，其實就係將只會貶值現金，換成長線有增長力的優質資產的一個動作。優質資產可以係物業，可以係優質股、生意等。所以，你買的股票只要有質素，就等同儲緊錢。

但我地唔係完全唔留現金，因為我地要進行日常交易、同時要留有部份，以備不時之需，和當有大跌市時去入貨。

而我地去決定是否投資一隻股票時，你要知道佢到底係做乜、點賺錢、有無質素、行業發展前景係點、財務有無問題等等，才決定值不值得投資。

之後，我地再去用上述資訊，去估算出佢平貴程度，才去制定入市策略。

今天買入價，比上次買入為低，唔一定係"平"，可以係2次都係買貴左。而且佢股價下跌，你一定了解翻，會唔會係一些長線因素影響，令佢投資價值有變。

以你28歲年紀，應以增值為主。你現時持有股票，都有質素，可持有。而且都好好彩，大體上買入價都合理。

但有一隻要留意，ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。

雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。

我會較建議投資無槓杆的恆生科指ETF（3067），始終較好。

以你現時狀況，你投資經驗唔算多，你可以每月用一半儲蓄去做月供，另一半儲起等大跌市這個模式，去慢慢儲貨，相信會較穏當。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

------------------------------------------------

Q22369：

你好，有啲問題想請教你下的。我有50萬儲蓄 想問有咩比較 穩陣嘅投資？

定係買啲派息基金 個個月收3千幾蚊息 用簡單啲呢？thanks

龔成老師︰

以你每月派$3000計，派息基金的派息率(7.2%)都算吸引，但你要確認到底派息金額是否保證，而且產品本身，有無"賺息蝕價"的可能性。

如果你想投資一些較穏陣股票，可以用以下優質股。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，如果你係較年青，我會建議用平穏增長股，去做增值。若你較退休之年，穏定現金流對你相對重要，你資金就應集中在收息股類。

你可以因應自己人生階段，去進行選擇。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、平安(2318)、粵海(0270)、領展(0823)。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

現時大市只係合理水平，入市要分注，同時要留有3-5成現金，去等大跌市出現，才用來加大力度掃貨。

------------------------------------------------

Q22370：

龔成老師，你好。認識了你一個月，第一次發問。本人32歲，已婚有兩名子女。沒有股票投資知識。

有一層已供完的自住樓，另有一層放租，租金12k，貸款400萬，供30年。現金200萬，沒有持有股票。

本身有個目標就係希望50歲退休，到時每個月可有50K被動收入。可能受屋企人熏陶，一直諗住用買樓收租方式去實現目標。即系退休時要擁有4個已經供完，月租12k-13k的單位就可以了。

但睇咗老師嘅專頁後，發覺有啲師兄都係訂咗呢個被動收入50K為財務自由目標。而老師分析只要有1000萬流動資金，做到每年6%回報，其實已經可以做到我個目標。

對比之下好似簡單過買多3層樓收租，所以如果好似我咁樣嘅個案，應該點樣部署投資組合。

P.S題外話，長遠來講自己覺得退休有四層樓收租另一個好處，係當中兩層更可以等子女成家立室時送贈。

謝謝解答

龔成老師︰

若你希望50歲退休時，每月有5萬蚊現金流，以股息率6%計，的確係需要1000萬本金。但只係一個參考數值，總點唔係放係1000萬，而係如何創造出每月5萬現金流。

其實我地退休後，獲得現金流係有好多方法，物業(收租)、收息股、優質債券、年金，定息產品等等。(除了物業，其他都係退休後，唔係而家就買)

無話邊一種係特別好，因為我地重點係要創造一個平衡組合，希望萬一個別投資項目出問題，都唔會嚴重影響到我地全個退休計劃，所以資金會平衡分配係這些項目上。

所以，收租物業都應該成為你財富組合，其中的一員。只要唔係全個組合，大部份比例都被物業佔據，咁就可以。

你現時已持有2間物業，餘下資金和每月儲蓄，應先投資在有增長力優質股，去累積退休所需資金。

你32歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

但由於潛力股有一定風險，你可以先集中投資平穏增長股，到你有一定投資經驗，才慢慢加入潛力股類。

現時大市只是合理區，你現有200萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你現投資$200萬，18年後大約會增值至1100萬，再加上你本身收租物業現金流，相信這樣安排，很大機會達至你的財務目標。

------------------------------------------------

Q22371：

龔成老師你好。本人34歲，穩定收入，月入4萬7千。有100萬現金，每月可蓄1萬多。請問如買邊隻股票較合適？偏向想長線高回報個種。

謝謝老師。

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時34歲去計，可以投資「平穏增長股」和「潛力股」。你每月5成儲蓄，即是用$5000做月供。其餘先儲起，用一邊月供一邊儲蓄的策略。

潛力股係增長力上，會相對較大，但風險同樣地，都係會較高。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成。你可以視乎你投資經驗多寡、了解這些股票程度和風險取態去決定。

大市現處於合理水平，那100萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

------------------------------------------------

Q22372：

你好丫龔成，我睇左你個page一年，想問問你，本人28歲，儲蓄300萬現金，50萬股票，但股票全部都蝕錢，因早期聽人講買落走唔到，

現有額外流動300萬現金，共600萬，想同時買2個單位，你覺得可以嗎？有咩地區可買？月收入十萬，現租11000單位

龔成老師︰

我先講物業部份，如果係自住樓，地區主要係適合你長線生活需要，咁就可以。

如果係投資樓，除左鄰近商區地段，好似中環、東九、北大嶼(或有變數)外。你都可以留意一些潛力較高地區，好似堅尼地城、大圍、黃竹坑等。

現時整體樓市唔算平，租金回報率唔算太高，用物業做投資增值，值博率不及股市。

但從平衡配置角度，你現時買1個單位投資，我覺得都可以。但2個的話，就會太偏重係物業類，唔係咁理想。

而股票方面，我地投資股票，其實就即係投資一間企業。你一定要知道佢業務、質素、行業發展、財務狀況等，唔好只係聽日講，就走去買。

你要睇翻這些股票有無長線投資價值，如果有，中短期波動唔洗太在意，照持有係無問題。但若無質素，就算現時是賺是蝕，都應該要減持，甚至完全沽出。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你28歲，應以增值為主，建議你用「平穏增長股」 + 「潛力股」作組合，去創造一個增值平台。

除了現有資金，你可以用每月5成儲蓄做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有300萬資金可投入多50-100萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22373：

本人34歲。供強積金後，月入$27000。每月儲$16000。預計出年儲蓄有100萬。想問獲100萬後投資溫哥華大概港元300萬樓宇好嗎？

另外，現在持有20萬投資建行，港交所，龍源電力，匯豐股票組合。另外想加30萬儲蓄投資股票，以藥明生物，招商銀行，騰訊股票組合， 好嗎？

龔成老師︰

我對溫哥華物業市場，無特別研究。你可以睇翻佢租金回報率，同物業本身升值潛力作決定。

大前題，你必需係認識這項目，「不認識就不投資」。如果你真的已了解當地的物業市場、租務市場、法例、經濟發展，就可以考慮。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你34歲年紀，應先做好增值部份。建行(0939)和匯控(0005)只係收息股，增長力好弱，不宜持有太多。

而且，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。你現時組合有3隻銀行股，好大機會會超標，要注意。

其餘股票，都係適合你。但藥明生物(2269)不確定性較大，投資時要控制注碼。

我見你不少股票，都係潛力股類，佢地增長潛力大，但風險都唔細。建議你未來投資時，加入以下平穏增長股，去令成個股票組合更平衡。

另外，除了用現有資金投資外，你可以用每月一半儲蓄，去進行月供股票，去提升組合增長力。餘下一半儲蓄就留起，去等大跌市機會。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

------------------------------------------------

Q22374：

可唔可以分析下美股 Faraday Future

龔成老師︰

Faraday Future Intelligent Electric Inc. (FFIE)是一間智能電動汽車發展的美國初創科技公司。

我自已無研究過此股，見集團剛與特殊目的收購公司(SPAC) Property Solutions Acquisition Corp.合併。

市場預期會獲得一筆資金，用於未來發展，都算係一個正面訊號。而且集團聲稱2022年第一季，就可以交付首款電動車。比起還只在研發階段的企業，會好少少。

但始終佢業務都算係好初期階段，不確定性會好高，就算你投資， 也不建議太大注。

------------------------------------------------

Q22375：

我高位，$3.32入左1769

星期五出左政策，我现在，应该点做。。。。谢谢你

龔成老師︰

思考樂教育（1769）面對政策風險，賺錢能力減，你宜減持。

本質上，不是劣質，佢主要透過結構性合約於中國提供課後教育服務，包括以「升學」品牌提供學業備考課程，及以「樂學」品牌提供初階小學素質教育課程。

學業備考課程主要針對提高學生的學業表現，以及備考初中入學考試、中考和高考，面向一年級至十二年級的學生。

學業備考課程囊括小學、初中和高中的多門學科，並以小班制形式開展，每班通常不超過２０名學生，一般每周開課一次或兩次，每節課時長介乎１﹒５小時至３小時。每節課由檢查作業、講課時間、課堂考核、練習及小測討論組成。

過往業務有增長，長遠仍有發展力，不過由於規模不大，獨特性未算好強，因此未算好高質。

近期中央政策出台，主要係針對性禁止一些課後教育。集團正正就是從是這類企業，故影響較大。由於成個行業不確定性大，故不建議持有太多。

如果你現時持貨，只係佔你組合一個好細比重，你可以守住先，再觀察。但佔較多重，必需要沽出部份，去平衡風險。

------------------------------------------------

Q22376：

成哥，最近覺得副業生意難做，正職又就嚟完約會失業，股票又輸錢，覺得好難受，點算好

龔成老師：

你要從長遠角度去想，如果你本身有儲蓄，無太大生活壓力，可試下加大力度投入副業，當然這是有危有機。

如果你生活壓力大，就盡快找翻正職先，最好是長工，等你安心翻，至於副業的生意，你其實預左做生意是不易的，最後成功者，是一些有強大心理質素的人。

至於股票，集中睇長遠企業價值，不要睇短期股價，成功投資者心理質素都好強的。

------------------------------------------------

Q22377：

老師你好！我想問。我有216萬股票、21萬基金、53萬現金、83萬mpf

41歲想買樓，但新工只係做左3個月，計埋bonus 3萬/月

我可以點做會較好？自己一個供 用幾多錢做首期較好？係咪要選樓齡少過20年較好 但好多我可負擔的樓齡都過30年？是否等做夠1年先買？

以我可負擔價錢，那一區較適合我？
謝謝

龔成老師︰

你有半年的穩定入息證明，已經可以去做按揭，如果你擔心工作有不確定，就做夠一年先去買樓。其實你現時有一定的流動資產，首期方面應該處理到，最緊要你計好供款佔入息比率，來推算能買多少金額樓價的樓。建議你睇睇《5年買樓4部曲》。

我地投資物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

你要再要審視其升值潛力，未來地區上、交通上、生活等等的配套發展，才去下一個結論，咁會較好。

其實樓齡，都係其中一個要考慮的因素。樓齡當然越少越好，但唔代表30年以上的樓，就全無價值。由其一些藍籌屋苑，30年都仲好值錢。

但你要留意，30年以上樓宇有機會被要求做樓宇大維修，這是一個唔細的潛在成本，你買物業時，都要加入這個考慮因素。

由於這間係你自住樓，除了以上因素外，更重要係佢能否配合你長線生活所需，講緊係4,5年，係未來10-20年。如果可以，而你又有信心長線"供得起"，就可以考慮入市。

現時借貸息口低，我建議你盡量提高按揭成數，令自己有較多資金可以空出來，作投資之用。

當然，如果你做高按揭成數，會令你月供太吃力，你比多少少首期，都係可以，你要自己去做個平衡。

------------------------------------------------

Q22378：

龔sir,希望長編不騷擾你。我老公已搵到補習工作，現做緊剛開的暑期班，只1～3人一班，一星期有三/四堂。希望九月有新的中四以上的數學班，

佢會容易點，因為一直教中四至六班，現教低年級現多點預備及了解課程。

佢自己已向保險公司借了16.5萬，一年要$12000利息，問他的嫂借了5萬，我在股票攞出5萬，剛好還晒咭數。但現屋企已經無流動錢，要放緊點股票來給他5萬及屋企什使用錢。

股票與利息總共只有約90萬，但是包括我爸放在的幾萬。總90萬減去還錢的5萬，三個月供樓錢，爸放下錢及屋企使用錢。我想就放了1211(現只有一手)及小量其他細股好嗎？

如全部平均放怕剩下是太散、細的股票，這想法好嗎？

現股票有，有提議我先放那種類？

27 1000/入價43.5
66 558 公司送
388 300/入245
700 300/入333
1177 2000/入6.9

1211 500/入183.25
1810 1400/入14.82
2382 300/入140.6
2800 2000/入27.2

2845 50/入121.8
3088 2800/入11.6
3690 300/入110.6
9988 500/入195.6

現在他part-time可能對屋企洗用有幫助，我仍找緊part-time，希望我也有工作會好點。我想申請工時 “不” 提曾做腦腫瘤手術，找工作機會會好點。

希望sir 比點提示。

龔成老師︰

這些股票都有長線投資價值，如果你放，我會優先選擇一些比重較多的股票，建議你盡可能每隻都留有最少1手。

另外，就是一些潛力股，因為佢地雖然增長潛力高，但同時間波動性都較大。以你年紀，不宜持有太多。

所以，我會建議優先沽出"部份"港交所(0388)、舜宇光學（2382）、阿里（9988）、騰訊（0700）、小米(1810)、美團(3690)會較好。

至於你向保險公司借貸(相信你是指，借取儲蓄保單內價值)，這部份息率都算高，其實對你都係不利。你可以睇下銀行，有無其他貸款方法，個息率會少D，咁會較好。

雖然你從儲蓄保單借取現金價值，就算還唔到，最多只會係斷單。但從資產運用角度，這些都是利息支出，都是在蠶食緊你財富。所以長線計，都係找較低利息率的貸款會較好。

至於工作，其實以我所知，很多工作都唔會特別問你這些問題，故相信對你找工作，影響唔算話好大。

但你都要因應自己身體狀況，找工作時不要勉強，任何情況都好，都以自身健康行先。

------------------------------------------------

Q22379：

龔老師，早安！本人持有以下股票一段頗長日子，但股價一直積弱：

511 電視廣播 7000 @$8.60
3918 金界 8000 @$9.50
270 粵海 8000 @ $14.00

應否止損？還請抽空賜教！

特別是金界，是否企業質素轉壞？感謝老師抽空指導

龔成老師︰

電視廣播(0511)已經過了全盛時期，投資價值好一般，長線換至其他優質股較好。

粵海(0270)有投資價值，中短期波動唔洗太在意，暫時睇唔倒佢企業質素，有明顯較壞，你照持有就可以了。

金界控股（3918）都有質素的，但始終新興市場，因此點都有風險。

佢會因全球的疫情，而影響左生意，但這只是中短期。

長遠計，佢仍然正面，佢之前有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

此股長線本質，無變差，依然有長線投資價值。但由於佢身處市場新興，股價會較為波動，而你又係退休人士，這類潛力股，其實都唔係太適合你，因為風險太高。

你可以當佢有明顯反彈，就換碼至一些收息股，去為自己創造現金流，支援退休生活開支，這樣會較適合。

------------------------------------------------

Q22380：

本想將一百萬股票值如何滾訣，可惜事與願違

今日再看到恆大被凍結資產這些負面消息，忍痛放曬136，三十萬埋單，第一次蝕六位數字股票，真是一個好好的教訓，不應該重注和要止蝕！

再次感謝龔成老師一直以來的回覆

龔成老師︰

恒騰網絡（0136）始終係有危有機類別，很多價值建構在"未來"2個字。當大環境變差，大市波動，或者係好似現時咁母企出問題。

好容易就會出現較大回調，因此這類企業，投資係可以，但緊記要控制好注碼，來平衡這些風險。

其實你本身係好集中恒騰網絡（0136），現時沽出，再將資金平衡分配一些合適的優質股，反而長線係好事，係百利而無一害。

雖然短期你會見到虧損，但只要你認真去配置這筆資金，長線一定可以賺回來。

若你係年青至中年人士，以下優質股都適合你，你可以參考下。緊記做好組合平衡性，同一行業不能高於組合30%，同一股不能高於組合15%。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q20721-Q20740）

Q20721：

呀Sir，我想問下BYD 2020份年報，我見到佢3個月內既應付帳達393億，而且銀行短債都有297億，相反佢手持現金得127億，佢又要燒錢去研發

會唔會令佢資產負債表有少少負擔又會扣小小分？

龔成老師：

其中一個原因，是因為佢生意造大左，你可以比較翻佢的存貨數字，比上年度增加，而一些流動資產，同時都增加，現金數目同樣有增加。

當企業生意造大，這情況都是正常的，我地最重要是分析佢是否在可接受範圍。

而佢的流動資產淨值，處於正數，同時比之前年度有增長，因此，我地從流動性風險的角度分析，佢未算有問題。

------------------------------------------------

Q20722：

老師，我講下我嘅情況先，我喺過去6年每年收入都大約80-100萬（獎金收入所以每年唔同）我係2015年買咗第一個物業，該物業而家大概帳面賺150萬

而且每個月放緊租，2020年用女朋友名再買入多一個物業放租（我有宿舍住所以所買嘅物業全部都放租）我認為樓市嚟緊就算冇爆炸性嘅升幅

因為香港地小人多嘅供求問題，我認為物業資產都係會緩慢地持續上升。我視投資係資產既增值。

但重要嘅問題係，我嚟緊七月開始工作崗位有調動，會降至年薪大約40萬，呢份年薪有可能長時間維持，因此我投資目標係打算增加左現金流先，再慢慢組織投資組合。

我明白大部份人都係［先增值後現金流］，但呢種方法套用我度是否適合？

個人財務狀況
-現時現金$70萬打算攞40萬出嚟做收息維持現金流。
-嚟緊年薪約$400,000
-每月開支約$30000

呢個情況買一啲好嘅債券會否適合我？

你的專頁和書藉使我獲益良多，再次感謝你浪費寶貴時間給我意見

龔成老師：

物業方面，不用有物業變動，但你收入減少，要好好計數，令你保持「供款」方面無問題。

我先從理論上，財富增長角度去講：

「先增值後現金流」，對絕大部分人，基本上都適用的，因為這是一個累積財富的大方向，利用年輕時的「可承受風險」及「金錢時間值的優勢」，增值左先，之後先著重現金流。

除非你這刻好需要現金流，否則，先利用增值模式，將財富先滾大之後先追求現金流，對你長遠人生最能夠令財富「最大化」。

所以，除非你承受風險能力較低，又或短期無法有足夠收入去應付支出，才考慮增加現金流類別。

我再加入你現實情況去分析：

你工作上的收入會下跌，這刻如果投資方面有現金流，你每月的收支會較健康。

不過，如果你年齡唔大，以及能承受風險，從「長遠財富最大化」的角度，你投資有基本增長類的項目，可能較好。

當然，每個人情況不同，你現時手持物業，如果希望每月供款順利，你現時利用部分資金投資，去提高現金流，是可以的。

因此，綜合來講，我會建議你取平衡，投資一些有現金流，同時又有基本增長力的工具，再加其他收息資產。

你可以考慮一些有基本增長力，同時又有股息的股票，例如港鐵（0066）、金沙（1928）、長建（1038）、希慎（0014）等，再加入一些收息股，都可以。

至於債券，你可以考慮有A評級的就可以。當然，點都要同時留有現金，暫時動用$30萬去投資上述股票，可以的，分注投資，餘下$40萬暫時留現金。

------------------------------------------------

Q20723：

你好，襲sir, 我因為某啲原因令自己財產盡失。我宜家想重新建立儲蓄，投資計劃

而家月入40000左右，想請教如何可以起步，希望你可以比建議我

龔成老師︰

過去的事就忘記它，現在只要用正確方法去增值，財富依然可以有唔錯增長效果。但緊記財不入急門，必須按步就班咁去做。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後

可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

如果你尚有一段較長時間才到退休之年，可用"平穏增長股" + "潛力股"作組合。現在你每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或

潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q20724：

老師早晨，想請問1861我3.8入的，它有前景嗎？

龔成老師：

保寶龍科技（1861）由中國鋁罐（6898）以介紹形式分拆上市，主要從事設計、開發、製造及銷售各類汽車美容及保養產品。

即係業務包括汽車清潔及保養產品（如汽車內飾清潔產品及輪胎清潔護理產品）、油漆及塗料（如鍍鉻氣霧劑噴霧）、冬季及夏季特色產品（如製冷劑及冷啟動劑）以及空氣清新劑。

佢亦有設計、開發、銷售及製造個人護理產品（如泡沫潔面乳、防曬霜、保濕霜、除臭劑及洗手液）及其他產品，包括家居產品（如油漆及地板蠟）、包裝材料（如內浸管、閥門及紙盒）以及汽車清潔套裝及工具。

睇翻佢的營運模式，產品形式包括氣霧劑產品及非氣霧劑產品，並按ＯＢＭ（原品牌製造，包括保賜利、ＡＴＭ、已度明、ＮＩＳＳＥＩ、勝彩、狐狸、百麗時及派樂士）基準及ＣＭＳ（合約製造服務）基準出售。

佢亦在天貓及京東網擁有２間網上商店，分別為「保賜利旗艦店」及「保賜利京東自營旗艦店」。

業務穩定，但規模不大，唔算好有獨特性，以及未算最高技術類別。

企業質素中等，現價合理區中上部，小注投資都可以，長線都得。但唔值得投資太多，同時不是高增長類型。

你如果持貨多，一定要減。如不多，守住先，但預佢未必高增長。

------------------------------------------------

Q20725：

老師你好，本人而家39歲，大約有100萬現金、之前都係短炒皇，日日炒700 輪波幅、有贏有輸。

想問一問個投資策略應該點安排同埋應該幾時入市？

龔成老師：

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你現時應該分注投資一些優質股，騰訊（0700）有質素，不過現價唔平，所以最好分注去買入。同時，要考慮其他股，例如盈富（2800）等（現價已可分注），平衡翻整個組合。

------------------------------------------------

Q20726：

龔先生你好，遲左加入你fb，投資經驗尚淺，想問如果揀月供股價，比亞迪，盈富基金，同領展邊隻比較好d？還是有更好嘅股票？

龔成老師：

盈富（2800）較好，對不懂選股的投資者來說，是很好的工具。現價合理，可分注投資。

這是一個「平衡組合的工具」，當中有55隻成份股，對股票組合有平衡作用。

你可以以盈富作組合的核心，再加上其他股票，組合就更完整。

領展（0823）可以的，但金額宜比盈富少。

1211係潛力股，但現價仍貴。

或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

------------------------------------------------

Q20727：

你好老師，我兩年前月供0002 中電，到目前才持有一手，但因股價跌左好多，現時仲係蝕緊，但同時呢隻股未有減派息，我應該要轉第二隻股，還是keep 番？

龔成老師：

中電有質素，是不差的收息股，長線投資無問題。

佢在香港、澳洲、中國等地都有業務。業務穩定，現金流強，這類股適合收息。

雖然股息率唔算好高，但每年的股息都有少少增長，長遠收息正面。現價合理。你保持月供就得。

你可以供夠一手先，之後就停，原有貨持有。之後資金轉供其他，佢增長力始終不強，你應該建立一個更平衡的組合。

------------------------------------------------

Q20728：

龔sir, 你會否建議以碎股方式供股票呢? 融創中國你覺得可以嗎??

龔成老師：

可以，原理是不斷儲貨，由於分多次買入，買入價能平均，所以都是一個方法。

融創中國（1918）業務不差，有規模、品牌、銷售網絡，但同時有一定風險。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，投資這股不是不可，因為不是完全無質素，但要明白背後的風險，同時明白這一定會令股價較波動，自己最好控制注碼。

------------------------------------------------

Q20729：

我想問中國軟件國際，謝謝你啊sir
我8.45入，係咁跌⋯

中國有贊（8083）你又點睇？

龔成老師：

中國軟件國際（0354）企業本質不差，但行業有少少波動，略有風險，但前景正面。現時大約在合理區頂位。

因為佢太多收入來自華為，這是核心風險，因為這是客戶集中的問題。華為久不久因中美因素，從而影響到這股，大部分都是中短期，當然有一些會發展至長期性。

長遠仍算正面，但無可避免存有風險，你要明白這股股價較為波動，前景可以的。其實只要你持貨不是過多就無問題。

中國有贊（8083）集團主要於中國從事經營電商業務及支付服務業務，業務分類如下：

（１）電子商貿：透過電商品牌「有贊」提供各種有關虛擬批發及零售之線上及線下解決方案及服務，如「有
贊微商城」

以有「有贊零售」等ＳａａＳ軟體產品及人才服務、面向開發者的「有贊雲」ＰａａＳ雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。

（２）第三方支付服務。

（３）一鳴神州：提供第三方支付系統解決方案及銷售綜合智能銷售點裝置。

（４）一般貿易。

近年業務發展快速，生意增長力，不過，現時估值高，業務變化較，整體有好大的不確定性。加上佢過往在核數師報告出現過「保留意見」，盤數可能有古怪，雖然已是數年前的事，但都會扣分。

佢不是無潛力，但風險較高，這刻投資值博率不高。

------------------------------------------------

Q20730：

龔老師你好，本人37歲，月入＄52000，有一層自住已買嘅公屋。每月保費同年金供款約1萬，每月最多可以儲3萬。

資產：
1. 有40萬永明投資基金，3年後可全取
2. 有70萬左右現金
3. 有7萬康宏基金，蝕緊中，原價值9萬8千，已放咗10年，仲有15年先後才可以取，如現在取，只可取2萬
4. 股票：
3000股領展，＄91.6買
600股恆生，＄168買
800股滙豐，＄79.5買
2000股信義玻璃，$22.1買
500股長江基建，$57.2買

請問我嘅股票組合可以點執？想5至8年後有500萬左右，求指教

有諗過買樓投資，但未等到樓市大調整，所以都唔知而家應該買樓定買股好？

其實最想5年後有比而家多500萬，8年後可財務自由。因為而家份工太辛苦，好忙加要周不時返夜。

龔成老師：

買樓都是一個方向，但不用急，因為如果你現時買樓就會動用了大部分資產，同時都會較進取。因此，你可以定5年後才決定是否買樓，最好是買樓當刻，你不需要賣出好多現有資產，等你可以有資產保持增值。

所以，這幾年可以集中在「增值」的層面。

你37歲，財富仍有增長力，但不用太過進取。

你可投資「平穩增值股」為核心，而「潛力股」少少就好了。至於「收息股」，其實可以不投資或不用太多。

現時你持有的匯豐（0005）、恆生（0011）、長建（1038），增長力不強，未必太適合你。

$70萬，暫時可動用$20萬-$35萬。

平穩增長股：潛力股
7：3
（如果你投資實力較強，可增加潛力股比例）

平穩增長股：考慮盈富（2800）。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20731：

龔sir 之前2.4入左4000股四環醫藥00460 宜家keep住跌 應該放定係揸住

龔成老師：

四環醫藥（0460）好翻D，相信無之前咁差。

不過這股，2015年、2016年，曾經出現了核數師有「保留意見」的情況，反映盤數有問題，小心這股。

我對投資這股有保留。

至於業務上，不過不失，盈利變化大，有時有虧損，整體上，唔太建議持有這股，往往炒作多過實際。

------------------------------------------------

Q20732：

龔sir，我每月扣除所有洗費最多有$10000剩，想問下如果投資或儲蓄，應該點分佈會較好？

另外考慮緊月供股票，但涉及每月的手續費都貴，我如果供得少，條數好似唔化算，定一手手咁買好？

龔成老師：

首先，要有一定的備用現金。另外，要睇你本身的投資風險承受程度。

投資股票，要短期不會用的，或者是「閒錢」，買入股票後等長期增值，等企業成長。

例如你可每月投資$5000-$7000，如果月供貴，你就先儲現金，然後慢慢分注入一些優質股，總之你自行分注買入就得。

------------------------------------------------

Q20733：

老師，想請教下：1.為何最近各國央行的國債債息上升會使環球股市指數下跌?如此影響市場情緒

2.常聽量化寬鬆一詞, 說什麼印銀紙和增加流動性, 想請問量化寬鬆貨幣政策對經濟有何影響?

3.國債作為避險資產, 債市和股市之間有什麼關係?跟債息股息有否關聯

4.眼見很多商品價格上升, 看似通脹指標, 通脹是否對股市不利? 通脹是否源於量化寬鬆的結果

5.最後, 美元作為環球商品貨幣, 美匯的低迷對投資者來說有什麼啟示?請指教一下

龔成老師：

1）利息就是企業資金的成本，所以會影響企業營運，從而對企業不利。加上利息會影響企業的估值，因此對股市都會有下跌情況。

2）簡單來說，量化寬鬆印銀紙，市場資金多，就有利企業得到資會去發展，對經濟有利。

3）這是一個複雜的關係。兩種投資工具，會互相影響市場的要求回報率，從而影響兩者的價格。

4）通脹令加息的可能性增加，對股市不利。

5）當美元不斷印銀紙，價值自然減少，這情況將會持續，市場流動資金較多，投資市場上落較大，同時出現資產泡沫的可能性較高。

------------------------------------------------

Q20734：

你好，我是進階班學生，有問題不明白:

1. 由於這股在2020年發行了新股，當我想做比較和用EPS計估值時，以往每一年度的EPS應該怎去調整計算？將每年度的股東應佔溢利除以2020年最新總股數嗎？

2.我附上了1177的功課，用過去十年市盈率做估值，PE範圍是7.303至12.2。如果用價值網提供的2021年預測EPS去計，合理價是2.703 - 4.515；如果用過去五年EPS平均數0.396計，合理價是2.892 - 4.831。我的估價與你的相差很大，請你詳細用你的方法計給我看，謝！

3.你是用幾間大行的預測EPS和預測PE的平均數去計1177的估值，對嗎？

4.計高增長股票的估值時，要用2年後還是3年後的預測EPS去計？或者是1、2、3或4年後的都無所謂？

5.而選擇1、2、3或4年後的預測PE去計估值是否都是一樣原理？

6.你是否在課堂比我地的報告網，找所有大行的預測PE、預測EPS、P/S，然後計潛力股估值？還是你多數問私人銀行提供這些資料？

7.不過我在該下載近一年報告都找不到某些股票(例如中生製藥)的大行預測EPS和PE，是否其他網有？

8.請你詳細說怎計比亞迪的估值。

9.比亞迪的估值範圍？

龔成老師：

1）由於佢多次進行送股，令每股的價值，每股盈利的價值有所改變，因此，要調整先可以進行，而我發現不用財經網站都有不同的調整方法，十分不統一。

所以，最好的方法，就是以「總整數目」去計，而不計每股。

例如以總生意、總盈利去計算，得出整間企業的價值，最後才以最新的發行股數，去除一除，得出每股的價值。

2）由於佢近年的增長加快，所以唔能夠只用過往的市盈率，你要調整，比多少少市盈率佢先得。

起碼去到15倍-25倍，以反映企業的增長力，以及一些新藥令企業價值的調升。

至於EPS，同樣不能只用過往的數，要多用預估數值。

3）這是增長股，我會自行推算佢的盈利，計算2021年、2022年的數據作參考。

4）可以用2年，但去到3、4年，變數就太大，不是不可計，但明白這只是參考下。

5）要睇這股的增長力，你可以同時計，但明白愈後的數，不確定性愈大。

6）我自己都是用該大行報告網站的。

7）有些佢要比錢的，如果有需要，你就比。

8）用預測的盈利作計算，同時市盈率都會用預估。

9）1211係潛力股，但現價仍貴，去翻$120先算合理，起碼都$150。現價投資風險高，最重回翻先月供。

------------------------------------------------

Q20735：

然後十多年前也有投資三個半國內住宅的經驗，不過大部分的錢都是借貸回來，而當時開銷很大，因此每當我撐不住就賣一個，然後就這樣大部分賺的錢都用完了，而且還在十二年前貸了款50萬（當時尚欠48萬）最後也無力歸還，一直拖到現在

因此環聯評級下降到F，當時也錯誤地把已經還清的信用卡全部停掉，只剩一張。但是兩年前已經回到C（最近沒查過）。

因此現在想申請信用卡或貸款也不可以。而現在香港的信用卡欠4萬5，國內兩張信用卡欠八萬人民幣。每月利息也要3千多。

本人現年47歲，太太沒有工作，育有兩個1歲半女兒，我每月固定工資有六萬多，連佣金大概八萬。資產方面我有一份基金已供滿三年的共28萬，另一份每月供7800還有一年半共47萬

這兩份是準備兩個小孩大學的學費（到時候大約140萬，但是好像也不夠兩個出國）。現在的MPF有大約94萬，而我現在的工作雇主和員工都供5%，因此退休時預估共有1千萬左右（每年7.5%回報率）。

另外我的保險已經足夠她們以後的生活。去年因為疫情，舊公司只出一半工資，承諾今年六月前歸還連利息大約39萬，不過要扣掉欠租60000和兩個月保費48000，剩下大約29萬。

我準備預留三個月大約18萬做應急基金。也計劃把香港的信用卡先還清來改善信貸評級。所以可動用只剩5萬。

但是每月開銷蠻大，如下，
香港租金 20000 （跟父母同住，伙食不用管）
國內租金+信用卡 16000
香港信用卡 5000
小孩學習 6000
生活費 3000
保險 24000 （一年半後只需17000）
迷你倉 2300

所以每月只能剩3000左右。最近拜讀你的大富翁致富藍圖，裡面提到不管什麼資產做槓桿都肯定需要有一個好的信貸評級，也需要先購買一些資產。因此我不知道如何改善我現在的困境，畢竟我還是想擁有自己的房子。麻煩龔Sir了。

龔成老師：

你要從基本的理財做起。我相信你要買樓，不是短期的事，暫時不要太急做這動作，你要打好基本的理財先

第一，儲現金，所有野不要急，要儲多少少現金先。

第二，信用卡要準時還錢。不要再申請更多的信用卡

第三，你要做月供股票。

你可以考慮盈富（2800）。

另外再加1、2隻：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

你可以月供，去累積基本的財富。

到你一年半後，保費支出會減少，到時你可以加大股票的月供金額。

你做好這幾年的財務情況先，到你多點現金時，到時先考慮置業。

反而你大部分的資金都在強積金部分，相信你到時退休問題不大。

如果在退休前，你真的要資金去進行理財，可以考慮動用現時的基金保險等資產，但不要急行這一步。

------------------------------------------------

Q20736：

龔成老師，請問以下幾隻股有潛力嗎？咩價錢入手會較好？（全部都無持有）
1137、1833、6618
因我是新手 資金不多預4-5萬放股票先

另外我想月供2800，但我見佢3年的波動都好大 整體都無升，其實月供係要供幾耐先放？

如永遠持有，但我要動用資金時仍需要放出（例如結婚買樓）什麼時候放出才理想？謝謝

龔成老師︰

香港電視（1137）業務有前景，但有兩點存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？另外就是估值方面，我都好難講這刻的估值，只能話唔算平，如果投資，不建議大注。

京東健康(6618)、平安好醫生(1833)都係有質素和潛力，但問題係佢地是有危有機的類別，雖然業務增長好快，但這刻仍處於燒銀紙的狀態中。

估值上好困難，因為無實質的盈利數據作為基礎，市場只是估估下，同樣只宜小注。

月供係一個長線計劃，月供最少維持3年，並持有這些股票5年以上，才會有較理想效果。

我地買入優質股，唔係一直唔放。當去到好貴架水平，我地就會減持部份。或者你有需要動用時，也可以慢慢分段沽出部份，以取回現金。

------------------------------------------------

Q20737：

龔sir早晨，你好，我係投資新手，好多年前叫人講買過下股票493,點知一買就大跌市，一直keep到呢排先放到，都回到家鄉，雖然唔多錢，但都有d驚青，因為一直都覺得股票就係賭博～我從來唔賭錢，驚輸

直至到上個月睇你既post,學到d野，於時我下定決心要去上你既堂（已報5月班）

但我老公知道佐後好反對，覺得要用甘多錢來上股票好白痴，我好無奈，因爲我已經3幾歲，

剛有個小朋友，我份工不穩健～好想把握呢幾年時間做到你講既財務自由，
到時可以自己湊小朋友，而家我已經開始

供緊2800
持有823 [email protected]
1929 [email protected]
1972 [email protected]
3033 [email protected]
我有10萬可以用來投資，我應該仲有咩股可以買入？

我有聽你話留意1448，回返d就可以入

多謝你睇我既msg,因為我同身邊既人講，佢地都覺得我白痴，要俾錢上你堂！

龔成老師︰

我地人生中有好多知識，都係靠上課學習而得來。就好似細個架時候，我地上堂學ABC、123。大過出黎做野，會去返夜校進修一樣，都係正常事。

如果比幾千蚊可以在你一生，創造超過幾千蚊以上的價值，就值得。

我明白別人唔相信自已架感覺，並唔好受。但我想你知道，你身邊架家人，唔係想取笑你，而只係緊張你，先至會有咁架反應。

其實好多人，都停留係買股票就係炒炒賣賣，不服正業，甚至係賭博這個想法。因此，有咁架反應都係正常。

有機會，你試下比佢地了解下你架想法，慢慢咁理性討論，點解你覺得上我堂會幫到你。咁樣做，其實對你今後投資路上，都會有幫助。

講翻股票，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應用"平穏增長股" + "潛力股"的組合。所以，你持股都適合。

每月用5成去做月供，其餘先儲起，用一邊月供一邊儲蓄的策略。現時集中盈富(2800)係可以，更理想係加入一隻潛力股(但維持盈富作主力)，去增升組合增長力。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、領展(0823)、希慎(0014)、太古地產(1972)或
潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）。

大市現處於合理水平，那10萬資金，你可以先用一半，以"分注"形式，慢慢咁去入貨。餘下一半和每月儲蓄，就等大跌市機會出現，才大力度掃貨，並長線投資。

你要留意翻，部份潛力股已有輕微過熱情況。只有安碩恒生科技(3067)、阿里（9988）、中生製藥（1177）、福壽園(1448)勉強算在合理區頂部，可小注入貨，其餘要等等。但月供，現價開始係無問題。

另外，如果你長線都會投資恒生科技股，用安碩恒生科技(3067)會較好，費用率較低。

至於國美零售（0493），你沽出係正確決定。佢質素只是一般般。企業連續出現虧損，品牌價值遠不及從前，優勢不強，雖然正加強網上網售網絡，但仍有未知之數，整體的投資價值唔算高。

股票班見!

------------------------------------------------

Q20738：

老師。請問358江西銅現價合理嗎？

龔成老師︰

江西銅業股份（0358），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力。

這是商品類企業，盈利會較為資源價格影響，股價較有週期性，你可以持有，現價合理，但預佢增長力不會太強。

------------------------------------------------

Q20739：

成哥，小弟首次置業，想系澳門買層樓，現在有兩個選擇：

1，買350至4百萬的唐樓 樓齡30年左右 呎數700-900呎

2，買5百萬左右的電梯樓 樓齡25-30年 呎數500-700呎

從單位的座向、採光、面積、地點對比，唐樓的選擇空間好過電梯樓

從以後樓換樓的角度對比，電梯樓以後再放出去的價值相對唐樓保值

我們兩公婆持有股票大概市值250萬 沒有負債 現金不多，現階段本人月入1萬3
（從事港澳船客運服務疫情影響公司出緊半份糧），老婆月入1萬2左右

首期最少比兩成（如買樓需要放最少三分一市值股票作為首期）打算自住為主，請問應如何做出選擇？現時值不值得入市？謝謝！

補充：現在每月租金支出7千2

龔成老師︰

初步睇，電梯樓應該會較好。當我地分析時，會以「資產長期角度、長期價值去分析」。

因為唐樓上左年期，可能會有不少潛在維修費用。而且，係銀行做估值都未必咁足。

再加上，作為自住樓也未必太方便。當然，你都要從交通、地區潛力等，去再加以評估。

至於是否入市，你可以跟同區物業比較下。作為自住樓，如果價格合理，而自己又"供得起"，基本上己經可以入市。

當然，我地進行財富配置，最好是做到「平衡」，例如股票、物業，都有一部分，你盡量做到這點。你賣出部分股票是可以的，完成置業後，加大儲蓄投資，慢慢增加翻。

------------------------------------------------

Q20740：

您好！最近我就留意藥業股，分別為石藥(1093)和中生製藥(1177)。對此有以下幾個問題：

問題一：石藥(1093)和中生製藥(1177)PE分別為23.792倍及56.35319。後者是不是股價過高?

問題二：對比其他行業，藥業PE值比其他高。您認為藥業來講幾多才算合理？

問題三：論2019年來講，石藥(1093)ROE較中生製藥(1177)高，理應前者較值得投資，
但後者較多人留意。請問你怎樣看呢？

龔成老師︰

1) 我地唔可以單憑市盈率高低，就判定一間企業比另一間平或貴。就算行業一樣，當中業務潛力等，都可以好唔同。同時，市盈率只反映過去一年的盈利，而我地要分析之後的盈利，更立體分析。

現價計，石藥(1093)在合理區中間，而中生製藥(1177)則在合理區頂至略貴水平。

2) 藥業未來發展係正面，但市盈率幾多少算合理，要視乎企業本質，不能一概而論。

3) 其實ROE係反映倒，石藥(1093)2019年賺錢能力較高。但我地睇一隻企業，唔可以只單單睇1,2個指標，或者只係1,2年架數據。要全面考慮長線質素，行業發展、財務狀況等，去得出一個全面架分析。

中生製藥（1177）本身己有一套完善的營運系統，集團己擁有多個賺錢的藥品類別。在高毛利支持下，可以不斷將錢再投資在新藥裡。這種經營模式下，相信長線發展可維持正面。

2隻股票都有質素，但中生(1177)相對潛力會較高。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

⏰台南香格里拉結團倒數～台南住宿首選香格里拉快閃房況更新和週末額滿有再開房公告】不限平旺假日可免費升等的香格里拉台南尊榮家庭房原本就很搶手，幾個熱門日期開團後很快被搶訂所剩不多(尤其是五六日週末)，飯店除了同步清點完房況並已將可售房間數量補上，大家若有時間也可以盡量安排四月份出遊，除了四五六月旺季旺日不加價和假日超優惠加價之外，還有社團獨家加碼4月底前入住加贈小貓巴克禮驚喜禮盒價值399元，這個小朋友收到都會愛死，以後吵著要再來住台南香格里拉XD #全台十大夢幻早餐遠東CFAE自助吃到飽，台南小吃不用排隊飯店就吃得到！
✨團購文→ https://reurl.cc/qdVDMn (詳細專案價位和內容請參考團購文的比價表)
✨一泊一食直接線上訂房→ https://sltn.tw/AM2D1N (請先勾選入住和退房日期/旺日和連假等熱門日期家庭房數有限請先搶先贏)
✨三天二夜直接線上訂房→ https://sltn.tw/AM3D2N (請先勾選三天二夜的入住和退房日期才會顯示正確專案/旺日和連假等熱門日期家庭房數有限請先搶先贏)
飯店也同步清點完房況並已將可售房間數量補上囉，大家也都可以上去看看有沒有適合的出遊時間~~
※快閃專案房型和加人加價問題請於飯店訂房組上班時間電詢為準，資訊會比較正確喔！電話：06-7028899(轉訂房組上班時間09:00-18:00)
📣上一團入住後團員大多是好評價，像是位於台南火車站旁交通超方便、服務人員親切、房型空間大席夢思名床超好睡、健身房設備齊全、三溫暖很不錯、早餐超棒有牛肉湯、小卷米粉和虱目魚粥等台南小吃，飯店早餐可以吃到這個真的是爽度滿點，這應該也只有台南飯店的特有享受啊~~
------------------------------
#按照慣例比旅展官網和agoda都超值
#不分平假日全面免費升等尊榮家庭房型(若家庭房客滿則改為免費升等32-37F高樓限定的特選尊榮客房加1沙發床，訂房時就知道是哪個房型，可以接受的團員再訂房喔！)
#社團獨家旺季周五周日旺日不加價
#三天二夜續住方案送豪華閣HAPPY HOUR乙次(豪華閣歡樂時光基本上是都在豪華閣，但唯有人數太多，為了維護品質，飯店會視情況安排其他地點)
#台南第一高樓360度無敵古都市景
#房型空間大舒適不擁擠席夢思名床超好睡
#全台十大夢幻早餐遠東CFAE自助吃到飽，台南小吃不用排隊飯店就吃得到！
#緊鄰大遠百和成功大學校區
#台南後火車站出站即達交通方便
#周五周六周日提供免費市區觀光巴士台南景點夜市免開車玩透透
#社團獨家加碼4月底前入住加贈小貓巴克禮驚喜禮盒價值399元，這個小朋友收到都會愛死，以後吵著要再來住台南香格里拉！！！
---------------
【搶訂攻略和團員住宿心得】
📣平旺假日全面免費升等尊榮家庭房(香格里拉最搶手的家庭房型旺日和假日的房數原本就不多，再加上國旅大爆發更是一房難求，請大家熱門日期先搶先贏，也可以選擇避開熱門日期好好旅行放空，獨家優惠專案談的不容易，也請大家考慮清楚再行下單訂房，不要衝動訂房造成飯店困擾)
📣獨家旺季周五周日旺日不加價超優惠快閃，家庭房數量有限，熱門日期請先搶先贏！
📣清明連假(4/4.4/5)和端午連假(6/13.6/14)的家庭房況幾乎都客滿，有需要的團員請手刀快搶，另外，若家庭房客滿則改為免費升等32-37F高樓限定的特選尊榮客房加1沙發床，訂房時就知道是哪個房型，讓大家可以多一種房型升等。
📣平旺日入住尊榮家庭房兩中床含兩位大人及兩位12歲以下小孩早餐四千有找！
📣二大二小旺日入住省最大，三大一小也省很大！快閃團獨家爭取第三人(12-17歲)入住加價600(原價1444)，家有國小國中甚至高中生，小孩年齡至未滿18歲都有優惠。
📣整個香格里拉酒店集團中CP值最高的香格里拉遠東國際大飯店，台南第一高樓古都無敵視野，上次入住24~27高樓層的書桌落地窗看出去就是台南車站，白天感覺好像看得到海，晚上當然就是美麗的台南市區夜景啦！
📣三天二夜續住方案送豪華閣HAPPY HOUR乙次！除了酒精飲料無限暢飲還有酌酒的小點另也提供台南特色小點(ie:府城一口粽 / 蝦仁肉圓...)餐點會依現場廚師安排。(豪華閣歡樂時光基本上是都在豪華閣，但唯有人數太多，為了維護品質，飯店會視情況安排其他地點)
📣之前允嘉兄妹倆從5點半邊聊天邊看書吃到7點半，一個不小心在豪華閣HAPPY HOUR吃太飽，晚餐無力再戰其他台南小吃，再加上台南日夜溫差大，晚上風大又冷，大家決定就近在大遠百逛街散步消化，野馬妹敗了整套愛迪達運動服，還轉了個熱門的雙層巴士大扭蛋，吃飽喝足敗完家回房間泡澡。
📣台南香格里拉飯店的休閒設施不多但都很有好評，像是台灣資生堂合作的Qi Spa，大叔團和之前住過的朋友也說三溫暖很不錯，健身房設備真的超齊全，還有全台最浪漫的戶外心型恆溫泳池，夏天是玩水大熱季，春日想泡泡水也OK，飯店公關說冬天在戶外有風吹早晚比較冷，中午南台灣的太陽曬其實也是可以使用。
📣全台十大夢幻早餐遠東CFAE自助吃到飽，下雨天或太陽太大不想出門排隊找台南小吃，這裡就有台南擔仔麵、新鮮牛肉湯和特色小卷米粉可以享用。
📣香格里拉台南遠東國際大飯店就在台南後火車站旁，開車來有免費停車，高鐵轉台鐵沙崙線到台南火車站出站即達，直接搭台鐵來省錢又方便，還可以在火車上啃個60元鐵路便當加洪瑞珍三明治，準備迎接南台灣的四季暖陽。
📣從台南後火車站過個馬路就是台南大遠百，香格里拉台南遠東國際大飯店緊臨在後，直直往前走右手邊就是大廳出入口，交通真的很方便，想整天待在飯店房間享受吃喝敗家，只需在梯間轉換就可以逛街敗家，完全不用曬太陽吹風淋雨，如果是好天氣想要蹓小孩，對面就是成功大學光復校區，很適合帶小孩放風殺時間。
📣除了鄰近台南火車站交通方便之外，香格里拉台南遠東國際大飯店也是全台第一間免費提供市區觀光巴士給房客們使用的飯店，每周五、六、日行駛(預搭乘者請先洽詢飯店開車時間喔！) ，從台南火車站、赤崁樓、神農街、正興街商圈、藍晒圖到台南孔廟，幾乎所有台南熱門景點小吃都在路線內！最重要的是大東夜市花園夜市也含在內喔！大家check in後不用再開車，就可以台南熱門景點小吃走透透吃透透啦~
📣上一團入住後團員大多是好評價，像是位於台南火車站旁交通超方便、服務人員親切、房型空間大席夢思名床超好睡、健身房設備齊全、三溫暖很不錯、早餐超棒，有牛肉湯、小卷米粉和虱目魚粥等台南小吃，飯店早餐可以吃到這個真的是爽度滿點，這應該也只有台南飯店的特有享受啊~~
---------------
【香格里拉台南遠東國際大飯店】
南臺灣首家豪華五星級國際連鎖飯店亦為台南至高地標建築物，位於台南火車站的正後方，屬於交通樞紐地帶，地點四通八達飯店毗鄰國立成功大學；若欲搭乘高鐵，可直接搭乘台鐵沙崙線到台南高鐵站僅需22分鐘的車程，是台南旅遊最理想的住宿選擇！
✨十大特色:
1. 飯店位於台南火車站的正後方，輕鬆步行約2分鐘即可抵達。
2. 台南第一高樓，其獨特的環狀外觀設計，每間客房都擁有居高臨下的古都絕佳視野，白天黑夜皆有令人讚賞的絕佳景致。
3. 客房平均面積達50平方公尺，為台南市飯店標準房型中最為寬敞的客房
4. 客房內備有席夢思名床讓旅人擁有舒適好眠
5. 住客可搭著飯店提供的免費市區觀光巴士「幸福列車」，抵達市區各大熱門景點，輕鬆暢遊赤崁樓商圈、神農街、正興街商圈、藍晒圖文創園區、孔廟 文化園、奇美博物館與十鼓文創園區、夜市等地點；喜愛穿梭時空、探索府城舊時風華。(敬請事前與服務中心預約)
6. 住客可免費使用飯店提供自行車，可依循「台南人私房地圖」四條路線，慢步細品府城之美，超愜意。(敬請事前與服務中心預約)
7. 健身俱樂部為一寧靜愜意的休閒天地，先進的健身器材設備、男女三溫暖等，皆可讓您享受汗水淋漓的暢快。
8. 擁有全台最浪漫的心型恆溫泳池，渡假悠閒地于池畔邊，坐臥德國名牌DEDON天堂臥床或太極休閒躺椅，享受藍天陽光的親吻，樂活天地自在怡然。
9. 全台十大夢幻早餐「遠東CFAE」自助餐廳，提供琳琅滿目中西美饌，各式繽紛異國料理，更有一系列台南地道小吃，除廣為人知湯頭鮮甜味美的《擔仔面》與台南在地《新鮮牛肉湯》外，更有特色的《小卷米粉》等鮮甜好滋味！
10. 飯店與日本第一大化妝品集團－資生堂合作，提供頂級 Qi SHISEIDO SALON AND SPA。在悠閒渡假中紓解您的壓力與疲憊。(敬請提前洽Qi SPA預約)
---------------
#請勿衝動訂房，取消訂房之扣款依觀光局規定辦理！大家多作功課覺得飯店風格適合自己又有優惠到再訂房喔！*訂房完成後，訂房組將於7個工作天內收取30%總房費作為定金**保證訂房之預訂如未能在入住前三日的下午6點之前取消(或當晚未到),飯店將收取預付定金作為取消費** 加人加價或房型相關問題都可以直接電詢飯店協助：06-7028899(轉訂房組上班時間09:00-18:00)
※這裡開的快閃團都是自己口袋名單飯店和商品，爭取團購優惠，不經手款項金流(無代銷收款)，每團都由廠商或飯店直接收款並開立發票，揪團分潤依法申請稅籍登記誠實申報！※

綠能使用與農地魚塭的結合已經討論多時，但在實際的執行層面上還是有許多爭議。一般使用農地設置太陽能板會排擠農業用地的種植功能，導至農作物產值下降。對此旺詮早前提出建議，爭取］大面積屋頂型太陽能板的獎勵補助，在109年從2000萬增加至3千萬，今年則取消補助1000萬！可見經發局根本不注重屋頂型的太陽能光電，而屋頂型的高成本也讓業者望之卻步。
針對種種問題，旺詮整理專案報告的內容，提出幾項建議。他認為巿府推動再生能源時，應著重屋頂型太陽能光電設置，強化政策導引誘因與措施。如違章建築的屋頂申請光電的相關程序也該設置與宣導。此外，漁、農電共生應成立跨局處審核小組嚴格把關審慎評估，就環境衝擊、社會影響、公民參與與資訊公開三面向進行全面檢核，並加強與地方的溝通，說明會必須在開會前一個月通知，並附上相關說明文件。不只考量地方民眾與民意代表，也應與環保團體、自救會等關心議題的民間團體取得全面共識，才能進場施工。而在設置屋頂型太陽能光電的補助方面也提高至3千萬元。當然，考量到現在水情吃緊的情況下，各項規劃也該酌情調整，盡早完善能源政策。
除了政策面向，環境問題也該被重視，旺詮指出，如何降低熱島效應，人人有責，須更增加緑化面積，所以不可再侵用農地魚塭水湖等，降低水泥建築溫室效應，這也是推動屋頂型太陽能發電的主因之一。
最後呼籲，無論是農地或魚塭，太陽能板長年曝曬在風沙之中，清潔不易，所以未來也應編制稽查小組，地毯式主動稽查位於漁塭及農地上的光電區，是否有偷用清潔劑清洗面版的行為。經發局長陳凱凌允諾，將與環保局合作，執行相關的聯合稽查。旺詮強調，唯有杜絕環境汙染，才不會辜負綠電的美意。

【足本PRO版】錄影日期2019年6月24日(星期一)下午1時

《博收購系列 (1 of 4) - 收購舖/樓重建，條數點計?》- 收購計算基本知識。

個案地址: 土瓜灣馬頭圍道101號，大家姐海天堂龜苓膏舖，實用538呎，租$28000，61年樓齡，叫價3500萬


買舖 要買得 PRO，就要自己識計數， 尤其是係博重建嘅舖或者樓。買舖博收購就好似去婚姻介所識女仔咁，個個女仔個agent 都話好生養，等收購，但係唔係真係個個都咁生得， 抑或好似舖咁， 等到幾十歲都冇人吼， 搞到日久失修， 一嚟就好似迫婚咁強拍收場呢?

香港超過50年樓齡嘅樓有超過6000幢，唔拆的話，平均每年再多600幢。我後面係其中一個。呢間土瓜灣馬頭圍道101號嘅海天堂大家姐涼茶舖， 樓齡61年，個個agent 都吹水話可以博收購。前排放盤3500萬，減下減下，依家話收實2650萬，連釐印及手續費，成本要2915萬。我都唸過去馬，博一博，出價到2400萬， 但最後我哋都懸崖勒馬，唔加多250萬，點解?

簡單答案就係 Senario 1 單一number 重建唔值錢、Senario 2 兩個number 都唔值錢、Senario 3 四個 number 重建博到都只係袋3230萬。

我都係個測量師，今次我就一連四集，同你解釋下 (1) 舖同樓收購基本知識，同第2、3、4收購個案 senario 1, 2, 3條數點計。

希望那明白，我無心得罪任何人，百貨百客， 但我真係好想攞個真實例子同大家講下點分析收購盤。

我哋嚟緊8月份會推出我哋籌備咗大半年嘅「旗艦」嘅《盛滙商舖增值基金》， 專買有潛質嘅街舖增值，包括埋我哋呢幾個月為呢個基金買入咗嘅7間街舖。This is it, 無其他基金啦。投資金額三百萬港幣起，投資800萬及2500萬以上有 discount， 第一輪集資8000萬港幣，額滿即止，先到先得，有興趣可以聯絡我或同事們。 當中四分一嘅資金，我哋會投資喺有重建潛力嘅舖，博收購。

我後呢間馬頭圍道101號大家姐嘅舖，舖內實用面積538呎，連入則天井151呎，租金28000。單一呢間舖，地盤面積為895呎，係一幢七層高的商住樓，1958年落成，間舖就佔不可分割業權份數嘅7分之1，地區就規劃為住宅(甲類)嘅地盤， 高度限制100米， 地積比率住宅為7.5倍， 加埋商業元素就最多可以起到9倍，記住同其他大部份樓一樣，只可以最底三層做商業用途。

呢個地盤， 單獨咁睇就係單面向街，即係 Class A Site。街(Street)嘅定義，就係起碼要有4.5米闊。 唔夠嘅話，就只係一條巷仔 (Service Lane)，但都起碼要有三米闊。如果係Class A Site, 做住宅嘅覆蓋率(Site coverage ratio) 就多67%，越高，覆蓋率就慢慢減至33%。 地積比率 (Plot ratio) 就按建築物高度，由最低嘅3.3倍，起得越高，就升至最高嘅8倍。

如果係非住宅 (non domestic)，覆蓋率(Site coverage ratio) 頭15米去到100%，越高，覆蓋率就慢慢減至60%。 地積比率 (Plot ratio) 就ABC site 都無分別，按建築物高度，由最低嘅5倍，起得越高，就升至最高嘅15倍。

一般嚟講，如果乜都得，就盡量起非住宅，即係 office/酒店咁，因為同一地盤，免補地價，樓面可以起多一半。但因為呢個 site 係規劃咗為 Residential A 住宅(甲類)， 只可以頭三層係商業，其他都一般係住宅。

要同呢間舖從收購角度做估值，就先要明白收購都係三個原因。

市建局來收購， 佢就按間舖市值嘅110%(如果出租)或者135%(如果自用)來俾錢業主收購。 何是市值， 唔係睇同區七年樓齡喎， 因為樓越舊越唔值錢，但係舖越舊反而越值錢。 而佢係搵兩個測量師做估值，以價高者為準。 當然業主通常都會搵個「醒目」測量師，估值更加高，同佢拗啦。

好似我榮光街呢道，全部畀市建局收緊。(2) 第二個原因，就係私人發展商來收購。收幾錢? 真係唔識答你! 有時可以「市價」，有時可以「天價」，仲唔想賣? 分分鐘變成「賤價」，有時佢可以玩死你。 半夜打嚟唔出聲， 走廊電線被切斷， 樓梯通道被淋糞便，甚至發生小火災等。 呢啲我諗大家報紙都見過， 我唔知堅定流， 總之傳媒就見唔少啦。

(3) 最後一個原因，就係強拍。 買得舖博收購，硬係要作最壞打算。 萬一發展商收收收收曬上面啲樓， 收足八成，申請間舖去強拍，咁你可以袋到幾錢呢? 強拍條數又點計呢?

咁你就先要知道乜嘢叫做 EUV (Existing Use Value 現用價值) , GDV (Gross Development Value 總發展價值) 同埋 RDV (Redevelopment Value 重建價值) 。

以我後面呢個馬頭圍道101號舖為例 (1) Existing Use Value 現用價值就係按呢個建築物現有用途作估值，即係個地舖，連閣樓，加12345樓嘅大廈。以呢個物業在空置交吉的情況下作根據，同埋並無顧及呢道嘅重新發展潛力。 依家啲單位喺市場道成交緊幾錢，就係幾錢，用comparison method 市場比較法。 大廈有乜嘢重建潛力都唔關EUV事。

市場嘅話，地舖就賣緊每呎$45,000，即係值$24,840,000，樓上就賣緊每呎$10,000，6個單位加起來就值3650萬，全幢大廈就值$61,340,000 嘅 Existing Use Value.

(2) Gross Development Value 總發展價值 就係睇個物業重建後，總售價係幾多。 例如重建後係合共提供5000呎樓面，每呎賣$20,000，咁總發展價值就係1億元

(3) Redevelopment Value 重建價值就係以上嘅 Gross Development Value 減去拆樓，發展成本及發展商預期利潤(一般為樓價嘅15%), 剩餘嘅就係塊地值幾錢。 你要記住喎，發展商嚟收購你間舖，佢目的唔係要你間舖，係要塊地。 要先拆咗間舖，先有塊地。佢願意畀你嘅錢，就係塊地嘅錢。

要計RDV的話, 再睇睇後面呢間舖。有三種方法發展個地舖(Senario 1) 單一number 重建, (Senario 2) 連埋則邊相連舖重建，兩個 number, (Senario 3) 連埋再過的兩間舖，4個number一齊發展，但條數點計呢? 先去片:

租鋪睇今日，買鋪睇前景，重建就係前景之一。 般若波羅蜜都要知去邊道。咁Senario 1 單一number 重建地盤條數點計? 第二集同你講。

Summary: 

《博收購系列 (1 of 4) - 收購舖/樓重建，條數點計?》- 收購計算基本知識

個案地址: 土瓜灣馬頭圍道101號，大家姐海天堂龜苓膏舖，叫價3500萬

三大原因收購:
(1) 市區重建局
110%(出租)或135%(自用)
兩位測量師估值，以較高者為準

(2) 私人發展商
市價、天價、賤價

(3) 強制拍賣
EUV (Existing Use Value 現用價值)
GDV (Gross Development Value 總發展價值)
RDV (Redevelopment Value 重建價值)

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

購買李根興的「買舖 要買得 PRO」書，請付款$198，透過以下渠道:
(1) PayMe at 9745 3555
或
(2) 永隆銀行戶口
020-644-0000-3123
(Bridgeway Development Company Limited)

付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!

#香港有史以來最詳盡的收購計算影片，#收購舖和樓如何計數，#舖樓收購基本知識

《十大重建消失的舖》
今次走勻全港十區同你介紹「十大重建而消失的商舖」。不是按規模大小，而是十大特別有意義的項目。 因為重建，有幾多間舖消失了? 香港人均零售樓面又有幾多呢? 對未來有什麼啟示?

Answer in video: 

全文: 
...................

東涌，青衣，將軍澳，馬鞍山，西九，啟德除咗都係新發展嘅地區同埋有個共通點，無舖賣。 舖同樓唔同。 樓會越來越多，但舖(我講緊街舖， 尤其是市區嗰啲 )則只會越嚟越少。 可以買賣的更加少。 點解? Now I tell you why! 

第10: 我後面原本係著名嘅灣仔喜帖街，即係利東街。 由於市建局2003啟動重建，利東街/麥加力歌街一帶佔地八萬九千平方呎， 2010年2月起利東街永遠封閉。 150間街舖從此消失， 變成咗我後面呢個囍滙商住混合項目嘅項目。 而家信置同埋合和揸住曬，咁仲有冇鋪賣，zero!  

第9: 經皇后大道東走向金鐘方向幾步，近PP3嘅保華大廈、安頓街、蘭杜街一帶嘅舊樓， 佔地一萬二千八百平方呎，太古於2017年底就以20.55億強拍買入，其中一間400呎嘅舖之前仲升咗2393倍，先以1.41億被收購。可惜呢度30間街舖亦將會消失。可能變成另一個PP4, 一個發展商揸住曬，無舖賣! 

第8:  最近好hit嘅topic， 梗係新世界喺北角英皇道嘅皇都戲院項目啦。 皇都戲院係1952年落成， 佔地三萬五千平方呎，當年為戲院、商場同埋住宅嘅大型綜合建築項目。 戲院係1997年結業， 而家部分改為桌球會。 新世界收下收下收下， 收到八九成業權啦，就係2018年10月正式向土地審裁處申請強拍。 之前我都逐一逐一報道過， 唔少舖都高於市值5至8成賣咗， 擺到明就係被收購。 強拍重建落實後，80間舖從此消失。 又係一個發展商揸住曬，唔賣! 

第7: 又係太古， 不過今次拍埋恒基。 喺太古王國旁邊，鰂魚涌呢道嘅濱海街16至94號連同英皇道983至987A號， 連埋瑞士樓呢一列嘅十多幢舊樓， 成條街長300米，佔地四萬四千呎， 2018年11月啱啱申請強拍， 估值26.6億。 重建後，太古梗係唔會賣啲鋪啦，40間舖從此又唔見晒。

第6: 返番中環半山卑利街/嘉咸街一帶， 由中環中心行上嚟些小， 佔地約五萬六千呎，而家工程進行得如火如荼。 市建局把地盤分成ABC三個，先後分別同信置(A)，長實(B)，永泰同資本策略(C)合作發展， 2007年啟動，預期2022年全部落成， 到時呢道有冇舖賣? 唔知，但係可能都係零。近100間舖可能又從此消失。

第5: 今次梗係要過下海啦， 因為大部分重建都喺九龍區。 淨係睇市建局啟動過嘅75個重建項目， 57個都係九龍。 新界(除咗荃灣嗰兩個楊屋道及萬景峯嘅項目以外)基本上係無重建嘅。 

先嚟旺角買返對波鞋先， 波鞋就越嚟越多 , 不過可以賣買嘅舖又少咗38間。 點解? 因為市建局2007年開始，就收咗波鞋街呢度一楂嘅舖， 佔地三萬六千平方呎，同新世界起成咗呢K28嘅商住項目， 同K11一樣，啲舖梗係唔賣啦， 大家又要行商場啦。

第4: 男士們，以前多唔多嚟尖沙咀金巴利道嘅香檳大廈呢? 我都係聽人講㗎咋， 呢度曾經係一樓一鳳，色情事業嘅聚集地。 佔地二萬六千呎，香檳大廈於1957年落成， 雖然只得八層高，曾經係半島酒店之後，當時九龍最高嘅建築物。 亦曾經係香港著名相機同攝影器材嘅集中地， 80年起開始沒落， 90年代多個單位被劏成為一樓一鳳， 曾經盛極一時叫做香港「性」地。 

由於樓齡過咗50年，近年不斷傳出財團收購嘅消息。 好似2018年1月時， 恆基就向霍英東家族買咗地下同LG層合共十個舖位，作價1.15億。 之後上個月(2018年10月)恒基再用多1.25億買入多十間舖，我之前都有報導過(第998-999成交)。 雖然依家應該仲未收齊八成業權門檻申請強拍， 相信收下收下距離收齊唔遠。 重建之後， 啲舖肯定好似對恒基自己對面美麗華廣場咁唔會再賣散，到時尖沙咀又無咗90間可以買賣嘅舖啦。

第3: 嫌香檳同波鞋個項目細? 整個大啲畀你睇睇。 我而家企咗喺土瓜灣， 庇利街/榮光街/啟明街/鴻福街/銀漢街一帶， 可能你呢世仔都未來過， 但再唔嚟, 呢度嘅大約二百間舖就好快冇晒啦。 呢度每間舖市建局收緊大約千二至千八萬。

土瓜灣真係好多重建，淨係呢幾條街，市區重建局就落實咗七個重建項目， 睇住我地圖框住呢七個， 合共佔地二十三萬九千平方呎。 預計呢七個項目喺未來十年相繼落成，到時有冇舖賣? 我唔知。我只知道肯定唔少變成商場， 大發展商自己揸住曬。 即使有商場內嘅細舖劏出來，大家記住千祈唔好貪平買。 地舖頂多輸一兩成，劏舖分分輸剩你一兩成。 

第2: 未來嘅消費，我相信唔止係南向北移，而且係東向西走。 因為港珠澳大橋，高鐵通車同埋西隧減價都係西邊，東邊反而只係本土消費多啲。 講重建消失嘅舖，梗係要講下九龍西啦。 

呢度係大角咀，好吖。 重建一流呀， 如果唔係市建局都唔會喺度落實咗十個重建項目。 未計已經落成嘅洋松街新鴻基形品▪星寓，必發街華人置業嘅 i-Home, 櫻桃街南豐嘅海桃灣， 埃華街信置嘅 Park Ivy， 其他仲起緊嘅六個地盤就係呢度，六個地盤合共佔地六萬四千平方呎，重建後又有約70間地舖將會唔見啦。 

呢楂舖唔夠多? 最勁嘅應該係恒基係大角咀道以西，近奧海城嗰邊嘅利得街、福澤街、 嘉善街、角祥街一帶嘅利奧坊重建項目，分為五期發展，合共約佔地超過11萬平方呎。 

未起前有大約80間地舖係利奧坊呢道，起好後? 又變成好似係我後面呢個商場咁啦，一個發展商揸住曬，無舖賣。 連同之前市建局起緊嗰六個地盤嘅七十間舖， 大角咀又將會對一百五十間舖講拜拜啦。

第1: 梗係要講我由細浦到大嘅觀塘裕民坊啦。 呢個係市建局同埋香港有史以來最大型嘅市區重建項目。 主地盤及月華街地盤合共佔地57萬平方呎， 係我上面講嗰九個地盤嘅總和， 牽涉超過1600個業權，三千個居民，同520間舖。 

呢個項目早於1998年已經由前土地發展公司公佈 ， 2007年市建局起正式啟動， 分五期落成， 當中會有住宅，office, shopping mall, 酒店, 政府辦公室，社區中心，公園， 交通交匯處等綜合設施 。預期2026年完工。 前後預期要搞近30年。頭三期係由信置同埋華人置業發展緊。 咁大個項目，起好之後肯定好似APM咁，又係冇舖賣。 嗰五百幾間舖從此又消失。

根據政府統計處及差餉物業估價署數字，香港依家大約有280萬個住宅單位。 零售方面，總面積有1.2億平方呎， 除以740萬個香港人，即每個香港人有16呎嘅零售空間。每年新落成就大約有120萬平方呎嘅新零售樓面。 但記住喎，呢啲絕大部分都係商場、樓上舖及銀座式商廈。 喺條街嘅地舖係無新供應之餘，仲不斷地減少緊。 我重複，係無新供應之餘，不斷地減少。

粗略估計香港大約有十萬間街舖， 由於收購重建，可以買賣嘅街舖不斷地減少緊，淨係上面嗰十大個案就已經冇咗千四間舖。 市建局只佔市區重建少數，我估計佢哋咁多年嚟就收咗大約二千間舖。私人發展商仲多，大約萬幾間啦。 

買鋪無非等收租，等加租，等升值，博重建。經濟理論101教我， 如果一樣商品只會減少，沒有新供應，而永遠有基本需求的話，唔怕買，長遠必升。 除非啲人開始識飛天，我就怕。因此我咁多年嚟都鐘情於街舖， 去證監會攞正牌成立埋香港首間商舖基金，2009年至今買賣接近一百間單舖， 算有些少成績。你.... 又會唔會想買呢? 

第10: 灣仔喜帖街(利東街) - 150舖
第9: 皇后大道東保華大廈、安頓街、蘭杜街 - 30舖
第8:  北角英皇道皇都戲院項目 - 80舖
第7: 鰂魚涌濱海街/英皇道瑞士樓 - 40舖
第6: 中環卑利街/嘉咸街 - 100舖
第5: 旺角波鞋街 - 38舖
第4: 尖沙咀金巴利道嘅香檳大廈 - 90舖
第3: 土瓜灣庇利/榮光/啟明/鴻福/銀漢街 - 200舖
第2: 大角咀市建局及恒基利奧坊 - 150舖
第1: 觀塘裕民坊及月華街 - 520舖

合共消失1398舖